દક્ષિણ ભારતના સુપરસ્ટાર ધનુષના અતિ લોકપ્રિય ગીત કોલાવેરી દીએ યુ ટ્યુબ પર પાંચ કરોડ હિટ્સનો આંક વટાવી દીધો છે. સોમવારની બપોર સુધી યુટ્યુબ પર આ ગીતના 50,086,633 હિટ્સ નોંધાયા હતા.
એકદમ ગમી જાય એવી ધૂન અને બે ભાષામાં લખાયેલા ગીતને ઇન્ટરને પર લોંચ કરવામાં આવ્યું કે તરત જ એને ઘેલછા ઊભી કરી હતી અને એક જ દિવસમાં એના દશ લાખ જેટલા હિટ્સ નોંધાઇ ગયા હતા. સુપરસ્ટાર રજનીકાન્તના જમાઇ ધનુષે આ ગીતના શબ્દો અંગ્રેજી અને તામીલમાં લખ્યા છે. ગીત તેણે જ ગાયું છે.
આ ગીતની સંગીતરચના 21 વર્ષના અનિરુદ્ધ રવિચન્દરે કરી છે. ગીત ધનુષની આગામી ફિલ્મનો એક હિસ્સો છે. એ ફિલ્મનું દિગ્દર્શન રજનીકાન્તની પુત્રી ઐશ્વર્યાએ કર્યું છે. કોલાવેરી દી નો અર્થ કાતિલ ઘેલછા થાય છે.
