પેરિસ – અહીં વરસાદના વિઘ્નોને લીધે મેરેથોન બનેલી મેન્સ સિંગલ્સ ફાઈનલ મેચમાં અંતે વિજેતા બન્યો છે ફેવરિટ રાફેલ નડાલ. સ્પેનના આ ધરખમ ટેનિસસ્ટારે સર્બિયાના નોવાક યોકોવીચને ૬-૪, ૬-૩, ૨-૬, ૭-૫ થી પરાજય આપ્યો છે.
નડાલે ફ્રેન્ચ ઓપનમાં ૮મી વાર રમીને આ સાતમી વખત ટ્રોફી જીતી છે. આ મેચ રવિવારે વરસાદને કારણે અપૂર્ણ રહી હતી અને આજે પૂરી થઈ શકી છે.
આજની જીત સાથે નડાલે સ્વીડનના બ્યોન બોર્ગનો રેકોર્ડ તોડ્યો છે જેણે પોતાની કારકિર્દીમાં ૬ વખત ફ્રેન્ચ ઓપન વિજેતાપદ જીત્યું હતું.
