સોમવારે ડોલરના મુકાબલે રૂપિયો ૫૫.૧૧નો બંધ રહ્યો હતો. મંગળવારે સવારે મજબૂતી સાથે ૫૪.૯૭નો ખૂલ્યો હતો, પણ દિવસના ટ્રેડિંગ દરમિયાન એ તૂટતો ગયો હતો.

નિષ્ણાતોનું કહેવું છે કે યૂરો અને યેન નબળા પડતાં તેની અસર રૂપિયા પર પડી છે. નિકાસકારો તરફથી રૂપિયાની ડીમાન્ડ ઘટી છે.

આઈગેટ કંપનીનું કહેવું છે કે, ફણીશ મૂર્તિ વિરૂદ્ધ જાતીય શોષણની તપાસ ચાલી રહી છે માટે તેમને નિકાળવામાં આવ્યા છે. મૂર્તિ વિરૂદ્ધ તેમની એક જૂનિયર કર્મચારીએ જાતીય સતામણીનો આરોપ લગાવ્યો છે. ફણીશને આઈટી ઈન્ડસ્ટ્રીઝમાં ખુબ જ ચતુર અને મહેનતુ સીઈઓ માનવામાં આવે છે.

આ અંગે ફણીશ મૂર્તિનું કહેવું છે કે, તેમનાં વિરૂદ્ધ લગાવાયેલા આરોપ જુઠ્ઠા છે. આ પહેલા પણ મૂર્તિએ ૨૦૦૨માં જાતીય સતામણીનાં આરોપસર ઈન્ફોસિસની નોકરી છોડવી પડી હતી.

આ ઘટાડો નોંધાવા પાછળનું કારણ રોકાણકારોનું ગોલ્ડમાં રોકાણ કરવાનો મોહભંગ છે. જેના કારણે તેઓ ઝડપથી તેને બજારમાં વહેચી રહ્યાં છે. સોમવારે ભારતીય બજારમાં સોનાની કિંમતોમાં ઘટાડો નોઁધાયો અને સોનાની કિંમત હવે માર્ચ ૨૦૦૯ની કિંમતની નજીક પહોંચી ગઈ છે.

બજારનાં નિષ્ણાંતોનું માનવું છે કે સોનાની કિંમતોમાં હજુ પણ ઘટાડો નોંધાઈ શકે છે. નિષ્ણાંતો કહે છે કે, સોનાનો ૨૫,૪૦૦નો ભાવ સાપ્તાહિક ક્લોઝિંગનાં આધાર પર છે. જો આ જ વલણ રહ્યું તો સોનામાં વધુ ઘટાડો થશે અને તે ૨૪,૬૦૦થી ૨૩,૫૦૦ સુધી પહોંચી શકે છે.

ઈન્ફોસિસ પહેલેથી જ ૨૦૦૫માં શરૂ થનારા નાણાકીય વર્ષ માટે અંદાજે ૧૧૭૫ કરોડની વધારાનાં આવક કરની માંગ વિરૂદ્ધ લડી રહ્યું છે. ઈન્ફોસિસે યુએસ સિક્યોરિટીઝ એન્ડ એક્સચેન્જ કમિશન (એસઈસી)ને આ અઠવાડિયે મોકલેલી સૂચનામાં કહ્યું છે કે, કંપનીને આવકવેરા વિભાગ તરફથી ૨૦૦૮-૦૯ માટે નવા વાર્ષિક કર સંબંધી આદેશ મળ્યો છે. આ કર સંબંધમમાં ૧૦.૬ કરોડ ડૉલરની માંગ કરાઈ છે.

આ તરફ ઈન્ફોસિસનાં પ્રવક્તાએ કહ્યું, “અમને વાર્ષિક વર્ષ ૨૦૦૯-૧૦ માટે કર સંબંધી આદેશ મળ્યો છે જેમાં ૫૭૭ કરોડનાં કરની માંગ કરાઈ છે.”

વર્લ્ડ બેન્કના સિનિયર વાઈસ-પ્રેસિડન્ટ અને ચીફ ઈકોનોમિસ્ટ કૌશિક બસુનું કહેવું છે કે, ભારત અને ચીન વર્ષ ૨૦૩૦ સુધીમાં વિશ્વમાં સૌથી મોટા ઈન્વેસ્ટર દેશ બને એવી ધારણા છે. ૨૦૩૦માં વૈશ્વિક કુલ મૂડીરોકાણમાં આ બંને દેશનો મળીને હિસ્સો ૩૮ ટકા હશે અને તેનાથી દુનિયાના અર્થતંત્રમાં મોટું પરિવર્તન આવશે.

વર્લ્ડ બેન્કના ગ્લોબલ ડેવેલપમેન્ટ હોરાઈઝન્સ રિપોર્ટમાં જણાવ્યા મુજબ, વર્ષ ૨૦૩૦ સુધીમાં જાગતિક સ્તરે કુલ મૂડી ૧૫૮ ટ્રિલિયન ડોલર હશે. તે વખતે ફોકસ વિકાસશીલ દેશો રહેશે. આ મૂડીનો સૌથી મોટો હિસ્સો પૂર્વ એશિયા અને લેટિન અમેરિકાના દેશોને મળશે.

ફાર્માસ્યૂટિકલ્સ વિભાગની વેબસાઈટ પર જણાવ્યાનુસાર, સરકારે ૧૫ મેથી અમલમાં આવે એ રીતે ડ્રગ પ્રાઈસીસ કન્ટ્રોલ ઓર્ડર (ડીપીસીઓ), 2013ને નોટિફાય કર્યો છે. આ નવો ઓર્ડર ૩૪૮ આવશ્યક દવાઓની કિંમતોનું નિયમન કરવાની નેશનલ ફાર્માસ્યૂટિકલ પ્રાઈસિંગ પોલિસી-2012ને સત્તા આપશે.

નેશનલ ફાર્માસ્યૂટિકલ પ્રાઈસિંગ પોલિસી-2012ને કેન્દ્રીય કેબિનેટે ૨૦૧૨ની ૨૨ નવેંબરે મંજૂરી આપી હતી. બાદમાં, ૨૦૧૨ની સાત ડિસેંબરે સરકારે તેને નોટિફાય કર્યો હતો.

પેનાસોનિક તેની ભારતમાંની યોજના વિશે અત્યંત મહત્વાકાંક્ષી અભિગમ અપનાવ્યો છે. તેને વિશ્વાસ છે કે તે ભારતની બજારમાં પહેલા જ વર્ષમાં ૮ ટકાનો હિસ્સો હાંસલ કરી શકશે.

પેનાસોનિક P51માં પાંચ ઈંચનો સ્ક્રીન છે જેનું રીઝોલ્યૂશન 1280×720 પિક્સેલ્સનું છે. ફોન ક્વાડ-કો 1.2 ગિગાહર્ટ્સ પ્રોસેસરથી સંચાલિત છે અને એન્ડ્રોઈડ 4.2 જેલી બીન ઓપરેટિંગ સિસ્ટમ પર કામ કરે છે. આમાં મેગ્નેટિક ફ્લિપ-કવર સ્ટાઈલસ પણ છે.

વાઈ-ફાઈ એનેબલ્ડ આ સ્માર્ટફોનમાં 8 મેગાપિક્સેલ રીયર કેમેરા છે. સાથે ફ્લેશ અને 1.3 મેગાપિક્સેલ 720 ફ્રન્ટ કેમેરા છે. આમાં 1 GB RAM છે અને 4 GB ઈન્ટરનલ સ્ટોરેજ છે.

બીએસઈનો બેન્ચમાર્ક ઈન્ડેક્સ અઢી ટકા અથવા ૪૯૧ પોઈન્ટ વધીને ૨૦,૨૧૨.૯૬ પોઈન્ટનો બંધ રહ્યો જ્યારે રાષ્ટ્રીય સ્તરનો ૫૦-શેરનો નિફ્ટી ૨.૫૨ ટકા અથવા ૧૫૧ પોઈન્ટ વધીને ૬૧૪૭નો બંધ રહ્યો.

સેન્સેક્સે ૨૦૧૧ની પાંચમી જાન્યુઆરી પછી આટલા ઉંચા સ્તરે ગયો છે.

બુધવારે ઈન્ટ્રા-ડે સોદાઓ દરમિયાન બીએસઈના ૩૦-શેરના સેન્સેક્સે ૫૦૪.૧૮ પોઈન્ટનો કૂદકો લગાવ્યો હતો. સેન્સેક્સ ૨૧,૨૦૬.૭૭ની રેકોર્ડ સપાટીથી માત્ર ૯૯૩.૮ પોઈન્ટ દૂર છે. આ આંકને તેણે ૨૦૦૮ની ૮ જાન્યુઆરીએ સ્પર્શ કર્યો હતો.

એમ્પલોઈઝ પ્રોવિડન્ટ ફન્ડ ઓર્ગેનાઈઝેશન (ઈપીએફઓ)ના સેન્ટ્રલ પ્રોવિડન્ટ ફન્ડ કમિશનર અનિલ સ્વરૂપનું કહેવું છે કે નાણાં મંત્રાલયે વર્ષ ૨૦૧૨-૧૩ માટે ૮.૫ ટકા વ્યાજના દરને મંજૂરી આપી છે. આ અમલ તાત્કાલિક રીતે અમલમાં આવશે.

નોટિફિકેશનમાં જણાવાયું છે કે સરકારે મંજૂરી આપી દેતાં ઈપીએફઓ ૮.૫ ટકાના દરે ક્લેમ સેટલ કરશે અને રકમ ધારકોના ખાતામાં જમા કરી દેશે.

ઈપીએફઓની સર્વોચ્ચ નિર્ણયાત્મક સમિતિ, સેન્ટ્રલ બોર્ડ ઓફ ટ્રસ્ટી (સીબીટી)એ ગઈ ૨૫ ફેબ્રુઆરીએ વર્ષ ૨૦૧૨-૧૩ માટે ધારકોને ચૂકવાતા વ્યાજનો દર વધારીને ૮.૫ ટકા કરવાનો નિર્ણય લીધો હતો.

આરબીઆઈના ખાનગી અહેવાલમાં એ વાતને સમર્થન આપવામાં આવ્યું છે કે ઉક્ત બેન્કોએ નિયમોનો ભંગ કર્યો છે. આ બેન્કોના કર્મચારીઓ નાણાંકીય ગેરરીતિમાં સંડોવાયા હોવાના વિડિયોટેપના ટેકાવાળા કોબ્રાપોસ્ટના આરોપોમાં આરબીઆઈએ તપાસ હાથ ધરી છે.

બેન્કોને ગયા બુધવારે કારણદર્શક નોટિસો મોકલવામાં આવી છે. તેમાં આરબીઆઈએ ત્રણેયને કહ્યું છે કે તેમની સામે કોઈ પગલું કેમ ભરવું ન જોઈએ અને શા માટે પેનલ્ટી લાદવી ન જોઈએ એ વિશે તેઓ ખુલાસો કરે.

એરપોર્ટ ઓપરેટર (એએઆઈ)એ કિંગફિશર એયરલાઈન્સ વિરુદ્ધ મુંબઈ હાઈકોર્ટમાં ફોજદારી કેસ દાખલ કર્યો છે. એએઆઈનું કહેવું છે કે માલ્યાની એયરલાઈન્સ કંપની પર તેમનાં ૩૦૦ કરોડ રૂપિયા બાકી છે. કિંગફિશરે એએઆઈને આ દેવુ ભરપાઈ કરવા ૧૧૭ કરોડ રૂપિયાનો ચેક આપ્યો હતો, પરંતુ તે ચેક બાઉન્સ થઈ ગયો છે.

એરપોર્ટ ઓથોરિટીનું કહેવું છે કે, તેમણે ૧૮૩ કરોડ વસુલવા માટે કિંગફિશર એયરલાઈન્સ વિરૂદ્ધ સિવિલ કેસ (દીવાની મુકદ્દમો) પણ દાખલ કર્યો છે.

સરકારે કહ્યું છે કે એરલાઈન ચાલુ નાણાકીય વર્ષમાં તેના ખર્ચમાં રૂ. ૨૦૦૦ કરોડ જેટલો ઘટાડો કરશે.

દિલ્હી, મુંબઈ, ચેન્નઈ અને કોઈમ્બતુરમાં એર ઈન્ડિયાની સંપત્તિના વેચાણ કે લીઝ પર આપવાથી રૂ. ૧૦૦૦ કરોડનું અતિરિક્ત ભંડોળ પ્રાપ્ત કરી શકાશે જ્યારે ઓઈલ માર્કેટિંગ કંપનીઓ એર ઈન્ડિયાને રૂ. ૫૦૦ કરોડની રાહત પૂરી પાડશે.

એરલાઈન સ્ટાફ પાછળના ખર્ચમાં કાપ મૂકીને, લોન પરના વ્યાજમાંથી બચત કરીને તથા અન્ય પગલાં વડે રૂ. ૫૦૦ કરોડની અતિરિક્ત આવક મેળવશે.

એરલાઈન ડ્રીમલાઈન વિમાનની તેની પહેલી કમર્શિયલ ફ્લાઈટ બુધવારથી દિલ્હી-કોલકાતા માટેની શરૂ કરશે.

આમાંના ૬ બોઈંગ ૭૮૭ વિમાનોમાંથી બેને મોડીફાય કરવામાં આવ્યા છે. આ બેટરીને લીધે આગના અકસ્માતો થતા હતા એવી ફરિયાદોને પગલે એમાં સુધારા કરવામાં આવ્યા છે.

ટકાવારીની દ્રષ્ટિએ, ૨૦૧૨ના મે મહિનાથી સેન્સેક્સે આ સૌથી મોટું દૈનિક ગાબડું જોયું છે.

વિદેશી સંસ્થાકીય ઈન્વેસ્ટરો નેટ બાયર્સ રહ્યા છે. તેમણે સતત ૧૫ સત્રમાં શેરોમાં ધૂમ ખરીદી કરી છે. તેમણે આ વર્ષમાં અત્યાર સુધીમાં કરેલા કુલ મૂડીરોકાણનો આંક વધીને ૧૨.૭૦ અબજ ડોલર થયો છે.

વેલ્યૂમાર્ટ ગોલ્ડ એન્ડ જ્વેલ્સ દ્વારા એક લાખ સચીન તેંડુલકર ગોલ્ડ કોઈન્સ સચીનની હાજરીમાં બહાર પાડવામાં આવ્યા છે. દરેક સિક્કો ૧૦ ગ્રામ વજનનો છે.

૨૪ કેરટનો પ્રત્યેક ગોલ્ડ કોઈન રૂ. ૩૪,૦૦૦ની કિંમતનો છે. તે વેલ્યૂમાર્ટગોલ્ડ ડોટ કોમ પર તેમજ દેશભરમાં અગ્રગણ્ય જ્વેલરી સ્ટોર્સમાં ઉપલબ્ધ છે.

કંપનીએ તેંડુલકરને આ વર્ષના ફેબ્રુઆરીથી ત્રણ વર્ષ માટે તેના બ્રાન્ડ એમ્બેસેડર તરીકે કરારબદ્ધ કર્યો છે.

સચીને તેના ચહેરાવાળા સોનાના સિક્કાઓનાં લોન્ચ પ્રસંગે આમંત્રિતોને સંબોધિત કરતાં કહ્યું કે, ‘ક્રિકેટના મેદાનમાં તો મારી ઘણી યાદગાર ક્ષણો છે, પરંતુ આજનો આ પ્રસંગ ખરેખર કંઈક અલગ જ છે. સૌથી પહેલાં તો હું આપ સૌને અક્ષય તૃતિયાની શુભેચ્છા આપું છું, કારણ કે હિન્દુ કેલેન્ડરમાં આ દિવસ બહુ મહત્વનો ગણાય છે.’

સચીને એમ પણ કહ્યું કે, મને સોનું ખરીદવું ગમે છે. ગળામાં સુંદર સોનાની ચેન પહેરવી મને બહુ ગમે.

સીપીઆઈ માર્ચમાં ૧૦.૩૯ ટકા હતો અન ફેબ્રુઆરીમાં તે ૧૦.૯૧ ટકા હતો. સેન્ટ્રલ સ્ટેટિસ્ટિક્સ ઓફિસ દ્વારા બહાર પડાયેલ આકંડા પ્રમાણે આ દર એપ્રિલમાં શહેરી વિસ્તારો માટે ૯.૭૩ ટકા રહ્યો, જે માર્ચમાં ૧૦.૩૮ ટકા હતો. ગ્રામીણ ક્ષેત્રો માટે આ દર ૯.૧૬ ટકા રહ્યો, જે માર્ચમાં ૧૦.૩૩ ટકા હતો.

આ ગાળામાં પ્રોટિન આધારીત સામગ્રીઓમાં અનાજ ૧૬.૬૫ ટકા, કઠોળ ૧૦.૯૧ ટકા અને ઈંડા, માછલી અને માંસ ૧૩,૬૬ ટકા મોંઘા થયા છે.

અંબાણીએ દેશના ખાનગી ક્ષેત્રની સૌથી મોટી કંપની આરઆઈએલમાં તેમનો પગાર યથાવત્ રાખ્યો છે, જે નાણાકીય વર્ષ ૨૦૦૮-૦૯માં નક્કી કરાયો હતો.

કંપનીએ ૩૧ માર્ચ, ૨૦૧૩ના રોજ પૂરા થયેલા વર્ષ માટેના તેના વાર્ષિક અહેવાલમાં જણાવ્યું છે કે, ચેરમેન અને મેનેજિંગ ડિરેક્ટર (મુકેશ અંબાણી)નું વેતન રૂ. ૩૮.૯૩ કરોડ રાખવાની શેરહોલ્ડરોએ મંજૂરી આપી હોવા છતાં તેમણે વેતન રૂ. ૧૫ કરોડનું યથાવત્ રાખ્યું છે. વહીવટીય સ્તરે વેતનમાં આધુનિકીકરણ માટે એક અંગત દ્રષ્ટાંત સ્થાપિત કરવાની તેમની ઈચ્છાનું આ પ્રતિબિંબ દર્શાવે છે.

અંબાણી વીતી ગયેલા નાણાકીય વર્ષમાં રૂ. ૩૮.૯૩ કરોડનું વેતન મેળવવાને હકદાર હતા, જે તેમને ચૂકવાયેલા પગાર કરતાં રૂ. ૨૩.૯૩ કરોડ વધારે છે.

અંબાણીએ તેના આગલા વર્ષ ૨૦૧૧-૧૨માં પણ રૂ. ૨૩.૯૩ કરોડનું વેતન જતું કર્યું હતું.

તેમના વેતનમાં રૂ. ૪.૧૬ કરોડ બેઝિક પગાર, રૂ. ૬૦ લાખ અન્ય લાભો તથા ભથ્થાંઓ, રૂ. ૮૯ લાખ રીટાયરલ બેનિફીટ્સ અને રૂ. ૯.૩૫ કરોડ કમિશનના રૂપમાં નક્કી કરાયું છે.

અંબાણીના પગારને રૂ. ૧૫ કરોડ સુધી સીમિત રાખવાનો નિર્ણય છેક ૨૦૦૯માં લેવાયો હતો. ૨૦૦૭-૦૮માં તેમનું વેતન રૂ. ૪૪ કરોડ હતું અને તે દેશમાં સૌથી ઉંચો પગાર લેતા એક્ઝિક્યૂટિવ હતા.

આરઆઈએલમાં, મહત્વના મેનેજરિયલ એક્ઝિક્યૂટિવ્સને વેતનના રૂપમાં કરાતી કુલ ચુકવણીનો આંક વર્ષ ૨૦૧૨-૧૩ દરમિયાન રૂ. ૪૪ કરોડનો યથાવત્ રહ્યો છે.

નિખીલ મેસ્વાની અને હિતલ મેસ્વાનીને બંનેને રૂ. ૧૧-૧૧ કરોડ ચૂકવાયા હતા, તો પી.એમ.એસ. પ્રસાદને રૂ. પાંચ કરોડ અને પી.કે. કપિલને રૂ. બે કરોડનું વેતન ચૂકવાયું હતું.

કંપનીએ ૭૫ મેનેજમેન્ટ ગ્રેજ્યુએટ્સ અને ૪૩૬ ગ્રેજ્યુએટ એન્જિનિયરોને રોક્યા હતા.

આ વધારો કેન્દ્રીય પ્રધાનમંડળે સૂચવેલા માસિક ભાવ કરતાં ડબલ છે અને ગયા જાન્યુઆરી બાદ ચોથો છે. તે વખતે સરકારે નક્કી કરેલું કે ડિઝલના ભાવમાં દર મહિને લીટરે ૪૦-૫૦ પૈસાનો વધારો કરવો.

રૂ. ૧નો આ વધારો જોકે બે મહિના માટેનો છે, કારણ કે કંપનીઓએ રાજકીય કારણોસર ગયા મહિને ડિઝલના ભાવમાં ૫૦ પૈસાનો વધારો કર્યો નહોતો.

બીજી બાજુ, નેશનલ સ્ટોક એક્સચેન્જનો નિફ્ટી ચાલુ વર્ષમાં તેના સર્વોચ્ચ સ્તરે પહોંચીને બંધ રહ્યો હતો. સેન્સેક્સે ૧૪૩.૫૮ પોઈન્ટનો ઉછાળો જોયો તો નિફ્ટી ૪૪.૬૦ પોઈન્ટ વધીને ૬૦૯૪.૭૫ના આંકે બંધ રહ્યો.

વિદેશી સંસ્થાકીય મૂડીરોકાણકારોએ મોટા પાયે શેરોની ખરીદી કરતાં સેન્સેક્સ અને નિફ્ટીમાં ઉછાળો જોવા મળ્યો છે.

જેટે આ ભાગીદારી કંપનીની ક્ષમતા વધારવા વહેચી છે. એવિએશન કન્સલટન્ટ સીએપીએ અનુસાર કંપની આવનાર મહિને ફ્રાંસની રાજધાની પેરિસમાં થનારા એયર શૉ દરમિયાન ૧૦૦ નવા વિમાનોનાં ખરીદીની જાહેરાત કરી શકે છે. કંપની ૫૦ બોઈંગ અને ૫૦ એયરબસ ખરીદવાની છે.

જેટ એરવેઝની પાસે હાલમાં ૧૦૦ વિમાન છે. કંપની ૧૦૦ વધુ વિમાનો ખરીદીને ૨૦૦ વિમાન પોતાનાં ખાતામાં નોંધાવશે.

૧૫ કિ.ગ્રા.થી વધારે વજનના સામાન ઉપર રૂ. ૨૫૦નો એડિશનલ ચાર્જ લેવામાં આવશે.

સરકાર સંચાલિત એર ઈન્ડિયાએ ડોમેસ્ટિક સેક્ટર પર ફ્રી બેગેજ એલાવન્સ ૨૦ કિ.ગ્રા.થી ઘટાડી ૧૫ કિ.ગ્રા. કર્યા બાદ હવે જેટ એરવેઝે તેનું અનુસરણ કર્યું છે. એર ઈન્ડિયા આવતા અઠવાડિયાથી અધિક સામાન પર રૂ. ૨૦૦-૨૫૦નો ચાર્જ લેશે.

આરબીઆઈ તરફથી જણાવાયું છે કે તેણે આંતરિક તપાસ પૂરી કરી લીધી છે અને રિપોર્ટ પણ તૈયાર થઈ ગયો છે. ગેરરીતિઓમાં સંડોવણી માટે કસુરવાર ઠરનાર બેન્કો સામે પગલાં લેવામાં આવશે.

કોબ્રાપોસ્ટે એક સ્ટિંગ ઓપરેશન કરીને એવો આરોપ મૂક્યો છે કે સ્ટેટ બેન્ક ઓફ ઈન્ડિયા સહિત જાહેર ક્ષેત્રની અનેક બેન્કો અને નાણાં સંસ્થાઓ મની લોન્ડ્રિંગ પ્રવૃત્તિઓ કરી રહી છે.

સેન્સેક્સે આજે ઈન્ટ્રા-ડે સોદાઓ વખતે ૨૦,૦૦૦ના મનોવૈજ્ઞાનિક લેવલને સ્પર્શ કરી લીધો હતો. આ સ્તરે તે આ વર્ષની ૩૧ જાન્યુઆરી બાદ પહેલી જ વાર પહોંચ્યો છે.

સ્થાનિક બજારોમાં એચડીએફસી નિફ્ટીનો ટોપ ગેનર રહ્યો. તેના શેરમાં લગભગ પાંચ ટકાનો વધારો જોવા મળ્યો હતો. જ્યારે આઈટીસી, લ્યૂપીન, અલ્ટ્રા સિમેન્ટ કંપની, ઈન્ડસઈન્ડ બેન્કના શેરો પણ બેથી ત્રણ ટકા જેટલા ઉછળ્યા.

નરેન્દ્ર મોદીની સરકાર વિવાદ ઉકેલવા એચડીએફસીનાં ચેરમેન દીપક પારેખની મદદ લેવા માંગે છે. સત્યમ કોમ્પ્યૂટર્સનાં કૌભાંડ બાદ પાટા પર લાવવાનો તેમનો મુખ્ય રોલ હતો. પારેખ પાવર સેક્ટર પર બનેલા હેડ પણ રહી ચૂક્યાં છે. તે કમિટી પણ સામેલ છે જેણે મુંદ્રા અને સાસણમાં અલ્ટ્રા મેગા પાવર પ્રોજેક્ટની બોલી ઓપન કરી હતી. મુંદ્રા પ્રોજેક્ટ ટાટા પાવર અને સાસણ પ્રોજેક્ટ રિલાયન્સ પાવરને મળ્યા હતા.

મોદી સરકાર પોતાનાં વ્યવસાયને ફ્રેન્ડલી ઈમેજ બનાવવા માંગે છે, પરંતુ કેટલાક બ્યૂરોક્રેટ્સ સીઈઆરસીનાં આદેશ વિરૂદ્ધ અપેલેટ ઓથોરિટીનની સામે અપીલ કરવા માંગે છે. બીજી બાજુ, અન્ય વર્ગ જૂના ટેરિફની માંગ પર પાવર કંપનીઓે બેંકરપ્ટ કરવાનાં હકમાં નથી.

માઈક્રોસોફ્ટની આ નવી ઓપરેટિંગ સિસ્ટમ ટચ-બેઝ્ડ કમાન્ડ્સ માટે ડિઝાઈન કરવામાં આવી છે. તે છતાં એપલ અને સેમસંગ જેવા ઉત્પાદકોના વર્ચસ્વવાળી ટેબ્લેટ માર્કેટને ઈમ્પ્રેસ કરવામાં તે નિષ્ફળ ગઈ છે.

માઈક્રોસોફ્ટ ટૂંક સમયમાં જ અપડેટેડ વિન્ડોઝ-8 પણ બહાર પાડવાની છે. આ વર્ષના અંત ભાગમાં લોન્ચ કરાનાર આ અપડેટેડ વર્ઝનનું નામ તેણે કામચલાઉ રીતે રાખ્યું છે – વિન્ડોઝ બ્લૂ. આની વિગતો અમુક અઠવાડિયાઓમાં જ બહાર પાડવામાં આવશે.

માઈક્રોસોફ્ટે ગયા વર્ષની ૨૬ ઓક્ટોબરે વિન્ડોઝ-8 લોન્ચ કરી હતી અને તેણે વેચેલા લાઈસન્સનો આંકડો ૧૦ કરોડ પર પહોંચી ગયો છે. પણ વિન્ડોઝ-7 ની જેમ તે આનું વેચાણ જાળવી શકે એવી શક્યતા ઓછી છે. વિન્ડોઝ-7 સિસ્ટમે તેના પહેલા જ વર્ષમાં ૨૪ કરોડ લાઈસન્સ વેચ્યા હતા.

એસબીઆઈના ચેરમેન પ્રતિપ ચૌધરીના જણાવ્યા મુજબ, કિંગફિશર એરલાઈન્સ પાસેથી નાણાં પાછા મેળવવાના પ્રયાસો ચાલુ જ છે. અમે પૂરતી રકમ રીકવર કરી છે. બેન્કોએ પાછી મેળવેલી રકમનો આંક રૂ. ૮૦૦-૧૦૦૦ કરોડ થવા જાય છે.

આ જૂથમાં ૧૭ બેન્કો જોડાઈ છે અને એસબીઆઈએ આગેવાની લીધી છે. આ બેન્કોએ કિંગફિશર એરલાઈન્સ પાસેથી રૂ. ૭૦૦૦ કરોડથી વધારે રકમ લેવાની નીકળે છે. તેની પાસે યુનાઈટેડ સ્પિરીટ્સ જેવી લિસ્ટેડ કંપનીઓના શેર છે, જેનું મૂલ્ય રૂ. ૫૦૦ કરોડ થવા જાય છે. તે ઉપરાંત લેણદારો પાસે સિક્યૂરિટી તરીકે બ્રાન્ડ એમ્બેસેડર પણ છે.

વિજય માલ્યાની માલિકીની એરલાઈન કંપનીમાં એસબીઆઈએ રૂ. ૧૬૦૦ કરોડનું મૂડીરોકાણ કર્યું છે. તે પછીના નંબરે આવે છે, પંજાબ નેશનલ બેન્ક (૮૦૦ કરોડ), આઈડીબીઆઈ (૮૦૦ કરોડ), બેન્ક ઓફ ઈન્ડિયા (૬૫૦ કરોડ), બેન્ક ઓફ બરોડા (૫૫૦ કરોડ).

એસબીઆઈના ચૌધરીએ કહ્યું છે કે અમે લેવાની નીકળતી રકમ વસુલ કરવા કિંગફિશર એરલાઈન્સની બધી મિલકતો વેચી દઈશું. આમાં, કંપનીઓના શેરહોલ્ડિંગ, કંપનીઓની રિયલ એસ્ટેટ્સ, પર્સનલ એસેટ્સ વગેરેનો સમાવેશ થાય છે.

નવી પદ્ધતિ હેઠળ, પેસેન્જરોને ૧૫ કિ.ગ્રા. ફ્રી ચેક-ઈન બેગેજ લઈ જવા દેવામાં આવશે. હાલ આ લિમિટ ૨૦ કિ.ગ્રા.ની છે. તે પછીના પ્રત્યેક એકસ્ટ્રા પાંચ કિ.ગ્રા. વજન માટે પેસેન્જરોએ રૂ. ૨૦૦-૨૫૦ ચૂકવવા પડશે.

સાત કિ.ગ્રા. સુધીના હેન્ડ બેગેજ માટે કોઈ ચાર્જ નહીં લેવયા. આ ફેરફારો માત્ર ડોમેસ્ટિક રૂટ પર જ લાગુ રહેશે.

તેમ છતાં, રીટર્ન ફ્લાય કરતા પેસેન્જરો, જેમને એરલાઈનની ફ્રીક્વન્ટ ફ્લાયર ક્લબના ગણવામાં આવે છે તેમને નવી પદ્ધતિ અમલમાં આવશે તે પછી પણ ૨૦ કિ.ગ્રા. ફ્રી બેગેજ લઈ જવાની પરવાનગી રહેશે.

મર્ચન્ટ બેન્કિંગ સૂત્રોના જણાવ્યા મુજબ, ઝુનઝુનવાલા દંપતીએ ગયા શુક્રવારે ઓપન માર્કેટ સોદાઓ દ્વારા સ્પાઈસજેટમાં હિસ્સો ખરીદ્યો હતો. આ શેર પ્રતિ શેર રૂ. ૩૮.૯૪ના ભાવે ખરીદવામાં આવ્યા હતા. સોદો રૂ. ૯.૭૩ કરોડનો થયો હતો.

તેમ છતાં વેચનારની ઓળખ જાણી શકાઈ નથી.

ગયા વર્ષના જુલાઈમાં ઝુનઝુનવાલાની કંપની રેર એન્ટરપ્રાઈઝીસે રૂ. ૭.૬૯ કરોડમાં સ્પાઈસજેટના ૨૫ લાખ શેર ખરીદ્યા હતા.

સોમવારે સવારના સત્રમાં સ્પાઈસજેટનો શેર ૪૩.૭૫નો બોલાતો હતો.

‘કોબરા પોસ્ટ’નાં અંડરકવર રિપોર્ટર અંદાજે છ મહિના સુધી ઉત્તર પ્રદેશ, રાજસ્થાન, દિલ્હી, હરિયાણા, આંધ્ર પ્રદેશ અને કર્ણાટકમાં તપાસ કરી. પ્રથમ તબક્કામાં ‘કોબરા પોસ્ટ’ દ્વારા કરાયેલા ખુલાસો અંગે કોઈ ખાસ કાર્યવાહી ન કરાતા તેમણે રિઝર્વ બેન્ક અને નાણાકિય વિભાગ તરફ નિશાન તાક્યું. તેમણે કહ્યું કે નાણાં વિભાગ અને બેન્કોએ એ કહેતા ક્લિન ચીટ આપી હતી કે ફક્ત કેવાઈસી નોર્મ્સનું ઉલ્લંઘન થયું હતુ. બેન્કો અને આરબીઆઈનો તર્ક હતો કે સ્ટિંગ ઓપરેશનમાં પૈસાની લેવડ-દેવડ નથી થઈ, માટે હવાલા કારોબાર થયો જ નથી.

‘કોબરા પોસ્ટ’નાં કહ્યાં પ્રમાણે આનાથી અટપટી વાત કોઈ હોઈ ના શકે. તેમનાં પહેલા સ્ટીંગ ઓપરેશનમાં બેન્કોનાં અધિકારી અંડરકવર રિપોર્ટરને કેમારા પર મની લોન્ડ્રિંગમાં સામેલ હોવાની વાત કબૂલી રહ્યાં છે. બેન્ક અને કંપનીઓનાં અધિકારીઓ કેમેરા પર કહી રહ્યાં છે કે તેઓ ભૂતકાળમાં કેટલીય વાર આવું કરી ચુક્યાં છે અને આગળ પણ કરશે. આથી આ આઈપીસી અને પ્રિવેંશન ઑફ મની લોન્ડ્રિંગ એક્ટ અતર્ગત ગુન્હો છે જેમાં કોઈ શંકાને સ્થાન નથી.

વિડીયો જોવા ક્લિક કરો:

http://www.youtube.com/user/Cobrapost2013?v=FyieTnGELtY

માર્જિનલ સ્ટેન્ડિંગ ફેસીલિટી(એમએસએફ) અને બેન્ક રેટ ઘટીને ૮.૨૫ ટકા થઈ ગયો છે. આરબીઆઈ તરફથી મિડ-ક્વાર્ટર પોલીસીની જાહેરાત ૧૭મેએ કરવામાં આવશે.

આરબીઆઈએ બેન્કો માટે હેલ્ડ ટૂ મેચ્યોરિટી(એચટીએમ) બોન્ડની મુદત ઘટાડી છે. હવે એચટીએમ બોન્ડની મર્યાદા ૨૫% ઘટીને ૨૩% થઈ છે. એચટીએમ મર્યાદામાં ઘટાડા માટે અલગ ગાઈડલાઈન જાહેર કરાશે. રેસિડેન્શિયલ પ્રોપર્ટીને આપનાર લોન પર પ્રોવિજનિંગ ઘટાડવામાં આવી છે, જે રિયલ્ટી કંપનીઓ માટે સારા સમાચાર છે.

આરબીઆઈનું કહેવું છે કે મોંઘવારી પર નજર રાખવું હવે જરૂરી છે તેમનું માનવું છે કે, નાણાકીય વર્ષ ૨૦૧૪માં મોંઘવારી દર ૫.૫% રહેવાનું અનુમાન છે.

આરપીએલ રિલાયન્સ ઈન્ડસ્ટ્રીઝ (આરઆઈએલ)ની સહિયોગી કંપની છે. નિયામકે આ કંપનીને ઈન્ડિયન પેટ્રોકેમિકલ્સ કોર્પ લિમિટેડ(આરપીઆઈએલ)નાં શેર્સમાં આંતરિક કારોબાર (ઈનસાઈડર ટ્રેડિંગ) કરવા માટે દોષિ ઠેરવ્યા છે.

આરપીઆઈએલે ૨૦૦૭માં આઈપીસીએલનાં શેર્સમાં સોદા કરતા આંતરિક કારોબારનાં નિયમોને નેવે મુક્યા હતા. ખોટા સોદાઓ દ્વારા અંબાણીની કંપનીએ ૩.૮૨ કરોડ રૂપિયાનો નફો કર્યો હતો. આઈપીસીએલ એક સરકારી કંપની હતી, જેને રિલાયન્સ ઈન્ડસ્ટ્રીઝે ખરીદી હતી. કેટલાક સમય સુધી આ શેર બજારમાં એક અલગ લિસ્ટેડ કંપની બની રહી. પ્રમોટર સમૂહનાં એકમનાં કારણે આરપીઆઈએલને આઈપીસીએલનાં આરઆઈએલમાં વિલયની માહિતી પહેલેથી હતી. જેના આધારે કંપનીએ ૨૨ ફેબ્રુઆરી, ૨૦૦૭થી ૮ માર્ચ, ૨૦૦૮ની વચ્ચે સોદા કર્યા હતા. સેબીની તપાસ દરમિયાન આ માહિતી સામે આવી. તે સમયે મુકેશ આઈપીસીએલનાં ચેરમેન હતા.

બીએસઈનો ૩૦-શેરવાળો સેન્સેક્સ ૨૨૯ પોઈન્ટ અથવા ૧.૧૯ ટકા જેટલો ઉછળીને ૧૯,૭૩૫ પોઈન્ટનો બંધ રહ્યો હતો જ્યારે રાષ્ટ્રીય સ્તરે નેશનલ સ્ટોક એક્સચેન્જનો ૫૦-શેરનો ઈન્ડેક્સ, નિફ્ટી ૬૦૦૨ના આંકને સ્પર્શી ગયા બાદ ૧.૧૭ ટકા અથવા ૭૩ પોઈન્ટ વધીને ૫૯૯૯.૩૫ પોઈન્ટનો બંધ રહ્યો હતો. છેલ્લે ૪ ફેબ્રુઆરીએ નિફ્ટી ૬૦૦૦નો જોવા મળ્યો હતો.

બીએસઈમાં બેન્કેક્સ અને રિયાલ્ટી ઈન્ડેક્સ અનુક્રમે ૧.૧૭ ટકા અને ૧.૪૮ ટકા જેટલા ઉંચકાયા હતા. તો ઓટો ઈન્ડેક્સમાં ૦.૩૫ ટકાનો ઉછાળો જોવા મળ્યો હતો.

સુપ્રીમ કોર્ટે કહ્યું છે કે, વ્યક્તિઓને સુરક્ષા વ્યવસ્થા પૂરી પાડવામાં આવે છે, પણ સામાન્ય માનવીનું શું? જો પાટનગરમાં સલામતીની વ્યવસ્થા પર્યાપ્ત હોત તો પાંચ વર્ષની બાળકી બળાત્કારનો ભોગ બની ન હોત.

તે માસુમ બાળકી હજી પણ દિલ્હીની એમ્સ હોસ્પિટલમાં જીવન-મરણ વચ્ચે ઝોલાં ખાઈ રહી છે. ડોક્ટરોનું કહેવું છે કે તેને સંપૂર્ણપણે સાજી થતાં અઠવાડિયાઓ લાગી જશે.

ઈન્ટરનેશનલ માર્કેટમાં ક્રુડ તેલના ભાવ સસ્તા થવાથી પેટ્રોલના ભાવ ઘટાડી દેવામાં આવ્યા છે.

અગાઉ એવા અહેવાલ હતા કે ૧ મેથી પેટ્રોલના ભાવમાં લીટરે બે રૂપિયા ઘટાડવામાં આવશે.

પેટ્રોલના ભાવમાં છેલ્લે ૧૫ એપ્રિલે લીટરે એક રૂપિયો ઘટાડવામાં આવ્યો હતો. એક જ મહિનામાં નવો ભાવઘટાડો ત્રીજી વારનો છે. મહિનાના આરંભમાં લીટરે ૮૫ પૈસા ઘટાડવામાં આવ્યા હતા.

ભારતના આર્થિક વિકાસ માટે વર્લ્ડ બેન્કે જાહેર કરેલા લેટેસ્ટ અંદાજો અનુસાર, ભારત વર્ષ ૨૦૧૩-૧૪માં ૬.૧ ટકાના દરે વિકાસ કરશે.

એફડીએને માલુમ પડ્યું છે કે ૨૦૦૭માં ઉત્પાદિત બેબી ટેલકમ પાવડરના ૧૫ બેચીસમાં વર્ષ ૨૦૧૦ સુધીની એક્સપાયરી ડેટ હતી. આ તમામમાં એથીલીન ઓક્સાઈડ હોવાનું માલુમ પડ્યું છે જે કાર્સિનોજન છે.

એફડીએના અધિકારીઓએ એવી ચિંતા વ્યક્ત કરી છે કે આ પાવડરના ઉત્પાદન માટેની પ્રક્રિયા આરોગ્યપ્રદ નથી અને તેનાથી ગ્રાહકોમાં કેન્સર થવાનું જોખમ રહે છે. તેથી અમે તેનું લાઈસન્સ સસ્પેન્ડ કરી દીધું છે.

કંપનીએ લાઈસન્સ રદ કરાયાને સમર્થન આપ્યું છે.

દેશની સૌથી મોટી કાર ઉત્પાદક મારુતિ સુઝુકી ઈન્ડિયા લિમિટેડે નેટ પ્રોફિટમાં ૮૦ ટકાનો વધારો નોંધાવ્યો છે.

કંપનીનો નેટ પ્રોફિટ ૩૧ માર્ચે પૂરા થયેલા ક્વાર્ટરમાં રૂ. ૧,૨૩૯.૬ કરોડ જેટલો વધીને કુલ રૂ. ૧૨,૫૬૬ કરોડ થયો છે.

કંપનીની એર્ટિગા, ડીઝાયર અને સ્વિફ્ટ જેવી નવી મોડેલ્સની કારના વેચાણમાં આવેલા ઉછાળાને પગલે તેનો ચોખ્ખો નફો વધ્યો છે.

બીએસઈમાં શુક્રવારે મારુતિ સુઝુકીનો શેર ૫.૨૬ ટકા જેટલો ઉછળ્યો હતો.

સુદિપ્તા સેન સારધા ગ્રુપના પ્રમોટર છે અને બેંગાલ ચિટ ફંડ કૌભાંડના મુખ્ય આરોપી છે. તેમને દિલ્હીથી બુધવારે મોડી રાત્રે કોલકાતા લાવવામાં આવ્યા હતા.

જમ્મુ-કશ્મીર રાજ્યની એક કોર્ટે સુદિપ્તા સેનની ચાર-દિવસના ટ્રાન્ઝિટ રીમાન્ડ પર સુપરત કર્યા છે.

ઈન્વેસ્ટરોના આરોપ બાદ સુદિપ્તા સેન ભાગી ગયા હતા. જમ્મુ-કશ્મીરની પોલીસે ગયા મંગળવારે સોનમર્ગમાંથી તેમની અને તેમના ગ્રુપના બે સહયોગીની ધરપકડ કરી હતી. આ બંને જણ છે, દેબજાની મુખરજી અને અરવિંદ ચૌહાણ. આ ત્રણેય જણ લગભગ એક અઠવાડિયાથી ફરાર હતા. તેમની ફાઈનાન્સ કંપનીનું પતન થઈ ગયું છે.

સુદિપ્તા સેને ભૂગર્ભમાંથી ૧૮ પાનાંનો એક પત્ર સીબીઆઈ એજન્સીને લખ્યો હતો જેમાં તેમણે કરોડો રૂપિયાના ચિટ ફંડ કૌભાંડમાં સંડોવાયેલા મનાતા ૨૨ રાજકારણીઓના નામ આપ્યા હતા. આમાં બે જણ પશ્ચિમ બંગાળના શાસક તૃણમુલ કોંગ્રેસ પક્ષના બે સંસદસભ્યના નામ પણ તેમણે આપ્યા છે. તદુપરાંત કેન્દ્રના એક સિનિયર પ્રધાનની પત્નીનું નામ પણ તેમણે આ યાદીમાં આપ્યું છે.

આ સમજૂતીનું મૂલ્ય રૂ. ૩૬૦૦-૪૫૦૦ કરોડનું હોવાનું મનાય છે.

મોટા શહેરોમાં સંપૂર્ણ કનેક્ટિવિટી હાંસલ કરવાની દિશામાં આ બંને કંપનીનો કરાર મહત્વનું કદમ ગણાય છે.

ભારતભરમાં રિલાયન્સ કમ્યુનિકેશન્સના ૫૦,૦૦૦ ટેલિકોમ ટાવર છે. રિલાયન્સ જિયો આ વર્ષના ડિસેંબરમાં પોતાની ટેલિકોમ સેવાઓ શરૂ કરે એવી ધારણા છે. તેને એના ચાર-પાંચ મહિના પૂર્વે ટાવર નેટવર્ક મેળવવાની જરૂર પડશે.

અંબાણી ભાઈઓએ આ જ મહિનાના આરંભમાં ઓપ્ટિક ફાઈબર નેટવર્કના ઉપયોગ માટેની સમજૂતી કરી હતી. મોટા ભાઈ મુકેશ અંબાણીએ તેમના મોબાઈલ વેન્ચર માટે અનિલની કંપનીના ઓપ્ટિક ફાઈબર નેટવર્કનો ઉપયોગ કરવા માટે સમજૂતી કરી હતી.

બંને ભાઈ તેમના પિતાએ નિર્માણ કરેલા બિઝનેસ સામ્રાજ્યનું આઠ વર્ષ પહેલાં વિભાજન કરીને છૂટા પડ્યા હતા.

ચિટ ફંડ કૌભાંડમાં સારધા ગ્રુપ પર કડક પગલાં લઈને પશ્ચિમ બંગાળ સરકારે ગ્રુપના ચેરમેન અને મેનેજિંગ ડિરેક્ટર સુદિપ્તા સેન અને તેમની સારધા રિયલ્ટી ઈન્ડિયા સહિતની કંપનીઓની માલિકીની ૩૬ કાર પણ કબજે કરી છે. તદુપરાંત આ ગ્રુપના કોલકાતા શહેરમાં તેમજ આસપાસના વિસ્તારોમાં ચાર ઓફિસ મકાનો પણ જપ્ત કર્યા છે.

પશ્ચિમ બંગાળ સરકારે નિમેલું અદાલતી પંચ ઈન્વેસ્ટરો તરફથી ફરિયાદો સ્વીકારવાનું સોમવારથી શરૂ કરશે.

દરમિયાન, જમ્મુ અને કશ્મીરની એક કોર્ટે કરોડો રૂપિયાના ચિટ ફંડ કૌભાંડના સુદિપ્તા સેન તથા અન્ય બે આરોપીઓના ચાર દિવસના ટ્રાન્ઝિટ રીમાન્ડ પશ્ચિમ બંગાળ પોલીસને આપ્યા છે.

જમ્મુ-કશ્મીરની પોલીસે સેન તથા અન્ય બે અધિકારીની રાજ્યના સોનમર્ગમાંથી ધરપકડ કરી હતી. આ ત્રણેય જણ પર હજારો લોકો સાથે છેતરપીંડી કરવાનો આરોપ મૂકાયો છે.

માર્કેટ શેરની દ્રષ્ટિએ ભારતની સૌથી મોટી એરલાઈન, જેટ એરવેઝે મુંબઈ શેરબજારને મોકલાવેલા એક ટૂંકા નિવેદનમાં જણાવ્યું છે કે તેના બોર્ડે ઈતિહાદને બે કરોડ ૭૩ લાખ શેર, શેર દીઠ રૂ. ૭૫૪.૭૪ના ભફાવે વેચવાના નિર્ણયને મંજૂરી આપી છે.

ભારત સરકારે ગયા સપ્ટેંબરમાં એવિએશન સેક્ટરમાં માલિકીના નિયમોને હળવા બનાવ્યા ત્યારપછી કોઈ ભારતીય એરલાઈનમાં કોઈ વિદેશી એરલાઈને હિસ્સો ખરીદ્યો હોય એવો આ પહેલો જ પ્રસંગ છે. ભારત સરકારે દેશની એરલાઈન્સમાં ૪૯ ટકા સુધી હિસ્સો ખરીદવાની વિદેશી એરલાઈન્સને છૂટ આપી છે.

ઈતિહાદ દ્વારા જેટ એરવેઝમાં ખરીદેલો હિસ્સો ૨૪ ટકા જેટલો થાય છે.

આ સોદાથી ઈતિહાદ ભારતમાં વધુ પગપેસારો કરી શકશે.

‘ડિઝાયર રીગલ’ નામની આ સ્પેશિયલ એડિશનની કારની કિંમત રૂ. ૫.૯૫ લાખ (એક્સ-મુંબઈ) છે. ભારતમાં ‘ડિઝાયર’ને લોન્ચ કર્યાના પાંચમા વાર્ષિક દિનની ઉજવણી રૂપે કંપનીએ નવી આવૃત્તિને લોન્ચ કરી છે.

મિડ-લેવલ Vxi ટ્રીમમાં ઉપલબ્ધ ‘રીગલ’માં અંદર તથા બહાર કેટલાક કોસ્મેટિક ફેરફારો કરવામાં આવ્યા છે. જોકે ૧.૨ લિટરનું પેટ્રોલ એન્જિન યથાવત્ રાખ્યું છે.

નવો ભાવ કદાચ એપ્રિલના અંત સુધીમાં અમલમાં આવે એવી ધારણા છે.

ક્રુડ તેલનો ભાવ આંતરરાષ્ટ્રીય માર્કેટમાં બેરલ દીઠ ૯૯ ડોલરનો ચાલી રહ્યો છે.

પેટ્રોલના ભાવમાં ગઈ ૧૫ એપ્રિલે લીટર દીઠ એક રૂપિયાનો ઘટાડો કરવામાં આવ્યો હતો. એક મહિનામાં પેટ્રોલના ભાવમાં એ ત્રીજી વારનો ઘટાડો હતો.

સુરક્ષાની જરૂરિયાતને ધ્યાનમાં લઈને અંબાણીની ગાડીની આગળ અને પાછળ અત્યાધુનિક હથિયારોથી સજ્જ સીઆરપીએફનાં કમાન્ડોની ગાડી રહેશે. મુકેશ અંબાણી દેશમાં જ્યાં જશે ત્યાં કમાન્ડો તેમની સાથે જ રહેશે. સાથે જ સીઆરપીએફ મુંબઈ સ્થિત અંબાણીનાં બંગલા ‘એન્ટિલિયા’ની નવી રીતે કિલ્લેબંદી કરશે.

દરમિયાન, સરકાર તરફથી જે સુરક્ષા વ્યવસ્થા પ્રાપ્ત થશે તે માટેનો ખર્ચ અંબાણી ભોગવશે, જે ૨૧.૫ અબજ ડોલર (આશરે ૧,૧૬,૦૦૦ કરોડ રૂપિયા)ની સંપત્તિના માલિક છે.

સીઆરપીએફના ડિરેક્ટર જનરલે અગાઉ એક ન્યૂઝ ચેનલને જણાવ્યું હતું કે અંબાણીને સુરક્ષા કવચ પૂરું પાડવા પાછળ દર મહિને રૂ. ૧૪ લાખનો ખર્ચ થશે. આમાં જવાનોના પગાર, સુપરવિઝન અને એસ્કોર્ટ ચાર્જિસનો સમાવેશ થાય છે.

અંબાણીને જે પ્રકારનું ઝેડ-કેટેગરી રક્ષણ અપાશે તે વડા પ્રધાન અને સોનિયા ગાંધી જેવા જૂજ નેતાઓને જ આપવામાં આવે છે.

હકિકતમાં, મુકેશ અંબાણીનાં કાર્યાલયમાં આતંકવાદી સંગઠન ઈન્ડિયન મુજાહિદ્દીન તરફથી ધમકીભર્યો પત્ર મળવાની ફરિયાદ દાખલ થઈ હતી. આ ફરિયાદ બાદ મુંબઈ પોલીસે મુકેશ અંબાણીનાં ઘર અને ઓફિસની સુરક્ષા વ્યવસ્થા વધારી દીધી હતી, પરંતુ કેન્દ્રીય ગુપ્તચર એજન્સીએ પોતાનાં રિપોર્ટમાં મુકેશ અંબાણી પર આતંકવાદી હુમલાની આશંકાને જોતા તેમને આખા દેશમાં ‘ઝેડ’ શ્રેણીની સુરક્ષા આપવાની ભલામણ કરી હતી. ગૃહ પ્રધાન શિંદેએ આ ભલામણનાં આધારે તેમનું રક્ષણ કરવાનો નિર્ણય લીધો છે.

માઈક્રોસોફ્ટના સીએફઓ - પીટર ક્લેન

સીએટલ – માઈક્રોસોફ્ટ કોર્પોરેશનના ચીફ ફાઈનાન્સિયલ ઓફિસર પીટર ક્લેને આ વર્ષના જૂનના અંતે કંપની છોડી જવાનું નક્કી કર્યું છે. તે આ હોદ્દા પર સાડા ત્રણ વર્ષથી છે.

વિશ્વની સૌથી મોટી સોફ્ટવેર કંપની પર્સનલ કમ્પ્યુટરના વેચાણમાં થયેલા ધરખમ ઘટાડાથી ચિંતીત છે. વળી, તેની નવી વિન્ડોઝ 8 ઓપરેટિંગ સિસ્ટમને પ્રતિસાદ નબળો મળ્યો છે.

૧૧ વર્ષથી માઈક્રોસોફ્ટમાં કામ કરનાર પીટર ક્લેને કંપની છોડી જનાર ટોચના એક્ઝિક્યૂટિવ્સમાં પોતાનું નામ પણ જોડ્યું છે. છેલ્લે, ગયા નવેંબરમાં વિન્ડોઝના વડા સ્ટીવન સિનોસ્કીએ રાજીનામું આપ્યું હતું.

કેટલાક લોકો સવાલ કરે છે કે શું ચીફ એક્ઝિક્યૂટિવ ઓફિસર સ્ટીવ બૉલ્મેર માઈક્રોસોફ્ટનું નેતૃત્વ કરવામાં હજી પણ શ્રેષ્ઠ વ્યક્તિ છે? કારણ કે છેલ્લા દાયકામાં કંપનીનો શેર સતત પછડાયેલો જ રહ્યો છે.

માઈક્રોસોફ્ટે કહ્યું છે કે તે નવા સીએફઓની નિમણૂંક આગામી અમુક અઠવાડિયાઓમાં જ કરશે. તે વ્યક્તિ કંપનીમાંથી જ કોઈક હશે.

દરમિયાન, ત્રીજા ક્વાર્ટરમાં કંપનીનો નેટ પ્રોફિટ ૧૮ ટકા વધ્યો હતો. વ્યાપક રીતે પર્સનલ કમ્પ્યુટર્સનું વેચાણ ઘટ્યું હોવા છતાં કંપનીનો દેખાવ સારો રહ્યો છે.

૩૦-શેરના સેન્સેક્સે ૧૮,૬૯૫ના નીચા મથાળે ટ્રેડિંગ ફરી શરૂ કર્યું હતું, પણ લેવાલી વધતી રહેતાં દિવસને અંતે તે ૧૯,૦૧૬.૪૬ નો બંધ રહ્યો હતો. આ લેવર છેલ્લે બીજી એપ્રિલે જોવા મળ્યું હતું.

એવી જ રીતે, નેશનલ સ્ટોક એક્સચેન્જનો નિફ્ટી ૯૪.૪૦ પોઈન્ટ અથવા ૧.૬૬ ટકા વધીને ૫૭૮૩નો બંધ રહ્યો હતો.

કંપનીની સંપૂર્ણપણે ભારતીય પેટા-કંપની હોન્ડા મોટરસાઈકલ એન્ડ સ્કૂટર ઈન્ડિયાનું 110 સીસી સ્કૂટર ‘ડિઓ’ અત્યાર સુધી ભારતમાં સૌથી સસ્તું ટુ-વ્હીલર હતું, જેની કિંમત છે રૂ. ૪૪,૭૧૮.

પત્રકારો સાથેની વાતચીતમાં હોન્ડા મોટરસાઈકલ એન્ડ સ્કૂટર ઈન્ડિયાના પ્રેસિડેન્ટ અને સીઈઓ કેઈતા મુરામાત્સુએ કહ્યું કે, ડ્રીમ નીઓ ભારતના માર્ગો પર ભારતીય કમ્યુટર સેગમેન્ટમાં મોટી સિદ્ધિ સમાન છે. અમે 100-110 સીસી મોટરસાઈકલ સેગમેન્ટમાં વેચાણમાં દોઢસો ટકાનો વધારો કરવાની આશા રાખીએ છીએ.

કંપની ભારતમાં તેના સેલ્સ આઉટલેટ્સની સંખ્યા પણ વધારવા માગે છે. હાલ તેની સંખ્યા ૧૯૫૦ છે જે ચાલુ નાણાકીય વર્ષના અંત સુધીમાં લગભગ ૨૫૦૦ કરવાની તેની ધારણા છે.

બજારના નિષ્ણાતોનું કહેવું છે કે સોનું ગઈ કાલે ૯ ટકા જેટલું તૂટીને ફેબ્રુઆરી, ૨૦૧૧ બાદ સૌથી નિમ્નસ્તરે ગયું છે. ચીનમાં વિકાસને લગતી ચિંતાઓ અને સાઈપ્રસની સેન્ટ્રલ બેન્ક સોનું વેચવા કાઢશે એવી આશંકાએ સોનાનો ભાવ તોડવામાં ભાગ ભજવ્યો છે.

સ્થાનિક બજારોમાં ૯૯.૯ની શુદ્ધતા તથા ૯૯.૫ની શુદ્ધતાવાળું સોનું પ્રતિ દસ ગ્રામ અનુક્રમે રૂ. ૨૬૪૪૦ અને રૂ. ૨૬૨૪૦ જોવા મળ્યું.

છેલ્લા બે સત્રમાં સોનું ૨૦૦૦ રૂપિયા તૂટ્યું છે.

સેન્સેક્સ ૩૮૭ પોઈન્ટ અથવા ૨.૧ ટકાની છલાંગ મારીને ૧૮૭૪૫ આંક પર બંધ રહ્યો.

ક્રુડ તેલ અને સોનાના ભાવમાં તીવ્ર કડાકો બોલી જતાં ભારતની નાણાકીય ખાધ ખૂબ ઘટી જવાની આશાને કારણે બજારોમાં આશાવાદ જાગ્યો છે.

૨૦૧૨ના સપ્ટેંબર બાદ સેન્સેક્સે એક જ દિવસમાં આ પહેલી વાર આટલો મોટો જમ્પ માર્યો છે.

ગઈ ૧૬ માર્ચે પેટ્રોલમાં લીટરે બે રૂપિયા ઘટાડવામાં આવ્યા હતા. છેલ્લા નવ મહિનામાં તે સૌથી મોટો ઘટાડો રહ્યો છે.

મુંબઈમાં પેટ્રોલનો નવો ભાવ આજે મધરાતથી રૂ. ૧.૨૬ના ઘટાડા બાદ રૂ. ૭૪.૧૪ રહેશે.

ઓઈલ કંપનીઓ દર બે અઠવાડિયે પેટ્રોલના ભાવની સમીક્ષા કરે છે. પેટ્રોલના ભાવને સરકારે અંકુશમુક્ત કરી દીધા છે અને હવે તેના ભાવ માર્કેટ પરિબળોને આધારે નક્કી થાય છે. જોકે સરકાર ડિઝલના ભાવ પર હજી પોતાનો અંકુશ રાખે છે, પણ મામુલી ફેરફારો કરવાની ઓઈલ કંપનીઓને છૂટ આપે છે.

પેટ્રોલના ભાવમાં છેલ્લે ગઈ ૧ એપ્રિલે ફેરફાર કરાયો હતો. એ વખતે તેમાં લીટરે ૮૫ પૈસા ઘટાડી દેવાયા હતા. ડિઝલના ભાવ છેલ્લે ૨૩ માર્ચે વધારવામાં આવ્યા હતા – ૪૫ પૈસા જેટલા.

પીળી ધાતુએ આગલા સત્રમાં રૂ. ૧૨૫૦નું ગાબડું જોયું હતું. તેણે સોમવારે પણ પછડાટ ચાલુ રાખી હતી.

સાઈપ્રસની બિસ્માર થયેલી અર્થવ્યવસ્થાને કારણે દુનિયાભરમાં સોનાનાં ભાવ ઘટી રહ્યાં છે. સોમવારે સોનાના ભાવમાં ૨.૯૫ ટકાનું ગાબડું પડ્યું હતું અને પ્રતિ ૧૦ ગ્રામ પ્રતિ ૧૦ ગ્રામ ૩૨,૫૦૦ રૂપિયાથી ઘટીને એક વર્ષમાં નિમ્નસ્તરને, રૂ. ૨૭,૧૦૦ને સ્પર્શી ગયું હતું. સોના અને ચાંદીની કિંમતોમાં પાંચ ટકાનો ઘટાડો નોઁધાયો છે. ચાંદી પણ અંદાજે ૨૧૦૦ રૂપિયા જેટલી સસ્તી થઈ ગઈ છે.

મલ્ટિ કોમોડિટી એક્સચેન્જ એમસીએક્સમાં સોનાની જૂન મહિનાની ડિલિવરીવાળા માલની કિંમતમાં ૮૨૫ રૂપિયાનો અથવા ૨.૯૫ ટકાનો ઘટાડો થયો.

સ્થાનિક બજારોમાં સોનાનો વાયદો સવારે ત્રણ ટકા જેટલો તૂટીને સાડા પંદર મહિનાની સૌથી નીચી સપાટીએ આવી ગયો હતો.

આ અગાઉ તે ૨૭,૧૦૦ રૂપિયાની ૩૦ ડિસેમ્બર, ૨૦૧૧ પછીની નીચી સપાટીએ સ્પર્શી ગયો હતો.

ઉલ્લેખનીય છે કે, બજારમાં સોનાની ચમક ધીમે-ધીમે ઓછી થઈ રહી છે. યૂરોપમાં સાઈપ્રસ દેશ દેવામાં ડૂબવાને કારણે સોનાનાં ભાવ સદંતર ઘટી રહ્યાં છે. કહેવાઈ રહ્યું છે કે, જો સાઈપ્રસ પોતાનું સોનું વેચીને દેવું ચુકવી દે તો મંગળવાર સુધી સોનાનાં દામ વધુ ઘટી શકે છે,

ગયા અઠવાડિયે વૈશ્વિકની સાથે સાથે સ્થાનિક વાયદા બજારોમાં પણ ઘટાડાને કારણે સ્ટૉકિસ્ટોની ધડાધડ વેચવાલીથી શુક્રવારે એક જ દિવસમાં સોનાની કિંમતમાં ૧,૨૫૦ રૂપિયાનો ઘટાડો જોવા મળ્યો હતો અને તે ૨૮,૩૫૦ રૂપિયા દિઠ ૧૦ ગ્રામનાં એક વર્ષનાં નિચલા સ્તરે પહોંચી ગયો હતો.

દેશના ચાર મહાનગરોમાં સોનાનો ભાવ (પ્રતિ ૧૦ ગ્રામ)

મુંબઈ:

સોનું – રૂ. ૨૭,૪૧૫, ચાંદી – રૂ. ૪૮,૫૨૦ (પ્રતિ કિલો)

દિલ્હીઃ

સોનું – રૂ. ૨૭,૬૦૦, ચાંદી – રૂ. ૪૮,૦૦૦ (પ્રતિ કિલો)

ચેન્નઈઃ

સોનું – રૂ. ૨૭,૫૦૦, ચાંદી – રૂ. ૪૮.૧૫૦ (પ્રતિ કિલો)

કોલકાતાઃ

સોનું – રૂ. ૨૭,૬૧૦, ચાંદી – રૂ. ૪૬,૫૦૦ (પ્રતિ કિલો)