એક્સેલરેટર કંપનીના ઈન્ટેલિજન્ટM સ્ટાર્ટઅપે એક એવી રીસ્ટેબેન્ડ બનાવી છે જેમાં હેન્ડ-વોશિંગ અને સ્વચ્છતાને લગતા ટેગ્સ વાંચી શકાશે. આ રીસ્ટબેન્ડમાંનું એક્સેલરોમીટર એ શોધી કાઢે છે કે તે પહેરનારે પોતાના હાથ ધોવા માટે પર્યાપ્ત સમય લીધો છે કે નહીં.

સ્ટાફની શિફ્ટ પૂરી થાય ત્યારે એપિડેમોલોજિસ્ટ્સ બ્રેસલેટના માઈક્રોયુએસબી કનેક્શનમાંથી ડેટા કલેક્ટ પણ કરી શકશે. જેથી તે પહેરનાર વ્યક્તિ સ્વચ્છતાની કાળજી રાખે છે કે નહીં તેની સમીક્ષા કરી શકાય.

એકલા અમેરિકામાં જ દર વર્ષે લગભગ એક લાખ જેટલા લોકો હોસ્પિટલોમાં વિઝિટ કરવાથી લાગતા ચેપથી મૃત્યુ પામતા હોવાનું જાણવા મળ્યું છે. આમાંના મોટા ભાગના ચેપ હેલ્થકેર વર્કર્સ દ્વારા હાથ ધોઈને સ્વચ્છ ન રાખવાને કારણે લાગતા હોય છે.

નિષ્ણાતોનું માનવું છે કે ઘરડાં લોકોને ઘરમાં એક સરખા પ્રકારની થેરપી કસરતોથી કંટાળી જાય છે. આવા સમયમાં એમને કોઈક સાથની જરૂર હોય છે.

સિંગાપોર પોલિટેકનિકના ડેવેલપર્સે રોબોટ તૈયાર કરતાં પહેલાં સિનિયર સિટીઝન્સ માટે લિન્ગ વાન્ગ હોમ ખાતે ખાસ કાર્યક્રમનું આયોજન કર્યું હતું.

૯૨ વર્ષનાં લીમ કોક લિયોંગનું કહેવું છે કે હવે મને કસરતો કરવામાં આનંદ આવે છે, કારણ કે મારી પાસે કંઈક એવું છે જે મને બિરદાવે છે, મને પ્રોત્સાહિત કરે છે.

જાપાની સંશોધકોએ પણ આ જ માર્ગે આગળ વધીને એક ટેડીબેર રોબોટ તૈયાર કર્યો છે. તેમણે પણ દેશનાં વૃદ્ધજનો માટે જીવન જીવવાનું સહેલું કરવામાં મદદરૂપ થવા આ તૈયાર કર્યો છે. આ રોબોટ વ્યક્તિનાં ચહેરાનાં હાવભાવને તથા ક્રિયાઓને પારખીને પ્રતિસાદ આપે છે. જે જોઈને વૃદ્ધજનો રાહતની લાગણી અનુભવે છે અને પ્રોત્સાહિત પણ થાય છે.

કંપનીએ સ્માર્ટફોન માટે એક એવી સિસ્ટમ અને વોલ પ્રોજેક્ટર તૈયાર કર્યા છે જેનો ઉપયોગ ડિલિવરી રૂમમાં કરાય છે.

આ એપ તૈયાર કરવા પાછળનો હેતુ પ્રસવકાળ વખતે પ્રસૂતાના શ્વાસોચ્છવાસ યોગ્ય રીતે જળવાઈ રહે તે માટે એને સજ્જ કરવાનો છે.

હાલ એનિમેશન માટે બે જુદી જુદી ડિઝાઈન થીમ ઉપલબ્ધ છે – નેચર અને એબ્સ્ટ્રેક્ટ. આના દ્વારા તે સંકોચન, સમયગાળો અને સંકોચનની તીવ્રતા તથા ડાઈલેશન પ્રોગ્રેસ વચ્ચેનો સમય જોઈ શકે છે.

આ કન્સેપ્ટ પાછળનો હેતુ મમ્મીઓ એપ મારફત પોતાના પ્રસવકાળમાં થઈ રહેલી પ્રગતિ નિહાળીને ઓછી ચિંતા કરે, પોતાને અંકુશમાં રાખ્યાની તેમજ પોતાને કંઈક સપોર્ટ મળી રહ્યાની લાગણીનો અનુભવ કરે.

દર ૬માંની એક ડચ મહિલાએ બાળકની ડિલિવરી થઈ ગયાના ત્રણ મહિના બાદ પ્રસવકાળના અનુભવ અંગે અણગમો વ્યક્ત કર્યો હતો.

હાલ ૬૦ સંભવિત માતાઓ એક અભ્યાસને માટે આ્ર ડિવાઈસની પ્રોટોટાઈપનો ઉપયોગ કરી રહી છે.

જજ મિલ્ટન ટીન્ગલિંગે કહ્યું છે કે રેસ્ટોરાંઓ તથા અન્ય સ્થળોએ સોડા સર્વિંગ્સને ૪૭૦ મિલિમીટરની મર્યાદા નક્કી કરવાનો નિર્ણય આપખુદ અને તરંગી છે.

બ્લૂમબર્ગે રેસ્ટોરાં, બાર તથા અન્ય જાહેર સ્થળોએ સ્મોકિંગ પર પ્રતિબંધ મૂક્યો છે.

સોડા પર પ્રતિબંધનાં પોતાનાં નિર્ણયને વિરુદ્ધનાં કોર્ટનાં ચુકાદાને બ્લૂમબર્ગે સંપૂર્ણપણે ખોટો ગણાવ્યો છે અને કહ્યું છે કે તેઓ આની સામે અપીલમાં જશે.

બ્લૂમબર્ગની દલીલ છે કે આવા ગળ્યા ડ્રીન્ક્સના સેવનથી શરીરમાં મેદ વધે છે. દર વર્ષે આ સમસ્યા ન્યૂ યોર્કમાં પાંચ હજાર અને અમેરિકામાં ૭૦,૦૦૦ નાગરિકોનો ભોગ લે છે.

તાજા પકાવેલા પિઝાની સુગંધવાળું એક સેન્ટ બનાવવું જોઈએ એવી એક ખૂબ જૂના ચાહકે ફેસબુક મેસેજમાં દર્શાવેલી ઈચ્છાને પગલે આ સેન્ટ બનાવવાની વાત આગળ ચાલી હતી. વાસ્તવમાં, પિઝા હટ કેનેડામાં તો આ સૂચન પીઆર વિભાગ માટે એક માર્કેટિંગનો અવસર બની ગયું.

કેનેડામાં પોતાનાં ચાહકો માટે પિઝા-સેન્ટેડ કોલનની ૧૦૦ બોટલ રિલીઝ કર્યા બાદ આ બ્રાન્ડે ઈયુ ડી પિઝા હટની વધારે ૧૦૦૦ બોટલોનું ઉત્પાદન કર્યું છે. હવે આ બોટલો દુનિયાભરમાં પિઝા હટનાં સોશ્યલ મિડિયા ચાહકોને એવોર્ડના રૂપમાં આપવામાં આવશે.

ઓરિજેનો, ટોમેટો સોસ, વેજિટેબલ્સ અને ચીઝ જેવા ઈટાલિયન સ્પાઈસીસની સુગંધ આ સેન્ટમાંથી માણી શકાય છે.

જે કોઈ વ્યક્તિ આ સેન્ટની બોટલ ખરીદવા માગતી હોય તે પોતાનાં દેશના પિઝા હટ ફેસબુક પેજ અને ટ્વીટર ફીડ પર ચેક કરી શકે છે.

અમેરિકન મેડિકલ એસોસિએશનના સામયિકમાં પ્રસિદ્ધ થયેલા એક અહેવાલમાં જણાવાયું છે કે એક સર્વેક્ષણ પરથી ખબર પડી છે કે અમેરિકામાં બ્રેસ્ટ કેન્સરનાં કેસોનો આંક ૧૯૭૬માં દર એક લાખમાં ૧.૫૩થી વધીને ૨૦૦૯માં પ્રતિ લાખ ૨.૯૦ થયો હતો.

સંશોધકોનું કહેવું છે કે ભલે આ વધારો પ્રમાણમાં નાનો છે, પણ ટ્રેન્ડ પરથી માલૂમ પડ્યું છે કે આમાં વધારો થવાની સંભાવના રહેલી છે.

સીએટલ ચિલ્ડ્રન્સ હોસ્પિટલનાં રીબેકા જોન્સનની આગેવાની હેઠળનાં લેખકો અને વોશિંગ્ટન યુનિવર્સિટીએ હાથ ધરેલા સર્વેક્ષણમાં ૨૫-૩૯ વર્ષની વયની સ્ત્રીઓને સામેલ કરવામાં આવી હતી.

બ્રેસ્ટ કેન્સરનાં કેસોનું પ્રમાણ આફ્રિકન અમેરિકન તથા નોન-હિસ્પેનિક શ્વેત સ્ત્રીઓમાં ઉલ્લેખનીય રીતે વધ્યું છે.

૨૫-૩૪ વચ્ચેની વયની સ્ત્રીઓમાં બ્રેસ્ટ કેન્સરનું જોખમ વધારે જણાયું છે જ્યારે ૫૫થી વધારે વયની સ્ત્રીઓમાં આવા કેસોની સંખ્યામાં ખાસ ઉછાળો જોવા મળ્યો નથી.

ઓસ્ટ્રેલિયાના એડીલેડ શહેરની યુનિવર્સિટીનાં નિષ્ણાતોના જણાવ્યા મુજબ, સ્ત્રીઓ ગર્ભ ધારણ કરે એ પછી તેમણે એમના આહાર વિશે વધારે સતર્ક બનવું જોઈએ.

સંશોધકો અને વૈજ્ઞાનિકોએ આ માટે ઉંદરડીઓનાં બે જૂથે જન્મ આપેલાં બચ્ચાંઓ પર સંશોધન કર્યું હતું. એમણે બચ્ચાંનાં એક જૂથને નોર્મલ ખાદ્યચીજો ખવડાવી હતી અને બીજાંને સ્ત્રીઓ સગર્ભાવસ્થા તેમજ સ્તનપાન વખતે જે જંક ફૂડ ખાય છે એની પર રાખ્યું હતું.

ત્યારબાદ બંને જૂથનાં બચ્ચાંઓને દરરોજ એક-એક ઓપીઓઈડ રીસેપ્ટર બ્લોકરનું ઈન્જેક્શન આપવામાં આવ્યું હતું.

અત્યંત ચરબીયુક્ત અને ખાંડમિશ્રિત ફૂડ ખાધાં બાદ શરીરમાં ઓપીઓઈડ રીલીઝ થતું હોય છે.

અભ્યાસ દરમિયાન વૈજ્ઞાનિકોને એ જાણવા મળ્યું કે જે ઉંદરડીઓને જંક ફૂડ અપાયું હતું તેમનાં બચ્ચાંઓના શરીરમાં ચરબી અને ખાંડનું પ્રમાણ ઘટાડવામાં રીસેપ્ટર બ્લોકર ઓછું અસરકારક રહ્યું હતું.

જ્યારે અન્ય જૂથનાં બચ્ચાંઓમાં તે કારગત નિવડ્યું હતું.

વાઈનની નિકાસ કરવામાં કેલિફોર્નિયા ૯૦ ટકા સાથે સૌથી મોખરે રહ્યું. તેની નિકાસમાં ૨.૬ ટકાનો વધારો નોંધાયો. સતત ત્રીજા વર્ષે તેણે વાઈનની નિકાસ વધારી.

વોલ્યૂમની દ્રષ્ટિએ અમેરિકાએ ૨૦૧૨માં ૪૨.૪૬ કરોડ લીટર વાઈનની નિકાસ કરી.

વૈશ્વિક બજારમાં તીવ્ર હરીફાઈ હોવા છતાં કેલિફોર્નિયા વાઈન તેની ક્વૉલિટી, વિવિધતા તથા વેલ્યૂની દ્રષ્ટિએ નિકાસમાં સૌથી ચડિયાતો રહ્યો છે.

૨૭-દેશોનાં યુરોપીયન યુનિયનમાં કેલિફોર્નિયા વાઈન માટે ટોપ માર્કેટ રહી. તેનું વેચાણ ૧.૭ ટકા વધારે રહ્યું.

‘ઓપન ટેબલ’ નામની ઈન્ટરનેશનલ રીઝર્વેશન સાઈટે ‘પ્લેસીસ આઈ હેવ ઈટન’ નામે એપ ડેવેલપ કર્યું છે જે સોશ્યલ નેટવર્કિંગ પ્લેટફૉર્મમાં લઈ જાય છે. માહિતીની આપ-લે કરવાનો આ એપનો ઉદ્દેશ્ય છે. યુઝર્સ આ એપ દ્વારા ટેબલ રીઝર્વ પણ કરાવી શકે છે.

યુઝર્સ રેટિંગ્સના આધારે રેસ્ટોરાંની પસંદગી કરી શકે છે. એટલું જ નહીં, તેમનાં મિત્રોએ અગાઉ ક્યાં ભોજન લીધું હતું તે રેસ્ટોરાંઓની જાણકારી પણ મેળવી શકે છે.

આવું જ એક પોપ્યૂલર ફૂડ-ડિસ્કવરી એપ છે – ફોર્ક્લી, જે ચોક્કસ વાનગીઓ માટે તમારાં લોકેશનના આધારે તેમજ તમારાં મિત્રો અને સહયોગી યુઝર્સનાં રેટિંગ્સને આધારે કઈ રેસ્ટોરાં શ્રેષ્ઠ છે તેની તમને ભલામણ કરે છે.

નવા કેન્સમાં ૮૦, ૯૦ અને ૨૦૦૦ના દાયકાઓમાંની ફેશનની યાદ તાજી થાય એ રીતે તેની ડિઝાઈન તૈયાર કરવામાં આવી છે.

આ ઝીરો-કેલરી ડ્રિન્કે ૧૯૮૨માં વિશ્વસ્તરે પોતાનું વેચાણ શરૂ કર્યું હતું.

માર્ક જેકબ્સે ડાયેટ કોકનાં ક્રિએટિવ ડિરેક્ટર તરીકે ગયા વર્ષે જ્યાં પૌલ-ગોલ્ટીએરનું સ્થાન લીધું હતું.

જેકબ્સનું કહેવું છે કે ૮૦ના દાયકામાં બટરફ્લાય બોવ-ટાઈની ફેશન હતી એટલે તેમણે એવું પહેરેલી સ્ત્રીનું રેખાચિત્ર કેન પર દર્શાવ્યું છે. એવી જ રીતે, ૯૦ના દાયકામાં ગ્લેમરની બોલબાલા રહેલી અને ૨૦૦૦ના દસકામાં જિયોમેટ્રિક સ્ટ્રાઈપ્સ તથા બિકીની બોટમ પહેરેલી સ્ત્રીનું રેખાચિત્ર મૂક્યું છે.

માર્ક જેકબ્સ કેન્સ હાલ આખા યુરોપમાં ઉપલબ્ધ છે.

ગ્રાહકોને એમના સ્માર્ટફોન અને ટેબ્લેટ્સ માટે ઈન્ટીગ્રેટેડ વાયરલેસ ચાર્જિંગની સુવિધા કેવી રીતે આપવી તે વિશે મેક્ડોનાલ્ડ્સ અજમાયશો કરાવી રહી છે.

તે એવા ચાર્જિંગ પોઈન્ટ્સ મૂકવા માગે છે તે ગ્રાહકોના કોઈ પણ ડિવાઈસની બેટરીને ટોપ અપ કરી શકે. આ ચાર્જિંગ પોઈન્ટ્સ પાવરકિસ કંપની પૂરા પાડશે. તેના પ્રોડક્ટ્સ Q1 સ્ટાન્ડર્ડ ધરાવે છે.

વાયરલેસ ચાર્જિંગની આજકાલ ખૂબ ડિમાન્ડ રહે છે. મેક્ડોનાલ્ડ્સ રેસ્ટોરાંમાં પ્લેટ્સને કાઉન્ટરટોપ્સ, ટેબલ્સ અને ખુરશીઓ સાથે એવી રીતે બિલ્ટ કરવામાં આવશે જેથી સ્માર્ટફોનથી માંડીને કીચન એપ્લાયન્સીસ એવી રીતે વીજળીનો કરન્ટ મેળવી શકે કે પાવર કેબલ કે પાવર સોકેટની જરૂર ન પડે. આ માટે બે સ્ટાન્ડર્ડ છે. એક, QI સ્ટાન્ડર્ડ, જે વધુ વપરાય છે અને સેમસંગ તથા નોકીયા જેવા અગ્રગણ્ય ઉત્પાદકોનાં પ્રોડક્ટ્સને સપોર્ટ કરે છે. બીજું છે, પાવર મેટર્સ એલાયન્સ (પીએમએ), જે સ્ટારબક્સ, ગૂગલ અને રેપર જૅ-Z દ્વારા સપોર્ટ મેળવે છે.

યુરોપમાં શરૂઆતમાં પસંદગીની રેસ્ટોરાંઓમાં અને તેમાંય અમુક ટેબલ ટોપ્સમાં વાયરલેસ ચાર્જિંગની સુવિધા આપવામાં આવશે. આ સુવિધા સુરક્ષિત અને આરોગ્યપ્રદ હોવાનો દાવો કરાયો છે.

સ્ટારબક્સની માલિકીની બ્રાન્ડ બેસ્ટ સાથે સહયોગ કરીને બર્ગર કિંગે સ્પેશિયાલિટી કોફી વેરાયટી શરૂ કરી છે જેમાં વેનિલા અને કેરમેલના સ્વાદવાળી આઈસ્ડ કોફીનો સમાવેશ થાય છે. તદુપરાંત ગ્રાહકોને સંપૂર્ણપણે લેટિન અમેરિકન અને અરેબિયન બ્લેન્ડ બ્રુવ્ડ કોફીનો પણ સ્વાદ માણવા મળે છે.

બીજી બાજુ, વિશ્વ સ્તરે ફેલાવો ધરાવતી અને બર્ગર કિંગની કટ્ટર હરીફ મેકડોનાલ્ડ્સે તેની મેકેફે બ્રાન્ડનું યુરોપ તથા ઉત્તર અમેરિકાના દેશોમાં વિસ્તરણ કર્યું છે. તેણે કેનેડામાં કોફીની અનેક રેન્જ શરૂ કરી છે. તેનો હેતુ માર્કેટ હિસ્સો કબજે કરી લેવાનો છે જેની પર હાલ સ્ટારબક્સ અને ટીમ હોર્ટન્સનું પ્રભુત્વ છે.

અટકિન ડાયેટઃ દુનિયાભરમાં આજની તારીખમાં વિવિધ પ્રકારના ડાયેટમાં સૌથી વધુ લોકપ્રિય પ્રકાર અટકિન ડાયેટ છે. આ ડાયેટ પ્લાનનું નામ તેના પ્રણેતા ડો. રોબર્ટ અટકિન પરથી પાડવામાં આવ્યું છે, જે અમેરિકન કાર્ડિયોલોજિસ્ટ હતા. આ હાઈ ફેટ, હાઈ પ્રોટિન અને લો કાર્બોહાઈડ્રેટ ડાયેટ પ્લાનમાં વ્યક્તિ ઈચ્છે એટલા ચીઝ, ઈંડા અને મીટ ખાઈ શકે છે, પરંતુ તેણે કાર્બોહાઈડ્રેટ ધરાવતી સાકર, પાસ્તા, વેજિટેબલ્સ, ફ્રૂટ્સ અને દૂધ જેવી વાનગીઓ પર કન્ટ્રોલ રાખવાનો હોય છે. આ ડાયેટ પ્લાન પાછળ રહેલી થિયરી એમ કહે છે કે જો વ્યક્તિ કાર્બોહાઈડ્રેટ ખાશે તો તેનું શરીર ઈનસ્યુલિન પેદા કરશે, જેનાથી તેની ભૂખ ઊઘડશે અને વધુ ખાવાથી વજન વધશે. તેથી જો વ્યક્તિ કાર્બોહાઈડ્રેટ ધરાવતી વસ્તુઓ ખાવાનું બંધ કરી દેશે તો આપોઆપ તેની ભૂખ ઓછી થઈ જશે. સાથે જ કાર્બોહાઈડ્રેટ ધરાવતી કોઈ નવી વસ્તુના અભાવમાં શરીરનું મેટાબોલિઝમ આપોઆપ શક્તિ માટે સંગ્રહિત ચરબીનો ઉપયોગ કરવા માંડશે. અલબત્ત આ ડાયેટ પ્લાનની કેટલીક આડઅસરો પણ છે. જેમકે હાઈ ફેટને કારણે શરીરમાં કોલેસ્ટ્રોલનું પ્રમાણ વધી જતા હૃદયરોગની સંભાવનાઓ રહે છે. સાથે જ કેન્સર અને ઓસ્ટોપોરોસિસની થવાની શક્યતાઓ પણ વધી જાય છે. એટલું જ નહીં હાઈ પ્રોટીન ખોરાકને પચાવવા કિડનીઓએ વધુ મહેનત કરવી પડતી હોવાથી લાંબા ગાળે તેમના પર પણ અસર થઈ શકે છે.

ઝોન ડાયેટઃ કેલિફોર્નિયામાં જન્મેલા બાયોકેમિસ્ટ ડો.બેરી સીયર્સ દ્વારા તૈયાર કરવામાં આવેલો આ પ્લાન પણ આજકાલ દુનિયાભરના ડાયેટ પ્રેમીઓમાં એટલો જ પોપ્યુલર છે. આ હાઈ ફેટ, હાઈ પ્રોટિન અને લો કાર્બોહાઈડ્રેટ પ્લાનમાં ડો.બેરી સીયર્સે અટકિન ડાયેટમાં ફ્રૂટ્સ અને વેજિટેબલ્સ પર મૂકવામાં આવેલા પ્રતિબંધનો વિરોધ કર્યો છે. તેમનું કહેવું છે કે શાકભાજી અને ફળો શરીર માટે જરૂરી એવા વિટામીન્સ અને ફાઈબરથી સમૃદ્ધ હોય છે. સાથે જ તેમાં રહેલું કાર્બોહાઈડ્રેટ શરીર માટે સારું હોવાથી તેમનો નિષેધ કરવો જોઈએ નહીં. આ ડાયેટ પ્લાન પાછળની થિયરીનું માનવું છે કે આપણું શરીર સૌથી સારું કામ ત્યારે કરે છે જ્યારે ખોરાકમાં પ્રોટિન, કાર્બોહાઈડ્રેટ અને ફેટમાંથી મળતી કેલેરીનું ચોક્કસ પ્રમાણ જળવાઈ રહે છે. ડો.બેરી સીયર્સના મત અનુસાર આપણા શરીરને ૪૦ ટકા કેલેરી પ્રોટિનમાંથી મળવી જોઈએ જ્યારે બીજી ૩૦ ટકા ફેટમાંથી અને બાકીની ૩૦ ટકા કાર્બોહાઈડ્રેટમાંથી. જો પ્રોટિન, કાર્બોહાઈડ્રેટ અને ફેટમાંથી મળતી કેલેરીનું આ ચોક્કસ પ્રમાણ જાળવી રાખવામાં આવે તો શરીરમાં ઈનસ્યુલિનનું ઉત્પાદન સ્થિર રહે છે, જે મગજને વારંવાર ભૂખના સંદેશા આપવાનું બંધ કરી દે છે. આમ જોવા જઈએ તો આ ડાયેટ પ્લાન અનુસરવો પ્રમાણમાં સરળ છે અને તેને અનુસરનારાઓનું વજન ઘટ્યું હોવાનું પણ અનેકવાર નોંધાયું છે, પરંતુ એ પાછળ ડો. સીયર્સની ૪૦-૩૦-૩૦ના રેશિયોની થિયરી જ કામ કરે છે કે નહીં તે હજી સુધી યોગ્ય રીતે પુરવાર થયું નથી.

સાઉથ બીચ ડાયેટઃ મિયામી સ્થિત કાર્ડિયોલોજિસ્ટ ડો.આર્થર અગાસ્ટન દ્વારા તૈયાર કરવામાં આવેલા આ ડાયેટ પ્લાનનું નામ તેમણે મિયામીના ટ્રેન્ડી સાઉથ બીચ પરથી રાખ્યું છે. અટકિન ડાયેટની જેમ આ ડાયેટ પ્લાનમાં પણ વ્યક્તિએ શરૂઆતનો કેટલોક સમય કાર્બોહાઈડ્રેટના સેવન પર સંપૂર્ણ પ્રતિબંધ મૂકવાનો હોય છે, પરંતુ કેટલાક અઠવાડિયા બાદ સારું કાર્બોહાઈડ્રેટ ધરાવતા વિવિધ પ્રકારના અનાજ ખાવાની છૂટ આપવામાં આવે છે. આ ડાયેટ પ્લાન પાછળની થિયરી કહે છે કે ઓછું ગ્લાઈકેમિક ઈન્ડેક્સ ધરાવતો ખોરાક તમારું પેટ જલદી અને લાંબા સમય માટે ભરી દે છે, જ્યારે વધુ ગ્લાઈકેમિક ઈન્ડેક્સ ધરાવતો ખોરાક તમને જલદીથી ભૂખ્યા બનાવી દે છે.

ડીટોક્સ ડાયેટઃ ડીટોક્સ ડાયેટ શરીરમાં રહેલા નુકશાનકારક ટોક્સિન્સને બહાર ફેંકી દેતું હોવાનો દાવો કરે છે. સામાન્ય રીતે આપણા ખોરાકમાં આર્ટીફિશિયલ કલર, પ્રીઝરવેટિવ્સ તથા કલર એન્હેન્સર વગેરે જેવા અનેક એવા તત્વોનો ઉપયોગ કરવામાં આવે છે, જે વાસ્તવમાં માનવ શરીર માટે સાવ નકામા હોય છે. તેથી જો માત્ર પાણી કે ફ્રૂટ જ્યુસ વગેરે આધારિત ડી ટોક્સ ડાયેટ અનુસરવામાં આવે તો શરીર આપોઆપ શક્તિ માટે સંગ્રહિત ચરબીનો ઉપયોગ કરવા માંડશે, જેને પગલે એ ચરબીમાં રહેલા ટોક્સિન્સ પણ લોહી, પસીનો, પેશાબ તથા શ્વાસના માધ્યમથી બહાર ફેંકાઈ જશે. આમ તો ડીટોક્સ ડાયેટની અસરકારકતા અંગે અનેક પ્રશ્નોના જવાબો હજી સુધી શોધી શકાયા નથી, તેમ છતાં વૈજ્ઞાનિકો, ડોક્ટરો અને ડાયેટિશિયનો બે-ત્રણ દિવસના ડીટોક્સ ડાયેટ સામે કોઈ ખાસ વાંધો ઊઠાવતા નથી. પરંતુ એક રીતે જોવા જઈએ તો ઉપવાસ જેવો જ ડાયેટ પ્લાન લાંબો સમય સુધી અનુસરવામાં આવે તો જોખમી પણ પુરવાર થઈ શકે છે.

મેડિટેરેનિયન ડાયેટઃ ૧૯૯૦ની સાલ બાદ વધુ પ્રચલિત બનેલો આ ડાયેટ પ્લાન મુખ્યત્વે મેડિટેરેનિયન સી (ભૂમધ્ય સમુદ્ર)ની વિસ્તારમાં આવેલા પોર્ટુગલ, સ્પેન, દક્ષિણ ઈટલી, દક્ષિણ ફ્રાન્સ અને ગ્રીસ જેવા દેશોની ભોજન પદ્ધતિ પરથી તૈયાર કરવામાં આવ્યો છે. મેડિટેરેનિયન ડાયેટનું સર્વસ્વીકૃત વર્ઝન હાર્વર્ડ યુનિવર્સિટીની સ્કૂલ ઓફ પબ્લિક હેલ્થના ડો.વોલ્ટર વિલેટ દ્વારા તૈયાર કરવામાં આવ્યું હતું. આ ડાયેટ પ્લાન ફેટના મુખ્ય સ્ત્રોત તરીકે ઓલિવ ઓઈલના ઉપયોગ ઉપરાંત અનરીફાઈન્ડ અનાજ, કઠોળ, પુષ્કળ પ્રમાણમાં શાકભાજી અને ફળોની સાથે સાથે મર્યાદિત માત્રામાં ચીઝ અને દહીં જેવા દૂધમાંથી બનેલા ઉત્પાદનો, ઈંડા, મીટ અને રેડ વાઈનનો સમાવેશ કરવાનું સૂચવે છે. ઓલિવ ઓઈલમાં રહેલા મોનોસેચ્યુરેટેડ ફેટ્સ હૃદયરોગના હુમલાની શક્યતાઓ ઓછી કરે છે. સાથે જ તેમાં રહેલા એન્ટીઓક્સિડન્ટ્સ શરીરમાં કોલેસ્ટ્રોલનું પ્રમાણ જાળવી રાખે છે અને વ્યક્તિને હાઈપર ટેન્શન વગેરે જેવી અનેક બિમારીઓથી પણ બચાવે છે. અલબત્ત જાણકારોનું કહેવું છે કે મેડિટેરેનિયન ડાયેટમાં સોલ્ટ એટલે મીઠાનું પ્રમાણ ઘણું વધારે હોય છે, જે આખરે તો શરીર માટે નુકશાનકર્તા જ છે. સાથે જ કસરતના અભાવમાં આ ડાયેટ પ્લાન જોઈએ એવો અસરકારક પણ નીવડતો નથી.

બેબી ફૂડ ડાયેટઃ સેલિબ્રિટી ટ્રેનર ટ્રેસી એન્ડરસન દ્વારા તૈયાર કરવામાં આવેલો આ ડાયેટ પ્લાન આજકાલ હોલિવુડમાં અતિ પ્રચલિત છે. આ ડાયેટ પ્લાન અનુસાર પુખ્ત વયની વ્યક્તિઓએ દાંત વગરના બાળકો દ્વારા ખવાતા ગાજરની પ્યોરી, તજ નાખેલો પેરનો ગર, છૂંદેલું કેળું વગેરે જેવો બજારમાં નાની નાની બાટલીઓમાં તૈયાર મળતો ખોરાક આરોગવાનો હોય છે. આ ડાયેટ પ્લાનમાં વ્યક્તિએ આખા દિવસમાં આવી ૧૪ બાટલીઓ પૂરી કરવાની રહે છે, જેની સાથે ઈચ્છા હોય તો રાતના સમયે વ્યસ્કો દ્વારા લેવાતું ડીનર ખાવાની છૂટ છે. બીજા વિકલ્પ તરીકે વ્યક્તિએ દિવસમાં માત્ર ત્રણ જ વાર વ્યસ્કો જેવું ભોજન ખાવાનું રહે છે, બાકીના સમયમાં ભૂખ લાગે ત્યારે આવા બેબી ફૂડ પ્રોડક્ટ્સનો ઉપયોગ કરવાનો હોય છે. આ ડાયેટ પ્લાન પાછળની થિયરી એમ કહે છે કે નાની નાની બાટલીઓમાં મળતું આ બેબી ફૂડ તમને ઓવર ઈટિંગ કરતા અટકાવે છે. આ પ્લાનને વળગી રહો તો સ્વાભાવિક રીતે શરીરમાં ઓછી કેલેરી ઠલવાય છે, જેને પગલે વજન ઝડપથી ઊતરે છે. બીજો એક મોટો ફાયદો એ છે કે મોટાભાગના બેબી ફૂડમાં શુગર, સોલ્ટ અને ફેટનું પ્રમાણ નહીંવત્ હોય છે. સાથે જ તેમાં કોઈ પણ પ્રકારના પ્રીઝર્વેટિવ્સ કે એડિટિવ્સ પણ નાખવામાં આવતા નથી અને તેમાં પોષક તત્વોનું પ્રમાણ પણ વધુ હોય છે. અલબત્ત નિષ્ણાંતોનું કહેવું છે કે બેબી ફૂડ ખાસ બાળકોની જરૂરિયાતોને ધ્યાનમાં રાખીને બનાવવામાં આવ્યા હોવાથી વ્યસ્કોને તેનાથી જોઈએ એટલું પોષણ મળતું નથી. સાથે જ મોટાભાગના બેબી ફૂડમાં ફાયબર, કેલ્શિયમ અને વિટામીન-ડીનું પ્રમાણ પણ સાવ ઓછું હોય છે. સાથે જ એકવાર એકેક કોળિયો ચાવીને ખાવાની આદત ડેવલપ થઈ ગયા બાદ માત્ર ગળી જ જવાના હોય તેવા આ બેબી પ્રોડકટ્સ ખાધાનો સંતોષ આપતા નથી, તેથી એકાદ અઠવાડિયાથી વધુ લાંબો સમય આ ડાયેટ પ્લાન અનુસરવું આકરું છે.

- ફાલ્ગુની જડિયા-ભટ્ટ

જેમણે શહેરની રેસ્ટોરન્ટોનાં જૂનાં મેનૂ સાચવી રાખ્યાં હોય તે આપવાની ઓફર કરવામાં આવી છે.

સ્વયંસેવકોએ વર્ષ ૨૦૧૧માં ૯૦૦૦ જેટલા મેનૂ મેળવ્યાં હતા અને વીતી ગયેલા વર્ષ ૨૦૧૨માં પણ એ શોધખોળ આગળ વધી હતી.

વિશ્વમાં હાથ ધરવામાં આવેલી સૌથી મોટી કામગીરીઓમાં રેસ્ટોરન્ટ મેનૂ કલેક્શનનો સમાવેશ કરવામાં આવ્યો છે.

ઈતિહાસકારો એવી માહિતી એકત્ર કરવામાં પરોવાઈ ગયાં છે કે ન્યૂ યોર્કમાં છેક ૧૯મી સદીમાં રેસ્ટોરન્ટોમાં કઈ વાનગીઓ, કેટલી કિંમતમાં પીરસવામાં આવતી હતી, ૧૯૦૭માં રેસ્ટોરન્ટમાં કોફી શું ભાવે મળતી હતી વગેરે. એવી જ રીતે, જૂના જમાનામાં રેસ્ટોરન્ટોમાં વાઈન શું ભાવે વેચાતું હતું એની પણ માહિતી એકત્ર કરવામાં આવી રહી છે.

દુનિયાભરમાંથી પર્યટકોને આકર્ષિત કરવા માટે ગુણવત્તાસભર વાઈન મોટો ભાગ ભજવી શકે એવું અહીંના લોકો હવે માને છે.

દેશના મધ્ય ભાગમાં દ્રાક્ષની ખેતીનો એક વિશાળ બગીચો છે જ્યાં આધુનિક સાધનસામગ્રીઓ મોજૂદ છે. શાન રાજ્યમાં રેડ માઉન્ટેન એસ્ટેટ ખાતે વાઈન ઉત્પાદનનું મોટા પાયે કામ ચાલી રહ્યું છે.

આ વાઈનયાર્ડમાં પ્રતિ વર્ષ વાઈનની લગભગ ૧,૨૦,૦૦૦ બોટલનું ઉત્પાદન કરવામાં આવે છે. દરેક બોટલની કિંમત ૧૦,૦૦૦ ક્યાત (૧૧ ડોલર) છે.

ઘણા પર્યટકો યુરોપવાસીઓ છે જેઓ સ્ટ્રોંગ વાઈનનાં શોખીન છે.

મ્યાનમારમાં વાઈનનાં બિઝનેસનાં સ્થાપક એક જર્મન ઉદ્યોગપતિ હતા, બર્ટ મોર્શબેક. ૧૯૮૯માં એ મ્યાનમારને બાસમતી ચોખાની નિકાસ કરતા હતા, પણ મ્યાનમારનાં શાસકોએ એમનો બિઝનેસ જપ્ત કરી લીધા બાદ એમણે વાઈનનો ધંધો શરૂ કર્યો હતો.

ઓસ્ટ્રેલિયાના નિષ્ણાતોએ એક અભ્યાસના આધારે કહ્યું છે કે બાળકોનાં શરીરમાં નમકનું પ્રમાણ જેટલું વધશે એટલાં તે ખાંડવાળા ગળ્યા પીણાંઓ પણ વધારે પીશે.

જે બાળકોએ સર્વેક્ષણના દિવસો પૈકી પ્રત્યેક દિવસે એક કરતાં વધારે સુગર ડ્રિન્ક્સ પીધાં હતાં તેમાંના ૨૬ ટકાને મેદસ્વીપણાની સંભાવના વધારે હતી, કારણ કે એવું માલૂમ પડ્યું છે કે બાળકોનાં શરીરમાં ચરબીનાં થર વધારવામાં મીઠું મહત્વનો ભાગ ભજવી શકે છે.

ડીયાકીન યુનિવર્સિટીનાં નિષ્ણાતોએ બે થી લઈને ૧૬ વર્ષની વયનાં ૪,૨૦૦ ઓસ્ટ્રેલિયન બાળકો પર અજમાયશો કરી હતી. સરેરાશ ૧૨ અને ૧૯ વર્ષની વયના બાળકોએ દિવસમાં લગભગ બે કેન એટલે કે ૬૫૦ એમએલ. સુગરી સોડા પીધા હતા. તેની સામે એટલી જ વયની છોકરીઓએ થોડા ઓછા, લગભગ ૪૧૪ એમએલ ડ્રિન્ક્સ ગટગટાવ્યા હતા.

સરેરાશ, જે બાળકોએ ખાંડવાળા ગળ્યા પીણાં એટલે કે સોડા, ફ્રૂટ ડ્રિન્ક્સ, સ્પોર્ટ્સ અને એનર્જી ડ્રિન્ક્સ પીધા હતા તેમણે શરીરમાં પ્રતિ દિવસ ૬.૫ ગ્રામ નમક નાખ્યું હતું. તેની તુલનામાં જે બાળકોએ ગળ્યા પીણાં પીધા નહોતાં તેમણે પ્રતિ દિવસ ૫.૮ ગ્રામ સોલ્ટ લીધું હતું.

[[Show as slideshow]]

આવી મજા અવેલેબલ છે, જાપાનમાં. ત્યાંની કેટલીક હોટેલોમાં નિર્વસ્ત્ર સ્ત્રીઓનાં શરીર ઉપર વાનગી પીરસવામાં આવે છે અને લોકો એની મજા માણે છે.

ભારતમાં આને અશ્લિલતા ગણવામાં આવે, પણ જાપાનના ટોકિયો, ક્યોતો અને ઓસાકા શહેરોમાં ગ્રાહકોને પરમ આનંદ આપવા માટે આવી અનોખી રેસ્ટોરાંઓ ચાલે છે, ન્યોતાઈમોરી રેસ્ટોરાં. ત્યાં વૈભવશાળી અને શોખીન લોકોમાં સ્ત્રીઓનાં નગ્ન દેહ પર મૂકેલી વાનગીઓ ખાવાની ભારે ઘેલછા છે.

સ્ત્રીનાં નગ્ન દેહ પર વાનગી પીરસેલી હોય, જીવતી-જાગતી-હસતી કામુક સ્ત્રીઓ સાથે વાત પણ કરતા જાવ અને સુશી વાનગી આરોગતા જાવ.

આવી મજા માણવા માટે સ્વાભાવિક રીતે, ચિક્કાર પૈસા ખર્ચવા પડે. સૂત્રોના જણાવ્યા મુજબ, જાપાની રેસ્ટોરાંમાં આ પ્રકારે નાસ્તો કરવા માટે લગભગ ૧,૯૨૦ ડોલર ચૂકવવા પડે છે તો જમવા માટેનો ચાર્જ ૧૨,૭૮૫ ડોલર જેટલો ઊંચો છે.

ન્યોતાઈમોરી રેસ્ટોરાંમાં મોટા કદનાં ડાઈનિંગ ટેબલ મૂકેલા હોય છે. જેની પર છોકરીઓને સૂવડાવીને તેમનાં નગ્ન દેહ પર ખાસ ડિશ સુશી કે સાશિમી પીરસવામાં આવે છે.

આ હોટેલમાં આવા કામ માટે સુંદર મોડેલ્સને પૈસા આપવામાં આવે છે. હોટેલ ખુલે અને ગ્રાહકો આવે એ પહેલાંથી જ છોકરીઓ ટેબલ ન્યૂડ થઈને સૂઈ જાય છે. કર્મચારી એમનાં શરીર પર લીલાં શાકભાજી, સલાડ અને સુશીનું ડેકોરેશન કરે. છોકરીની ચારેબાજુ વાઈનના ગ્લાસ મૂકવામાં આવે છે.

ગ્રાહકો પોતાની પસંદનાં ટેબલ પર ભોજન મગાવે છે. સુશી ખાવા માટે ગ્રાહક સીધાં જ છોકરીનાં શરીર પરથી નાસ્તો ઉઠાવે છે. એ દરમિયાન છોકરીનાં ગુપ્તાંગ તથા વક્ષ ભાગને પાન, ફૂલ કે લીલાં શાકભાજીથી ઢાંકી રાખવામાં આવે છે.

આ ચેમ્પિયન ખેલાડીએ ૨૦૧૩ના વર્ષ માટે ડોન્કી ચીઝનાં ઉત્પાદન અને વેચાણના સંપૂર્ણ હક ખરીદી લીધા છે. તેનો ભાવ પ્રતિ કિલો ૧૦૦૦ પ્રતિ યુરો ડોલર છે. બેલગ્રેડ શહેરના એક ફાર્મમાં બાલ્કન જાતિની ગધેડીઓનાં દૂધમાંથી આ ચીઝ બનાવવામાં આવે છે.

પ્રસૂતાનાં દૂધમાં જે ગુણ હોય છે તે ગધેડીના દૂધમાં હોય છે. તેના સેવનથી કોલેસ્ટરોલનું પ્રમાણ અંકુશમાં રહે છે.

વિમ્બલ્ડન ચેમ્પિયન જોકોવિચે સર્બિયામાં તેની માલિકીની નોવાક કેફે એન્ડ રેસ્ટોરાની ચેન રેસ્ટોરાંઓમાં ડોન્કી ચીઝ પીરસવા માટે ગધેડાઓના ફાર્મના માલિક સાથે કરાર કર્યો છે.

ડોન્કી ચીઝ સફેદ રંગનું અને ખૂબ સ્વાદિષ્ટ હોય છે.

બેલગ્રેડથી લગભગ ૫૦ માઈલ દૂરના સ્થળે આવેલી ઝેસાવીકા ચીઝ કંપનીના મેનેજરનું કહેવું છે કે અમારું ફાર્મ એકમાત્ર એવું છે જે ચીઝના ઉત્પાદન માટે ગધેડીઓનું દૂધ મેળવે છે.

ગધેડીનાં દૂધમાં માત્ર ૧ ટકો ચરબી હોય છે અને વિટામીન-સી ભરપૂર માત્રામાં હોય છે.

વિશ્વમાં નંબર-વન સિંગલ્સ પ્લેયર જોકોવિચે ચાલુ વર્ષ માટે ડોન્કી ચીઝનો બધો માલ વિશ્વમાં તેના એકમાત્ર ઉત્પાદક પાસેથી ખરીદી લીધો છે.

જાપાનની એક લીકર ઉત્પાદક કંપનીએ હાથ ધરેલા વૈજ્ઞાનિક અભ્યાસ પરથી આ માલૂમ પડ્યું છે.

સેપોરો બ્રુવરીઝના નિષ્ણાતોનું કહેવું છે કે બીયરમાં કડવો સ્વાદ લાવનાર છે હોપ્સ નામની એક વનસ્પતિમાં રહેલું એક રાસાયણિક તત્વ. જોકે આ તત્વ યુવા વ્યક્તિઓ, ખાસ કરીને બાળકોનું ન્યૂમોનિયા અને બ્રોન્કાઈટિસ જેવી બીમારીઓ લાવનાર વાયરસ સામે અસરકારક રીતે રક્ષણ કરે છે.

સેપોરો મેડિકલ યુનિવર્સિટીના સંશોધકોએ અભ્યાસ દ્વારા શોધી કાઢ્યું છે કે બીયરમાં રહેલું તત્વ ‘હુમુલોન’ રેસ્પિરેટરી સિન્સીશલ (આરએસ) વાયરસ સામે અસરકારક રીતે રક્ષણ આપે છે. આરએસ વાયરસ નવજાત શિશુઓ અને બાળકોમાં ન્યૂમોનિયા અને શ્વાસની તકલીફો પેદા કરે છે. એ તબક્કે નવજાત શિશુઓને કોઈ પ્રકારની રસી આપી શકાતી નથી. આ વાયરસ શિયાળામાં ફેલાતો હોય છે અને પુખ્ત વયનાંઓમાં શરદી જેવા લક્ષણો પેદા કરે છે.

બીયરમાં હુમુલોનની હાજરી જોવા મળી છે. બીયરના ૩૫૦ મિ.મી.ના ૩૦ જેટલા કેન પીવાથી વાયરસ સામેની પ્રતિકારક શક્તિ મળી રહે.

વિજ્ઞાનીઓ હવે હુમુલોનને ખાદ્યપદાર્થો કે નોન-આલ્કોહોલિક પ્રોડક્ટ્સમાં કેવી રીતે ઉમેરવું તેનો અભ્યાસ કરી રહ્યા છે. એમને પડકાર છે, કડવો સ્વાદ જે બાળકોને ન ભાવે.

વિશ્વમાં ફળનાં સ્વાદમાં કૃત્રિમ ફેરફાર કરવાનો આ પહેલી જ વાર પ્રયાસ થઈ રહ્યો છે. ક્વીન્સલેન્ડ રાજ્યના કૃષિ વિભાગના નિષ્ણાતો તેમના આ પ્રયોગના અંતિમ તબક્કામાં પહોંચી ગયા છે. નવી વેરાયટીનું અનાનસ ‘ઓસફેસ્ટિવલ પાઈનેપલ’ નામે ઓળખાશે.

હોર્ટિકલ્ચરિસ્ટ ગાર્થ સેનેવ્સ્કીનું કહેવું છે કે, કોકોનટ ફ્લેવરવાળું અનાનસ મજેદાર સ્વાદવાળું બન્યું છે. આવું અનાનસ તમને બીજે ક્યાંય નહીં મળે. એ સ્વાદમાં મીઠું છે, રસથી ભરપૂર છે અને એમાં એસિડનું પ્રમાણ ઓછું છે.

નવી જાતના અનાનસનાં ઝાડ કમર્શિયલ ધોરણે ઉગાડતાં બે વર્ષ નીકળી જશે એવું વિજ્ઞાનીઓ કહે છે.

ન્યુટ્રલ સ્પિરીટ એવો વોડકા ફ્લેવર્સની વિવિધ રેન્જને સમાવી શકે એમ છે. તેથી જ વોડકાના ઉત્પાદકો આ ડિસ્ટીલ્ડ બેવરેજમાં જેલી ફ્લેવર્સથી લઈને ફ્રૂટના સ્વાદનો ઉમેરો કરવા માંડ્યા છે.

સ્મિર્નોફે અમેરિકામાં હેલોવીઅન, થેંક્સગિવિંગ અને ન્યૂ યર સેલિબ્રેશન્સ માટે બે નવી હોલીડે ફ્લેવર રિલીઝ કરી છે. એક, આઈસ્ડ કેક અને બીજી, કિસ્ડ કેરેમલ.

સ્પિરીટ ઉદ્યોગમાં ફ્લેવર્ડ વોડકા ઝડપથી વિકાસ પામતું સેગમેન્ટ છે અને તેના વેચાણમાં ધરખમ વધારો નોંધાયો છે. આમાં ફ્રેન્ચ વોડકા ઉત્પાદક પિનેકલની વ્હીપ્ડ ક્રીમ રેન્જના વોડકાનું વેચાણ સૌથી વધારે ઉંચે ગયું છે અને તે આજે અમેરિકામાં મોખરાની ફ્લેવર્ડ વોડકા બ્રાન્ડ બની છે.

કપકેક વોડકામાં લેમન શિફોન ફ્લેવર વધુ પસંદ કરાય છે તો ફીમેલ ડ્રિન્કર્સમાં વેનિલા ફ્રોસ્ટિંગ અને બેરીઝ ફ્લેવર વધારે પોપ્યૂલર છે.

ફ્લેવર્ડ વોડકા એકલો પણ પી શકાય અને કોકટેલ તરીકે પણ ઉપયોગમાં લઈ શકાય.

ન્યૂ યોર્કના મેડિસન સ્ક્વેર પાર્કમાં તો શૅક શૅકના બર્ગર ખાવા માટે લોકોની એક માઈલ જેટલી લાંબી લાઈન લાગે છે. હવે આવતા વર્ષથી લંડનમાં પણ કદાચ એવા દ્રશ્યો જોવા મળશે.

ડેની મેયર્સ યુનિયન સ્ક્વેર હોસ્પિટેલિટી ગ્રુપ અમેરિકામાં વગદાર રેસ્ટોરાંમાલિક ગણાય છે.

લંડનમાં એ આવતા વર્ષના મધ્ય ભાગમાં રોયલ ઓપેરા હાઉસ નજીક માર્કેટ બિલ્ડિંગમાં જેમી ઓલિવર્સ યુનિયન જેક્સ રેસ્ટોરાંની બાજુમાં પોતાની રેસ્ટોરાં શરૂ કરશે.

શૅક શૅક ફેમસ રોડ-સાઈડ બર્ગર સ્ટેન્ડ છે. યુરોપમાં મેયર્સની એ પહેલી જ રેસ્ટોરાં હશે. અમેરિકા ઉપરાંત દુબઈ તથા કુવૈત સિટીમાં પણ બર્ગર ચેન, શૅક શૅકની હાજરી છે.

બર્ગર વેજ અને નોન-વેજ, એમ બંને આઈટમ છે. ટમેટાં, કાંદા, અમેરિકન ચીઝ તથા અન્ય ખાદ્યસામગ્રી સાથે બનાવાતું બર્ગર, અને તેમાંય શૅક શૅક બર્ગર અમેરિકાના ફૂડ શોખીનોમાં પ્રિય છે.

એકસ્ટ્રા વર્જિન ઓલિવ ઓઈલ

એક સામાન્ય માન્યતા એવી છે કે એકસ્ટ્રા વર્જિન ઓલિવ ઓઈલને ગરમ કરવાથી તેના ગુણકારી તત્વો નાશ પામે છે, પરંતુ હકીકત એ છે કે મોટાભાગના ઓલિવ ઓઈલ 230 ડિગ્રી સેન્ટીગ્રેડ સુધીની ગરમી સરળતાથી ખમી શકે છે. આ ટેમ્પ્રેચર આપણા પૂરી તળવા માટે ગરમ કરવામાં આવતા તેલથી પણ ઘણું વધારે છે. તેથી ડરવાની કોઈ જરૂર નથી. તમે ઈચ્છો તો એકસ્ટ્રા વર્જિન ઓલિવ ઓઈલને માત્ર શાક કે દાળમાં વઘાર પૂરતું જ નહીં, પરંતુ આપણા ટીપિકલ તળેલા ગુજરાતી નાસ્તા બનાવવા માટે પણ ઉપયોગમાં લઈ શકો છો. અલબત્ત એટલું ખરું કે ગરમ કરવાથી ઓલિવ ઓઈલના સ્વાદ અને સુગંધમાં થોડોક ફરક ચોક્કસ આવે છે. તેથી તમે કોઈ મોંઘીદાટ ઓલિવ ઓઈલની બાટલીમાં તમારા પૈસા રોક્યા હોય તો પૂરેપૂરી લિજ્જત માણવા તેનો ઉપયોગ માત્ર સલાડ ડ્રેસિંગ તરીકે કરવો વધુ સંતોષકારક રહેશે.

લાઈટ ઓલિવ ઓઈલ

લોકોનું એવું પણ કહેવું છે કે અન્ય ઓલિવ ઓઈલની સરખામણીમાં લાઈટ ઓલિવ ઓઈલમાં કેલેરીનું પ્રમાણ ઓછું હોય છે. જ્યારે સત્ય એ છે કે આ બધું ઓલિવ ઓઈલ તૈયાર કરતી કંપનીઓએ ઊભું કરેલું ગતકડું માત્ર છે. વાસ્તવમાં ઓલિવ ઓઈલના સંદર્ભમાં જ્યારે લાઈટ શબ્દનો ઉપયોગ થાય છે ત્યારે તેનો અર્થ તેના સ્વાદ અને સુગંધની નિયંત્રિત માત્રા સાથે જોડાયેલો છે. તેથી જ કેટલીક કંપનીઓ લાઈટને સ્થાને ખાસ ભારતીય ભોજન માટે તૈયાર કરવામાં આવેલા ઓલિવ ઓઈલ તરીકે તેનો પ્રચાર કરે છે. જોકે, આ તેલમાં પણ કેટલીક મોનોઅનસેચ્યુરેટેડ ફેટ્સ તો રહેવાની જ, તેથી અન્ય ઓલિવ ઓઈલની સરખામણીમાં લાઈટ ઓલિવ ઓઈલ ઓછા કેલેરીવાળું છે એવું માનવાને કોઈ કારણ નથી. હા, એટલું ખરું કે તેમાં એકસ્ટ્રા વર્જિન ઓલિવ ઓઈલ જેટલા એન્ટી-ઓક્સિડન્ટ નહીં હોય.

ફર્સ્ટ કોલ્ડ પ્રેસિંગ

આમ જનતામાં એકસ્ટ્રા વર્જિન ઓલિવ ઓઈલ અને ફર્સ્ટ કોલ્ડ પ્રેસિંગ દ્વારા પ્રાપ્ત થયેલ ઓઈલ સંબંધી પણ અનેક ગેરમાન્યતા પ્રવર્તે છે. કેટલાકનું માનવું છે કે એકસ્ટ્રા વર્જિન ઓલિવ ઓઈલની સરખામણીમાં ફર્સ્ટ કોલ્ડ પ્રેસિંગની પદ્ધતિથી પ્રાપ્ત થયેલું ઓલિવ ઓઈલ વધુ ગુણકારી હોય છે, જ્યારે હકીકત એ છે કે કોઈ પણ સારી ક્વૉલિટીનું એકસ્ટ્રા વર્જિન ઓલિવ ઓઈલ ફર્સ્ટ પ્રેસિંગની પદ્ધતિથી જ પ્રાપ્ત કરવામાં આવ્યું હોય છે. વાસ્તવમાં ઓલિવમાંથી તેલ કાઢવા તેને ગરમ કરવાની જરૂર નથી. સાચી પદ્ધતિ ઓલિવને સામાન્ય તાપમાનમાં એકવારમાં જ પીસીને તેમાંથી તેલ કાઢવાની છે. એમાં પણ પીસતી વખતે ઓલિવના ફળનું તાપમાન જેટલું નીચું તેટલું તેલ વધુ ગુણકારી. તેથી કેટલાક દેશોમાં ઓલિવના ફળમાંથી તેલ કાઢવાની પ્રક્રિયા રાતના સમયે હાથ ધરવામાં આવે છે. તેથી પોષક તત્વોની દૃષ્ટિએ ઓલિવ ઓઈલ કેટલું સારું છે તે સમજવા એ તેલમાં વપરાયેલા ઓલિવના ફળોની કાપણી ક્યારે થઈ હતી તે જાણવું જોઈએ. આ માહિતી તમને તેલની બાટલી પર પ્રિન્ટ કરવામાં આવેલી વિગતોમાં સરળતાથી જોવા મળશે. તેલ જેટલું તાજું હશે તેટલું ગુણોની દ્રષ્ટિએ વધુ સમૃદ્ધ હશે.

બીજી મહત્વની વાત એ કે, કાચની બાટલીમાં મળતા તેલને સ્થાને બને ત્યાં સુધી પ્લાસ્ટિક અથવા કાગળના પૂઠ્ઠાના બનેલા ટેટ્રા પેક્સમાં મળતું તેલ વાપરવાનું પસંદ કરવું જોઈએ, કારણ કે સૂર્ય પ્રકાશથી કાચની બાટલી ભરવામાં આવેલા તેલની ગુણવત્તા પર અસર પડે છે.

- ફાલ્ગુની જડિયા-ભટ્ટ

[[Show as slideshow]]

સોજૂ કોરિયાના એક શહેરનું નામ છે.

લોસ એન્જેલીસમાંની કોરિયન રેસ્ટોરાંએ પીએસવાઈ નામથી મશહૂર થયેલા કોરિયન પોપસિંગર પ્રત્યે ખુશી વ્યક્ત કરવા માટે પોતાનું નામ બદલ્યું છે.

પીએસવાઈ વિડિયોએ નવો ઈતિહાસ સર્જ્યો છે. એ હવે યૂટ્યૂબ પર સૌથી વધારે લોકોએ જોયેલી અને પસંદ કરાયેલી વિડિયો બની છે. માત્ર ચાર મહિનામાં જ ૮૧ કરોડ ૧૪ લાખ લોકોએ તે જોઈ છે અને તેના દીવાના બની ગયા છે.

પોપ સ્ટાર પીએસવાઈએ કહ્યું છે કે રેસ્ટોરાંએ ગંગનમ સ્ટાઈલ રાખ્યું હોવા છતાં એ તેની સામે કોપીરાઈટના ઉલ્લંઘન માટે કોઈ કાનૂની પગલું નહીં લે, કારણ કે કોઈ નકલ કરવી એ ખુશામતનો પ્રામાણિક પ્રકાર છે.

આ જબરદસ્ત કોરિયન પોપ સોંગનો ઉપયોગ કરીને પોતાનો બિઝનેસ વધારવાનો પ્રયાસ કરનાર લોસ એન્જેલીસની રેસ્ટોરાં કંઈ પહેલી નથી. ન્યૂ યોર્કમાં પણ એક કોરિયન ફૂડ કાર્ટ પણ ‘ગંગનમ સ્ટાઈલ’ અપનાવીને ગ્રાહકોને તેની વાનગીઓ પીરસે છે.

૨૦૦૮માં ભારતમાં ચોકલેટનું વેચાણ અંદાજે ૪૧ કરોડ ૮૦ લાખ ડોલરનું હતું જે ૨૦૧૧માં વધીને ૮૫ કરોડ ૭૦ લાખ ડોલર થયું હતું.

દિવાળીના તહેવારના પાંચ દિવસ દરમિયાન ભવ્ય પાર્ટીઓ કે ભોજન સમારંભોમાં મિઠાઈ અને ડિઝર્ટમાં ચોકલેટનો વપરાશ વધ્યો છે. વળી, ચોકલેટ સીઝનલ ગિફ્ટ તરીકે પણ વધુ ને વધુ પોપ્યૂલર થઈ રહી છે.

ભારતના ગ્રાહકો બોક્સમાં પેક કરેલી ચોકલેટને લક્ઝરિયસ અને સ્વાસ્થ્યપ્રદ માને છે.

એક સર્વેક્ષણ અનુસાર, ભારતમાં ચોકલેટનો માથાદીઠ વપરાશ ૨૦૧૧માં ૭૦ ગ્રામ હતો જે જર્મનીમાં સરેરાશ ૮ કિ.ગ્રા. છે. બ્રિટન અને ફ્રાન્સમાં આ આંકડો ૬ કિ.ગ્રા. છે.

અગાઉની યોજના મુજબ, સરકાર દેશની કેફે, રેસ્ટોરાં અને બિસ્ત્રોસમાં પીરસવામાં આવતા ફૂડ પર ૧૦ ટકા વેલ્યૂ એડેડ ટેક્સ (વેટ) નાખવાની હતી જે હાલ સાત ટકા છે.

તદુપરાંત રેસ્ટોરન્ટ ફૂડ પર સ્ટાન્ડર્ડ રેટ લાગુ કરવાની પણ એક હિલચાલ હતી જે રેટ ૨૦ ટકા જેટલો ઊંચો જઈ શકે એમ છે. પરંતુ હોટેલ ઉદ્યોગના પ્રતિનિધિઓની નારાજગી અને જોરદાર રજૂઆત બાદ ફ્રાન્સની સરકારે ટેક્સ લાગુ કરવાનું માંડી વાળ્યું છે.

હોટેલ ઉદ્યોગના પ્રતિનિધિઓએ એવી રજૂઆત કરી હતી કે વેટના દરમાં વધારો કરવાથી આ ઉદ્યોગમાં નોકરીઓનો નાશ થઈ જશે.

વોર્વિક યુનિવર્સિટીના પ્રોફેસરોને આ સ્ટડીના આધારે જાણવા મળ્યું કે જે લોકોને ફળફળાદી અને શાકભાજી વધારે પ્રમાણમાં પીરસવામાં આવ્યા હતા અને તેમણે ખાધા હતા તેમનામાં માનસિક આનંદનું પ્રમાણ વધારે હતું.

વોર્વિક તથા અમેરિકાની ડાર્ટમાઉથ કોલેજના સંશોધકોએ બ્રિટનમાં ૮૦,૦૦૦ લોકોની આહારને લગતી આદતોની સાથે મળીને કરેલી સમીક્ષા પરથી જાણ્યું છે કે

બ્રિટનમાં લોકો ફળો અને શાકભાજી બહુ ઓછા પ્રમાણમાં ખાય છે. કુલ વસ્તીના પા ભાગના લોકો પ્રતિ દિવસ સરેરાશ માંડ ૮૦ ગ્રામ જેટલાં ફ્રૂટ-શાકભાજી ખાય છે જ્યારે દસમા ભાગના બ્રિટિશરો દિવસમાં ૫૬૦ ગ્રામ જેટલાં ફ્રૂટ-વેજિટેબલ્સ આરોગે છે.

બ્રિટિશ મેડિકલ જર્નલના એક અન્ય સ્ટડી અનુસાર, લીલાં શાકભાજી, પાંદડાવાળા શાકભાજી ખાવાથી ટાઈપ-2 ડાયાબિટીસનું જોખમ નોંધપાત્ર રીતે ઘટે છે.

એક સર્વેમાં ૨૧૧૯ માતા-પિતાઓને તેમજ ૩ થી લઈને ૧૭ વર્ષની વયના બાળકોની દેખભાળ કરતી વ્યક્તિઓને સામેલ કરવામાં આવ્યા હતા.

અભ્યાસની આગેવાની લેનાર ફિલાડેલ્ફિયાની ચિલ્ડ્રન્સ હોસ્પિટલના ફિઝિશ્યન ન્યૂટ્રિશ્યન સ્પેશિયાલિસ્ટ ડો. એલિઝાબેથ પ્રાઉટ-પાર્ક્સનું કહેવું છે કે, માતા-પિતાનું માનસિક તાણ હેઠળ રહેવું એ બાળકોમાં મેદસ્વીપણા માટે મહત્વનું જોખમી પરિબળ છે. જેમનાં માતા-પિતા માનસિક તાણ હેઠળ રહેતા હોય છે તેમનાં સંતાનોનું શારીરિક અને માનસિક આરોગ્ય નબળું હોવાનું બહાર આવ્યું છે.

આમ, પેરેન્ટલ સ્ટ્રેસ અને ચાઈલ્ડ ઓબેસિટી વચ્ચે સંબંધ હોવાનું માલૂમ પડ્યું છે અને વોશિંગ્ટન ડીસીના ચિલ્ડ્રન્સ નેશનલ મેડિકલ સેન્ટરના ચાઈલ્ડ સાઈકોલોજિસ્ટ ડો. ઈલેનોર મેકેનું કહેવું છે કે માનસિક તાણ હેઠળ રહેતા માતા-પિતા માટે ફાસ્ટ ફૂડ એક આસાન સાધન છે. આવા માતા-પિતા એમની નોકરીમાં ખૂબ વ્યસ્ત રહેતા હોય છે પરિણામે સંતાનોને પોષણયુક્ત આહાર આપવાનો સમય ફાળવી શકતા નથી. વળી, એવો આહાર ખર્ચાળ પણ હોય છે.

અમેરિકાના એક ગ્રાહક સુરક્ષા જૂથના અહેવાલ મુજબ, તેણે ૨૭ જાણીતા એનર્જી ડ્રિન્ક્સનું પરીક્ષણ કર્યું હતું. આમાં રેડ બુલ, રોકસ્ટાર, સ્ટારબક્સ ડબલ શોટ વગેરેનો સમાવેશ થાય છે. તેને એવું માલૂમ પડ્યું છે કે પ્રત્યેક સર્વિંગ દીઠ કેફીનનું પ્રમાણ ૬ મિલિગ્રામથી લઈને ૨૪૨ મિલિગ્રામ હોય છે. આને કારણે ગ્રાહકો ગૂંચવણમાં પડી જાય એ સ્વાભાવિક છે.

જે પ્રોડક્ટ્સનું ટેસ્ટિંગ કરાયું હતું તેમાંની ૧૧ના લેબલ પર એ દર્શાવવામાં આવ્યું નહોતું કે એમાં કેફીનનું પ્રમાણ કેટલું છે. જે ૧૬ પ્રોડક્ટના લેબલ પર દર્શાવવામાં આવ્યું હતું તેમાંના પાંચમાં કેફીનનું પ્રમાણ ૨૦ ટકા વધારે હોવાનું માલૂમ પડ્યું છે.

સૌથી વધારે કેફીન પ્રમાણ જોવા મળ્યું 5-અવર એનર્જી એક્સ્ટ્રા સ્ટ્રેન્થમાં, જે ૨૪૨ મિલિગ્રામ દર્શાવે છે. ગ્રાહક સુરક્ષા જૂથના અહેવાલમાં દર્શાવાયું છે કે ૨૩૬ એમએલ કપ કોફીમાં લગભગ ૧૦૦ મિલિગ્રામ કેફીન હોય જ્યારે ૪૭૩ મિલિગ્રામ સ્ટારબક્સ ગ્રેન્ડીમાં લગભગ ૩૩૦ મિલિગ્રામ કેફીન હોય છે.

કેફીનની સુરક્ષિત મર્યાદા અંગે હજી અભ્યાસ ચાલી રહ્યો છે. હાલ ઉપલબ્ધ ડેટા અનુસાર પુખ્ત વયના લોકો પ્રતિ દિન ૪૦૦ મિલિગ્રામ જેટલું કેફીન સલામત રીતે પચાવી શકે છે. આ આંકડો પ્રેગનન્ટ સ્ત્રીઓ માટે ૨૦૦ મિલિગ્રામનો છે તો બાળકો માટે તેમના વજન અનુસાર ૪૫ અને ૮૫ મિલિગ્રામ વચ્ચેનો ગણી શકાય.

સંશોધકોનું કહેવું છે કે વયસ્ક વ્યક્તિઓ માટે પ્રસંગોપાત એનર્જી ડ્રિન્ક પીવું એ મોટે ભાગે સારું ગણી શકાય.

ક્રિસ્ટીન હૉલ નામની ૬૬ વર્ષની અને વર્જિનિયામાં રહેતી મહિલાએ આ દાવો કર્યા બાદ અમેરિકન મીડિયામાં ‘સ્ટારબક્સ ડાયેટ’ બહુ પ્રચલિત થયું છે.

તેણે કહ્યું કે એક સમયે મારું વજન ૮૬ કિલો હતું, પણ નજીકના સ્ટારબક્સ સ્ટોરમાંથી મેં લગભગ બે વર્ષ સુધી મારો મોટા ભાગનો આહાર મગાવીને લીધા બાદ મારું વજન ઘટીને બાવન કિ.ગ્રા. થઈ ગયું.

સ્ટારબક્સ ડાયેટમાં, એ મહિલાના દિવસની શરૂઆત થતી એક કપ ઓટમીલ અને એક બ્લેક કોફીથી. લંચ અને ડિનરમાં એક પેનિની સેન્ડવિચ હોય અથવા બિસ્ટ્રો બોક્સ હોય. ટૂંકમાં, એણે સતત એક નિર્ધારિત સ્તરનો આહાર લીધો.

એ મહિલાએ કહ્યું કે સ્ટારબક્સવાળો આહાર મારા માટે એક એવો સુવિધાજનક વિકલ્પ બની ગયો કે અંતે એ મારે માટે વેઈટ લોસનું એક સરસ સાધન બની ગયું.

આમાં, મહત્વની વાત કેલરીની ગણતરીની છે. સ્ટારબક્સના પેકેજિંગ પર પોષકતત્વોની માહિતી આપવામાં આવે છે. તેને લીધે ક્રિસ્ટીન હૉલ પોતે દિવસ દરમિયાન કેટલી કેલરી લે છે એની તકેદારી લઈ શક્યા હતા.

આ સમાચાર વહેતા થયા બાદ ફાસ્ટ ફૂડ જાયન્ટ મેક્ડોનાલ્ડ્સે પણ જાહેરાત કરી કે એ અમેરિકાભરમાં તેની ૧૪,૦૦૦ જેટલી રેસ્ટોરાંઓમાં ન્યુટ્રિશનલ માહિતી દર્શાવશે.

સેન્ડવિચ ચેન સબવે કંપનીએ તેના એક વફાદાર ગ્રાહક જેરીડ ફોગલે તેમના શરીરનું વજન ઘટાડવામાં મેળવેલી સફળતાનો પોતાની બ્રાન્ડને પ્રમોટ કરવા માટે ઉપયોગ કર્યો હતો. ફોગલ તો વખત જતા સબવેના પ્રવક્તા બની ગયા હતા. એમણે સબવેની લૉ-કેલરીવાળી સેન્ડવિચોનો જ એક આહાર બનાવીને તેમના શરીરનું ૧૧૧ કિલો વજન ઘટાડી દીધેલું.

જો કે નિષ્ણાતોએ ચેતવણી આપી છે કે આહાર

કોઈ એક જ રેસ્ટોરાં પૂરતું સીમિત રાખેલા ફૂડ આધારિત આહાર શરીરને પોષણ આપવાનું સંતુલન બગાડી નાખે એવી શક્યતા રહે છે.

ન્યૂ યોર્કની એક યુનિવર્સિટીના વિજ્ઞાનીનું કહેવું છે કે માનવીઓના મનમાં ઉપયોગી બળનો મર્યાદિત ભંડાર પડેલો હોય છે. કોઈ કામગીરી માટે તેઓ એ બળનો ઉપયોગ કરે છે ત્યારે આ મર્યાદિત ભંડારમાંથી પણ થોડુંક વપરાય છે. તેથી નવી કામગીરી માટે એમનું મનોબળ ઘટે છે, આત્મ-નિયંત્રણ નબળું પડે છે.

આવી સ્થિતિમાં જો તમે તમારા કોઈ ફેવરિટ ટીવી કાર્યક્રમને જુઓ તો તમારે કંઈ વિચારવા માટે, બોલવા અને કામ કરવા જેવી પ્રવૃત્તિઓને કન્ટ્રોલમાં રાખવા માટે કોઈ નવો પ્રયાસ કરવાની જરૂર રહેતી નથી. એમાં તમારી માનસિક ઊર્જાનો બગાડ થતો નથી.

એક અભ્યાસમાં જાણવા મળ્યું છે કે જે લોકોએ કોઈક મુશ્કેલ કામગીરી હાથમાં લીધી હોય તેઓ ટેલિવિઝન પર અગાઉ જોયેલા કાર્યક્રમો કે મૂવી જોવાનું વધારે પસંદ કરે છે. એમ કરવાથી એમની માનસિક ઊર્જાનું સ્તર પ્રસ્થાપિત થાય છે.

નોર્ધર્ન આયરલેન્ડની યુલ્સ્ટર યુનિવર્સિટીના નિષ્ણાતોને એક સર્વેક્ષણ પરથી માલૂમ પડ્યું છે કે લોકો સોશ્યલ નેટવર્કિંગ સાઈટ્સ પર વધારે સમય આપતા હોવાથી કસરત પાછળ ઓછો સમય ફાળવી શકે છે.

સંશોધકોએ ૩૫૦ વિદ્યાર્થીઓને ઓનલાઈન સર્વેમાં ભાગ લેવા તેમજ તેમની સોશ્યલ મીડિયા તથા કસરતની પ્રવૃત્તિના પ્રમાણ વિશે જણાવવા કહ્યું હતું.

આ વિદ્યાર્થીઓ કસરત માટેનો સમય સોશ્યલ નેટવર્કિંગ સાઈટ્સમાં ખર્ચી નાખતા હોવાનું માલૂમ પડ્યું છે.

બીજું, ફેસબુકના ચાહકો ટીમ સ્પોર્ટ્સ જેવી રમતો ઓછી રમતા હોવાનું માલૂમ પડ્યું છે.

આ સ્ટડીના રિપોર્ટને લિવરપુલમાં બ્રિટિશ સાઈકોલોજિકલ સોસાયટીના હેલ્થ સાઈકોલોજી ડિવિઝનની વાર્ષિક પરિષદમાં રજૂ કરવામાં આવ્યો હતો.

આ ‘ટૂથ પેચ’ હાર્ડ વેરિંગ છે જે હાઈડ્રોક્સાપેટાઈટમાંથી બનાવેલું અલ્ટ્રા-ફ્લેક્સિબલ મટિરીયલ છે. હાઈડ્રોક્સાપેટાઈટ દાંતના ઈનેમલમાં રહેતું મુખ્ય ખનિજતત્વ છે. આ શીટ દાંતને સંવેદનશીલ બનતા પણ રોકે છે.

આ વિશ્વની સૌપ્રથમ ફ્લેક્સિબલ એપેટાઈટ શીટ છે. જેનો ઉપયોગ દાંતનું રક્ષણ કરવા અથવા નુકસાન પામેલા ઈનેમલને રીપેર કરવા માટે કરાશે.

દાંતનું રક્ષણ કરવા માટે ઓલ-એપેટાઈટ શીટનું સર્જન એક સપનું જ રહેશે એવું ડેન્ટીસ્ટ માનતા હતા, પણ પશ્ચિમ જાપાનની કિન્કી યુનિવર્સિટીના બાયોલોજી-ઓરિએન્ટેડ સાયન્સ એન્ડ ટેક્નોલોજીના નિષ્ણાતોએ તેને હકીકતમાં પલટાવી દીધું છે. આ વિજ્ઞાનીઓ દાંત માટે કૃત્રિમ ઈનેમલનું સર્જન કરી રહ્યા છે.

આ પારદર્શક કૃત્રિમ ઈનેમલ કે શીટ દાંતની સપાટી પર લગાડવામાં આવ્યા પછી એ દાંત સાથે સજ્જડ રીતે ચોંટી જાય એટલે એને નરી આંખે જોઈ શકાતું નથી.

શીટમાં અસંખ્ય સૂક્ષ્મ કાણા રાખવામાં આવ્યા છે જેથી અંદરના ભાગમાંથી પ્રવાહી અને હવા બહાર નીકળી શકે અને અંદર તેના પરપોટા બાઝે નહીં.

આની એક સમસ્યા એ છે કે આ શીટને દાંત પર લગાડ્યા બાદ એને દાંતની સપાટી સાથે સજ્જડ રીતે ચોંટી જતા લગભગ એક દિવસ લાગ છે.

‘સુગરપોવા’ ૧૨ સ્વાદમાં મળે છે. દરેકનું તેણે અલગ નામ રાખ્યું છે. પ્રત્યેક કેન્ડી ૫.૯૯ ડોલરમાં મળે છે જ્યારે ૧૨ કેન્ડીઓનું પેકેજ ૪૯.૯૯ ડોલરમાં મળે છે.

આ લક્ઝરી કેન્ડી ખાસ કરીને મહિલાઓને ધ્યાનમાં રાખીને બનાવવામાં આવી છે. ૨૦૦૧માં ડાયલાનની કેન્ડી બાર લોન્ચ કરાઈ ત્યારથી આનો એક નવો જ ટ્રેન્ડ ઊભો થયો છે.

કલરફુલ ‘સુગરપોવા’ કેન્ડીઝ અમેરિકામાં તો ઉપલબ્ધ છે અને ‘સુગરપોવા’ સાઈટ દ્વારા એ ઓનલાઈન પણ મગાવી શકાય છે.

આ કેન્ડીઓના વેચાણનો અમુક ભાગ મારીયા શારાપોવા ફાઉન્ડેશન માટે ફાળવવામાં આવે છે. આ ફાઉન્ડેશન દુનિયાભરમાં બાળકોની સુખાકારી માટે કામ કરે છે.

વાત કરીએ યુએસની તો અહીંયા સ્ત્રીઓ અને પુરૂષોની પસંદમાં ઘણો તફાવત છે. યુએસમાં એક સર્વે કરાયો કે સ્ત્રીઓ અને પુરૂષોના મનપસંદ પીણા કયા છે. આ સર્વેમાં એ બહાર આવ્યુ કે 52 ટકા મહિલાઓનું પસંદીદા પીણું વાઈન છે જ્યારે 20 ટકા પુરૂષોનું મનગમતુ પીણું બીયર છે.

નવાઈની વાત તો એ છે કે 50 વર્ષની ઉંમરની સ્ત્રીઓ આ શોખને અગ્ર સ્થાને ગણે છે.

મધ્ય તાઈવાનની માયોલી ડિસ્ટ્રીક્ટ એગ્રિકલ્ચરલ રિસર્ચ એન્ડ એક્સ્ટેન્શન સ્ટેશન સંસ્થાએ લગભગ એક દાયકા સુધી અભ્યાસ અને પ્રક્રિયા હાથ ધર્યા બાદ આ વિશિષ્ટ પ્રકારના ચોખા ઉગાડ્યા છે. આ ચોખા આવતા વર્ષથી માર્કેટમાં વેચાણમાં મૂકવામાં આવશે.

નવા પ્રકારના ચોખાના ભાત ચાવવામાં ઘણા જ સોફ્ટ અને સ્વાદમાં સહેજ મીઠા છે. વળી, આ ચોખા લાંબો સમય સુધી જળવાય છે.

તાઈવાનમાં વસ્તીગણતરીના નવા આંક અનુસાર, બે કરોડ ૩૦ લાખ જેટલા લોકોની કુલ વસ્તીમાં ૬૫ કે તેથી વધારે વર્ષની વયના લોકોની સંખ્યા ૧૦.૭ ટકા જેટલી થાય છે. વર્લ્ડ હેલ્થ ઓર્ગેનાઈઝેશનના અંદાજ મુજબ, વિશ્વસમુદાયમાં વૃદ્ધ લોકોની વસ્તી સરેરાશ ૭ ટકા જેટલી છે. તાઈવાનમાં આ આંક ત્રણ ટકાથીય વધારે છે.

આ સ્ટડીને લગતી વિગતો અમેરિકાનાં ફિઝિયોલોજી સામયિકમાં પ્રકાશિત કરવામાં આવી છે.

આ સ્ટડી માટે જે પુરુષોને સામેલ કરવામાં આવ્યા હતા તેમાંના અડધાને દિવસમાં એક કલાક સુધી કસરત કરવાનું કહેવામાં આવેલું જ્યારે બીજા અડધાને ૩૦ મિનિટ સુધી શારીરિક પરિશ્રમ કરવાનું કહેવામાં આવ્યું હતું. તમામ સ્પર્ધકોના શરીર સાથે હાર્ટ-રેટ મોનિટર અને કેલરી કાઉન્ટર જોડી દેવામાં આવ્યું હતું. તેમને કહેવામાં આવેલું કે પરસેવો નીકળે ત્યાં સુધી કસરતો કરવી.

સરેરાશ, જે પુરુષોએ માત્ર અડધા કલાક સુધી કસરત કરેલી તેમણે એમના હરીફો કરતા વધારે વજન ગુમાવ્યું હતું. ત્રણેક મહિનામાં તેમનું સરેરાશ ૩.૬ કિ.ગ્રા. વજન ઘટ્યું હતું જ્યારે એક કલાક સુધી કસરતો કરનારના શરીરનું વજન સરેરાશ ૨.૭ કિ.ગ્રા. ઘટ્યું હતું.

આ અણધાર્યા પરિણામ વિશે કેટલાક ખુલાસા કરવામાં આવ્યા છે. જેમ કે, અડધો કલાકના સમયમાં કસરત કરનારાઓ માટે હરીફાઈનો પડકાર ઓછો હોય છે. એને લીધે તેમનામાં જુસ્સો વધે છે. એમને થોડોક વધારે શારીરિક શ્રમ કરવાની પ્રેરણા થાય છે.

બીજી બાજુ, જેમને એક કલાક સુધી કસરત કરવાનું કહેવામાં આવ્યું હતું તેમનું ખાવાનું પ્રમાણ વધારે હતું, પરિણામે તેમના સમોવડિયાઓની તુલનામાં તેમનું વજન ઓછું ઘટ્યું હતું.

હિંઘેમમાં પોતાની પહેલી રેસ્ટોરાં શરૂ કર્યાને હજી તો માંડ એક વર્ષ થયું છે ત્યારે વૉલબર્ગ બંધુઓ અને તેમના જોડિયા રસોયા પૌલ ભાઈઓએ આખા અમેરિકામાં વૉલબર્ગર્સની આઉટલેટ્સ શરૂ કરવાની યોજનાની જાહેરાત કરી છે. એનો આરંભ તેઓ બોસ્ટનમાંથી કરશે.

વૉલબર્ગ પરિવારની એક ફાઈન ડાઈનિંગ વોટરફ્રન્ટ ઈટાલીયન રેસ્ટોરાં પણ છે – આલ્મા નોવે, જે નામ તેમની માતાનું છે.

વૉલબર્ગની રેસ્ટોરાંઓમાં વિવિદ સ્વાદમાં બર્ગર ઉપરાંત અલગ અલગ ટેસ્ટમાં સેન્ડવિચ પણ મળે છે.

રેગ્યૂલર પેપ્સી કરતા નવી ફ્લેવરમાં ૬૦ ટકા ઓછી સુગર છે.

નવી ફ્લેવર ૫૦૦ એમએલ બોટલમાં ઉપલબ્ધ છે. તેમાં ૧૦૦ કેલરી છે જ્યારે ૩૫૫ એમએલના કેનમાં ૬૦ કેલરી છે.

હાલ આ બંને પ્રોડક્ટ અમેરિકા તથા કેનેડામાં ઉપલબ્ધ છે.

લિયોન શહેરમાં ‘મોન હિસ્ટોરી ડાન્સ લ’અસીએટ’ નામની આ રેસ્ટોરાં હાલમાં જ શરૂ કરવામાં આવી છે. આ હોટેલના નામનો અર્થ અંગ્રેજીમાં થાય છે ‘માય સ્ટોરી ઓન અ પ્લેટ’. રેસ્ટોરાં એવા ઓર્ગેનિક અને સીઝનલ ઉત્પાદનો જ વાપરે છે જે સામાન્ય રીતે અણગમો હોય એવા પદાર્થોથી રહિત હોય છે જેમ કે, ગ્લુટેન (લોટમાંની ચીકાશ), ઈંડા, લેક્ટોઝ, રાઈ, શેલ્ફીશ, સોયાબીન, સૅલરી-કોથમીર જેવી ભાજી, મગફળી, અખરોટ, બદામ, તલ, લુપિન વગેરે.

આ કન્સેપ્ટ રેસ્ટોરાંની મેનેજમેન્ટ તેના માનવંતા ગ્રાહકોને એમની ફૂડ એલર્જી વિશે સીધું જ પૂછી લે છે તેમજ તેમને અપીલ પણ કરે છે કે તેમને જે પદાર્થો વિશે અણગમો હોય એ વિશે તેઓ અગાઉથી જણાવી દે જેથી તેમને માટે એમની મનપસંદ વાનગી રાંધી શકાય.

ફૂડ એલર્જીઝથી પીડાતા લોકોને જુદી જુદી ટિપ્સ દ્વારા મદદરૂપ થાય એવી એક વેબસાઈટ છે WebMD.com.

રેસ્ટોરાં એન્ડ બાર ડિઝાઈન એવોર્ડ્સની સ્થાપના કરાયાને હજી તો માંડ ચાર જ વર્ષ થયા છે, પણ તે હાંસલ કરવા માટે દુનિયાભરની રેસ્ટોરાં-બાર વચ્ચે જોરદાર સ્પર્ધા શરૂ થઈ છે. આ વર્ષની સ્પર્ધા માટે ૬૦ દેશોમાં ૬૨૦ જેટલી રેસ્ટોરાં-બાર તરફથી નામ આવ્યા હતા. આ એવોર્ડ માટે નામ નોંધાવીને આંતરરાષ્ટ્રીય પ્રસિદ્ધિ મળવાની પણ તેમની એક અપેક્ષા હશે.

આ વર્ષે અલગ તારવવામાં આવેલા નામાંકનોમાં હોંગ કોંગના ઓઝોનનો સમાવેશ થાય છે જે વિશ્વમાં સૌથી ઊંચાઈ પર આવેલો બાર છે. ન્યૂ યોર્કમાં લ બર્નાર્ડિનમાં ઈન્ટરનેશનલ કોમર્સ સેન્ટરના ૧૧૮મા માળ પર તે આવેલો છે. બીજું નામ છે, બ્રિટનના ચેલ્ટનહેમમાં જેમી ઓલિવરની રેસ્ટોરાં જેમીઝ ઈટાલીયન.

અન્ય નામાંકનોમાં લંડનના બાર ડર્ટી માર્ટિની અને જયપુરની વજ્ર રેસ્ટોરાંનો સમાવેશ થાય છે.

વજ્રમાં મહેમાનો એવા પ્રકાશિત આર્કેડ હેઠળ ભોજન કરતા હોય છે જે ચર્ચ જેવો દેખાવ ઊભો કરે છે.

પોર્ટુગલમાં હાથ ધરવામાં આવેલા એક અભ્યાસમાં જાણી શકાયું છે કે આ બંનેના સમાવેશવાળા ડ્રિન્કમાં એન્ટીઓક્સિડેન્ટ્સ ખૂબ માત્રામાં હોય છે.

ચા આધારિત પીણાંઓ અને ફળોના જ્યૂસમાં રહેલા ફીનોલીક તત્વનું અવલોકન કર્યા બાદ પોર્ટુગલના વૈજ્ઞાનિકોને માલૂમ પડ્યું છે કે ગ્રીન ટી, હિબીસ્કસ અને અનાનસના મિશ્રણવાળી ચામાં એન્ટીઓક્સિડેન્ટ્સ ભરપૂર પ્રમાણમાં હોય છે.

સંશોધકોએ તેમના અભ્યાસમાં કોઈ બ્રાન્ડનું નામ દર્શાવ્યું નથી.

ગ્રીન ટી કેન્સર સામે બચાવ કરે છે, કોલેસ્ટ્રોલનું લેવલ ઓછું કરતી હોવાથી હૃદયરોગ સામે રક્ષણ આપે છે અને રક્તને અંદરથી સાફ કરી ત્વચા માટે હિતકારી છે. તો હિબીસ્કસ (જાસુદ) વાળ માટે હિતકર, કફ અને વાયુનો નાશ કરનાર, પ્રમેહ અને હરસને મટાડનાર છે.

ઓછી કેલરીવાળી ચીજો ખાવાની તકેદારી રાખતા લોકો માટે તેલયુક્ત મિશ્રણની સજાવટ ઠીક કહેવાશે.

અમેરિકાના ઈન્ડિયાના રાજ્યની પર્ડ્યૂ યુનિવર્સિટીના સંશોધકોનું માનવું છે કે સલાડ પર ઓછી ચરબીયુક્ત મિશ્રણની સજાવટ હશે તો સલાડમાંથી વિટામિન્સ અને પોષકતત્વોનો લાભ મર્યાદિત પ્રમાણમાં મળશે. ખાસ કરીને કેરોટીનોઈડ્સનો લાભ ઓછો મળશે. કેરોટીનોઈડ્સના પાન કેન્સર, હૃદયરોગ જેવી બીમારીઓનું જોખમ ઘટાડે છે અને શરીરમાં એન્ટીઓક્ઝિડન્ટ્સ તરીકે કામગીરી બજાવે છે.

અભ્યાસ માટે વૈજ્ઞાનિકોએ ૨૯ જણને તૈયાર કર્યા હતા. એ તમામને ત્રણ પ્રકારના ડ્રેસિંગવાળું સલાડ ખવડાવ્યું હતું. જેમ કે, બટર-બેઝ્ડ ડ્રેસિંગ જેમાં ચરબી ભરપૂર હોય, કનોલા ઓઈલવાળું ડ્રેસિંગ અને નજીવી ચરબીવાળા કોર્ન ઓઈલવાળું સલાડ ડ્રેસિંગ.

વૈજ્ઞાનિકોને તેના પરથી જાણવા મળ્યું કે કેરોટીનોઈડ્સના શોષણનું પ્રમાણ ડ્રેસિંગમાં ચરબીના પ્રમાણને આધારિત હતું. સલાડ પર જેટલી વધારે ચરબી હતી એટલું વધારે પ્રમાણમાં કેરોટીનોઈડ્સ એબ્સોર્બ થયું.

તેથી જો તમે ઈચ્છતા હો કે તમારા શાકભાજીમાંથી વિટામીન્સ સૌથી વધારે પ્રમાણમાં મળે તો સલાડ પર કનોલા અને ઓલીવ-ઓઈલ બેઝ્ડ ડ્રેસિંગ અપનાવો.

‘લ ટેસ્ટ ફ્રાન્સ’ નામના આ ફૂડ ફેસ્ટિવલનો કોન્સેપ્ટ ફ્રાન્સમાં ગયા વર્ષે શરૂ કરવામાં આવેલા ‘લ ફીટ ડી લ ગેસ્ટ્રોનોમી’ નામના એક વિશેષ મહોત્સવને આધારિત છે. ન્યૂ યોર્કમાંનો -ફૂડ ફેસ્ટિવલ બે દિવસનો હશે – સપ્ટેંબરની ૨૯-૩૦ તારીખે. ફ્રાન્સની વિવિધ પ્રાદેશિક વાનગીઓથી ન્યૂ યોર્કવાસીઓને વાકેફ કરવા માટે આ મહોત્સવનું આયોજન કરાવાનું છે.

આ ફેસ્ટિવલમાં ફ્રાન્સના અનેક જાણીતા શેફ ભાગ લેવાના છે.

ફેસ્ટિવલ દરમિયાન ફ્રેન્ચ બુલડોગ શૉ પણ યોજાશે. આ ફ્રાન્સની બિનસત્તાવાર રાષ્ટ્રીય રમત છે.

ગયા વર્ષે લોન્ચ કરાયેલા ‘લ ફીટ ડી લ ગેસ્ટ્રોનોમી’ને જોરદાર પ્રતિસાદ મળ્યો છે. તેમાં સમગ્ર ફ્રાન્સને આવરી લેતી વાનગીઓનો લોકોને આસ્વાદ માણવા મળ્યો હતો.

મહેમાનો માટે તમામ શેફે એમના રસોડાઓના દરવાજા ખુલ્લા રાખ્યા હતા અને કાઉન્ટરની પાછળ રસોડામાં જઈ વાનગીઓ કેવી રીતે બનાવવામાં આવે છે તે જોવાનું આમંત્રણ આપવામાં આવ્યું હતું.

ન્યૂ યોર્ક બાદ ‘લ ટેસ્ટ ફ્રાન્સ’ ફૂડ ફેસ્ટિવલ ટોકિયોમાં પણ યોજવામાં આવશે.

જુલાઈમાં ટિકિટનો ભાવ ૧૦ ડોલર છે અને દર મહિને તેમાં વધારો થશે. હોમ ડિલિવરી માટે ટિકિટનો દર ૪૦ ડોલર છે.

એન્વાયર્મેન્ટલ વર્કિંગ ગ્રુપે એવી ૧૨ ખાદ્યચીજોની ‘ડર્ટી ડઝન’ યાદી તૈયાર કરી છે જેમાં આ વર્ષે પણ સફરજને પહેલો નંબર જાળવી રાખ્યો છે. અમેરિકામાં સૌથી વધારે જંતુનાશકો જો ફળો અને શાકભાજીમાં હોય તો આ ૧૨ ચીજ છે એવું આ જૂથે એક અભ્યાસ દ્વારા જાણ્યું છે.

ગયા વર્ષે સફરજને કોથમીર જેવી ભાજીને નીચે ધકેલી દઈને પહેલું સ્થાન હાંસલ કર્યું હતું.

અમેરિકાના કૃષિ મંત્રાલય અને ફૂડ એન્ડ ડ્રગ એડમિનિસ્ટ્રેશને સ્થાનિક સ્તરે ઉત્પાદિત કે આયાતી, બંનેને ગણતરીમાં લઈને તપાસ્યું છે કે સુંવાળી છાલવાળું પીચ ફળ, બ્લૂબેરીઝ, કાળી સૂકી દ્રાક્ષ, તરબૂચ કે ચીભડું સહિતની ચીજોમાં અત્યંત ઝેરી જંતુનાશકો હોય છે જે માનવીના જ્ઞાનતંતુઓના ચક્ર માટે જોખમી છે.

યુરોપીયન ફૂડ સેફ્ટી ઓથોરિટીએ પણ એક રિપોર્ટ બહાર પાડ્યો છે જે મુજબ યુરોપ આખામાં જંતુનાશકોની સૌથી વધારે અસર પામેલી ખાદ્યચીજોમાં દ્રાક્ષ, રીંગણાં, વટાણા અને ઘઉં મુખ્યત્વે છે.

અહીં ડર્ટી ડઝન યાદીમાં ટોચ પર રહેતા ફળો અને શાકભાજીના નામ આપેલા છે જે જંતુનાશકોથી સૌથી વધારે દૂષિત થયેલા હોવાનું માલૂમ પડ્યું છે અને તમે કદાચ તમારી સુપરમાર્કેટના ઓર્ગેનિક વિભાગમાંથી આવી ચીજો ખરીદવાનું પસંદ કરશો.

(૧) સફરજન

(૨) કોથમીર જેવી ભાજી

(૩) કેપ્સીકમ અથવા સીમલા મરચાં

(૪) પીચ

(૫) સ્ટ્રોબેરી

(૬) નેક્ટેરીન (પીચ જેવું જ ફળ, આયાત કરેલા)

(૭) દ્રાક્ષ

(૮) પાલખની ભાજી

(૯) કચુંબર માટેની ભાજી લેટસ

(૧૦) કાકડી

(૧૧) બ્લુબેરીઝ ફળ (સ્થાનિક)

(૧૨) બટેટા.

સુપરસાઈઝ્ડ સોડાના વપરાશ પર પ્રતિબંધ મૂકાય તે માટેના એક વિવાદાસ્પદ પ્રસ્તાવ પર ન્યૂ યોર્કવાસીઓમાં જોરદાર ચર્ચા ચાલી રહી છે ત્યારે કેનેડામાં હાથ ધરવામાં આવેલા એક નવા અભ્યાસનું તારણ છે કે ગળ્યા પીણાંઓ અને બાળકોમાં સ્થૂળતાની સમસ્યા વચ્ચે થોડોક જ સંબંધ છે.

કેનેડાના વૈજ્ઞાનિકોનો દાવો છે કે ખાંડયુક્ત ગળ્યા પીણાંઓના વપરાશ કરતા ઘરેલુ આવક, વંશીયતા અને ઘરેલુ ખાદ્ય સુરક્ષા બાળકોમાં સ્થૂળતાની સમયા માટે વધારે દોષી છે.

જો કે અભ્યાસનું એમ પણ કહેવું છે કે ૬-૧૧ વર્ષની વયના બાળકોમાં સ્થૂળતાનું જોખમ વધારવામાં ગળ્યા પીણાંઓનો વપરાશ ચોક્કસપણે મોટો ભાગ ભજવે છે.

નવો અભ્યાસ સોડાના વપરાશ અંગે હાલ ચાલતા વિવાદમાં ન્યૂ યોર્કવાસીઓમાં બે ભાગ પાડી દેશે.

વધુ ને વધુ લોકોને સ્થૂળતાની સમસ્ય સતાવતી હોઈ તેનો સામનો કરવા ન્યૂ યોર્કના મેયર માઈકલ બ્લૂમબર્ગ તથા એમના સમર્થકોએ સોડા વિરુદ્ધ ઝુંબેશ આદરી છે, પણ તેમનો વિરોધ પણ થયો છે.

ફ્રૂટ પન્ચ અને લેમોનેડ જેવા ગળ્યા પીણાંઓના વપરાશ તથા કેનેડિયન કમ્યુનિટી હેલ્થ દ્વારા સમાજના જુદા જુદા વર્ગોના બે વર્ષની વયથી લઈને ૧૮ વર્ષની વયની વચ્ચેના બાળકોના કરાયેલા સર્વેક્ષણ વચ્ચે સંબંધ હોવાનું જણાયું છે.

સેન્ટર ફોર ડિસીઝ કન્ટ્રોલ એન્ડ પ્રીવેન્શનના જણાવ્યા મુજબ, અમેરિકામાં ૧૯૫૦ના દાયકાની સરખામણીમાં હાલમાં રેસ્ટોરાંઓ તથા ફાસ્ટ ફૂડ સેન્ટરોમાં લેવાતા ભોજનમાં સરેરાશ ચાર ગણો વધારો થયો છે અને તેમાં સોડાના વપરાશનું પ્રમાણ ઘણું ઊંચું હોય છે. ૬૦ વર્ષ પહેલા લોકોમાં સોડાનો વપરાશ ૭ ઔંસ જેટલું મધ્યમ હતું જે હાલ ૬ ગણું વધારે, એટલે કે ૪૨ ઔંસ હોય છે.