અમેરિકાનાં રાજકારણમાં સક્રિય રહેવાની સાથોસાથ હિલેરી તેમનાં પુત્રી ચેલ્સીનું પણ સંપૂર્ણ ધ્યાન રાખે છે.

મેગેઝિનની વેબસાઈટના જણાવ્યા મુજબ, ફોર્બ્સ વૂમને ખર્ચા પર કાબૂ, નિર્ણય લેવામાં તથા અન્ય ઘણા પ્રભાવશાળી પગલાં લેવાના આધાર પર દુનિયાની ૧૦૦ સૌથી પ્રભાવશાળી માતાઓની એક વાર્ષિક યાદી તૈયાર કરી છે.

યાદીમાં બીજું નામ બ્રાઝિલનાં પ્રમુખ ડિલ્મા રોસેફને આપવામાં આવ્યું છે જેમને એક દિકરી છે. ત્રીજું સ્થાન ભારતીય મૂળનાં ઉદ્યોગપતિ ઈન્દિરા નૂયીનું છે જે પેપ્સીકોનાં અધ્યક્ષા છે. તેમને બે સંતાન છે.

બાળકને સ્તનપાન કરાવતી અસંખ્ય તસવીરો દુનિયાભરમાં પ્રકાશિત થતી હોય છે, પણ આ તસવીર વિવાદાસ્પદ બની ગઈ છે.

‘ટાઈમ’ના કવર પર મહિલાને જે રીતે બાળકને સ્તનપાન કરાવતી બતાવવામાં આવી છે તે રીતે વિવાદ જગાડ્યો છે. ચારેતરફ આ તસવીરની ટીકા કરવામાં આવી છે.

તસવીરમાં એક ૨૬ વર્ષીય મહિલાને ઊભેલી બતાવવામાં આવી છે અને તેનો ચાર વર્ષનો પુત્ર ખૂરશી પર ઊભો રહીને સ્તનપાન કરે છે. સ્તનપાનની આ ઉત્તેજક તસવીર બતાવતા કવર પર મથાળું છે, ‘શું તમે પર્યાપ્ત માતા છો?’

મેગેઝિનમાં ‘અટેચમેન્ટ પેરેન્ટિંગ’ વિષય પર ચર્ચા કરવામાં આવી છે. આ મુદ્દો બાળકોના ઉછેરના એવા પ્રકારો પર ભાર મૂકે છે જેનાથી બાળકોને એમનાં માતા-પિતા પ્રતિ લાગણી વધે.

આ વિવાદાસ્પદ તસવીર જોઈને એવી ચર્ચા પણ થઈ રહી છે કે બાળકોને કેટલી ઉંમર સુધી સ્તનપાન કરાવવું ઠીક કહેવાય.

મૃતદેહોને પશ્ચિમ જાવામાં પરીક્ષણ માટે લઈ જવામાં આવ્યા હતા.

ઘટનાની તપાસમાં મદદ કરી રહેલા રશિયન કમિશનના અધિકારીઓએ આ માહિતીને સમર્થન આપ્યું છે.

તે કમનસીબ વિમાનમાં ઓછામાં ઓછા ૪૫ જણ હતા. વિમાન ડેમોન્સ્ટ્રેશન ફ્લાઈટ પર હતું અને જાકાર્તાના ઈન્ટરનેશનલ એરપોર્ટ પરથી ટેક ઓફ્ફ કર્યા બાદ રડારમાંથી ગૂમ થઈ ગયું હતું અને બાદમાં જાકાર્તા નજીકના એક પહાડ પર જમીનથી લગભગ ૫૨૦૦ ફૂટની ઊંચાઈ પર તૂટી પડ્યું હતું. તેનો કાટમાળ હેલિકોપ્ટરોમાંથી શોધખોળ દરમિયાન નજરે પડ્યો હતો.

વિમાનમાં આઠ રશિયન નાગરિકો હતા. ફ્લાઈટ ક્રૂ મેમ્બર્સ પણ રશિયન હતા.

ઈન્ડોનેશિયાના બચાવ કામદારો અને લશ્કરના જવાનો અત્યંત કપરા દુર્ઘટનાસ્થળે માંડ માંડ પહોંચી શક્યા છે. અમુક પગપાળા પહોંચ્યા છે તો અમુકને હેલિકોપ્ટરોમાંથી દોરડા વડે ઉતારવામાં આવ્યા છે.

પ્રાથમિક તપાસમાં એવો સંકેત મળ્યો છે કે પાઈલટની ભૂલને કારણે અકસ્માત સર્જાયો હતો.

હેલિકોપ્ટરોમાંથી વેસ્ટ જાવામાં માઉન્ટ સલાક પર જ્વાળામુખીના સ્થળે કાટમાળ પડેલો જોવા મળ્યો છે અને તે લાપતા વિમાનનો હોવાનું મનાય છે.

તે સ્થળ જમીનથી લગભગ ૫૦૦૦ ફૂટ ઊંચે હોવાનો અંદાજ છે.

સુખોઈ સુપરજેટ વિમાનમાં રશિયાની એલચી કચેરીના અધિકારીઓ, વેપારીઓ તથા પત્રકારો હતા. વિમાને જાકાર્તાના હાલીમ એરપોર્ટ પરથી બુધવારે સ્થાનિક સમય મુજબ બપોરે ૨.૨૧ વાગ્યે ઉડાણ ભરી હતી.

સોનિયા બેગમ નામની અપરાધીએ તેનાં પિતરાઈ ભાઈ શાહેન અહમદને કહેલું કે ૨૨ વર્ષીય હિન્દુ યુવકે તેની પર બળાત્કાર કર્યો છે. તેને પગલે અહમદે એક ટોળકી બનાવી હતી અને સોનિયાનાં બોયફ્રેન્ડનું અપહરણ કર્યું હતું.

સોનિયાનો દાવો હતો કે તે છોકરો તેને તંગ કરતો હતો. સોનિયાને ડર હતો કે તેનાં મુસ્લિમ રૂઢિચુસ્ત માતા-પિતા છોકરો હિન્દુ હોવાથી એ બંનેનાં સંબંધને માન્ય નહીં રાખે.

સોનિયાના આરોપ બાદ અહમદે બીજાં ત્રણ જણ સાથે મળીને હિન્દુ છોકરાનું અપહરણ કર્યું હતું અને તેની મારપીટ કરી હતી. એટલું જ નહીં, તે છોકરાના પરિવારને ફોન કરીને ડરાવ્યા હતા અને પૈસાની માગણી કરી હતી.

કોર્ટે સોનિયા બેગમને ચાર વર્ષની જેલ ઉપરાંત અહમદને સાડા આઠ વર્ષ, હુસેન નામના માણસને ૧૪ વર્ષ, ઉદ્દીનને સાડા ૧૧ વર્ષ અને રહેમાનને સાડા ૬ વર્ષની જેલની સજા કરી છે. હિન્દુ યુવકને જેના ઘરમાં ગોંધી રાખવામાં આવેલો તે નુર મિયાં નામના માણસને બે વર્ષની જેલની સજા કરવામાં આવી છે.

ન્યાયમૂર્તિ નસીર ઉલ મુલ્કે લખેલો ચુકાદો ૭૭ પાનાનો છે.

ગઈ ૨૬ એપ્રિલે કોર્ટે પોતાના ટૂંકા ઓર્ડરમાં ગિલાનીને ૩૦ સેકંડ કરતાંય ઓછા સમયની જેલની પ્રતિકાત્મક સજા કરી હતી.

દેશના પ્રમુખ આસીફ અલી ઝરદારી સામે ભ્રષ્ટાચારના કેસોમાં નવેસરથી તપાસ કરાવવા સ્વિસ સત્તાવાળાઓને લેખિતમાં જણાવવાના સુપ્રીમ કોર્ટના આદેશનું પાલન ન કરીને તેની ઈરાદાપૂર્વક અવગણના કરી હોવાનો ગિલાની પર આરોપ છે.

ચુકાદામાં નોંધ લેવાઈ છે કે, ગિલાનીએ કોર્ટનો ઈરાદાપૂર્વક તિરસ્કાર કર્યો હતો જેને લીધે તેમને સંસદસભ્ય તરીકે કદાચ પાંચ વર્ષ માટે ગેરલાયક ઠેરવી શકાય છે. ગિલાનીના વકીલે સુપ્રીમ કોર્ટના તિરસ્કાર બદલ સજા અંગે એક શબ્દ પણ ઉચ્ચાર્યો નહોતો.

ચુકાદામાં જણાવાયું છે કે દેશના ટોચના સત્તાધિશ જો કોર્ટના આદેશોનું ઉલ્લંઘન કરે તો ન્યાયપદ્ધતિનો નાશ થઈ જાય.

તેમણે રાજીનામું આપવાનો નિર્ણય એવા સમયે લીધો છે જ્યારે અમેરિકા અને પાકિસ્તાન વચ્ચેના સંબંધો નાજૂક અવસ્થામાં છે.

મુન્ટેરે તેમના સ્ટાફ સમક્ષ જાહેરાત કરી છે કે તે આ ઉનાળાની મોસમના અંત પહેલા રાજીનામું આપશે.

વોશિંગ્ટન પોસ્ટ અખબારના અહેવાલ મુજબ, મુન્ટેરને પાકિસ્તાન સરકાર સાથે ફાવ્યું નથી.

પીઢ રાજદૂત એવા મુન્ટેર આ પહેલા જર્મની, ચેક પ્રજાસત્તાક, પોલેન્ડ અને સર્બિયામાં અમેરિકી રાજદૂત તરીકે ફરજ નિભાવી ચૂક્યા છે. ૨૦૦૯-૧૦માં તે ઈરાકમાં અમેરિકાના સિનિયર અધિકારી હતા.

અખબારનું કહેવું છે કે મુન્ટેરને ઓબામા વહીવટીતંત્ર સાથે પણ સારું બનતું નથી.

સામાન્ય રીતે રાજદૂતો ત્રણ વર્ષ સુધી સેવા બજાવતા હોય છે.

ચૂંટણીના રવિવારે બીજા ચરણમાં થયેલા મતદાનમાં જીત મળ્યા બાદ સમર્થકોને સંબોધિત કરતાં ઓલાંદે કહ્યું કે, દેશની જનતાએ પરિવર્તન માટે વોટ આપ્યો છે.

સારકોઝીએ તેમના પરાજયનો સ્વીકાર કરી લીધો છે અને ઓલાંદને અભિનંદન આપ્યા છે.

ઓલાંદની પાર્ટીની જીત સાથે યુરોપના હાર્દમાં આવેલા આ દેશમાં ડાબેરીઓએ સત્તા મેળવી છે.

પેરિસમાં સોશ્યાલિસ્ટ પાર્ટીના મુખ્યાલયમાં રવિવારે ઉત્સવનું વાતાવરણ હતું.

સોશ્યાલિસ્ટોનું કહેવું છે કે ઓલાંદની જીત બાદ એમની પહેલી પ્રાથમિકતા યુરોપીયન યુનિયન સાથે ફ્રાન્સે કરેલી આર્થિક સમજૂતીઓ પર ફેરવિચારણાની હશે.

આ પહેલા છેક ૧૯૮૧માં સોશ્યાલિસ્ટ પાર્ટીના ફ્રાન્કોઈસ મિત્તરાં ફ્રાન્સના પ્રમુખ બન્યા હતા.

બિલ વોરેન (૬૦) નામના સંશોધકે અરબી સમુદ્રમાં એ જગ્યાને શોધી કાઢી હોવાનો દાવો કર્યો છે જ્યાં અમેરિકી સૈન્ય દળોએ લાદેનને પાકિસ્તાનના એબટાબાદના મકાનમાં ઠાર કર્યા બાદ તેના મૃતદેહને દફન કર્યો હતો.

વોરેનનું કહેવું છે કે લાદેનના મૃતદેહને સુરતના કિનારાથી લગભગ ૩૨૦ કિ.મી. દૂર સમુદ્રમાં ફેંકી દેવામાં આવ્યો હતો.

ડેઈલી મેલ અખબારના અહેવાલ મુજબ, વોરેનનું કહેવું છે કે પેન્ટાગોનના એક સૂત્રે ઉપગ્રહથી પ્રાપ્ત કરાયેલી અને પોતાને ઉપલબ્ધ કરાવેલી તસવીરનો અભ્યાસ કર્યા બાદ પોતે એ જગ્યાને શોધી શક્યા છે.

વોરેનનો એવો પણ દાવો છે કે લાદેનનો મૃતદેહ સમુદ્રમાં એ સ્થાનેથી હટ્યો નથી, કારણ કે અમેરિકી નૌકા દળે તે મૃતદેહની સાથે ઘણું વજન જોડીને તેને સમુદ્રમાં ડૂબાડ્યો હતો.

વોરેન લાદેનના મૃતદેહને તાબામાં લેવાના પોતાના મિશનનો જૂનમાં આરંભ કરવાના છે.

ધડાકો કાબુલના જલાલાબાદ રોડ પર થયો હતો અને તે આત્મઘાતી બોમ્બરે કર્યો હતો. ધડાકા બાદ તરત જ અમેરિકી દૂતાવાસને એલર્ટ કરી દેવામાં આવી હતી.

દુનિયાના સૌથી ખૂંખાર ત્રાસવાદી ઓસામા બિન લાદેનનો ખાત્મો કર્યાની પહેલી વરસીએ ઓબામાએ અફઘાનિસ્તાનની મુલાકાત લીધી હતી. કરઝઈ સાથે દસ-પાનાંના દસ્તાવેજ કરારમાં અમેરિકાએ કહ્યું છે કે તે ૨૦૧૪માં અફઘાનિસ્તાનમાં નાટો સૈન્યની ઝુંબેશનો અંત લાવી દીધા બાદ પણ અફઘાનિસ્તાનને ટેકો આપવાનું ચાલુ રાખશે.

ઓબામાએ મંગળવારે રાત્રે બગરામ એરબેઝ ખાતે અમેરિકી સૈનિકોને તથા અમેરિકી નાગરિકોને સંબોધિત કર્યા હતા. તે થોડા જ કલાકો પૂરતા કાબુલમાં રહ્યા હતા.

આ જ એરબેઝ ખાતે લાદેનને ખતમ કરવાનો પ્લાન ઘડવામાં આવ્યો હતો. ૨૦૧૧ની ૧ મેએ આ જ એરબેઝ પરથી યુએસ નેવીના સીલ કમાન્ડોએ પાકિસ્તાન ભણી ઉડ્ડયન કર્યું હતું.

ઓબામાએ લાદેનના મોતની પહેલી વરસીએ અફઘાનિસ્તાન સાથે અમેરિકાની દોસ્તી વધારે મજબૂત કરવાની ખાતરી આપી છે.

ભારતે ૫૦૦૦ કિ.મી.ની રેન્જવાળી અગ્નિ-5 મિસાઈલનો સફળ પ્રયોગ કર્યાના ૬ દિવસ બાદ પાકિસ્તાને પોતાની મિસાઈલનો પ્રયોગ કર્યો છે.

પાકિસ્તાન સરકાર સંચાલિત રેડિયો પાકિસ્તાને તેના અહેવાલમાં જણાવ્યું છે કે હત્ફ-4, જે શાહિન-1A તરીકે પણ ઓળખાય છે તેનો કરેલો પ્રયોગ સફળ રહ્યો છે. આ મિસાઈલ રેન્જ તથા ટેક્નિકન માપદંડની દ્રષ્ટિએ શાહિન-1ની સુધારિત આવૃત્તિ છે.

આ મિસાઈલની રેન્જ વિશે પાકિસ્તાન લશ્કરે કંઈ ચોક્કસપણે જણાવ્યું નથી, પણ હત્ફ-4ની મૂળ આવૃત્તિની મિસાઈલની રેન્જ ૭૫૦ કિ.મી. હતી.

પાકિસ્તાનના એક નિવૃત્ત લશ્કરી અધિકારીનો દાવો છે કે નવી મિસાઈલની રેન્જ ૩૦૦૦ કિ.મી. જેટલી છે.

આ મિસાઈલ અણુ તેમજ પરંપરાગત દારૂગોળાનું વહન કરી શકે એમ છે, તેમજ ભારતમાં ઊંડે સુધીના વિસ્તારમાં ત્રાટકી શકે એવી છે.

આ મિસાઈલનો પોતે પ્રયોગ કરશે એ વિશે પાકિસ્તાને ભારતને અગાઉથી જણાવી દીધું હતું અને ચેતવણી આપેલી કે તે સમય દરમિયાન હિંદ મહાસાગર વિસ્તાર પરના આકાશમાં કોઈ પણ વિમાનને ઉડવા ન દે.

આ મિસાઈલના સફળ પ્રયોગ બદલ પાકિસ્તાનના પ્રમુખ આસીફ અલી ઝરદારી અને વડા પ્રધાન યુસુફ રઝા ગિલાનીએ વિજ્ઞાનીઓ તથા લશ્કરી અધિકારીઓને અભિનંદન આપ્યા છે.

બોમ્બ વિસ્ફોટને પગલે લાહોર સ્ટેશનને ખાલી કરાવવામાં આવ્યું છે.

આ વિસ્ફોટ સાંજે ૬.૩૦ વાગ્યાના સુમારે સ્ટેશનના બે નંબરના પ્લેટફોર્મ પર થયો હતો.

મૃતકમાં એક પોલીસ કોન્સ્ટેબલ અને એક કુલી છે.

સ્ટેશન પર ૧૭ સીસીટીવી કેમેરા બેસાડવામાં આવ્યા છે, પણ એમાંના ૧૬ નકામા છે.

રેલવે પ્રધાન હાજી ગુલામ અહમદ બિલુરે બંને મૃતકના પરિવારને વળતર તરીકે રૂ. પાંચ-પાંચ લાખ અને ગંભીર રીતે ઈજા પામેલા દરેકને રૂ. એક-એક લાખ આપવાની જાહેરાત કરી છે.

પડોશી અને કટ્ટર દુશ્મન દેશ પાકિસ્તાને ભારતને આની જાણ કરી દીધી છે અને કહ્યું છે કે તે આગામી પાંચ દિવસમાં જ હિંદ મહાસાગર વિસ્તાર પરના આકાશમાં તેની લોન્ગ રેન્જ મિસાઈલનું પરીક્ષણ કરશે.

પાકિસ્તાન સરકારે ભારતને જાણ કરી દીધી છે કે અમે આ મિસાઈલનો પ્રયોગ કરવાના હોવાથી તમે તમામ કમર્શિયલ એરલાઈન્સને તે વિસ્તાર પરના આકાશથી દૂર રહેવાની નોટિસ આપી દો.

હજી પાંચ દિવસ પહેલા જ ભારતે ૫૦૦૦ કિ.મી. દૂરના અંતર પરના ટાર્ગેટને તોડી પાડવા માટે સમર્થ તેમજ અણુબોમ્બ લઈ જવા સમર્થ એવી ‘અગ્નિ-5′ મિસાઈલનું સફળ પરીક્ષણ કરીને આઈસીબીએમ મિસાઈલ ધરાવતા માત્ર ચાર દેશોની ક્લબમાં સ્થાન મેળવ્યું છે.

‘અગ્નિ-5′ મિસાઈલને જો નિકોબાર ટાપુઓ પરથી છોડવામાં આવે તો તેના હુમલાના દાયરામાં આખું ચીન આવી જાય છે એટલું જ નહીં, પૂર્વ યુરોપ, ઉત્તર-પશ્ચિમ તથા પૂર્વ આફ્રિકાના દેશો તેમજ ઓસ્ટ્રેલિયા પણ આવી જાય છે.

આવી લોન્ગ-રેન્જ મિસાઈલ અમેરિકા, ચીન, રશિયા, ફ્રાન્સ અને બ્રિટન પાસે જ છે. ઈઝરાયલ પાસે પણ આવી મિસાઈલ હોવાની શંકા છે.

‘અગ્નિ-5′ લોન્ચ કરી તે પહેલા ભારત પાસે જે મિસાઈલ હતી તેની રેન્જ ૩,૫૦૦ કિ.મી.ની હતી.

છેલ્લા બે વર્ષમાં દેશમાં થયેલી આ સૌથી ગમખ્વાર વિમાન દુર્ઘટનામાં પાકિસ્તાન સરકારે તપાસનો આરંભ કરાવ્યો છે. ફેડરલ ઈન્વેસ્ટિગેટિવ એજન્સીએ તપાસ શરૂ કરી છે અને ભોજા એરના માલિક ફારુક ભોજાની ધરપકડ કરી છે.

એફઆઈએના ડિરેક્ટર મુઅઝ્ઝમ અન્સારીએ કહ્યું છે કે ફારુક ભોજાની ધરપકડ કરાઈ નથી, પણ પૂછપરછ માટે કસ્ટડીમાં લેવામાં આવ્યા છે.

તપાસનીશ એજન્સીએ ભોજા એરના રેકોર્ડ્સ પણ પોતાના તાબામાં લીધા છે.

નાના સ્તરની ડોમેસ્ટિક એરલાઈન, ભોજા એરે ૧૧ વર્ષના ગાળા બાદ ગયા માર્ચ મહિનાથી ફરી વિમાન સેવા શરૂ કરી હતી. તેનું કહેવું છે કે શુક્રવારે ખરાબ હવામાનને કારણે તેનું વિમાન તૂટી પડ્યું હતું. ઈસ્લામાબાદના મુખ્ય એરપોર્ટ ખાતે ગાજવીજ સાથે વરસાદ તૂટી પડતા વિમાનનો ઉતરાણ કરવાના પ્રયાસ નિષ્ફળ ગયો હતો.

શનિવારે દુર્ઘટના સ્થળે પત્રકારો સાથેની વાતચીતમાં પાકિસ્તાનના ગૃહ પ્રધાન રહેમાન મલિકે કહ્યું કે ભોજા એરના માલિક ફારુક ભોજાને દેશ છોડીને જવાની મનાઈ ફરમાવી દેવામાં આવી છે. જ્યારે કોઈ ક્રિમિનલ કેસમાં કોઈની પર શંકા જાય કે કસુરવાર જાહેર કરાય ત્યારે આ પ્રકારનો પ્રતિબંધ મૂકવામાં આવતો હોય છે.

મલિકે કહ્યું કે એમ કહેવાય છે કે તે વિમાન બહુ જૂનું હતું. તેથી ભોજા એરનું તે વિમાન ઉડ્ડયન માટે કેટલું યોગ્ય હતું તેની તપાસનો આદેશ આપવામાં આવ્યો છે. દુર્ઘટનાના કારણની તપાસ કરાશે. શું વિમાનમાં કોઈ ખામી હતી, વીજળી પડવાથી દુર્ઘટના થઈ, ખરાબ હવામાન જવાબદાર હતું કે નિર્દોષ લોકોનો ભોગ લેનાર કોઈ અન્ય પરિબળ જવાબદાર હતું? હકીકત બહાર લાવવા માટે તપાસ કરાશે. વિમાનની ફ્લાઈટ ડેટા રેકોર્ડિંગ સિસ્ટમ્સ મેળવવામાં આવી છે.

કે. શેષાદ્રી રાવ નામનો તે વિદ્યાર્થી ઓડિશાનો હતો. તે યુનિવર્સિટીમાં એમબીએનું ભણતો હતો.

મૃતકના પિતા કે. સુધાકર રાવે કહ્યું છે કે શૈષાદ્રીને ગયા ગુરુવારે રાત્રે તેના સાથી વિદ્યાર્થીઓ કથિતપણે તેની રૂમમાંથી ઢસડીને બહાર લઈ ગયા હતા અને પછી એને ગોળી મારીને ઠાર કર્યો હતો. શેષાદ્રી બાજુના એક પાર્કમાં લોહીના ખાબોચિયામાં પડેલો મળી આવ્યો હતો.

પરિવારજનોએ કહ્યું કે, અમને શુક્રવારે બપોરે ભારતીય કોન્સલ જનરલે અમારા દિકરાની હત્યાના સમાચાર આપ્યા હતા.

સુધાકર રાવે કહ્યું કે, મને કોન્સલ જનરલ તરફથી આની જાણ કરવામાં આવી હતી. એ હવે બોસ્ટન રવાના થયા છે. બોસ્ટન યુનિવર્સિટીના જણાવ્યા મુજબ, મારા પુત્રને રાત્રે લગભગ અઢી વાગ્યે એના નિવાસમાંથી ઢસડીને બહાર લઈ જવામાં આવ્યો હતો અને મેઈન રોડ પર ઠાર કરવામાં આવ્યો હતો. મેં એમને કહ્યું છે કે દિકરાનો મૃતદેહ અહીં મોકલી આપે.

યુનિવર્સિટીના અધિકારીઓએ કહ્યું છે કે તેઓ આ કેસની તપાસમાં બોસ્ટન પોલીસને સંપૂર્ણપણે સહકાર આપશે.

કરાચીસ્થિત ભોજા એરલાઈન્સનું અને ૧૨૭ મુસાફરો સાથેનું એક પેસેન્જર વિમાન શુક્રવારે સાંજે ઈસ્લામાબાદ એરપોર્ટ નજીક તૂટી પડતાં તમામ મુસાફરો માર્યા ગયા છે. કોઈના બચવાની આશા નથી, કારણ કે વિમાન સંપૂર્ણપણે નાશ પામ્યું છે.

તે કમનસીબ વિમાન બોઈંગ ૭૩૭ હતું અને કરાચીથી સાંજે પાંચ વાગ્યે ઉપડ્યું હતું. તે ઈસ્લામાબાદમાં સાંજે ૬.૪૦ વાગ્યે લેન્ડ કરવાનું હતું, પણ ઈસ્લામાબાદ એરપોર્ટની સાવ નિકટ પહોંચ્યા બાદ ખરાબ હવામાનને લીધે તૂટી પડ્યું હતું. તે રાવલપિંડીમાં ઈસ્લામાબાદ એક્સપ્રેસ હાઈવે પર કોરલ ચોક વિસ્તારમાં તૂટી પડ્યું હતું.

ઈમરજન્સી મેડિકલ તથા બચાવ ટૂકડીઓ તરત જ ઘટનાસ્થળે દોડી ગઈ હતી.

વિમાન ૨૦ વર્ષ જૂનું હતું. તે વિમાન ભોજા એરલાઈન્સે શાહીન એરલાઈન્સ પાસેથી ખરીદ્યું હતું.

આ વિમાન ફ્લાય કરવાને લાયક ન હોવાથી શાહીન એરલાઈન્સે તેને દેખીતી રીતે જ ભંગારમાં નાખ્યું હતું.

વિમાનમાં પુરુષો અને સ્ત્રીઓ સહિત ૧૧૦ વયસ્ક લોકો, ૬ બાળકો, પાંચ નવજાત બાળકો સહિત કુલ ૧૨૧ મુસાફરો તથા ૬ વિમાન કર્મચારીઓ હતા.

સત્તાવાળાઓનું કહેવું છે કે વિમાન ખરાબ હવામાનને કારણે તૂટી પડ્યું હતું, પરંતુ પાકિસ્તાનના સંરક્ષણ પ્રધાનનું કહેવું છે કે વિમાન જમીન પર અડે એ પહેલા જ તે આગની જ્વાળાઓમાં લપેટાઈ ગયું હોવાની શક્યતાને નકારી શકાતી નથી.

વિમાન ઈસ્લામાબાદ હાઈવેથી બે માઈલ દૂર આવેલા હુસૈન આબાદ ગામમાં અને ભારે વસ્તીવાળા વિસ્તારમાં તૂટી પડ્યું હતું. વિમાનની પાંખો ઘણા મકાનો સાથે અથડાઈ હતી, પરંતુ જમીન પર કોઈ જાનહાનિ થઈ નથી.

સત્તાવાળાઓનું કહેવું છે કે દુર્ઘટનામાં કોઈના બચવાની આશા નહિંવત્ છે.

વિમાનનો કાટમાળ લગભગ દોઢ કિલોમીટર જેટલા વિસ્તારમાં પડ્યો હતો.

દુર્ઘટના થયા બાદ તરત જ ઈસ્લામાબાદ એરપોર્ટને બંધ કરી દેવામાં આવ્યું હતું.

ભોજા એર નાણાકીય સંકટમાં ફસાઈ ગયા બાદ ૨૦૦૧માં સિવિલ એવિએશન સત્તાવાળાઓએ તેની સેવાઓ બંધ કરાવી દીધી હતી.

જો કે ગયા માર્ચમાં ભોજા એરે પાંચ બોઈંગ ૭૩૭ વિમાનો સાથે તેની ડોમેસ્ટિક સેવાઓ ફરી શરૂ કરી હતી.

બફે વિશ્વમાં ટોચના ફાઈનાન્સર છે.

તે એમના મૃદુ સ્વભાવ માટે પણ જાણીતા છે. કેન્સરનું નિદાન થયા બાદ તેમણે ધૈર્ય જાળવી રાખ્યું છે અને કહ્યું છે, મને સારું લાગે છે.

મંગળવારે કંપનીના શેરહોલ્ડરોને લખેલા એક પત્રમાં બર્કશાયરના આ ચીફ એક્ઝિક્યૂટિવે કહ્યું છે કે મને ગયા બુધવારે સ્ટેજ-1 નું પ્રોસ્ટેટ ગ્રંથિનું કેન્સર હોવાનું નિદાન થયું છે. હું જુલાઈના મધ્ય ભાગમાં રેડિએશન ટ્રીટમેન્ટ શરૂ કરીશ.

આ ૮૧ વર્ષના ઈન્વેસ્ટરે એમ પણ કહ્યું છે કે ઈમેજિંગ ટેસ્ટ પરથી ખાતરી મળી છે કે તેમના શરીરના અન્ય ભાગોમાં કેન્સર નથી.

યુકેના ઓક્શન હાઉસ મુલોક્સે ઘાસના તે તણખલા અને તે સાથેની માટી સૌથી ઊંચી બોલી લગાવનારને વેચ્યા છે. ૧૯૪૮ની ૩૦ જાન્યુઆરીએ નવી દિલ્હીમાં જ્યાં ગાંધીજીની ગોળી મારીને હત્યા કરવામાં આવી હતી તે સ્થળે તેમના પડેલા લોહીને લેવામાં આવ્યું હતું અને ૬૪ વર્ષ સુધી સાચવી રાખવામાં આવ્યું હતું. આજે તેને એક કોમોડિટીની જેમ વેચવામાં આવ્યું.

આ ચીજના લિલામને રોકવાનો ગાંધીવાદીઓનો વિરોધ નિષ્ફળ ગયો છે, તેમની બૂમરાણ બહેરા કાને અથડાઈ છે.

લોહીથી ખરડાયેલા ઘાસ ઉપરાંત ગાંધીજી જેને વપરાશમાં લેતા હતા તેવી જુદી જુદી ૨૯ ચીજવસ્તુઓનું પણ મંગળવારે લિલામ કરાયું હતું જેમાં એમના ગોળ ફ્રેમવાળા ચશ્માનો સમાવેશ થાય છે. તે પણ અંદાજિત કરતા બમણા ભાવે વેચાયા હતા.

તેમના એ ચશ્મા વેચાયા ૩૪,૦૦૦ પાઉન્ડમાં તો જેની પર સૂતર કાંતતા હતા તે ચરખો વેચાયો ૨૬,૦૦૦ પાઉન્ડમાં.

ચીજવસ્તુઓ ખરીદનાર વ્યક્તિઓના નામ તત્કાળ જાણી શકાયા નથી.

માટી તથા ઘાસના તણખલાઓને એક નાનકડા લાકડાના કાસ્કેટમાં મૂકી કાચના એક ટચૂકડા બોક્સની અંદર સાચવી રાખવામાં આવ્યા હતા.

પાકિસ્તાનસ્થિત અમેરિકી રાજદૂત કેમરન મુન્ટેર અને પાકિસ્તાનના નાણાં સચિવ વકાર મસુદે આ અંગેની સમજૂતી પર હસ્તાક્ષર કર્યા છે.

આ સહાય યોજના અંતર્ગત અમેરિકા ખૈબર-પખ્તુનખ્વા સરહદીય તથા આદિવાસી વિસ્તારોમાં સુરક્ષા વ્યવસ્થા મજબૂત બનાવવામાં મદદ કરશે તેમજ ત્રાસવાદીઓ, કેફી પદાર્થોના દાણચોરો તથા અન્ય ગુનેગારોને આંતરી તેમને પકડીને પાક સુરક્ષા દળોને હવાલે કરવા જેવી કામગીરી નિભાવશે.

અમેરિકા આ પાકિસ્તાનના ૯,૦૦૦ જવાનો માટે યુનિફોર્મ ઉપરાંત પ્રોટેક્ટિવ સાધનસામગ્રી, વાહનો તથા સંદેશવ્યવહારના સાધનો પણ પૂરા પાડશે.

કાબુલના પોલીસ પ્રવક્તા હશ્મતુલ્લાહ સ્તાનિકઝાઈએ કહ્યું છે કે, સંસદભવન વિસ્તારમાં ઉગ્રવાદીઓએ કરેલા હુમલાનો હવે અંત આવી ગયો છે. એકમાત્ર બાકી રહેલા હુમલાખોરને પણ સુરક્ષા જવાનોએ મારી નાખ્યો છે.

ભયાનક શસ્ત્રો અને રોકેટો સાથે સજ્જ થયેલા ઉગ્રવાદીઓ રવિવારે બપોરે કાબુલમાં ત્રાટક્યા હતા અને શહેરના મધ્ય ભાગમાં અનેક વિસ્તારો પર કબજો જમાવ્યો હતો. તેમની અને સુરક્ષા દળો વચ્ચેની અથડામણ મોડી રાત સુધી ચાલી હતી.

અફઘાન સંસદભવન ઉપર પણ હુમલો કરવામાં આવ્યો છે તેમજ કાબુલસ્થિત વિદેશી દૂતાવાસોને પણ ટાર્ગેટ બનાવવામાં આવી છે. આમાં બ્રિટિશ દૂતાવાસનો પણ સમાવેશ થાય છે.

સૂત્રોના જણાવ્યા મુજબ કેટલાક આતંકવાદીઓ અફઘાન સંસદભવનની અંદર ઘૂસવામાં સફળ થયા છે.

કાબુલની એક ફાઈવ સ્ટાર હોટેલમાં પણ બોમ્બ બ્લાસ્ટનો અહેવાલ છે. શહેરના વીવીઆઈપી વિસ્તારમાં થોડી થોડી વારે ફાયરિંગ થઈ રહી છે. અમુક સ્થળે રોકેટ લોન્ચરમાંથી પણ હુમલા કરાયા છે.

જલાલાબાદ એરપોર્ટ ઉપર પણ આત્મઘાતી હુમલાનો અહેવાલ છે.

તાલીબાની આતંકવાદીઓએ અનેક દેશોની દૂતાવાસોને ટાર્ગેટ બનાવી છે.

જર્મન દૂતાવાસમાં ધડાકાને લીધે આગ ફાટી નીકળી છે.

રશિયન દુતાવાસમાં પણ ધડાકો થયો છે, તો અમેરિકી દૂતાવાસની બહાર ધડાકો કરાયો છે.

નાટોની ઓફિસ નજીક ફાયરિંગ થયું છે તો એક બ્રિટિશ રાજદૂતના ઘર ઉપર પણ હુમલો કરાયો છે.

તાલીબાને આ હુમલાઓની જવાબદારી લીધી છે. તેના પ્રવક્તા જબીઉલ્લા મુજાહિદે પ્રચારમાધ્યમોને મોકલેલા સંદેશાઓમાં કહ્યું છે કે, આજે બપોરે અમારા મુજાહિદ્દીનોએ આત્મઘાતી હુમલા કર્યા છે. તેમણે સંસદભવન તથા અન્ય રાજદ્વારી ઓફિસોને પણ નિશાન બનાવ્યા છે. અમારા મુજાહિદ્દીનો પાસે નાના તેમજ મોટા શસ્ત્રો તેમજ આત્મઘાતી વિસ્ફોટકો છે. આ હુમલા આયોજનપૂર્વકના છે.

એક પોલીસ અધિકારીએ કહ્યું કે રવિવારે વહેલી સવારે તાલીબાનોએ વાયવ્ય ખૈબર પખ્તુનખ્વાના બન્નુ શહેરની જેલ પર હુમલો કર્યો હતો. તેઓ ૩૮૦ કેદીઓને છોડાવી ગયા છે. તેમાં ત્રાસવાદીઓ કેટલા હતા તેનો ચોક્કસ આંકડો હજી ખબર નથી.

તાલીબાન પ્રવક્તા અસીમુલ્લાહ મેહસુદે દાવો કર્યો છે કે તેમના લડાકુઓએ જૂથના ૧૨૦૦ જેટલા સભ્યોને છોડાવ્યા છે.

છેલ્લા કેટલાક વર્ષોથી પાકિસ્તાન તાલીબાન જૂથે પાકિસ્તાનની સરકાર સામે લોહિયાળ યુદ્ધ આદર્યું છે. સરકારે અફઘાનિસ્તાન સાથે સરહદ બનાવતા અને તાલીબાનો માટે ગઢ ગણાતા વાયવ્ય સરહદ પ્રાંતમાં અસંખ્ય શકમંદ ત્રાસવાદીઓની ધરપકડ કરી છે.

ન્યૂ યોર્કના એક એરપોર્ટ પર શાહરૂખની કરાયેલી અટકાયતના સંબંધના પ્રત્યાઘાતમાં શાહરૂખને જેણે આમંત્રણ આપીને અમેરિકા બોલાવ્યો હતો તે યેલ યુનિવર્સિટીએ ખેદ વ્યક્ત કર્યો છે.

કનેક્ટિકટ સ્થિત યેલ યુનિવર્સિટીના સહાયક સચિવ (આંતરરાષ્ટ્રીય બાબતો) જ્યોર્જ જોસેફે એક નિવેદનમાં કહ્યું છે કે શાહરૂખની અટકાયતનો મામલો કમનસીબ છે, પરંતુ અંતે મામલો ઉકેલાઈ ગયો છે.

શાહરૂખ એક અંગત વિમાનમાં રિલાયન્સ ઈન્ડસ્ટ્રીઝ લિમિટેડના ચેરમેન મુકેશ અંબાણીના પત્ની નીતા અંબાણીની સાથે પ્રવાસ કરતો હતો. શાહરૂખને ન્યૂ યોર્કના વ્હાઈટ પ્લેન એરપોર્ટ પર ઈમિગ્રેશન વિભાગના અધિકારીઓએ બે કલાક સુધી રોકી રાખી પૂછપરછ કરી હતી.

ભારતીય દૂતાવાસના હસ્તક્ષેપ બાદ જ શાહરૂખને એરપોર્ટની બહાર જવાની મંજૂરી આપવામાં આવી હતી.

આ ઘટના અંગે નવી દિલ્હીમાં વિદેશ મંત્રાલયના સંયુક્ત સચિવ (અમેરિકા) જાવેદ અશરફે અમેરિકી દૂતાવાસના ઉપપ્રમુખ ડોનાલ્ય લ્યૂને બોલાવ્યા હતા અને ભારતની ચિંતાથી તેમને વાકેફ કરાયા હતા.

ઈન્ટરનેટ પર પ્રતિબંધ મૂકાઈ જશે તેથી લોકો ગૂગલ, જીમેલ, ગૂગલ પ્લસ, યાહૂ, હોટમેલ જેવી અનેક સુવિધાઓથી વંચિત રહેશે. સરકારે ‘ક્લીન ઈન્ટરનેટ’ ઝુંબેશ હેઠળ ઈન્ટરનેટ સેવા બંધ કરવાનો નિર્ણય લીધો છે.

સરકારના આ પ્રોજેક્ટનો પહેલો તબક્કો આવતા મહિનાથી અમલમાં મૂકાશે અને છેલ્લો તબક્કો ઓગસ્ટમાં પૂરો થશે.

સરકાર દેશમાં ‘ઈરાન મેલ’ અને ઈરાન સર્ચ એન્જીન જેવી સરકારી ઈન્ટરનેટ સેવાઓ લાગુ કરવા માગે છે.

ગિલાનીએ રવિવારે સાંજે તેમના સત્તાવાર નિવાસસ્થાને પત્રકારો સાથેની વાતચીતમાં કહ્યું કે અમે સઈદના મામલે પગલું લેવા ગંભીર છીએ, પણ સવાલ એ છે કે પુરાવા વગર તેની સામે કાર્યવાહી કેવી રીતે હાથ ધરવી. અહીંયા અદાલતો સ્વતંત્ર છે અને અમારે સઈદ સામે મજબૂત પુરાવાની જરૂર પડે.

ગિલાનીએ કહ્યું કે ભારત સાથે સંમતિ સધાઈ છે કે ૧૬ એપ્રિલે બંને દેશના ગૃહ સચિવ વાટાઘાટ માટે મળશે ત્યારે આ મુદ્દે પણ ચર્ચા કરશે.

સઈદના માથે અમેરિકાએ એક કરોડ ડોલરના ઈનામની જાહેરાત કર્યા બાદ આ મામલો ચગ્યો છે. ગિલાનીએ ગયા અઠવાડિયે સંસદમાં કહેલું કે સઈદનો મામલો પાકિસ્તાનનો આંતરિક છે અને જેની પાસે સઈદ વિરુદ્ધ પુરાવો હોય તેણે એ પાકિસ્તાનને આપવો જોઈએ જેથી અહીંની કોર્ટ તેની સામે કાર્યવાહી હાથ ધરી શકે.

હિમપ્રપાતની ઘટના શનિવારે સવારે લગભગ ૬ વાગ્યે દરિયાઈ સપાટીથી લગભગ ૧૬,૦૦૦ ફૂટની ઊંચાઈ પર અને બાલ્તિસ્તાનના પાટનગર સ્કાર્દૂથી લગભગ ૧૮૦ માઈલ દૂરના સ્થળે બની હતી.

બચાવ કાર્ય માટે રાવલપિંડીથી હેવી મશીનરીઓ મોકલવામાં આવી છે.

દટાઈ ગયેલા સૈનિકોને શોધવા અને બચાવી લેવા માટે પાક લશ્કરના હેલિકોપ્ટરોને ઘટનાસ્થળે મોકલવામાં આવ્યા છે.

લશ્કરના પ્રવક્તા મેજર જનરલ અતહર અબ્બાસે કહ્યું કે સવારે લગભગ ૬ વાગ્યે હિમશીલાઓ લશ્કરના વડામથકે ધસી પડી હતી. ૧૦૦થી વધારે સૈનિકો તથા અન્ય કર્મચારીઓ ત્યાં ફસાઈ ગયા છે. જાનહાનિ અંગે લશ્કર બાદમાં કમેન્ટ કરશે.

ગિલાનીએ એવી ચેતવણી પણ આપી છે કે પાકિસ્તાનની સંસદ અમેરિકાને માટે નવા નિયમો ઘડવામાં વ્યસ્ત છે ત્યારે આ પ્રકારના નકારાત્મક સંદેશાઓ પરસ્પર વિશ્વાસની ઉણપમાં વધારો કરશે.

રાષ્ટ્રીય ધારાસભા અને સેનેટના એક સંયુક્ત સત્રમાં સંસદસભ્યોએ સઈદને માથે અમેરિકાએ જાહેર કરેલી રૂ. એક કરોડ ડોલરની ઈનામી રકમનો મુદ્દો ઉઠાવ્યો ત્યારે ગિલાનીએ ઉપર મુજબ જવાબ આપ્યો હતો.

તેમણે કહ્યું કે સઈદને લગતો મામલો પાકિસ્તાનનો આંતરિક મુદ્દો છે અને સઈદ વિરુદ્ધ જો કોઈ નક્કર પુરાવો હોય તો પાકિસ્તાનને સુપરત કરવો જોઈએ જેનું એક સ્વતંત્ર ન્યાયતંત્ર છે.

ટાયર-1 (પોસ્ટ-સ્ટડી વર્ક) રૂટ અંતર્ગત ભારતીય તથા અન્ય બિન-યુરોપીયન યુનિયન દેશોના વિદ્યાર્થીઓને તેમનો યુનિવર્સિટી અભ્યાસક્રમ પૂરી થઈ ગયા બાદ બે વર્ષ માટે બ્રિટનમાં કામ કરવા દેવાની પરવાનગી આપવામાં આવી હતી.

આ રૂટ શુક્રવારથી બંધ કરી દેવામાં આવશે, એવી જાહેરાત ગૃહ મંત્રાલયે કરી છે.

બ્રિટનમાં રહીને સ્વબળે પોતાનો આર્થિક ખર્ચ નિભાવતા અને બે વર્ષ સુધી કામ કરીને અહીં પોતાના શિક્ષણ પાછળ થયેલા અમુક ખર્ચને રીકવર કરવા ઈચ્છતા ભારતીય વિદ્યાર્થીઓમાં આ સુવિધા ખૂબ પોપ્યૂલર હતી.

આ સુવિધા તેમને બ્રિટનમાં કામકાજનો અનુભવ હાંસલ કરવામાં મદદરૂપ પણ થતી હતી તેમજ બાદમાં ભારતમાં તેમને માટે કરિયરની તકો સમાન પણ ગણવામાં આવતી હતી.

આ અગાઉ અમેરિકાને ખુલ્લેઆમ પડકારીને હફીઝ સઇદે કહ્યું  હતું કે હું છૂપાઇને નથી બેઠો. અમેરિકામાં તાકાત હોય તો મને પકડી લે. બુધવારે હફીઝ રાવળપિંડીમાં એક પ્રેસ કોન્ફરન્સને પણ સંબોધી હતી.

મુંબઇ પરના ત્રાસવાદી હુમલા પાછળનું ભેજું મનાતા હફીઝ સઇદે બુધવારે રાવળપિંડીમાં એમ કહ્યું હતું કે આવતીકાલે હું લાહોર જવાનો છું. હવે અમેરિકાએ એવું કહ્યું છે કે મુંબઇ પરના હુમલામાં હફીઝ સંડોવાયો છે એના પૂરાવાની અમને શોધ છે.

અમેરિકાની ઠેકડી ઊડાડતા હફીઝ સઇદે કહ્યું હતું કે હું અહીં જ છું. અમેરિકાએ એ પૈસા મને આપવા જોઇએ. આવતી કાલે હું લાહોરમાં હોઇશ. અમેરિકા ઇચ્છે તો મારો સંપર્ક સાધી શકે છે.
નિષ્ણાતો કહી રહ્યા છે કે લશ્કર એ તોઇબાને સ્થાપક હફીઝ સઇદને પાકિસ્તાન સરકાર પકડશે નહીં કારણ કે તે દેશની જાસુસી સંસ્થા આઇએસઆઇ સાથે ઘરોબો ધરાવે છે.

166 માણસોના જેમાં મૃત્યુ થયા હતા એ મુંબઇ પરના ત્રાસવાદી હુમલાનું કાવતરું હફીઝ સઇદે કર્યું હોવાનો તેના પર આરોપ છે.
હફીઝે કોન્ફરન્સ યોજી એના થોડા કલાકો પહેલા જ અમેરિકાના ડેપ્યુટી સેક્રેટરી થોમસ નાઇડ્સે ઇસ્લામાબાદમાં પાકિસ્તાનના વિદેશ પ્રધાન હીના રબ્બાનીને મળ્યા હતા.

દરમિયાન, ઈસ્લામાબાદના અહેવાલ મુજબ, સઈદ જેનો વડો છે તે જમાતઉદ દાવાએ અમેરિકાની ઘોષણાને ઈન્ટરનેશનલ કોર્ટમાં પડકારવાનો નિર્ણય લીધો છે. સંગઠને તે દિશામાં કાનૂની મસલત લેવાનું શરૂ કરી દીધું છે.

જીયો ન્યૂઝ ચેનલે આક્રમક મિજાજવાળા મૌલવી સઈદને એમ કહેતા ટાંક્યો છે કે, મારા જીવનનો અંત માત્ર અલ્લાહ જ લાવી શકશે, અમેરિકા નહીં.

સઈદના માથા પર ઈનામ જાહેર કરાવવામાં ભારતે કોઈ ભૂમિકા ભજવી છે ખરી? એમ પૂછતાં ન્યૂલેન્ડે નકારમાં જવાબ આપ્યો અને કહ્યું કે આ પ્રક્રિયા આંતરિક છે. અસરગ્રસ્ત સરકારોને આ પગલાની જાણ કરવામાં આવી હતી. એમાં મસલતને સ્થાન નહોતું.

સઈદ ૨૦૦૮ના મુંબઈ ટેરર હુમલા કેસમાં કઈ રીતે સંડોવાયેલો છે અને ક્યારે તેમાં સંડોવાયો હતો? એમ પૂછતાં ન્યૂલેન્ડે કહ્યું કે, એ બધા નિર્ણય ગુપ્તચરોએ આપેલી તેમજ અન્ય રીતે મળેલી માહિતીના આધારે લેવાય છે. ઘણી વાર ગુનો થાય એ જ સમયે પુરાવો ઉપલબ્ધ હોતો નથી, પણ પાછળથી… અમુક મહિનાઓ પછી હાથ લાગતો હોય છે.

અલ-જઝીરા ન્યૂઝ ચેનલે લશ્કર-એ-તૈબા સંગઠનના સ્થાપક સઈદને એમ કહેતા ટાંક્યો છે કે અમે કંઈ ગુફાઓમાં છુપાયેલા નથી કે અમેરિકાએ આ રીતે ઈનામી રકમ જાહેર કરવી પડે.

સઈદે એમ પણ કહ્યું છે કે, મારું માનવું છે કે અમેરિકાને કંઈ ખબર જ હોતી નથી. તે ભારત દ્વારા પૂરી પાડવામાં આવતી ખોટી માહિતીના આધારે પોતાના નિર્ણયો લે છે અથવા તે હતાશ થઈ ગયું છે.

સઈદનો દાવો છે કે હું પાકિસ્તાનભરમાં નાટોના દળો માટે સપ્લાયના માર્ગો ફરી ખુલ્લા મૂકવાની વિરુદ્ધમાં રેલીઓનું આયોજન કરું છે એને લીધે અમેરિકાને મારા માથા માટે ઈનામી રકમની જાહેરાત કરવી પડી છે. તે સપ્લાય માર્ગો ગયા નવેંબરમાં અફઘાન સરહદ પારથી કરાયેલા હુમલામાં ૨૪ પાકિસ્તાની સૈનિકોના મરણ બાદ બંધ કરી દેવામાં આવ્યા હતા.

અમેરિકાએ પાકિસ્તાનસ્થિત જમાત-ઉદ-દાવાના વડા સઈદના માથા માટે એક કરોડ ડોલરના ઈનામની સોમવારે રાત્રે જાહેરાત કરી છે. સઈદ ૨૬/૧૧ના મુંબઈ ટેરર હુમલાઓનો સૂત્રધાર પણ ગણાય છે.

અમેરિકાની જાહેરાતને ભારતે આવકાર આપ્યો છે. ભારતે કહ્યું કે આનાથી લશ્કર-એ-તૈબા અને તેના સમર્થકોને મજબૂત સંકેતો ગયા છે કે ત્રાસવાદનો સામનો કરવામાં દુનિયાના દેશો સંગઠિત છે.