ફેડરેશન ઓફ એસોસિએશન્સ ઓફ મહારાષ્ટ્ર (ફામ)ના ઝવેરચંદ ગાલાએ કહ્યું કે, મુંબઈના હોસસેલ વેપારીઓ હડતાળ પડતી મૂકવા અંગેનો નિર્ણય આજકાલમાં લેશે. પરંતુ રીટેલ વેપારીઓને સ્વતંત્ર રીતે નિર્ણય લેવા દીધો છે.

સોમવારે મહારાષ્ટ્ર સરકાર સાથેની મંત્રણામાં ચાર મહાનગરપાલિકાઓના પ્રતિનિધિઓ પણ હાજર રહ્યા હતા. ફામના પ્રમુખ અરૂણ દોશીએ કહ્યું કે, રાજ્ય સરકાર અમારી અવગણના કરે છે.

એડિશનલ ડિરેક્ટર જનરલ ઓફ પોલીસ (જેલ) મીરા બોરવણકરે કહ્યું છે કે સંજયને નજીકના ભવિષ્યમાં તો આર્થર રોડ જેલમાંથી બીજે શિફ્ટ કરવામાં નહીં આવે.

સંજય ગઈ ૧૬ મેએ ટાડા કોર્ટને શરણે આવી ગયો તે પછી એને આર્થર રોડ જેલમાં લાવવામાં આવ્યો હતો. ૧૯૯૩ના મુંબઈ બોમ્બ બ્લાસ્ટ્સ કેસમાં તેણે એની બાકી રહેલી સાડા ત્રણ વર્ષની જેલની સજા પૂરી કરવાની છે.

કોર્ટને શરણે આવ્યા બાદ એવી અફવા ફેલાઈ હતી કે તેને કદાચ પુણેની યરવડા જેલમાં શિફ્ટ કરવામાં આવશે. સંજયને શિફ્ટ કરવાનો નિર્ણય લેતા પહેલા સત્તાવાળાઓ અનેક બાબતો પર વિચાર કરી રહ્યા છે જેમ કે, તળોજા (નવી મુંબઈ), યરવડા (પુણે), થાણે, નાગપુર અને નાસિકની જેલોમાં સુરક્ષા બંદોબસ્ત, જે જેલોમાં અન્ડરવર્લ્ડ સાથે ઘરોબો રાખનાર કેટલા કેદીઓ કારવાસ ભોગવી રહ્યા છે, તેમજ એમની સંખ્યા જેવી બાબતોનો સમાવેશ થાય છે.

સંજયે હજી ૪૨ મહિના કારાવાસ ભોગવવાનો છે. ૧૮ મહિનાની જેલની સજા તે અગાઉ ભોગવી ચૂક્યો છે.

સંજય જેલમાં અસ્વસ્થ રહે છે, ધાર્મિક પુસ્તકો વાંચતો હોય છે. તેના વકીલ રીઝવાન મર્ચન્ટે ટાડા કોર્ટને વિનંતી કરી છે કે સંજયને ‘અંડા’ સેલમાં ગૂંગળામણ થાય છે, કારણ કે ત્યાં પૂરતો સૂર્યપ્રકાશ આવતો નથી. આ કોટડી સામાન્ય રીતે ખૂંખાર ત્રાસવાદીઓને રાખવા માટેની છે અને સંજય ત્રાસવાદી નથી, તેને ટાડા એક્ટ હેઠળ અપરાધી જાહેર કરાયો નથી.

સંજયે જો કે પોતાને શિફ્ટ કરવા વિશે કોર્ટને કોઈ અરજી લખી નથી.

૭૫ વર્ષની કાઝી વ્હીલચેરમાં બેસીને ટાડા કોર્ટમાં શરણે આવી હતી.

શરણે આવવાની સુપ્રીમ કોર્ટે મૂકેલી ડેડલાઈન મુજબ શરણે ન આવતાં કાઝી સામે સ્પેશિયલ ટાડા કોર્ટે ગયા શુક્રવારે બિન-જામીનપાત્ર વોરંટ બહાર પાડ્યું હતું.

એક્ટર સંજય દત્ત ગયા ગુરુવારે ડેડલાઈન પૂરી થતાં જ ટાડા કોર્ટમાં સત્તાવાળાઓને શરણે થઈ ગયો હતો.

અન્ય બે અપરાધી, કાઝી અને શરીફ (દાદા) પરકારે સ્વાસ્થ્યના કારણોસર શરણે આવવામાં થોડોક વધારે સમય આપવાની વિનંતી કરતી અલગ અલગ અરજી ટાડા કોર્ટમાં નોંધાવી હતી.

સહાર પોલીસ સ્ટેશનમાં ફરિયાદ નોંધાવનાર માણસ એક ડાયમંડ ટ્રેડિંગ કંપનીનો કર્મચારી છે. તેણે ગઈ ૧૬ મેએ એર કાર્ગો દ્વારા બેલ્જિયમ માટે હિરાથી ભરેલા ૨૪ પેકેટવાળું એક કન્સાઈનમેન્ટ મોકલ્યું હતું.

બેલ્જિયમસ્થિત કંપનીને ડિલિવરી મળી હતી, પણ તેના પ્રતિનિધિએ કહ્યું કે એને ૨૩ પેકેટ જ મળ્યા છે, એક પેકેટ ઓછું હતું.

બેલ્જિયમ તરફથી આમ જણાવ્યા બાદ ભારતીય ડાયમંડ ટ્રેડિંગ કંપનીએ પોલીસમાં ફરિયાદ નોંધાવી છે.

પોલીસે તપાસ આદરી છે અને એરપોર્ટ કોમ્પલેક્સમાં તેમજ આવા વિસ્તારમાં પ્રવેશ મેળવતા લોકોની પૂછપરછ કરી રહી છે.

પોલીસે બાન્દ્રાની સોફીટેલ હોટેલ પર દરોડો પાડ્યો હતો અને શ્રીસંતના લેપટોપ ઉપરાંત તેનો મોબાઈલ ફોન, આઈપેડ, ડેટા કાર્ડ અને ડાયરીઓ પણ જપ્ત કર્યાં છે.

કસ્ટમ્સ અધિકારીઓએ કહ્યું કે આરોપીનું નામ સિસે લિન્ટેન છે. તે એક ઈવેન્ટ મેનેજર છે. શુક્રવારે સવારે લગભગ ૬ વાગ્યે તેની ધરપકડ કરવામાં આવી હતી. તે એરપોર્ટ પર એક ઈથિયોપીયન એરલાઈન્સની ફ્લાઈટ પકડવાની રાહ જોતી હતી.

૩૬ વર્ષીય તે મહિલા મોઝામ્બિક જવાની હતી.

ડેપ્યૂટી કમિશનર ઓફ કસ્ટમ્સ (એર ઈન્ટેલિજન્સ યુનિટ) સમીર વાનખેડે અને તેમની ટીમના સભ્યોએ તે મહિલાને અટકાવી હતી અને તેનો સામાન ચેક કર્યા બાદ એમાંથી માદક દ્રવ્યોનો જથ્થો મળી આવ્યો હતો, જે તેણે સામાનમાં ચાલાકીથી સંતાડ્યો હતો.

આરોપી મહિલાએ કહ્યું કે તેણે આ ડ્રગ્સ દિલ્હીથી મેળવી હતી અને એક ફ્લાઈટ દ્વારા મુંબઈ લાવવામાં તે સફળ થઈ હતી. તેની કબૂલાતથી ડોમેસ્ટિક એરપોર્ટ પરના સિક્યૂરિટી સત્તાવાળાઓનું આવી બનશે.

આરોપી સ્ત્રીને કેફી દ્રવ્યોને લગતા કાયદાની કલમો હેઠળ આરોપી જાહેર કરાઈ છે અને શનિવારે કોર્ટમાં તેને હાજર કરવામાં આવશે.

ગત વર્ષે મુંબઈ ક્રાઈમ બ્રાંચે અંદાજે અડધો ડઝન મોટા સટોડિયાઓને પકડ્યાં હતા. તેમાં સોનૂ જાલાન તેમજ દેવેન્દ્ર કોઠારીનું નામ પણ સામેલ છે. આ બંનેની પૂછપરછમાં સુનિલ દુબઈનું નામ સામે આવ્યું હતું. બે વર્ષ પહેલા અંધેરીનાં એક કેસમાં પણ સુનિલ દુબઈ મોસ્ટ વોન્ટેડ છે. મુંબઈ ક્રાઈમ બ્રાંચને બંને કેસમાં ધરપકડ કરાયેલા આરોપીઓ પાસેથી પૂછપરછમાં જાણવા મળ્યું કે સુનિલ દુબઈ વિદેશમાં છે, તો તેના વિરૂદ્ધ દેશભરના તમામ એરપોર્ટ્સ પર લુકઆઉટ નોટિસ પાઠવી દેવી જોઈએ.

લુકઆઉટ નોટિસનો મતલબ છે કે જો કોઈ આરોપી વિદેશથી દેશનાં કોઈ પણ એરપોર્ટ પર ઉતરે ત્યારે ઈમિગ્રેશન ડિપાર્ટમેન્ટનાં લોકો તેને ડિટેન કરશે અને એ પોલીસને સોંપી દેશે જે દેશનો તે વોન્ટેડ છે.

૫૩ વર્ષના સંજયને આર્થર રોડ જેલમાં લઈ જવાની કાર્યવાહી ચાલુ હતી ત્યારે મર્ચન્ટે સ્પેશિયલ ટાડા જજ જી.એ. સાનપને કહ્યું કે અમે ટૂંક સમયમાં જ સુપ્રીમ કોર્ટમાં ક્યૂરેટિવ પીટિશન ફાઈલ કરવા વિચારીએ છીએ.

સંજયે આર્મ્સ એક્ટ હેઠળ તેના અપરાધને માન્ય રાખતા અને તેને પાંચ વર્ષની જેલની સજા ફરમાવતા સુપ્રીમ કોર્ટના ૨૧ માર્ચના જજમેન્ટ સામે રીવ્યૂ પીટિશન નોંધાવી હતી. કોર્ટે તેને નકારી કાઢી હતી અને ૧૬ મે સુધીમાં શરણે આવી જવાનો આદેશ આપ્યો હતો.

રીવ્યૂ પીટિશન રદ થાય તે પછી અપરાધી માટે ક્યૂરેટિવ પીટિશન કે સજામાફીની પીટિશનનો વિકલ્પ બાકી રહે છે.

જજમેન્ટ આવ્યાના ૩૦ દિવસની અંદર રીવ્યૂ પીટિશન ફાઈલ કરાવી જોઈએ, પણ ક્યૂરેટિવ પીટિશન નોંધાવવા માટે કોઈ સમયમર્યાદા નથી.

સંજયે જાતે સજામાફી માટે કોઈ પીટિશન નોંધાવી નથી, પણ તેના વતી મહારાષ્ટ્રના ગવર્નરને ૩૦ જણ તરફથી અરજીઓ મળી છે. એ બધાએ ગવર્નરને અપીલ કરી છે કે સંજયની સજા માફ કરી દેવામાં આવે. સંજય રાષ્ટ્રપતિ સમક્ષ સજામાફીની પીટિશન નોંધાવી શકે છે.

સંજય ટાડા કોર્ડ ખાતે પહોંચ્યો ત્યારે ત્યાં કોર્ટની બહાર મિડિયાકર્મીઓ તથા સામાન્ય લોકોની એટલી બધી ભીડ હતી કે તેને કારમાંથી બહાર આવવામાં ઘણી તકલીફ પડી હતી. અંતે તે ભીડને ભેદીને કોર્ટની અંદર પહોંચી ગયો હતો.

આત્મસમર્પણ કરવા માટે તે બપોરે અહીં બાન્દ્રાસ્થિત તેના નિવાસસ્થાનેથી રવાના થયો હતો ત્યારે તેની સાથે મોટો કાફલો રવાના હતો. તેની સાથે તેની પત્ની માન્યતા, સાંસદ બહેન પ્રિયા દત્ત, નિર્માતા-દિગ્દર્શક મહેશ ભટ્ટ પણ છે.

સંજય દત્તે માંગેલી સમય મર્યાદા પૂરી થઈ છે. જેથી સંજય દત્તને સાંજે ચાર વાગ્યા પહેલા સરેન્ડર કરવાનું છે. સુપ્રીમ કોર્ટનો ચુકાદો આવ્યા બાદ સંજયે જાહેરાત કરી હતી કે, તે કાયદાનું પાલન કરશે.

મુંબઈમાં ૧૯૯૩માં થયેલા શ્રેણીબદ્ધ બોમ્બ વિસ્ફોટ કેસમાં ૨૧ માર્ચે સુપ્રીમ કોર્ટે સંજય દત્તને આર્મ્સ એક્ટ (ગેરકાયદેસર હથિયાર રાખવાનો ગુનો) હેઠળ પાંચ વર્ષની સજા સંભળાવાઈ હતી. સંજય ૧૮ મહિના જેલમાં વિતાવી ચુક્યો છે. આથી કોર્ટે બચેલા સાડા ત્રણ વર્ષ એટલે કે ૪૨ મહિનાની કેદનાં આદેશ આપ્યાં છે.

આ ભૂલની મહારાષ્ટ્ર સરકારે ગંભીર નોંધ લીધી છે અને મહારાષ્ટ્ર સ્ટેટ બોર્ડ ઓફ સેકન્ડરી એન્ડ હાયર સેકન્ડરી એજ્યૂકેશનના ચેરમેન પાસેથી સ્પષ્ટતા માગી છે. આ ભૂલ કેમ રહી ગઈ તે વિશે તેમને ખુલાસો કરવા જણાવાયું છે.

મહારાષ્ટ્રના શિક્ષણ પ્રધાન રાજેન્દ્ર દર્ડાએ કહ્યું છે કે, જો આ પ્રિન્ટિંગની ભૂલ હોય તો એ કેમ રહી ગઈ તે વિશે મેં બોર્ડના ચેરમેન પાસેથી સ્પષ્ટતા માગી છે.

ઈશાન ભારતના આ રાજ્યને નકશામાંથી તો ગાયબ કરાયું છે, પણ એને પાઠ્યપુસ્તકોમાં ચીનના પ્રદેશ તરીકે દર્શાવવામાં આવ્યું છે. આ પાઠ્યપુસ્તકો, રાજ્યના પ્રિન્ટિંગ પ્રેસ, બાલભારતીમાં છાપવામાં આવ્યા છે.

દર્ડાનું કહેવું છે કે, એસએસસી બોર્ડ એક સ્વાયત્ત સંસ્થા છે.

બોર્ડના ચેરમેન એસ. જાધવ પાસેથી આ મામલે પ્રતિક્રિયા જાણવા મળી નથી.

પોલીસનાં જણાવ્યાં પ્રમાણે આરોપી હિમાંશુ આઈપીએલનાં સટ્ટામાં લાખો રૂપિયા હારી ગયો હતો. સટ્ટાનો દલાલ આરોપીઓ પર જલ્દી રૂપિયા આપવા દબાણ કરી રહ્યો હતો. જેથી આરોપીએ પોતાનાં જ કાકાનાં દિકરા આદિત્યનું અપહરણ કર્યુ અને ૩૦ લાખ રૂપિયા ખંડણી પેટે માંગ્યા. અપહરણ કરાયેલ બાળકનાં પિતા હિરા વ્યવસાય સાથે જોડાયેલા છે.

ખંડણીનાં ૩૦ લાખ રૂપિયા આપવામાં મોડું થતા આરોપીએ બાળકને મારી નાંખ્યો. બાળકની હત્યા કર્યા બાદ હિમાશું અને વિગેશે આદિત્યની લાશને સળગાવવાનો પ્રયત્ન કરી તેના મૃતદેહને પનવેલમાં છુપાવવાનો પ્રયત્ન કર્યો હતો. પોલીસ આ મામલે હિમાશું અને વિગેશની ધરપકડ કરી છે. બંનેએ પોતાનો ગુન્હો કબુલી લીધો છે.

લોકલ બોડી ટેક્સ (એલબીટી) દૂર કરવા બાબતે સરકારના ઉદાસીન વલણને લઈ જથ્થાબંધ બજારો બંધ જ રહેશે, જ્યારે તહેવારોને ધ્યાનમાં લઈ છેલ્લા બે દિવસથી દુકાનો ચાલુ કરનાર છુટક દુકાનદારો ફરી ગુરુવારથી બંધમાં જોડાશે.

પુણેમાં ગઈ કાલે વેપારીઓએ જંગી રેલી કાઢી હતી. LBTના મુદ્દે વેપારીઓ કોઈ બાંધછોડ કરવા તૈયાર નથી. તેમણે હાકલ કરી છે કે જ્યાં સુધી LBT નહીં હટે ત્યાં સુધી બેમુદત બંધ ચાલુ રહેશે.

પાર્ટીના કાર્યકર્તાઓ વારંવાર બંધનું શસ્ત્ર ઉગામતાં વેપારીઓને વ્યક્તિગત રીતે મળશે અને એલબીટીથી વેપારીઓને કેટલો લાભ થશે તે વિશે સમજાવશે.

કોંગ્રેસના કાર્યકર્તાઓ, આગેવાનો ફૂલ લઈને દુકાનદારો, વેપારીઓને મળવા જશે અને ટેક્સની વિગતોથી તેમને વાકેફ કરશે, એમ મહારાષ્ટ્ર પ્રદેશ કોંગ્રેસ કમિટીના પ્રવક્તા સચીન સાવંતે કહ્યું છે.

દરમિયાન, રાજ્ય સરકારે વેપારીઓને ચેતવણી આપી છે કે જો તેઓ હડતાળ પાડીને પ્રજાને હેરાન કરશે તો તેમની સામે કડક પગલાં લેવામાં આવશે.

પ્રોપર્ટી કન્સલ્ટન્ટ જોન્સ લાન્ગ લ’સેલ (જેએલએલ)ના જણાવ્યા મુજબ, મુંબઈની પડોશના થાણે શહેરમાં આ ભાવવધારો ૭૦ ટકા રહ્યો છે તો નવી મુંબઈમાં ૭૪ ટકા.

જેએલએલ ઈન્ડિયાના મેનેજિંગ ડિરેક્ટર રમેશ નાયરના જણાવ્યા મુજબ, મુંબઈ, થાણે અને નવી મુંબઈમાં રહેણાંક પ્રોપર્ટીના ભાવમાં આવેલો આ ધરખમ ઉછાળો ભારતમાં તમામ શહેરોમાં સૌથી ઉંચો છે.

ઉત્તર પ્રદેશના ગુડગાંવ અને કર્ણાટકના બેંગલોરમાં આ જ સમયગાળા દરમિયાન ભાવવધારો અનુક્રમે બાવન ટકા અને ૪૬ ટકા રહ્યો છે.

વર્તમાન પરિસ્થિતિને જોતાં ઘર ખરીદવા ઈચ્છાતા લોકોને કોઈ રાહત મળવાની સંભાવના નથી.

જગદીશ માલી થોડા સમય પહેલા ત્યારે ચર્ચામાં આવ્યા જ્યારે તેઓ મુંબઈનાં રસ્તા પર અસ્તવ્યસ્ત હાલમાં જોવા મળ્યા હતા, અભિનેત્રી અને ટીવી રિયાલીટી શો ‘બિગ બોસ’માં સ્પર્ધક રહી ચુકેલી મિંકે જગદીશ માલીને અંધેરી વિસ્તારમાં જોયા હતા, અને તેણી અંતર માલીનો સંપર્ક કર્યો હતો.

૧૯૮૦નાં દશકમાં બોલિવુડમાં ફોટોગ્રાફરનાં રૂપમાં પોતાની કારકિર્દીની શરૂઆત કરનાર જગદીશ માલીએ અભિનેત્રી રેખા, શબાના આઝમી, કરીના કપુર, અભિનેતાઓમાં અનુપમ ખેર, ઈરફાન ખાન સહિત અનેક મોટી હસ્તીઓ સાથે કામ કર્યું છે.

વેપારીઓની સંસ્થા ફેડરેશન ઑફ અસોસિએશન ઑફ મહારાષ્ટ્રએ જાહેરાત કરી છે કે, જો મંત્રણા નિષ્ફળ ગઈ તો એમાં ટ્રાન્સપોર્ટરો સહિત દૂધ જેવી જરૂરી ચીજવસ્તુઓના વેપારીઓ જોડાશે અને આ હડતાળને વધુ ઉગ્ર બનાવશે અને ગુરૂવાર ૧૬મી મેથી રાજ્યભરમાં જેલભરો આંદોલન શરૂ થશે

જો આ આંદોલનને વેગ મળ્યો તો ચોક્કસ સામાન્ય પ્રજા ત્રસ્ત બનશે.

ભોગ બનેલા વિદ્યાર્થીનું નામ છે નીતિન પડળકર. તેણે શુક્રવારે સાંજે થાણે જિલ્લાના કલ્યાણ રેલવે સ્ટેશન ખાતે એક ફાસ્ટ લોકલ ટ્રેન સામે કૂદીને જિંદગીનો અંત આણ્યો હતો.

પડળકર નવી મુંબઈમાં રામરાવ આદિક ઈન્સ્ટિટ્યૂટ ઓફ ટેક્નોલોજીમાં ઈલેક્ટ્રોનિક્સ અને ટેલિકમ્યુનિકેશન્સના બીજા વર્ષમાં ભણતો હતો. એ છેલ્લા કેટલાક વખતથી ડીપ્રેસ થયેલો હતો, એમ પોલીસનું કહેવું છે. નીતિન ગયા શુક્રવારે કલ્યાણમાં તેના ઘેરથી સાંજે ૬ વાગ્યે એમ કહીને નીકળ્યો હતો કે એ તેના મિત્રોને મળવા જાય છે. રાત્રે લગભગ ૮.૫૦ વાગ્યે એના પરિવારજનોને કલ્યાણ રેલવે પોલીસે ફોન કરીને નીતિન ગંભીર રીતે ઘાયલ થયાના સમાચાર આપ્યા હતા. પરિવારજનો તરત જ હોસ્પિટલમાં દોડી ગયા હતા, જ્યાં તેમણે જોયું તો નીતિન મૃત્યુ પામ્યો હતો.

પોલીસે કહ્યું છે કે પ્રાથમિક તપાસ અને મૃત્યુના સંજોગોને આધારે નીતિન રેગિંગનો ભોગ બન્યો હતો. અમે સોમવારે તેના બંને કોલેજ સિનિયર વિદ્યાર્થી – પ્રદિપ પાઈકરાવ અને ગૌરવ મઢવીની પૂછપરછ કરીશું.

સરકારે ઓક્ટ્રોયની જગ્યાએ એલબીટી ટેક્સ નાખ્યો છે.

વેપારીઓનું બેમુદત બંધ આંદોલન છેલ્લા ત્રણેક અઠવાડિયાથી ચાલુ હતું. છુટક વેપારીઓ, હોલસેલરો ગયા સોમવારથી તેમાં જોડાયા હતા.

મહારાષ્ટ્ર સરકારે એલબીટી સંબંધિત ભલામણો સુપરત કરવા માટે રાજ્યના ચીફ સેક્રેટરી જયંતકુમાર બાંઠીયાના અધ્યક્ષપદ હેઠળ એક સમિતિની રચના કરી છે. આ સમિતિ એક મહિનામાં તેનો રિપોર્ટ સરકારને સુપરત કરશે.

મુખ્ય પ્રધાન પૃથ્વીરાજ ચવ્હાણે એલબીટીનો અમલ રદ કરવાની વેપારીઓની માગણીને ફગાવી દીધી છે, પણ આ ટેક્સની વસુલીની પ્રક્રિયાને સરળ બનાવવા માટે ચર્ચા કરવાની તૈયારી બતાવી છે.

સુપ્રીમ કોર્ટે કહ્યું છે કે આ મામલે મુંબઈ હાઈ કોર્ટ જ નિર્ણય લેશે.

સુપ્રીમ કોર્ટે વેપારીઓને કહ્યું છે કે હમણાં ૨૦૧૩નો અત્યાર સુધીનો એલબીટી ભરી દો. જો તે માટે વિરોધ હોય તો કર ભર્યા પછી મુંબઈ હાઈ કોર્ટમાં તમારી રજૂઆત કરો.

દરમિયાન, કેમિસ્ટ અને ડ્રગ રીટેલરોના રાષ્ટ્રીય સંગઠને કરેલા હડતાળના એલાનને કારણે આજે શુક્રવારે, સવારથી જ દેશભરમાં દવાની દુકાનો, મેડિકલ સ્ટોર્સના શટર ઉઘડ્યા નહોતા.

[[Show as slideshow]]

સરકારની અન્યાયી નીતિઓના વિરોધમાં દવાના વેપારીઓ એક દિવસની હડતાળ પર ઉતર્યા છે.

નવી ડ્રગ નીતિ અનુસાર દવાના વેપારીઓના નફાના માર્જિનમાં ૬ ટકાનો ઘટાડો કરાયો હોવાના વિરોધમાં પણ આ હડતાળ પાડવામાં આવી છે. કેમિસ્ટ્સની દલીલ છે કે હાલની આર્થિક પરિસ્થિતિમાં તેઓ ખોટ સહન કરી શકે એમ નથી.

વેપારીઓએ તેમ છતાં આજના બંધમાંથી હોસ્પિટલો અને નર્સિંગ હોમ્સમાંની મેડિકલ શોપ્સને બાકાત રાખી છે.

મુંબઈમાં અનાજ-કરિયાણાની દુકાનોથી લઈને રેડીમેડ ગાર્મેન્ટ્સ સ્ટોર્સ, એમ બધી જ દુકાનો-બજારો બંધ છે અને વેપારીઓએ એકતાનું જોરદાર પ્રદર્શન બતાવીને એમના બંધને સજ્જડ રૂપ આપ્યું છે.

દક્ષિણ મુંબઈમાં લુહાર ચાલ વિસ્તારમાં પોલીસ પરવાનગી વગર રેલી કાઢવા બદલ લગભગ ૪૦ વેપારીઓની ધરપકડ કરવામાં આવી છે. આટલી બધી ખોટ જવા છતાં વેપારીઓ બંધને પડતો મૂકવા તૈયાર નથી અને આંદોલનને વધારે ઉગ્ર બનાવવા મક્કમ છે.

[[Show as slideshow]]

ફેડરેશન ઓફ એસોસિએશન્સ ઓફ મહારાષ્ટ્ર (ફામ)ના પ્રમુખ મોહન ગુરનાનીએ કહ્યું છે કે, જ્યાં સુધી મુખ્ય પ્રધાન અમારી માગણીઓનો સ્વીકાર નહીં કરે ત્યાં સુધી અમે આંદોલન અટકાવીશું નહીં.

વેપારીઓ એલબીટી વિરુદ્ધ છેલ્લા બે અઠવાડિયાથી આંદોલન પર ઉતર્યા છે. લોકલ બોડી ટેક્સ એ ઓક્ટ્રોયની જગ્યાએ લાગુ કરાનાર નવી કરવેરા પદ્ધતિ છે. તેની રકમ વેપારીઓએ સ્થાનિક મહાનગરપાલિકાઓને ચૂકવવાની રહેશે. મહારાષ્ટ્રમાં ૨૪ મહાપાલિકાઓમાં તો એલબીટી લાગુ કરી દેવાયો છે. મુંબઈ અને નાગપુરમાં આ ટેક્સ આ વર્ષની ૧ ઓક્ટોબરથી અમલમાં મૂકાશે.

વેપારીઓની માગણી છે કે આ નવા ટેક્સને હાલ તેમની પાસેથી વસુલ કરાતા કરવેરાઓની સાથે જોડી દેવો જોઈએ. એમને ડબલ ટેક્સ પદ્ધતિ સામે સખત વિરોધ છે, કારણ કે વેલ્યૂ એડેડ ટેક્સ (વેટ) તો લાગુ કરાયેલો જ છે.

વેપારીઓનું કહેવું છે કે જ્યાં સુધી એલબીટીનો મુદ્દો ઉકેલાશે નહીં ત્યાં સુધી તેઓ એમની દુકાનો બંધ રાખશે અને વેટ પણ માત્ર પાંચ ટકા જ ભરશે.

નવી કરવેરા પદ્ધતિનો અભ્યાસ કરવા માટે સમિતિની રચના કરવામાં આવશે એવી મુખ્ય પ્રધાન પૃથ્વીરાજ ચવ્હાણે વેપારીઓને ખાતરી આપી છે, પણ વેપારીઓનું કહેવું છે કે જ્યાં સુધી એમને વધારે આધારભુત ખાતરી આપવામાં નહીં આવે ત્યાં સુધી તેઓ આંદોલનને પડતું નહીં મૂકે.

શિવસેના, ભાજપ અને રાષ્ટ્રવાદી કોંગ્રેસ પાર્ટીએ વેપારીઓને સમર્થન જાહેર કર્યું છે અને એલબીટી અંગે ફેરવિચારણા કરવાની મુખ્ય પ્રધાનને વિનંતી કરી છે.

એનડીએમાં ભાજપનાં સહિયોગી દળ શિવસેનાએ કર્ણાટકમાં ‘મરાઠી વિરોધી’ સરકારની હાર પર ખુશી જાહેર કરી છે. પરંતુ સાથે જે તેમણે એ પણ કહ્યું કે, રાજસ્થાન અને મધ્ય પ્રદેશમાં આવનાર વિધાનસભાની ચૂંટણીમાં ભાજપ સારુ પ્રદર્શન કરશે.

ઉદ્ધવ ઠાકરેએ કહ્યું હતું કે, “કોઈને પણ કર્ણાટકમાં કોંગ્રેસનાં જીતની આશા નહોતી, પરંતુ હું વ્યક્તિગત રૂપે ખુશ છું કારણ કે સરહદી વિસ્તારમાં લોકોની સાથે અન્યાય કરનારી ભાજપને સત્તા પર ના લાવી લોકોએ જાકારો આપ્યો છે.” તેમણે એ પણ કહ્યું હતું કે, “મારું નિવેદન કોઈ પણ રીતે ભાજપની આલોચના નથી પરંતુ કોઈ ખાસ સરકાની નિંદા છે જેમણે મરાઠી લોકોનો અનાદર કર્યો હતો.”

બોમ્બે ગુડ્સ ટ્રાન્સપોર્ટ એસોસિએશને ૯મી મે સુધીમાં કોઈ પરિણામ ન આવ્યું તો ૧૦મી મેએ આ બંધમાં જોડાવવાની ધમકી આપી છે. જો ટ્રાન્સપોર્ટ એસોસિએશન બંધમાં જોડાય છે તો મુંબઈવાસીઓને જીવન જરૂરિયાતની વસ્તુઓ મેળવવામાં મુશ્કેલી સર્જાશે.

એનસીપીનાં પ્રદેશ પ્રમુખ મધુકર પિચાડે કહ્યું છે કે, મુખ્યપ્રધાન સાથે મળીને એલબીટી મુદ્દે એક પેનલની રચના કરવામાં આવશે.

આ તરફ દાદર વિસ્તારમાં ૪૯ વર્ષની એક મહિલાની સાથે બળાત્કારની ઘટના સામે આવી છે જે બાદ પોલીસે તપાસ શરૂ કરી છે.

પોલીસનાં જણાવ્યાં પ્રમાણે પીડિતા પશ્ચિમ બંગાળની રહેવાસી છે અને તે પોતાનાં પતિથી નારાજ થઈને મુંબઈમાં નોકરીની શોધમાં આવી હતી. સોમવારે સવારે તે મુંબઈ હાવડા મેલથી દાદર સ્ટેશન પહોંચી હતી જ્યાં સ્વામી નારાયણ મંદિરની બહાર કોઈ અજાણ્યાં વ્યક્તિએ તેને નોકરી અપાવવાનું બહાનું બતાવી એક દોસ્તનાં ઘરે લઈ ગયો. અહીં તેણે પીડિતાનાં તમામ દાગીનાઓ લઈ લીધા અને તેના પર બળાત્કાર કર્યો. મહિલાની ફરિયાદનાં આધારે પોલીસે રેપ અને ચોરીનો ગુન્હો નોંધી તપાસ આદરી છે.

સૂરજનાં નેકેડ ડાન્સની ઘટના ૧૪ એપ્રિલ મુંબઈનાં કાંદિવલી વિસ્તારની છે. આ નગ્ન ડાન્સનો વિડિયો યૂ-ટ્યૂબ પર પણ હતો પરંતુ આ મામલો ગંભીર બનતા તેને યૂ-ટયૂબ પરથી હટાવી દેવાયો છે. સૂરજની સાથે એનએસયુઆઈનાં બે અન્ય પદાધિકારીઓને પણ સસ્પેન્ડ કરાયા છે. તેમના પર દારૂ પીને અસભ્યતા કરવાનો આક્ષેપ છે.

એનએસયુઆઈ દ્વારા નિવેદન બહાર પડાયું છે કે સંગઠન આ પ્રકારની ગેરશિસ્તને સહન નહીં કરે, આ કૃત્ય કરનારાઓ વિરૂદ્ધ કડક પગલા ભરાશે.

સોમવારે સવારથી જ રીટેલ દુકાનો તેમજ કાપડ, ઈલેક્ટ્રોનિક્સ, હાર્ડવેર, મેટલ્સ, અનાજ, ફળ, શાકભાજીના હોલસેલ વેપારીઓ તેમજ તમામ પ્રકારની ઉત્પાદન પ્રવૃત્તિઓ બંધ રખાતા કરોડો ગ્રાહકોને હાલાકી ભોગવવી પડી છે.

ફેડરેશન ઓફ રીટેલ ટ્રેડર્સ વેલ્ફેર એસોસિએશનના પ્રમુખ વિરેન શાહે કહ્યું છે કે ૧૦ લાખ કરતાય વધારે રીટેલરો અને બીજા પાંચેક લાખ હોલસેલરો અને વેપારીઓ પૂરા દિલથી હડતાળમાં જોડાયા છે.

કોન્ફેડરેશન ઓફ ઓલ ઈન્ડિયા ટ્રેડર્સે કરેલા એલાનને પગલે ગઈ ૨૨ એપ્રિલથી મહારાષ્ટ્રના ભાગોમાં વેપારીઓ હડતાળ પાડી રહ્યા છે.

વિરેન શાહે કહ્યું છે કે જો રાજ્ય સરકાર એલબીટી ટેક્સ પાછો નહીં ખેંચે અને ઓક્ટ્રોય ફરી નહીં અપનાવે તો એકલા મુંબઈમાં જ પ્રતિદિન રૂ. ૫૦ લાખનું આર્થિક નુકસાન જશે. અમે કોઈ પણ સંજોગોમાં વેપારીઆલમ પર એલબીટી ઠોકી બેસાડવામાં આવે એવું ઈચ્છતા નથી.

એલબીટી વિરુદ્ધ પુણેના વ્યાપાર મંડળે પીટિશન કરી છે જેની સુનાવણી સુપ્રીમ કોર્ટમાં ૭ મેએ થવાની છે.

રાજ્ય સરકારે રાજ્યમાં અનેક મહાનગરપાલિકાઓમાં વર્ષો જૂની એલબીટીની જગ્યાએ એલબીટી લાગુ કરી છે. આ એકાઉન્ટ-બેઝ્ડ સેસ ઉઘરાણી છે જે તમામ પ્રકારના બિઝનેસ, વેપારીઓ અને ઉત્પાદકો દ્વારા ઉપયોગમાં લેવાતા કે આયાત કરાતા પ્રત્યેક કાચા માલ પર લેવાય છે.

મહારાષ્ટ્રના ઘણા ખરા ભાગોમાં એલબીટી ગઈ ૧ એપ્રિલથી વસુલ કરવાનું ચાલુ કરી દેવાયું છે જ્યારે મુંબઈમાં તે આવતી ૧ ઓક્ટોબરથી લાગુ કરાશે.

સૂત્રોના જણાવ્યા મુજબ, વેસ્ટર્ન નેવલ કમાન્ડ હેડક્વાર્ટર્સે મુંબઈ પોલીસને ચેતવણી આપી છે કે જુલાઈમાં મુંબઈસ્થિત યુએસ કોન્સ્યૂલેટ પર આતંકવાદીઓ હુમલો કરે એવી સંભાવના છે.

યુએસ કોન્સ્યૂલેટના અધિકારીઓ આતંકવાદીઓના નિશાના પર છે. અલ-જિહાદના લોગો સાથેનો એક નનામો પત્ર કોન્સ્યૂલેટને મોકલવામાં આવ્યો છે.

તે પત્ર મુંબઈ પોલીસને સુપરત કરી દેવાય છે. પોલીસે આ અંગે તપાસ આદરી છે.

સોમવારે થાણે, નવી મુંબઈ, પિંપરી-ચિંચવડ, કોલ્હાપુર તેમજ ચંદ્રપુરે પણ એલબીટીનાં વિરોધમાં વેપાર બંધ રાખ્યો છે. એલબીટી મામલે રાજ્ય સરકારે નવો પેંતરો રચ્યો છે. તમામ મનપાનાં કમિશનરોને કહેવાયું છે કે, તેઓ એલબીટી સંબંધિત કાર્યવવાહી પહેલા શહેરી વિકાસ વિભાગનાં વડા સચિવની પરવાનગી લે. હાલમાં એલબીટીની કાર્યવાહી માટે મનપા સ્તરનાં અધિકારીને જ તમામ અધિકાર આપવામાં આવ્યાં છે. ઝોન સ્તરે અધિકારીને પણ નિયુક્ત કરાયા છે. વેપારીઓએ શંકા વ્યક્ત કરી છે કે એલબીટીનાં નામ પર ઈન્સ્પેક્ટર રાજને પ્રોત્સાહન મળશે અને મનપાનાં અધિકારી કોઈ પણ વ્યવસાયિક સંસ્થામાં જઈને તપાસનાં નામ પર મનમાની કરશે.

શહેરી વિકાસ વિભાગે બીજી મેએ આ સંબંધે પત્ર બહાર પાડ્યો હતો, જેમાં કહેવાયું હતું કે મનપાનાં નિરીક્ષક, કર્મચારી તેમજ અધિકારીઓને એલબીટી સંબંધમાં પાઠવેલા નિયમો અનુસાર જ કામ કરવુ પડશે.

સુપ્રીમ કોર્ટના આ ઓર્ડરને કારણે રહેવાસીઓ માટે લિફ્ટ અને વીજળીની સુવિધા યથાવત્ રહેશે.

કોર્ટના આદેશથી મુંબઈ મહાનગરપાલિકા ગેરકાયદેસર માળના તોડકામની કામગીરી અટકાવી દેવી પડશે.

કોર્ટના આદેશ અનુસાર, ફ્લેટમાલિકોએ પોતપોતાના ઘર ખાલી કરી દેવા વિશે કોર્ટને સોગંદનામું સુપરત કરવાનું રહેશે.

મુંબઈ મહાનગરપાલિકાના સાત વાહન કેમ્પા કોલા કમ્પાઉન્ડના સાત મકાનોના ગેરકાયદે માળ પરના ૧૪૦ ફ્લેટને તોડવાનું કામ શરૂ કરવાની તૈયારીમાં હતા ત્યાં જ સુપ્રીમ કોર્ટનો સ્ટે ઓર્ડર આવ્યો છે.

તે પહેલાં, બુલડોઝરો સાથે આવી પહોંચેલા પાલિકાના કર્મચારીઓને તોડકામ રોકવા માટે રહેવાસીઓએ માનવસાંકળ રચી હતી અને મકાનોના ગેટની બહાર બેરિકેડ્સ પણ મૂક્યા હતા. આ વિસ્તારમાં પોલીસોને પણ મોટી સંખ્યામાં ગોઠવી દેવામાં આવ્યા છે.

રહેવાસીઓએ પાલિકાને તોડકામ કરતું રોકવા માટે સુપ્રીમ કોર્ટમાં રીવ્યૂ પીટિશન કરી હતી જેની પર આજે ગુરુવારે સુનાવણી કરાઈ છે.

ચવ્હાણે મેટ્રો ટ્રેનને લીલી ઝંડી બતાવ્યા બાદ ટ્રેન વર્સોવા સ્ટેશનેથી રવાના થઈ હતી અને ત્યારબાદ તેને ફરી સ્ટેશનમાં લાવવામાં આવી હતી.

આ તબક્કો વર્સોવા-અંધેરી-ઘાટકોપર કોરિડોર પર ૧૧.૪ કિલોમીટર લાંબી લાઈનનો એક ભાગ છે. આ લાઈન પૂર્વ અને પશ્ચિમ મુંબઈના ઉપનગરોને કનેક્ટ કરશે. જરૂરી તમામ ટ્રાયલ રન પૂરા થઈ ગયા બાદ આ લાઈનના પહેલા તબક્કાને આ વર્ષની ૧૫ ઓગસ્ટથી જાહેર જનતા માટે ખુલ્લો મૂકવામાં આવશે. ઘાટકોપર સ્ટેશન સુધીના બીજા તબક્કાને ડિસેંબર સુધીમાં શરૂ કરવાનું નિર્ધારિત છે.

મુંબઈ મેટ્રો પ્રોજેક્ટ માટે રિલાયન્સ ઈન્ફ્રા અને મુંબઈ મેટ્રોપોલિટન રીજન ડેવેલપમેન્ટ ઓથોરિટી (એમએમઆરડીએ) વચ્ચે સહયોગ કરવામાં આવ્યો છે. આ લાઈન પરનું કામકાજ ૨૦૦૮ના ફેબ્રુઆરીથી શરૂ કરવામાં આવ્યું હતું.

દિલ્હીમાં બળાત્કારનાં અનેક કિસ્સાઓ બનવાથી દિલ્હીનાં મુખ્ય પ્રધાન શીલા દીક્ષિત અને ટોચના પોલીસ અધિકારીઓનાં રાજીનામાની માગણી કરનાર ડો. કિરણ બેદીએ કાર્યક્રમમાં તેમની આગવી આક્રમક શૈલીમાં ભાષણ કર્યું હતું.

તેમણે કહ્યું કે, આપણા દેશમાં રાજકીય નેતાઓ માટે ૩૬૫ દિવસની આચારસંહિતા ઘડવાની જરૂર છે. લોકોને ખરાબ કામો કરવાનું મુશ્કેલ બનાવવાનું અને સારા કામો કરવાનું આસાન બનાવવાની જવાબદારી સરકારની છે. ભારતને નેતાઓ કરતાં એક સાચા દ્રષ્ટિકોણની જરૂર વધારે છે. હું FICCI-FLO કાર્યક્રમને આના પ્રચાર માટે ગણું છું. પુરુષો દેશને સંગઠિત કરી શક્યા નથી. આ કામ મહિલાઓ કેમ ન કરી શકે? એવો સવાલ ડો. બેદીએ કર્યો હતો.

જાણવા મળ્યું છે કે બાલાજી ટેલિફિલ્મ્સ પર દરોડાની કાર્યવાહી આવનારી તેમની ફિલ્મોને લઈને થઈ રહી છે. બાલાજીનાં ઓફિસ પર ટેક્સ ચોરી અને ખાતામાં ધાંધલીનો આક્ષેપ છે.

એકતાનાં જૂહુ નિવાસ્થાને, બાલાજી ટેલિફિલ્મ્સનાં ઓફિસ અને સ્ટૂડિયો સિવાય એકતા અને તેનાં ભાઈ તુષાર કપુરનાં લિંક રોડ સ્થિત ખાનગી ઓફિસ પર પણ દરોડા પાડવામાં આવ્યા છે, આમ કુલ ૮ જગ્યાઓ પર દરોડાની કાર્યવાહી હાથ ધરાઈ રહી છે.

મુંબઈ મહાનગરપાલિકાએ ‘કેમ્પા કોલા’ સોસાયટીના સાત મકાનોમાંના ૩૫ ગેરકાયદેસર માળ પરના ૧૪૦ ફ્લેટ ડિમોલિશ કરવાનું નક્કી કર્યું છે.

પાલિકાએ રહેવાસીઓને ફ્લેટ ખાલી કરી દેવાની નોટિસો આપી દીધી છે.

૧ મેએ મહારાષ્ટ્ર દિન નિમિત્તે કામદારોને રજા હોઈ તોડકામની પ્રક્રિયાને લંબાવવામાં આવી છે. હવે બીજી મેથી તોડકામ શરૂ કરવામાં આવશે.

અંધેરીમાં મરોલ વિસ્તારમાં પોલીસ કેમ્પમાં રહેતા નંદકિશોર ટકસાલકર નામના તે પોલીસ અધિકારીને આર્મ્સ ડિવિઝનમાં પોસ્ટિંગ મળ્યું હતું. રવિવારે તેની પત્નીએ તેના માથા પર હથોડો અને પથ્થરના ઘા ઝીંકીને તેને મારી નાખ્યો હતો.

પોલીસે ટકસાલકરની પત્ની પાર્વતીની ધરપકડ કરી છે અને આ કેસમાં તેઓ તપાસ પણ કરી રહ્યા છે.

પોલીસના જણાવ્યા મુજબ, ૪૩ વર્ષીય નંદકિશોરને દારૂની લતે ચડી ગયો હતો અને ઘરમાં અવારનવાર ઝઘડા કરતો હતો. તે એની પત્ની પાર્વતીની મારપીટ પણ કરતો હતો. દારૂ ઢીંચ્યા બાદ તે અત્યંત હિંસક બની જતો હતો.

નંદકિશોર તેની પત્ની પર એવી શંકા પણ કરતો હતો કે તેને કોઈક અન્ય પુરુષ સાથે અનૈતિક સંબંધ છે. તે અવારનવાર પાર્વતીને ગાળો દેતો હતો અને ત્રાસ આપતો હતો.

શનિવારે પણ બંને વચ્ચે ઝઘડો થયો હતો અને નંદકિશોરે તેની પત્નીની મારપીટ કરી હતી. પોલીસોએ આવીને તેમનો ઝઘડો અટકાવ્યો હતો, પણ, રવિવારે નંદકિશોર હત્યા કરેલી હાલતમાં મળી આવ્યો હતો.

હત્યા બાદ પાર્વતીએ પોલીસ સમક્ષ આત્મસમર્પણ કર્યું હતું. એણે કબૂલ કરી લીધું હતું કે તેણે એનાં પતિનું ખૂન કરી નાખ્યું છે.

આ હત્યાનો સાક્ષી દંપતીનો ૧૫ વર્ષનો પુત્ર છે. તેણે એની નજર સામે જ તેની માતાને તેનાં પિતાની હત્યા કરતા જોઈ હતી.

નવા નિયમ મુજબ, ફૂલ્લી કે પાર્ટલી એરકન્ડિશન્ડ રેસ્ટોરાંઓએ ગઈ ૧ એપ્રિલથી ગ્રાહકોના કુલ બિલની રકમના ૪૦ ટકા ઉપર ૧૨.૩૬ ટકા સર્વિસ ટેક્સ નાખવાનું શરૂ કરવું પડ્યું છે. આ રકમ તેમણે કેન્દ્ર સરકારને ચૂકવી દેવાની રહેશે.

ગ્રાહકોના કુલ બિલ પર લાગુ કરવામાં આવેલા ૧૨.૫ ટકા વેલ્યૂ-એડેડ ટેક્સના વધારામાં આ સર્વિસ ટેક્સ નાખવામાં આવ્યો છે.

જાણવા મળ્યું છે કે ‘વિશાલ જહાજ’ નામનાં વિશાળ જહાજે ‘સી મસીહા’ નામની બોટને દક્ષિણ મુંબઈથી ૨૫૦ મીલ દૂર સમુદ્રમાં ગુરૂવારે સવારે લગભગ પાંચ વાગે ટક્કર મારી હતી. દુર્ઘટના વખતે ‘સી મસીહા’ બોટ લંગર લગાવીને ઉભી હતી.

હજુ પણ ગુમ થયેલા માછીમારોની શોધખોળ થઈ રહી છે.

આ તમામને ગોવંડીની મહાપાલિકા હસ્તકની શતાબ્દી હોસ્પિટલ તેમજ સાયનમાં આવેલી લોકમાન્ય તિલક હોસ્પિટલમાં દાખલ કરવામાં આવ્યા છે.

ગોવંડીના રફિકનગર વિસ્તારમાં ગુરુવારે બપોરે આ ઘટના બની હતી.

હડકાયો કૂતરો જે ૨૫ જણને કરડી ગયો છે તેમાં નાના બાળકોનો પણ સમાવેશ થાય છે.

શતાબ્દી હોસ્પિટલમાં દાખલ કરાયેલા ૨૨ જણમાંથી ૧૮ જણને પ્રાથમિક ઉપચાર આપ્યા બાદ ડિસ્ચાર્જ કરી દેવામાં આવ્યા હતા. ચાર જણના જખમ ગંભીર છે.

શમશાદ બેગમનો જન્મ ૧૪ એપ્રિલ ૧૯૧૯માં પંજાબનાં અમૃતસરમાં થયો હતો. લાહોરનાં પેશાવર રેડિયો પર ૧૬ ડિસેમ્બર ૧૯૪૭માં પહેલીવાર તેમનો અવાજ દુનિયા સામે આવ્યો, આ અવાજથી લોકો તેમનાં પ્રશંસક બની ગયા હતા. વર્ષ ૧૯૫૫માં પોતાનાં પતિ ગણપતલાલ બટ્ટોનાં નિધન બાદથી શમશાદ મુંબઈમાં પોતાની દિકરી ઉષા રાત્રા અને જમાઈ સાથે રહેતા હતા.

શમશાદ બેગમ દ્વારા ગવાયેલા ગીતો ‘કભી આર કભી પાર’, ‘કહીં પે નિગાહે કહીં પે નિશાના’, ‘સઈયા દિલમેં આના રે’, ‘લે કે પહેલા પહેલા પ્યાર’, ‘બૂઝ મેરા ક્યાં નામ રે’ અને ‘છોડ બાબૂલ કા ઘર’ જેવા ગીતો આજે પણ લોકો યાદ કરે છે.

કેઈએમ, સાયન અને નાયર સહિતની હોસ્પિટલોના લગભગ સાડા ચાર હજાર નિવાસી ડોક્ટરો વેતનમાં વધારો કરવા, ડોક્ટરોની સલામતી વધારવા, શૈક્ષણિક વેરો રદ કરવાની માગણીઓ ઉપર હડતાળ પર ઉતરી ગયા છે.

મહારાષ્ટ્રના શિક્ષણ પ્રધાન વિજય કુમાર ગાવિતનું કહેવું છે કે રાજ્ય હાલ કારમા દુકાળની સ્થિતિનો સામનો કરી રહ્યું છે ત્યારે ડોક્ટરોએ આવી માગણીઓથી સરકારની તિજોરી પર અતિરિક્ત બોજો પડશે. આ ડોક્ટરો સામે અત્યાવશ્યક સેવાના કાયદા અનુસાર કાર્યવાહી કરવામાં આવશે.

રેસિડેન્ટ ડોક્ટરોની હડતાળને કારણે અનેક ઓપરેશનો વિલંબમાં પડ્યા છે.

આ હડતાળમાં અન્ય સરકારી હોસ્પિટલ જે.જે. હોસ્પિટલના ડોક્ટરો જોડાયા નથી, પરિણામે ત્યાં દર્દીઓની અપાર ભીડ જામી છે.

જે હોસ્પિટલોમાં ડોક્ટરો હડતાળ પર ઉતરી ગયા છે ત્યાં સીટી સ્કેન, એમઆરઆઈ જેવી ઉપચાર પદ્ધતિઓ બંધ પડી છે.

આ કેસમાં બે વાર સમન્સ મોકલાવ્યું છતાં સંજય કોર્ટમાં હાજર ન થતાં અંધેરી મેટ્રોપોલિટન મેજિસ્ટ્રેટની કોર્ટે તેની સામે વોરંટ ઈસ્યૂ કર્યું હતું. સંજય તેના વકીલ રીઝવાન મર્ચન્ટ સાથ આજે બપોરે મેજિસ્ટ્રેટ સમક્ષ હાજર થયો હતો અને જામીન માગ્યા હતા.

કોર્ટે રૂ. ૧૦,૦૦૦ની રકમની ચૂકવણી જામીન મંજૂર કર્યા છે અને કેસમાં સુનાવણી માટે ૩ મેની તારીખ નક્કી કરી છે.

સંજયે ૨૦૦૨માં નુરાનીની ‘જાન કી બાઝી’ ફિલ્મને અધવચ્ચે છોડી દીધી અને વધારે શૂટિંગ કરવાની ના પાડી દીધી ત્યારથી બંને વચ્ચે ઝઘડો ચાલે છે. સંજયે રૂ. ૫૦ લાખની પાર્ટ પેમેન્ટ પરત કરવાનો પણ ઈનકાર કરી દીધો હતો. નુરાનીએ ઈન્ડિયન મોશન પિક્ચર પ્રોડ્યૂસર્સ એસોસિએશનમાં ફરિયાદ કરી હતી. એસોસિએશને સંજયને આદેશ આપ્યો હતો કે તે નુરાનીને રૂ. બે કરોડ ચૂકવે, કારણ કે તેણે ફિલ્મ અધવચ્ચે છોડી દેતાં એમને આર્થિક નુકસાન ગયું છે.

તે છતાં સંજયે પૈસા પરત ન કરતાં નુરાની મુંબઈ હાઈ કોર્ટમાં ગયા હતા. ૨૦૧૦માં હાઈ કોર્ટે સંજયની બે પ્રોપર્ટી પર ટાંચ મારવાનો આદેશ આપ્યો હતો. નુરાનીનો આરોપ છે કે હાઈ કોર્ટના આદેશ બાદ એમને ધમકીભર્યા ફોન આવવાના ચાલુ થયા હતા. એ ફોન દુબઈ અને કરાચીથી આવતા હતા. ત્યારબાદ એમણે ક્રિમિનલ કેસ કર્યો હતો.

તે ફોન કોલ્સ સંજય દત્તના કહેવાથી કરવામાં આવ્યા હતા એવા નુરાનીના આરોપને સંજયના વકીલ રીઝવાન મર્ચન્ટે નકારી કાઢ્યો હતો અને કહ્યું કે આમાં એમના અસીલને ખોટી રીતે ફસાવવામાં આવ્યો છે.

મરચંટે વળતો આરોપ કર્યો કે નુરાની પાકિસ્તાન ગયા હતા અને ત્યાં જઈને એમણે પોતાની પર કથિત કોલ્સ કરાવવાની યોજના બનાવી હશે.

વેપારીઓ દ્વારા બંધ નિમિત્તે કાર-રેલી તેમજ શહેરનાં અનેક વિસ્તારોમાં મોરચો કાઢવાનું નક્કી કરાયું છે. ફેડરેશન ઓફ અસોસિએશન્સ ઑફ મહારાષ્ટ્રના નેજા હેઠળ પાડવામાં આવેલા આ બેમુદત બંધને વિવિધ વેપારી સંગઠનોનો સપોર્ટ મળી રહ્યો છે

આ પહેલા કોન્ફેડરેશન ઓફ ઓલ ઈન્ડિયા ટ્રેડસ મહારાષ્ટ્ર, મહારાષ્ટ્ર વ્યાપારી મહાસંઘ, ફેડરેશન ઓફ રિટેઈલ ટ્રેડ વેલફેર એસોસિયેશનના સંયુક્ત નેજા હેઠળ મહારાષ્ટ્રભરનાં મહત્વનાં સંગઠનોના અગ્રણીઓની બેઠક લોકલ બોડી ટેક્સના કાયમ વિરોધ અર્થે મળી હતી જ્યાં તેમણે બંધ પાડવાનો નિર્ણય કર્યો હતો.

અમિતાભ બચ્ચને પોતાનાં ફેસબુક એકાઉન્ટ પર લખ્યું છે કે, “દિલ્હીમાં પાંચ વર્ષની બાળકી પર બળાત્કાર અને બાદમાં તેને મારવાનો પ્રયત્ન કરવો….ખુબ જ દુખદ સમાચાર અને શરમજનક ઘટના છે.”

અમિતાભે લખ્યું કે, ‘મને ખબર નથી પડતી કે આની શું પ્રતિક્રિયા આપવી. શું થઈ રહ્યું છે આપણા દેશમાં? આપણા સમાજને શું થઈ ગયું છે? આવા બદમાશોને લોકોની વચ્ચે છોડી દેવા જોઈએ જનતા જ તેમની સાથે ન્યાય કરશે. આવા દેશમાં ‘મર્દ’ હોવાની મને શરમ આવે છે.’

ઔડી કારના ડ્રાઈવરની ધરપકડ કરવામાં આવી છે. એનાં બ્લડ સેમ્પલ્સ લેવામાં આવ્યા છે અને મેડિકલ ચકાસણી માટે મોકલી દેવાયા છે.

કાર દિનેશ ખાંડેકર નામનો એક તરુણ ચલાવતો હતો અને તે મરીન લાઈન્સથી કોલાબા તરફ જતી હતી.

ઈજાગ્રસ્ત પોલીસોમાંના એકની હાલત ગંભીર છે. એ બોમ્બે હોસ્પિટલમાં સારવાર હેઠળ છે.

ખાસ વાત તો એ છે કે, એમએનએસનાં મુખિયા રાજ ઠાકરેએ આ બંધનો વિરોધ કર્યો છે. રાજ ઠાકરેએ કહ્યું છે કે તેમની પાર્ટી બંધનું સમર્થન કર્યુ. રાજ ઠાકરેએ કહ્યું કે, ગેરકાયદેસર બિલ્ડીંગ બનાવનારાઓ વિરૂદ્ધ કડક કાર્યવાહી કરાશે.

હાલમાં જ મુંબ્રામાં એક સાત માળનું મકાન જમીનદોસ્ત થયા બાદ થાણે તંત્રે તમામ ગેરકાયદેસર બનેલી બિલ્ડીંગ વિરોધી અભિયાન ચલાવ્યું છે.

ઉદ્ધવ ઠાકરેએ શિવસેનાનાં મુખપત્ર ‘સામના’નાં તંત્રી લેખમાં લખ્યું છે કે, “હાલ એનડીએમાં પીએમ પદ માટે ઉમેદવારનાં નામને લઈને ભારે કચકચ થઈ રહી છે. કોઈક મોદીને વડા પ્રધાન બનાવવા ઈચ્છે છે તો કોઈક લાલકૃષ્ણ અડવાણીનું નામ આગળ કરે છે. દરેક પોત-પોતાનાં મનપસંદ નેતાનું નામ વડા પ્રધાન પદનાં દાવેદાર માટે આગળ ધરી રહ્યું છે, તેવામાં એનડીએએ તરત જ બેઠક બોલાવવી જોઈએ અને વડા પ્રધાનનું નામ નક્કી કરી દેવું જોઈએ.”

ઉદ્ધવે આગળ લખ્યું છે કે, “અમે અમારી પસંદ એનડીએની બેઠકમાં જ કહીશું ભાજપનાં ત્રણ મોટા નેતાઓ લાલકૃષ્ણ અડવાણી, સુષમા સ્વરાજ અને રાજનાથ સિંહે મળીને વડા પ્રધાન પદનાં નામની જાહેરાત કરી દેવી જોઈએ” ઉદ્ધવે નીતીશનાં બહાને નરેન્દ્ર મોદી પર પણ હુમલો કર્યો છે, તેમણે લખ્યું છે કે, “નીતીશ કુમારને નરેન્દ્ર મોદીથી હેરાનગતી ના હોવી જોઈએ કારણ કે મોદીની હિંદૂવાદી નેતાનું ચારિત્ર ધરાવે છે આવું જ બાલ ઠાકરેનું ચારિત્ર હતું”, “ગોધરા કાંડ બાદ ગુજરાતમાં જે કંઈ થયું તે લોકોની પ્રતિક્રિયા હતી તેવું કોઈ પણ મુખ્ય પ્રધાન હોત તો તેની સાથે થાત. બાલ ઠાકરે અને કલ્યાણ સિંહ હિન્દૂત્વનાં એજન્ડાની સાથે હંમેશા મજબૂતીથી ઉભા રહ્યા છે પરંતુ મોદીએ શું કર્યુ? મોદીનાં ગુજરાતમાં જે પોલીસ અધિકારીઓએ આતંકવાદીઓને મોતને ઘાટ ઉતાર્યા હતા આજે તે જ અધિકારીઓ જેલમાં છે.”

ઘણા લાંબા સમયથી રાહ જોવડાવ્યા બાદ આ ટ્રેન સેવા શરૂ કરવામાં આવી છે. પશ્ચિમ રેલવે ચર્ચગેટ અને દહાણુ વચ્ચે દરરોજ ૨૦ ફેરી કરશે.

આ લોકલ ટ્રેન દહાણુ અને વિરાર વચ્ચે તમામ સ્ટેશનોએ ઊભી રહેશે, પણ વિરારથી ચર્ચગેટ સુધી ફાસ્ટ લોકલ તરીકે દોડશે.

આ ટ્રેન ચાલુ થવાથી દહાણુ-વિરાર વિભાગના ૮૦,૦૦૦ જેટલા મુસાફરોને રાહત થશે.

આવો હુમલો કરવામાં આવશે એવી ગુપ્તચર સંસ્થાઓએ સરકારને માહિતી આપી છે. પાકિસ્તાનમાં મહિલાઓનાં આત્મઘાતી દળ તૈયાર કરવામાં આવે છે. આતંકવાદી છોકરાઓ બાદ હવે મહિલાઓને હુમલા કરવાની તાલીમ આપવામાં આવે છે.

સરકારે પોલીસ તંત્રને આદેશ આપ્યો છે કે તેઓ ચહેરા પર સ્કાર્ફ પહેરીને ફરતી સ્ત્રીઓ પર કડક નજર રાખે. એવી જ રીતે, રાજ્યમાં સ્ટાન્ડર્ડ ઓપરેશન સિસ્ટમ પણ મજબૂત બનાવવામાં આવશે એવું પાટીલે કહ્યું છે.

અંબાણી વતી રિલાયન્સના કેટલાક અધિકારીઓ મહાનગરપાલિકાના કમિશનરને મળ્યા હતા અને સ્વતંત્ર પોલીસ ચોકી માટેની પરવાનગી માગી છે. ત્રાસવાદીઓના હુમલાની ધમકીના સંદર્ભમાં અંબાણીએ આ માગણી કરી છે.

ગુજરાતના મુખ્ય પ્રધાન નરેન્દ્ર મોદી સાથે મૈત્રીપૂર્ણ સંબંધ રાખવા બદલ અને ગુજરાતમાં મોટા પાયે કરેલા મૂડીરોકાણ બદલ અંબાણીને ઈન્ડિયન મુજાહિદ્દીન ત્રાસવાદી સંગઠન તરફથી હુમલાની ધમકી આપવામાં આવી હોવાનું કહેવાય છે. આને ગંભીરતાથી લઈને અંબાણીએ પોતાના સંરક્ષણ માટે સ્વતંત્ર પોલીસ ચોકીની માગણી કરી છે.

મહાપાલિકા કમિશનર સીતારામ કુંટેએ આ બાબતમાં પોતે વિચારણા કરશે એમ કહ્યું છે. તેમણે કહ્યું કે, મુંબઈના પોલીસ કમિશનર તરફથી મને આ બાબતમાં પત્ર મળ્યો છે. આખા અલ્ટામાઉન્ટ રોડ માટે પોલીસ ચોકી બાંધવા વિશે તેમણે કહ્યું છે. આમ તો આ વિસ્તારમાં છેલ્લા ઘણા વર્ષોથી પોલીસનો કડક બંદોબસ્ત રહેતો જ હોય છે.

અંબાણીને જો સ્વતંત્ર પોલીસ ચોકી રાખવા મળશે તો એનો બધો ખર્ચ એ પોતે ઉઠાવશે એમ સૂત્રોનું કહેવું છે.

મુંબઈના પોલીસ કમિશનર સત્યપાલ સિંહનું કહેવું છે કે અંબાણીને જે જગ્યા આપવામાં આવે ત્યાં કામચલાઉ ચોકી ઉભી કરવામાં અમને કોઈ વાંધો નથી.

અજિત પવાર સાંગલી જિલ્લાના કરાડ શહેરમાં મહારાષ્ટ્રના નેતા યશવંતરાવ ચવ્હાણની સમાધિ નજીક આજે દિવસભરના ઉપવાસ પર બેઠા છે.

અજિત પવારે મહારાષ્ટ્રના દુકાળગ્રસ્ત વિસ્તારોના ખેડૂતોને નડતી પાણીની તંગી ફરિયાદના સંદર્ભમાં ‘તો શું હું ડેમમાં પેશાબ કરું?’ની કરેલી કમેન્ટને પોતાના રાજકીય જીવનની સૌથી મોટી ભૂલ ગણાવી છે અને તે બદલ વારંવાર માફી માગી છે. તે છતાં વિરોધ પક્ષ શિવસેના અને ભાજપ સતત માગણી કરે છે કે પવાર તેમના હોદ્દા પરથી રાજીનામું આપે.

પાટકર છેલ્લા ૯ દિવસથી ઉપવાસ પર હતાં. સાંતાક્રુઝ ઉપનગરના ગોલીબાર વિસ્તારમાં આવેલી ગણેશ કૃપા હાઉસિંગ સોસાયટીના ૪૩ ઘરને તોડી પાડવામાં આવ્યા હતા તેના વિરોધમાં પાટકર ભૂખહડતાળ પર ઊતર્યાં હતાં.

મેધા પાટકરે શનિવારે સવારે આમ ટ્વીટ કર્યું હતું, ‘હાઉસિંગ વિભાગના સેક્રેટરી અને મુખ્ય પ્રધાન સાથેની બેઠકો બાદ પ્રશ્નોનો અર્થપૂર્ણ ઉકેલ આવી ગયો છે એટલે મેં ઉપવાસનો અંત લાવી દીધો છે. સમર્થન માટે દરેકનો આભાર, ઝિંદાબાદ.’

ડો. હૃષિકુમાર પંડ્યા તેમનાં પરિવારમાં શ્રીમતી અન્નપૂર્ણાદેવી તથા અસંખ્ય પ્રશંસકોને વિલાપ કરતા છોડી ગયા છે.

ડો. હૃષિકુમાર પંડ્યા કમ્યુનિકેશન, સ્ટ્રેસ મેનેજમેન્ટ, થેરાપ્યુટિક સજેશન્સ જેવા ક્ષેત્રોના મહારથી હતા.

ડો. પંડ્યા ૭૦થી પણ વધારે ભારતીય તેમજ મલ્ટીનેશનલ કંપનીઓના હ્યુમન રિસોર્સ ડેવેલપમેન્ટમાં સેવા આપતા હતા. તેમની ક્લાયન્ટ કંપનીઓમાં આદિત્ય બિરલા ગ્રુપ, એર ઈન્ડિયા, એશિયન પેન્ટ્સ, યુનિસેફ, ફાઈઝર લિમિટેડ, રેનબેક્સી, જોન્સન એન્ડ જોન્સનનો સમાવેશ થાય છે.

ડો. પંડ્યા સાહિત્ય, ફિલોસોફી અને સાઈકોલોજીના ક્ષેત્રોમાં અમેરિકા અને કેનેડા જઈને દીર્ઘ અભ્યાસ કર્યો હતો.