આ ફી એવા મકાનો પાસેથી વસુલ કરવામાં આવશે જે ૨૦૦૮માં કે તે પછી બંધાયા હોય.

વસૂલ કરાયેલી ફીની કુલ રકમ ઉપર ૩ ટકાની એડિશનલ ફી પણ ચાર્જ કરવામાં આવશે. બીએમસી જનરલ એસેસમેન્ટ ટેક્સના ભાગરૂપે ચાર ટકા ફાયર ટેક્સ તો ઉઘરાવે જ છે. આ જોગવાઈ છેક ૧૯૩૬થી લાગુ છે.

મહાપાલિકાની સ્થાયી સમિતિમાં આ પ્રસ્તાવ અંગે ચર્ચા થઈ છે.

મુંબઈમાં ગગનચૂંબી ઈમારતોની સંખ્યા સતત વધી રહી હોવાથી ફાયર બ્રિગેડ વિભાગ માટે કામગીરી ચેલેન્જિંગ બની રહી છે. ફાયર બ્રિગેડને વધારે ફંડની જરૂર છે જેનો ઉપયોગ એ તેની સાધનસામગ્રીને અપગ્રેડ કરવા માટે કરી શકે.

રાજ્યના આરોગ્ય પ્રધાન સુરેશ શેટ્ટીએ આમિર ખાનને પત્ર લખ્યો છે જેમાં તેમણે આ ઝુંબેશ અંગે સરકારે હાથ ધરેલા પગલાંની છણાવટ કરી છે. ઉપરાંત ટીવી શૉ સત્યમેવ જયતેમાં સ્ત્રીભ્રૂણ હત્યાના દૂષણનો મુદ્દો ઉઠાવવા બદલ તેને અભિનંદન પણ આપ્યા છે.

સત્યમેવ જયતેમાં આ દૂષણ સામે અવાજ ઉઠાવ્યા બાદ તેને દેશભરમાં સમાજના તમામ વર્ગના લોકો તરફથી આવકાર મળ્યો છે.

શેટ્ટીએ તેમના પત્રમાં લખ્યું છે કે મહારાષ્ટ્રમાં ઉક્ત કાયદાનો ભંગ કરવાના ૨૫ કેસોમાં ૨૭ ડોક્ટરો, ચાર પરિવારના સભ્યોને કસુરવાર ઠેરવવામાં આવ્યા છે અને તેમને દંડ ફટકારી જેલની સજા પણ કરાઈ છે. ચાર ડોક્ટરને સ્ટેટ મેડિકલ કાઉન્સિલમાંથી ગેરમાન્ય કરવામાં આવ્યા છે જ્યારે ૪૦ ડોક્ટરો સામે આ કાયદા હેઠળ આરોપ ઘડવામાં આવ્યા બાદ તેમનું રજિસ્ટ્રેશન રદ કરવાની કાઉન્સિલને રજૂઆત કરવામાં આવી છે.

કોર્ટે કહ્યું છે કે કેન્દ્ર તથા રાજ્ય સરકાર, બંનેને આ સર્જરી સામે વાંધો નથી.

ન્યાયમૂર્તિઓ એસ.જે. વજીફદાર અને એ.આર. જોશીની વિભાગીય બેન્ચે કહ્યું છે કે આવી મનાઈ ફરમાવતો કોઈ કાયદો મોજૂદ નથી. અરજદાર (બિધાન) ૨૧ વર્ષનો છે, અને પુખ્ત વયનો છે તેથી તે પોતાના નિર્ણયો જાતે લઈ શકે છે.

કેન્દ્ર સરકાર વતી ઉપસ્થિત થયેલા એડવોકેટ અદ્વિત સેઠના તથા અને રાજ્ય સરકાર વતી હાજર રહેલા મધુ કજાલેએ કોર્ટને કહ્યું કે આ સર્જરી સામે તેઓને કોઈ વાંધો નથી.

બિધાનનો દાવો છે કે મારો દેહ પુરુષનો છે, પરંતુ મૂળ સ્વરૂપ સ્ત્રીનું છે.

તે સેક્સ ચેન્જ ઓપરેશન કરાવે તે સામે તેના માતા-પિતાએ વિરોધ કર્યો છે. માતા-પિતાને વિરોધ કરતા રોકવા માટે બિધાન કોર્ટના આશરે આવ્યો છે.

ન્યાયમૂર્તિ આર.સી. ચવાણે પોતાના ચુકાદામાં કહ્યું કે, વાહન પોતાના અંકુશમાં રહે એની કાળજી લેવાની ડ્રાઈવરની જવાબદારી હોય છે જેથી આ પ્રકારના અકસ્માતો ન થાય. તેથી નીચલી કોર્ટે કરેલી સજા ખોટી છે એવું કહી ન શકાય. તે છતાં અપરાધીના ભૂતકાળને ધ્યાનમાં લેતા તે અન્ય કોઈ ગુનામાં સંડોવાયો નથી જેથી તેને પ્રોબેશન ઓફ ઓફેન્ડર્સ એક્ટ હેઠળ રાહત આપી શકાય. તેને આ કાયદાનો લાભ આપી શકાય એમ છે અને રૂ. ૧૦,૦૦૦ની રકમના બોન્ડ સુપરત કરવા પર તેને પ્રોબેશન પર છોડી શકાય છે.

કોર્ટે જોનને એવો હૂકમ પણ કર્યો છે કે તેણે બંને ઈજાગ્રસ્તને રૂ. ૧0-૧૦ હજાર વળતર તરીકે ચૂકવવા.

બંને ઈજાગ્રસ્ત તથા એમના પરિવારોએ કોર્ટમાં સોગંદનામું નોંધાવ્યું છે કે જોન સાથે તેમણે કોર્ટ બહાર સમાધાન કરી લીધું હોવાથી તેની સામેની સજા રદ કરાય એની સામે તેઓને વાંધો નથી.

તે છતાં કોર્ટે કહ્યું કે સેશન્સ કોર્ટે કાર્યવાહી પૂરી કરી દીધી હોવાથી અને અપરાધને મંજૂર રાખ્યા બાદ બંને પક્ષકાર વચ્ચે કોર્ટ બહાર સમાધાન થયું છે તેથી આ કેસને રદ કરી શકાય નહીં.

જોને આ અઠવાડિયાના અંત સુધીમાં વળતર ચૂકવી દેવું પડશે.

૨૦૦૬ની ૭ એપ્રિલે મુંબઈના ખાર ઉપનગરના એક રસ્તા પર જોનની મોટરબાઈક રસ્તા પરથી સરકી ગઈ હતી અને બે જણને પટકી દીધા હતા. જોન ત્યારબાદ શ્યામ કાસ્બે અને તન્મય માઝી નામના તે બે જણને હોસ્પિટલમાં લઈ ગયો હતો. બંનેને બાદમાં હોસ્પિટલમાંથી રજા આપવામાં આવી હતી.

ગયા વર્ષના ઓક્ટોબરમાં જોનને સેશન્સ કોર્ટે ૧૫-દિવસની જેલની સજા ફટકારી હતી. તેની સામે જોને હાઈ કોર્ટમાં અપીલ કરી હતી.

પોલીસે બંને આરોપીને કોર્ટમાં રજૂ કર્યા હતા અને જજે બંનેને ૪ મે સુધી પોલીસ કસ્ટડીમાં રાખવાની પરવાનગી આપી છે.

પીડિતા તેનાં પતિ સાથે ગણપતપાટીલ નગરમાં રહે છે. આરોપીઓ તેમની નજીકમાં જ રહે છે અને તેને ઓળખે પણ છે.

ગયા સોમવારે રાત્રે ૧૧ વાગ્યાના સુમારે ત્રણેય જણ પીડિતાનાં ઘરમાં ઘૂસ્યા હતા. તેમણે સ્ત્રીનાં પતિની મારપીટ કરી હતી અને સ્ત્રીએ મદદ માટે બૂમાબૂમ કરી તો બદમાશોએ તેનાં પતિને મારી નાખવાની ધમકી આપી હતી. તે પછી આરોપીઓએ પતિને બાંધી દઈને વારાફરતી સ્ત્રી પર બળાત્કાર કર્યો હતો.

ફરિયાદ થયા બાદ પોલીસે ત્રણમાંના બે આરોપીને તેઓ જ્યાં છૂપાયા હતા ત્યાંથી પકડી પાડ્યા હતા. તેમાંના એક જણનું નામ પોલીસના ચોપડે નોંધાયેલું જ છે.

સ્ત્રીએ ૨૦૦૭માં લગ્ન કર્યા હતા. તે અને તેનો પતિ બે વર્ષથી બોરીવલીમાં રહે છે. તેમને કોઈ સંતાન નથી.

સ્ત્રીની ફરિયાદ છે કે આરોપીઓ અવારનવાર ગંદી કમેન્ટ્સ કરીને તેની સતામણી કરતા હતા.

મઝગાંવ મેટ્રોપોલિટન મેજિસ્ટ્રેટની કોર્ટે આઝમી તથા અન્ય ચાર જણને ઈન્ડિયન પીનલ કોડની કલમો હેઠળ કસુરવાર જાહેર કર્યા છે અને તમામને બબ્બે વર્ષની જેલની સજા કરી છે. કોર્ટે આ તમામ આરોપીઓને રૂ. ૧૧-૧૧ હજારનો દંડ પણ ફટકાર્યો છે.

કોર્ટે તેમ છતાં સજા સસ્પેન્ડ રાખી છે જેથી તેઓ સેશન્સ કોર્ટમાં અપીલમાં જઈ શકે.

આ કેસ ૨૦૦૦ની સાલનો છે જ્યારે આઝમીએ દક્ષિણ મુંબઈના અગ્રીપાડા વિસ્તારમાં શિવસેનાના વડા બાલ ઠાકરે અને શિવસેનાના ભૂતપૂર્વ અને હાલ કોંગ્રેસના નેતા નારાયણ રાણે વિરુદ્ધ ઉશ્કેરણીજનક નિવેદનો કર્યા હતા.

રાયપુરસ્થિત મેગેઝિન ‘કાર્ટૂન વોચ’ દ્વારા ઠાકરેને લાઈફટાઈમ અચીવમેન્ટ એવોર્ડ આપવામાં આવ્યો છે. તે માટે રવિવારે અહીં એક સમારંભનું આયોજન કરવામાં આવ્યું હતું. ઠાકરેએ તે દરમિયાન પત્રકારો સાથેની વાતચીતમાં કહ્યું કે, સચીન તેંડુલકરને રાજ્ય સભામાં નિયુક્ત કરાયો તે કોંગ્રેસની ખરેખર સૌથી ગંદી રમત છે.

ઠાકરેએ શિવસેના પાર્ટીની સ્થાપના કરી તે પહેલા એક કાર્ટૂન મેગેઝિન ચલાવતા હતા.

ઠાકરેએ તેમની પાર્ટીના મુખપત્ર સામના અખબારના તંત્રીલેખમાં લખ્યું છે કે, સચીનને સંસદના ઉપલા ગૃહમાં નોમિનેટ કરવા પાછળ કોંગ્રેસનો ચોક્કસપણે કોઈક મલીન ઈરાદો છે. સચીનના કરોડો ચાહકો તે ‘ભારત રત્ન સચીન તેંડુલકર’ તરીકે ઓળખાય એવું ઈચ્છતા હતા, પણ હવે તે માત્ર સચીન તેંડુલકર, સંસદસભ્ય જ રહેશે.

સદ્દભાગ્યે ક્યાંયથી કોઈ જાનહાનિ કે મિલકતને નુકસાન થયાનો અહેવાલ નથી, પરંતુ મહારાષ્ટ્રના કોંકણ પ્રદેશમાં કેટલાક મકાનોમાં તિરાડ પડી ગઈ છે.

ભૂકંપનો પહેલો આંચકો સવારે ૮.૫૩ વાગ્યે ગુજરાતમાં કચ્છના રણમાં નોંધાયો હતો. તેની તીવ્રતા રિક્ટર સ્કેલ પર ૪ નોંધાઈ હતી.

ભૂકંપનું કેન્દ્રબિંદુ કચ્છના વામના ગામ નજીક હોવાનું માલૂમ પડ્યું હતું.

ત્યારબાદ પડોશના મહારાષ્ટ્રમાં બે વાર ભૂકંપનો આંચકો લાગ્યો હતો. પહેલો આંચકો લાગ્યો હતો સવારે ૧૧.૦૫ વાગ્યે સતારા જિલ્લામાં અને બીજો આવ્યો હતો ૧૧.૫૮ વાગ્યે રત્નાગિરી જિલ્લામાં. પહેલા આંચકાની તીવ્રતા ૪.૯ હતી જ્યારે બીજાની ૪.

મહારાષ્ટ્રમાં બે આંચકાનું કેન્દ્રબિંદુ અનુક્રમે સતારા અને રત્નાગિરીમાં હોવાનું માલૂમ પડ્યું છે.

સતારા ભૂકંપનું કેન્દ્રબિંદુ કોયના ડેમ નજીક હતું, પણ ડેમ સુરક્ષિત છે.

આંચકાઓથી મુંબઈ, થાણે, નવી મુંબઈ, પુણે, સતારા, રત્નાગિરી, રાયગઢ, સાંગલી, કોલ્હાપુર અને સિંધુદુર્ગ સહિત પશ્ચિમ મહારાષ્ટ્ર તથા કોંકણ વિસ્તારના ભાગો હચમચી ગયા હતા.

ઘણા લોકો ગભરાટના માર્યા ઘરોની બહાર દોડી ગયા હતા.

કર્ણાટકના અનેક વિસ્તારોમાં પણ ધરતી ધ્રૂજી ગઈ હતી.

આંચકાનો અનુભવ બોલીવૂડ એક્ટર અમિતાભ બચ્ચને પણ કર્યો હતો. તેમણે ટ્વિટર પર પોતાના પેજ પર આની જાણ કરી છે.

ઉલ્લેખનીય છે કે હજી ગઈ ૧૧ એપ્રિલે ઈન્ડોનેશિયામાં આવેલા પ્રચંડ ભૂકંપને લીધે દક્ષિણ ભારતમાં પણ તેની અસર થઈ હતી.

નીતાએ એક જ અઠવાડિયામાં આ બીજી વાર મંદિરમાં આવીને દર્શન કર્યાં છે. અગાઉ તે આઈપીએલ-5ના આરંભની પૂર્વસંધ્યાએ, ત્રીજી એપ્રિલે અહીં દર્શન કરવા આવ્યાં હતાં.

દર્શન કર્યાં બાદ નીતાએ મંદિરની બહાર ઊભેલા પત્રકારોને જણાવ્યું હતું કે હું અહીં મારાં પુત્રના જન્મદિવસ નિમિત્તે ભગવાનનાં આશીર્વાદ મેળવવા આવી છું, આઈપીએલ માટે નહીં.

ઘટનાના સાક્ષીઓએ કહ્યું હતું કે મોટરીસ્ટે બસને ઓવરટેક કરવાનો પ્રયાસ કર્યો હતો અને બસ ડ્રાઇવરે એક મોટરસાઇકલ સાથેની અથડામણ ટાળવા જોખમી વળાંક લીધો હતો, જેને લીધે બસ ઊંધી વળી ગઇ હતી.

એચયુએલના આ હેડક્વાર્ટર્સમાંથી અરબી સમુદ્રનું મનોહર દ્રશ્ય દેખાય છે. હવે પિરામલ ગ્રુપ ત્યાં ખૂબ વૈભવશાળી રેસિડેન્સિયલ કોમ્પલેક્સ બાંધવા ધારે છે.

વરલી સી-ફેસ વિસ્તારમાં ‘ગુલિટા’ નામે આવેલા એચયુએલના વિશાળ ટાવર અને જમીનના લીઝહોલ્ડ રાઈટ્સ પિરામલ રિયલ્ટી (અજય પિરામલ ગ્રુપ)ને રૂ. ૪૫૨.૫ કરોડમાં વેચવા માટે એચયુએલ અને પિરામલ રિયલ્ટી વચ્ચે એક એગ્રીમેન્ટ પર સહીસિક્કા કરવામાં આવ્યા છે.

અનિલ ધીરુભાઈ અંબાણી ગ્રુપના માલિક અનિલ અંબાણી અને અદાણી ગ્રુપના ગૌતમ અદાણી પણ એચયુએલની આ પ્રોપર્ટી ખરીદવામાં રસ ધરાવે છે એવો અગાઉ અહેવાલ હતો.

‘ગુલિટા’ અગાઉ એચયુએલનું ટ્રેનિંગ સેન્ટર હતું. તેણે આ પ્રોપર્ટી મુંબઈ મહાનગરપાલિકા પાસેથી આ લીઝ પર મેળવી છે. ઓનરશિપ ટ્રાન્સફર કરવા માટે ૫૦ ટકા પ્રીમિયમ ચાર્જ કરવાની મહાનગરપાલિકાની યોજનાને સુપ્રીમ કોર્ટે રદ કર્યા બાદ એચયુએલે આ પ્રોપર્ટીને સબ-લીઝ પર આપવાનું નક્કી કર્યું છે. અગાઉ તેણે આ પ્રોપર્ટીના રાઈટ્સ આઉટરાઈટ વેચી દેવાનું નક્કી કર્યું હતું.

‘ગુલિટા’નું બાંધકામ ૧૯૮૬માં કરાયું હતું. એચયુએલે તેનું ટ્રેનિંગ સેન્ટર અંધેરીમાં ખસેડી લીધા બાદ તરત જ તેણે આ પ્રોપર્ટી વેચવા કાઢી હતી. તે છેલ્લા બે વર્ષથી તે વેચવાના પ્રયત્નમાં હતી.

સુપ્રીમ કોર્ટે પોતાના ચુકાદામાં કહ્યું છે કે સરકારી જમીનને આપતી વખતે મુખ્ય પ્રધાન નિયમો સાથે ચેડાં કરી ન શકે તેને ચાતરી પણ ન શકે.

કોર્ટે એમ પણ કહ્યું છે કે જમીનની ફાળવણીના સંબંધિત કેસમાં પારદર્શકતાનો અભાવ છે, કારણ કે દેશમુખ પૂર્વે ઘણા મુખ્ય પ્રધાનોએ તે પ્રોજેક્ટને મંજૂરી આપી નહોતી.

હાઈ કોર્ટના ચુકાદાને સુભાષ ઘઈએ સુપ્રીમ કોર્ટમાં પડકાર્યો હતો, પણ સુપ્રીમે ઊલટું ઘઈનો ઉધડો લઈ નાખ્યો. ન્યાયમૂર્તિઓ એચ.એલ. દત્તુ અને સી.કે. પ્રસાદની બેન્ચે ઘઈના વકીલ મુકુલ રોહતગીને કહ્યું કે, રાજ્ય સરકારે તેની માનીતી વ્યક્તિને સાવ પાણીના ભાવે જમીન આપી દીધી છે. તમે મહાન ફિલ્મ નિર્માતા છો, પણ તમારી કરતાં પણ મહાન નિર્માતાઓ છે. તો તમને જ કેમ પસંદ કર્યા. નિર્ણયમાં પારદર્શકતા હોવી જ જોઈએ.

સુભાષ ઘઈએ વિસ્લિંગ વૂડ્સ નામની ફિલ્મ ઈન્સ્ટિટ્યૂટ બનાવવા માટે રૂ. ૫૦ કરોડ ખર્ચી નાખ્યા છે. તેમના વકીલે કહ્યું કે તેમના અસીલને આ જમીન લીઝ પર મળવી જોઈએ, પણ સુપ્રીમ કોર્ટે કહી દીધું છે કે ઘઈ આ પ્રોપર્ટી માટે હરાજીની પ્રક્રિયામાં ભાગ લઈ શકે છે.

આ બે ટોચના અમલદારો છે – સિનિયર આઈએએસ અધિકારી જયરાજ ફાટક અને મહારાષ્ટ્રના ભૂતપૂર્વ માહિતી કમિશનર રામાનંદ તિવારી. સીબીઆઈના અમલદારોએ અગાઉ પણ આ બંનેની પૂછપરછ કરી હતી.

આદર્શ કૌભાંડમાં કથિત સંડોવણી બદલ સસ્પેન્ડ કરાયેલા બે આઈએએસ અધિકારીઓમાંના એક ફાટક છે. મુંબઈ હાઈ કોર્ટને સુપરત કરેલા સ્ટેટસ રિપોર્ટમાં મહારાષ્ટ્ર સરકારે કહ્યું છે કે ફાટક તથા અન્ય આઈએએસ અધિકારી પ્રદિપ વ્યાસને તપાસ પૂરી થશે ત્યાં સુધી સસ્પેન્શન હેઠળ રાખવામાં આવશે.

સીબીઆઈએ પોતાની એફઆઈઆરમાં આરોપ મૂક્યો છે કે જયરાજ ફાટકે મુંબઈ મહાનગરપાલિકાના કમિશનર તરીકે તેમની મુદત દરમિયાન આદર્શ મકાનની ઊંચાઈને મંજૂરી આપી હતી. તેમણે ૨૦૦૭ની ૧ સપ્ટેંબરે મકાનની ઊંચાઈને ૯૭ મીટરથી વધારીને ૧૦૭ મીટર કરવાની મંજૂરી આપી હતી.

થશે એની સ્પષ્ટતા તેમણે કરી નહોતી.
દેશભરમાં અમુલ દૂધનું માર્કેટિંગ જીસીએમએમએફ કરે છે અને એ પાઉચમાં ભરેલુંં 80 લાખ લીટર દૂધ દરરોજ વેચે છે. આમ પણ ગ્રાહકો ગયા વર્ષ કરતાં 11 ટકા વધુ આપીને દૂધ ખરીદી રહ્યા છે. સોઢીએ જણાવ્યું હતું કે ખેડૂતોને પણ આ ફૂગાવાના સમયમાં અમારે વધુ કીંમત ચુકવવાની છે.

આ કાર્યકરોએ રસ્તા પર ટ્રાફિકને રોક્યો હતો અને સરકાર વિરુદ્ધ નારા લગાવ્યા હતા. જ્વેલરી ઉત્પાદનો પરની આબકારી જકાત પાછી ખેંચવામાં આવે એવી તેમણે માગણી કરી છે.

ઉલ્લેખનીય છે કે , બજેટની દરખાસ્તોને પગલે દેશભરમાં જ્વેલર્સ અને બુલિયન માર્કેટ સાથે જોડાયેલો વ્યાપક વર્ગ જોરદાર વિરોધ દર્શાવી રહ્યો છે. બજેટમાં સોનાની આયાત પરની આયાત જકાત બે ટકાથી વધારી ચાર ટકા કરવાની દરખાસ્ત છે.

આ અભ્યાસ બાદ ટ્રાફિક પોલીસે સપ્તાહાંતના દિવસોએ વધારે સતર્ક રહેવાનું નક્કી કર્યું છે.

બોલીવૂડ અભિનેતા સલમાન ખાન, એલિસ્ટર પરેરા, નૂરિયા હવેલી જેવા લોકોને સંડોવતા અને ઘણા નિર્દોષોનો જાન લેનાર ડ્રિન્ક-ડ્રાઈવિંગને લગતા તમામ અકસ્માતો શુક્ર, શનિ કે રવિવારના દિવસોએ થયા છે. ટ્રાફિક પોલીસે આ ખાસ પેટર્નનો ઝીણવટપૂર્વક અભ્યાસ કર્યો છે અને કહ્યું છે કે તે હવેથી દર શુક્ર, શનિ અને રવિવારે વધારે સતર્ક રહેશે અને બેફામ રીતે વાહનો હંકારનારાઓ સામે કડક પગલાં લેશે.

ગઈ ૩૧ માર્ચે રાહુલ મિશ્રા નામના યુવકે દારૂના નશામાં તેની કારને એક ઝાડ, ડિવાઈડર અને ઓટોરીક્ષા સાથે અથડાવી મારતા તેની સાથે બેઠેલી એક યુવતીનું મરણ થયું છે જ્યારે અન્ય બે છોકરીને ગંભીર ઈજા થઈ છે.

ગઈ ૨૫ માર્ચે ‘રા.વન’ ફિલ્મની એનિમેટર ચારુ ખંડાલ જે રીક્ષામાં જતી હતી તેની સાથે એક યુવકે પોતાની કાર અથડાવતા ચારુ ગંભીર રીતે ઘાયલ થઈ છે અને હોસ્પિટલમાં હજી પણ કોમામાં છે.

૨૦૦૮ની ૨૦ જાન્યુઆરીએ બાન્દ્રામાં મહાનગરપાલિકાના સિવિલ એન્જિનિયરના પુત્ર સંકેત સોનાવણેએ પોતાની કાર નીચે બે સ્ત્રીને કચડી નાખી હતી અને પછી ભાગી જવાનો પ્રયાસ કર્યો હતો.

૨૦૧૦ની ૩૦ જાન્યુઆરીએ મરીન લાઈન્સમાં અમેરિકી નાગરિક નૂરિયા હવેલીવાલાએ તેની હોન્ડા કારની ટક્કર મારતા એક ટ્રાફિક પોલીસ અધિકારી સહિત બે જણ માર્યા ગયા હતા.

૨૦૦૨ની ૨૮ સપ્ટેંબરે સલમાન ખાને બાન્દ્રામાં તેની લેન્ડક્રુઝર એક બેકરી સાથે ભટકાવી દેતા તેના ઓટલા પર સૂતેલા ચાર જણ કચડાઈ ગયા હતા. બાદમાં તેમાના એક જણનું મરણ નિપજ્યું હતું.

મોડી રાત્રે બેફામ ડ્રાઈવિંગ કરીને લોકોનું મરણ નિપજાવવાના અન્ય કેટલાક કિસ્સાઓ પણ શુક્ર, શનિ કે રવિવારે બન્યા છે.

શુક્રવારે મધરાત બાદ ૨૩ વર્ષનો રાહુલ દારૂ પીને કાર ચલાવતો હતો. તેણે સ્ટિયરિંગ પરનો કાબૂ ખોઈ બેસતા કાર એક ઝાટ સાથે અથડાઈ હતી. રાહુલને નજીવી ઈજા થઈ છે. પોલીસે તેને ચાર એપ્રિલ સુધી કસ્ટડીમાં રીમાન્ડ પર લીધો છે.

કારમાં બે અન્ય છોકરા પણ હતા. તેમાંનો કૃષ્ણા થેવર ખરાબ રીતે ઈજા પામ્યો છે, પણ તેની હાલત ભયમુક્ત છે. અમિત ગુપ્તા નામના અન્ય યુવકને નજીવી ઈજા થઈ છે.

પોલીસનું કહેવું છે કે રાહુલ મિશ્રા દારૂ પીધેલી હાલતમાં કાર ચલાવતો હતો. તેના મિત્રોએ પણ દારૂ પીધો હતો એવું લાગે છે.

કાર અનેક વાર પલટી ખાઈ ગઈ હતી અને એક ડિવાઈડર સાથે ટકરાયા બાદ રસ્તા પર ઊભેલી એક રીક્ષા સાથે અથડાઈ હતી. રીક્ષાચાલકને પણ નજીવી ઈજા થઈ છે.

અકસ્માતમાં ગંભીર રીતે ઘાયલ થયેલી ૧૮ વર્ષની શિવાની રાવતનું હોસ્પિટલમાં લઈ જવાયા બાદ મૃત્યુ થયું હતું. ડોક્ટરોએ કહ્યું કે શિવાનીએ અગાઉ એક હાર્ટ સર્જરી કરાવી હતી એટલે તેને સારવાર આપવામાં આવતી હતી એ દરમિયાન બે કલાકમાં ત્રણ વાર તેનું હૃદય બંધ પડી ગયું હતું.

નિમીષા માને નામની અન્ય યુવતીને બાન્દ્રાની હોસ્પિટલમાં દાખલ કરવામાં આવી હતી, પણ તેને હવે નાણાવટી હોસ્પિટલમાં શિફ્ટ કરવામાં આવી છે. તે મગજને ગંભીર નુકસાન થવાથી કોમામાં સરી પડી છે. તે હાલ વેન્ટીલેટર પર છે. તેની ખોપરીમાં ફ્રેક્ચર પણ થયું છે.

પ્રિયંકા રાય નામની ૨૨ વર્ષની તેમની અન્ય મિત્ર હજી આઈસીયુમાં છે.

તેણે કરેલા કેસમાં અહીંની હાઈ કોર્ટમાં કાર્યવાહી શરૂ થઈ ગઈ છે અને લંડનસ્થિત ઈન્ડિયન હોટેલ કંપની લિમિટેડને નોટિસ મોકલવામાં આવી છે.

પાઈકના વકીલ રસેલ લેવીએ કહ્યું છે કે આ કેસ વળતર માટે ઘણી મોટી રકમનો છે. એ જરૂરી છે કે પાઈકને તેની બાકીની જિંદગીમાં સારી રીતે દેખભાળ થઈ શકે.

ત્રાસવાદીઓ ત્રાટક્યા ત્યારે પાઈક તાજ હોટેલમાં તેની ભૂતપૂર્વ ગર્લફ્રેન્ડ કેલી ડૉયલ સાથે રહેતો હતો.

‘મિસ ઈન્ડિયા-અર્થ 2012′ તાજ પુણેની પ્રાચી મિશ્રાએ જીત્યો તો ચેન્નઈની રોશેલ મારીયા રાવ બની ‘મિસ ઈન્ડિયા-યુનિવર્સ 2012′. આ ત્રણેયને ૨૦ ફાઈનલિસ્ટ્સમાંથી પસંદ કરવામાં આવી છે. ગયા વર્ષની વિજેતાઓ અનુક્રમે કનિષ્ઠા ધનખડ, હસલીન કૌર અને અંકિતા શૌરીએ નવી વિજેતાઓને તાજ પહેરાવ્યા હતા.

૧૯ વર્ષની વાન્યા હવે મિસ વર્લ્ડ-2012 સ્પર્ધામાં ભારતનું પ્રતિનિધિત્વ કરશે તો પ્રાચી અને રોશેલ અનુક્રમે મિસ અર્થ અને મિસ યુનિવર્સ સ્પર્ધામાં ભાગ લેશે.

ઝાકઝમાળભર્યા શૉ વખતે નરગીસ ફાખરી, સોનમ કપૂર જેવી બોલીવૂડ કલાકારોએ હાજરી આપી હતી.

સ્પર્ધામાં જજ તરીકે કામગીરી બજાવનાર હતાં: સોનમ, એકતા કપૂર, દિગ્દર્શક રોહિત શેટ્ટી, સોનાલી બેન્દ્રે, ક્રિકેટર હરભજન સિંહ, ડિઝાઈનર રાઘવેન્દ્ર રાઠોર, બજાજ ફિલ્મ્સના મેનેજિંગ ડિરેક્ટર સંજીવ બજાજ, ગાયક સોનુ નિગમ અને ટીવી એક્ટ્રેસ સાક્ષી તનવર.

ઈજાગ્રસ્તોને સરકાર સંચાલિત કૂપર હોસ્પિટલ અને ભાભા હોસ્પિટલમાં દાખલ કરવામાં આવ્યા છે.

અકસ્માતમાં રિક્ષા ડ્રાઈવર પણ ઈજા પામ્યો છે.

પોલીસે હ્યુન્દાઈ ગેટ્ઝ કારના ડ્રાઈવર, રાહુલ મિશ્રા (૨૩) સામે દારૂ પીને ડ્રાઈવિંગ કરવાનો ગુનો નોંધ્યો છે. પોલીસનું કહેવું છે કે અકસ્માત થયો ત્યારે રાહુલ મિશ્રા દારૂ પીધેલી હાલતમાં હતો.

જ્યોતિર્મય ડે મિડ-ડે અખબારમાં સિનિયર ક્રાઈમ એડિટર હતા. તેમને ગયા વર્ષની ૧૧ જૂને પવઈ ઉપનગરમાં મોટરસાઈકલ પર સવાર થયેલા ચાર હુમલાખોરોએ ખૂબ નજીકથી ગોળી મારીને ઠાર કર્યા હતા.

જિગ્ના વોરા અન્ય અંગ્રેજી અખબાર એશિયન એજનાં ડેપ્યૂટી બ્યૂરો ચીફ છે. મોટરસાઈકલની લાઈસન્સવાળી નંબર પ્લેટ સપ્લાય કરવા અને જે. ડેનું સરનામું અન્ડરવર્લ્ડ ડોન છોટા રાજનને જણાવવા જેવી મહત્વની માહિતી પૂરી પાડવાના ગુનાસર ગયા વર્ષની ૨૫ નવેંબરે મકોકા કાયદા હેઠળ વોરાની ધરપકડ કરવામાં આવી હતી.

શાસક ગઠબંધનના ભાગીદાર કોંગ્રેસ સહિત તેમજ પોતાના પક્ષ, રાષ્ટ્રવાદી કોંગ્રેસ પાર્ટીના સભ્યો સહિત તમામ બાજુએથી વિરોધ ઊભો થતા મહારાષ્ટ્રના નાણાં પ્રધાન અજીત પવારે ઘરેલુ વપરાશ માટેના એલપીજી સિલિન્ડરો પર બજેટમાં સૂચવેલા પાંચ ટકાના વેલ્યૂ એડેડ ટેક્સ (વેટ)માંથી બે ટકાનો વધારો પાછો ખેંચી લીધો છે. આમ, હવે વેરો પાંચને બદલે ત્રણ ટકા રહેશે.

પાંચ ટકાનો વેરો વધારાયો હોત તો ઘરેલુ એલપીજી સિલિન્ડરની કિંમતમાં આશરે રૂ. ૨૦નો વધારો થાત અને તેનાથી રાજ્ય સરકારની તિજોરીને રૂ. ૨૦૦ થી રૂ. ૨૫૦ કરોડની આવક થાત.

શિવસેનાના કાર્યકારી વડા ઉધ્ધવ ઠાકરે ગુરુવારે મુખ્ય પ્રધાન પૃથ્વીરાજ ચવ્હાણને મળ્યા હતા અને જાહેર કર્યું હતું કે જો સરકાર વેરામાંનો વધારો પાછો નહીં ખેંચે તો શિવસેના વિરોધ કૂચ આદરશે.

ઘટનાની ખબર મળતા જ આઠ ફાયર એન્જિન્સ પહોંચી ગયા હતા અને આગને કાબૂમાં લીધી હતી.

સદ્દભાગ્યે કોઈ જાનહાનિ થઈ નથી.