હિમાલય પર્વતમાળામાં વસેલા ઉત્તરાખંડ રાજ્યમાં આવેલા અનેક મંદિરો, તીર્થધામોની યાત્રાએ ગયેલા હજારો લોકો ફસાઈ ગયા છે. હિમાચલ પ્રદેશમાં બે હજાર જેટલા પર્યટકો ફસાઈ ગયા છે.

બંને રાજ્યમાં નવેસરથી પૂર આવતાં ભેખડો ધસી પડવાની ઘટનાઓ બની રહી હોવા છતાં લોકોને બચાવવાની કામગીરી પૂરજોશમાં ચાલી રહી છે. મેઘતાંડવમાં થોડીક રાહત થઈ છે. તેમજ ગંગા તથા તેની પેટા-નદીઓમાં પાણી થોડાક ઓસરી ગયા છે. જોકે ઉત્તરાખંડ રાજ્ય આખું જ પાણી હેઠળ છે. ઠેર ઠેર વિનાશના દ્રશ્યો જોવા મળ્યા છે.

પૂર, વાદળ ફાટવાથી અને ભેખડો ધસી પડવાથી ઉત્તરાખંડમાં ૪૪ જણે જાન ગુમાવ્યા છે, ઘણા લોકો ઘાયલ થયા છે અને રાજ્યભરમાં ૧૭૫ ઘરોને નુકસાન પહોંચ્યું છે.

ચમોલીમાં માર્ગમાં ફસાઈ ગયેલા લોકો

સૌથી વધારે વિનાશ રૂદ્રપ્રયાગમાં થયો છે જ્યાં ૨૦ જણ પૂરમાં તણાઈ ગયા છે. ત્યાં અલકનંદા નદીના કાંઠે આવેલી ૪૦ હોટેલો સહિત ૭૩ મકાનો નદીનાં ધસમસતા પ્રવાહમાં ધોવાઈ ગયા છે, નાશ પામ્યા છે.

ઉત્તરાખંડમાં ભારે વરસાદને કારણે ચાર ધામની યાત્રા- યમુનોત્રી, ગંગોત્રી, કેદારનાથ અને બદ્રીનાથને રોકી દેવાઈ છે. કેદારનાથ નજીક વધુ ૧૧ મૃતદેહ મળી આવતા મૃતકોની સંખ્યા વધીને ૧૮ થઈ ગઈ છે. હજી અનેક લોકો લાપતા છે.

વરસાદને કારણે ગંગા, યમુના અને તેની પેટા નદીઓમાં પાણીનો વેગ પૂરપાટ છે. રૂદ્રપ્રયાગ અને કેદારનાથની વચ્ચે મંદાકિની નદીનાં કિનારે વસેલા ઘરોને ખાલી કરાવાયા છે. હજારો લોકો નજીકનાં જંગલોમાં ટેન્ટ બાંધીને રહી રહ્યાં છે. ફસાઈ ગયેલા યાત્રાળુઓ, પર્યટકો માટે જમવાની પૂરતી વ્યવસ્થા કરવામાં આવી છે.

સૌથી વધારે લોકો ચમોલીમાં ફસાઈ ગયા છે. ત્યાં ૨૭,૦૪૦ જણ ફસાયા છે તો રૂદ્રપ્રયાગમાં ૨૫,૦૦૦ જણ ફસાયા છે. ઉત્તરકાશીમાં ૯,૮૫૦ જણ અટવાઈ ગયા છે.

ઋષિકેશમાં ગંગા નદી અને ઉત્તરકાશીમાં ભાગીરથી નદીમાં પાણીનું સ્તર ઘટવાનું શરૂ થયું છે.

દરમિયાન, લખનઉમાંથી વિશ્વ હિન્દુ પરિષદે પણ અખબારી અહેવાલને ખોટો ગણાવ્યો છે અને કહ્યું છે કે મોદી અયોધ્યા આવવાના નથી.

વીએચપીના અયોધ્યો એકમના મીડિયા ઈન-ચાર્જ શરદ શર્માએ કહ્યું છે કે નરેન્દ્ર મોદીની મુલાકાત અંગે મને ટિપ્પણી કરતો તે અહેવાલમાં ટાંકવામાં આવ્યો છે, પણ હું અહીંયા જ સત્તાવાર રીતે હું રદિયો આપું છું કે મેં એવી કોઈ ટિપ્પણી કરી જ નથી.

શર્માએ કહ્યું કે, તે સમાચાર એજન્સીએ મોદીની અયોધ્યા મુલાકાત અંગે મને ખોટી રીતે ટાંક્યો છે.

અગાઉ એવો અહેવાલ હતો કે, નરેન્દ્ર મોદી બુધવારે કે પછી શુક્રવારે અયોધ્યાની યાત્રા પર આવશે. તે રામ મંદિરનાં દર્શન કરવા પણ જશે. શરદ શર્માને ટાંકીને જણાવાયું હતું કે, મોદીની આગેવાની માટે વિહિપનાં નેતા અશોક સિંઘલ, પ્રવીણ તોગડીયા, ગોરખપુરનાં સાંસદ યોગી આદિત્ય નાથ અને યોગગુરૂ બાબા રામદેવ મંગળવારે અહીં પહોંચશે.

શર્માએ કહ્યું કે, “અયોધ્યાની ધરતીથી મોદીનો તેમનાં પક્ષનાં લોકો અને મતદાતાઓ માટે સંદેશ અગામી લોકસભા ચૂંટણી માટે મહત્વનો હશે.” મોદી અયોધ્યામાં અનેક સંતોને પણ મળશે જેમાના રામ જન્મભૂમિ ન્યાસ ટ્રસ્ટનાં મહંત નૃત્ય ગોપાલ દાસ પણ છે. અયોધ્યામાં વિવાદીત ઢાંચાને તોડી પડાયા બાદ મોદીની આ પહેલી યાત્રા હશે. સૂત્રોનાં જણાવ્યાનુંસાર મોદી ૧૯૯૮માં અડવાણીની સથે અયોધ્યા તો આવ્યાં હતા પરંતુ તેઓ મંદિર નહોતા ગયા.

ટી. પરનાઈકનું જણાવવું છે કે, સેનાને આતંકવાદીઓ દ્વારા ૨૮ જૂનથી શરૂ થઈ રહેલી અમરનાથ યાત્રામાં વિક્ષેપ પાડવાનો આંતકવાદીઓની બદઈરાદો હોવાની જાણકારી મળી છે. તેમણે જણાવ્યું કે તેમને ગુપ્ત માહિતી મળી છે કે આતંકવાદીઓ તીર્થયાત્રીઓ પર હુમલો કરી શકે છે.

પરનાઇકે કહ્યું કે આ ગુપ્ત માહિતીના આધારે સેના જેહાદી હુમલાને જવાબ આપવાની તૈયારીમાં લાગી ગયું છે. સેના અમરનાથ યાત્રાની સુરક્ષા માટે ‘ઓપરેશન’ શિવ અંતર્ગત બેઠકો કરી રહ્યું છે.

સૂત્રોના જણાવ્યા મુજબ, અડવાણીએ તે વાતચીત દરમિયાન મોદીને એમ કહ્યું કે પાર્ટીમાં તેમને આપવામાં આવેલી બઢતીથી પોતે જરાય અપસેટ થયા નથી, ઉલ્ટાં, ખુશ થયા છે.

નરેન્દ્ર મોદીનાં મુદ્દે અડવાણીએ પક્ષમાં ત્રણ મહત્વના હોદ્દાઓ પરથી પહેલાં રાજીનામું આપ્યા બાદ તેમજ પછી તે પાછું ખેંચી લીધાની ઘટના બાદ આ બંને નેતા વચ્ચેની આજની બેઠકને મહત્વપૂર્ણ માનવામાં આવે છે. મોદીએ દિલ્હી પહોંચ્યા બાદ સૌથી પહેલા ભાજપનાં અન્ય વરિષ્ઠ નેતા મુરલી મનોહર જોશીને મળ્યા હતા.

નરેન્દ્ર મોદી કેન્દ્રિય આયોજન પંચના ઉપાધ્યક્ષ મોન્ટેક સિંહ આહલૂવાલિયાને મળવા માટે તેમજ ગુજરાતમાં વાર્ષિક યોજનાને અંતિમ રૂપ આપવા દિલ્હી આવ્યાં છે.

બિહારનાં જહાનાબાદ જિલ્લામાં બંધ સમર્થકોએ નેશનલ હાઈ-વે ૮૩ અને ૧૧૦ને બાધિત કર્યો જ્યારે ભાગલપુરનાં કહલ ગામમાં પણ તમામ રસ્તાઓને કાર્યકર્તાઓએ જામ કરી દીધા છે. સીવાન-છપરા અને સીવાન-ગોપાલગંજ રસ્તા પર વિરોધ નોંધાવી કાર્યકર્તાઓ બિહારનાં મુખ્ય પ્રધાન નીતીશ કુમાર વિરૂદ્ધ સુત્રોચ્ચાર કરી રહ્યાં છે.

ભાજપ દ્વારા રેલવે પરિવહનને બંધ મુક્ત રાખ્યું હોવા છત્તા નાલંદનાં બિહારશરિફ રેલવે સ્ટેશન પર બંધ સમર્થકો હોબાળો કરી રહ્યાં છે. આ તરફ પટનામાં સવારથી જ બંધની વ્યાપક અસર જોવા મળી રહી છે. મુઝ્ઝફરપુર, ભાગલપુર, સાસારામ, મુંગેરમાં પણ કાર્યકર્તાઓ રસ્તા પર ઉતરી આવ્યાં છે. બંધને જોતા રાજધાની સહિત આખાય રાજ્યમાં સુરક્ષા સઘન કરાતા પોલીસ બળને તૈનાત કરાઈ છે.

યમુનાનું જળસ્તર ભયજનક સપાટી ૨૦૪.૮૩ મીટરને પાર કરી ગયું છે. છેલ્લા કેટલાક દિવસોથી દિલ્હીમાં વરસાદ અટકી અટકીને વરસી રહ્યો છે વળી હરિયાણા દ્વારા હથિનીકુંડ બૈરાજમાંથી પાણી છોડાવાને કારણે યમુનાનાં જળસ્તરમાં સતત વધારો થઈ રહ્યો છે.

આના પહેલા જળસ્તર વધતા દિલ્હી સરકારે સોમવારે નદી કિનારાનાં નિચાણવાળા વિસ્તારોમાં રહેનારા લોકોને બહાર નિકાળવાનું શરૂ કરી દીધું હતું.

વડા પ્રધાને કહ્યું કે, હું હંમેશા એવું માનતો રહ્યો છું કે અમારું યુપીએ જોડાણ ત્રીજી વાર લોકસભાની ચૂંટણી જીતશે. લોકો અમારામાં ફરી વિશ્વાસ મૂકશે.

કોંગ્રેસ પાર્ટીમાં સંસ્થાકીય સ્તરે ફેરફારો કરાયા બાદ આજે વડા પ્રધાને તેમની કેબિનેટનું વિસ્તરણ કર્યું છે જે ૨૦૧૪ની લોકસભા ચૂંટણી પૂર્વેનું કદાચ છેલ્લું છે.

બિહારનાં મુખ્ય પ્રધાન નીતિશ કુમાર વિશે વડા પ્રધાને કહ્યું કે તે બિનસાંપ્રદાયિક નેતા છે અને કોંગ્રેસ પાર્ટી સાચી વિચારસરણીવાળા લોકોનો કાયમ ટેકો માગતી રહી છે.

ઉલ્લેખનીય છે કે, નીતિશ કુમારની જનતા દળ (યુનાઈટેડ) પાર્ટીએ રવિવારે ભાજપ સાથેનો તેનો ૧૭ વર્ષ જૂનો સંબંધ તોડી નાખ્યો છે. ગુજરાતના મુખ્ય પ્રધાન નરેન્દ્ર મોદીને ભાજપની ચૂંટણી સમિતિના અધ્યક્ષ તરીકે બઢતી અપાઈ તેના વિરોધમાં જેડીયુએ ભાજપનો સાથ છોડી દીધો છે.

આ ૮ પ્રધાન છે – ઓસ્કર ફર્નાન્ડિસ (રાજ્ય સભાના સભ્ય), ૭૬ વર્ષના માણિકરાવ ગાવિત (નંદુરબાર, મહારાષ્ટ્રના સંસદસભ્ય), ૬૭ વર્ષીય ગિરીજા વ્યાસ (ચિત્તોડગઢનાં સંસદસભ્ય), ૭૦ વર્ષના કે.એસ. રાવ (આંધ્ર પ્રદેશ), ૬૯ વર્ષના સંતોષ ચૌધરી (પંજાબના હોશિયારપુરના સંસદસભ્ય), ૬૬ વર્ષના ઈએમએસ નચ્ચીઆપ્પન (કેરળના રાજ્ય સભાના સભ્ય છે), ૫૭ વર્ષના જે.ડી. સીલમ (આંધ્ર પ્રદેશના રાજ્ય સભાના સભ્ય) અને ૮૫ વર્ષના સીસરામ ઓલા (રાજસ્થાન).

આ તમામ ૮ પ્રધાનોને રાષ્ટ્રપતિ ભવનમાં રાષ્ટ્રપતિ પ્રણવ મુખર્જીએ હોદ્દા અને ગુપ્તતાના શપથ લેવડાવ્યા છે.

આ તમામ આઠ નવા ચહેરા છે. સીસરામ ઓલા અને ઓસ્કર ફર્નાન્ડિસે ચાર વર્ષના ગાળા બાદ ફરી પ્રધાનમંડળમાં સ્થાન મેળવ્યું છે.

ગાવિત, નચ્ચીપ્પન અને સીલમને રાજ્ય કક્ષાના પ્રધાન તરીકે સ્થાન આપવામાં આવ્યું છે.

સીસરામ ઓલાને શ્રમ અને રોજગાર પ્રધાન બનાવાયા છે, ઓસ્કર ફર્નાન્ડિસને રોડ અને હાઈવે ખાતું સોંપાયું છે, ગિરીજા વ્યાસને હાઉસિંગ, શહેરી વિકાસ પ્રધાન બનાવાયા છે, કે.એસ. રાવ ટેક્સટાઈલ પ્રધાન બન્યા છે, માણિકરાવ ગાવિતને સામાજિક ન્યાય, સંતોષ ચૌધરીને આરોગ્ય અને કુટંબ કલ્યાણ બનાવવામાં આવ્યા છે. સીલમને નાણાં ખાતાના રાજ્ય કક્ષાના પ્રધાન બનાવાયા છે તો નચ્ચીઆપ્પનને વાણિજ્ય અને ઉદ્યોગ મંત્રાલયના રાજ્ય કક્ષાના પ્રધાન તરીકેનો હવાલો સોંપાયો છે.

દરમિયાન, મલ્લિકાર્જુન ખાડગેને પણ કેબિનેટ પ્રધાન તરીકેનો દરજ્જો આપવામાં આવ્યો છે અને તેમને રેલવે ખાતું સોંપાયું છે.

ખાડગે ઉપરાંત ઓલા, ગિરીજા વ્યાસ અને કે.એસ. રાવને કેબિનેટ પ્રધાન તરીકેનો દરજ્જો આપવામાં આવ્યો છે.

ઓલા અને ફર્નાન્ડિસ યુપીએ-1માં પ્રધાન હતા, પણ યુપીએ-2માં એમને સ્થાન મળ્યું નહોતું.

૨૦૧૪ની લોકસભાની ચૂંટણી પૂર્વે મનમોહન સિંહની કેબિનેટમાં આ છેલ્લી વારનો ફેરફાર હોવાનું મનાય છે.

આ પ્રસંગે મનમોહન સિંહે કહ્યું કે, “આ મારા માટે મહત્વનો પ્રસંગ છે, મને અસમનાં લોકોની સેવા કરવા માટે ફરીથી સમર્પણ કરવાનો અવસર મળ્યો છે.”

લોક જનશક્તિ પાર્ટીનાં પ્રમુખ રામ વિલાસ પાસવાન, સમાજવાદી પાર્ટીનાં નેતા રામ ગોપાલ યાદવ અને રાજ્યસભાનાં કેટલાય સાંસદો સમારોહમાં ઉપસ્થિત રહ્યા હતા. કોંગ્રેસનાં અસમથી અન્ય એક સાંસદ એસ.કુજૂરે પણ શપથ ગ્રહણ કર્યા હતા. અસમની બે રાજ્યસભા બેઠકો માટે ૩૦ મેએ ચૂંટણી યોજાઈ હતી, જેમાં કોંગ્રેસે બંને બેઠકો પર જીત મેળવી હતી.

ઉત્તરાખંડમાં ૩૦ જણ માર્યા ગયા છે, ૧૯ જેટલા ઘાયલ થયા છે અને ૧૬૪ મકાનોને નુકસાન પહોંચ્યું છે.

ઉત્તર પ્રદેશમાં સહારનપુર જિલ્લામાં ભારે વરસાદને લીધે નદીઓમાં પૂર આવતાં અલગ અલગ બનાવોમાં ૧૫ જણ માર્યા ગયા છે.

હિમાચલ પ્રદેશમાં મોટી ભેખડો એક ઘર પર પડતાં ત્રણ બાળકો સહિત એક જ પરિવારનાં પાંચ સભ્યો માર્યા ગયા છે.

ખરાબ હવામાનને કારણે કેદારનાથની યાત્રાને કામચલાઉ રીતે રોકી દેવાઈ છે. ગંગોત્રી-યમુનોત્રી જનારા હજારો શ્રદ્ધાળુઓ વરસાદને કારણે રસ્તામાં જ ફસાઈ ગયા છે. કેદારનાથમાં ૫૦ જણનાં મરણ થયાની આશંકા વર્તાઈ છે, અત્યારસુધીમાં પાંચ મૃતદેહોને બહાર કાઢવામાં આવ્યાં છે. ભારે વરસાદને કારણે વાસુકા તાલ ફાટી ગયો છે. વાસુકા તાલ ફાટતા ૫૦થી વધુ લોકો નદીમાં તણાઈ ગયા છે. રાહત-બચાવ કાર્ય પૂરજોશમાં ચાલી રહ્યું છે.

રૂદ્રપ્રયાગ જિલ્લામાં બદ્રીનાથ અને કેદારનાથ હાઈ-વે પર વરસાદને કારણે ભેખડો ધસી પડવાથી તેમજ બાંધેલી પાળ ભાંગી જતા વાહનવ્યવહારને નુકસાન પહોંચ્યું છે સાથે જ તમામ રસ્તાઓને પણ બંધ કરી દેવાયા છે. ગૌરીકુંડ-કેદારનાથમાં પણ વરસાદને કારણે ખાસ્સુ એવું નુકસાન પહોંચ્યું છે.

હરિદ્વારમાં ગંગા નદીનાં પાણી ભયનાં નિશાનથી ઉપર વહી રહ્યાં છે. હવામાન વિભાગનાં જણાવ્યાંપ્રમાણે જૂન મહિનામાં ૨૪ કલાકમાં દેહરાદૂનમાં આટલો વરસાદ છેલ્લા ૮૮ વર્ષમાં ક્યારેય નથી વરસ્યો. ચારધામની યાત્રા રોકાતા હરિદ્વારમાં યાત્રાળુઓનો જમાવળો થયો છે.

કેદારનાથમાં હજુ પણ ૭૦૦ યાત્રાળુ ફસાયેલા છે.

ફેરબદલ પહેલા સી.પી.જોશી અને અજય માકંડે પહેલેથી જ રાજીનામું આપી દીધું છે તેવામાં આશા રખાઈ રહી છે કે, વડા પ્રધાન મનમોહન સિંહ આ ફેરબદલ અને વિસ્તરણનાં અવસરનો ઉપયોગ પોતાનાં પ્રધાનમંડળમાં ખાલી પડેલી જગ્યાઓને ભરવામાં કરશે.

કોંગ્રેસે ફેરબદલમાં માકંડ, જોશી, અંબિકા સોની અને ગુરૂદાસ કામતને પાર્ટી મહાસચિવ બનાવાયા છે અને કેન્દ્રીય પ્રધાન ગુલામ નબી આઝાદ અને ઓસ્કર ફર્નાન્ડિઝને આ પદો પરથી હટાવ્યા છે. કોંગ્રેસ ઉપાધ્યક્ષ રાહુલ ગાંધીનાં નજીકનાં ગણાતા મીનાક્ષી નટરાજન અને ફર્નાન્ડિઝને કેન્દ્રિય પ્રધાન પરિષદમાં શામેલ કરાવાય તેવી શક્યતા છે. સંભાવના છે કે છત્તીસગઢનાં સાંસદ અને રાજ્ય પ્રધાન ચરણ દાસ મંહતને મહત્વનું પદ અપાઈ શકે છે.

દેહરાદૂનનાં પ્રેમનગર પોલીસ સ્ટેશનનાં અધિકારી વિકાસ રાવતે જણાવ્યું છે કે, ન્યૂ મીઠી બેરી વિસ્તારમાં એક મકાન પડી જવાને કારણે એક જ પરિવારનાં ત્રણ વ્યક્તિનાં મરણ થયા છે. હોનારત પ્રબંધ અધિકારી મીરા કેંથુરાએ જણાવ્યું છે કે, રૂદ્રપ્રયાગ જિલ્લામાં ભૂસ્ખલનને કારણે પાંચ વ્યક્તિનાં મરણ થયા છે જ્યારે છ વ્યક્તિ ઘાયલ થયા છે. મંદાકિની તેમજ અલકનંદા તથા ગંગાની સહાયક નદીઓ ભયનાં નિશાનથી ઉપર વહી રહી છે તથા રૂદ્રપ્રયાગ તેમજ ગૌરીકુંડને જોડનારા પુલને નુકસાન થયું છે આથી તેને બંધ કરી દેવાયો છે.

ગંગોત્રી તેમજ યમુનોત્રી જનારા હજારો શ્રદ્ધાળુઓ રસ્તામાં જ ફસાઈ ગયા છે, જેનું કારણ પીપલમંડી, બરાકી તેમજ નાલુપાનીમાં ભુસ્ખલનને કારણે રસ્તાઓ બંધ કરી દેવાયા છે. ઉત્તરકાશી જિલ્લાની હોટલો તેમજ ધર્મશાળાઓમાં પણ લોકોની ભારે ભીડ છે. ચારધામનાં મોટાભાગનાં યાત્રીઓ ત્યાં જ રોકાયા છે.

જેડી (યુ) ભાજપ સાથેનો સંબંધ તોડી એનડીએમાંથી અલગ થશે એવી છેલ્લા ઘણા વખતથી વાતો સંભળાતી હતી, યાદવે આજે તેની વિધિસર જાહેરાત કરી દીધી છે.

યાદવે આજે અહીં પત્રકાર પરિષદમાં કહ્યું કે, ભાજપ સાથે શરૂઆતના ૭-૮ વર્ષ સુધી અમારા સંબંધ સરસ ચાલ્યા હતા, પણ છેલ્લા કેટલાક વર્ષોથી અમારા ગઠબંધનમાં બહુ ઝડપથી રાજકીય ઉતાર-ચઢાવ આવ્યા હતા.

અમને હવે એમની સાથેના સંબંધમાં વિશ્વાસ રહ્યો નથી. ભાજપમાં હવે વાજપેયી, અડવાણી જેવો સમય રહ્યો નથી. અમે સિદ્ધાંતો સાથે કોઈ સમાધાન કરવા માગતા નથી, એમ યાદવે કહ્યું.

ભાજપ અને જનતા દળ (યુનાઈટેડે) સાથે મળીને લોકસભાની પાંચ અને વિધાનસભાની ચાર ચૂંટણી લડી હતી.

જેડી-યુ પાર્ટીએ બિહારમાં પણ ભાજપ સાથેનો સંબંધ તોડી નાખ્યો છે અને નીતિશ કુમારે તેમની સંયુક્ત સરકારમાંથી ભાજપના પ્રધાનોને બરતરફ કરવાની રાજ્યના ગવર્નરને ભલામણ કરી છે. રાજ્યમાં કોઈ અનિશ્ચિતતાની સ્થિતિ ન રહે એ માટે નવેસરથી વિશ્વાસનો મત લેવાની નીતિશે તૈયારી બતાવી છે અને એ માટે ૧૯ જૂને વિધાનસભાનું વિશેષ સત્ર બોલાવવાની પણ ગવર્નરને ભલામણ કરી છે.

પત્રકાર પરિષદમાં નીતિશ કુમાર પણ હાજર હતા. તેમણે કહ્યું કે, અમારી વચ્ચેના સંબંધો તૂટવા માટે અમે કોઈ વ્યક્તિને જવાબદાર ગણાવતા નથી. સંજોગોને કારણે સંબંધ તૂટ્યા છે. અમે તો ગઠબંધન ચાલુ રાખવા માગતા હતા, પણ અમારા બિહારમાં બાહ્ય દખલગીરી વધી ગઈ હતી. અમને આ સહયોગનો અંત લાવવાની ફરજ પડી છે. અમારી પાસે બીજો કોઈ વિકલ્પ રહ્યો નહોતો.

નીતિશે કહ્યું કે, એનડીએ જોડાણ તેના રાષ્ટ્રીય એજન્ડાથી વિમુખ થઈ ગયું છે. આવી સ્થિતિમાં સાથે રહેવાનું ચાલુ રાખવાથી ન અમને લાભ થાય કે એમને (ભાજપને).

નીતિશે બિહારમાં જેડી-યુ તથા ભાજપ વચ્ચેના સંબંધ સુધરી ન શકે એટલી હદે વણસી ગયાની ગવર્નરને  જાણ કરી હતી. તેમણે ગવર્નરને એમ પણ કહ્યું કે ભાજપથી અલગ થવાથી તેમની સરકાર લઘુમતીમાં આવશે નહીં, એમની પાસે બહુમતી છે અને એ સાબિત કરવા માટે પોતે ગૃહમાં ફરીથી વિશ્વાસનો મત લેશે.

નીતિશે ભાગીદાર પાર્ટી ભાજપના પ્રધાનોના રાજીનામા માગ્યા નથી, પણ વિધાનસભામાં નવેસરથી વિશ્વાસનો મત લેવાની જાહેરાત કરીને તેમણે પરોક્ષ રીતે ભાજપના પ્રધાનોને સસ્પેન્ડ કરી દીધા છે.  આ માટે તેમણે ૧૯ જૂને વિધાનસભાનું વિશેષ સત્ર બોલાવ્યું છે.

અગાઉ સવારે, નીતિશે તેમના નિવાસસ્થાને તેમની કેબિનેટની તાકીદની બેઠક યોજી હતી, પણ એમાં ભાજપના પ્રધાનો હાજર રહ્યા નહોતા.

નાયબ મુખ્ય પ્રધાન સુશીલકુમાર મોદી સહિત ભાજપના ૧૧ પ્રધાનો તે બેઠકમાં ગયા નહોતા. તેમણે એમ કહ્યું છે નીતિશે બોલાવેલી બેઠક અર્થહીન છે.

જેડી-યુના મહામંત્રી કે.સી. ત્યાગીએ પત્રકારોને કહ્યું છે કે ભાજપે વડા પ્રધાન પદના ઉમેદવાર તરીકે નરેન્દ્ર મોદીને પસંદ કરવાનો સંકેત આપી દીધા બાદ એનડીએ જોડાણમાં અમારા ચાલુ રહેવાનો કોઈ અવકાશ જ રહ્યો નથી.

નીતિશ કુમારની જાહેરાત સાથે જેડી-યુ અને ભાજપ વચ્ચે ૧૭ વર્ષ જૂના સંબંધનો અંત આવી ગયો છે.

નીતિશ કુમારે બાદમાં પત્રકારોને કહ્યું કે, તેમણે કહ્યું કે, અમારી વચ્ચેના સંબંધો તૂટવા માટે અમે કોઈ વ્યક્તિને જવાબદાર ગણાવતા નથી. સંજોગોને કારણે સંબંધ તૂટ્યા છે. અમારા બિહારમાં બાહ્ય દખલગીરી વધી ગઈ હતી.

યાદવે આજે બપોરે ત્રણ વાગ્યે પ્રેસ કોન્ફરન્સ બોલાવી છે. એ પહેલાં તેમની પાર્ટીની મહત્વની બેઠક બપોરે ૧૨.૩૦ વાગ્યે મળવાની છે.

જેડીયૂના સિનિયર નેતા અને બિહારના મુખ્ય પ્રધાન નીતિશ કુમારની નરેન્દ્ર મોદી પ્રત્યેની નારાજગી પણ જગજાહેર છે. નીતિશે આજે સવારે ૧૧.૩૦ વાગ્યે તેમના સત્તાવાર નિવાસસ્થાને તેમની કેબિનેટના સભ્યોની બેઠક બોલાવી છે. તેમાં ભાજપના પ્રધાનો હાજર રહે એવી શક્યતા નથી.

બિહારમાં જેડીયૂ અને ભાજપની સંયુક્ત સરકાર છે. આ બંને પક્ષ રાષ્ટ્રીય સ્તરે ૧૯૯૬થી મિત્ર રહ્યા છે.

દર પખવાડિયે પેટ્રોલના ભાવમાં ફેરફાર કરવાના લેવાયેલા નિર્ણય અંતર્ગત, ભાવમાં નવો વધારો કરાયો છે. નવો ભાવવધારો આજે મધરાતથી અમલમાં આવશે.

બિહારમાં જેડી (યુ) અને ભાજપની સંયુક્ત સરકાર છે.

બિહાર ભાજપ એકમના પ્રમુખ મંગલ પાંડેએ કહ્યું છે કે જેડી-યુ બિહારમાં ભાજપને તોડવાનો પ્રયત્ન કરે છે. આ વાંધાજનક અને લોકશાહી માટે સારું ન કહેવાય.

પાંડેએ ભાજપના વિધાનસભ્યો અને પ્રધાનો સાથે બેઠક કર્યા બાદ આમ કહ્યું.

જેડી-યુના નેતાઓ ભાજપના વિધાનસભ્યોને મળ્યા હતા અને તેમને જેડી-યુમાં જોડાઈ જવા કહ્યું છે. તેમણે અમારા નેતાઓને વચન આપ્યું છે કે આ સપોર્ટ કરવા બદલ એમને કેબિનેટમાં સ્થાન આપવામાં આવશે કે અન્ય આકર્ષક હોદ્દાઓ આપવામાં આવશે. આ તો ઘણું જ વાંધાજનક કહેવાય, એમ પાંડેએ કહ્યું.

બિહારમાં જેડી-યુના ૧૧૮ વિધાનસભ્યો છે. ૨૪૩ સભ્યોના ગૃહમાં બહુમતી માટે તેને ચાર સભ્યો ઓછા છે.

નીતિશે કહ્યું છે કે હાલની પરિસ્થિતિ અંગે અમે ચિંતિત છીએ. જેડી (યુ) અને ભાજપ અંગે હું અંતિમ નિવેદન કરી ન શકું, પણ સંજોગો સંબંધોને મુશ્કેલ બનાવતા જાય છે.

આમ, બંને પાર્ટી અલગ થાય એ હવે લગભગ નિશ્ચિત છે.

અંદાજે ૬૦ લોકોને લઈને જઈ રહેલી એક નાવડી ધરમપુર કિનારે સવારે સાડા સાત વાગ્યે છાર દ્વિપ તરફ નીકળી હતી જે બાદ તે નદીમાં પલટાઈ ગઈ હતી. નાવડીમાં સવાર લોકો મોટાભાગનાં મજૂરો હતા.

એક મહિલા અને અન્ય ત્રણનાં મૃતદેહને રાહતકર્મીઓએ બહાર નિકાળ્યાં છે, જ્યારે આઠ લોકોને સુરક્ષિત બચાવી લેવાયા છે. જિલ્લા અને વરિષ્ઠ પોલીસ અધિકારીઓ સ્થિતી પર ચાંપતી નજર રાખી રહ્યાં છે.

પેટ્રોલ સાથે ડોપ કરવા માટે 80 કરોડ લિટર ઈથેનોલ સપ્લાય કરવા માટેના ઈન્ટરનેશનલ ટેન્ડરોને મોઈલીએ રીજેક્ટ કર્યા છે, કારણ કે આયાતકારોએ એ માટે અસાધારણ ઉંચા ભાવની માગણી કરી હતી. સ્થાનિક ભાવ કરતાં એમના ભાવ બમણાથીય વધારે હતા.

મોઈલીએ કહ્યું છે કે ભારતે તેલ અને ગેસની આયાત પરનું નિર્ભરતા ઘટાડવા પ્રયાસો કરવા જોઈએ જેથી અત્યંત કિંમતી એવા વિદેશી હુંડિયામણનો ઝડપી વપરાશ અંકુશમાં રહે. આ બધું ૨૦૩૦ સુધીમાં શક્ય બની શકે છે, જો આપણે તેલ-ગેસ સંશોધનનું પ્રમાણ વધારીએ તો.

જેડીયુની કાર્યકારિણીની બેઠકમાં એ પ્રસ્તાવ આવી શકે છે કે, ‘જે દિવસે ભાજપ નરેન્દ્ર મોદીને વડા પ્રધાન પદનાં ઉમેદવાર જાહેર કરશે, તે દિવસે તેઓ એનડીએથી અલગ થઈ જશે.’

સુત્રો પાસેથી જાણવા મળ્યું થે કે, જેડીયુમાં પણ કેટલાય નેતાઓ એમ માને છે કે, એનડીએમાંથી બહાર નિકળવાનો હાલમાં આ કોઈ યોગ્ય સમય નથી. ફેડરલ ફ્રન્ટ પણ દૂરની વાત છે.

‘જય તેલંગાણા’નાં સુત્રોચ્ચાર કરતા ઓસ્માનિયા યુનિવર્સિટીનાં વિદ્યાર્થીઓએ શુક્રવારે સવારે વિધાનસભા બિલ્ડીંગની તરફ વધવાનો પ્રયત્ન કર્યો હતો પરંતુ પોલીસે તેમની અટકાયત કરી લીધી હતી. આજે ફક્ત વિધાન સભ્યો, અધિકારીઓ તેમજ મીડિયાકર્મીઓને જ વિધાનસભા જવાની મંજૂરી આપવામાં આવી છે.

જેએસી જ્યાં મનાઈ હૂકમનો વિરોધ કરતા માર્ચ નિકાળવાને લઈને અક્કડ છે ત્યાં પોલીસે વિધાનસભાને ચારેય બાજુથી ઘેરી લીધી છે અને દેખાવકારોને રોકવાનો પ્રયત્ન કરી રહી છે. પોલીસે વિધાનસભાની આજુબાજુ બે કિલોમીટર પરિઘમાં પાંચ ફ્લાઈઓવર તેમજ કેટલાય રસ્તાઓ બંધ કરી દીધા છે.

ઓસ્માનિયા યુનિવર્સિટીનાં વિદ્યાર્થીઓ અને પોલીસ વચ્ચે થયેલી અથડામણની ફોટોગેલરી જોવા ક્લિક કરો.

http://www.chitralekha.com/top-gallery/hyderabad-5/

હવામાન વિભાગનાં અધિકારીઓનું કહેવું છે કે, ખીણમાં તાપમાન ૩૭ ડિગ્રી સેલ્સિયસ સુધી પહોંચી જવાને કારણે બાબા બર્ફાનીનાં દર્શન ના થવાનો ભય વધ્યો છે. રક્ષાબંધન સુધી અંદાજે બે મહિના ચાલનારી અમરનાથ યાત્રા દરમિયાન તીર્થયાત્રીઓની સંખ્યામાં સતત વધારો થઈ રહ્યો છે.

અમરનાથ યાત્રા ૨૮ જૂનથી શરૂ થઈ રહી છે. આ વર્ષે અમરનાથની યાત્રા કુલ પંચાવન દિવસો સુધી ચાલશે. ૨૧ ઓગસ્ટ એટલે રક્ષાબંધનનાં દિવસે યાત્રાનાં અંતિમ દર્શન થશે. યાત્રાળુઓની સંખ્યાને જોતા અત્યારસુધીમાં બે લાખથી વધારે શ્રદ્ધાળુઓની નોંધણી થઈ ચુકી છે. નોંધણીની પ્રક્રિયા અઢી મહિના પહેલા શરૂ કરી દેવાઈ હતી.

કેન્દ્રીય ગ્રામીણ વિકાસ પ્રધાન જયરામ રમેશનું કહેવું છે કે, એમાં કોઈ શંકા નથી કે મોદી જબરદસ્ત પ્રચારક છે, જયરામનાં કહ્યાં પ્રમાણે મોદી રાજનૈતિક અને વૈચારિક ચુનૌતી છે.

તેમણએ કહ્યું કે, મોદીની વ્યૂહાત્મક અને વ્યવસ્થાપન ક્ષમતાઓ તો કમાલની છે જ, પણ તેઓ વાકશૈલી અને બુદ્ધિમત્તાથી પણ કોંગ્રેસને કડક ટક્કર આપી શકે છે.

પોલીસનું કહેવું છે કે આ હુમલા પાછળનો ઈરાદો ટ્રેનમાં મુસાફરી કરતા રેલવે પોલીસ ફોર્સના જવાનો પાસેથી શસ્ત્રો લૂંટી લેવાનો હતો. ગોળીબાર લગભગ ૨૦ મિનિટ સુધી ચાલ્યો હતો. ગોળીબાર કરીને તેમણે ટ્રેન પર કબજો જમાવ્યો હતો.

નક્સલવાદીઓના હુમલામાં ટ્રેનના ડ્રાઈવરને ગંભીર ઈજા થઈ છે. હુમલામાં ઓછામાં ઓછા પાંચ મુસાફરો  પણ ઘાયલ થયા છે, પરંતુ આ અહેવાલને સત્તાવાર સમર્થન મળ્યું નથી.

નક્સલવાદીઓએ ટ્રેન પર ત્રાટકીને ગોળીબાર કર્યો હતો અને આરપીએફના જવાનો પાસેથી ત્રણ સેલ્ફ-લોડિંગ રાઈફલો લઈને ભાગી ગયા હતા.

માર્યા ગયેલા ત્રણ જણમાં એક આરપીએફનો જવાન અને બે મુસાફર હોવાનું મનાય છે.

આ હુમલાની જાણકારી મળ્યા બાદ નવી દિલ્હીમાં કેન્દ્રીય ગૃહ રાજ્ય પ્રધાન આર.પી.એન. સિંહે કહ્યું કે, બિહારમાં ટ્રેન પર માઓવાદી નક્સલવાદીઓનો હુમલો કમનસીબ ઘટના છે. આ બતાવે છે કે તેઓ હતાશ થઈ ગયા છે અને રાજકારણીઓ અને નિર્દોષ લોકો પર હુમલા કરે છે.

અગાઉ, માઓવાદીઓ ગઈ ૨૫ મેએ છત્તીસગઢ રાજ્યના બસ્તર જિલ્લામાં ત્રાટક્યા હતા. તેમણે કોંગ્રેસના નેતાઓ અને કાર્યકર્તાઓના એક કાફલા પર બોમ્બમારો અને ગોળીબાર કરીને ભૂતપૂર્વ કેન્દ્રીય પ્રધાન વી.સી. શુક્લા સહિત ૨૮ જણને મારી નાખ્યા હતા.

બિહારમાં ટ્રેન પરના હુમલા બાદ કેન્દ્રીય ગૃહ પ્રધાન સુશીલકુમાર શિંદેએ દિલ્હીમાં તાકીદની બેઠક બોલાવી છે.

સાવચેતીના પગલા તરીકે દિલ્હી-ધનબાદ રૂટ પર તમામ ટ્રેનોને અટકાવી દેવામાં આવી છે.

સૂત્રો પાસેથી જાણવા મળ્યું છે કે, નીતીશ કુમારે ભાજપનાં વરિષ્ઠ નેતાઓને કહ્યું છે કે, ગોવામાં ચૂંટણી પ્રચાર સમિતિનાં પ્રમુખને લઈને લેવાયેલો નિર્ણય તેમનો વ્યક્તિગત છે, પરંતુ ભાજપ મોદીને લઈને એવા નિવેદનો કરી રહી છે જાણે મોદીને તેમણે પીએમ તરીકે પ્રોજેક્ટ કર્યા હોય.

નીતીશે ભાજપનાં નેતાઓને કહ્યું છે કે, ભાજપ મોદીનાં પીએમ ઉમેદવારને લઈને પોતાનો નિર્ણય સ્પષ્ટ કરે, બેઠક બાદ શરદ યાદવે કહ્યું કે, ભાજપ સાથે વાત ચાલી રહી છે, આજે ગુરૂવારે સાંજે બધુ સ્પષ્ટ થઈ જશે, દરેક મુદ્દે ચર્ચા કરાશે.

ઉલ્લેખનીય છે કે વટહૂકમને લઈને બીજેપી, એસપી, લેફ્ટ સરકારનાં વિરોધમાં છે. ચીદમ્બરમે કહ્યું છે કે, તેઓ વિપક્ષને મનાવવાનાં પ્રયત્નો કર્યા છે અને વિશેષ સત્રમાં તેઓ બીલને પાસ કરાવશે. તેમણે એ પણ કહ્યું કે જો વિપક્ષે તેમને સાથ આપ્યો તો વિશેષ સત્ર બોલાવાશે.

આ તરફ ગુજરાતનાં મુખ્ય પ્રધાને ટ્વીટ કર્યું છે, તેમણે કહ્યું છે કે, જે યોજના કેન્દ્ર સરકાર હવે લાવી રહી છે તે તો ગુજરાતમાં છેલ્લા ૧૦ વર્ષથી છે અને તેમને ગરીબો હવે કેમ યાદ આવ્યા છે એમ પણ મોદીએ ટ્વીટમાં લખ્યું છે. મોદીએ કહ્યું કે, છેલ્લા ૧૦ વર્ષથી ગરીબોને ગુજરાતમાં બે રૂપિયા કિલો ઘઉં, ત્રણ રૂપિયા કિલો ચોખા આપવામાં આવે છે.

નીતીશે કહ્યું કે, અડવાણી, રાજનાથ સિંહ અને મુરલી મનોહર જોશી સાથે તેમણે ફોન પર વાત કરી છે, નીતીશે સ્પષ્ટતા કરતા કહ્યું કે તેમણે ભાજપનાં નેતાઓને ગઠબંધન ટકાવી રાખવા મામલે કોઈ આશ્વાસન નથી આપ્યું.

સાથે જ નીતીશે ફેડરલ ફ્રન્ટ બનાવવાની હિલચાલમાં હોવાની વાતનો ઈન્કાર નથી કર્યો. તેમણે કહ્યું કે, મમતા બેનરજી અને નવીન પટનાયક સાથે તેઓ સંપર્કમાં છે.

આ વાતચીત દરમિયાન તેમણે પ્રકાશ સિંહ બાદલને આગ્રહ કર્યો છે કે, તેઓ બિહારનાં મુખ્ય પ્રધાન અને જનતા દળ યુનાઈટેડનાં નેતા નીતીશ કુમાર સાથે વાત કરે અને ગઠબંધન જાડવી રાખવા જણાવે.

ભાજપની રાષ્ટ્રીય કાર્યકારીણીની બેઠકમાં ગુજરાતનાં મુખ્ય પ્રધાન નરેન્દ્ર મોદીને પ્રચાર સમિતિનાં અધ્યક્ષ બનાવ્યા બાદ અડવાણીની નારાજગી અને રાજીનામાથી એનડીએ પર સંકટનાં વાદળો છવાયા હતા. જેડીયુ અને શિવસેનાએ પણ આ બાબતે એનડીએથી અલગ થવાનાં સંકેતો આપ્યા છે. ગઠબંધન ન તૂટે તેવું ઈચ્છતા અડવાણીએ બુધવારે નીતીશ કુમાર અને જેડીયુનાં પ્રમુખ શરદ યાદવ સાથે વાત કરી હતી અને બંને નેતાઓને લોકસભા ચૂંટણીમાં ભેગા મળી એનડીએમાં ગઠબંધન જાડવી રાખવા અપીલ કરી હતી.

એલ.કે. અડવાણી (ડાબે) સાથે જેડી-યુના પ્રમુખ શરદ યાદવ

નવી દિલ્હી – લાલકૃષ્ણ અડવાણીનો હવે યુગ પૂરો થઈ ગયો છે અને ભારતીય જનતા પાર્ટી સાથે જોડાણ રાખવું કે નહીં એ વિશે જનતા દળ (યુનાઈટેડ) ટૂંક સમયમાં જ નિર્ણય લેશે, એવું જેડી-યુના નેતા શિવાનંદ તિવારીએ કહ્યું છે.

ગયા સોમવારે ભાજપમાં મહત્વના હોદ્દાઓ પરથી રાજીનામું આપ્યા બાદ તેની પર ચાલુ રહેવા અડવાણી સંમત્ત થયા તે વિશે પ્રત્યાઘાત આપતાં તિવારીએ કહ્યું કે, એલ.કે. અડવાણી ઘણા સિનિયર નેતા છે, પણ એમનો મોભો ઘટી ગયો છે. એમનો તબક્કો પૂરો થઈ ગયો છે અને હવે તે એવી ઉંમરે પહોંચ્યા છે કે તેમણે નિવૃત્ત થઈ જવું જોઈએ.

તિવારીએ કહ્યું કે, ભાજપે ગુજરાતના મુખ્ય પ્રધાન નરેન્દ્ર મોદીને ૨૦૧૪ની લોકસભા ચૂંટણી માટે પાર્ટીની ચૂંટણી સમિતિના વડા તરીકે ઘોષિત કર્યા તે એમને પાર્ટીના વડા પ્રધાન પદના ઉમેદવાર તરીકેની પરોક્ષ બઢતી સમાન છે.

તિવારીએ એમ પણ કહ્યું કે, ભાજપના આ નિર્ણયને અમે ગંભીરતાથી લીધો છે. હવે બધું સ્પષ્ટ થઈ ગયું છે અને ભાજપ તથા જેડી-યુ વચ્ચેના જોડાણ અંગે અમે એકાદ-બે દિવસમાં નિર્ણય લઈશું.

ભાજપની આગેવાની હેઠળના નેશનલ ડેમોક્રેટિક અલાયન્સ (એનડીએ) જોડાણમાં જનતા દળ (યુ) મહત્વનો ભાગીદાર પક્ષ છે. બંને વચ્ચેનો આ સંબંધ છેક ૧૯૯૬ જૂનો છે.

જનતા દળ (યુ) ભાજપથી અલગ થવાની તૈયારીમાં હોવાના અહેવાલો બાદ અડવાણીએ આજે જેડી (યુ)ના પ્રમુખ શરદ યાદવ અને બિહારના મુખ્ય પ્રધાન નીતિશ કુમાર સાથે ફોન પર વાતચીત કરી હતી અને એનડીએ જોડાણમાંથી છૂટા ન થવાની તેમને વિનંતી કરી હતી.

બેનર્જીએ તેમની સત્તાવાર ચેંબરમાં જનતા દળ (યુ)ના મહામંત્રી કે.સી. ત્યાગી સાથે બેઠક કર્યા બાદ પત્રકારોને કહ્યું કે, મેં નીતિશ કુમાર સાથે વાત કરી હતી. નીતિશજી એ વાતે કબૂલ થયા છે કે જો આપણે ભેગા થઈએ અને કોઈક કેન્દ્રીય મોરચો રચીએ તો સારું કહેવાશે. અમે જુદા જુદા રાજ્યોમાં (પ્રાદેશિક પક્ષો સાથે) પણ વાત કરી રહ્યા છીએ.

ત્યાગીજી આ જ વિષય પર મારી સાથે વાત કરવા આવ્યા હતા, એમ પણ બેનર્જીએ કહ્યું.

એટલું જ નહીં આવનારી લોકસભા ચૂંટણી માટેની રણનીતિ પણ અહીં જ તૈયાર થવાની છે. આ સિવાય અમિત શાહ અહીનાં ભૂતપૂર્વ મુખ્ય પ્રધાન કલ્યાણ સિંહને પણ મળવાનાં છે. બે દિવસ લખનઉ રોકાનારા અમિત શાગ પાર્ટીનાં પદાધિકારીઓ સાથે અલગ-અલગ રીતે બેઠક કરશે.

૨૦૦૯ની લોકસભા ચૂંટણીમાં ભાજપ ૮૦માંથી ફક્ત ૧૦ બેઠકો પર જ જીત્યું હતું. રાજકીય જાણકારોનું કહેવું છે કે, મોદીને ગુજરાતની બહાર નિકળીને એ સાબિત કરવાનું છે કે તેઓ રાષ્ટ્રીય સ્તરનાં નેતા છે અને ઉત્તર પ્રદેશ રાજનિતીમાં તેમનું લોન્ચ પેડ થઈ શકે છે.

સૂત્રોનાં જણાવ્યાપ્રમાણે, બિહારનાં મુખ્ય પ્રધાન નીતીશ કુમારે તમામ જનતા દળ યુનાઈટેડનાં વિધાન સભ્યોને પટના બોલાવ્યાં છે અને ૧૫ જૂન સુધી એનડીએનાં ગઠબંધનમાં રહેવું કે નહીં તેને અંગેનો નિર્ણય લેવાઈ શકે છે. માનવામાં આવી રહ્યું છે કે નીતીશ કુમાર એક-એક કરીને પાર્ટીનાં વરીષ્ઠ નેતાઓને મળી રહ્યાં છે.

ઉલ્લેખનીય છે કે, ગુજરાતનાં મુખ્ય પ્રધાન નરેન્દ્ર મોદીને ભાજપમાં મોટી જવાબદારી મળવાથી નારાજ નીતીશ કુમારે એનડીએમાંથી અલગ થવાનો નિર્ણય કર્યો હોઈ શકે છે. નીતીશ પહેલેથી જ મોદીને લઈને કડક વલણ અપનાવતા આવ્યાં છે.

પક્ષપ્રમુખ રાજનાથ સિંહે કહ્યું છે કે ત્રણેય હોદ્દા પર ચાલુ રહેવા પક્ષના સંસદીય બોર્ડે કરેલી વિનંતીનો અડવાણીએ સ્વીકાર કર્યો છે.

આજે સાંજે અડવાણીના અત્રેના નિવાસસ્થાને બોલાવેલી પત્રકાર પરિષદમાં રાજનાથ સિંહે કહ્યું કે, અડવાણીજીએ કહ્યું છે કે પક્ષ જે કોઈ પણ નિર્ણય લે એને પોતે મંજૂર રાખશે.

અડવાણીએ સોમવારે પક્ષની રાષ્ટ્રીય કારોબારી, સંસદીય બોર્ડ અને ચૂંટણી સમિતિમાંથી રાજીનામું આપ્યું હતું.

ભાજપની પિતૃ સંસ્થા આરએસએસના વડા મોહન ભાગવત આજે સવારે અડવાણીને એમના ઘેર જઈને મળ્યા હતા અને ભાજપના સંસદીય બોર્ડનો નિર્ણય માન્ય રાખવા અને દેશના હિતમાં પાર્ટીને માર્ગદર્શન આપવાનું ચાલુ રાખવાનું તેમને કહ્યું હતું. અડવાણીજીતે મોહન ભાગવતજીની સલાહનો સ્વીકાર કરવાની વાત માની લીધી છે, એવું રાજનાથ સિંહે કહ્યું.

શુક્લા ૮૪ વર્ષના હતા.

માઓવાદી નક્સલવાદીઓએ ગઈ ૨૫ મેએ છત્તીસગઢના સુકમા વિસ્તારમાં પરિવર્તન યાત્રા પર નીકળેલા કોંગ્રેસના નેતાઓ અને કાર્યકર્તાઓના કાફલા પર હુમલો કર્યો હતો. કાફલા પર સુરંગ ધડાકાઓ વડે હુમલો કરવામાં આવ્યો હતો અને પછી ગોળીબાર પણ કરાયો હતો.

તે હુમલામાં છત્તીસગઢ પ્રદેશ કોંગ્રેસ પ્રમુખ નંદકુમાર પટેલ, એમના પુત્ર દિનેશ, કોંગ્રેસ નેતા મહેન્દ્ર કર્મા સહિત ૨૪ જણ માર્યા ગયા હતા અને બીજાં ૩૨ જણ ઘાયલ થયા હતા.

શુક્લા એ કાફલામાં એક કારમાં બેઠા હતા ત્યારે નક્સલવાદીઓએ એમને ગોળીઓ મારી હતી.

શુક્લાને રાયપુરથી એર એમ્બ્યુલન્સ દ્વારા ગુડગાંવની મેદાંતા હોસ્પિટલમાં લાવવામાં આવ્યા હતા.

જગદલપુરની હોસ્પિટલમાં ડોક્ટરોએ શુક્લાના શરીરમાંથી ગોળીઓ કાઢવા ઓપરેશન કર્યું હતું. શુક્લાની હાલત પહેલા સ્થિર થઈ હતી, પણ બાદમાં ગંભીર થઈ ગઈ હતી. એને લીધે ડોક્ટરો પણ એમને બચાવી શક્યા નહીં.

વડા પ્રધાન મનમોહન સિંહ, કોંગ્રેસ પ્રમુખ સોનિયા ગાંધી, ભારતીય જનતા પાર્ટીના સિનિયર નેતા એલ.કે. અડવાણી, દિલ્હીનાં મુખ્ય પ્રધાન શીલા દીક્ષિત, હરિયાણાનાં મુખ્ય પ્રધાન ભૂપેન્દર સિંહ હુડ્ડાએ હોસ્પિટલમાં જઈને શુક્લાની તબિયત વિશે પૃચ્છા કરી હતી.

ઉલ્લેખનીય છે કે, રાજનાથ સિંહ રાજસ્થાનનાં બાંસવાડામાં મહારાણા પ્રતાપની પ્રતિમાનું અનાવરણ કરવા જઈ રહ્યાં હતા તે સમયે પત્રકારોએ તેમને અડવાણીને મનાવવાનો પ્રયત્ન કેટલો સફળ નિવડ્યો જેનો રાજનાથ સિંહે જવાબ ટાળતા સંઘ સાથે જોડાયેલા નિવેદન પર સ્પષ્ટતા કરી હતી. નોંધનીય છે કે, મીડિયામાં એ વાતે જોર પકડ્યું હતું કે, ભાજપમાં સતત થતી અડવાણીની ઉપેક્ષા પાછળ અડવાણી નરેન્દ્ર મોદી કરતા વધારે આરએસએસનાં સહસરકાર્યવાહક સુરેશ સોનીથી નારાજ હતા.

મહત્વનું છે કે, ભાજપનાં બે મોટા નેતા રાજનાથ સિંહ મહારાણા પ્રતાપની પ્રતિમાનું અનાવરણ કરવા બાંસવાડા જઈ રહ્યાં છે જ્યારે અરૂણ જેટલી વિદેશ જઈ રહ્યાં છે તેવામાં લાલકૃષ્ણ અડવાણીને મનાવવાનાં પ્રયત્નો પર પૂર્ણવિરામ મુકાતું હોય તેવું જણાઈ રહ્યું છે.

પોસ્ટરમાં સૌથી ઉપર લખાયું છે, ‘જુઓ ભાજપનો પર્દાફાશ!’ પોસ્ટરમાં ત્યારબાદ અડવાણીની ચિઠ્ઠીની તે જ લાઈનો છાપી છે જેમાં અડવાણીએ ભાજપનાં નેતાઓ પર વ્યક્તિગત હિત માટે કામ કરવાનો આક્ષેપ કર્યો છે.

ચિઠ્ઠીમાં આગળ લખાયું છે કે, ‘છેલ્લા કેટલાક સમયથી પાર્ટી જે રીતે ચલાવવામાં આવી રહી છે અને તે જે દિશામાં આગળ વધી રહી છે તેનાથી હું સંતુષ્ટ નથી. મને નથી લાગતું કે આ તે જ આદર્શ પાર્ટી છે, જેને શ્યામા પ્રસાદ મુખરજી, દીનદયાલ ઉપાધ્યાય, નાનાજી દેશમુખ અને અટલ બિહારી વાજપેયી જેવા નેતાઓએ બનાવી હતી, જેની એકમાત્ર ચિંતા આ દેશ અને ત્યાંના લોકો કરી રહ્યાં છે. આજની આ તારીખમાં આપણા મોટાભાગનાં નેતાઓ પોતાનાં વ્યક્તિગત એજન્ડાને આગળ વધારી રહ્યાં છે. લાલકૃષ્ણ અડવાણી, સંસ્થાપક બીજેપી.’

અડવાણી પાર્ટીના સ્થાપક નેતાઓમાંના એક છે. તેમણે આપેલા રાજીનામાને પ્રમુખ રાજનાથ સિંહે નકારી કાઢ્યું છે ત્યારે બીજી બાજુ પાર્ટીના નેતાઓએ અડવાણીનાં નિવાસસ્થાને દોટ મૂકી છે એમને મનાવવા માટે કે તે રાજીનામું પાછું ખેંચી લે. આમાં, ગુજરાતનાં મુખ્ય પ્રધાન નરેન્દ્ર મોદીનો પણ સમાવેશ થાય છે, જેમનું વર્ચસ્વ પાર્ટીમાં ખૂબ વધી ગયું છે.

રાજનાથ પોતે પણ અડવાણીને અહીં મળ્યા હતા અને રાજીનામું પાછું ખેંચી લેવા એમને સમજાવ્યા હતા, પણ અડવાણી માન્યા નથી. સૂત્રોનાં જણાવ્યા મુજબ, અડવાણીને મોદીને આપવામાં આવેલી બઢતી સામે નારાજગી નથી, પણ પાર્ટીની બાબતોમાં રાષ્ટ્રીય સ્વયંસેવક સંઘ (આરએસએસ)ની વધી ગયેલી દખલગીરી સામે વાંધો છે.

પાર્ટીનાં અન્ય સિનિયર નેતા સુષ્મા સ્વરાજ પણ અડવાણીના ઘેર ગયા હતા. એ પહેલાં તેમણે પત્રકારોને કહ્યું હતું કે, એમણે રાજીનામા વિશે મને ક્યારેય વાત કરી નહોતી તેથી મને આશ્ચર્ય થયું છે. મને વિશ્વાસ ચે કે અમે અડવાણીજીને મનાવી લઈશું.

વેંકૈયા નાયડુ, અનંત કુમાર, બલબીર પુંજ અને વિજય કુમાર મલ્હોત્રા જેવા અન્ય નેતાઓ પણ અડવાણીને મનાવવા તેમના ઘેર દોડી ગયા હતા.

મોદીએ ટ્વિટ કર્યું છે કે, મેં અડવાણીને ફોન કરીને તેમનું રાજીનામું પાછું ખેંચવાની વિનંતી કરી છે. ફોન પર મારે અડવાણીજી સાથે વિગતવાર ચર્ચા થઈ હતી. મેં એમને તેમનો નિર્ણય બદલવાની વિનંતી કરી છે. મને આશા છે કે તે ભાજપના લાખો કાર્યકર્તાઓને નિરાશ નહીં કરે.

ભાજપના નેતા મુરલી મનોહર જોશીએ રાજનાથ સિંહને કહ્યું છે કે અડવાણીનું રાજીનામું ભાજપનું પતન કરાવશે.

ઉમા ભારતીએ કહ્યું છે કે અડવાણીના રાજીનામાના સમાચાર જાણી મને દુઃખ થયું છે. મને એમના પર માન છે. હું મંગળવારે અડવાણીને મળીશ અને રાજીનામું પાછું ખેંચવા તેમને સમજાવીશ.

ગુજરાતનાં મુખ્ય પ્રધાન નરેન્દ્ર મોદીને આવતા વર્ષે નિર્ધારિત લોકસભાની ચૂંટણી માટે પક્ષની પ્રચાર સમિતિના અધ્યક્ષપદે નિમણૂંક કરાયાના બીજા જ દિવસે અડવાણીએ રાજીનામું આપ્યું છે, તે સૂચક છે.

અડવાણીએ પક્ષપ્રમુખ રાજનાથ સિંહને લખેલા પત્રમાં તેમના રાજીનામાની જાણ કરી છે.

અડવાણીએ રાષ્ટ્રીય કારોબારી, સંસદીય બોર્ડ અને ચૂંટણી સમિતિમાંથી રાજીનામું આપ્યું છે

અડવાણીએ પત્રમાં એમ પણ લખ્યું છે કે, મેં આખી જિંદગી જનસંઘ અને ભારતીય જનતા પાર્ટીમાં કામ કરવામાં ગર્વની લાગણી મહેસુસ કરી છે અને મારે માટે આ અત્યંત સંતોષની વાત છે. છેલ્લા કેટલાક વખતથી પાર્ટી જે રીતે કામ કરી રહી છે અને જે દિશામાં જઈ રહી છે એની સાથે તાલમેલ બેસાડવાનું મારે માટે મુશ્કેલ બની ગયું છે.

અડવાણીએ પત્રમાં એમ પણ લખ્યું છે કે, ભાજપ હવે આદર્શવાદી પાર્ટી રહી હોય એવું મને લાગતું નથી. ડો. મુખર્જી, દીનદયાળજી, નાનાજી અને વાજપેયીએ પાર્ટીની સ્થાપના કરી હતી અને એમની વિચારસરણી દેશ તથા પ્રજા માટે હતી. આપણા અત્યારના મોટા ભાગના નેતાઓ અંગત સ્વાર્થ સાધવામાં વ્યસ્ત છે. આને ધ્યાનમાં રાખીને મેં પાર્ટીમાં ત્રણ મુખ્ય મંચ – રાષ્ટ્રીય કારોબારી, સંસદીય બોર્ડ તથા ચૂંટણી સમિતિમાંથી રાજીનામું આપું છું. મારા આ પત્રને રાજીનામાનો પત્ર જ માની લેજો.

અડવાણી ગોવામાં પક્ષની બે દિવસીય રાષ્ટ્રીય કારોબારીની બેઠકમાં પણ ગેરહાજર રહ્યા હતા. એ માટે તેમણે નાદુરસ્ત તબિયતનું કારણ આપ્યું હતું.

મોદીને પક્ષનું ચૂંટણી માટેનું નેતૃત્વ સોંપાયું તેનાથી અડવાણી નારાજ છે. મોદીને આ જવાબદારી સોંપવામાં આવે તેની સામે અને પાર્ટીમાં મોદીનું વર્ચસ્વ વધે એ સામે અડવાણીને પહેલેથી જ વિરોધ હતો.

મોદીના ભાષણના મુખ્ય અંશ આ મુજબ છે:

- મને આ જવાબદારી સોંપવા બદલ હું રાજનાથ સિંહનો આભારી છું.

- ભાજપના સિનિયર નેતાઓએ મારું ઘડતર કર્યું છે… મારી ભૂલોને નજરઅંદાઝ કરી છે.

- આપણે કામગીરીમાં કોઈ કચાશ રહેવા નહીં દઈએ. આપણે સૌએ સાથે મળીને કામ કરવાનું છે.

- આપણે સેવા બજાવવા રાજકારણમાં આવ્યા છીએ. આપણે ચૂંટણી જીતવાની છે જેથી આપણે જનતા માટે સેવા બજાવી શકીએ.

- દેશની જનતા કેન્દ્રની હાલની સરકારમાંથી વિશ્વાસ ખોઈ બેઠી છે. જે રીતે ઘટનાઓ આકાર લઈ રહી છે તેને લીધે તેમનો વિશ્વાસ ઘટવાનું ચાલુ જ રહેશે.

- આ સરકાર ઓચિંતી અડધી રાતે તેની નીતિઓ બદલે છે અને સુપ્રીમ કોર્ટ તેને સવાલ ન કરે ત્યાં સુધી તમને ખબર જ ન પડે.

- ભૂતકાળમાં કોંગ્રેસે બંધારણની કલમ 356નો દુરુપયોગ કર્યો હતો અને રાજ ભવનોને કોંગ્રેસ ભવન બનાવી દીધા હતા. હવે તેઓ વિપક્ષને પરેશાન કરવા સીબીઆઈન દુરુપયોગ કરે છે.

- આપણા વિદેશ પ્રધાન યુનાઈટેડ નેશન્સનાં સમારંભમાં બીજા દેશનું ભાષણ વાંચવા માંડે છે.

- આપણે સત્તા આંચકી લેવાની નથી, આપણે તો કરોડો ભારતીયોનો વિશ્વાસ પાછો જીતવાનો છે.

- જનતા કોંગ્રેસથી કંટાળી ગઈ છે એટલે જ તો તાજેતરની પેટા-ચૂંટણીઓમાં એનો સફાયો થઈ ગયો.

- કાયદા પ્રધાન કહે છે કે, મેચ-ફિક્સિંગ માટે કાયદા બનાવીશું, પણ એ લોકો તે કરી નહીં શકે, કારણ કે એમને ખબર જ નથી કે આ તો રાજ્યોની બાબત છે.

- આપણે દેશને કોંગ્રેસ-મુક્ત ભારત બનાવવાનું છે. એ સપનું સાકાર કરવા આગળ વધવાનું છે.

દેશના સૌથી લોકપ્રિય મુખ્ય પ્રધાન અને ભાજપમાં બળવાન બની ગયેલા મોદીને બઢતી આપવામાં આવશે એવું પહેલેથી જ મનાતું હતું. લોકસભાની ચૂંટણીમાં ભાજપને જિતાડવા માટે મોદીને કોઈક મોટી જવાબદારી આપવામાં આવે એવી પાર્ટીમાં નેતાઓ તથા કાર્યકર્તાઓ તેમજ મોદીના સમર્થકોની સતત માગણી થતી રહી છે. તેને ધ્યાનમાં લઈને પક્ષની નેતાગીરીએ અંતે આ નિર્ણય લીધો છે.

રાજનાથ સિંહે કારોબારી બેઠકના આજે સમાપન સત્રમાં કરેલા સંબોધનમાં મોદીને પ્રચાર સમિતિનાં વડા બનાવ્યાની જાહેરાત કરી હતી.

પાર્ટીના પીઢ નેતા એલ.કે. અડવાણીના વિરોધને લીધે ઊભા થયેલા વિવાદ વચ્ચે મોદીની આ વરણી કરવામાં આવી છે.

જોકે મોદીએ પોતાની નિમણૂંક થઈ ગયા બાદ ટ્વિટ કર્યું હતું કે મેં અડવાણીજીને ફોન કર્યો હતો અને એમણે મને મારી નવી કામગીરીમાં સફળતા માટે આશિર્વાદ આપ્યા છે. એમના આશિર્વાદ મેળવીને હું ગર્વની લાગણી મહેસુસ કરું છું.

રાજનાથ સિંહે કહ્યું કે અમારી સમગ્ર પાર્ટીને મોદીની કામગીરીમાં વિશ્વાસ છે. મોદી ભાજપને ચૂંટણીમાં જીત અપાવશે.

રાજનાથે કહ્યું કે મોદીની નિમણૂંક કરવાનો અમારો નિર્ણય જ બતાવે છે કે અમે વિજયના પંથે છીએ.

પાર્ટી પ્રમુખ રાજનાથ સિંહ પાર્ટીની ચૂંટણી પ્રચાર સમિતિનું પ્રમુખપદ મોદીને સોંપવાની જાહેરાત કરશે એવા અહેવાલો વચ્ચે સૂત્રોનું કહેવું છે કે મોદી હવે એક ડગલું આગળ વધ્યા છે અને એવી ઈચ્છા કરી છે કે તેમને આગામી ચૂંટણી માટે પાર્ટીનાં પીએમ ઉમેદવાર તરીકે આજે જ ઘોષિત કરી દેવામાં આવે.

મોદીએ તેમની આ માગણી માટે પાર્ટીના અનેક ટોચના નેતાઓ સાથે ચર્ચા પણ કરી છે.

ગોવામાં ભારતીય જનતા પાર્ટીની રાષ્ટ્રીય કારોબારીની બેઠકમાં મોદીની બોલબાલા રહી હોવા છતાં પાર્ટીનાં અનેક સિનિયર નેતાઓનાં વિરોધને કારણે લોકસભાની આગામી ચૂંટણીની પ્રચાર સમિતિના પ્રમુખ તરીકે મોદીને નિયુક્ત કરવામાં વિલંબ થઈ રહ્યો છે.

ભાજપ ભલે દાવો કરે છે કે સિનિયર નેતા લાલકૃષ્ણ અડવાણી બીમારીને કારણે ગોવા આવી શક્યા નથી, પણ સૂત્રોનું કહેવું છે કે પાર્ટી અને રાષ્ટ્રીય સ્વયંસેવક સંઘ અડવાણીને ઈતિહાસ માને છે. સંઘ કહે છે કે અડવાણીને સમ્માન આપો, મોદીને સિંહાસન. હવે સંઘ તરફથી લીલી ઝંડી મળી જતાં મોદીનાં નામના એલાનમાં સમયની જ વાર છે.

બે દિવસની રાષ્ટ્રીય કારોબારીના શનિવારે પહેલા દિવસે મોદીની નિમણૂંકના મામલે પાર્ટી બે જૂથમાં વહેંચાઈ ગઈ છે.

સૂત્રોનું કહેવું છે કે પાર્ટીનાં પ્રમુખ રાજનાથ સિંહ અડવાણીની ગેરહાજરીમાં જ મોદીને ચૂંટણી પ્રચાર સમિતિના પ્રમુખ બનાવવાની ઘોષણા રવિવારે કરે એવી ધારણા છે.

સૂત્રોનાં જણાવ્યા મુજબ, મોદી આવતી કાલે રવિવારે બપોરે ત્રણ વાગ્યે કારોબારીને સંબોધિત કરશે.

રાજનાથ સિંહે તેમના ઉદ્દઘાટન સંબોધનમાં કેન્દ્રની યુપીએ સરકાર પર શાબ્દિક પ્રહારો કર્યા અને કહ્યું કે સરકાર તમામ મોરચે નિષ્ફળ ગઈ છે. તે છતાં એ મોજ માણી રહી છે.

રાજનાથે કોલસા કૌભાંડ તથા ભ્રષ્ટાચારના અન્ય મામલે વડા પ્રધાન મનમોહન સિંહના રાજીનામાની માગણી પણ ઉચ્ચારી હતી.

ભાજપમાં અડવાણીનો સમય હવે પૂરો થઈ ગયો છે અને પાર્ટી હવે મોદીના નેતૃત્વમાં ચૂંટણી લડવાની તૈયારી કરે છે.

બીજેપીના પ્રવક્તા પ્રકાશ જાવડેકરે દિલ્હીમાં કહ્યું કે અડવાણી ખરેખર બીમાર છે અને ડોક્ટરે તેમને આરામ કરવાની સલાહ આપી છે. એને લીધે તે ત્રણ-ચાર દિવસ સુધી આરામ કરવાના છે. અડવાણી પાર્ટીનાં માર્ગદર્શક છે અને રહેશે.

ભાજપાના ઈતિહાસમાં આ પહેલી જ વાર બન્યું છે કે રાષ્ટ્રીય કારોબારીની બેઠક અડવાણી વગર મળી હોય.

ગોવામાં ભાજપની રાષ્ટ્રીય કારોબારી સમિતિની બેઠકમાં અડવાણી હાજર ન રહેતા મોદીના સમર્થકોમાં ઘણો રોષ ફેલાયો છે. તે બેઠકમાં અડવાણીની ગેરહાજરી માટે તેમની નાદુરસ્ત તબિયતનું કારણ બતાવાયું છે. ભાજપના પ્રમુખ રાજનાથ સિંહે જ કહ્યું છે કે અડવાણીની તબિયત સારી ન હોવાથી તેમણે જ એમને ઘેર આરામ કરવાનું કહ્યું છે.

એવી અટકળો થઈ રહી છે કે મોદી અને અડવાણી વચ્ચે મતભેદો છે એટલે જ અડવાણી ગોવા પહોંચ્યા નથી. શુક્રવારે શરૂ થયેલી ભાજપ સંસદીય બોર્ડની બેઠક પૂરી થઈ ગઈ છે અને આજથી કારોબારી સમિતિની બેઠક શરૂ થઈ છે.

એવું મનાય છે કે ભાજપની નેતાગીરી મોદીને લોકસભાની આગામી ચૂંટણી માટેની પ્રચાર સમિતિનો હવાલો સોંપવા માગે છે, પણ અડવાણી, જસવંત સિંહ, બી.જી. ખંડૂરી જેવા મહત્વના નેતાઓ બેઠકમાં હાજર રહ્યા ન હોવાથી મોદીને બઢતી આપવાનો નિર્ણય લેવાશે કે કેમ તે વિશે શંકા છે.

એક ન્યૂઝ ચેનલને આપેલી મુલાકાતમાં કેન્દ્રીય પ્રધાન સલમાન ખુર્શીદે ગુજરાતનાં મુખ્ય પ્રધાન નરેન્દ્ર મોદીની સરખામણી વાંદરા સાથે કરી છે. તેમણે કહ્યું કે, જેમ રસ્તા પર કોઈ વાંદરો ખેલ કરીને લોકોના ટોળાને આકર્ષિત કરે એવી જ રીતે મોદી એમની રેલીઓમાં ક્રાઉડને આકર્ષે છે અને લોકો વાંદરાને પરફોર્મ કરતો જોવા ભેગા થાય છે.

મોદી યુવાવર્ગને ઈમ્પ્રેસ કરવા માટે રાજકારણમાં આગળ વધી રહ્યા છે તો તમને એમનાથી ચિંતા થતી નથી? એવા સવાલના જવાબમાં ખુર્શીદે કહ્યું કે, તમારે રસ્તા પર વાંદરાનો ખેલ તો બતાવવો જ પડેને. લોકોનું ટોળું જામે અને એ ટોળામાં યુવાનો હોય, મધ્યમ વયના લોકો પણ હોય. લોકો ખેલ જોવા એટલા માટે ભેગા થતા હોય છે કે કોઈક આતુરતા જાગે એવું કંઈક વેચી રહ્યું છે.

શહીદ થયેલા ભારતીય સૈનિકનું નામ નાયક સુબેદાર બચન સિંહ છે. પાકિસ્તાનીઓના ગોળીબારમાં ભારતના અન્ય બે જવાન ઘાયલ પણ થયા છે.

શહીદ થયેલો જવાન 5-ગઢવાલ યુનિટનો હતો.

પાકિસ્તાની સૈનિકોએ ભારતીયો તરફથી કોઈ પ્રકારની ઉશ્કેરણી વગર યુદ્ધવિરામની શરતોનો ભંગ કર્યો છે.

સંસદીય બોર્ડની બેઠક બાદ પાર્ટીની રાષ્ટ્રીય કારોબારી સમિતિની બેઠક યોજાશે.

સૂત્રોનું કહેવું છે કે અડવાણીએ નાદુરસ્ત તબિયતને કારણે આજે ગેરહાજર રહ્યા છે, પણ શનિવારે કારોબારીની બેઠકમાં હાજર રહેશે.

સૂત્રોનું એમ પણ કહેવું છે કે નરેન્દ્ર મોદીના મુદ્દે પક્ષમાં ઊભા થયેલા નવા વિવાદોથી પણ અડવાણી અપસેટ થયા છે.

એવી ધારણા છે કે સંસદીય બોર્ડ અને રાષ્ટ્રીય કારોબારી મોદીને બઢતી આપશે અને લોકસભાની આગામી ચૂંટણી માટે પક્ષના લીડર તરીકે ઘોષિત કરશે.

સૂત્રોનું એમ પણ કહેવું છે કે પાર્ટીના બીજા ઘણા નેતાઓ પણ કારોબારી સમિતિની આ બેઠકમાં ગેરહાજર રહેવાના છે. શત્રુઘ્ન સિંહા હાલ મુંબઈમાં છે અને તેમણે કહ્યું છે કે એમની તબિયત સારી નથી. જસવંત સિંહે પણ નાદુરસ્ત તબિયતનું કારણ આપ્યું છે.

એવી જ રીતે, વરુણ ગાંધી અને રવિશંકર પ્રસાદ પણ બેઠકમાં હાજર રહેવાના નથી.

લોકસભાની આગામી ચૂંટણી મોદીનાં નેતૃત્વ હેઠળ લડવાનો નિર્ણય ભાજપ કદાચ રવિવારે લે એવી ધારણા છે.

મોદી ગોવા એરપોર્ટ પર પહોંચ્યા ત્યારે પાર્ટીના સેંકડો કાર્યકર્તાઓએ તેમનું હર્ષનાદોથી સ્વાગત કર્યું હતું. એરપોર્ટની બહાર મોદીના વિરાટ કદના કટઆઉટ્સ અને પોસ્ટરો પણ મૂકવામાં આવ્યા હતા.

મોદીને લોકસભાની ચૂંટણીમાં વડા પ્રધાન પદ માટે ભાજપના ઉમેદવાર તરીકે ઘોષિત કરવામાં આવે એવું પક્ષમાં બહુમતી લોકો ઈચ્છે છે.

પોલીસ કમિશનર બીજૂ જ્યોર્જ જોસેફે એવો દાવો પણ કર્યો છે કે ઈમેલ મોકલનારનો પત્તો લાગી ગયો છે અને ટૂંક સમયમાં જ એને પકડી લેવામાં આવશે.

સૂત્રોના કહેવા મુજબ, ઈમેલ મોકલનાર શખ્સ જયપુરના વૈશાલીનગર વિસ્તારનો રહેવાસી છે.

એન્ટી-ટેરરિસ્ટ સ્ક્વોડનું કહેવું છે કે ઈમેલ કોઈક આતંકવાદી સંગઠન વતી મોકલવામાં આવ્યો છે અને તેની તપાસ ચાલી રહી છે.

દરમિયાન, પોલીસ ચાંદપોલ બજારમાં ટિફિન બોમ્બ સાથે નજરે પડેલા બે શંકાસ્પદ યુવકની શોધ કરી રહી છે.

એન્કાઉન્ટર સ્પેશિયાલિસ્ટ સબ-ઈન્સ્પેક્ટર શિવકૃષ્ણ શર્મા ઉર્ફે સોનૂ પર આરોપ છે કે તે આતંકવાદીઓને હથિયારો સપ્લાય કરતો હતો.

પોલીસે શર્માની ધરપકડ કરી છે.

શર્માની સાથે હેડ કોન્સ્ટેબલ મોહમ્મદ અય્યૂબની પણ ધરપકડ કરવામાં આવી છે. બંનેને ડોડા શહેરની એક અદાલતે દસ દિવસ માટે રીમાન્ડ પર રાખવાની પોલીસને પરવાનગી આપી છે.

શર્માને વર્ષ ૧૯૯૯માં આતંકવાદ વિરુદ્ધની લડાઈમાં ઉત્ક઼ૃષ્ટ કામગીરી બજાવવા બદલ તે વખતના ગૃહ પ્રધાન લાલકૃષ્ણ અડવાણીની ભલામણને આધારે સબ-ઈન્સ્પેક્ટર બનાવવામાં આવ્યો હતો.

પીડિતા પર તબીબી પરીક્ષણ કરવામાં આવ્યું છે અને પોલીસે કેસ નોંધ્યો છે.

ત્રણેય આરોપી ફરાર થઈ ગયા પોલીસ તેમને પકડી લેવામાં અંતે સફળ થઈ છે.

તે મહિલા તેની હોટેલ પર જવા માટે હાઈવે પર વાહનની રાહ જોતી ઊભી હતી ત્યારે એક કારમાં જતા ત્રણ આરોપીઓએ તેને લિફ્ટની ઓફર કરી હતી. ત્યારબાદ ત્રણેય જણ એ સ્ત્રીને તેની હોટેલ પર પહોંચાડવાને બદલે જંગલ જેવા વિસ્તારમાં લઈ ગયા હતા અને ત્યાં એની પર બળાત્કાર કર્યો હતો.

સ્ત્રીએ બાદમાં મંગળવારે સવારે પોલીસ સ્ટેશનમાં જઈને ફરિયાદ નોંધાવી હતી.