Archive: A to Z News-gallery Subscribe to A to Z News-gallery

ઈન્ડોનેશિયામાં વિમાન દુર્ઘટનાગ્રસ્ત

ઈન્ડોનેશિયાના નોર્થ સુમાત્રાના મેડાન શહેરમાં મંગળવાર, ૩૦ જૂને એર ફોર્સનું એક કાર્ગો વિમાન હર્ક્યૂલીસ C-130 એક રહેણાંક વિસ્તારમાં તૂટી પડતાં ૧૪૧ જણ માર્યા ગયા છે.
277339

જયલલિતાએ આર.કે. નગર સીટ જીતી

ચેન્નઈમાં 30 જૂન, 2015ના રોજ તમિલનાડુના મુખ્યપ્રધાન જયલલિતાએ આરકે નગરની સીટ પર કબજો મેળવ્યો હતો. ચૂંટણીમાં દોઢ લાખથી પણ વધુ મતોથી જીત મેળવી જયલલિતાએ કમ્યુનિસ્ટ પાર્ટી ઓફ ઈન્ડિયાના નેતા મહેન્દ્રનને પરાજિત કર્યો હતો. 

ચેન્નાઈમાં મેટ્રો ટ્રેન સેવાનો શુભારંભ

તામિલ નાડુના પાટનગર ચેન્નાઈમાં સોમવાર, ૨૯ જૂનથી મેટ્રો ટ્રેન સેવાનો શુભારંભ કરવામાં આવ્યો છે. એલિવેટેડ મેટ્રો કોરિડોર પર આ ટ્રેન અલન્દુર-કોયામ્બેદુ વચ્ચે શરૂ કરવામાં આવી છે. રાજ્યના મુખ્ય પ્રધાન જયલલિતાએ આ ટ્રેન સેવાને લોન્ચ કરાવી હતી.

વીજદરમાં વધારોઃ કોંગ્રેસનો વિરોધ

મુંબઈમાં વીજળીના દરમાં કરાયેલા વધારા સામે કોંગ્રેસના મુંબઈ એકમના કાર્યકર્તાઓએ સોમવાર, ૨૯ જૂને શહેરમાં દેખાવો કર્યા હતા, રિલાયન્સ એનર્જી અને ટાટા પાવર કંપનીઓ વિરુદ્ધ નારા લગાવ્યા હતા અને વીજળીના બિલની હોળી કરી હતી.
291

ચર્ચગેટમાં ટ્રેન પ્લેટફૉર્મ પર ચડી ગઈ

દક્ષિણ મુંબઈમાં પશ્ચિમ રેલવેના ચર્ચગેટ સ્ટેશને રવિવાર, ૨૮ જૂને સવારે ૧૧.૪૦ વાગ્યે એક વિચિત્ર અકસ્માત થયો હતો. એક લોકલ ટ્રેન સ્ટેશને પહોંચ્યા બાદ અટકી જવાને બદલે ડેડ એન્ડ સાથે અથડાઈને ૩ નંબરના પ્લેટફૉર્મ પર ચડી ગઈ હતી. આ અકસ્માતમાં મોટરમેન જખ્મી થયો છે.

સ્કૂલ ફીમાં વધારાનો વિરોધ

મુંબઈમાં કાંદિવલી (પૂર્વ)ની સેન્ટ લોરેન્સ હાઈ સ્કૂલે સ્કૂલ ફીમાં તોતિંગ વધારો કરતા વિદ્યાર્થીઓના માતા-પિતા, વાલીઓએ શુક્રવાર, ૨૬ જૂને શાળામાં જઈને જોરદાર વિરોધ વ્યક્ત કર્યો હતો અને સ્કૂલના સંચાલકો વિરુદ્ધ નારા લગાવ્યા હતા, દેખાવો કર્યા હતા.

પૂરગ્રસ્ત અમરેલીમાં ફૂડ-પેકેટ્સ

ગુજરાતના અમરેલી જિલ્લામાં બુધવારના ભારે વરસાદને પગલે આવેલા પૂર બાદ ગુરુવાર, ૨૫ જૂને ભારતીય હવાઈ દળે તેના હેલિકોપ્ટરો દ્વારા પૂરગ્રસ્ત વિસ્તારોમાં ફસાયેલા લોકો માટે ૧૯ ઉડ્ડયન કરીને ૧૫,૦૦૦ ફૂડ પેકેટ્સ ડ્રોપ કર્યા હતા. (તસવીરોઃ સંરક્ષણ મંત્રાલય)
490

અમરેલીમાં હેલિકોપ્ટરથી લોકોને ઉગાર્યા

ગુજરાતના અમરેલી જિલ્લામાં બુધવાર, ૨૪ જૂને પડેલા ભારે વરસાદને લીધે નદીઓમાં પૂર આવતા હાઈવે પર પાણી ફરી વળ્યા હતા. પૂરમાં એક બસ ફસાઈ ગયા બાદ ભારતીય હવાઈ દળના જવાનોએ MI-17 V5 હેલિકોપ્ટરની મદદથી ૪૪ જણને ઉગારી લીધા હતા.

૧૩ ઈંચ વરસાદથી ભાદર છલકાયો

રાજકોટ શહેર તથા આસપાસના વિસ્તારોમાં મંગળવાર, ૨૩ જૂનની રાતે બાર વાગ્યાથી લઈને બુધવારે સવારે ૩ વાગ્યા સુધીમાં ધોધમાર, ૧૩ ઈંચ વરસાદ પડતા અનેક વિસ્તારો જળબંબાકાર થઈ ગયા હતા.
276175

મ.પ્ર. ટુરિઝમ હેન્ડીક્રાફ્ટ્સ પ્રદર્શન

મુંબઈમાં 23 જૂન, 2015ના રોજ મધ્યપ્રદેશ ટુરિઝમ અને હેન્ડીક્રાફ્ટ એક્સિબિશનનું ઉદઘાટન કરવામાં આવ્યું હતું. આ પ્રસંગે વિદ્યા બાલન હાજર રહી હતી. જહાંગીર આર્ટ ગેલેરીમાં આ પ્રદર્શન લોકો માટે ખુલ્લું મૂકવામાં આવ્યું હતું.