પોલીસ આ રીતે તોફાનીઓને શોધી કાઢશે અને એમને જેલમાં મોકલવાની કાર્યવાહી કરશે.

મહિલાઓને સેલફોન પર કે ઈમેલ પર તંગ કરનારાઓને પણ સકંજામાં લેવાની કવાયત શરૂ કરી દીધી છે.

પોલીસે મહિલાઓની સુરક્ષાને ગંભીર મુદ્દો ગણીને મોબાઈલ ફોન પર એક નવું એપ્લિકેશન ડાઉનલોડ કરવાની સુવિધા ઉપલબ્ધ કરાવી છે. જો કોઈ શખ્સ રસ્તે જતી કોઈ સ્ત્રીને તંગ કરતો હોય તો એ સ્ત્રીએ પોતાના મોબાઈલ ફોન પર ડાઉનલોડ પેલા એપ્લિકેશનને ક્લિક કરી દેવી જેથી તે ઘટનાની જાણકારી તરત જ પોલીસ કન્ટ્રોલ રૂમને મળી જશે અને પોલીસો તરત જ ઘટનાસ્થળે પહોંચી જશે.

આવા કેસોમાં તપાસ કરવા માટે ઈન્સ્પેક્ટર કે સબ-ઈન્સ્પેક્ટર મહિલા અધિકારીને સ્પેશિયલ સેલનાં ઈન્ચાર્જ બનાવવામાં આવશે. તેનું કામ પીડિત મહિલાઓને ઝડપથી ન્યાય અપાવવાનું રહેશે.

એમ્પલોઈઝ પ્રોવિડન્ટ ફન્ડ ઓર્ગેનાઈઝેશન (ઈપીએફઓ)ના સેન્ટ્રલ પ્રોવિડન્ટ ફન્ડ કમિશનર અનિલ સ્વરૂપનું કહેવું છે કે નાણાં મંત્રાલયે વર્ષ ૨૦૧૨-૧૩ માટે ૮.૫ ટકા વ્યાજના દરને મંજૂરી આપી છે. આ અમલ તાત્કાલિક રીતે અમલમાં આવશે.

નોટિફિકેશનમાં જણાવાયું છે કે સરકારે મંજૂરી આપી દેતાં ઈપીએફઓ ૮.૫ ટકાના દરે ક્લેમ સેટલ કરશે અને રકમ ધારકોના ખાતામાં જમા કરી દેશે.

ઈપીએફઓની સર્વોચ્ચ નિર્ણયાત્મક સમિતિ, સેન્ટ્રલ બોર્ડ ઓફ ટ્રસ્ટી (સીબીટી)એ ગઈ ૨૫ ફેબ્રુઆરીએ વર્ષ ૨૦૧૨-૧૩ માટે ધારકોને ચૂકવાતા વ્યાજનો દર વધારીને ૮.૫ ટકા કરવાનો નિર્ણય લીધો હતો.

સોના-ચાંદી,મકાન,વાહન વગેરેની ખરીદી જ્યારે સગાઈ, લગ્ન,વાસ્તુ, હવન જેવા ધાર્મિક અને માંગલિક કાર્યો માટે આ દિવસ અતી શુભ માનવામાં આવે છે.આ વખતે અક્ષય તૃતિયાના દિવસે ૨૮ વર્ષ બાદ અદ્દભુત સંયોગ રચાઈ રહ્યો છે. આ વખતે ૨૮ વર્ષ બાદ શનિ પોતાની ઉચ્ચ રાશિમાં ગોચર કરશે.

૧૨મી મેએ સવારે ૧૦.૧૮ વાગ્યાથી અક્ષય તૃતિયાની શરૂઆત થઈ છે,જે ૧૩મી મેની બપોર એટલે કે ૧૨.૪૭ વાગ્યા સુધી ચાલશે. અક્ષય તૃતીયાનો લાભ બે દિવસ લઈ શકાશે. આ દિવસે કરવામાં આવતા તમામ કાર્યોનુ શુભ ફળ મળે છે.પછી તે કાર્યો માંગલિક હોય કે ધાર્મિક.આ દિવસે તમામનું શુભ થાય છે.

કેન્ટૂકી રાજ્યના હેન્ડરસન શહેરમાં હેન્ડરસન ચેંબર ઓફ કોમર્સ તરફથી કિરણ પટેલને આ એવોર્ડ આપવામાં આવ્યો છે.

કિરણ પટેલ ૧૯૯૪માં તેમના પરિવાર સાથે હેન્ડરસનમાં શિફ્ટ થયા હતા. તેમણે એક મોટેલ ખરીદી હતી અને ૨૦૧૧માં હેન્ડરસન હોટેલ બિલ્ડિંગ ખરીદ્યું હતું. એ બિલ્ડિંગનું તેમણે રીનોવેશન કરાવ્યું હતું જે હવે શહેરમાં ‘ધ ગિલ્મોર ઈન’ તરીકે ઓળખાય છે.

કિરણ પટેલે આ એવોર્ડ મેળવવા બદલ ગર્વની લાગણી વ્યક્ત કરી છે.

આ કાર દ્વારા તમે ટ્રાફિકમાં ફસાવવાની જગ્યાએ ઉડીને ઓફિસ અથવા ઘરે સરળતાથી પહોંચી શકો છો. ટ્રાફિક જામમાં ફસાઓ ત્યારે તમારે બસ કારનું ફ્લાઈંગ બટન દબાવવાનું રહેશે અને પછી આ કાર ગણતરીની મિનિટોમાં તમને તમારી મંજિલ સુધી પહોંચાડી દેશે.

ફ્લાઈંગ કારનું સપનું હકિકતનું સ્વરૂપ લઈ ચુક્યું છે. આવનારા ૮થી ૧૦ વર્ષની અંદર આ કાર રસ્તા પર ચાલતી જોવા મળશે. એક અમેરિકન એન્જિનિયરીંગ કંપની ‘ટેરાફુગિયા’એ ચાર સીટવાળી ફ્લાઈંગ કાર ‘ટીએફ-એક્સ’નાં ફોટા જાહેર કર્યા છે.

નવાઈની વાત તો એ છે કે, ફ્લાઈંગ કારને ચલાવવા માટે પાયલોટનાં લાયસન્સની પણ જરૂર નહીં પડે. ‘ન્યૂ યોર્ક ડેલી ન્યૂઝ’નાં રિપોર્ટ પ્રમાણે, કારની ફ્લાઈંગ રેન્જ ૮૦૫ કિ.મીની છે.

વૈજ્ઞાનિકોનો દાવો છે કે, આ કાર ચલાવવું એકદમ સરળ છે, આને ફક્ત પાંચ કલાકમાં જ સીખી શકાશે. કારને કાર્બન ફાઈબર દ્વારા તૈયાર કરાઈ છે. જે વજનમાં ઘણી હલ્કી હશે.

ફેસબુક કંપનીએ યુએસ સિક્યૂરિટીઝ એક્સચેન્જ કમિશનમાં નોંધાવેલા નિવેદનમાં જણાવ્યું છે કે ભારતમાં યુઝર કાઉન્ટ સતત વધી રહ્યું હોવાથી વિશ્વસ્તરે ફેસબુકને સૌથી મોટી સોશ્યલ નેટવર્કિંગ સાઈટ બનવામાં બળ પ્રાપ્ત થયું છે. ૨૦૧૩માં જાન્યુઆરી-માર્ચના પહેલા ક્વાર્ટરમાં ભારતમાં યુઝર બેઝનું વિસ્તરણ થયું છે. ગઈ ૩૧ માર્ચના રોજ મન્થલી એક્ટિવ યુઝર્સના આંકમાં ૧.૧૧ અબજનો વધારો થયો છે.

સલમાન ખાન - એને છેવટે આઝાદી આ રીતે મળી. અમે સૌએ ઘણા પ્રયાસો કર્યા હતા, પણ એ પૂરતા નહોતા. ઈશ્વર એના પરિવારજનોને આ દુઃખ સહન કરવાની શક્તિ આપે અને તેના આત્માને શાંતિ આપે.

મધુર ભંડારકર - પાકિસ્તાને સરબજીતને અગાઉ ભારત મોકલી દેવાની જરૂર હતી. સરબજીત સિંહના પરિવાર માટે મને સહાનુભૂતિ છે. લાંબા સમય સુધી આશા રાખ્યા બાદ તેમને અંતે દુઃખ જ મળ્યું. તેનું મોત સંકુચિત મનવાળા રાજકારણ માટે યાદ રહી જશે.

મહેશ ભટ્ટ - સરબજીત સિંહના મોતે ભારત-પાકિસ્તાન વચ્ચેના સંબંધને ખાડામાં ધકેલી દીધો છે. પાકિસ્તાનના સભ્ય સમાજે તેમની સરકાર માનવીય રીતે કામ કરે એ માટે તેની પર દબાણ લાવવું જોઈએ.

જાવેદ અખ્તર - કોઈક દિવસે હું કારગીલ યુદ્ધને ભૂલી જઈશ, પણ સરબજીતની હત્યાને ક્યારેય ભૂલી નહીં શકું. આ બધું સંકુચિત મનવાળા રાજકારણનું પરિણામ છે.

સોફી ચૌધરી - ઈશ્વર સરબજીતના આત્માને શાંતિ આપે. તેના પરિવારજનો માટે હું પ્રાર્થના કરું છું. ધિક્કારની લાગણીએ કદાચ તેને મારી નાખ્યો છે, પણ સરકારી બાબુશાહીએ એને મરવા દીધો.

સોનમ કપૂર - એક ભારતીય તરીકે મને એવી લાગણી થાય છે કે જાણે મારી સાથે દગો થયો છે.

આદેશ શ્રીવાસ્તવ - સરબજીતના મોત માટે પાકિસ્તાન જેટલી જ જવાબદાર આપણી સરકાર પણ છે. બહુ દુઃખ અને શરમની વાત છે.

ફરહાન અખ્તર - સરબજીતના મોત દ્વારા પાકિસ્તાને પોતાને દિલ વગરના વિલન તરીકે સ્થાપિત કર્યું છે.

આખરે ૧ મે, ૧૯૬૦નાં રોજ ડૉ.જીવરાજ મહેતાએ ગાંધીઆશ્રમનાં પ્રાંગણમાં ગુજરાતનાં પ્રથમ મુખ્ય પ્રધાન તરીકેનાં સોગંદ લીધા. તેમણે ૧૯૬૦થી ૧૯મી સપ્‍ટેમ્‍બર ૧૯૬૩ સુધી શાસન કર્યું. પરંતુ ૭૦નાં દાયકાનાં પાછલા ભાગમાં કટોકટી દરમ્યાન કોંગ્રેસની લોકમતમાં પડતી થઇ અને ભાજપ ધીમે ધીમે આગળ આવ્યું. તે છતાં ૧૯૯૫ સુધી કોંગ્રસનું રાજ ગુજરાતમાં ચાલ્યું.

Picture 1 of 11

Next

Previous

૧મે, ૧૯૬૦: ગુજરાતનાં પ્રથમ મુખ્ય પ્રધાન તરીકે ડૉ.જીવરાજ મહેતાની શપથવિધિ.

૧૯૯૫ની ચુંટણીમાં કોંગ્રેસ સામે ભાજપનો વિજય થયો અને કેશુભાઈ પટેલ મુખ્ય પ્રધાન બન્યાં. પરંતુ શંકરસિંહ વાઘેલાનાં બંડને કારણે આ સરકાર ફક્ત બે વર્ષ ચાલી. ૧૯૯૮ની ચુંટણીમાં ભાજપ ફરી સત્તા પર આવ્યો અને ત્યારથી લઈને આજ સુધી તે મોટા ભાગની ચૂંટણીઓ જીતતો આવ્યો છે. કેશુભાઈએ રાજીનામું આપ્યું અને સત્તાનો દોર નરેન્દ્ર મોદીનાં હાથમાં આવ્યો જે હિંદુત્વના સમર્થક નેતા છે.

વર્ષ ૨૦૦૨માં જ્યારે આખા ગુજરાતમાં હિન્દુ અને મુસ્લિમો વચ્ચે ગોધરાકાંડને પગલે તોફાનો ફાટી નીકળ્યા હતા ત્યારે મોદીએ રાજીનામું આપ્યું હતું પણ ડિસેમ્બર ૨૦૦૨માં થયેલી ચૂંટણીમાં ફરીથી ભાજપ વિજેતા બન્યો અને મોદીની નિમણૂંક મુખ્ય પ્રધાન તરીકે થઇ. ત્યારથી તે ગુજરાતના મુખ્ય પ્રધાન પદ પર બિરાજમાન છે. ૧ જુન, ૨૦૦૭ ના રોજ નરેન્દ્ર મોદી ગુજરાતમાં સૌથી લાંબી મુદત સુધી શાસન કરનાર મુખ્‍ય પ્રધાન બન્‍યા અને પછી ૨૦૧૨ની વિધાનસભા ચૂંટણીમાં તેમણે ફરી વિજય પતાકા લહેરાવી.

શૈલેન્દ્ર રોય નામના તે માણસે ૨૦૧૨ના સપ્ટેંબરમાં પોતાની ચોટલી વડે ૪૧-ટનના એક રેલવે એન્જિન તથા ચાર ડબ્બા ખેંચ્યા બાદ વર્લ્ડ રેકોર્ડ નોંધાવ્યો હતો. તેનું નામ ગિનેસ બુક ઓફ વર્લ્ડ રેકોર્ડ્સમાં સામેલ કરવામાં આવ્યું હતું. પરંતુ, પોતાનો એ જ રેકોર્ડ તોડવાના પ્રયાસમાં એણે રવિવારે હજારો લોકોની નજર સામે પોતાનો જાન ગુમાવ્યો હતો.

તિસ્તા નદી પાર કરવા માટે એણે તેના માથાની ચોટલી સાથે લોખંડનો જે ૬૦૦ ફૂટ લાંબો ઝીપ વાયર બાંધ્યો હતો તે સ્ટન્ટના અધવચ્ચે ઢીલો પડી ગયો હતો અને તેના ગળા ફરતે વીંટળાઈ ગયો હતો. હોમ ગાર્ડ તરીકે સેવા બજાવનાર ૪૯ વર્ષના રોયે એ વાયરને પોતાની ગરદન પરથી દૂર કરવા પ્રયાસ કર્યો હતો, પણ તેમાં સફળ થયો નહોતો. એ અધવચ્ચે જ લગભગ અડધો કલાક સુધી લટકી ગયો હતો. લોકોએ આશ્ચર્ય અને આઘાત વચ્ચે તે દ્રશ્ય જોયું હતું. છેવટે રોયને નીચે ઉતારવામાં આવ્યો હતો.

એને સિલિગુડી જિલ્લા હોસ્પિટલમાં લઈ જવામાં આવ્યો હતો જ્યાં ડોક્ટરોએ તેને મૃત લાવેલો ઘોષિત કર્યો હતો.

પ્રાથમિક તપાસ પરથી જાણવા મળ્યું હતું કે રોયનું મરણ હૃદયરોગના હુમલાને કારણે થયું હતું.

રોયે ૪૦ ટકા જેટલી નદી પાર કરી લીધી હતી, પણ ત્યારબાદ વાયર તેના ગળામાં ફસાઈ ગયો હતો. તેનો સ્ટન્ટ જોવા માટે બ્રિજ પર એકઠા થયેલા અનેક લોકો નિઃસહાય બનીને તેને મૃત્યુના મુખમાં જતો જોઈ રહ્યા હતા.

તે ૨૦૧૧ની ૧ માર્ચે આ જ રીતે રાજસ્થાનમાં નીમરાના ફોર્ટ પેલેસમાં સ્ટન્ટ કરવામાં સફળ રહ્યો હતો. ત્યારે એણે ગિનેસ બુકમાં સ્થાન મેળવ્યું હતું અને પોતાનો એ રેકોર્ડ તોડવા માટે એણે રવિવારે સાહસ ખેડ્યું હતું.

રૂ. ૩૦૫.૩૯ કરોડના દાનમાં રૂ. ૧૦ કરોડ ૨૨ દેશોની વિદેશી કરન્સીના રૂપમાં હતા.

મંદિરને સોના, ચાંદી અને હિરાના રૂપમાં રૂ. ૧૫.૫૪ કરોડનું દાન પ્રાપ્ત થયું છે. બાકીનું દાન ચેક, ડિમાન્ડ ડ્રાફ્ટ, મની ઓર્ડર કે કેશ-રિસીટ કાઉન્ટર્સના રૂપમાં મળ્યું છે.

વર્ષ ૨૦૧૨-૧૩ના અંતે મંદિર ટ્રસ્ટ પાસે રાષ્ટ્રીયકૃત બેન્કોમાં રૂ. ૮૬૦ કરોડની ફિક્સ્ટ ડિપોઝીટ, ૩૦૦ કિ.ગ્રા. સોનું અને ૩૦૦૦ કિ.ગ્રા. ચાંદી હતી.

ન્યાયમૂર્તિઓ બી.ડી. એહમદ અને વિભૂ બખરુની ડિવિઝનલ બેન્ચે અમેરિકાસ્થિત ફેસબુક ઈન્કોર્પોરેશન અને ગૂગલ ઈન્કોર્પોરેશનને પણ નોટિસ મોકલી છે. કોર્ટે આ બંને કંપનીને કહ્યું છે કે તેઓ નોટિસનો જવાબ આપે, કારણ કે અમને એક અરજી મળી છે કે ૧૮ વર્ષથી નીચેની વયના બાળકોને આ સોશ્યલ નેટવર્ક સાઈટ્સ સાથે એકાઉન્ટ ખોલતા રોકવા કોર્ટ આવી સાઈટ્સને આદેશ આપે.

કોર્ટે એવી અરજી પર સુનાવણી કરી રહી છે જેમાં જણાવાયું છે કે ૧૮ વર્ષની નીચેની વયનાં બાળકોને ફેસબુક જેવી સોશ્યલ નેટવર્કિંગ સાઈટ્સમાં એકાઉન્ટ ખોલવા દેવામાં આવે તે ગેરકાયદેસર છે, કારણ કે ભારતના કાયદા આ માટેની પરવાનગી આપતા નથી.

ન્યાયાધીશોની બેન્ચે કહ્યું છે કે, ૧૮ વર્ષથી નીચેની વયના બાળકો ફેસબુક જેવી કોઈ સોશ્યલ નેટવર્ક સાઈટ્સ સાથે એગ્રીમેન્ટ કેવી રીતે કરી શકે? અમે કેન્દ્ર સરકારને આદેશ આપીએ છીએ કે તે દસ દિવસની અંદર આ મામલે સોગંદનામું નોંધાવે. અમેરિકાની ફેસબુક અને ગૂગલ કંપનીઓ પણ હવેથી આ કેસમાં પ્રતિવાદી છે. આ બંને પાર્ટીને પણ નોટિસ મોકલાવીએ છીએ.

કોર્ટે આ કેસમાં સુનાવણી માટે હવે ૧૩ મેની તારીખ નક્કી કરી છે.

ઉ.પ્ર.ના એડિશનલ ડિરેક્ટર જનરલ (કાયદો અને વ્યવસ્થા) અરૂણ કુમારે એક સર્ક્યૂલર બહાર પાડ્યો છે જેમાં તેમણે જણાવ્યું છે કે પોલીસોને એવી ફિલ્મો બતાવવી જેમાં પોલીસકર્મીને સુપરમેન જેવો શક્તિશાળી બતાવવામાં આવ્યો હોય. આવી ફિલ્મો જોવાથી પોલીસોને તેમની કામગીરી વધારે સારી રીતે બજાવવાની પ્રેરણા મળશે.

સર્ક્યૂલરમાં એમ પણ જણાવાયું છે કે જનતા એવી આશા રાખતી હોય છે કે પોલીસો એમની ફરજ સારા ઈરાદા સાથે બજાવે.

એડીજીએ તમામ સિનિયર પોલીસ સુપ્રિન્ટેન્ડન્ટ્સને જણાવ્યું છે કે તેઓ પોતપોતાના જિલ્લાઓમાં પોલીસો માટે શોલે, અર્ધ સત્ય, ગંગાજલ જેવી ફિલ્મોના પણ ખાસ શો રાખે. જેમ કે, ‘દબંગ’માં પોલીસકર્મી હિરો ગુંડાતત્વોને મારીને લોકોનો વિશ્વાસ કેવી સરસ રીતે જીતે છે. આવી અમુક ફિલ્મોમાં પોલીસોને ભ્રષ્ટાચારી પણ બતાવવામાં આવ્યા છે એની અરૂણ કુમારે અવગણના કરી છે.

હનુમાનજીનું ચરિત્ર પરમ પવિત્ર અને મધુર તેમજ આદર્શ છે. હનુમાનજીની માતા અંજના દેવી છે. પરંતુ તેઓ ‘શંકર સુવન’ ‘વાયુપુત્ર’ અને ‘કેશરી નંદન’ પણ કહેવાય છે. એટલે કે શિવ,વાયુ અને કેશરી તેમના પિતા છે.

હનુમાનજી ભગવાન શંકરનાં ૧૧મા અવતાર હતા અને બ્રહ્મચારી હતા. કળિયુગમાં હનુમાનજીની ઉપાસના સૌથી શ્રેષ્ઠ ફળ આપનારી માનવામાં આવે છે. હનુમાનજીનું પૂજન દરેક દુઃખોને દૂર કરે છે.

આઈઆઈએમ અમદાવાદ કેમ્પસ સ્થિત સેન્ટર ફોર ઈનોવેશન ઈન્ક્યૂબેશન એન્ડ આંત્રપ્રુનરશિપ કંપનીના માલિક સુમિત દાગરે કહ્યું છે કે અમે વિશ્વના પ્રથમ બ્રેઈલ સ્માર્ટફોનનું સર્જન કર્યું છે. આ પ્રોડક્ટ ઈનોવેટિવ ટચ સ્ક્રીન પર આધારિત છે. તે ટેક્સ્ટને ‘ટચેબલ’ પેટર્નમાં ટ્રાન્સફોર્મ કરે છે.

દસ દિવસથી તડપી રહેલી માંને જોઈને આજુબાજુના લોકોએ પણ પોલીસની ઘણી મદદ કરી. પોલીસે નર્સની ધરપકડ કરી છે, જ્યારે નર્સનાં સાથીદાર અને દલાલની પોલીસ તપાસ કરી રહી છે. પોલીસનાં કહ્યા પ્રમાણે દલાલે કારોબારી સાથે બાળકનો સોદો ફેસબુક પર કર્યો હતો.

પીડિતા નૂરાનાં નિકાહ ૨૦૧૨માં મેરઠમાં શહઝાદ નામનાં વ્યક્તિ સાથે થયા હતા. તલાક બાદ આ વર્ષે ફેબ્રુઆરીમાં તે પોતાનાં પિયરે આવી ત્યારે તે સાત મહિનાની ગર્ભવતી હતી. આઠ એપ્રિલે તેણે હોસ્પિટલમાં પુત્રને જન્મ આપ્યો. જે બાદ દારૂડિયા નાનાએ નર્સ અને તેના સાથી તેમજ દલાલને ફોસલાવીને રૂપિયા ૪૫ હજારમાં સોદો કર્યો. નર્સ અને તેના સાથીદારે બાળકને સાડા ત્રણ લાખ રૂપિયામાં એક વચેટીયા અને અને વચેટીયાએ ફેસબુક ફ્રેન્ડ દ્વારા દિલ્હીનાં એક કારોબારીને બાળક વેચી દીધું.

આ સ્ક્વોડ ગુનાખોરીનો ભોગ બનેલી મહિલાઓને સહાયતા કરવામાં અને ગુનેગારો સામે પોલીસમાં ફરિયાદ નોંધાવવામાં મદદ કરશે.

પંજાબના નાયબ મુખ્ય પ્રધાન સુખબીર સિંહ બાદલ, જે ગૃહ ખાતું પણ સંભાળે છે, તેમણે મહિલાઓની કમાન્ડો સ્ક્વોડની કામગીરીનો શુભારંભ કરાવ્યો છે. આ સ્ક્વોડની રચના રાજ્યના તમામ મહાનગરપાલિકા શહેરો તથા અન્ય મોટા શહેરોમાં પણ કરવામાં આવી છે.

બાદલે કહ્યું છે કે ત્રણ મહિનામાં રાજ્યના તમામ શહેરોમાં આ મહિલા કમાન્ડો સ્ક્વોડની રચના કરાશે.

મહિલાઓની હેલ્પલાઈનને કોઈ પણ ફરિયાદ મળશે કે તરત જ મોબાઈલ ટીમ અને પીસીઆરના જવાનો તત્કાળ પગલાં લેશે. મહિલાઓની કોલેજો, શાળાઓ, કન્યાઓની હોસ્ટેલો, કામકાજી મહિલાઓની હોસ્ટેલો, મોટી બજારો, શોપિંગ મોલ્સ, થિયેટરો તથા અન્ય સંવેદનશીલ સ્થળોએ આ મોબાઈલ ટૂકડીઓને તહેનાત કરવામાં આવશે.

જયારે સમાજમાં સત્‍ય ઉપર અસત્‍ય, પ્રમાણિકતા ઉપર અપ્રમાણિકતા, સદાચાર ઉપર દુરાચાર અને ઋષિ સંસ્‍કૃતિ ઉપર દૈત્‍ય શકિતઓ હાવી થવા લાગી ત્‍યારે શ્રી રામે તેમને પરાસ્‍ત કરવા માટે જન્‍મ લીધો. તે સમય હતો બપોરના બાર વાગ્‍યાનો અને તીથિ હતી ચૈત્ર સુદ નવમી. શ્રી રામના આ જન્‍મ દિવસને ઉત્તર થી દક્ષિ‍ણ અને પૂર્વથી પશ્ચિમ સુધી બધા રામનવમી તરીકે આજે પણ ધામધુમથી ઉજવે છે. આ રામનવમી માત્ર શ્રી રામના જીવનની જ નહી પણ એક એવા પુત્રની શરુઆત થયાની આપણને યાદ અપાવે છે, જેમાં એક વ્‍યકિતએ પિતા, માતા, ગુરુ, પત્ની, નાનાભાઈ પ્રત્‍યેની ફરજો ઉપરાંત કુટુંબ તેમજ સમાજ પ્રત્‍યેની ફરજો નિષ્‍ઠાપૂર્વક બજાવવા સાથે પણ એક મર્યાદા પુરુષોત્‍તમ સાથે એક પૂર્ણ પુરુષનું અજરમાન જીવન વ્‍યતીત કર્યુ.

આ રામનવમીના પાવન દિવસે સંવત ૧૮૩૭માં અયોધ્યા પાસેના છપિયા ગામમાં રાત્રે ૧૦-૧૦ કલાકે ભગવાન સ્વામિનારાયણનું પ્રાગટ્ય થયું હતું. આથી જ આ દિવસે સ્વામિનારાયણ સંપ્રદાયના દેશ વિદેશના મંદિરોમાં એમનો જન્મોત્સવનો ઉત્સવ ખુબ જ ધામધુમથી ઉજવવામાં આવે છે.

તે ડબલ ધડાકાઓમાં ત્રણ જણ માર્યા ગયા હતા અને ૧૮૦ જેટલા ઘાયલ થયા છે.

લોકોની વાહ-વાહ મેળવનાર ડોક્ટર છે, ડો. વિવેક શાહ, જે બોસ્ટનમાં ન્યૂ ઈંગ્લેન્ડ બેપ્ટિસ્ટ હોસ્પિટલમાં કામ કરે છે. એ પોતે મેરેથોનમાં જોડાયા હતા અને ફિનિશ લાઈન પાર કરવાની તૈયારીમાં જ હતા ત્યાં ધડાકા થયા હતા.

ડો. શાહ તથા એમના સાથીઓએ મોટો અવાજ સાંભળ્યો હતો, પણ ખરેખર શું બન્યું છે એની તેમને તત્કાળ સમજ પડી નહોતી. તેથી એમણે તો ફિનિશ લાઈન તરફ આગળ વધવાનું ચાલુ રાખ્યું હતું. તે પછી બીજો ધડાકો થયો હતો.

ડો. શાહને એક ન્યૂઝ વેબસાઈટે એવું કહેતા ટાંક્યા છે કે, બધા રનર્સ અને દર્શકોએ ફિનિશ લાઈન છોડીને અમારી તરફ દોડવાનું શરૂ કર્યું હતું. મારી પત્ની, મારી પુત્રી, મારાં માતા-પિતા અને મારી બહેન, એમ મારાં તમામ પરિવારજનો ફિનિશ લાઈન પર પહોંચી ચૂક્યા હતા. તેથી ધડાકો સાંભળ્યા બાદ મેં પણ એમની તરફ દોટ મૂકી.

શાહે કહ્યું, મેં ભયાનક દ્રશ્યો જોયા જેમાં કોઈકનો એક પગ ઉડી ગયો હતો તો કોઈકના બંને પગ. દરેક જણ આઘાતજનક હાલતમાં હતા. તમામ ઈજાગ્રસ્તો ભયગ્રસ્ત હતા. મેં એક જ સ્થળે આટલા મોટા પાયે ઈજાઓ થયેલી અગાઉ ક્યારેય જોઈ નહોતી.

‘મેં જેને જરૂર લાગી તેને તાકીદની સારવાર આપી. મિનિટની અંદર જ ઈમરજન્સી ફિઝિશન્સ ઘટનાસ્થળે દોડી આવ્યા હતા અને પ્રત્યેક કમનસીબ વ્યક્તિની સારવાર શરૂ કરી દીધી હતી.’

અહેવાલમાં જણાવાયું છે કે દુનિયામાં એક અબજ ૨૦ લાખ લોકો હજી પણ અત્યંત ગરીબ અવસ્થામાં જીવે છે.

વિકાસશીલ દેશોમાં લોકોની વસ્તીમાં ૫૯ ટકાનો વધારો થયો હોવાની પણ આ અહેવાલમાં નોંધ લેવામાં આવી છે.

સાઉથ વેસ્ટ ડિસ્ટ્રીક્ટ કન્ઝ્યૂમર ડિસ્પ્યૂટ્સ રીડ્રેસલ ફોરમે પોતાના ચુકાદામાં કહ્યું છે કે સામાન ગુમાઈ જવાથી તે મુસાફરને મિલાનમાં પોતાને માટે તેમજ એમના પત્નીનાં રોકાણ માટે રોજેરોજના ઉપયોગ માટેની ચીજવસ્તુઓ ઘણી ઊંચી કિંમતે ખરીદવી પડી હતી. તેથી તે વળતર મેળવવાને હકદાર છે.

નરેન્દ્ર કુમારની આગેવાની હેઠળના ગ્રાહક પંચે બ્રિટિશ એરવેઝને આદેશ આપ્યો છે કે તે દિલ્હીના રહેવાસી બલરાજ તનેજાને મિલાનમાં થયેલા ખર્ચ પેટે રૂ. ૫૦,૦૦૦ ચૂકવે અને વળતર પેટે તેમજ કાનૂની ખર્ચ પેટે બીજાં રૂ. ૪૦,૦૦૦ ચૂકવે.

તનેજાએ પોતાની ફરિયાદમાં કહેલું કે એમણે દિલ્હીથી મિલાન માટે પોતાની અને એમના પત્ની માટેની ટિકિટો બુક કરાવી હતી. ‘જ્યારે અમે એરપોર્ટ પર પહોંચ્યા ત્યારે ખબર પડી કે અમારો સામાન ગૂમ થયો છે. અમારે મિલાન ઉતરીને ખૂબ ઊંચી કિંમતે અમારી રોજિંદી ચીજવસ્તુઓ ખરીદવી પડી હતી.

લગભગ એક મહિના બાદ, તનેજાના સામાનની એક એમને પાછી મોકલવામાં આવી હતી, પણ નુકસાન થયેલી હાલતમાં. બીજી બેગ તો ક્યારેય મળી જ નથી.

બ્રિટિશ એરવેઝે આ ક્લેમનો વિરોધ કર્યો છે અને કહ્યું છે કે તેની લાયેબિલિટી હેગ પ્રોટોકોલ અને વોર્સો કન્વેન્શન ઓન એર કેરેજિસ અંતર્ગત રહેલી છે અને આ આંતરરાષ્ટ્રીય કાયદાઓમાં સેવામાં બેદરકારીના મુદ્દાને આવરી લેવામાં આવ્યો નથી.

આ ઈવીએમની ખાસીયત એ છે કે, મતદાન સમયે બટન દબાવતી વખતે જ તમે જે ઉમેદવારને વોટ આપવા માંગો છો તેનો ચહેરો સામે આવી જશે જેથી મતદાતા એ સમયે જોઈ શકશે કે તેઓ જે ઉમેદવારને વોટ આપી રહ્યા છે તે કોણ છે.

આ વોટ આપ્યા બાદ એક કાગળ પણ બહાર આવશે જેમાં છાપેલું હશે કે તેમણે કોને વોટ આપ્યો છે. પરંતુ આ કાગળને ત્યાં જ એક બોક્સમાં રાખી દેવામાં આવશે અને તે મતદાતાને નહીં આપવામાં આવે. જો કે ચૂંટણી પંચે હજુ સુધી એ નથી જણાવ્યું કે, ક્યાં સુધીમાં આ મશીનનો ઉપયોગ કરી શકાશે.

મોદીએ પોતાના સંબોધનમાં અમદાવાદના ઉદ્યોગસાહસી મહિલા જશુબેનનો ઉલ્લેખ કર્યો હતો જેમણે પોતાનાં પિઝ્ઝા બનાવીને વિદેશી આઉટલેટ પિઝ્ઝા હટને ટક્કર આપી હતી.

જશુબેને પોતાની સ્ટાઈલનાં પિઝ્ઝા બનાવીને પિઝ્ઝા હટની બાજુમાં જ પોતાની દુકાન શરૂ કરી હતી. લોકો પિઝ્ઝા હટ નહીં, પણ જશુબેનનાં પિઝ્ઝા તરફ આકર્ષિત થયા હતા.

મોદીએ મિડિયાને ટોણો મારતાં કહ્યું કે હવે મેં જ્યારે જશુબેનની વાત કહી છે ત્યારે મિડિયાવાળાઓ જશુબેનને શોધવા જશે કે ક્યાંક એ કલાવતી જેવા તો નથીને. પણ જશુબેનનું પાંચ વર્ષ પહેલાં અવસાન થઈ ગયું છે, પરંતુ એમનાં અવસાન બાદ પણ તેમના પિઝ્ઝાનું વેચાણ બંધ થયું નથી. તેમનાં પુત્રો એ દુકાન ચલાવે છે.

રાત્રીના સમયે ઊંઘ દરમિયાન અજાગ્રત મનમાં ઉદ્દભવતા તરંગોને ડિકોડ કરવામાં સફળતા મળી હોવાનો દાવો જાપાની સંશોધકોએ કર્યો છે. તેમનું કહેવું છે કે દુનિયામાં આ પહેલાં કોઈ વિજ્ઞાનીએ આવી સફળતા મેળવી નથી.

પશ્ચિમ જાપાનના ક્યોતો શહેરની એટીઆર કમ્પ્યુટેશનલ ન્યુરોસાયન્સ લેબોરેટરીઝના વિજ્ઞાનીઓએ મેગ્નેટિક રીઝોનન્સ ઈમેજિંગ સ્કેનનો ઉપયોગ કરીને એ શોધી કાઢ્યું છે કે માનવી નિંદરમાં હોય ત્યારે એના મગજનો ચોક્કસ કયો ભાગ સક્રિય હોય છે.

રવિવારે પોતાના હોમપેજ પર મૂકેલી 3.32 મિનિટની એક વિડિયોમાં યૂટ્યૂબના પ્રતિનિધિઓએ જાહેરાત કરી હતી કે, આ સાઈટ સર્વશ્રેષ્ઠ વિડિયોની શોધ માટે આઠ-વર્ષની એક સ્પર્ધાનો માત્ર એક હિસ્સો જ હતી.

યૂટ્યૂબના પ્રતિનિધિઓએ એમ પણ કહ્યું છે કે, હવે વિજેતાઓની પસંદગી કરવાનો સમય આવી ગયો છે. સર્વશ્રેષ્ઠ વિડિયોની ઘોષણા વર્ષ ૨૦૨૩માં કરવામાં આવશે.

જે લોકો સ્મોક કરતા હોય એમને કોઈ ટ્રીટમેન્ટની જરૂર લાગે તો એમને મેન્ટલ હેલ્થ સર્વિસીસમાં જઈ સહાયતા લેવાનું ડોક્ટરોએ નિયમિત રીતે સૂચવતા રહેવું જોઈએ.

બ્રિટિશ લન્ગ ફાઉન્ડેશને આ ભલામણ કરી છે. જાહેર આરોગ્ય સાથે સંકળાયેલા રોયલ કોલેજ ઓફ ફિઝિશ્યન્સ એન્ડ રોયલ કોલેજ ઓફ સાઈકિયાટ્રિસ્ટ્સ દ્વારા હાલમાં પ્રકાશિત કરાયેલા એક મહત્વના અહેવાલ, ‘સ્મોકિંગ એન્ડ મેન્ટલ હેલ્થ’vs પગલે નિષ્ણાતોએ ઉપર મુજબ ભલામણ કરી છે.

બ્રિટનમાં સિગારેટ ફૂંકતા દર ત્રણમાંની એક વ્યક્તિ કોઈ માનસિક વ્યાધિથી પીડાતી હોવાનું એક સ્ટડીમાં બહાર આવ્યું છે.

પ્રતિષ્ઠિત ગણાતા ગ્લોબલ ફાઈનાન્સિયલ સેન્ટર્સ ઈન્ડેક્સમાં દુનિયાભરના ૭૯ ફાઈનાન્સિયલ સેન્ટર માટે રેટિંગ્સ અને રેન્કિંગ્સ આપવામાં આવ્યા છે. આમાં મુંબઈ ૬૬મા નંબરે છે. ગયા વર્ષ કરતાં એ ત્રણ સ્થાન નીચે ઉતરી ગયું છે. અગાઉ તે ૬૩મા નંબર પર હતું.

આ યાદીમાં મુંબઈ ભારતનું એકમાત્ર શહેર છે.

યાદીમાં પહેલું સ્થાન લંડને મેળવ્યું છે. બીજા નંબર પર ન્યૂ યોર્ક, ત્રીજે હોંગ કોંગ અને ચોથે સિંગાપોર છે.

ટોપ-ટેનમાં અન્ય શહેરો છે ઝુરીક (પાંચ), ટોકિયો (૬), જિનેવા (૭), બોસ્ટન (૮), સોલ (૯) અને ફ્રેન્કફર્ટ (૧૦).

હિન્દુજા બંધુએ સ્ટીલ ઉદ્યોગના માંધાતા લક્ષ્મી મિત્તલને પાછળ રાખી દીધા છે.

હિન્દુજા બંધુની સંપત્તિ ગયા વર્ષની સરખામણીએ ત્રણ અબજ પાઉન્ડ વધીને ૧૨.૫ અબજ પાઉન્ડ (૧,૦૩૨ અબજ રૂપિયા) થઈ ગઈ છે. બીજી બાજુ, સ્ટીલની માગણી ઘટી જવાથી આર્સેલર મિત્તલનાં ચેરમેન અને સીઈઓ લક્ષ્મીની કુલ સંપત્તિ ઘટીને ૧૧ અબજ પાઉન્ડ થઈ છે. ગયા વર્ષે એમની સંપત્તિ ૧૩.૫ અબજ પાઉન્ડ હતી.

શ્રીમંત એશિયન લોકોની યાદીમાં ભારતીય મૂળના લોર્ડ સ્વરાજ પૌલ ૯૫મા નંબર પર છે. તેમની સંપત્તિ ગયા વર્ષની સરખામણીએ ૧૭ કરોડ પાઉન્ડ વધીને ૮૪.૫ કરોડ થઈ છે.

હિન્દુજા ગ્રુપે ૧.૧ અબજ પાઉન્ડની રકમ કેમિકલ બિઝનેસ સાથે સંકળાયેલા હૉટન ગ્રુપને ખરીદવા માટે વાપરી છે. હિ્નદુજા ગ્રુપની ભારત સહિત ૧૦ દેશોમાં ૧૨ મેન્યુફેક્ચરિંગ યુનિટ છે.

હિન્દુજા ગ્રુપ ભારત અને બ્રિટન વચ્ચે સંબંધોને ગાઢ બનાવવા માટે પણ પ્રયત્નશીલ રહે છે. ગ્રુપની ઈન્ડસઈન્ડ બેન્ક ભારતમાં બેન્કિંગ બિઝનેસ કરે છે.

ભારતનાં પાડોશી દેશોની વાત કરીએ તો…

• શ્રીલંકા ૭૪મા સ્થાને
• નેપાળ ૧૧૨મા સ્થાને
• પાકિસ્તાન ૧૨૨મા સ્થાને
• બાંગ્લાદેશ ૧૨૩મા સ્થાને

આ અભ્યાસ ૧૪ પરિણામો પર આધારિત હતો. અભ્યાસમાં જે નીતિ-નિયમોનો ઉપયોગ કરાયો છે તે મુજબ વાતાવરણ, સલામતી અને સુરક્ષા, આરોગ્ય અને સ્વચ્છતા, મુસાફરી, એરપોર્ટ ઈન્ફ્રાસ્ટ્રક્ચર, જમીન પરિવહન માળખા, ટુરિઝમ ઈન્ફ્રાસ્ટ્રક્ચર વગેરે સુવિધાઓ પર ખાસ ધ્યાન રાખવામાં આવ્યું હતું.

સ્વિત્ઝરલેન્ડ, જર્મની, ઓસ્ટ્રિયા, સ્પેન, યુકે, યુએસ, ફ્રાન્સ, કેનેડા, સ્વિડન અને સિંગાપોર પ્રવાસન ક્ષેત્રે પ્રથમ દસ દેશો છે.

રિપોર્ટમાં કહેવાયું છે કે પાકિસ્તાન દ્વારા ચીનમાંથી ભારે પ્રમાણમાં હથિયારોની ખરીદી કરાયા બાદ ચીન આ યાદીમાં પાંચમાં નંબરે આવી ગયું છે. ૨૦૦૮થી ૨૦૧૨ની વચ્ચે અમેરિકા, રશિયા, જર્મની, ફ્રાંસ અને ચીન દુનિયામાં પરંપરાગત હથિયાર વેચનારા પાંચ સૌથી મોટા દેશ હતા. હાલમાં દુનિયામાં હથિયારોને પાંચ સૌથી મોટા આયાત કરતા દેશમાં ભારત, ચીન, પાકિસ્તાન, દક્ષિણ કોરિયા અને સિંગાપુર છે.

સિપરીનાં રિપોર્ટ પ્રમાણે આંકડા પર નજર કરીએ તો ભારત ચીનની સરખામણીએ ૧૦૦ ટકા કરતા પણ વધારે હથિયારો આયાત કરે છે. ભારતે ૨૦૦૫-૨૦૦૭ દરમિયાન જેટલા હથિયારો ખરીદ્યા હતા તેના અંદાજે ૫૯ ટકા વધુ હથિયારો ૨૦૦૮-૨૦૧૨માં ખરીદ્યા છે.

વર્ષ ૨૦૮-૨૦૧૨ દરમિયાન ભારતે રશિયા પાસેથી ૧૦૦થી વધારે સુખોઈ- ૩૦એમકેઆઈ જેટ ફાઈટર વિમાન, ૫૦ ઈએચઆઈ એયરબોર્ન અર્લી વોર્નિંગ એયરક્રાફ્ટ, પરમાણુ સબમરીન અને અમેરિકાથી ૮ એટી સબમરીન એયરક્રાફ્ટ આયાત કર્યા છે.

દિલ્હી સ્ટેટ કન્ઝ્યૂમર કમિશને જાપાન એરલાઈન્સને આ આદેશ આપ્યો છે.

સ્ટેટ કમિશને કહ્યું છે કે એરલાઈન્સે સેવામાં બેદરકારી બતાવી છે. વળી, દંપતિએ તેમને ખોટું ભોજન પીરસાયું હોવા વિશેની ફરિયાદ કરી હોવા છતાં કેબિન ક્રૂએ તેના રિપોર્ટમાં એનો ઉલ્લેખ નહોતો કર્યો.

દંપતિએ જેવું ખાવાનું શરૂ કર્યું કે તરત એમને ભોજનમાં કંઈક ખોટું થયું હોવાનું માલૂમ પડ્યું હતું. તેમને બેચેની લાગવાનું શરૂ થયું હતું. જે એરહોસ્ટેસે તેમને ફૂડ પીરસ્યું હતું એને તેમણે બોલાવી હતી. તે એરહોસ્ટેસે કબૂલ પણ કર્યું હતું કે એને ભૂલમાં માંસાહારી ભોજન પીરસાઈ ગયું છે.

કમિશનનાં સભ્યો એસ.એ. સિદ્દીકી અને એસ.સી. જૈને કહ્યું કે, કેબિન ક્રૂને ભૂલ જાણ કરવામાં આવી નહોતી એવી એરલાઈનની દલીલ ખોટી છે. વિમાન સફર દરમિયાન જે કંઈ બને તેની જાણ કરવાની કેબિન ક્રૂની ફરજ છે. આ સ્પષ્ટપણે બેદરકારીનો કેસ છે.

પંચે દિલ્હીવાસી દંપતિ એન.આર. આહુજા અને તેમના પત્ની કરૂણા આહુજાને રૂ. ૩૫,૦૦૦ ચૂકવવાનો જાપાન એરલાઈન્સને આદેશ આપ્યો છે.

એરલાઈન્સે એવી દલીલ કરી હતી કે દંપતિની પુત્રીએ ફોન કરીને સૂચના આપી હતી કે તેનાં માતા-પિતાને નોન-વેજ ફૂડ પીરસવું.

જોકે પંચે એરલાઈન્સની દલીલને ફગાવી દીધી હતી.

સત્તા મળ્યાં બાદ સોનિયાએ વડા પ્રધાનનાં પદનો અસ્વિકાર કર્યો અને અર્થશાસ્ત્રીથી નેતા બનેલા મનમોહન સિંહનું નામ દેશનાં વડા પ્રધાન તરીકે આગળ કર્યું. આમ તો સોનિયા ગાંધીએ માર્ચ ૧૯૯૮માં કોંગ્રેસની કમાન પોતાનાં હાથમાં સંભાળી હતી. આ જ વર્ષ દરમિયાન લોકસભા ચૂંટણીમાં પક્ષનું પ્રદર્શન ખુબ જ ખરાબ રહ્યું અને (સ્વ.નેતા) સીતારામ કેસરીને કોંગ્રેસનાં પ્રમુખ પદ પરથી હટવું પડ્યું હતું.

વર્ષ ૧૯૯૮માં કોંગ્રેસ પક્ષ ખુબ જ ખરાબ સમયમાંથી પસાર થઈ રહ્યો હતો અને અમુક જ રાજ્યોમાં તેઓ સત્તા સ્થાને હતા. સોનિયા ત્યારથી આ પદ પર સર્વ સંમતિ સાથે વગર વિરોધે ચૂંટાતા રહ્યા.

કોંગ્રેસ પ્રમુખનાં રૂપમાં સોનિયા ગાંધીનો આ ચોથું વર્ષ છે. આ માટે તેઓ ૨૦૧૦માં કોંગ્રેસ પ્રમુખ તરીકે ચૂંટાયા હતા. સોનિયાનો કાર્યકાળ વર્ષ ૨૦૧૫માં પુરો થઈ રહ્યો છે. હકિકતમાં પાર્ટીનાં સંવિધાનમાં ફેરફાર કરાયો છે જે પ્રમાણે હવે ત્રણ વર્ષની જગ્યાએ પાંચ વર્ષ સુધી આ પદ પર રહી શકાય છે.

એરપોર્ટ્સની કામગીરી પર દેખરેખ રાખતી એક વૈશ્વિક સંસ્થા, એરપોર્ટ્સ કાઉન્સિલ ઈન્ટરનેશનલે દિલ્હીનાં ઈન્દિરા ગાંધી ઈન્ટરનેશનલ એરપોર્ટને દક્ષિણ કોરિયાનાં સોલ શહેરના ઈન્ચીઓન એરપોર્ટ બાદ બીજો નંબર આપ્યો છે. વર્ષ ૨૦૧૨માં ૨.૫ કરોડથી-૪ કરોડ જેટલા મુસાફરોને ગુણવત્તાસભર સેવા પૂરી પાડવાની કેટેગરીમાં દિલ્હીને આ બહુમાન મળ્યું છે.

આ જ કેટેગરીમાં મુંબઈના છત્રપતિ શિવાજી ઈન્ટરનેશનલ એરપોર્ટને ત્રીજું સ્થાન મળ્યું છે.

સર્વિસ ક્વૉલિટી કેટેગરીમાં હૈદરાબાદના રાજીવ ગાંધી ઈન્ટરનેશનલ એરપોર્ટે બીજું સ્થાન મેળવ્યું છે. આ કેટેગરીમાં પહેલું સ્થાન મેળવ્યું છે જાપાનના નાગોયા એરપોર્ટે.

એશિયા-પેસિફીક રીજનમાં, દિલ્હી એરપોર્ટે બેસ્ટ એરપોર્ટ્સ બાય રીજન કેટેગરીમાં ચોથો નંબર મેળવ્યો છે.

પાકિસ્તાનમાંથી આ ષડયંત્ર રચવામાં આવ્યું હતું. ૬ ડિસેમ્બર ૧૯૯૨એ બાબરી ધ્વંસ બાદ થયેલા રમખાણોમાં સોનાની દાણચોરી કરનારા ટાઈગર મેમણનો બિઝનેસ નષ્ટ થઈ ગયો હતો. મેમણે આ બદલો લેવા બોમ્બ વિસ્ફોટની તૈયારી કરી. આ ષડયંત્રને પાર પાડવા દુબઈમાં એક ગુપ્ત બેઠક બોલાવાઈ હતી, જેમાં કેટલાક યુવાનોને બોમ્બ બનાવવાની ટ્રેનિંગ આપવા પાકિસ્તાન મોકલવામાં આવ્યા હતા. ત્યારબાદ પાકિસ્તાનની ગુપ્તચર એજન્સી આઈએસઆઈ અને અંડરવલ્ડૅ ડોન દાઉદ ઈબ્રાહિમે આતંકવાદીઓને મુંબઈમાં હથિયાર તેમજ અન્ય સામગ્રી પૂરી પાડી.

કેવી રીતે મુંબઈને બોમ્બ વિસ્ફોટો રક્તરંજિત કરવાનું કાવતરું રચાયું?

૧૨ માર્ચ, ૧૯૯૩નાં શુક્રવારે ૧.૦૦ વાગીને ૩૦ મિનિટે પહેલો બોમ્બ વિસ્ફોટ થયો BSE એટલે કે બોમ્બે સ્ટોક એક્સચેન્જ સામે.

પહેલા બોમ્બ વિસ્ફોટ બાદ ૧૨ અલગ અલગ વિસ્તારોમાં વિસ્ફોટો થયાં.

તત્કાલિન પોલીસ કમિશનર રાકેશ મારિયા હતા

બોમ્બ વિસ્ફોટ બાદ પોલીસ પર દબાણ વધ્યું, પોલીસને પ્રાથમિક તપાસમાં વિસ્ફોટથી ભરેલું એક અજાણ્યું સ્કૂટર મળ્યું.

બોમ્બ ડિસ્પોઝલ સ્કવૉડે બોમ્બને ડિફ્યૂઝ કર્યો અને ટ્રાફિકની ટોઈંગ વ્હેન સ્કૂટરને માટુંગા પોલિસ સ્ટેશન લઈ ગયા

તપાસ કરતા પોલીસ ટાઈગર મેમણનાં ઘરે ગઈ, જ્યાં તેનાં ઘરમાં રાખેલા ફ્રિઝની સાથે વિસ્ફોટથી ભરેલા સ્કૂટરની ચાવીને મેચ કરવામાં આવી અને તે થઈ ગઈ.

વિસ્ફોટનાં પુરાવા મળતા આરોપીઓની ધરપકડ શરૂ થઈ ગઈ. એક-એક કરીને કુલ ૧૨૩ આરોપીઓને પકડવામાં આવ્યાં. પકડાયેલા આરોપીઓમાં ચોંકાવનારૂં નામ હતું અભિનેતા સંજય દત્તનું. પોલીસને સંજય દત્તનાં ઘરેથી એકે-47ની રાઈફલ મળી હતી, જે બાદ પોલીસે તેને ટાડા હેઠળ પકડ્યો હતો.

પોલીસે ૪ નવેમ્બર ૧૯૯૩માં સ્પેશિયલ ટાડા કોર્ટમાં ચાર્જશીટ દાખલ કરી. આ ચાર્જશીટમાં કુલ ૧૨૩ લોકો વિરૂદ્ધ આરોપો ઘડવામાં આવ્યા.

૩૦ જૂન ૧૯૯૫માં શરૂ થયેલી કેસની સુનાવણી આખરે ૧૨ વર્ષ બાદ ૧૮ મે ૨૦૦૭માં પૂરી થઈ. ટાડા કોર્ટે ૧૦૦ આરોપીઓને આ કેસમાં દોષિત ઠેરવ્યા, જેમાંથી ૧૨ને ફાંસીની સજા સંભાળાવાઈ, ૨૦ને આજીવન કેદ અને ૬૭ને ત્રણથી લઈને ૧૪ વર્ષ સુધીની સજા થઈ., જો કે સંજય દત્ત ટાડાનાં આરોપથી છૂટી ગયો, પંરતુ તેને આર્મ્સ એક્ટ એટલે કે હથિયાર રાખવાનાં ગુના હેઠળ ૬ વર્ષની સજા થઈ.

મુંબઈનાં ગુનેગારોને તો તેમની સજા મળી પરંતુ વિસ્ફોટનાં ૨૦ વર્ષ બાદ પણ મુખ્ય ષડયંત્રકાર હજુ પણ પોલીસનાં હાથમાં નથી આવ્યો. ભારત સરકારે દાઉદ ઈબ્રાહિમ અને ટાઈગર મેમણ વિરૂદ્ધ કેટલીય વાર પાકિસ્તાનને પુરાવા સોંપ્યા છે પરંતુ પાડોશી દેશ પાકિસ્તાન દર વખતે તેમને ભારતને સોંપવા આનાકાની કરતો આવ્યો છે.

આ બાળકી છે, મિસિસિપી રાજ્યના એક ગામડાની વતની. ડોક્ટરોનું કહેવું છે કે આ બાળકી અત્યારે અઢી વર્ષની છે. તેમણે છેલ્લા લગભગ એક વર્ષથી બાળકીને દવાઓ આપવાનું બંધ કર્યું છે અને તેનામાં આ રોગનાં કોઈ લક્ષણ રહ્યા નથી.

આ બાળકી અત્યારે તો એઈડ્સથી મુક્ત કરાવી દીધી હોવાનો નિષ્ણાતોનો દાવો છે, પણ તે જિંદગીભર તંદુરસ્ત રહી શકશે કે કેમ તેની તેઓ ગેરન્ટી આપવા માગતા નથી.

આ બાળકીની માતાને એઈડ્સ છે. ગર્ભવતી થયા બાદ તેણે ગર્ભમાં રહેલા સંતાનની કાળજી લેવાની દરકાર કરી નહોતી.

ગામડાની હોસ્પિટલનાં ડોક્ટરોને ખાતરી હતી કે બાળકને જન્મતાંની સાથે જ આ ભયાનક રોગ લાગુ પડી જશે. તેથી બાળકીનો જન્મ થતાં જ તેમણે એને મિસિસિપી સેન્ટરનાં યુનિટમાં મોકલી દીધી હતી. ત્યાં શિશુ એઈડ્સનાં નિષ્ણાત ડો. હેના ગૅએ તે બાળકીનો ઉપચાર કર્યો હતો. તેમણે એને તેનાં જન્મનાં ૩૦ કલાકની અંદર જ એ ત્રણ દવાનું મિશ્રણ આપ્યું જે નવજાત શિશુઓને જિવાડવામાં કારગત નિવડતી હોય છે.

તમામ રિપોર્ટને આધારે બાળકીની સારવાર કરવામાં આવી હતી. તેને દોઢ વર્ષ સુધી દવાઓ આપવામાં આવી હતી. હવે તેની હાલત સારી છે.

એક સર્વેક્ષણ પરથી માલૂમ પડ્યું છે કે જૂની પેઢીનાં લોકોનું સ્થાન હવે ઝડપથી ગૂગલ, વિકિપીડીયા અને યુટ્યૂબ લઈ રહ્યાં છે. પૌત્ર-પૌત્રીઓ પાયાની બાબતોની જાણકારી મેળવવા માટે ઓનલાઈન સર્ચ કરે છે.

સર્વેક્ષણમાં સામેલ કરાયેલા દર ચાર દાદા-દાદીમાંથી માંડ એક જણે કહ્યું કે એમનાં ઘરમાં કપડાં ધોવા, વાનગી રાંધવા કે બટન ટાંકવા જેવી ઘરેલુ બાબતો અંગે એમની પાસેથી સલાહ લેવામાં આવે છે.

દોઢ હજાર જેટલા દાદા-દાદીઓને સર્વેમાં સામેલ કરવામાં આવ્યા હતા અને તેમણે કહ્યું કે આજકાલનાં બાળકો સાવ સાદા સવાલોનાં જવાબ મેળવવા માટે ઘરનાં મોટેરાંઓને પૂછવાને બદલે ઈન્ટરનેટનો ઉપયોગ કરે છે અને એમનાં જવાબ મેળવી પણ લે છે.

બે-તૃતિયાંશ ભાગનાં દાદા-દાદીઓનું માનવું છે કે ‘ઘરેલુ સલાહકાર કે ગુરુ’ તરીકેનું તેમનું સ્થાન આજે ગૂગલ, યુટ્યૂબ, વિકિપીડીયા જેવી સાઈટ્સે લઈ લીધું છે, કારણ કે ઈન્ટરનેટ પર સલાહનો ભંડાર ઉપલબ્ધ હોય છે. બાળકો આખો દિવસ લેપટોપ, ટેબ્લેટ કમ્પ્યુટર કે સ્માર્ટફોનમાં જ ખૂંપેલા રહે છે જેમાંથી એમને ઈન્ટરનેટ મારફત ત્વરિત સલાહ મળી જાય છે.

નાણાં પ્રધાન ચિદમ્બરમે કહ્યું છે કે આ બેન્ક આ વર્ષના ઓક્ટોબર સુધીમાં ચાલુ કરી શકવાની ધારણા છે. એ માટે જરૂરી મંજૂરી તથા બેન્કિંગ લાઈસન્સ મેળવવાનું રહેશે.

આ સૂચિત બેન્ક માત્ર મહિલાઓને જ ધિરાણ આપશે અને મહિલાઓને બિઝનેસ કરવામાં, આજીવિકા મેળવવામાં મદદ કરશે.

ચિદમ્બરમે કહ્યું છે કે જે કોઈ વ્યક્તિ એપ્રિલ ૧, ૨૦૧૩થી ૩૧ માર્ચ, ૨૦૧૪ના સમયગાળા દરમિયાન કોઈપણ બેન્ક કે હાઉસિંગ ફાઈનાન્સ કોર્પોરેશન પાસેથી રૂ. ૨૫ લાખ સુધીની લોન પહેલી વાર લેશે તેમને ટેક્સ કપાતની લિમિટને રૂ. ૧ લાખ સુધી વધારી દીધી છે. હાઉસિંગ સેક્ટરને પ્રમોટ કરવા માટે સરકારે આ નિર્ણય લીધો છે.

રૂ. ૨૫ લાખથી ઓછી કિંમતવાળા આવાસો માટે વ્યાજની ચૂકવણી પર રૂ. એક લાખની અતિરિક્ત કપાત (સેલ્ફ-ઓક્યૂપાઈડ પ્રોપર્ટી માટે) જાહેરાત કરાઈ છે. હાલ વ્યાજની ચૂકવણી માટે કપાતની લિમિટ દોઢ લાખ રૂપિયાની છે.

આ નિર્ણયથી પરવડી શકે એવું આવાસ ખરીદવાને ઉત્તેજન મળશે. તેમજ કન્સ્ટ્રક્શન સેક્ટરમાં ઘણાને રોજગાર મળશે.

નાણાં પ્રધાને કહ્યું કે ભારત આજે પણ વિશ્વમાં ઝડપથી આર્થિક પ્રગતિ કરતો દેશ છે અને તેની ગણના મોટા દેશોમાં કરવામાં આવે છે.

દિલ્હી સ્ટેશનના પ્લેટફૉર્મ પર બે ગ્રાહકે ભારતીય રેલવેની પેટા-કંપની IRCTC સંચાલિત સ્ટોલ પરથી કોલ્ડ ડ્રિન્ક્સ લીધું હતું, પણ સ્ટોલવાળાઓએ તેમની પાસેથી એમઆરપી કરતાં વધારે પૈસા લીધા હતા.

દિલ્હીનિવાસી સચીન ધિમન અને શારન્યા નામનાં ગ્રાહકની તરફેણમાં ચુકાદો આપતાં ધ ન્યૂ દિલ્હી ડિસ્ટ્રીક્ટ કન્ઝ્યૂમર ડિસ્પ્યૂટ્સ રીડ્રેસલ ફોરમે IRCTCને બે અલગ અલગ કેસમાં પાંચ-પાંચ લાખ રૂપિયાનો દંડ કર્યો છે. પંચના વડા સી.કે. ચતુર્વેદીએ કહ્યું કે, IRCTC સરકારી નિગમ હોઈ તે આવી ભૂલ કરે એવી અપેક્ષા જ ન રખાય. એ ખાનગી ડીલરો જેવું વર્તન કરે એ ન ચાલે. અમે આ કેસને અયોગ્ય અને પ્રતિબંધિત વ્યાપારી પ્રવૃત્તિઓના પરિપ્રેક્ષ્યમાં ગણ્યો છે. આ કેસ એવી કંપની સામેનો છે જે લાખો રેલવે મુસાફરોને ખાદ્યસામગ્રીઓ પીરસે છે અને ગ્રાહકો પ્રવાસમાં હોઈ વિરોધ કરવાનું તેમને માટે શક્ય હોતું નથી અને જે સેવા ઉપલબ્ધ હોય તે કોઈ પણ ભાવે તેમને સ્વીકારી લેવી પડે છે.

ફોરમે IRCTCને આદેશ આપ્યો છે કે તે રૂ. ૧૦ લાખના દંડની રકમ દિલ્હી સ્ટેટ લીગલ સર્વિસીસ ઓથોરિટીમાં જમા કરાવે. ફોરમે બંને ફરિયાદી ગ્રાહકને રૂ. ૧૦-૧૦ હજાર વળતર પેટે ચૂકવવાનો પણ IRCTCને આદેશ આપ્યો છે.

શિક્ષણ વિભાગના એડિશનલ ડિરેક્ટર અનિલ પોવારે કહ્યું છે કે, કમ્પ્યુટર સ્કીમ માટે રજિસ્ટર થવા જનરલ કેટેગરીના વિદ્યાર્થીઓએ માત્ર રૂ. ૨૫ ભરવાના રહેશે જ્યારે અનુસૂચિત જાતિઓ અને જનજાતિઓના વિદ્યાર્થીઓએ માત્ર દસ રૂપિયા ભરવાના રહેશે.

ગોવા સરકારે બાળકોમાં વિતરણ કરવા માટે લગભગ ૫૦,૦૦૦ નોટબુક્સ અને ટેબ્લેટ પીસીની ખરીદી કરવાની ગોઠવણ કરી છે.

તમામ કમ્પ્યુટર્સમાં સ્પેશિયલ ઈ-લર્નિંગ પેકેજિસનો સમાવેશ કરાયો છે. દિવસે સ્કૂલમાં ભણ્યા બાદ વિદ્યાર્થીઓ ઘેર જઈને એમના ટેબ્લેટ ઉપર એનું રીવીઝન કરી શકશે.

કમ્પ્યુટર્સની ખરીદી માટે સરકારે રૂ. ૯૫ કરોડના ભંડોળની જોગવાઈ કરી છે.

ગોવા સરકાર વિદ્યાર્થીઓને મફતમાં લેપટોપ આપનાર દેશની પહેલી એવી રાજ્ય સરકાર છે. તેણે આ સ્કીમ લગભગ એક દાયકા પહેલા અમલમાં મૂકી હતી.

મુસાફરો હવે મોબાઈલ ફોન પરથી ટિકિટ બુક કરાવી શકશે, એમને રીઝર્વેશન સ્ટેટસ અંગે એસએમએસ એલર્ટ આપવામાં આવશે તેમજ પસંદગીની ટ્રેનોમાં મફત વાઈ-ફાઈ સુવિધા પણ પૂરી પાડવામાં આવશે.

નવા રેલવે પ્રધાન પવનકુમાર બંસલ તેમના બજેટમાં નવા પેસેન્જર ટ્રેનોના આરંભની પણ જાહેરાત કરે અને હાલની ટ્રેનોની સફર લંબાવવાની પણ જાહેરાતો કરે એવી ધારણા છે.

રેલવે તંત્ર નવા ૪૨૦૦ કોચનું ઉત્પાદન કરવા ધારે છે જે માટે રેલવે બજેટમાં ઘોષણા કરાય એવી ધારણા છે.

આ વર્ષના રેલવે બજેટમાં મુસાફરોને વધારે સવલતો પૂરી પાડવા પર મુખ્યત્વે ધ્યાન અપાશે.

ગયા વર્ષના બજેટમાં રેલવેએ નવી ૧૭૫ ટ્રેનો શરૂ કરવાની જાહેરાત કરી હતી.

લંડનસ્થિત કન્સલટન્સી ટીએલજી પાર્ટનર્સ દ્વારા આ અભ્યાસ હાથ ધરાયો છે. ઈન્ડિયા ઈન્ડેક્સ ૨૦૧૩નાં સંશોધન માટે નેલ્શન દ્વારા આ અભ્યાસ કરવામાં આવ્યો.

ભારતની ટોપ ટેનમાં સ્થાન ધરાવતી કંપનીઓ પર નજર કરીએ

1. કંપનીની વેબસાઈટનાં જણાવ્યાપ્રમાણે, ટાટા ગૃપ ૧૦૦ જેટલી સાત બિઝનેસ ક્ષેત્રોમાં ઓપરેટીંગ કંપની ધરાવે છે
2. સર્ચ એન્જિન ગૂગલ હૈદરાબાદ ખાતે ભારતીય વડુમથક ધરાવે છે. આ કંપનીનાં અગ્રણી ભારતનાં રાજન અન્દંન છે.
3. મારૂતિ સુઝુકી ભારત દેશની સૌથી મોટી પેસેન્જર વાહનોનું ઉત્પાદન કરે છે. વાહનોનું ઉત્પાદન માનેસર અને ગુંડગાવમાં થાય છે.
4. અભ્યાસનાં જણાવ્યા મુજબ, એપલ ટોચની ૧૦ કંપનીઓની યાદીમાં સ્થાન પામ્યું છે.
5. દિલ્હી મેટ્રો રેલ કોર્પોરેશન પણ યાદીમાં ઉમેરાયું છે. દિલ્હી મેટ્રો દેશનાં અન્ય શહેરો માટે દ્રષ્ટાંત પુરૂ પાડ્યું છે.
6. સ્ટેટ બેન્ક ઓફ ઈન્ડિયાને દેશની જાહેર ક્ષેત્રની બેન્ક છે.પ્રતીપ ચૌધરી હાલમાં બેન્કનાં ચેરમેન છે.
7. લાઈફ ઈન્સ્યોરન્સ કોર્પોરેશન એટલે કે એલઆઈસી
8. દેશની બીજા નંબરની સોફ્ટવેર કંપની ઈન્ફોસીસ આઠમાં સ્થાને છે. ઈન્ફોસીસની સ્થાપના ૧૯૮૧માં થઈ હતી, હાલમાં ઈન્ફોસીસની આગેવાની એસ.ડી.શીબુલાલ કરે છે.
9. સોશિયલ નેટવર્કિંગ સાઈટ ફેસબુકને ફેબ્રુઆરી, ૨૦૦૪માં લોન્ચ કરવામાં આવ્યું માર્ક ઝુકરબર્ગ દ્વારા તેની સહ-સ્થાપના કરવામાં આવી, ફેસબુક તેનાં આઈપીઓ સાથે ૨૦૧૨માં સાર્વજનિક થયું.
10. મહિન્દ્રા ગ્રુપની કામગીરી ૧૭ ચાવીરૂપ ઉદ્યોગો આસપાસ વિસ્તરી છે. કંપનીની ૧૯૪૫માં સ્થાપના થઈ હતી. હાલમાં કંપનીનાં આગેવાન આનંદ મહિન્દ્રા છે.

 જર્મનીએ આ કરી બતાવ્યું છે. એલ્બે રીવર પર આ બ્રિજ બનાવવામાં આવ્યો છે. ૯૧૮ મીટર લાંબો આ બ્રિજ વિશ્વનો સૌથી લાંબો કેનાલ બ્રિજ છે. આ બ્રિજની નીચેથી નદી અને રસ્તો એમ બંને પસાર થાય છે. આ બ્રિજ બર્લિનની નજીક મૈગ્ડેબર્ગ શહેરમાં આવેલ છે. આ બ્રિજ બનાવવામાં ૫૦૦ મિલીયન યુરોનો ખર્ચ કરવામાં આવ્યો છે, આ બ્રિજ બનતાં છ વર્ષ થયા હતાં. પૂર્વ અને પશ્ચિમ જર્મનીને જોડવા માટે ખાસ આ બ્રિજ બનાવવામાં આવ્યો છે.

હજી ગઈ કાલે જ અનુષ્કાને રેકોર્ડિંગ એકેડેમી દ્વારા લાઈફટાઈમ અચીવમેન્ટ એવોર્ડથી સમ્માનિત કરવામાં આવી હતી.

અનુષ્કા સાથે એમની બહેન નોરા જોન્સ પણ હાજર હતી. નોરા પોતે ગાયિકા અને લેખિકા છે. નોરા પોતે ભૂતકાળમાં ૯ ગ્રેમી એવોર્ડ જીતી ચૂકી છે.

પિતા વતી સમ્માન સ્વીકારતી વખતે તેણે શ્રોતાઓને કહ્યું કે, અમને આ એવોર્ડ સ્વીકારતાં ખૂબ આનંદ થાય છે. સંગીત અમારાં પિતાનાં શ્વાસોચ્છવાસમાં હતું. એ નાસ્તાનાં ટેબલ ઉપર પણ સંગીતની ધૂન છેડતા હતા.

અનુષ્કાએ એવોર્ડ સ્વીકારતાં પોતાનાં સંબોધનમાં કહ્યું કે, બે મહિના પહેલાં મારાં પિતાનું અવસાન થયું છે, પણ પોતાને આ એવોર્ડ મળશે એની તેમને ખાતરી હતી. એ બહુ જ ખુશ હતા. કાશ, એ પોતે આજે આ એવોર્ડ સ્વીકારવા અહીં હાજર હોત.

૧૩, ડિસેમ્બર ૨૦૦૧ના રોજ સંસદનું શિયાળુ સત્ર ચાલી રહ્યું હતું ત્યારે આ હુમલો થયો હતો. પાંચ આતંકવાદીઓ એમ્બેસેડર કારમાં સંસદભવન પરિસરમાં ઘૂસ્યા હતા, પણ સુરક્ષા જવાનોએ ૨૦ મિનિટમાં જ તે હુમલાને નિષ્ફળ બનાવાયો હતો

તે હુમલાની ૪૦ મિનિટ પહેલા સંસદના બન્ને ગૃહોની કાર્યવાહી સ્થગિત કરી દેવાઇ હતી. તત્કાલીન વડાપ્રધાન અટલ બિહારી વાજપેઇ અને વિપક્ષી નેતા સોનિયા ગાંધી સંસદ ભવનમાંથી બહાર નીકળી ગયા હતા પરંતુ તત્કાલીન ગૃહ પ્રધાન લાલકૃષ્ણ અડવાણી સહિતના મોટાભાગના નેતાઓ લોકસભા ગૃહની અંદર હાજર હતા. સુરક્ષાકર્મીઓએ ગૃહના બધા દરવાજા બંધ કરી દીધા હતા.

આ હુમલામાં પાંચ પોલીસ જવાનો સહિત નવ જણ માર્યા ગયા હતા જ્યારે ૧૮ લોકો ઘાયલ થયા હતા. સુરક્ષા જવાનોએ તમામ ત્રાસવાદીઓને ઘટનાસ્થળે જ ઠાર માર્યા હતા.

આ હુમલા કેસમાં કાવતરાખોર તરીકે અપરાધી જાહેર થયેલા અફઝલ ગુરુને ૧૮મી ડિસેમ્બર ૨૦૦૨ના દિવસે દિલ્હી કોર્ટ દ્વારા ફાંસીની સજા આપવામાં આવી હતી.

દેશ સામે યુદ્ધ છેડવાનો પણ તેની પર આક્ષેપ મૂકાયો હતો.

૨૯મી ઓક્ટોબર ૨૦૦૩ના દિવસે દિલ્હી હાઈ કોર્ટે તેની મૃત્યુદંડની સજા યથાવત્ રાખી હતી. ત્યારબાદ બે વર્ષ પછી સુપ્રીમ કોર્ટે પણ તેની અરજી ફગાવી દીધી હતી.

અફઝલ ગુરૂએ સુપ્રીમ કોર્ટમાં અરજી કરી જે ૪ ઓગસ્ટ, ૨૦૦૫માં નામંજૂર થઇ. સેશન્સ જજે તિહાર જેલમાં૨૦ ઓક્ટોબર ૨૦૦૬ના રોજ અફઝલને ફાંસી અપાશે તેવું પણ કહી દીધું હતું.

સુપ્રીમ કોર્ટે અરજી નામંજૂર કર્યા બાદ અફઝલે રાષ્ટ્રપતિ સમક્ષ દયાની અરજી કરી હતી. જેને પણ રાષ્ટ્રપતિએ ફગાવી દીધી.

જગજીત સિંહનું ૧૦ ઓક્ટોબર ૨૦૧૧ નિધન થયું હતું. ભારત સહિત વિદેશમાં ગઝલને લોકપ્રિય બનાવનારા જગજીત સિંહ ૧૯૮૨માં આવેલી ફિલ્મ ‘અર્થ’થી જાણીતા થયા હતા. તે ફિલ્મમાં તેમણે ગાયેલા ગીત ‘ઝુકી ઝુકી સી નજર’, ‘તુમ ઈતના જો’, ‘કોઈ યે કેસે બતાએ’, ‘તેરી ખુશ્બુમેં બસે ખત’ ખૂબ જ લોકપ્રિય થયા છે.

વર્ષ ૧૯૮૨માં જ અન્ય રિલિઝ થયેલી ફિલ્મ ‘સાથ-સાથ’માં તેમનું ગાયેલું ગીત ‘યે તેરા ઘર યે મેરા ઘર’ અને ‘તુમકો દેખા તો યે ખયાલ આયા’ આજે પણ લોકોનાં મોઢે છે. તેમનાં અન્ય પસંદ કરાયેલા અને વખાણાયેલા ગીતો ‘કાગઝ કી કશ્તી’, ‘હોશ વાલોં કો ખબર ક્યા’ અને ‘કોઈ ફરિયાદ’ છે.

આ એપ્લિકેશન એ સમયે પણ કામ કરશે જ્યારે તમે તમારા ફોનનો ઉપયોગ નહીં કરી રહ્યા હોવ. ફેસબુકનું નવું ‘લોકેશન એપ’ તમારા મિત્રને આ વિશે એકદમ ચોક્કસ જાણકારી આપશે કે તમે હાલ ક્યાં ફરી રહ્યા છો ફેસબુક આ પહેલા ‘ફાઈન્ડ ફ્રેન્ડ્સ’ નામનું એપ રજૂ કરી ચુક્યું છે.

એક રિપોર્ટ પ્રમાણે ફેસબુક નવા એપને માર્ચની મધ્યમાં રજૂ કરશે. નવા એપથી સોશિયલ નેટવર્કિંગ સાઈટને એ જાણવામાં મદદ મળશે કે યુઝર્સ ક્યાં વધારે જાય છે અને એનાથી વેબસાઈટની પબ્લિસિટીમાં પણ મદદ મળશે.

બ્રોકરેજ તેમજ કેપિટલ માર્કેટ રીસર્ચ અંગેની કંપની એક્સિસ કેપિટલ દ્વારા તૈયાર કરવામાં આવેલા અહેવાલમાં જણાવાયું છે કે આ ૭૦,૦૦૦ કરોડનાં અંદાજિત ખર્ચને આગામી કેન્દ્રીય બજેટ સાથે કોઈ લેવાદેવા નથી.

૧૩ રાજ્યોમાં વિધાનસભાની ચૂંટણી થવાની છે અને ત્યારબાદ લોકસભાની ચૂંટણી આવશે. આ બધી ચૂંટણીઓના આયોજન પાછળ દેશના અર્થતંત્રને લગભગ ૮ અબજ ડોલરનો ખર્ચ થશે. આ ચૂંટણી ટૂંકા સમયગાળામાં યોજાવાની હોવાથી નાણાકીય વર્ષ ૨૦૧૩-૧૪ના વપરાશ માટે આ ખર્ચ મહત્વની અસર ઉપજાવશે.

વધુમાં, પાંચ અબજ ડોલર જેટલી રકમ ડાયરેક્ટ બેનીફિટ ટ્રાન્સફર (ડીબીટી) સ્કીમ અંતર્ગત ખર્ચવામાં આવશે. તે પણ આગામી ૧૨-૧૪ મહિનામાં જ ખર્ચાશે.

આ અહેવાલ સચ્ચિદાનંદ શુક્લા અને શિવા નંદાએ સાથે મળીને તૈયાર કર્યો છે.

ડીબીટી સ્કીમ અંતર્ગત ૩૪ યોજનાઓને આવરી લેવામાં આવશે. તેમાં એલપીજી અને કેરોસીન સબ્સિડી, શિષ્યવૃત્ત, વૃદ્ધજન/વિધવાઓને પેન્શન વગેરે સ્કીમ માટે થનાર ખર્ચનો પણ સમાવેશ થાય છે. આમાં રોકડ રકમ સીધી લાભાર્થીઓનાં બેન્ક એકાઉન્ટ્સમાં જમા કરવામાં આવશે.

મહિલાઓ વિરૂદ્ધનાં એન્ટી-રેપ વટહૂકમને મંજૂરી મળતા જ કેબીનેટ સચિવાલયે પોલીસ વ્યવસ્થા, ટ્રાન્સપોર્ટ વ્યવસ્થા, શિક્ષા સહિતનાં ૨૭ નિર્દેશો બહાર પાડ્યા છે જે મહિલાઓની સુરક્ષા અને સન્માન કરશે.

કેબીનેટ સચીવે ગૃહ વિભાગને કહ્યું છે કે તમામ રાજ્યોમાં મહિલા પોલીસ ભરતીમાં વધારો કરવા માટે પણ અલગ બજેટ ફાળવવાની રજૂઆત કરે જેથી આ કામમાં કોઈ પણ પ્રકારની ઢીલ વર્તાય નહીં.