ઓટાવા યુનિવર્સિટીનાં પ્રમુખ લેખક બ્રાયને જણાવ્યું કે, “લિંગનો આકાર એક સંવેદનશીલ વિષય છે. મહિલાઓ આ માટે પ્રતિક્રિયા આપે ત્યારે એ સમજવું મુશ્કેલ થઈ રહે છે કે, તેઓ સાચું બોલે છે કે ખોટું.” આથી જ અમે અલગ-અલગ હાઈટ, શરીરનાં આકાર અને શિશ્રની લંબાઈ અંગેનો અભ્યાસ નવા પ્રકારે કરવાનું નક્કી કર્યું. તેમણે પુરુષોનાં લિંગની લંબાઈ, પુરુષોનાં શરીરનાં કદ અને બોડી શેપ અંગે કમ્પ્યુટરની મદદથી તૈયાર કરાયેલા ચિત્રોને આધાર બનાવ્યો હતો.

આ માટે ૧૦૫ ઓસ્ટ્રેલિયન સ્ત્રીઓને ૫૩ જેટલા રોબોટનાં ફોટા જે દરેક રીતે ફરી શકે છે તે ચિત્રોને જોવાનું કહેવામાં આવ્યું. મહિલાઓને એ જણાવાયું નહોતું કે તેમને આ સર્વેક્ષણમાં સામેલ કરવામાં આવી છે. તેઓને માત્ર જાતીય આકર્ષણ અનુસાર આધાર રેટ નક્કી કરવાનું કહેવામાં આવ્યું હતું. શોધકર્તાઓને આ અભ્યાસમાંથી જાણવા મળ્યું કે, સ્ત્રીઓએ ઉંચા પુરૂષોનાં લાંબા શિશ્નને વધુ રેટ આપ્યાં હતા.

સ્ત્રીઓએ કહ્યું કે લાંબા penis વાળા અને ઊંચા કદનાં પુરુષો સૌથી વધારે આકર્ષક છે. પરંતુ સ્ત્રીઓને ખરેખર કેટલી સાઈઝનાં શિશ્ન કે કેટલા ઉંચા કદના પુરુષો પસંદ હોય છે એ વિશે શોધકર્તાઓ હજી અવઢવમાં છે.

આ અભ્યાસમાં ૭૦ ટકા મહિલાઓ યૂરોપીયન હતી, ૨૦ ટકા એશિયન હતી જ્યારે સાત ટકા મહિલાઓ અન્ય કોઈ હતી. તમામની ઉંમર ૨૬ની આસપાસ હતી.

આલ્કોહોલના વધુ ઉપયોગ અને તેને લીધે બાળકોનાં આરોગ્ય અને વિકાસમાં સમસ્યાઓ વચ્ચે સંબંધ હોવાનું સાબિત થયું છે, પણ સંશોધકોનો દાવો છે કે હળવું ડ્રિન્ક કરવાથી સમસ્યાઓ થતી નથી.

યુનિવર્સિટી કોલેજનાં શોધકર્તાઓએ પોતાનાં અભ્યાસમાં એવાં બાળકોનાં વિકાસ પર તેમનું ધ્યાન કેન્દ્રિત કર્યું હતું જેમની માતાઓએ ગર્ભાવસ્થા દરમિયાન દર અઠવાડિયે બે યુનિટ કરતાં વધારે પ્રમાણમાં આલ્કોહોલ લીધું નહોતું. શોધકર્તાઓએ સાત વર્ષની ઉંમરવાળા ૧૦,૫૩૪ બાળકો અંગે મેળવેલી માહિતીનો તેમના અભ્યાસમાં ઉપયોગ કર્યો હતો.

રસપ્રદ વાત એ છે કે, પ્રેગનન્સી વખતે દારૂનું જરાય સેવન ન કરનારી માતાઓનાં બાળકોના વિકાસની સરખામણીએ ઓછા દારૂનું સેવન કરનારી માતાઓની કૂખે જન્મેલા બાળકોનો વિકાસ સહેજ વધારે સારો જણાયો હતો.

અભ્યાસ હાથ ધરનાર વોની કેલીનું કહેવું છે કે, “ગર્ભાવસ્થા દરમિયાન ઓછી માત્રામાં આલ્કોહોલ પીતી માતાઓનાં સાત વર્ષની ઉંમરના બાળકોના વિકાસમાં નકારાત્મક અસરોનું કોઈ નવું જોખમ જોવા મળ્યું નથી. આપણે બાળકોનાં વ્યવહાર અને બૌદ્ધિક વિકાસ પર પર્યાવરણની અસર કેવી રીતે પડતી હોય છે તે સમજવાની જરૂર છે. હાલ આપણે સાત વર્ષ સુધીની વયના બાળકોનો અભ્યાસ કર્યો, હવે એવું સંશોધન કરવાની પણ જરૂર છે કે ગર્ભાવસ્થા દરમિયાન હળવી માત્રામાં આલ્કોહોલ લેનાર સ્ત્રીઓનાં બાળકો પર સાત વર્ષ પછીના ઉંમરે કોઈ અવળી અસર પડી છે કે નહીં.

ન્યૂ યોર્કની એક યુનિવર્સિટીએ મહિલાઓની સેક્સ લાઈફ અને મેન્ટલ હેલ્થ વિશે એક સર્વે કર્યો. આ સર્વેમાં ૨૯૩ મહિલાઓને સામેલ કરાઈ હતી.

પરિણામ પ્રમાણે અનપ્રૉટેક્ટેડ સેક્સ કરનારી મહિલાઓને ડિપ્રેશન ઓછું થાય છે. વીર્યમાં અન્ય કેમિકલ્સ જેવા કે, એસ્ટ્રોજન અને ઑક્સિટોસિન પરસ્પર પ્રેમ વધારવામાં મદદરૂપ થાય છે. સર્વેમાં ભાગ લેનારી મહિલાઓએ ‘બેક ડિપ્રેશન ઈંક્વેટરી’ કરી જે ડિપ્રેશનનાં લક્ષણો વિશે શોધ કરવાનું માધ્યમ છે.

અભ્યાસમાં કહેવાયું છે કે કૉન્ડમનો ઉપયોગ ન કરનારી મહિલાઓ ડિપ્રેશનનો શિકાર નથી થતી. તેનું કારણ એ છે કે પુરુષોનાં વીર્યમાંના કેમિકલ્સ સ્ત્રીઓને શારીરિક અને માનસિક રૂપે સ્વસ્થ રહેવામાં મદદરૂપ થાય છે.

સેક્સ નિષ્ણાંત ટ્રેસી કોક્સનું કહેવું છે, “સ્ત્રીઓ જે વ્યક્તિ સાથે સેક્સ કરી ચૂકી છે તેમની સાથે લગ્ન કરવાનું વલણ ધરાવતી નથી. તેઓ તેવી વ્યક્તિ સાથે લગ્ન કરવા ઈચ્છે છે જે ‘સંવેદનશીલ’ છે- જેમ કે, તેવી વ્યક્તિ જે વફાદાર છે અને એક સારો પિતા બનવા લાયક છે. મને ઘણી મહિલાઓનાં ઈમેઈલ મળ્યાં જેમાં તેમનું કહેવું છે કે તેઓ તેમનાં પતિને પ્રેમ તો કરે છે પરંતુ તેઓ પહેલા જેની સાથે સેક્સ કરી ચૂકી છે એમને તે ભૂલી નથી શકતી”.

વધુમાં ટ્રેસી કહે છે, “જે વ્યક્તિ સાથે સેક્સ કરી ચૂક્યા છે તેમની સાથે તેઓ લાંબા ગાળાનાં સાથી ન બની ચૂક્યા, તેનું તેઓને કોઈ જ દુઃખ નથી, પણ હા, આ તમામને એ જરૂર યાદ છે કે તેમણે કોઈકની સાથે એક યાદગાર અંગત પળ વિતાવી હતી.”

જો કે, ૬૨ ટકા મહિલાઓ અને ૭૧ ટકા પુરુષોનું કહેવું હતું કે તેઓની શ્રેષ્ઠ સેક્સ તેમનાં વર્તમાન પાર્ટનર સાથે હતી.

મહિલાઓએ પુરૂષોને આકર્ષિત કરવા શું કરવું જોઈએ તેના મહત્વનાં મુદ્દા નીચે મુજબ છે.

૧) નો મેકઅપ: Oops! …સોરી ગર્લ્સ., બની શકે કે તમારા સાથીની નજર હજુ સુધી તમારી સ્મોકી આંખો અને તમારા ચહેરાનાં મેક અપ પર ના પડી હોય, કારણ કે, મોટાભાગનાં પુરૂષો આ ચીજોને નોટિસ નથી કરતા, આનાથી તમારા રૂપિયાનો ખોટો ખર્ચ પણ નહીં થાય અને તમારા સાથીનું તમારા પ્રત્યે આકર્ષણ વધી જશે.

૨) લોન્જરી, જે મેચિંગ નથી: જો તમે લેસી, સેટિન જાંબુળી પેન્ટીઝની સાથે જાંબુળી બ્રા પણ પહેરી છે તો બિન્દાસ કહી દો કે તમે કોઈ પ્લાનિંગ નહોતું કર્યુ…અને બાકીનું તેમનાં પર છોડી દો.

૩) સમજશક્તિ: શું તમને એવું લાગી રહ્યું છે કે બધું ફિઝિકલ કોન્ટેક્ટને લઈને થઈ રહી છે? તો તે સમયે કોઈ સારો જોક કરો અથવા એક સારું સ્માઈલ આપો, સાચું માનો તેઓ તમારી સામે પ્રેમનો એકરાર કરતા વાર નહીં લગાડે.

૪) સેક્સી કર્વ: એવી ગેરસમજણમાં ના રહેતા કે ફ્લેટ પેટ અથવા ઝીરો સાઈઝ કોઈ પણ પુરૂષને વધુ આકર્ષિત કરે છે, પરંતુ તેમને કર્વી બૉડી વધુ પસંદ પડે છે.

૫) ઈન્ટેલિજન્ટ, વિશ્વાસ, ભાવનાત્મક પરિપક્વતા અનને જાતીય નિખાલસતા: તમે જેવા છો, તેમની સામે તેવા જ રહો. પુરૂષોને સપોર્ટ કરો જે સમયે તેમને તમારી જરૂર હોય, તે સમયે પુરૂષોને જે વાતો પસંદ પડતી હોય તે વાત તેમની સાથે કરો.. તમે તેમને જરૂર પામશો!

૬) કેઝ્યુઅલ રહો: તમે જ્યારે તેમની સાથે હોવ ત્યારે કેઝ્યુઅલ રહો, જેથી તેઓ તમારી કંપનીને કમ્ફર્ટેબલ ફીલ કરી શકે. ઢીલા કપડા સારા લાગશે. હંમેશા સાફ સફાઈ કે ચોખ્ખું રાખવાની વાતને લઈને તેમની સાથે ઝઘડો ના કરો.

૭) છૂટા વાળ: જ્યારે તમારા પાર્ટનરને તમારા છૂટા વાળ અને કાજલવાળી આંખો ગમે તો તે પ્રમાણે રહેવાનું પસંદ કરો.

૮) આઈ કોન્ટેક્ટ રાખો: તમે જ્યારે તમારી વાત રજૂ કરતા હોવ અથવા ત્યારે તેમની આંખોમાં આંખો પરોવીને વાત કરો. આનાથી તમે એ વાત સાબિત કરી શકશો કે તમે હિંમત અને વિશ્વાસ સાથે તમારી વાતને રજૂ કરી રહ્યાં છો.

પુરૂષો તેમની છાતીનાં વાળ શેવ કરાવે તે પહેલાં અને ત્યારબાદ સ્ત્રીઓની મનઃસ્થિતિ વિશે સંશોધકોએ જાણ્યું ત્યારે તેમને માલુમ પડ્યું કે ૨૦ ટકા મહિલાઓને જ ચેસ્ટ પર વાળ ધરાવતા પુરૂષો પસંદ હતા.

હકીકતમાં, નવા સંશોધન મુજબ ૮૦ ટકા સ્ત્રીઓને, જે શરીર પર નકામા વાળ ન હોય તેવા પુરુષો પસંદ ગમે છે.

જર્નલ આર્કાઈવ્સનાં સેક્સુઅલ બિહેવીયરમાં આ અભ્યાસ ઓનલાઈન પ્રકાશિત થયેલો છે.

યુએસની ડ્યુક યુનિવર્સિટીનાં સંશોધકોનું કહેવું છે કે, પુરૂષોની સરખામણીમાં સ્ત્રીઓ જો પૂરતી ઊંઘ ન લે તો તેઓ શારીરિક અને માનસિક, બંને રીતે વધુ પીડાય છે. ઊંઘના અભાવને કારણે તેઓ ડિપ્રેશન, હૃદયરોગ, ત્વચા કાળી પડી જવા જેવા જોખમોનો શિકાર બની શકે છે.

બીજી બાજુ, પુરુષોના આરોગ્યને ઊંઘના ઓછા પ્રમાણ સાથે કોઈ સંબંધ હોય એવું જણાયું નથી.

અભ્યાસમાં જણાવ્યા મુજબ સ્ત્રીઓને રાત્રે પૂરતી ઊંઘ ન થવાથી તેઓ વહેલી સવારે હતાશા, ગુસ્સો અને ચીડીયાપણા જેવી પરેશાનીનો વધારે શિકાર થાય છે. નિષ્ણાતનું કહેવું છે કે જો સ્ત્રીઓને રાત્રે પૂરતી ઊંઘ ન મળે તો એમણે સમય મળે ત્યારે ૨૫ અથવા ૯૦ મિનિટ જેટલા ઝોકા લઈ લેવા જોઈએ.

સ્ટર્લિંગ યુનિવર્સિટી અને ગ્લાસ્ગો યુનિવર્સિટીના સંશોધકોને સર્વેક્ષણ પરથી જાણવા મળ્યું કે ગર્ભનિરોધક ગોળીઓ લેવાનું શરૂ કર્યા બાદ સ્ત્રીઓને કસાયેલા દેહવાળા પુરુષો પ્રત્યે ઓછું આકર્ષણ રહેતું હોય છે જ્યારે દેખાવમાં સ્ત્રીઓ જેવા પુરુષો પ્રત્યેના તેમનાં આકર્ષણનાં પ્રમાણમાં કોઈ ઘટાડો જોવા મળ્યો નહોતો.

તો શું આવી ગોળીઓ દેખાવડા છોકરાઓ માટે આશિર્વાદ સમાન છે? જવાબ હા છે. ગર્ભનિરોધકો લેતી સ્ત્રીઓ ઓછા સ્નાયુબદ્ધ શરીર અને ચહેરા પર નમણાશ ધરાવતા પુરુષો પ્રત્યે વધારે આકર્ષિત થાય છે. આનાથી વિપરીત હોય છે આવી ગોળીઓ ન લેનાર સ્ત્રીઓનું. સ્ત્રીઓ જ્યારે એમના માસિક ધર્મના ફળદ્રુપ તબક્કામાં હોય ત્યારે એમને સ્નાયૂબદ્ધ પુરુષો પ્રત્યે વધારે ખેંચાણ રહે છે.

અભ્યાસ વખતે ગર્ભનિરોધકો લેનાર સ્ત્રીઓ સાથેના ૮૫ યુગલ અને એવી ગોળીઓ ન લેનાર સ્ત્રીઓ સહિતના ૮૫ યુગલ વચ્ચે સરખામણી કરવામાં આવી હતી. સંશોધકોએ પુરુષોનાં ચહેરાઓની તસવીરો લીધી હતી અને ત્યારબાદ એ પ્રત્યેકની મર્દાનગીનું નિરીક્ષણ કરવામાં આવ્યું હતું.

એક અલગ પ્રયોગમાં, સંશોધકોએ ૧૮થી ૨૪ વર્ષની યુવતીઓની ચકાસણી કરી હતી. આમાં કેટલીક યુવતીઓએ ઓરલ કોન્ટ્રાસેપ્ટિવ્સ ડ્રગ્સ લીધી હતી જ્યારે બાકીનીએ લીધી નહોતી. એ સ્ત્રીઓને પુરુષો અને સ્ત્રીઓની સંમિશ્રિત ડિજિટલ તસવીરો બતાવવામાં આવી હતી. એ તસવીરો ઈરાદાપૂર્વક થોડીક સ્ત્રૈણ બનાવવામાં આવી હતી. એ માટે હોઠ, જડબું અને ચહેરાની પહોળાઈને એડજસ્ટ કરવામાં આવી હતી.

મેલબોર્નમાં ૨૩ ગર્ભવતી મહિલાઓને આ સર્વેક્ષણમાં સામેલ કરવામાં આવી હતી.

બાળકનાં મહિલાઓની બોડીને પહેલા માપવામાં આવી અને ત્યારબાદ સાત દિવસની અંદર જન્મેલા બાળકોનાં પેટનાં હ્રદયની ડાબી બાજુથી નિકળતી મુખ્ય ધમનીને અલ્ટ્રાસાઉન્ડની મદદથી માપવામાં આવી.

જે મહિલાઓ વધુ વજનવાળી અથવા મેદસ્વી હતી તેવી મહિલાઓનાં જન્મેલા બાળકોની હ્રદયની મુખ્ય ધમનીઓની નસ જાડી હતી (૦.૦૬ મિલિમીટર અને ૦.૦૨ ઈંચ)

આ તારણો સૂચવે છે કે એક માતાનું વજન પાછળથી બાળકની રક્તવાહિનીનાં રોગનું જોખમ વધારી શકે છે.

સંશોધકોએ ૮૦૦ જેટલા માઈગ્રેન પીડિત અને માથાનાં દુખાવાથી પીડાતા ૨૦૦ જણ પર અભ્યાસ કર્યો હતો. તારણો હજી પ્રાથમિક છે, પણ એટલું જાણવા મળ્યું છે કે, માઈગ્રેન પીડિતોમાંના અડધા ભાગના લોકોનું કહેવું હતું કે તેમનાં પાર્ટનર સાથે માણેલી અંગત પળો બાદ તેમના માથાની પીડામાં ઘટાડો થયો હતો.

સંશોધકોએ એમ પણ કહ્યું છે કે સર્વેનાં પરિણામો દર્શાવે છે કે, સેક્સ કરવાથી મગજમાં એન્ડોર્ફિન્સ રિલીઝ થાય છે, જે શરીરનાં કુદરતી પેઈનકિલર્સ છે. તે માથાનો દુખાવો ઘટાડી શકે છે અને નાબુદ પણ કરી શકે છે. સેક્સ ન માણવાને લીધે માથાનો દુખાવો સતાવે છે એવું પણ કહેવાય છે. સર્વેમાં ભાગ લેનાર પુરુષોએ તો સેક્સનો ઉપયોગ માથાનો દુખાવો દૂર કરવાના એક સાધન તરીકે પણ કરતા હોય છે. માઈગ્રેનનાં એટેક વખતે સેક્સ્યુઅલ પ્રવૃત્તિથી રાહત મળે છે.

સેક્સ માઈગ્રેન કે માથાનો જેને સતત દુખાવો થતો રહેતો હોય તેને ઘણી હદે મદદ કરે છે. કેટલાક દર્દીઓ તો સેક્સનો ઉપયોગ સારવારના રૂપમાં પણ કરે છે.

કેટ મિડલટનથી લઈને કેટ વિન્સ્લેટ જેવી સેલિબ્રિટી મમ્મીઓ કે થનાર મમ્મીઓ જાહેરમાં આ મોર્નિંગ સિકનેસની તકલીફોથી પરેશાન થતી જોવા મળી છે.

ન્યુ ઈંગ્લેન્ડ જર્નલ ઓફ મેડિસીનમાં કરેલા અભ્યાસ પ્રમાણે અડધા ભાગની સગર્ભાઓને આવી તકલીફો થતી હોવાનું માલૂમ પડ્યું છે જ્યારે ૧૦થી ૧૫ ટકા જેટલી સગર્ભા સ્ત્રીઓને દવાની જરૂર પડી હતી.

સંશોધકોએ ડેન્માર્કમાં ૬,00,000 કરતાં વધુ સગર્ભા સ્ત્રીઓની વિગતો તપાસી હતી. એમાં તેમને બાળકનાં જન્મ સગર્ભા સ્ત્રીઓને દવાની સાથે સંબંધિત હોય એવી કોઈ મોટી સમસ્યા નડી હોય એવા કોઈ નિર્દેશ તેમને મળ્યા નહોતા.

ગર્ભાવસ્થા દરમિયાન લેવામાં આવતી ઝોફ્રાન કે ઓન્ડેન્સેટ્રોન જેવી દવાઓ ગર્ભસ્થ બાળક કે સગર્ભા ઉપર અવળી અસરનું જોખમ વધારતી હોય એવું જણાયું નથી.

તમામ વય જૂથની ૮૧ ટકા સ્ત્રીઓએ કહ્યું કે તેઓ તેમનાં દેખાવ અને તેમની વધેલી ચરબી અંગે ક્યારેક જ વાતો કરે છે જ્યારે ૩૩ ટકા મહિલાઓએ કહ્યું કે તેઓ આવા મુદ્દે વારંવાર ચર્ચામાં ઉતરી પડે છે.

આ પૈકીની ૬૬ ટકા મહિલાઓનું માનવું હતું કે તેઓ ઘરડી થઈ રહી હોવા વિશે ચર્ચા કરે છે જ્યારે ૧૫ ટકા મહિલાઓનું કહેવું હતું કે તેઓ આવી ચર્ચા વારંવાર કરતી હોય છે.

સ્ત્રીઓ જ્યારે સાઈઠ વર્ષની ઉંમરે પહોંચે છે ત્યારે શરીરે જાડી થઈ રહી હોવા વિશે ઓછી વાતો કરે છે, પણ જુવાન સ્ત્રીઓમાં વૃદ્ધત્વનો ડર વધારે સતાવી રહ્યો હોવાનું અભ્યાસમાં સામે આવ્યું છે.

અભ્યાસનાં પરિણામો દર્શાવે છે કે ટેક્નોલોજીને લગતી ગમે તેવી સમસ્યાઓને સરળતાથી ઉકેલી શકવાની મહિલાઓમાં કુદરતી ક્ષમતા રહેલી છે.

પુરુષો પર જે અભ્યાસ કરવામાં આવ્યો તેમાં એ બહાર આવ્યું કે, પુરુષોમાં માનસિક તાણ અને હતાશાનું પ્રમાણ વધી જાય છે. તેમની નકારાત્મક પ્રતિક્રિયાઓ ‘ઓએસ’ અને ‘વ્લોગિંગ’ ૧૩૮ સમકક્ષ સ્ત્રીઓની સરખામણીમાં વધારે હતી.

પરિણામોને જોતાં ન્યૂરો સાઈકોલોજીસ્ટ ડૉ. ડેવિડ લ્યુઈસે કહ્યું છે કે, “કોઈ એવી ભાષા સમજવાનો પ્રયત્ન કરવો જેનાથી તમે માહિતગાર નથી, જે કોઈને પણ મૂંઝવી શકે છે. મોટા ભાગનાં લોકો જ્યારે કોઈ બુકલેટમાં નવા ગેઝેટ વિશે કોઈ માહિતી વાંચતા હશે જે અલગ ભાષામાં છે ત્યારે પણ તેમને એવી જ માનસિક તાણ થતી હશે. જ્યારે આપણે કંઈક સમજતા નથી, ત્યારે આપણે હતાશ અને લાગણીશીલ બની જઈએ છીએ, અભ્યાસ પ્રમાણે તે સમયે માનસિક અને શારિરીક ઉત્તેજનામાં વધારો થઈ જાય છે.”

ડેનિશ-બ્રિટિશ હાસ્ય કલાકાર વારંવાર કહે છે કે, પતિ કે બોયફ્રેન્ડથી તમારી અંગત જાણકારી છુપાવી રાખવાનો એક સારો રસ્તો એ છે કે, તમારી ફાઈલો અને ડોક્યુમેન્ટ્સ એક ફોલ્ડરમાં મુકો જેને લેબલ મારેલું હોય ”સૂચના માર્ગદર્શિકાઓ’

અભ્યાસ અનુસાર, પુરુષોને પરેશાન કરી દેનાર ટોચના ૧૦ ટેક્નિકલ શબ્દો નીચે મુજબ છેઃ

૧. Algorithm

૨. Beta

૩. Cache

૪. Phablet

૫. Vlogging

૬. Phishing

૭. ISP

૮. Trojan

૯. Geo-tagging

૧૦. Back-end

નેધરલેન્ડ્સની ગ્રોનિંનજન યુનિવર્સિટીનાં સંશોધકોએ યુકેમાં વર્ષ ૨૦૦૦માં જન્મેલા ૧૯,૦૦૦ બાળકોનાં માતા-પિતા પર આધારિત માહિતીનું વિશ્લેષણ કર્યું હતું, જેમાં તેમને જાણવા મળ્યું કે પ્રત્યેક દસમાંથી નવ યુગલોમાં સ્ત્રીઓ કરતાં પુરુષો કદમાં ઉંચા હતા.

યુએસ અને યુકેમાં ૧૯૮૦માં હાથ ધરવામાં આવેલા એક અભ્યાસમાં જાણવા મળ્યું કે ૭૨૦ કપલમાંથી માત્ર એક જ યુગલ એવું હતું જેમાં પુરુષ કરતાં સ્ત્રી કદમાં ઊંચી હતી. વૈજ્ઞાનિકોએ અભ્યાસ પરથી જાણ્યું કે સ્ત્રીઓ ઉંચા પુરુષોને પ્રાધાન્ય જરૂર આપે છે પરંતુ તેઓ વધારે પડતા ઊંચા કદનાં હોય એવું પણ તેમને પસંદ હોતું નથી.

દર વર્ષની જેમ આ વખતે પણ ૮ માર્ચના રોજ દુનિયાભરમાં મહિલાઓને લગતા હજારોની સંખ્યામાં કાર્યક્રમોનું આયોજન કરવામાં આવ્યું છે જેમાં સેમિનાર, પ્રદર્શનો, વર્કશોપ, પરિસંવાદ વગેરે જેવી ઈવેન્ટ્સનો સમાવેશ થાય છે.

અમેરિકામાં માનવતાવાદી કાર્યો કરતી સંસ્થા ‘કેર યુએસએ’ દ્વારા આંતરરાષ્ટ્રીય મહિલા દિનની ઊજવણી નિમિત્તે વોશિંગ્ટન ડીસીમાં ‘કેર’ કોન્ફરન્સનું આયોજન કરવામાં આવ્યું છે. તેના વક્તાઓમાં સીએનએન ચેનલના પત્રકાર ડાના બેશ, યુએસ સેનેટર બિલ ફ્રિસ્ટ અને અમેરિકાની પ્રતિનિધિ સભાના ભૂતપૂર્વ સભ્ય લિન વૂલ્સીનો સમાવેશ થાય છે.

ચીન, રશિયા, વિયેટનામ અને બલ્ગેરિયા જેવા કેટલાક દેશોમાં તો આ દિવસે જાહેર રજા ઘોષિત કરવામાં આવે છે. યુરોપમાં ઘણા પ્રદેશોમાં પુરુષો એમની પત્નીઓ, પુત્રીઓ, માતાઓને પુષ્પ આપીને એમની પ્રત્યે આદર વ્યક્ત કરે એવી પરંપરા છે.

યુનાઈટેડ નેશન્સ સંસ્થા તરફથી પણ આ દિન નિમિત્તે વિશેષ કાર્યક્રમનું આયોજન કરવામાં આવ્યું છે.

ઓસ્ટ્રિયાની ઈન્સબ્રુક યુનિવર્સિટીના નિષ્ણાતોએ યુનિવર્સિટીનાં વિદ્યાર્થીઓ જોખમો ખેડવામાં કેવી ઈચ્છા ધરાવતા હોય છે તે જાણવા માટે એક સર્વે કર્યો હતો.

એમાં તેમને જાણવા મળ્યું કે જૂના જમાનાઓથી ચાલતી આવતી પરંપરાને જાળવી રાખીને આધુનિક જમાનાનાં પુરુષો પણ સ્ત્રીઓને પોતાની તરફ આકર્ષિત કરવા માટે મોટાં જોખમો ખેડી નાખવાનું પસંદ કરતા હોય છે. પોતે બહાદૂર છે એવું સ્ત્રીઓને બતાવવા તેઓ જોખમો ખેડે છે, જુગટું ખેલે છે. આમાં બેફામ ડ્રાઈવિંગ જેવી હરકતનો પણ સમાવેશ થાય છે.

બીજી બાજુ, સ્ત્રીઓ પુરુષોને આકર્ષિત કરવા માટે કોઈ મોટાં જોખમો ખેડવાથી દૂર રહે છે. બિનજરૂરી જોખમો ખેડવાની સ્ત્રીઓમાં કોઈ ઈચ્છા હોતી નથી એવું સર્વેમાં સામેલ કરાયેલી વિદ્યાર્થિનીઓનાં મંતવ્યો પરથી જાણવા મળ્યું.

દુબઈમાં અમેરિકાની ફાસ્ટ-ફુડ રેસ્ટોરાંઓ અને એક કેનેડિયન કોફી શોપ શરૂ કર્યા બાદ ગલ્ફ મેટ્રોપોલિસ કંપનીએ ડ્યૂરેક્સ અને બઝમેન મિડલ ઈસ્ટની એક સેવાની જવાબદારી લીધી છે જેનું નામ છે ‘SOS કોન્ડોમ્સ’.

યુઝર્સ દુબઈમાં સાંજે ૪ થી લઈને સવારે ૪ વાગ્યા સુધીમાં કોઈ પણ સ્થળે માત્ર એક કલાકની અંદર ડ્યૂરેક્સની પ્રોડક્ટ્સ મેળવી શકે છે. યુઝર્સ એમના સ્માર્ટફોનમાંથી કે વેબસાઈટ ઉપરથી કોન્ડોમ્સનો ઓર્ડર આપી શકે છે.

બઝમેનનાં પ્રવક્તાનું કહેવું છે કે અમે ટૂંક સમયમાં બીજાં શહેરોમાં પણ ‘SOS કોન્ડોમ્સ’ સર્વિસ શરૂ કરીશું. તેનો નિર્ણય ‘SOS કોન્ડોમ્સ’ ફેસબુક પેજ પરની એક સ્પર્ધાના આધારે લેવામાં આવશે.

દુબઈમાં સેક્સ સંબંધિત અનેક કડક કાયદા છે, પરંતુ અખાતના અન્ય દેશોની તુલનામાં તે ઘણું ઉદાર છે.

તેનો ડિલિવરીમેન બરાબર પિઝા ડિલિવરી મેનની જેમ ખાસ યુનિફોર્મમાં સજ્જ થયેલો હોય છે.

અમેરિકાની બોલિંગ ગ્રીન સ્ટેટ યુનિવર્સિટીના સંશોધકોને જાણવા મળ્યું કે તેમના સર્વેક્ષણમાં ભાગ લેનાર ૪૫ ટકા લોકોનું કહેવું હતું કે એમને તેમનાં બોયફ્રેન્ડ કે ગર્લફ્રેન્ડથી બ્રેકઅપ થયેલું, પણ તેઓ ફરી વાર ભેગાં પણ થયા. જે લોકો ફરી ભેગાં થયા હતા એમાંના ૫૩ ટકા લોકોએ બાદમાં ભૂતપૂર્વ લવર સાથે સેક્સની મજા પણ માણી હતી.

‘એક્સ’ સાથે સેક્સ માણ્યો? એવા સવાલના જવાબમાં ‘હા’ પાડનારાઓમાં પુરુષો અને સ્ત્રીઓ, બંનેની સંખ્યા સરખી હતી.

૧૭ અને ૨૪ વર્ષ વચ્ચેની વયના લગભગ ૮૦૦ જેટલી પુરુષ અને સ્ત્રી વ્યક્તિઓને સવાલ પૂછવામાં આવ્યો હતો. એ બધાં ૬૦ જુદી જુદી સ્કૂલ-કોલેજનાં વિદ્યાર્થીઓ હતાં.

સર્વેક્ષણ પરથી જાણવા મળ્યું છે કે પુખ્ત બની રહેલી વ્યક્તિઓનાં રોમેન્ટિક સંબંધો ઘણા તરલતાભર્યા હતાં.

આગલા અભ્યાસમાં એવું જોવા મળ્યું હતું કે રીલેશનશિપનાં પ્રારંભના તબક્કામાં કોન્ડોમનો ઉપયોગ અગ્રસ્થાને હતો, પણ ત્યારબાદ એ જરૂરિયાતની અવગણના થવા માંડી.

આ ખરાબ આદત મોટે ભાગે ૧૮થી ૩૪ વર્ષની વયની સ્ત્રીઓમાં જોવા મળે છે. તે ઉપરાંત, હાઈ સ્કૂલની વિદ્યાર્થિનીઓ પણ દારૂ પીતી થઈ છે. જેમની પારિવારિક આવક ૭૫,૦૦૦ ડોલર કે તેથી વધારે હોય એવા ઘરોની સ્ત્રીઓમાં દારૂનું વ્યસન વધારે હોવાનું એક અભ્યાસ પરથી જણાયું છે.

આ અભ્યાસ માટે, એજન્સીએ ૨૭૮.000 આશરે યુ ૨૦૧૧માં ૩0 દિવસ દરમિયાન ૧૮ અને તેથી વધુ ઉંમરના અને ૭,૫00 થી વધુ શાળાનાં વિદ્યાર્થીઓ તેમજ મહિલાઓ પીવાના વર્તન અંગે તપાસ કરી.

સેન્ટર ફોર ડીસીઝ કન્ટ્રોલ એન્ડ પ્રીવેન્શનના અહેવાલમાં જણાવાયું છે કે એવી મહિલાઓ અને છોકરીઓ દારૂનું સેવન કરતી હોવાનું કહેવાય જેઓ એક જ પ્રસંગે ચાર કે તેથી વધારે ડ્રિન્ક્સ ગટગટાવી જાય છે.

હાઈસ્કૂલમાં ભણતી જે છોકરીઓ દારૂ પીવે છે એમાંના અડધા ભાગની કબૂલ કરે છે કે તેઓ પીવે છે ત્યારે અતિશય માત્રામાં પીવે છે.

નાની ઉંમરમાં અતિશય દારૂ પીવાની આદતને કારણે અમેરિકામાં દર વર્ષે લગભગ ૨૩,૦૦૦ જેટલી છોકરીઓ અને સ્ત્રીઓ મૃત્યુ પામે છે.

દારૂના વ્યસનથી આરોગ્યને લગતી બીજી ઘણી સમસ્યાઓ ઊભી થાય છે. જેમાં બ્રેસ્ટ કેન્સર, સેક્સ કરવાથી થતા રોગ અને હાર્ટ ટ્રબલ મુખ્ય છે, એમ સીડીસીનાં ડાયરેક્ટર થોમસ ફ્રેડનનું કહેવું છે.

ઉક્સ સંસ્થાએ તેના સર્વે માટે ૧૮ વર્ષથી વધારે વયની ૨,૭૮,૦૦૦ જેટલી યુએસ છોકરીઓ અને સ્ત્રીઓનો સમાવેશ કર્યો હતો.

(1) બ્લેકઃ બ્લેક કલર સત્તાનું પ્રતીક છે, કારણ આ એક માત્ર એવો રંગ છે, જેના પર બીજો કોઈ રંગ ચઢતો નથી, જેમાં ભળીને બીજા બધા રંગો પોતાનું અસ્તિત્વ ગુમાવી બેસે છે. તેથી ઓફિસની મીટિંગ વગેરે જેવા અવસરે જ્યારે તમે અલ્ટિમેટ ઓથોરિટી તરીકે તમારી જાતને રજૂ કરવા માગતા હો ત્યારે અચૂક આ ટાઈમલેસ કલરના કપડાં પહેરીને જવું જોઈએ.

(2) વ્હાઈટઃ શું તમને ખબર છે શાંતિના પ્રતીક રૂપે હંમેશાંથી સફેદ કબુતરનો જ ઉપયોગ શા માટે થતો આવ્યો છે? કારણ સફેદ રંગ શાંતિ અને સરળતાનું પ્રતિનિધિત્વ કરે છે. આ રંગના વસ્ત્રો ધારણ કરતાંની સાથે તમારા ચહેરા પર જે તેજ અને સૌમ્યતા ઝળકવા માંડે છે, તેની અસર સામેવાળા પર થયા વિના રહી જ ન શકે. તેથી આ કલરનો ડ્રેસ પહેરાતાં પહેલાં તમે સામેવાળાને તમારા વિશે શું કહેવા માગો છો તેનો પૂરતો વિચાર કરી લેવો જરૂરી છે.

 (3) ગ્રેઃ ગ્રે રંગનો અર્થ આત્મવિશ્વાસ અને સોફેસ્ટીકેશન થાય છે, કારણ આ રંગ અત્યંત સ્ટાઈલિશ હોવા છતાં સોબર છે. વાંરવાર આ રંગના કપડાં પહેરનાર આપોઆપ જ એક સ્ટાઈલ આઈકન બની જાય છે. તેથી કોઈ જગ્યાએ ઈમ્પ્રેશન ઊભી કરવાની આવશ્યક્તા પડે ત્યારે ખાસ ગ્રે રંગના કપડાં પહેરવા જોઈએ.

(4) લાલઃ આમ જોવા જઈએ તો લાલ અત્યંત ભડક રંગ છે. આંખનો આંજી નાખે તેવો. છતાં એ સદીઓથી પ્રેમ અને પેશનનું પણ પ્રતીક છે. તે સેક્સી પણ છે અને તેમાં ગહેરાઈ પણ છે. પરિણામે આ રંગ અત્યંત સાચવીને પહેરવો જોઈએ. કોઈની પણ સાથે આ કલરનો ડ્રેસ પહેરીની નીકળતાં પહેલાં એ વ્યક્તિ માટેની પોતાની લાગણીઓનું યોગ્ય પૃથ્થકરણ કરી લેવું જરૂરી છે.

 (5) પીળોઃ પીળો રંગ સૂરજનું પ્રતિનિધિત્વ કરે છે, જેના આગમન માત્રથી અંધકારનો નાશ થઈ જાય છે. તેથી તમે જ્યારે આ રંગ પહેરો છો ત્યારે તમારા ચહેરા પર પણ એની આભા પડ્યા વિના રહેતી નથી અને તમારી ગણના એક એવી ખુશમિજાજ વ્યક્તિ તરીકે થવા માંડે છે, જેના આગમનથી બધાના મૂડ બદલાઈ જાય છે. તેથી પાર્ટીમાં કે મિત્રનો બગડેલો મિજાજ સુધારવા જતી વેળા પીળા રંગનો ડ્રેસ પહેરીને જવાનું ભૂલવું નહીં.

(6) લીલોઃ લીલો રંગ તાજગી અને સમૃદ્ધિનું સૂચન કરે છે. એવી તાજગી અને સમૃદ્ધિ જેવી ઊનાળાની કાળઝાળ ગરમી બાદ પડેલાં પહેલાં વરસાદથી તૃપ્ત થયેલી ધરતીમાં જોવા મળે છે. તેથી કોઈ બોરિંગ મીટિંગ કે મહેફિલમાં લીલા રંગનો ડ્રેસ તમારો બેસ્ટ વિકલ્પ બની રહેશે.

 (7) બ્લ્યુઃ બ્લ્યુ શાંતિ, સમર્પણ અને સંગાથનું પ્રતીક છે. મિત્રો કે પરિવારજનોને જ્યારે સાંત્વના કે ટેકો આપવા જવાની નોબત આવે ત્યારે તમારો બ્લ્યુ રંગનો ડ્રેસ તમારા તરફથી ઘણું બધું બોલી દેશે.

 (8) બ્રાઉનઃ સામાન્ય રીતે બ્રાઉન રંગ એવા જ લોકોને પસંદ પડે છે જેઓ સ્વભાવે ઉદાર, અચળ અને શ્રદ્ધા રાખી શકાય એવા વિશ્વાસુ હોય છે. તેથી આ રંગ પહેરતી વખતે તમારામાં લોકોની અપેક્ષાને પહોંચી વળવાની તાકાત અને જવાબદારી પ્રત્યે સભાનતા હોવી જરૂરી છે.

 (9) પર્પલઃ પર્પલ એક લકઝુરિયસ કલર છે, જે વૈભવનું સૂચન કરે છે. આ કલર પસંદ કરનારને લોકો એશોઆરમની કામના રાખના ઊડાઉ વ્યક્તિ તરીકે જૂએ છે.તેથી આ રંગના ડ્રેસમાં પોતાના પૈસા રોકતા પહેલાં તેની અસરનો પૂરતો વિચાર કરી લેવો જોઈએ.

- ફાલ્ગુની જડિયા-ભટ્ટ

ઉદાર વલણ માટે જાણીતી કેલિફોર્નિયા યુનિવર્સિટીના સંશોધકોએ ૩૦૦ જેટલા કોલેજિયન યુવક-યુવતીઓને, કોઈ સ્ત્રીને કોઈ પુરુષને લગ્ન માટે પ્રપોઝ કરવાની છૂટ મળવી જોઈએ કે નહીં એ મુદ્દે તેમના વિચારો જાણવા માટે એમને સવાલ પૂછ્યો હતો.

બે-તૃતિયાંશ યુવાઓનું કહેવું હતું કે લગ્ન માટે તો પુરૂષો જ સ્ત્રીઓને પ્રપોઝ કરે એ જ ઠીક છે. એક પણ પુરુષે એવી ફેવર કરી નહીં કે સ્ત્રીઓને પ્રપોઝ કરવાની છૂટ આપવામાં આવે. સર્વેમાં જોડાયેલા ૨૭૭ સ્ત્રી-પુરૂષોનો એક જ મત હતો કે લગ્ન માટેનો પ્રસ્તાવ પુરુષ તરફથી જ સ્ત્રીને આવવો જોઈએ, સ્ત્રી તરફથી પુરુષને નહીં.

બ્રિટિશ વેબસાઈટ BroadbandChoices.co.uk દ્વારા ૨,૦૦૦ જેટલી યુવા વ્યક્તિઓ પર એક સર્વે કરવામાં આવ્યો હતો. તેમાં ૧૫ ટકા યુવાનોએ કબુલ કર્યું હતું કે વેબ સર્ફિંગને કારણે તેમની સેક્સની પ્રક્રિયા ધીમી પડી ગઈ છે. વેબ-સર્ફિંગની આદતને કારણે તેઓ સેક્સ ઓછું કરે છે.

જ્યારે અડધા લોકોનું કહેવું હતું કે તેઓ જ્યારે પથારીમાં હોય છે ત્યારે ૯૦ મિનિટ લેપટોપ, ટેબલેટ અને સ્માર્ટફોન પાછળ પસાર કરે છે. જો કે રાત્રે ઊંઘી જવાનો તેમનો સરેરાશ સમય ૧૨ વાગ્યાનો છે. દસ વર્ષ પહેલાં, તેમનો ઉંઘવાનો સરેરાશ સમય ૧૦.૩૦નો હતો.

૨૫ ટકા યુવાઓ કહે છે કે, તેઓ બેડ પર જ વેબ સર્ફ કરે છે, જ્યારે ૧૫ ટકા લોકો પથારીમાં પડતાં પહેલાં ટીવી જુએ છે અને તેમનાં લેપટોપ/ટેબલેટ પર સર્ફ કરે છે. અમુક મોટી વયના લોકોએ એમ કહ્યું કે તેઓ ઊંઘતાં પહેલા પુસ્તકો વાંચવાનું પસંદ કરે છે.

૨૦૧૧માં કરાયેલા અમેરિકન સ્લીપ પોલ અનુસાર ૯૫ ટકા લોકોએ એ કબુલ્યું છે કે રાત્રે ઉંઘી જતા પહેલા તેઓ ટીવી જોવી, વેબસાઈટ પર કામ કરવું વગેરે ક્રિયાઓ કરતા હતા.

યુએસનાં ઓહાયો રાજ્યની ક્લીવલેન્ડ યુનિવર્સિટીમાં કરવામાં આવેલા એક અભ્યાસ પ્રમાણે સેક્સ કરતા પહેલા જો તેની ચર્ચા કરવામાં આવે તો તેનાથી સબંધ મજબુત રહે છે. રિસર્ચ મુજબ જે લોકો સેક્સની વગર શરમે અને ખુલ્લા મને ચર્ચા કરે છે તેઓની સેક્સ લાઈફ સંતોષકારક રહે છે.

આ માટે એક રિસર્ચ કરવામાં આવ્યું, જેમાં ૨૦૭ લોકોને પસંદ કરવામાં આવ્યા. તેમાંથી ૮૮ ઉપસ્નાતકો જ્યારે ૧૧૯ અન્ય લોકોની ઓનલાઈન સાઈટ્સ પર સેક્સ વિષે ચર્ચા કરવામાં આવી. આ તમામ લોકોમાં જેમને સેક્સ વિષે સમજણ છે અને જેમને નથી તેવા બંને પાત્રો સાથે ચર્ચા કરાઈ જેમાં એ તારણ આવ્યું કે વાતચીત કર્યા વગર જો સેક્સ કરવામાં આવે તો તે આનંદને મારી નાંખે છે. તેની સામે જો ચર્ચા કરીને સેક્સ કરવામાં આવે તો યુગલો એકબીજાને સમજે પણ છે અને તેનો આનંદ પણ ઉઠાવે છે. આમ તેમની સેક્સ લાઈફ વધુ મજબુત બને છે.

કોકોરીકો નામનું આ સોફ્ટવેર યુઝર્સને તેમના પાર્ટનરની વિગતોમાં એન્ટર કરાવે છે જેથી તેઓ જાણી શકે છે કે એમનો પાર્ટનર કોઈ અફેર કરે છે કે નહીં.

આ એપ ૩૯ વર્ષના એક વેબ એન્જિનિયર મેવુના કુટોનીના ભેજાની ઉપજ છે. તેને ઓનલાઈન અથવા કોઈ એપ મારફત એક્સેસ કરી શકાય છે. કોકોરીકો દ્વારા તમે તમારા પાર્ટનરના ઈમેલ એડ્રેસ કે મોબાઈલ ફોન નંબર પરની વિગતો મેળવી શકો છો.

કુટોનીનનો દાવો છે કે એમની એક મિત્રનો પાર્ટનર બીજી સ્ત્રી સાથે સંબંધ રાખતો હતો એ જોઈને મને થયું કે આવા પુરુષની અનૈતિકતા બંને સ્ત્રી પાસે ઉઘાડી પડી જાય તો કેવું? અને તેના પરથી મને સર્વિસની રચના કરવાનું સૂઝ્યું. કોકોરીકો એક એવું સર્ચ એન્જીન છે જે અનૈતિક પ્રવૃત્તિઓને અંકુશમાં રાખે છે.

હાર્વર્ડ યુનિવર્સિટીના સંશોધકોએ અમેરિકામાં ઉંમરની વીસી વટાવી ચૂકેલા એવા ૩૭૬ લોકોને સર્વેક્ષણમાં સામેલ કર્યા છે જેઓ કાં તો રાબેતા મુજબનો રોમેન્ટિક સંબંધ રાખનારાઓ છે અથવા પરસ્પર લાભ કરાવવામાં માનનારા છે. આ તમામે એમની રિલેશનશિપ વિશે એમને ઓનલાઈન પૂછાયેલા સવાલોના આપેલા જવાબના આધારે સર્વેનું તારણ કાઢવામાં આવ્યું છે.

સર્વેમાં જોડાનાર સ્ત્રી અને પુરુષ, એમ બંને સભ્યોએ કહ્યું કે તેઓ એમનાં સેક્સુઅલ પાર્ટનરને લગભગ ચારેક વર્ષથી ઓળખે છે.

તેમના પ્રતિસાદ પરથી એવી જાણકારી મળી કે સેક્સ શોખીનોના પારંપારિક ગ્રુપની સરખામણીમાં મિત્રતાના લાભમાં સેક્સ માણતા પાર્ટનરો કોન્ડોમ પર નિર્ભર રહેવાનું પસંદ કરે છે.

ફોટો પડાવવાનો અર્થ માત્ર કેમેરાની સામે ઊભા રહીને ‘ચીઝ…’ કહેવું થતો નથી, પરંતુ એક એવી ક્ષણ માટે પોઝ આપવો થાય છે, જે જીવનભરની યાદ બની રહેવાની છે. તેથી જો તમે પણ ઈચ્છતા હો કે તમારો ફોટો સારો આવે તો નીચે આપેલી કેટલીક ટિપ્સ ચોક્કસ અમલમાં ઊતારજો.

(1) થાકેલી આંખો છૂપાડી દો - ફોટામાં માત્ર ચહેરાના જ નહીં, પરંતુ આંખોના હાવભાવ પણ કેદ થઈ જતા હોય છે. આ માટે જરૂરી છે કે ફોટો પડાવતી વખતે તમારી આંખોની તાજગી અને ચમક બરકરાર રહે. તેથી ફોટો પડાવતા પહેલાં તમારા માટે જો કોઈ એક જ કામ કરવું શક્ય હોય તો પર્સમાં પડેલું કન્સીલર શોધવાનું કરવું. આંખ નીચેના ડાર્ક સર્કલ્સ ફોટામાં વધુ ડાર્ક લાગે છે. માટે કન્સિલરના માત્ર એકાદ બે ટીપાં આંખ નીચે લગાડી એ ધબ્બાને છુપાડી દો અને પછી જૂઓ કે માત્ર બે-ચાર સેકેન્ડ માગી લેતી આ મહેનત તમારા ફોટાનું પરિણામ કેટલું ડ્રામેટિકલી બદલી નાખે છે.

(2) કેમેરાની લાઈટ્સનું ખાસ ધ્યાન રાખવું – ચમક ધરાવતાં શિમરી બ્લશર, આઈશેડો તથા હાઈલાઈટર્સ ચહેરાને ચોક્કસ એક ફેસ્ટિવ લૂક આપે છે, પરંતુ ફોટાને નહીં. લ્યુમિનિશર ધરાવતાં મેકઅપ પ્રોડક્ટ્સ કેમેરાની લાઈટને પોતાની તરફ આકર્ષે છે, જે આગળ જતાં ફોટોગ્રાફમાં સ્પોટલાઈટ જેવી અસર દેખાડે છે. મિનરલ ફાઉન્ડેશન તથા મિનરલ સનસ્ક્રિન ટિટેનિયમ ડાયોક્સાઈડ ધરાવતું ફાઉન્ડેશન પણ ફોટામાં આ જ અસર ઊભી કરે છે. તેથી જ ફોટા પડાવવાના હોય તે દિવસે મેકઅપમાં મેટ પ્રોડકટ્સ તથા એસપીએફ વિનાના ફાઉન્ડેશનનો ઉપયોગ કરવો.

(3) વાળને કાબુમાં કરી લોઃ વેરવિખેર અને હવામાં આમથી તેમ ઊડતા વાળને તમારી પિક્ચર પર્ફેક્ટ મોમેન્ટને બગાડવા ન દો. વધુ સમય ન હોય કે પછી સામે અરિસો ન હોય તો માત્ર તમારા દાંતિયામાં થોડું હેરસ્પ્રે છાંટી તેનાથી તરત વાળ ઓળી લો. આમ કરવાથી ગમે તેટલા વિખરાયેલા વાળ સેકેન્ડ્સમાં કાબુમાં આવી જશે.

(4) વાળનું વોલ્યુમ વધારોઃ ફોટામાં વાળ હંમેશાં હોય તેના કરતાં વધુ ફ્લેટ દેખાય છે. તેથી ફોટો પડાવતી વખતે જો શક્ય હોય તો તમારા વાળનું વોલ્યુમ વધારવાનો પ્રયત્ન કરો. એ માટેનો સૌથી સરળ રસ્તો એ છે કે ફોટો પડાવતા પહેલાં કમરેથી વાંકા વળી માથું નીચું કરી દાંતિયા વડે બધા વાળ આગળ લઈ લો. ત્યારબાદ ફરી પાછા ટટ્ટાર થઈ માત્ર આંગળીઓથી વાળ સેટ કરી દો..

(5) સાચું હસોઃ ફોટો પડાવતી વખતે ચહેરા પર ક્યારેય જબરદસ્તીનું હાસ્ય લાવવું નહીં. એ ક્ષણે અંદરથી જે ફૂટે એ જ સાચું હાસ્ય હોય છે. તેથી ફોટો પડાવતી વખતે તમારી સામે તમારું કોઈ પ્રિયપાત્ર ઊભું છે અને તેને જોઈને તમે હસી રહ્યા છો એવું વિચારશો તો ફોટો ચોક્કસ સુંદર આવશે. સાથે જ ફોટો પડે એ ક્ષણે બરાબર કેમેરાના લેન્સની સામે નહીં, પરંતુ તેનાથી થોડું ઉપર જોશો તો પરિણામ વધુ સારું આવશે.

- ફાલ્ગુની જડિયા-ભટ્ટ

ફ્રાન્સમાં આ અંગે એક સર્વેક્ષણ કરવામાં આવ્યું હતું. જેમાં ૮૨ ટકા મહિલાઓને આ વિશે પ્રશ્ન પૂછવામાં આવ્યો હતો. તેમણે જવાબ આપ્યો કે એમણે અગાઉ અશ્લીલ ફિલ્મો જોઈ છે. પોર્ન ફિલ્મો જોવા માટે સ્ત્રીઓ ઉત્સુક છે કે નહીં તે જાણવા માટે ૫૭૯ સ્ત્રીઓને એક આંતરરાષ્ટ્રીય સંસ્થામાં લઈ જવામાં આવી હતી. જે સ્ત્રીઓને સવાલ પૂછવામાં આવ્યો હતો તેમાંની ૮૨ ટકાએ કહ્યું કે એ પોર્ન ફિલ્મ કમસે કમ એક વાર તો જોઈ ચૂકી છે. પુરુષોમાં આ આંક ૯૯ ટકાનો છે.

૨૦૦૬ના સર્વેક્ષણ વખતે ૭૩ ટકા સ્ત્રીઓએ કહેલું કે એમણે ઓછામાં ઓછી એક વાર એક્સ-રેટેડ ફિલ્મ જોઈ છે. આમ, ૨૦૦૬માં તે આંકડો વધ્યો છે. ૧૯૯૨માં ૨૩ ટકા મહિલાઓએ આવી ફિલ્મો જોઈ હોવાનું કહેલું.

ફ્રેન્કોઈસ નામનાં એક પ્રોફેસરે કહ્યું કે, “ખૂબ જ ઓછા સમયગાળામાં પોર્નગ્રાફી જોનાર મહિલાઓની સંખ્યામાં વધારો થયો છે. આ બધી ઈન્ટરનેટ અને વિડીયો-ઓન-ડિમાન્ડ સર્વિસની મહેરબાની છે.”

૬૨ ટકા મહિલાઓનું કહેવું હતું કે એમણે પાર્ટનર સાથેની સેક્સ લાઈફને મસ્તીભરી બનાવવા માટે પોર્ન ફિલ્મો જોઈ હતી.

અભ્યાસમાં એ પણ માલૂમ પડ્યું કે પુરૂષોની સરખામણીમાં સ્ત્રીઓ બિન્ધાસ્ત રીતે સૌથી વધુ પોર્ન ફિલ્મો જુએ છે. ૩૪ ટકા મહિલાઓ એવી હતી જે પોર્ન ફિલ્મો મહિનામાં એકાદવાર અથવા તો તેથી વધુ વાર જોતી હતી. અન્ય ૧૩ મહિલાઓ ૨૯ ટકા પુરૂષોની સરખામણીએ વર્ષે ક્યારેક જોતી હતી.

યુવાન વયની સ્ત્રીઓ આવી ફિલ્મો જોતી હતી. આમાં ૧૭ ટકા મહિલાઓ ૨૫ વર્ષથી નીચેની વયની હતી. જ્યારે ૩૫ વર્ષથી વધુ ઉંમરની મહિલાઓ પાંચ ટકા જ હતી.

જેમને સેક્સ અંગેનો કોઈ જ અનુભવ નહોતો તેવી મહિલાઓ પોર્ન ફિલ્મો જોવા માટે ઉત્સુક હતી.

સીધા-સરળ પુરુષો તેમની જીવનસાથીઓને વફાદાર રહી શકે એ માટે તેમને સુંદર અને સેક્સ અપીલવાળી સ્ત્રીઓથી દૂર રાખવામાં ભાગ ભજવે છે ‘લવ હોર્મોન’ ઓક્સિટોસીન. આ શોધી કાઢ્યું છે, જર્મનીની બોન યુનિવર્સિટીના સંશોધકોએ. એક સર્વેક્ષણ કરાવીને સંશોધકોએ જાણ્યું છે કે આ હોર્મોન જ પુરૂષોને પરાયી સ્ત્રીઓ તરફ આકર્ષાતા રોકે છે.

સંશોધકોએ અજમાયશ દરમિયાન જે પુરુષોને ઓક્સિટોસીન નેસલ સ્પ્રેનો એક ડોઝ આપ્યો હતો તેઓ અન્ય પુરુષોની સરખામણીમાં અજાણી, આકર્ષક સ્ત્રીઓથી પોતાને લગભગ ૪ થી ૬ ઈંચ (૧૦-૧૫ સેંન્ટીમીટર) જેટલા દૂર રાખી શક્યા હતા.

રસપ્રદ વાત એ છે કે, આ સ્પ્રેની એવા પુરૂષો પર એવી કોઈ જ અસર ન થઈ જે કોઈ પ્રકારના સંબંધોમાં નહોતા. આ સર્વેમાં ૫૭ વિષમલૈંગિક પુરૂષોને સામેલ કરવામાં આવ્યાં હતાં. એકલા રહેતા પુરુષો પર ઓક્સિટોસીન સ્પ્રેની કોઈ અસર થઈ નહોતી. તેમની અને આકર્ષક સ્ત્રીઓ વચ્ચે રખાયેલા અંતર પર કોઈ પ્રકારનો ફરક જોવા મળ્યો નહોતો.

ઓક્સિટોસીન હોર્મોન વ્યક્તિમાં વફાદારી વધારવા માટે જાણીતું છે, એવું સંશોધક ડો. રેને હર્લમેનનું કહેવું છે.

“અભ્યાસનાં પરિણામ પરથી જાણવા મળ્યું છે કે, આ હાર્મોન પુરૂષોને પોતાનાં જીવનસાથી પ્રત્યે વફાદાર બનાવે છે.” આ રિસર્ચનાં પરિણામ અગાઉ કરવામાં આવેલા અભ્યાસનાં પરિણામ સાથે મળતા આવે છે. આગલા પરિણામમાં જાણવા મળ્યું હતું કે આ હાર્મોન દંપતિ વચ્ચેનાં સંબંધને વધારે મજબૂત બનાવે છે. આ હોર્મોન તથા એમનાં સંતાનો વચ્ચેના સંબંધને પણ ગાઢ બનાવતું હોવાનું તેમજ દંપતિ વચ્ચેની તકરાર ઘટાડી, પરસ્પર વિશ્વાસ વધારવામાં મદદરૂપ થતું હોવાનું જાણવા મળ્યું છે.

સર્વે હાથ ધરનારાઓનો દાવો છે કે મહિલાઓની સરખામણીમાં પુરૂષો એક કરતાં વધારે કામ, એક સાથે વ્યવસ્થિત રીતે પતાવવાની ફાવટ ધરાવે છે. સ્ત્રીઓ અને પુરૂષો વચ્ચે પરફોર્મન્સમાં રહેલા આ અંતરનું કારણ છે, મહિલાઓની માસિકની સમસ્યા.

સ્ટોકહોમ યુનિવર્સિટીમાં મનોવિજ્ઞાન વિભાગનાં પ્રોફેસર ટિમો મેન્ટેલીનું કહેવું છે કે, માન્યતાની વિરૂદ્ધ અમારા અભ્યાસ પરથી માલુમ થયું છે કે મહિલાઓની તુલનામાં પુરૂષો કેટલાય કામો એક સાથે કરે છે. તેમ કરવાની ક્ષમતાને શારીરિક ક્ષમતા સાથે સીધો સંબંધ છે અને સ્ત્રીઓની ક્ષમતા દેખીતી રીતે એમનાં માસિક તબક્કા દરમિયાન થોડીક ઘટી જાય છે.

આયુષ્ય જોઈતું હોય તો સિગારેટને બાય-બાય કહી દેવું જોઈએ.

ધૂમ્રપાન કરનારી મહિલાઓ જો આ આદતને 30 વર્ષ પહેલા જ છોડી દે તો એમને સ્વાસ્થ્ય સંબંધિત બિમારીઓમાંથી ૯૭ ટકા મુક્તિ મળી શકે છે.

આ જાણકારી બ્રિટનમાં એક અભ્યાસમાં કરવામાં આવી છે. ઓક્સફોર્ડ યુનિવર્સિટીનાં વૈજ્ઞાનિકો દ્વારા કરવામાં આવેલા સંશોધનમાં એ પણ સામે આવ્યું છે કે જો

૪૦ વર્ષની ઉંમર પહેલા મહિલાઓ ધૂમ્રપાનની આદતને ત્યજી દે તો એ ૯૦ ટકા સુધી બિમારીઓમાંથી બહાર આવી શકે છે. આ સર્વેક્ષણમાં ૧૩ લાખ મહિલાઓએ ભાગ લીધો હતો.

‘ધ ઈંડિપેંડેંટ’ અખબારમાં જણાવ્યા પ્રમાણે, “જો મહિલાઓ મધ્ય આયુ દરમિયાન ધૂમ્રપાન ન છોડે તો તેમની ઉંમર ઓછામાં ઓછી ૧0 વર્ષ ઘટી શકે છે.”

આ રિસર્ચમાં એ પણ જાણવા મળ્યું છે કે જે લોકો ૪0 વર્ષની ઉંમર બાદ પણ ધૂમ્રપાન ચાલુ રાખે છે, તેમનામાં ધૂમ્રપાન ત્યાગી દેનારાઓની તુલનામાં સ્વાસ્થ્યનું જોખમ દસ ગણું વધી જાય છે.

એ તો સુવિદિત છે કે પુરૂષો કરતા સ્ત્રીઓને ઘૂંટણની ઈજા વધારે થતી હોય છે. ખાસ કરીને, સોકર, બાસ્કેટબોલ જેવી રમતોમાં. આ વખતના સંશોધનમાં એ ધ્યાન આપવામાં આવ્યું કે માસિકસ્ત્રાવની સાઈકલ સ્ત્રીઓના સ્નાયૂઓની કામગીરીને નિયંત્રણમાં રાખતી નસો પર કેટલી હદે માઠી અસર પાડે છે.

ઓસ્ટિનની ટેક્સાસ યુનિવર્સિટી અને ચેપલ હિલની નોર્થ કેરોલીના યુનિવર્સિટીનાં નિષ્ણાતોની ટીમે ૧૯ અને ૩૫ વર્ષની વચ્ચેની વયની સાત મહિલા વોલન્ટીયર્સનાં માસિકસ્ત્રાવની સાઈકલના જુદા જુદા તબક્કે એમનાં ઘૂંટણની આસપાસની નસો અને સ્નાયૂઓની કામગીરીનું માપ ચેક કર્યું હતું.

સર્વેમાં સામેલ કરાયેલી સ્ત્રીઓએ એમનાં શરીરના દૈનિક તાપમાનના રીડિંગની મદદથી તેમની માસિકસ્ત્રાવની સાઈકલનો તાગ મેળવ્યો જ્યારે વિજ્ઞાનીઓએ આ સ્ત્રીઓનાં માસિકસ્ત્રાવના પાંચ જુદા જુદા તબક્કે એમનાં ઘૂંટણના સ્નાયૂઓની કામગીરીનું માપ કાઢ્યું. આ જાણવા માટે તેમણે વાળ જેટલા કદનો એક વાયર ઈલેક્ટ્રોડ સ્ત્રીઓનાં ઘૂંટણનાં બે સ્નાયૂની અંદર નાખ્યો અને સ્ત્રીઓએ ઘૂંટણની કસરત કરી ત્યારે એની કામગીરીનું રીડિંગ લીધું.

સંશોધકોને જાણવા મળ્યું કે જે તે મહિલાનાં માસિકસ્ત્રાવની સાઈકલના શરૂઆતના ભાગ કરતાં સ્ત્રાવ શરૂ થવાના લગભગ એક અઠવાડિયા પહેલાં ઘૂંટણની નસોમાં વધારે તાણ હતી. આ તાણમાંનો ફરક સ્ત્રીઓનાં ઘૂંટણના સાંધાની સ્થિરતાને માઠી અસર પહોંચાડી શકે છે, ખાસ કરીને જો એને કોઈ ઈજા થાય તો.

યુએસ બ્રેસ્ટ કેન્સરનાં નિષ્ણાંત ઈરિકા મેયર જે ડાના-ફાર્બર કેન્સર ઈન્સ્ટિટ્યૂટનાં આચાર્ય છે, તેમણે બ્રેસ્ટ કેન્સરનાં જોખમને ઓછું કરવાનાં પાંચ ઉપાયો બતાવ્યા છે.

૧) સ્ક્રીનીંગ માર્ગદર્શિકા – મેમોગ્રાફી સ્તન કેન્સર માટે સૌથી મહત્વપૂર્ણ સ્ક્રીનીંગ ટેસ્ટ મેમોગ્રામ છે. મેમોગ્રામ સ્તનના એક્સ-રે લે છે. જે બ્રેસ્ટ કેન્સરનાં લક્ષણોને શોધી કાઢે છે.

૨) તમારું વજન માપી જુઓ, અને હેલ્ધી જમવાનું આરોગો. એક ડાયેટ પ્લાન નક્કી કરી તેમાં ફળો, શાકભાજી, અનાજ અને ફાયબરને અગ્રિમતા આપો. વધુ ચરબીયુક્ત ખોરાક લેવાનું ટાળો, એનાથી વજન વધે છે અને પરિણામે એ બ્રેસ્ટ કેન્સરનું જોખમ વધારી શકે છે.

૩) એક અભ્યાસ પ્રમાણે સ્ત્રીઓએ ૧૦થી ૧૯ કલાક કસરત કરવી જોઈએ જે ૩૦ ટકા બ્રેસ્ટ કેન્સરને આગળ વધતું અટકાવવામાં મદદ કરે છે.

૪) આલ્કોહોલ લેવાનું ટાળો. જો વધુ આલ્કોહોલ પીવામાં આવે તો તે બ્રેસ્ટ કેન્સરને વધારી શકે છે. તમે જો તે પીધા વગર ન રહી શકતા હો તો માત્ર દિવસમાં અડધાથી એક ગ્લાસ જ ડ્રિંક કરવું.

૫) તમારા કુટુંબનો ઈતિહાસ જાણો. જો તમારા પરિવારમાં કોઈને આ બિમારી રહી હોય તો તમારે જિનેટિક ટેસ્ટ કરાવવો જોઈએ. ૨૦થી ૩૦ ટકા સ્ત્રીઓમાં આ બિમારી વારસાગત હોય છે. જો તમે આવી સ્થિતિમાં હો તો આપનાં માટે આ પાંચ રસ્તા મદદરૂપ થઈ શકે છે.

ઓફિસમાં હલકું-ફુલકું ફ્લર્ટિંગ મહિલાઓને આગળ વધવામાં મદદ કરે છે. નિષ્ણાંત લૌરા ક્રેનું કહેવું છે કે, સંબંધોને મજબૂત કરવામાં નારીત્વનું આકર્ષણ ઘણું જ ઉપયોગી થાય છે.

ફ્લર્ટ કરતા પુરુષો કરતાં ફ્લર્ટ કરતી સ્ત્રીઓ સંબંધ મજબૂત કરવામાં વધારે અસરકારક હોય છે કે કેમ એ નક્કી કરવા માટે નિષ્ણાંતોએ ૧૦૦ જેટલા વિષમલિંગીઓ સાથે ચર્ચા કરી અને જાણ્યું કે જુદા જુદા સ્તરે સંબંધ જાળવવામાં તેઓ સામાજિક આકર્ષણનો કઈ રીતે ઉપયોગ કરે છે. જે સ્ત્રીઓએ એમ કહ્યું કે તેઓ સોશ્યલ ચાર્મનો વધુ ઉપયોગ કરે છે એમને તેમનાં પાર્ટનરોએ વધારે અસરકારક ગણાવી જ્યારે સોશ્યલ ચાર્મનો ઉપયોગ કરતા હોવાનું જે પુરુષોએ કહ્યું એમને એટલા બધા સફળ ગણાવાયા નથી.

ક્રેનું કહેવું છે કે, “ફલર્ટ કરવાની ગુરુચાવી તમારાં મનમાં રહેલું તમારું પોતાનું કુદરતી વ્યક્તિત્વ છે. એકદમ નિખાલસ રહો, તો આનંદ પ્રાપ્ત થશે અને એનાથી તમારો આત્મવિશ્વાસ વધશે જે સંબંધને મજબૂત બનાવવાની કળા માટે આવશ્યક છે.

એક અલગ સર્વેમાં ક્રે અને તેમનાં સહાધ્યાયીઓએ શોધ્યું કે ફ્લર્ટિંગ કરવાથી સ્ત્રીઓ કારકિર્દીમાં આગળ તો વધી શકે છે, પરંતુ તેમનાં સહકર્મચારીઓ કદાચ તે પસંદ નહીં કરે અને તેમને કદાચ ઓછા વિશ્વાસુ ગણી શકે.

એમાં જાણવા મળ્યું હતું કે જેમનાં પલંગ કે બેડરૂમના ફર્નિચરનો રંગ જાંબુડી હતો તેવા યુગલોએ દર અઠવાડિયે સરેરાશ ૩.૪૯ વખત સેક્સની મજા માણી હતી.

આ સર્વેમાં સેક્સની ઈચ્છા વધારવામાં સૌથી ઓછી અસર ધરાવતો રંગ માલૂમ પડ્યો તે ગ્રે હતો. એમાં સરેરાશ ૧.૮ આંકડો મળ્યો.

સેક્સની પળોને ઉત્તેજક બનાવવામાં ઉપયોગી થાય એવા અન્ય રંગોમાં લાલ રંગને (૩.૧૮), વાદળી કલરને (૩.૧૪), ગુલાબી કલરને (૩.0૪), અને કાળા કલરને (૨.૯૯) એવરેજ અપાયા. ઓછી એવરેજવાળા રંગ હતા ગ્રીન (૧.૮૯), અને બેજ (૧.૯૭).

પલંગ પરના કાપડ પણ જાતીય સુખના આનંદમાં મહત્વનો ભાગ ભજવે છે એવું પણ આ સર્વે પરથી જાણવા મળ્યું છે.

જેમનાં પર સર્વે કરાયો હતો તેમાંના ૧૮ ટકા યુવાનોનું કહેવું હતું કે તેમની સેક્સની ઈચ્છા કરતાં ઈન્ટરનેટ પરથી માહિતી જાણવાની ઈચ્છા વધારે પ્રબળ છે. ૧૮ થી ૩૫ વય વચ્ચેનાં યુવાનોનું કહેવું હતું કે તેમની સેક્સ ડ્રાઈવ કરતા સેક્સ માટે ઈન્ટરનેટનો ઉપયોગ ઘણા ખરા અર્થે ઉપયોગી થયો છે. એમને સેક્સની મજા માણવા કરતાં ઈન્ટરનેટ પર કનેક્ટ થયેલા રહેવામાં વધારે આનંદ આવે છે.

તો ૭૦ ટકા યુવાનોનું કહેવું હતું કે તેઓ ૧૦ અથવા તો તેના કરતાં થોડાક અંશે ઓછી વેબસાઈટનો જ નિયમિતરૂપે ઉપયોગ કરે છે, જ્યારે ૧૨ ટકા લોકોનું કહેવું હતું કે તેઓ સેક્સને લગતી દરરોજ ૨૫ કરતાં વધુ સાઈટ્સ ઈન્ટરનેટ પર જોતા હોય છે.

જેમને સર્વેમાં સામેલ કરવામાં આવ્યા હતા તેમાંના ૧,0૧૬ જણ એવા છે જેમનું પોતાનું ઈન્ટરનેટ કનેક્શન છે.

આ સંશોધન પ્રમાણે જ્યારે સ્ત્રીઓ વધારે પ્રમાણમાં મુડી કે વધારે પડતી કાળજી રાખે તે સ્ત્રીઓ પુરૂષો કરતા વધારે ખુશ રહે તેની નિશાની છે.

‘સારી ઈચ્છા’ જગાડે તે રાસાયણિક તત્વ જેવા કે સેરોટોનિન અને ડોપામાઈન શુક્રાણુને ‘હેપ્પી જીન’ બનાવવામાં મદદ કરે છે.

કુલ ૩૪૫ જેટલા સ્ત્રીઓ અને પુરૂષો પર અભ્યાસ કરાયો હતો. એમાં ૧૯૩ સ્ત્રીઓ હતી અને ૧૫૨ પુરૂષો હતા. આ તમામના ડીએનએ નમૂના લઈને અભ્યાસ કરી તેનું તારણ કઢાયું છે.

(૧) દુનિયાભરની સ્ત્રીઓ છેલ્લા ચાર હજાર વર્ષથી લિપસ્ટિકનો ઉપયોગ કરતી આવી હોવાનું મનાય છે. આદિકાળમાં સ્ત્રીઓ પોતાનાં હોઠને રંગવા ફળોના રસ અને રંગીન માટીનો ઉપયોગ કરતી હતી. ઈજિપ્તની રાણી ક્લિયોપેટ્રા પોતાનાં હોઠ રંગવા મહેંદીનો ઉપયોગ કરતી હતી. કહેવાય છે કે મહેંદી વડે રંગાયેલા તેના હોઠ દિવસો સુધી લાલચટક રહેતા હતા. લિપસ્ટિકના વપરાશનો સૌથી પહેલો પુરાવો ૨૦૦૦ વર્ષ અગાઉ સુમેરિયન સંસ્કૃતિના ઉર શહેરમાં નોંધાયો છે.

(૨) ૧૭મી સદીમાં લિપસ્ટિકનો ઉપયોગ કરતી સ્ત્રીઓને ડાકણ તરીકે જોવામાં આવતી, જેઓ પોતાની સુંદરતા દ્વારા પુરુષોને લાલયિત કરી પોતાની સાથે પરણવા મજબુર કરતી હોવાનું કહેવાતું. ૧૮મી સદીમાં પણ લિપસ્ટિકનો ઉપયોગ મહદ્ અંશે ફક્ત અભિનેત્રીઓ અને વેશ્યાઓ દ્વારા જ કરવામાં આવતો અને આ બંને વ્યવસાય એકબીજાના પર્યાય હોવાનું મનાતું.

(૩) મેટલના બનેલા બુલેટ કેસવાળી સૌથી પહેલી આધુનિક લિપસ્ટિક ૧૯૧૫માં કનેક્ટિકટના વોટરબરી શહેરમાં સ્કોવિલ મેન્યુફેક્ચરિંગ કંપની દ્વારા તૈયાર કરવામાં આવી હતી.

(૪) લિપસ્ટિકની લોકપ્રિયતા સૌથી વધુ બીજા વિશ્વયુદ્ધ પછી વધી, જ્યારે ટેલિવિઝનની અભિનેત્રીઓને હોઠ પર ભડકીલા રંગો સાથે દર્શાવવામાં આવી.

(૫) સ્વર્ગસ્થ હોલિવુડ અભિનેત્રી એલિઝાબેથ ટેલર પોતાની લાલચટક લિપસ્ટિક માટે એટલી જાણીતી હતી કે તે જ્યારે તેની કારકિર્દીના શિખર પર હતી ત્યારે તેના સિવાય ફિલ્મમાં તો દૂર, ફિલ્મના સેટ ઉપર પણ કોઈને લાલ રંગની લિપસ્ટિક વાપરવાની છૂટ રહેતી નહીં.

(૬) ઈંગ્લેન્ડની રાણી એલિઝાબેથ-2ની પોતાની એક ખાસ લિપસ્ટિક છે, જે તેમના રાજ્યાભિષેકના દિવસે પહેરવામાં આવેલા ગાઉન સાથે મેચ કરવા સ્પેશિયલી તૈયાર કરવામાં આવી હતી. તેને બેલમોરલ લિપસ્ટિક તરીકે ઓળખવામાં આવે છે.

(૭) કહેવાય છે કે દુનિયાભરમાં લિપસ્ટિકનું સૌથી વધુ વેચાણ વાદળિયા દિવસોમાં થાય છે.

(૮) ફ્રેન્ચ વૈજ્ઞાનિકોની ગણતરી અનુસાર એક સરેરાશ પુરુષ પોતાના સમગ્ર જીવનકાળ દરમિયાન ૬ પાઉન્ડ લિપસ્ટિક ગળી જાય છે, જ્યારે સ્ત્રી ૧૭ પાઉન્ડ.

(૯) દુનિયાની જાણીતી મેકઅપ કંપની ક્લિનિક દુનિયાભરમાં દર સેકેન્ડે એક લિપસ્ટિક વેચતી હોવાનું કહેવાય છે.

(૧૦) લિપસ્ટિકનો સૌથી વધુ ઉપયોગ હોઠ બાદ ગાલ પર ક્રિમ બ્લશર તરીકે કરવામાં આવે છે.

- ફાલ્ગુની જડિયા-ભટ્ટ

કેનેડામાં કરવામાં આવેલા એક અભ્યાસ મુજબ મહિલાઓમાં વર્ક સ્ટ્રેસ, ડાયબીટીસ થવાનું જોખમ વધારી દે છે. આ અભ્યાસ મુજબ ઓફિસમાં કામ કરતી વખતે સ્ટ્રેસ પુરૂષો અને મહિલાઓમાં એક અલગ અલગ રીતે ભાગ ભજવે છે.

સ્મીથ નામનાં એક લેખકનું માનવું છે કે બની શકે કે સ્ટ્રેસ દરમિયાન પુરૂષો કરતા મહિલાઓ હાઈ સુગરવાળા ખોરાક વધુ લેતી હોય. જેથી હોર્મોન ચેન્જીસની શક્યતા પણ વધી જાય.

કેનેડાનાં ઓન્ટારીયોમાં કેટલાક સંશોધનકર્તાઓએ ૭,૪૪૩ જેટલી કામકાજી મહિલાઓની તપાસ કરી જેમને પહેલેથી ડાયબીટીસ નહોતું. અભ્યાસ દરમિયાન માલૂમ પડ્યું કે ૧૯ ટકા જેટલા કેસોમાં એવી મહિલાઓ હતી જે કામનાં બોજને સહી ન શકતાં તાણ અનુભવતી હતી.

યોગ તમામ માટે ઉપયોગી છે. તેમાંય સ્ત્રીઓ જો યોગ કરે તો તેમને ઘણી હદ સુધી લાભદાયી છે. યુએસની મિશીગન યુનિવર્સીટી દ્વારા એક અભ્યાસ હાથ ધરાયો હતો જેમાં એવું માલૂમ પડ્યું કે ગર્ભાવસ્થા દરમિયાન જો સ્ત્રી યોગ કરે તો તેને ડીપ્રેશનનો સામનો કરવામાં મદદ મળે છે અને માતૃત્વ ધારણ કરવામાં તેને બળ મળે છે.

એક અભ્યાસ મુજબ ગર્ભવતી સ્ત્રીઓ ૧૨થી ૨૬ અઠવાડિયાની ગર્ભાવસ્થા દરમિયાન માનસિક તાણને વધુ અનુભવે છે. પરંતુ જો તે દરમિયાન યોગ કરવામાં આવે તો નિશ્ચિત રીતે તાણને દૂર કરી શકાય છે.

નર્સીસ હેલ્થ દ્વારા હાથ ધરવામાં આવેલા એક અભ્યાસમાં ૧૫,૦૦૦ સ્ત્રીઓને સામેલ કરવામાં આવી હતી. એના તારણ મુજબ, જે સ્ત્રીઓ દિવસમાં પાંચ કલાક કે તેથી ઓછી ઊંઘ કરતી હતી તેમની યાદશક્તિ એવી સ્ત્રીઓની સરખામણીમાં ઓછી હતી જેઓ સાત કલાક ઊંઘતી હતી.

સર્વેમાંની જે સ્ત્રીઓ ૯ કે વધારે કલાકો સુધી ઊંઘતી હતી એ પણ યાદશક્તિ ટેસ્ટમાં સાત કલાકની ઊંઘવાળી સ્ત્રીઓ કરતા નબળી સાબિત થઈ હતી.

સંશોધકોનું માનવું છે કે ઊંઘના કલાકો અને યાદશક્તિ વચ્ચે ચોક્કસપણે એક સંબંધ છે. વ્યક્તિના જીવનના મધ્યાહ્ન ભાગમાં અને પાછલી વય, એમ બંને માટે આ બાબત લાગુ પડે છે.

સંશોધકોએ એવો નિર્દેશ પણ કર્યો કે રાત્રે સાત કલાક કરતા ઓછી ઊંઘ કરતી વ્યક્તિઓને હૃદયની બીમારી તથા ટાઈપ-2 ડાયાબિટીસનું જોખમ વધી જાય છે.

પરંતુ જ્યારે જીવનસાથીથી પોતાના નવા કપડાં છુપાવવાની વાત આવે છે ત્યારે આ ગણતરી ઊંધી થઈ જાય છે. આ પરિસ્થિતિમાં પોતાના વોર્ડડ્રોબમાં થયેલા નવા ઉમેરા અંગે માત્ર ૨૬ ટકા પુરુષોને જ જૂઠું બોલવાની જરૂર લાગે છે, જ્યારે મહિલાઓમાં ૩૯ ટકા સ્ત્રીઓએ આ પરિસ્થિતિમાં પોતે જૂઠું બોલતી હોવાની કબુલાત કરી હતી.

એવી જ રીતે બીએમડબ્લ્યુ ફાઈનાન્શિયલ સર્વિસીસ દ્વારા હાથ ધરવામાં આવેલા એક સર્વેક્ષણમાં જાણવા મળ્યા મુજબ કોઈ અણગમતો ફોન એવોઈડ કરવા ૫૦ ટકા સ્ત્રીઓ વ્યસ્તતાનું બહાનું કાઢે છે, જ્યારે પુરુષોમાં માત્ર ૩૩.૩૩ ટકા જ આ જૂઠાણાનો ઉપયોગ કરે છે.

આ સંદર્ભમાં યુનિવર્સિટી ઓફ હર્ટફોર્ડશાયરના ડેવલપમેન્ટલ સાઈકોલોજીના પ્રોફેસર કરેન પાઈનનું કહેવું છે કે જૂઠું બોલતી વખતે આપણા મનમાં નૈતિક અવઢવ ઊભી થવી સ્વાભાવિક છે, પરંતુ હકીકત તો એ છે કે ખોટું બોલવું એ માણસજાતિનો મૂળભૂત ગુણ છે.

‘‘આપણે માનીએ છીએ કે અસત્ય બોલવું ખરાબ છે, પરંતુ વાસ્તવમાં બીજાને હાથતાળી આપવાના આ ગુણે આપણને એક પ્રજાતિ તરીકે સર્વાઈવ થવામાં મહત્વની ભૂમિકા ભજવી છે. આપણા પૂર્વજોએ નાનામાં નાની બાબતથી માંડી મોટામાં મોટી વસ્તુની પ્રાપ્તિ માટે અન્યો સાથે સ્પર્ધામાં ઊતરવું પડતું હતું. આવામાં પોતાના શત્રુને મહાત કરવા જૂઠું બોલવું તેમના માટે આવશ્યક હતું.’’

‘‘બધા જ ખોટું બોલે છે, પરંતુ આપણને ખબર હોવી જોઈએ કે ક્યારે ખોટું બોલવું યોગ્ય છે અને ક્યારે નહીં. તમારી ફ્રેન્ડની નવી હેરસ્ટાઈલ ન ગમી હોવા છતાં ગમી છે એમ કહેવામાં કશું ખોટું નથી, કારણ આ એક અસત્ય તમારી તેની સાથેની મૈત્રી બચાવી શકે છે. પરંતુ જીવનની તકલીફોમાંથી છટકબારી શોધવા જૂઠું બોલવું નુકશાનકારક છે. આ વલણ લાંબાગાળે તમને વધુ મુશ્કેલીમાં મૂકી શકે છે. કેટલાક કિસ્સાઓમાં તો આ કમ્પલસિવ બીહેવિયરનું કારણ પણ બની શકે છે, જેમાં એક અસત્યને છુપાડવા તમારે સતત બીજા જૂઠાણાઓનો સહારો લેતા જ રહેવું પડે છે.’’

‘‘અસત્ય કોણ બોલે છે? બધા જ બોલે છે, માત્ર એટલું જ કે કેટલાક લોકો આ કળામાં કુદરતી રીતે જ વધુ સારા હોય છે. સામાજિક કુનેહ ધરાવતા લોકો વધુ સારી રીતે જૂઠું બોલી શકે છે. તો બીજી બાજુ આંતરમુખી વ્યક્તિની સરખામણીમાં બહિર્મુખી વ્યક્તિત્વ ધરાવતા લોકો વધારે વખત જૂઠું બોલતા હોય છે,’’ તેઓ વધુમાં ઉમેરે છે.

- ફાલ્ગુની જડિયા-ભટ્ટ

આઈટ્યૂન્સ સ્ટોર મારફત આ એપ મફતમાં ઉપલબ્ધ છે. આ એપ યુઝર્સને એવી બ્રા શોધી આપવામાં મદદ કરે છે જે તેમની લાઈફસ્ટાઈલને અનુરૂપ હોય.

નેટોરી કંપનીનાં ચીફ એક્ઝિક્યૂટિવ ઓફિસર જોઝી નેટોરીએ કહ્યું કે, ઘણાં ગ્રાહકો મને પૂછતા કે પરફેક્ટ બ્રા કેવી રીતે પસંદ કરવી? તેથી મેં આ એપ્લિકેશન ક્રીએટ કરવાનું નક્કી કર્યું જેથી સ્ત્રીઓને એવી બ્રા શોધવામાં આસાની રહે જે આરામદાયક હોય, બરાબર ફિટિંગમાં આવી જાય.

વ્યવસ્થિત રીતે ફિટ રહેતી, સપોર્ટિવ બ્રા પહેરવાથી સ્ત્રીની કાયા પાતળી પણ લાગે અને એમનાં વસ્ત્રો વધારે સરસ રીતે ફિટ રહે. દરેક દસમાંથી આઠ સ્ત્રી એવી બ્રા પહેરે છે જે ફિટ ન હોય, પણ હવે યોગ્ય બ્રા મળી શકવાથી એમની એ સમસ્યા દૂર થઈ ગઈ છે.

આ એપ્લિકેશનના યુઝર્સને એક્ટિવિટી, અટીટ્યૂડ અને બ્રાની સાઈઝ સંબંધિત કેટલાક પ્રશ્નોના ઉત્તર આપવાનાં હોય છે. ત્યારબાદ એમને બ્રા વિશે બે થી ત્રણ વિકલ્પનું સૂચન કરવામાં આવે છે અને એમની કરેક્ટ બ્રા સાઈઝ નક્કી કરવા માટે ‘ફાઈન્ડ યોર ફિટ’ કેલક્યૂલેટર ઉપર ક્લિક કરવાનું કહેવામાં આવે છે.

સૂચનવાળી બ્રા આઈફોન કે આઈપેડ દ્વારા નેટોરી ડોટ કોમવાળી લિન્ક મારફત ખરીદી શકાય છે અથવા ગ્રાહકો ઈમેલ દ્વારા પણ રિઝલ્ટ્સ મેળવી શકે છે જેથી તેઓ પાછળથી બ્રાની ખરીદી કરી શકે.

બ્રા-સંબંધિત અન્ય એપ્સ પણ છે જેમાંનું એક ટીએલએસનું ‘બ્રા-ફિટર’ છે.

ફ્લોરિડા સ્ટેટ યુનિવર્સિટીના નિષ્ણાતોએ એ જાણવા માટે એક અભ્યાસ હાથ ધર્યો હતો કે કેટલાક સંબંધો ખૂબ લાંબા કઈ રીતે ચાલે છે અને બીજા અમુક કેમ જલદી નિષ્ફળ જાય છે.

અભ્યાસના આધારે તેમને માલૂમ પડ્યું છે કે ગુસ્સે થાવું એ સફળ લગ્નજીવનનો એક ઉપાય છે.

જો કે આ તારણ ‘પોઝિટીવ સાઈકોલોજી’ના ટ્રેન્ડથી વિપરીત છે. આ ટ્રેન્ડમાં દંપતિને શીખડાવવામાં આવે છે કે જીવનસાથીની કોઈ ગંભીર ભૂલને લીધે લગ્નજીવનમાં જો ભંગાણ પડ્યું હોય તો તે એકબીજાને માફ કરી દેવાની વૃત્તિ અપનાવવાથી, આશાવાદી બનવાથી, જીવનસાથી પ્રત્યે દયાળુ બનવાથી અને પોઝિટીવ થિન્કિંગ રાખવાથી દૂર થઈ શકે છે.

પરંતુ ફ્લોરિડા સ્ટેટ યુનિવર્સિટીના મુખ્ય સંશોધક જેમ્સ મેકનલ્ટીનું કહેવું છે કે કેટલીક વાર ટૂંકા ગાળાનો રોષપૂર્વકનો વ્યવહાર, પણ પ્રામાણિક પ્રકારની વાતચીત લાંબા ગાળે પતિ-પત્ની વચ્ચેના સંબંધને લાભકર્તા નીવડી શકે છે.

આ વાત ખાસ કરીને એવા જક્કી વલણવાળા જીવનસાથીઓ માટે રીતે લાગુ પડે છે જે પોતાના જીવનસાથીના સારા સ્વભાવનો અને માફ કરી દેવાની નિખાલસતાનો ગેરલાભ ઉઠાવે છે.

પોતાની ભૂલને જીવનસાથી માફ કરી દેશે એવું માનતા લોકો ઓછા ગુના કરે એવો સંભવ હોય છે, પણ તેની સરખામણીમાં જક્કી સ્વભાવવાળા લોકો એમના ખૂબ જ શાંત જીવનસાથીની વિરુદ્ધમાં જાય એવી સંભાવના વધારે રહે છે.

ગુસ્સો વ્યક્ત કરવો તે જીવનસાથીને તેનું વાંધાજનક વર્તન સ્વીકાર્ય નથી એનો નિર્દેશ કરવામાં મહત્વનો ભાગ ભજવી શકે છે. સંબંધને જાળવી રાખવા માટે દુનિયામાં કોઈ ‘જાદુઈ ઈલાજ’ ઉપલબ્ધ નથી તેમજ સંબંધમાં વિચારસરણી અને વર્તણૂંકની કોઈ ચોક્કસ માન્યતા સ્થાપિત થયેલી નથી. આપણે આપણા સંબંધોમાં જે પ્રત્યેક નિર્ણય લઈએ તેના પરિણામોનો તે સમયે પ્રવર્તતા સંજોગો પર આધાર રહેતો હોય છે.

સર્વેમાં ૨૦૦૦ જેટલી સ્ત્રીઓનો મત જાણવામાં આવ્યો હતો. તેમાં એ પણ જાણવા મળ્યું કે વીકલોન્ગ રજા પર હોય ત્યારે સ્ત્રીઓ બે નવા ડ્રેસ કે શૂઝ પણ ખરીદવાનું પસંદ કરતી હોય છે. આમ, તેમનો વોર્ડરોબ છલકાતો રહે છે.

સર્વેક્ષણમાં સ્ત્રીઓએ એવું પણ કબૂલ કર્યું કે રજાઓમાં સતત ડ્રેસ બદલવાની એમની ટેવને કારણે એમને તેમના જીવનસાથી કે ટ્રાવેલિંગ પાર્ટનર સાથે વાદવિવાદ, બોલાચાલી પણ થાય છે.

સ્ટડીમાં જણાવ્યાનુસાર, વિદેશમાં રજા માણવા જવા માટેની સરેરાશ ટ્રાવેલ સૂટકેસમાં ચાર ડ્રેસ, ૬ ટોપ્સ, શોર્ટ કે સ્કર્ટ્સની ચાર જોડી સમાઈ શકે. તદુપરાંત ટ્રાઉઝર્સ કે જીન્સની બે જોડી હોય, ત્રણ બિકીની કે સ્વિમસૂટ હોય. સેન્ડલની ત્રણ જોડી અને શૂઝની બે અલગ જોડી હોય.

સ્ત્રીઓનું કહેવું છે કે દરેક સમયે અલગ આઉટફિટ હોય, જેમ કે સ્વિમિંગ પૂલ માટે બિકીની હોય, દુકાનોમાં ખરીદી કરવા જતી વખતે શોર્ટ્સ હોય અને સાંજનું જમણ લેવા જતી વખતે મેક્સી ડ્રેસ હોય.

આટલા બધા ડ્રેસ બદલવાની ટેવ હોવાથી પેકિંગમાં કંટાળો પણ આવે. ખાસ કરીને જો તમે વિમાન દ્વારા સફર કરતા હો ત્યારે.

સ્ત્રીઓની આ તકલીફ સામે ક્લોધિંગ લાઈન એફ એન્ડ એફના બર્નેડીટ લુશર ઓવર પેકિંગ ટાળવા માટે કેપ્સૂલ હોલીડે વોર્ડરોબનું મહત્વ સમજાવે છે. આખા વોર્ડરોબની ચીજોને સૂટકેસમાં ઠાંસોઠાંસ ભરી દેવાને બદલે કપડાં લઈ જવાનો પ્લાન નક્કી કરવો જોઈએ. જેમ કે તમારે એવી અમુક એક્સેસરીઝ જ સાથે લઈ જવી જે તમને અલગ અલગ આઉટફિટ્સની ગરજ સારે. એનાથી તમારી સૂટકેસ પરનો બોજો પણ હળવો થશે.

હોસ્પિટેલિટી એન્ડ ટૂરિઝમ રીસર્ચ સામયિકમાં પ્રકાશિત કરાયેલા એક અભ્યાસના તારણ મુજબ, પુરુષ ગ્રાહકોની સરખામણીમાં મહિલા ગ્રાહકો લાલ રંગના વસ્ત્રો પહેરેલી વેઈટરોને એટલા જ પૈસાની બક્ષિસ આપે છે જેટલી તે સામાન્ય રીતે દેતી હોય છે.

સંશોધકોએ ફ્રાન્સની પાંચ રેસ્ટોરાંઓમાં ૧૧ વેઈટ્રેસોને જુદા જુદા કલરનાં ટી-શર્ટ પહેરાવીને સર્વિસમાં મૂકી હતી. બાદમાં એમણે ૭૨૨ ગ્રાહકોનું નિરીક્ષણ કર્યું હતું. વેઈટ્રેસોને એક અઠવાડિયા સુધી એક જ પ્રકારનું ટી-શર્ટ કાળા, સફેદ, લાલ, બ્લુ, લીલા અને પીળા, એમ જુદા જુદા રંગમાં પહેરવા કહ્યું હતું.

વેઈટ્રેસોને કહેવામાં આવ્યું હતું કે એમણે ગ્રાહકો પ્રત્યે રાબેતા મુજબનો જ વ્યવહાર રાખવો અને જોવું કે દરેક ગ્રાહક તરફથી એમને કેટલી ટિપ મળે છે.

સંશોધકોને માલૂમ પડ્યું કે પુરુષ ગ્રાહકો લાલ કપડાં પહેરેલી વેઈટ્રેસને ૧૫-૨૬ ટકા જેટલી વધારે ટિપ્સ આપે છે જ્યારે મહિલા ગ્રાહકો પર વેઈટરોનાં વસ્ત્રોનાં રંગોનો કોઈ પ્રભાવ પડ્યો નહોતો.

ઉત્પાદક બોહરીંગર ઈન્જેલીને તેની ગુલાબી રંગની ગોળી સુરક્ષિત અને અસરકારક છે એવું યુએસ ફૂડ એન્ડ ડ્રગ એડમિનિસ્ટ્રેશનની સમિતિના સભ્યોને ખાતરી કરાવવાની પૂરી કોશિશ કરી હતી.

એફડીએ સામાન્ય રીતે આ સમિતિની સલાહને અનુસરે છે. જો કે કાયદાની રીતે એ બંધનકર્તા નથી.

ઉત્થાનની સમસ્યાવાળા પુરુષોમાં સેક્સ પાવર વધારતી ગોળી વાયેગ્રા ઘણી પોપ્યૂલર થઈ છે. તેથી હવે તેની ફીમેલ ડ્રગ, ફ્લીબેન્સેરીન બનાવવામાં આવી છે જે ઘટી ગયેલી સેક્સ ઈચ્છાવાળી પ્રી-મેનોપોઝ સ્થિતિની મહિલાઓના બ્રેઈન કેમિકલ્સને સતેજ કરતી હોવાનો ઉત્પાદકોનો દાવો છે.

ફાર્માસ્યુટિકલ કંપનીઓનું માનવું છે કે ૧૯૯૮માં માર્કેટમાં લોન્ચ કરવા માટેની પરવાનગી મળ્યા બાદ વાયેગ્રાએ અભૂતપૂર્વ સફળતા મેળવી હોવાથી તેની ફીમેલ ડ્રગની સંભવિત માર્કેટ બે અબજ ડોલરની છે.

યુએસ એફડીએનું કહેવું છે કે, બે ક્લિનિકલ ટ્રાયલ્સના અવલોકન મુજબ, ફ્લીબેન્સેરીન દવા સ્ત્રીઓમાં કામેચ્છા સુધારી શકે છે એવું સાબિત કરવામાં નિષ્ફળ ગઈ છે. એચએસડીડી (હાઈપોએક્ટિવ સેક્સ્યુઅલ ડિઝાયર ડિસઓર્ડર)ની સારવારમાં પણ આ દવા અસરકાર જણાઈ નથી. વળી, ફ્લીબેન્સેરીન મહિલાઓમાં ડીપ્રેશન કે ચક્કર જેવી આડઅસરો લાવી શકે છે.

સ્પોર્ટ્સ બ્રાની ખરીદી વખતે તમારે એ ધ્યાનમાં રાખવું પડે કે તમે કઈ રમતમાં ભાગ લેવાના છો. રનિંગ અને એરોબિક્સ જેવી હાઈ-ઈમ્પેક્ટ રમતો માટે હાઈ-ઈમ્પેક્ટ બ્રા જોઈએ જેનાથી તમારી બ્રેસ્ટ બરાબર પ્લેસમાં અને શેપમાં રહે. સાઈક્લિંગ અને યોગાસન વખતે પણ તમારી બ્રેસ્ટને યોગ્ય સપોર્ટ મળવો જોઈએ. એ વખતે એવી બ્રા પહેરવી જોઈએ જેનાથી તમારા હાથ અને ખભા સંપૂર્ણ રીતે ઘૂમી શકે.

યોગ્ય સ્પોર્ટ્સ બ્રાની પસંદગી માટે કોઈ સ્પેશિયાલિસ્ટની સલાહ લેવી જોઈએ. ખાસ કરીને મોટી સાઈઝ કે હાર્ડ-ટુ-ફિટ સાઈઝની બ્રેસ્ટ હોય તો.

યોગ્ય સ્પોર્ટ્સ બ્રા પસંદ કરવાની અમુક ટિપ્સઃ

૧. તમારી સાઈઝ યોગ્ય રીતે ચકાસી લો. સ્પોર્ટ્સ બ્રા વધારે પડતી ટાઈટ ન હોય તે જરૂરી છે.

૨. તમારી બ્રેસ્ટને બાઉન્સ થતી રોકવા એને બ્રામાં કન્ટેઈન કરવાની જરૂર છે. જો અન્ડરવાયર હોય તો એટલી કાળજી લેવી કે એના કપ્સ વધારે પડતા રીન્કલ્ડ કે મોટા ન હોય.

સ્ટ્રેપ્સને યોગ્ય રીતે એડજસ્ટ કરો. એ કમ્ફર્ટેબલ લાગવા જોઈએ.

૩. બાઉન્સની ચકાસણી કરવા બ્રા પહેરીને જમ્પ કરો. થોડુંક દોડી જુઓ. એવી ટ્રાયલ લેવી જરૂરી છે. ટેનિસ પ્લેયરોએ ખાસ કાળજી રાખવી કે એમના હાથ મુક્ત રીતે ફરી શકવા જોઈએ. એવી જ રીતે એરોબિક્સની શોખીનોએ ધ્યાન રાખવું કે એમના ખભાની મૂવમેન્ટ જરાય અટકે નહીં.

૪. બ્રા ઉપર શર્ટ પહેરો. આનો હેતુ સપોર્ટ અને સ્ટાઈલ, બંને માટેનો છે.

૫. સ્પોર્ટ્સ બ્રા લાંબું ટકતી નથી. ૩૦-૪૦ વોશ બાદ એ બદલી નાખવી જોઈએ. આવી બ્રાને ધોયા બાદ ટમ્બલ ડ્રાઈંગ કરવાનું ટાળવું, કારણ કે એની ગરમીથી બ્રાના ફેબ્રિકને નુકસાન થઈ શકે.

અગાઉના સંશોધનમાં એવું માલૂમ પડ્યું હતું કે પ્રસૂતિ પૂર્વે ચોક્કસ માત્રામાં વિટામિન્સ લેવાથી ઓટિઝમના જોખમ સામે રક્ષણ મળે છે. હવે આ વખતના સંશોધનમાં વિજ્ઞાનીઓએ સ્પષ્ટપણે ફોલિક એસિડનું મહત્વ જણાવ્યું છે.

સંશોધકોએ અભ્યાસ પરથી જાણ્યું છે કે સ્ત્રીઓ જો ગર્ભાવસ્થાના પહેલા મહિના દરમિયાન દરરોજ સૂચવ્યા મુજબની માત્રામાં, એટલે કે ૬૦૦ માઈક્રોગ્રામમાં ફોલિક એસિડ લે તો તેને થનાર બાળક ઓટિઝમનો ભોગ બને એવું જોખમ ઘટી જાય.

યુએસ સેન્ટર ફોર ડિસીઝ કન્ટ્રોલ એન્ડ પ્રીવેનશનના જણાવ્યાનુસાર, અમેરિકામાં આજે જન્મતા દર ૮૮ બાળકોમાંથી અંદાજે એક બાળકમાં ઓટિઝમ સ્પેક્ટ્રમ વ્યાધી હોવાનું માલૂમ પડે છે.

સંશોધનકારી એજન્સી, ધ લેન્સેટ દ્વારા હાથ ધરવામાં આવેલા એક અભ્યાસ પરથી માલૂમ પડ્યું છે કે ૨૦૦૮માં પ્રસૂતિ વખતે અથવા ગેરકાયદેસર, જોખમી ગર્ભપાતને કારણે ૩,૫૫,૦૦૦ સ્ત્રીઓનાં મરણ થયા હતા. પરંતુ ગર્ભનિરોધકોથી અનિચ્છનીય ગર્ભાવસ્થાના કિસ્સાઓ ઘટી જવાથી એક જ વર્ષમાં અઢી લાખ જેટલી સ્ત્રીઓના મરણ નિવારી શકાયા હતા.

વિકાસશીલ દેશોમાં જે તમામ મહિલાઓ ગર્ભાવસ્થા ટાળવા ઈચ્છતી હોય તેમણે અસરકારક ગર્ભનિરોધક મેથડ અપનાવવી જોઈએ.

બિલ એન્ડ મેલિન્ડા ગેટ્સ ફાઉન્ડેશને પ્રમોટ કરેલા સેમિનાર ‘લંડન સમિટ ઓન ફેમિલી પ્લાનિંગ’ વખતે ધ લેન્સેટ એજન્સીના સ્ટડીના રિપોર્ટને રિલીઝ કરવામાં આવ્યો હતો. તેમાં જણાવાયું છે કે વિકાસશીલ દેશોમાં કોન્ટ્રાસેપ્ટિવ્સનો ઉપયોગ વધવાથી ગર્ભાવસ્થા દરમિયાન કે પ્રસૂતિ વખતે સ્ત્રીઓના થતા મરણના કિસ્સાઓમાં છેલ્લા ૨૦ વર્ષમાં ૪૦ ટકાનો ઘટાડો થયો છે.

નેશનલ હેલ્થ સર્વિસીસ મેડિકલના ડિરેક્ટરોના ગ્રુપનું કહેવું છે કે આ ઈમ્પ્લાન્ટ્સમાં વપરાતું સિલિકોન જેલ ફિલર ઝેરી અસર ઉપજાવતું નથી અને તેનાથી બ્રેસ્ટ કેન્સર થવાનું જોખમ વધતું નથી. તેમ છતાં નિષ્ણાતોએ એવી ચેતવણી આપી છે કે જો આ ઈમ્પ્લાન્ટ્સમાં ઈન્ડસ્ટ્રિયલ-ગ્રેડનું સિલિકોન જેલ વપરાતું હશે જેનો ઉપયોગ મેટ્રેસીસ બનાવવામાં કરવામાં આવે છે તો તે અન્ય બ્રાન્ડ્સની જેમ ફાટી જવાનું જોખમ બમણું રહી શકે છે.

વિશ્વભરમાં ૪,૦૦,૦૦૦ જેટલી મહિલાઓએ PIP માંથી બનાવેલા ઈમ્પ્લાન્ટ્સ બેસાડ્યા હતા. પરંતુ આ પ્રકારના ઈમ્પ્લાન્ટ્સનું ઉત્પાદન ૨૦૧૦માં બંધ કરી દેવામાં આવ્યું હતું અને ઘણા દેશોએ સ્ત્રીઓને વિનંતી કરી હતી કે તેઓ આ ઈમ્પ્લાન્ટ્સને કાઢી નાખે.

એનએચએસના ગ્રુપ લીડર પ્રોફેસર બ્રુસ કીઓઘનું કહેવું છે કે ઘણી સ્ત્રીઓ ચિંતાતુર થઈ ગઈ હતી. અમે ઊંડાણપૂર્વક ચકાસણી કર્યા બાદ તેમને બેસ્ટ ક્લિનિકલ સલાહ આપવા સમર્થ બન્યા છીએ. અમે બ્રિટન, ફ્રાન્સ અને ઓસ્ટ્રેલિયામાં પીઆઈપી ઈમ્પ્લાન્ટ્સના જુદા જુદા બેચીસ પર એકથી વધારે વાર પરીક્ષણ કર્યું હતું અને અમને જણાયું છે કે આ ઈમ્પ્લાન્ટ્સ ઝેરી અસર ઉપજાવતા નથી. તેથી એ બેસાડવાથી સ્ત્રીઓને લાંબા ગાળે આરોગ્યને લગતી કોઈ તકલીફ થતી નથી.