આગલી બે મેચમાં હારી જનાર કોલકાતાએ ટોપ સ્કોરર તિવારીની ધૈર્યપૂર્વકની બેટિંગની મદદથી ૨૦ ઓવરમાં સાત વિકેટે ૧૪૦ રન કર્યા હતા. ત્યારબાદ મુંબઈના દાવમાં સુનીલે તરખાટ મચાવ્યો હતો અને ચાર ઓવરમાં ૧૫ રન આપીને ચાર વિકેટ ખેરવી હતી. તેને લીધે મુંબઈની ટીમ ૧૯.૧ ઓવરમાં ૧૦૮ રનમાં ખખડી ગઈ.

આ સાથે સુનીલ આઈપીએલ-5માં સૌથી વધારે વિકેટો લેનાર બોલર પણ બન્યો છે. જો કે તેણે લસીથ મલિંગા અને મોર્કેલની જેટલી, ૨૧ વિકેટો લીધી છે.

સુનીલને બાલાજી અને જેક કાલીસનો ટેકો મળ્યો હતો, જેમણે બબ્બે વિકેટ લીધી હતી.

મુંબઈ વતી સૌથી વધારે રન કર્યા સચીન તેંડુલકરે – ૨૭ તો વિકેટકીપર દિનેશ કાર્તિક ૨૦ રન કરીને આઉટ થયો હતો.

મુંબઈની ટીમ ૧૫ મેચોમાં ૧૮ પોઈન્ટ સાથે ત્રીજા સ્થાને છે.

બુધવારની મેચમાં શાહરૂખ ખાન હાજર નહોતો અને મેચ પુરી થયા પછી કેટલાક બાળકો સાથે પ્રેઝન્ટેશન સેરેમનીમાં આવ્યો હતો. સલામતી કર્મચારીઓ સાથે બોલાચાલી થતા શાહરૂખ ગુસ્સે ભરાયો હતો અને સલામતી કર્મચારીઓ તથા અધિકારીઓ સાથે બાખડી પડ્યો હતો. શાહરૂખને બાળકો સાથે અંદર પ્રવેશ આપવા બાબતો બન્ને પક્ષો વચ્ચે બોલાચાલી થઇ હતી.

આ ફી એવા મકાનો પાસેથી વસુલ કરવામાં આવશે જે ૨૦૦૮માં કે તે પછી બંધાયા હોય.

વસૂલ કરાયેલી ફીની કુલ રકમ ઉપર ૩ ટકાની એડિશનલ ફી પણ ચાર્જ કરવામાં આવશે. બીએમસી જનરલ એસેસમેન્ટ ટેક્સના ભાગરૂપે ચાર ટકા ફાયર ટેક્સ તો ઉઘરાવે જ છે. આ જોગવાઈ છેક ૧૯૩૬થી લાગુ છે.

મહાપાલિકાની સ્થાયી સમિતિમાં આ પ્રસ્તાવ અંગે ચર્ચા થઈ છે.

મુંબઈમાં ગગનચૂંબી ઈમારતોની સંખ્યા સતત વધી રહી હોવાથી ફાયર બ્રિગેડ વિભાગ માટે કામગીરી ચેલેન્જિંગ બની રહી છે. ફાયર બ્રિગેડને વધારે ફંડની જરૂર છે જેનો ઉપયોગ એ તેની સાધનસામગ્રીને અપગ્રેડ કરવા માટે કરી શકે.

માકેને કહ્યું છે કે, ભારતમાં ક્રિકેટનું સંચાલન કરવા માટે ઈન્ટરનેશનલ ક્રિકેટ કાઉન્સિલે બીસીસીઆઈને માન્યતા આપી છે. આ સમસ્યાનો ઉકેલ લાવવાની તેમની ફરજ છે, સંપૂર્ણ જવાબદારી એમની છે. પાંચ ખેલાડીઓને સસ્પેન્ડ કરાયા તે પૂરતું નથી. ક્રિકેટ બોર્ડે આ સમસ્યા માટે લાંબા ગાળાનો કોઈક ઉકેલ શોધવો જ પડશે.

માકેનની આ કમેન્ટ્સ ઈન્ડિયા ટીવીના સ્ટિંગ ઓપરેશનને પગલે આવી છે. તે સ્ટિંગ ઓપરેશનને પગલે આઈપીએલની ગવર્નિંગ કાઉન્સિલે પાંચ સ્થાનિક ખેલાડીઓ – મોહનિશ મિશ્રા, શલભ શ્રીવાસ્તવ, ટી.પી. સુધિન્દ્ર, અમિત યાદવ અને અભિનવ બાલીને તાત્કાલિક અસરથી અને તપાસ પૂરી ન થાય ત્યાં સુધી સસ્પેન્ડ કર્યા છે.

માકેને એમ પણ કહ્યું છે કે બીસીસીઆઈએ તેની વિશ્વસનીયતાને ખાતર તેના નાણાકીય હિસાબો રાઈટ ટુ ઈન્ફોર્મેશન (આરટીઆઈ) હેઠળ લાવવા જોઈએ. તેમણે એમના એકાઉન્ટ્સ અમને સુપરત કરવાની જરૂર નથી, પણ આરટીઆઈમાં ખુલ્લા મૂકવા જોઈએ.

છેલ્લા ઘણા વર્ષોથી આ વિસ્તારની જનતાને દર ઉનાળે છ દિવસે એક વાર પાણી મળે છે. ધોળીધજા ડેમમાં તા. ૩૦ જૂન સુધી ચાલે એટલું જ પાણી હોઈ વહીવટીતંત્રમાં ચિંતા પ્રસરી છે. સુરેન્દ્રનગર-વઢવાણ પાલિકાના અધિકારીઓ અને એન્જિનિયરોની બેઠક યોજવામાં આવી હતી. પાણી પુરવઠા વિભાગના અધિકારીઓએ કેનાલનું કામ પૂરું કરી ઝડપથી નર્મદાનું પાણી પૂરું પાડવાની પાલિકાને હૈયાધારણ આપી છે.

ધોળીધજા ડેમમાં પાણીનું સ્તર તળીયે ગયું છે અને હવે પમ્પિંગ દ્વારા પાણી ખેંચવામાં આવશે તેથી આ બંને શહેરમાં જળસંકટ વધશે. સપ્તાહમાં એક વાર પાણી મળશે.

અન્ય રાજ્યોના વિદ્યાર્થીઓ માટે ગુજરાતમાં પ્રોફેશનલ ઈન્સ્ટિટ્યૂટ્સના દરવાજા ખુલ્લા મૂકવાના હેતુ સાથે વિધાનસભાએ આ ખરડો પાસ કર્યો હતો. છેલ્લા દસ વર્ષોમાં ગુજરાતમાં પ્રોફેશનલ અભ્યાસક્રમોમાં મંજૂરીપ્રાપ્ત બેઠકોની સંખ્યામાં નોંધપાત્ર વધારો કરાયો છે, પણ કેટલીક શાખાઓમાં ઘણી બેઠકો ખાલી રહે છે. તેથી સરકારે અન્ય રાજ્યોના વિદ્યાર્થીઓને ભણવાની પરવાનગી આપીને ખાલી જગ્યાઓ ભરવાના હેતુ સાથે આ ખરડો તૈયાર કર્યો છે.

ગુજરાતના વિદ્યાર્થીઓ ઉચ્ચ શિક્ષણ પ્રાપ્ત કરવા અન્ય રાજ્યોમાં જાય છે, પણ હવે અન્ય રાજ્યોના વિદ્યાર્થીઓ ગુજરાતમાં આવીને ભણે તે માટે અહીંની ઈન્સ્ટિટ્યૂટ્સ ખુલ્લી મૂકવાનું સરકારે નક્કી કર્યું છે.

ખરડા અનુસાર, અન્ય રાજ્યોના વિદ્યાર્થીઓ માટે અલગ અલગ સમયે નક્કી કરાતી લિમિટ અનુસાર પ્રવેશ આપવામાં આવશે. તેમ છતાં સેન્ટર ઓફ એક્સીલન્સ લેવલ હાંસલ કરી ચૂકેલી કોલેજો અને ઈન્સ્ટિટ્યૂટ્સને આ ખરડામાંથી બાકાત રાખવામાં આવી છે.

હરભજન સિંહ અને તેના સાથીઓએ આ વખતની આઈપીએલમાં ગેરશિસ્ત બદલ ઘણી વાર દંડાયા છે. તાજો કિસ્સો છે અંબાતી રાયડુનો, જે રોયલ ચેલેન્જર્સ બેંગલોર સાથેની મેચ દરમિયાન હરીફ ખેલાડી હર્ષલ પટેલ સાથે બાખડી પડ્યો હતો. તેને લીધે રાયડુને હર્ષલ સામે ગાળાગાળી કરવા બદલ તેની મેચ ફીની ૧૦૦ ટકા રકમનો દંડ ફટકારવામાં આવ્યો છે.

તેવી જ રીતે, રોહિત શર્માએ પણ આગલા અઠવાડિયે તેની મર્યાદા ઓળંગી હતી. મુંબઈનો પરાજય થયા બાદ તેણે સ્ટમ્પ્સને લાત મારીને પાડી નાખ્યા હતા.

એક અન્ય કિસ્સામાં ફાસ્ટ બોલર મુનાફ પટેલ સંડોવાયો હતો. ટીમમાં સૌથી વધારે ગુસ્સે ભરાતો ખેલાડી કદાચ મુનાફ છે. તે અવારનવાર અમ્પાયરો અને હરીફ ખેલાડીઓ સાથે ઝઘડતો રહ્યો છે. ડેક્કન ચાર્જર્સ સામેની એક મેચમાં તે હરીફ કેપ્ટન કુમાર સંગકારા સામેના એક નિર્ણય બદલ અમ્પાયર પર ખૂબ રોષે ભરાયો હતો અને દલીલબાજી કરી હતી.

એ વખતે તેને મેચ ફીની ૨૫ ટકા રકમનો દંડ કરાયો હતો.

એક ખાસ સમારંભમાં ગુજરાત પ્રદેશ કોંગ્રેસ સમિતિના ભૂતપૂર્વ પ્રમુખ સિદ્ધાર્થ પટેલ પણ હાજર રહ્યા હતા.

માર્ટિને બાદમાં પત્રકારોને કહ્યું કે, કોંગ્રેસ પાર્ટીમાં જોડાઈને હું નવી ઈનિંગ્ઝ શરૂ કરવા માગું છું અને કોમની સેવા બજાવવા માગું છું. મને આ પાર્ટીના સિદ્ધાંતો ગમ્યા છે તેથી તેમાં જોડાયો છું.

માર્ટિન પ્રથમ કક્ષાની ૧૩૮ મેચો રમ્યો છે જેમાં તેણે ૯૦૦૦થી વધારે રન કર્યા છે. ૧૯૯૯-૨૦૦૦માં ઓસ્ટ્રેલિયાના પ્રવાસે ગયેલી ભારતીય ટીમનું પ્રતિનિધિત્વ કર્યું હતું જે ખૂબ ટૂંકા સમયનું રહ્યું હતું.

દિલ્હી ડેરડેવિલ્સ સાથેની લીગ મેચ બાદ પત્રકારો સાથેની વાતચીતમાં હસીએ કહ્યું કે, મારી ટીમનો દરેક સભ્ય સંપૂર્ણ નિષ્ઠા સાથે અને એક બ્રાન્ડ તરીકે રમે છે. જો પ્રચારમાધ્યમો મારી ટીમ વિશે કંઈ એલફેલ બોલશે તો મને ખૂબ જ નિરાશા થશે. સ્ટિંગ ઓપરેશન વિશે હું કોઈ કમેન્ટ કરી શકું નહીં.

ઈન્ડિયા ટીવી ચેનલે સ્ટિંગ ઓપરેશન કર્યા બાદ આઈપીએલમાં ભ્રષ્ટ પ્રવૃત્તિઓ ચાલતી હોવાનો પર્દાફાશ કર્યા બાદ આઈપીએલ ગવર્નિંગ કાઉન્સિલે પાંચ ખેલાડીઓને સસ્પેન્ડ કર્યા છે. આમાંના બે જણ – શલભ શ્રીવાસ્તવ અને અમિત યાદવ કિંગ્સ ઈલેવન પંજાબના છે.

અન્ય ત્રણ જણ છે – મોહનિશ મિશ્રા (પુણે વોરિયર્સ), ટી.પી. સુધિન્દ્ર (ડેક્કન ચાર્જર્સ) અને અભિનવ બાલી (દિલ્હીનો ઓલરાઉન્ડર, પણ આઈપીએલમાં રમ્યો નથી).

શ્રીવાસ્તવ આ મોસમમાં પંજાબ વતી એકેય મેચ રમ્યો નથી જ્યારે યાદવને પણ કોઈ મેચમાં રમાડવામાં આવ્યો નથી.

મોહનિશ આ મોસમમાં રોયલ ચેલેન્જર્સ બેંગલોર સામેની એકમાત્ર મેચમાં રમ્યો હતો જ્યારે સુધિન્દ્ર ચાર્જર્સ વતી ત્રણ મેચમાં રમ્યો છે.

‘આઈપીએલ નજીકના ભવિષ્યમાં ઈંગ્લિશ પ્રીમિયર લીગ જેટલી જ લોકપ્રિયતા હાંસલ કરશે એવી મને આશા છે, પણ બીસીસીઆઈએ આ ટુર્નામેન્ટને આગળના સ્તરે લઈ જવા વિશે હવે વિચારવું જોઈએ. આ સ્પર્ધાના એક સ્ટેકહોલ્ડર તરીકે હું કહેવા માગું છું કે આ સ્પર્ધા સાથેના પાંચ વર્ષ અદ્દભુત રહ્યા,’ એમ નેસ વાડિયાએ કહ્યું.

જો કે આઈપીએલ ફ્રેન્ચાઈઝીઓને બીસીસીઆઈ સાથે કાનૂની જંગમાં ઉતરવું પડ્યું છે તેમજ નાણાકીય સમસ્યાઓને કારણે નેસ વાડિયા નારાજ છે. ‘બીસીસીઆઈ સાથે કોર્ટ કેસને કારણે આઈપીએલની બ્રાન્ડ પર નકારાત્મક અસર પડે છે. એક તબક્કે તો મેં આ ઝંઝટમાંથી હટી જવાનું પણ વિચારેલું, પણ પછી લડાઈ લડવાનું ચાલુ રાખ્યું,’ એમ ૪૧ વર્ષીય વાડિયા કહે છે.

આઈપીએલ-5માં પોતાની ટીમના દેખાવથી વાડિયા મહદ્દઅંશે સંતુષ્ટ છે.

બ્રેન્ટ ક્રૂડ જુલાઈ વાયદો ૪૫ સેન્ટ ઘટીને ૧૧૦.૫૫ ડોલર પ્રતિ બેરલ આસપાસ હતો. કાળું સોનું ગણાતા ક્રૂડના ભાવમાં ઘટાડા ઉપરાંત પીળી અને સફેદ કિંમતી ધાતુ અર્થાત સોના-ચાંદીમાં પણ નરમાઈનો ટ્રેન્ડ યથાવત્ રહ્યો હતો. યુરોઝોનમાં ગ્રીસના સંકટ પાછળ ડોલર સામે યુરો નરમ પડતાં વૈશ્વિક બજારોમાં સોના ચાંદીમાં ગાબડું પડયું હતું. નાયમેક્સમાં કોમેક્સ સોનાનો જૂન વાયદો ૭.૪ ડોલર ઘટીને ૧,૫૫૩.૬ ડોલર થયો હતો. જ્યારે ચાંદી જુલાઈ વાયદો ૨૫ સેન્ટ ઘટીને ૨૯.૦૮ ડોલર પ્રતિ ઔંસ થયો હતો. અમદાવાદમાં સોનું રૂ. ૨૯,૭૦૦ની સર્વોચ્ચ સપાટીએથી ૧૦ દિવસમાં રૂ. ૧,૨૦૦ ગગડીને રૂ. ૨૮,૫૫૦ થયું છે. તેમજ આ ગાળામાં ચાંદીમાં પણ રૂ. ૨,૫૦૦નો ઘટાડો થતાં રૂ. ૫૩,૦૦૦ની સપાટી તોડી રૂ. ૫૨,૮૦૦ થઈ હતી. ઘરઆંગણે બન્ને કિંમતી ધાતુમાં વેપારીઓ અને ગ્રાહકોની માગ ઘટી હતી.

બીજીતરફ જર્મનીના આર્થિક આંકડા અપેક્ષાથી વિપરિત સુધારા સાથે જાહેર થતાં યુરોઝોનનમાં નવી આશાનું કિરણ જાગ્યું હતું. પ્રથમ ત્રિમાસમાં જર્મનીનો વૃદ્ધિ દર -૦.૧ના ઘટાડાની અપેક્ષા સામે વાસ્તિવક ૦.૫ ટકા વધીને રહ્યો હતો. જેને પગલે યુરોપના બજારોમાં રીકવરી જણાતાં ભારતીય બજારોમાં પાંચ કારોબારી સત્રની મંદીને બ્રેક લાગી હતી. બીએસઈ સેન્સેક્સ ૧૧૨.૪૧ પોઈન્ટના સુધારા સાથે ૧૬,૩૨૮.૨૫ની સપાટીએ બંધ થયો હતો. નિફ્ટી આંક પણ ૩૫ પોઈન્ટ ઉપર ૪,૯૪૨.૮૦ના સ્તરે બંધ થયો હતો. યુરોઝોનના આશાવાદે ડોલરમાં વેચવાલી નિકળતાં અને ફોરેક્સ માર્કેટમાં રીઝર્વ બેંકની સંભવિત મધ્યસ્થીને પગલે રૂપિયામાં ધોવાણ અટક્યું હતું. ડોલર સામે રૂપિયો આરંભે ૫૪ની સપાટી તોડી ઈન્ટ્રાડેમાં ૫૪.૧૫ની નીચી સપાટીએ ગયો હતો.

આ અગાઉ ૧૫ ડીસેમ્બર ૨૦૧૧ના રોજ રૂપિયો ૫૪.૩૨ની ઈન્ટ્રાડે નીચી સપાટીએ જોવા મળ્યો હતો. આરબીઆઈ તેમજ બેન્કોની ડોલરમાં વેચવાલીને પગલે રૂપિયો નીચા મથાળેથી સુધરીને અંતે ૧૭ પૈસા ઉપર ૫૩.૭૯ની સપાટીએ બંધ થયો હતો. ડીલર્સના મતે રૂપિયામાં સુધારો અલ્પજીવી સાબિત થઈ શકે છે. રૂપિયાનું ફંડામેન્ટલ નબળું હોઈ આગામી સમયમાં નજીકના સયમાં રૂપિયો ૫૫-૫૮ની રેન્જમાં રહેવાની શક્યતા છે.  

આ મોસમમાં દિલ્હીનો આ દસમો વિજય છે અને ૨૦ પોઈન્ટ મેળવીને તેણે પોઈન્ટ્સ ટેબલમાં ટોચનું સ્થાન જાળવી રાખ્યું છે. તેના વિજયમાં યુવા ફાસ્ટ બોલરો વરુણ આરોન અને ઉમેશ યાદવ ઉપરાંત ત્રણ બેટ્સમેનો – મહેલા જયવર્દને (૫૬ નોટઆઉટ), વિકેટકીપર નમન ઓઝા (૩૪) અને ઈરફાન પઠાણ (૧૯ નોટઆઉટ)ની મદદથી ૧૯ ઓવરમાં પાંચ વિકેટના ભોગે ૧૪૦ રન કરીને મેચ જીતી લીધી.

પંજાબે તેની ૨૦ ઓવરમાં ૮ વિકેટે ૧૩૬ રન કર્યા હતા.

જયવર્દનેએ તેના ૪૯ બોલમાં ૮ ચોગ્ગા ફટકાર્યા હતા. ઓઝાએ ૨૯ બોલ રમ્યો હતો જેમાં બે છગ્ગા અને ત્રણ ચોગ્ગા માર્યા હતા તો પઠાણે પંજાબના સૌથી સફળ બોલર પરવિંદર અવાનાની એક જ ઓવરમાં ત્રણ ચોગ્ગા ફટકારીને મેચને દિલ્હીની તરફેણમાં લાવી દીધી હતી.

અવાનાએ ચાર ઓવરમાં ૨૨ રન આપીને વિરેન્દર સેહવાગ (૮), વેણુગોપાલ રાવ (૭) અને રોસ ટેલર (૦)ની વિકેટ ઝડપી હતી. પોતાના ૨૪ બોલમાં તેણે ૧૪ બોલ ડોટ ફેંક્યા હતા.

તે પહેલા, પંજાબની બેટિંગ વખતે, કેપ્ટન ડેવીડ હસી અણનમ ૪૦ રન કરીને ટોપ સ્કોરર રહ્યો હતો. ઉમેશ યાદવે ૨૧ રનમાં ત્રણ વિકેટ જ્યારે વરુણે ૧૯ રનમાં બે વિકેટ લીધી હતી.

મિશ્રાને તેની આઈપીએલની ટીમ પુણે વોરિયર્સે તાત્કાલિક અસરથી સસ્પેન્ડ કર્યો છે. તે પહેલા બીસીસીઆઈએ સ્પોટ-ફિક્સિંગમાં કથિત સંડોવણી બદલ મિશ્રાને સસ્પેન્ડ કરી દીધો હતો.

પુણે વોરિયર્સના માલિક સુશાંતો રૉયે એક નિવેદનમાં કહ્યું છે કે અમે મોહનિશ મિશ્રાની બેજવાબદારભરી વર્તણૂંકને વખોડી કાઢીએ છીએ અને તેને વધુ તપાસ થાય ત્યાં સુધી તાત્કાલિક અસરથી સસ્પેન્ડ કરીએ છીએ. તે આઈપીએલમાં હવે પછી ભાગ નહીં લે.

રૉયે કહ્યું કે, અમારી ફ્રેન્ચાઈઝીએ કોઈ પણ ખેલાડી માટે બીસીસીઆઈએ નક્કી કરેલી મહત્તમ રકમ કરતા વધારે પૈસા કોઈને આપ્યા નથી.

સ્ટેનફોર્ડ યુનિવર્સિટી સ્કૂલ ઓફ મેડિસીનના જે સંશોધકોએ આ અંગે અભ્યાસ હાથ ધર્યો હતો, તેમનું કહેવું છે કે અગાઉની સરખામણીમાં હાલના સમયે વયસ્ક વ્યક્તિઓમાં ઊંઘમાં ચાલવાની આદત વધારે જોવા મળે છે.

અભ્યાસુઓની આગેવાની લેનાર સાઈકિયાટ્રી એન્ડ બીહેવિઓરલ સાયન્સીસ વિભાગના પ્રોફેસર મૌરિસ ઓહાયોંનું કહેવું છે કે ઊંઘમાં ચાલવાની બીમારી ગંભીર પરિણામો લાવી શકે છે. તેનાથી ઊંઘમાં ચાલનાર ને કે અન્યોને ઈજા થઈ શકે છે.

એવું જણાયું છે કે દવાના ઉપયોગ અને અમુક મનોવૈજ્ઞાનિક તથા મનોવિકૃતિ સંબંધિત પરિસ્થિતિઓને લીધે ઊંઘમાં ચાલવાનો વ્યાધિ થઈ શકે છે. તેમ છતાં તેનું ચોક્કસ કારણ હજી જાણી શકાયું નથી.

ટીવી ચેનલના સ્ટિંગ ઓપરેશનનું ફૂટેજ જોયા બાજ ક્રિકેટ બોર્ડે આ મામલે તપાસ હાથ ધરી છે અને ટી.પી. સુધિન્દ્ર (ડેક્કન ચાર્જર્સ), મોહનિશ મિશ્રા (પુણે વોરિયર્સ), શલભ શ્રીવાસ્તવ અને અમિત યાદવ (કિંગ્સ ઈલેવન પંજાબ) તથા અભિનવ બાલીને સસ્પેન્ડ કરી દીધા છે.

ક્રિકેટ બોર્ડે આ આરોપની તપાસ માટે એક સમિતિની રચના કરી છે જેની આગેવાની રવિ સવાનીને સોંપવામાં આવી છે. સવાની આઈસીસીની એન્ટી-કરપ્શન એન્ડ સિક્યુરિટી યુનિટના ભૂતપૂર્વ વડા છે. સવાનીને તેમની તપાસનો રિપોર્ટ ૧૫ દિવસની અંદર આપી દેવા જણાવાયું છે.

બીસીસીઆઈની માગણીને પગલે ઈન્ડિયા ટીવી ચેનલે સ્ટિંગ ઓપરેશનની વીડિયો ક્લિપ તેમને મોકલાવી હતી. બીસીસીઆઈના ટોચના અધિકારીઓ તથા ગવર્નિંગ કાઉન્સિલના સભ્યોએ મંગળવારે બપોરે ટેલિકોન્ફરન્સ યોજી હતી અને તેમાં ચર્ચા કર્યા બાદ પાંચ ખેલાડીઓને સસ્પેન્ડ કરવાનો નિર્ણય લીધો હતો.

દરમિયાન, ઈન્ડિયા ટીવી ચેનલે કહ્યું છે કે સ્પોટ-ફિક્સિંગ માટે પૈસા માગતા આઈપીએલ ખેલાડીઓને દર્શાવતા સ્ટિંગ ઓપરેશનને અમે વળગી રહીએ છીએ. ચેનલના વડા તંત્રી રજત શર્માએ સ્ટિંગના ફૂટેજ સાથે ચેડાં કરવામાં આવ્યા હોવાના આરોપી ક્રિકેટરોના આક્ષેપોને નકારી કાઢ્યા છે. શર્માએ ભારતીય ક્રિકેટની મોટી હસ્તીઓને ક્લીન ચીટ આપી છે અને કહ્યું છે કે ભ્રષ્ટ પદ્ધતિમાં તેઓ સંડોવાયેલા નથી.

શર્માએ કહ્યું કે, બીસીસીઆઈના અધિકારીઓએ મને ફોન કરીને કહ્યું કે તેમણે જે જોયું છે તેનાથી પ્રાથમિક રીતે તેમને ખાતરી થઈ છે. તેઓ ત્રણ ખેલાડીઓ સામે ત્વરિત પગલા લેવાના છે. અમારા રિપોર્ટરે સ્ટિંગ ઓપરેશન વખતે કહેલું કે પોતે મીડિયા મેનેજમેન્ટ કંપનીનો માણસ છે. હવે બધું બીસીસીઆઈ પર છે. પગલું લેવું કે નહીં તે નિર્ણય તેણે લેવાનો છે. તેણે આઈપીએલના નિયમો અનુસાર શક્ય એટલું કડક પગલું લેવું પડશે. મારું માનવું છે કે મોટા ભાગના મોટા ખેલાડીઓ ક્લીન છે. હજી સુધી કોઈ આઈપીએલ ફ્રેન્ચાઈઝીએ મારો સંપર્ક કર્યો નથી.

સુધિન્દ્ર ઈન્ડિયન ક્રિકેટ લીગમાં દિલ્હી જાયન્ટ્સ વતી રમે છે અને આઈપીએલમાં ડેક્કન ચાર્જર્સનો ખેલાડી છે.

મિશ્રા પણ દિલ્હી જાયન્ટ્સ વતી રમે છે. ૨૦૧૦માં ડેક્કન ચાર્જર્સે સાઈન કર્યા બાદ ૨૦૧૧માં પુણે વોરિયર્સમાં જોડાયો હતો.

અમિત યાદવ કિંગ્સ ઈલેવનનો ખેલાડી છે, પણ હજી સુધી        એકેય આઈપીએલ મેચ રમ્યો નથી. તેવી જ રીતે, ડાબોડી સ્પિનર બાલી દિલ્હી જાયન્ટ્સ વતી રમે છે, પણ હાલ એકેય આઈપીએલ ટીમમાં નથી.

ઉલ્લેખનીય છે કે ઈન્ટેલિજન્સ બ્યૂરોના અહેવાલ મુજબ ગુજરાતમાં આતંકવાદી હુમલાની ભીતી છે. સંભવિત સ્થિતિને પહોંચી વળવા માટે સતર્ક રહેવા રાજકોટ પોલીસ અને રેલવે પોલીસે સહિયારું પગલું લઈને સૌરાષ્ટ્ર મેલ ટ્રેનમાં ઓચિંતું કોમ્બિંગ ઓપરેશન હાથ ધર્યું હતું.

આ ઓપરેશનમાં સૌરાષ્ટ્રના પાંચ શહેરોના જવાનો જોડાયા હતા. સવારે રાજકોટ જંક્શન ખાતે અધિકારીઓ અને ૧૦૦ જેટલા જવાનોનો કાફલો તહેનાત થઈ ગયો હતો અને ટ્રેન જેવી સ્ટેશને આવી પહોંચી કે તરત જવાનોએ તેને ઘેરી લીધી હતી. એન્જિનથી લઈને છેલ્લે, ગાર્ડના ડબ્બા સુધી સમગ્ર ટ્રેનને જવાનોએ કબજામાં લીધી હતી. તેમણે ટ્રેનના પ્રત્યેક ડબ્બાના ખૂણેખૂણે તપાસ, ચકાસણી કરી હતી.

માત્ર સૌરાષ્ટ્ર મેલ જ નહીં, રાજકોટ આવતી અન્ય લાંબા અંતરની ટ્રેનોમાં પણ આ રીતે કડક ચકાસણી કરવામાં આવી રહી છે.

કિંગ્સ ઈલેવન પંજાબના ફાસ્ટ બોલર શલભ શ્રીવાસ્તવે (તસવીરમાં) આઈપીએલની એક મેચ દરમિયાન ઈરાદાપૂર્વક નો-બોલ ફેંકવાના બદલામાં રૂ. ૧૦ લાખ આપવાની માગણી કરી હોવાનો સ્ટિંગ ઓપરેશનમાં પર્દાફાશ કરવામાં આવ્યો છે.

શ્રીવાસ્તવે આ આરોપને નકારી કાઢ્યો છે અને પોતે નિર્દોષ છે એમ કહ્યું છે. તેણે કહ્યું કે ટીવી ચેનલ જે વીડિયો ક્લિપ બતાવે છે એની સાથે ચેડાં કરાયા છે. ધારો કે તે લોકો બધી ક્લિપ્સ બતાવે છે તો મેં રૂ. ૧૦ લાખની માગણી કરી હોવાનું કહેવાય છે એ ક્લિપ શું કામ બતાવતા નથી? ટેલિફોન પરની વાતચીતમાંનો જે અવાજ છે તે મારો નથી.

શ્રીવાસ્તવે કહ્યું છે કે હું તે ટીવી ચેનલ સામે કાનૂની પગલું લેવા વિચારું છું.

શ્રીવાસ્તવે કહ્યું છે કે, સ્ટિંગ ઓપરેશન કરનારાઓ મને સ્પોર્ટ્સ મેનેજરો તરીકે મળ્યા હતા અને એવો દાવો કર્યો હતો કે અન્ય ફ્રેન્ચાઈઝીઓ તરફથી વધારે સારી ઓફરો તેમની પાસે છે. હું તેમને સાત-આઠ વાર મળ્યો હોઈશ. તેઓ એકલા મને જ નહીં, આઈપીએલમાંથી ૫૦ જેટલા ખેલાડીઓને મળ્યા જ હોવા જોઈએ. મેં આ વિશે ૧૫ જેટલા ખેલાડીઓ સાથે વાતચીત પણ કરી છે. પરંતુ એ બધા ખેલાડીઓ પેલા સ્પોર્ટ્સ મેનેજરો વિશે શંકાસ્પદ હતા, કારણ કે તેઓ કાયમ ફિક્સિંગ વિશે જ વાતો કરતા હતા અને ખેલાડીઓને તેમના ટીમ માલિકો કેટલું ચૂકવે છે એ વિશે પૂછતા રહેતા હતા.

ટીવી ચેનલે તેના સ્ટિંગ ઓપરેશન દ્વારા એવો દાવો પણ કર્યો છે કે ડેક્કન ચાર્જર્સના બોલર ટી.પી. સુધિન્દ્ર પણ એક સ્થાનિક મેચ માટે લાંચ સ્વીકારતો કેમેરામાં ઝડપાઈ ગયો છે. આ બોલર મધ્ય પ્રદેશનો છે. આ બોલર ઈન્દોર ટી-20 લીગ મેચ દરમિયાન એક નો-બોલ ફેંકવાના બદલામાં રૂ. ૪૦,૦૦૦ની માગણી કરતો કેમેરામાં ઝડપાઈ ગયો છે. તે બોલરે ૨૦૧૧-૧૨ની મોસમમાં તેના રાજ્ય વતી રમતાં ૪૦ વિકેટ લીધી હતી. તેણે મેચમાં તેની પહેલી ઓવરના બીજા બોલમાં નો-બોલ ફેંક્યો હતો.

દરમિયાન, કેન્દ્રીય સ્પોર્ટ્સ પ્રધાન અજય માકેને કહ્યું છે કે, આઈપીએલમાં સ્પોટ-ફિક્સિંગ કૌભાંડના પર્દાફાશ બાદ પગલા લેવાની જવાબદારી ભારતીય ક્રિકેટ કન્ટ્રોલ બોર્ડની છે. તેમણે બોર્ડને કહ્યું છે કે કરોડો ક્રિકેટચાહકોના હિતમાં તેણે ત્વરિત પગલું લેવું જોઈએ. આ સમસ્યાના મૂળમાં જવાનો બોર્ડ સમક્ષ મોટો પડકાર છે.

બીસીસીઆઈના ચીફ એડમિનિસ્ટ્રેટિવ ઓફિસર રત્નાકર શેટ્ટીએ કહ્યું છે કે આઈપીએલમાં સ્પોટ-ફિક્સિંગના આરોપથી ક્રિકેટ બોર્ડ ચિંતિત છે. ટીવી ચેનલ ઈન્ડિયા ટીવીએ સ્ટિંગ ઓપરેશનના દાવાનું પ્રસારણ કર્યા બાદ આઈપીએલની ગવર્નિંગ કાઉન્સિલની તાકીદની બેઠક બોલાવવામાં આવી હતી. તેમણે ચેનલને તે સીડી આપવા કહ્યું છે.

એક સત્તાવાર યાદીમાં બીસીસીઆઈએ જાહેર કર્યું છે કે સ્ટિંગ ઓપરેશનનું સંપૂર્ણ ફૂટેજ તે મગાવશે અને ઝીણવટપૂર્વક તેનો અભ્યાસ કરશે. આ માટે આઈપીએલની ગવર્નિંગ કાઉન્સિલે તાકીદની બેઠક બોલાવી છે.

બીસીસીઆઈના પ્રમુખ એન. શ્રીનિવાસને કહ્યું છે કે અમે નિયમોના કોઈ પણ પ્રકારના ભંગ કે ભ્રષ્ટાચારને સાંખી નહીં લઈએ. અમારું માનવું છે કે આઈપીએલ ભ્રષ્ટાચારથી મુક્ત છે. અમે એન્ટી-કરપ્શન યુનિટ દ્વારા તેની સુરક્ષા માટે કવચ મેળવ્યું છે. એ યુનિટના વડા રવિ સ્વામી છે.

સ્ટિંગ ઓપરેશને દાવો કર્યો છે કે આઈપીએલમાં કાળા નાણાંના સોદાઓ થયા છે. ઘણા ખેલાડીઓએ અન્ડર ટેબલ સોદાઓ થયાની કબૂલાત કરી છે. આ કૌભાંડમાં ભારતીય ક્રિકેટરો, આંતરરાષ્ટ્રીય ખેલાડીઓ અને ટીમના માલિકોને પણ સંડોવાયેલા છે.

મુંબઈએ ૧૪ મેચોમાંથી ૧૮ પોઈન્ટ મેળવ્યા છે અને છેલ્લી હોમ ગેમમાં નાઈટ રાઈડર્સ પર મેળવેલા વિજયને કારણે મનોવૈજ્ઞાનિક લાભ ધરાવે છે.

કોલકાતા ટીમ તેની છેલ્લી બે મેચ હારી છે. એક મુંબઈ સામે અને બીજી ચેન્નઈ સામે. આ બંને મેચ તે ઘરઆંગણે, ઈડન ગાર્ડન્સમાં હારી છે. હવે જો તે બુધવારે વાનખેડેમાં મુંબઈને હરાવી શકશે તો ચાર-ટીમના પ્લે-ઓફ્સમાં તેનું સ્થાન લગભગ નિશ્ચિત થઈ જશે. તેની છેલ્લી લીગ મેચ ૧૯ મેએ પુણે વોરિયર્સ સામે છે જે ટીમ નબળી ગણાય છે અને તે જીતવા માટે પણ કોલકાતા ફેવરિટ રહેશે.

કોલકાતા સામેની આગલી લીગ મેચમાં રોહિત શર્માએ અણનમ ૧૦૯ રન કરીને મુંબઈને જીત અપાવી હતી. જ્યારે અંબાતી રાયડુએ સોમવારે બેંગલોર સામેની મેચમાં જોરદાર બેટિંગ કરીને અણનમ ૮૧ રન ફટકાર્યા હતા.

કોલકાતા માટે તેનો વેસ્ટ ઈન્ડિયન ઓફ્ફ સ્પિનર સુનીલ નારાયણ આશાનું કિરણ છે, જે ૧૧ મેચોમાં ૧૭ વિકેટ ઝડપી ચૂક્યો છે.

સોમવારે ચેન્નઈ સુપર કિંગ્સ સાથે કોલકાતાની મેચ પૂરી થયા બાદની પાર્ટીમાં શાહરૂખ તેના પ્રશંસકોને ઉદ્દેશીને બોલ્યો કે, હોંશિયાર બનો. આ રમત છે અને રમતનો આનંદ માણીએ. તમારી પરના પ્રેમ અને આદરને કારણે તમને આમ કહું છું. દાદા (સૌરવ ગાંગુલી) સાથે મારી સરખામણી કરવાનું બંધ કરો. જો આપણે હોંશિયાર નહીં બનીએ તો તકલીફ એકલા મને જ નહીં થાય, પણ દાદાને પણ થશે. હું જ્યારે જ્યારે કોલકાતા આવું ત્યારે ત્યારે તમે જો આ જ મુદ્દો ઉઠાવ્યા કરો તો એ અયોગ્ય કહેવાય.

આ બાબત એકલા મારે માટે અયોગ્ય કહેવાય એવું નથી. મહાન દંતકથાસમા ખેલાડી સૌરવ ગાંગુલી માટે પણ અયોગ્ય કહેવાય. એને ક્રિકેટનો આનંદ માણવા દો.

સ્પેશિયલ જજ ઓ.પી. સૈનીએ જામીન અરજીનો સ્વીકાર કર્યાની ખબર મળતા જ કોર્ટની બહાર રાજાની ડીએમકે પાર્ટીના કાર્યકર્તાઓએ હર્ષોલ્લાસ કર્યો હતો. કોર્ટ જાણે પાર્ટીની ઓફિસ હોય એવું દ્રશ્ય સર્જાયું હતું. કાર્યકર્તાઓ રાજાને ઘેરી વળ્યા હતા અને તેમની સાથે હાથ મિલાવવા પડાપડી કરી હતી.

2-જી સ્પેક્ટ્રમ ફાળવણીમાં થયેલા કૌભાંડના કેસમાં રાજા મુખ્ય આરોપી છે. તેમને ગયા વર્ષની બીજી ફેબ્રુઆરીએ પકડવામાં આવ્યા હતા.

સ્પેશિયલ સીબીઆઈ જજ ઓ.પી. સૈનીએ ગઈ ૧૧ મેએ રાજાની અરજી પરનો નિર્ણય સુરક્ષિત રાખ્યો હતો જે આજે લીધો છે.

રાજાએ સમાનતાના ધોરણે પોતાને જામીન પર છોડવાની માગણી કરી હતી. તેમનું કહેવું છે કે આ કેસમાં પકડાયેલા અન્ય તમામ આરોપીઓને સુપ્રીમ કોર્ટ, દિલ્હી હાઈ કોર્ટ કે નીચલી કોર્ટે જામીન મંજૂર કર્યા છે.

રાજાનું એમ પણ કહેવું છે કે તેમની સામેનો કેસ ખોટો અને ઉપજાવી કાઢેલો છે. આ કેસ કાયદાની અદાલતમાં ટકવાને લાયક નથી.

કોર્ટના ચુકાદા બાદ રાજાના પત્ની રડી પડ્યા હતા અને જજનો બે હાથ જોડીને આભાર માન્યો હતો.

કહેવાય છે કે ડીએમકે પાર્ટીના બે સંસદસભ્યોએ રાજા માટે રૂ. ૨૦- ૨૦ લાખની રકમના પર્સનલ તથા સ્યોરિટી બોન્ડ્સ આપ્યા છે. કોર્ટે આ રકમ અપાય તેની સામે જ રાજાને જામીન પર છોડવાની શરત રાખી છે.

સ્ટિંગ ઓપરેશનનો દાવો છે કે તેણે આઈપીએલમાં સ્પોટ-ફિક્સિંગનો તેમજ કાળા નાણાંના સોદાઓનો પર્દાફાશ કર્યો છે.

એક સત્તાવાર યાદીમાં બીસીસીઆઈએ જાહેર કર્યું છે કે સ્ટિંગ ઓપરેશનનું સંપૂર્ણ ફૂટેજ તે મગાવશે અને ઝીણવટપૂર્વક તેનો અભ્યાસ કરશે. આ માટે આઈપીએલની ગવર્નિંગ કાઉન્સિલે તાકીદની બેઠક બોલાવી છે.

બીસીસીઆઈના પ્રમુખ એન. શ્રીનિવાસને કહ્યું છે કે અમે નિયમોના કોઈ પણ પ્રકારના ભંગ કે ભ્રષ્ટાચારને સાંખી નહીં લઈએ.

અમારું માનવું છે કે આઈપીએલ ભ્રષ્ટાચારથી મુક્ત છે. અમે એન્ટી-કરપ્શન યુનિટ દ્વારા તેની સુરક્ષા માટે કવચ મેળવ્યું છે. એ યુનિટના વડા રવિ સ્વામી છે.

હિન્દી ચેનલે સ્ટિંગ ઓપરેશન કરાવ્યા બાદ દાવો કર્યો છે કે આઈપીએલમાં કાળા નાણાંના સોદાઓ થયા છે. ઘણા ખેલાડીઓએ અન્ડર ટેબલ સોદાઓ થયાની કબૂલાત કરી છે. આ સ્ટિંગ ઓપરેશનનો એવો પણ આરોપ છે કે આ કૌભાંડમાં ભારતીય ક્રિકેટરો, આંતરરાષ્ટ્રીય ખેલાડીઓ અને ટીમના માલિકોને પણ સંડોવાયેલા છે.

એક આઈપીએલ ખેલાડીએ કબૂલ કર્યું છે કે એને તેના માલિક પાસેથી રૂ. ૧.૪૫ કરોડ મળે છે જ્યારે પોતે રૂ. ૩૦ લાખના સ્લેબમાં હતો.

સ્ટિંગ ઓપરેશને એક ખેલાડીનું નામ દીધું છે કે તેણે ગયા વર્ષની મેચમાં ચેનલના રિપોર્ટરના કહેવા મુજબ નો-બોલ ફેંક્યો હતો.

બીજા એક ખેલાડીએ આઈપીએલ મેચમાં ચોક્કસ બોલમાં નો-બોલ ફેંકવાના બદલામાં રૂ. ૧૦ લાખની માગણી કરી હતી, એવો ચેનલનો દાવો છે.

કોલકાતાએ મૂકેલા ૧૫૯ રનના ટાર્ગેટને સુપર કિંગ્સે મેચના છેલ્લા બોલે ચેઝ કરી બતાવ્યો. છેલ્લા બોલમાં ચેન્નઈને જીત માટે પાંચ રનની જરૂર હતી અને ડ્વેન બ્રાવોએ સિક્સર ફટકારી દીધી હતી.

તે પહેલા માઈકલ હસી અને મુરલી વિજયે પહેલી વિકેટ માટે ૬૨ બોલમાં ૯૭ રનની ભાગીદારી કરી હતી. હસી ૩૯ બોલમાં ૫૬ રન કરીને આઉટ થયો હતો જેમાં ચાર ચોગ્ગા અને ચાર છગ્ગા હતા.

બે બોલ પછી વિજય આઉટ થયો હતો. તેણે ૨૫ બોલમાં ૩૬ રન કર્યા હતા. આ બંનેની વિકેટ કોલકાતાના સ્પિનર સુનીલ નારાયણે લીધી હતી.

૧૧૦ રનના સ્કોર પર સુરેશ રૈના (૮) આઉટ થતા ચેન્નઈ પર મુશ્કેલીના વાદળો બંધાયા હતા. ૧૨૭ રનના સ્કોર પર ફાફ ડુ પ્લેસીસ આઉટ થતા મુસીબતમાં વધારો થયો હતો.

મધ્યમ ઝડપી બોલર રજત ભાટિયાએ ફેંકેલી છેલ્લી ઓવરમાં જીત માટે ચેન્નઈને ૯ રન કરવાના હતા. ક્રિઝ પર બ્રાવો અને કેપ્ટન મહેન્દ્ર સિંહ ધોની હતો. પહેલા બોલે બ્રાવોએ સિંગલ રન લીધો, પણ બીજા બોલમાં ધોની (૨૮) બોલ્ડ થયો. રવિન્દ્ર જાડેજાએ ત્રીજા બોલમાં બે રન લીધા. ચોથા બોલમાં એક રન લીધો અને સ્ટ્રાઈક આવી બ્રાવો પાસે. પાંચમો બોલ બ્રાવો મિસ કરી ગયો હતો તેથી મેચમાં જોરદાર રોમાંચ ઊભો થયો હતો. બ્રાવોએ છેલ્લા બોલમાં સિક્સર ફટકારીને તેની ટીમને જીત અપાવી. તે સાત બોલમાં ૧૧ રન કરીને નોટઆઉટ રહ્યો હતો.

તે પહેલા કેપ્ટન ગૌતમ ગંભીરના ૬૨ અને બ્રેન્ડન મેકુલમના ૩૭ રનના મુખ્ય યોગદાન સાથે કોલકાતાએ ૨૦ ઓવરમાં ૬ વિકેટે ૧૫૮ રન કર્યા હતા.

નાઈટ રાઈડર્સે અત્યાર સુધીમાં ૧૪ મેચો રમી છે જેમાં આઠમાં જીત અને પાંચમાં હાર મળી છે. એક મુકાબલો વરસાદને કારણે રદ થયો હતો. ૧૭ પોઈન્ટ સાથે ટીમ ત્રીજા સ્થાન પર છે. ચેન્નઈ ૧૫ મેચમાં એટલા જ પોઈન્ટ સાથે ચોથા નંબર પર છે.

બેંગલોરે તેની ૨૦ ઓવરમાં ૬ વિકેટે ૧૭૧ રન કર્યા બાદ મુંબઈએ ટાર્ગેટ ચેઝ કરવાની શરૂઆત કરી હતી, પણ સચીન તેંડુલકર ઝીરો પર, હર્શેલ ગિબ્સ બે રન, રોહિત શર્મા પાંચ, દિનેશ કાર્તિક ૧૬ અને ડ્વેન સ્મિથ ૬ રન કરીને આઉટ થતા મુંબઈની અડધી ટીમ ૫૧ રનમાં તંબૂ ભેગી થઈ ગઈ હતી.

પણ રાયડુ અને પોલાર્ડે જોરદાર ફટકાબાજી કરતા મુંબઈએ ૧૯.૪ ઓવરમાં પાંચ વિકેટના ભોગે ૧૭૩ રન કરીને મેચ જીતી લીધી.

ક્રિસ ગેઈલે ફેંકેલી મેચની છેલ્લી, ઓવરમાં મુંબઈને જીત માટે ૧૪ રન કરવાના હતા. રાયડુ ૮૧ અને કિરોન પોલાર્ડ ૩૮ રન સાથે દાવમાં હતો. પહેલા લેગબાય મળ્યા બાદ બીજા બોલે પોલાર્ડે મિડવિકેટ પરથી મારી સિક્સ ફટકારી હતી. ત્રીજા બોલે પોલાર્ડને એક લકી બાઉન્ડરી મળી હતી અને ચોથા બોલે એણે મિડવિકેટ ક્ષેત્રમાં બાઉન્ડરી ફટકારીને મેચનો અંત લાવી દીધો હતો.

રાયડુએ તેના દાવમાં ચાર છગ્ગા અને ૬ ચોગ્ગા ફટકાર્યા હતા તો પોલાર્ડ પણ કમ નહોતો અને ત્રણ છગ્ગા, પાંચ ચોગ્ગા ઝીંકી દીધા હતા.

અગાઉ, બેંગલોરના દાવમાં, મુંબઈના ફાસ્ટ બોલર મુનાફ પટેલના કંગાળ બોલિંગ ફેંકી હતી. ચાર ઓવરમાં તેણે ૫૪ રન આપી દીધા હતા. મયંક અગ્રવાલે મુનાફે ફેંકેલી દાવની છેલ્લી ઓવરમાં ૨૨ રન ઝૂડી કાઢ્યા હતા અને ૩૦ બોલમાં ૬૪ રન કરીને નોટઆઉટ રહ્યો હતો. તેણે ચાર છગ્ગા અને ૬ ચોગ્ગા ફટકાર્યા હતા. તિલકરત્ને દિલ્શાને ૪૭, સૌરભ તિવારીએ ૨૧, કેપ્ટન વિરાટ કોહલીએ ૩ રન કર્યા હતા.

મૂડીઝે ઉક્ત ત્રણ બેન્કોની સ્ટેન્ડ અલોન રેટિંગને ‘સી’થી ઘટાડીને દેશની સાખની રેટિંગ ‘ડી’ની સમાન કરી દીધી છે. બેન્કોની હાઈબ્રિડ રેટિંગ પણ બીએએ-3થી ઘટાડીને બીએએ-2 કરી છે.

મૂડીઝે એવી જ રીતે, એલઆઈસીનું રેટિંગ પણ બીએએ-3થી ઘટાડીને બીએએ-2 કર્યું છે. આને સૌથી નીચું ઈન્વેસ્ટમેન્ટ ગ્રેડ રેટિંગ કહેવાય છે.

વ્યાપકપણે વધી ગયેલા દેવા તેમજ ભારતની બહાર આવકના સ્રોતોના અભાવને કારણે મૂડીઝે બે અઠવાડિયા પહેલા દેશની સૌથી મોટી પોર્ટફોલિઓ ઈન્વેસ્ટર એલઆઈસીને ડાઉનગ્રેડ માટેની સમીક્ષા હેઠળ મૂકી હતી.

મૂડીઝે તેના નિવેદનમાં કહ્યું છે કે ખાનગી બેન્કો તથા એલઆઈસીના રેટિંગમાં ઘટાડાનો અર્થ એ છે કે એમની સાખ ભારત સરકારની સાખ પર ઘણે અંશે આધારિત છે. એલઆઈસી તેના તમામ પ્રીમિયમો ભારતમાં જ પ્રાપ્ત કરે છે.

જો તું સાજો થઈ જઈશ તો ટુર્નામેન્ટમાં કોઈ તબક્કે રમે એવી શક્યતા છે? એમ પૂછતા ગિલક્રિસ્ટે કહ્યું કે, હું સાજો થઈ જઈશ તો પણ ઈલેવનમાં સ્થાન મેળવી શકીશ કે કેમ તેની કોઈ ખાતરી નથી. ખેલાડીઓ હાલને તબક્કે તો સરસ રમે છે. ટીમનો દેખાવ ખરેખર સારો છે.

ગિલક્રિસ્ટની જગ્યાએ હાલ ટીમનું સુકાન ડેવીડ હસીએ સંભાળ્યું છે.

એર ઇન્ડિયાના પાયલટોની હડતાળ સોમવારે સાતમા દિવસમાં પ્રવેશી હતી, જેને પગલે 13 ઇન્ટરનેશનલ ફાઇટ્સ કેન્સલ કરવામાં આવી હતી. આ ફ્લાઇટ્સમાંની સાત ફ્લાઇટ્સ મુંબઇથી શરૂ થનારી હતી. ગઇકાલે કેમ સે કમ 22 ફ્લાઇટ્સ રદ કરવી પડી હતી.

હડતાળ શરૂ થઇ ત્યારથી 341 પાયલટો માંદા પડવાનું બહાનું કાઢીને રજા પર ઊતરી ગયા છે. છેલ્લા છ દિવસમાં એર ઇન્ડિયાએ 76 પાયલટોને બરતરફ કર્યા છે.

દરમિયાન ફ્લાઇટ રદ થવા વિશેની માહિતિ સમયસર ન આપવાના વિરોધમાં ગુસ્સે ભરાયેલા પેસેન્જરોએ ગઇકાલે રાત્રે અને આજે સવારે એરપોર્ટની બહાર રસ્તારોકોની કોશિષ કરી હતી. તેમને અંકુશમાં લેવા માટે સલામતી દળોને બોલાવવા પડ્યા હતા.

સુષ્મીતાના નિવાસસ્થાને શુક્રવાર અને શનિવારે દરોડા પાડવામાં આવ્યા હતા. 35 અલગ બોક્સમાં 500 અને 1000 રૂપિયાનિ નોટો સાથે એક એક કરોડ રૂપિયા ભરવામાં આવ્યા હતા. આ રકમ રિઝર્વ બેન્ક ઓફ ઇન્ડિયાને સુપ્રત કરવામાં આવી છે.

રેખા મંગળવારે શપથ લેશે જ્યારે સચીન બુધવારે લેશે.

તેંડુલકરના નોમિનેશનને પડકારતી એક પીટિશનને સાંભળવાનો સુપ્રીમ કોર્ટે સોમવારે ઈનકાર કરી દીધો છે.

ન્યાયમૂર્તિ દિપક વર્માની આગેવાની હેઠળની બેન્ચે રામગોપાલ સિંહ સિસોદીયાએ નોંધાવેલી અરજી નકારી કાઢી છે. તેમાં એવી દલીલ કરવામાં આવી હતી કે તેંડુલકરનું રાજ્ય સભામાં નોમિનેશન દેશના બંધારણની જોગવાઈઓથી વિપરિત છે.

કોર્ટે અરજદારને યોગ્ય હાઈ કોર્ટમાં પીટિશન કરવા કહ્યું છે.

અરજદારની દલીલ છે કે બંધારણમાં જોગવાઈ છે કે સાહિત્ય, વિજ્ઞાન, કળા તથા સમાજસેવાના ક્ષેત્રોમાંથી નામાંકિત વ્યક્તિઓને જ રાજ્ય સભા માટે નોમિનેટ કરી શકાય. સ્પોર્ટ્સ કેટેગરીમાંથી કોઈને રાજ્ય સભામાં નિયુક્ત કરવા માટેની કોઈ જોગવાઈ નથી.

કેન્દ્ર સરકારે સચીન ઉપરાંત અભિનેત્રી રેખા અને ઉદ્યોગપતિ અનુ આગાનું નામ રાજ્ય સભાના સદસ્ય માટે સૂચવ્યું હતું જેને રાષ્ટ્રપતિએ મંજૂરી આપી છે.

ચંડીલાએ તેના હેટ-ટ્રિક બોલમાં રોબીન ઉથપ્પાને આઉટ કર્યો હતો. તેણે કહ્યું, મેં ટ્વેન્ટી-20 ક્રિકેટમાં અગાઉ પણ એક વાર હેટ-ટ્રિક લીધી છે. તેથી આ વખતે ત્રીજો બોલ કેવી રીતે નાખવો તે હું જાણતો હતો. રોબીન ઉથપ્પા મારી સાથે એર ઈન્ડિયામાં કામ કરે છે તેથી હું એની ગેમથી વાકેફ છું. તેથી મેં બોલને ટોસ અપ કર્યો જેથી એ કવર ડ્રાઈવ કરવા માટે લલચાય. મારો પ્લાન સફળ રહ્યો.

તેમ છતાં ચંડીલા તેની હેટ-ટ્રિકમાં પુણેના સૌરવ ગાંગુલીની વિકેટને સૌથી કિંમતી ગણાવે છે. ‘ચારેય વિકેટમાં એ મારી ફેવરિટ હતી. નરેન્દ્ર હિરવાણી (ભૂતપૂર્વ લેગસ્પિનર) મારા મોટા ભાઈ સમાન છે. એણે મને બોલિંગના ઘણા પાઠ શીખવ્યા છે. જ્યારે પણ હું મુંઝાઈ જાઉં ત્યારે એની સલાહ લઉં છું,’ એમ મૂળ હરિયાણાના ચંડીલાએ કહ્યું.