પેરિસ – ફ્રાન્સની એક રેસ્ટોરાંએ ફૂડ એલર્જીથી પીડાતા લોકોને ખાસ ધ્યાનમાં રાખીને તેની વાનગીઓનું મેનૂ તૈયાર કર્યું છે. તે પ્રત્યેક વાનગીમાં વપરાયેલા પદાર્થોની વિગત મેનૂમાં દર્શાવે છે. એટલું જ નહીં, લોકોને મોટે ભાગે જેનાથી એલર્જી થતી હોય છે તેવા પદાર્થો કીચનમાં રાખવા પર તેણે મનાઈ ફરમાવી દીધી છે.
લિયોન શહેરમાં ‘મોન હિસ્ટોરી ડાન્સ લ’અસીએટ’ નામની આ રેસ્ટોરાં હાલમાં જ શરૂ કરવામાં આવી છે. આ હોટેલના નામનો અર્થ અંગ્રેજીમાં થાય છે ‘માય સ્ટોરી ઓન અ પ્લેટ’. રેસ્ટોરાં એવા ઓર્ગેનિક અને સીઝનલ ઉત્પાદનો જ વાપરે છે જે સામાન્ય રીતે અણગમો હોય એવા પદાર્થોથી રહિત હોય છે જેમ કે, ગ્લુટેન (લોટમાંની ચીકાશ), ઈંડા, લેક્ટોઝ, રાઈ, શેલ્ફીશ, સોયાબીન, સૅલરી-કોથમીર જેવી ભાજી, મગફળી, અખરોટ, બદામ, તલ, લુપિન વગેરે.
આ કન્સેપ્ટ રેસ્ટોરાંની મેનેજમેન્ટ તેના માનવંતા ગ્રાહકોને એમની ફૂડ એલર્જી વિશે સીધું જ પૂછી લે છે તેમજ તેમને અપીલ પણ કરે છે કે તેમને જે પદાર્થો વિશે અણગમો હોય એ વિશે તેઓ અગાઉથી જણાવી દે જેથી તેમને માટે એમની મનપસંદ વાનગી રાંધી શકાય.
ફૂડ એલર્જીઝથી પીડાતા લોકોને જુદી જુદી ટિપ્સ દ્વારા મદદરૂપ થાય એવી એક વેબસાઈટ છે WebMD.com.
