મહાનાયકના હાથમાં પવિત્ર મશાલ

લંડન ઓલિમ્પિક ગેમ્સ-2012ના આરંભના આગલા દિવસ, ગુરુવાર, ૨૬ જુલાઈએ લંડનમાં એક એવી ઘટના બની જેણે માત્ર મહાનાયક અમિતાભ બચ્ચન અને બોલીવૂડનું જ નહીં, પણ સમગ્ર ભારત અને ભારતની જનતાનું ગૌરવ વધારી દીધું. અમિતાભે ઓલિમ્પિક ગેમ્સ માટેની ટોર્ચ રીલે યાત્રામાં સામેલ થઈને ઐતિહાસિક બહુમાન હાંસલ કર્યું. તેમણે લંડનના સાઉથવૉર્ક વિસ્તારમાં મશાલ હાથમાં લઈને ૩૦૦ મીટર જેટલું અંતર દોડીને અને ચાલીને પસાર કર્યું હતું.