GalleryFashion & Entertainment ‘લિટલ સિંઘમ’ એનિમેશન સિરીઝ… April 11, 2018 બોલીવૂડ ફિલ્મ નિર્માતા રોહિત શેટ્ટીએ ડિસ્કવરી કિડ્સના સહયોગમાં લિટલ સિંઘમ નામે એનિમેશન ટીવી સિરીઝ શરૂ કરી છે. શેટ્ટીએ 10 એપ્રિલ, મંગળવારે મુંબઈમાં મિડિયાકર્મીઓ સમક્ષ આ સિરીઝને લોન્ચ કરી હતી. આ સિરીઝ શેટ્ટીએ એમની સુપરહિટ નિવડેલી સુપરકોપ બ્રાન્ડ હિન્દી ફિલ્મ ‘સિંઘમ’ પ્રેરિત છે. ‘લિટલ સિંઘમ’ પાત્ર 5-11 વર્ષની વયના બાળકોનું ફેવરિટ એનિમેશન પાત્ર બનશે એવો શેટ્ટીએ વિશ્વાસ વ્યક્ત કર્યો છે. આ સિરીઝ 21 એપ્રિલથી ડિસ્કવરી કિડ્સ ચેનલ પર પ્રસારિત કરવામાં આવશે. ભારતના સૌથી યુવાન વયના સુપરકોપની ઈન્ટ્રો લાઈન આ છે – ‘પોલીસ કી વર્દી, શેર કા દમ, નામ હૈ મેરા લિટલ સિંઘમ.’ ‘સિંઘમ’ ફિલ્મમાં જેમ અજય દેવગનના ‘આતા માઝી સટકલી’ જેવા ડાયલોગ્સ લોકપ્રિય થયા છે એવી જ રીતે, લિટલ સિંઘમમાં પણ બાળ એનિમેટેડ સિંઘમને ડાયલોગ્સ આપવામાં આવ્યા છે અને એને બહાદુરી બતાવતો દર્શાવવામાં આવ્યો છે. આ સિરીઝમાં 156 એપિસોડ અને પાંચ ટેલી ફિચર હશે. આ સિરીઝ હિન્દી ઉપરાંત તામિલ અને તેલુગુ ભાષામાં પણ પ્રસારિત કરાશે.