બોલિવૂડ અભિનેતા ગોવિંદા અને તેમની પત્ની સુનીતા આહુજાના સંબંધોમાં અણબનાવની ચર્ચા છેલ્લા ઘણા સમયથી ચાલી રહી છે. બંનેના અંગત જીવનને લઈને અવારનવાર નવી વાતો સામે આવતી રહે છે. જોકે, આ બધાની વચ્ચે સુનીતા આહુજા પોતાના નવા લુક અને બેબાક અંદાજને કારણે ફરી ચર્ચામાં આવી છે. હાલમાં જ તેમની કેટલીક તસવીરો સામે આવી છે, જેમાં તેઓ એકદમ સ્ટાઇલિશ અને ગ્લેમરસ અંદાજમાં જોવા મળી રહ્યાં છે. ખાસ વાત એ છે કે વહુ કશ્મીરા શાહ સાથેની તેમની સારી બોન્ડિંગે પણ લોકોનું ધ્યાન ખેંચ્યું છે.

નવા હેરસ્ટાઇલ અને ડ્રેસમાં જોવા મળ્યાં સુનીતા
સુનીતા આહુજાએ આ વખતે બ્લેક કલરનો સ્લીવલેસ લોંગ ડ્રેસ પહેર્યો છે, જેના પર લાલ, લીલા અને બ્રાઉન રંગની સુંદર ફ્લોરલ પ્રિન્ટ જોવા મળે છે. ફ્લેયર્ડ પેટર્નવાળા આ ડ્રેસ સાથે તેમણે હેવી નેકલેસ, રંગબેરંગી બંગડીઓ અને સ્ટાઇલિશ ઘડિયાળ પહેરી હતી. તેમના લુકમાં ટ્રેડિશનલ અને મોર્ડન ફેશનનું સુંદર કોમ્બિનેશન જોવા મળ્યું હતું.
View this post on Instagram
નવા હેરસ્ટાઇલથી ખેંચ્યું સૌનું ધ્યાન
આ તસવીરોમાં સૌથી વધુ ચર્ચા તેમના નવા હેરસ્ટાઇલની થઈ રહી છે. ખભા સુધી આવતા સેટ કરેલા વાળ તેમના લુકને વધુ આકર્ષક બનાવી રહ્યા છે. હળવો મેકઅપ, લિપસ્ટિક અને ચહેરા પર સ્મિત સાથે સુનીતા આત્મવિશ્વાસથી ભરપૂર જોવા મળી રહ્યાં છે.
ગોવિંદા સાથેના સંબંધોને લઈને પણ ચર્ચા
ઉલ્લેખનીય છે કે, ગોવિંદા અને સુનીતા આહુજાના સંબંધોમાં તણાવ હોવાની ચર્ચાઓ છેલ્લા કેટલાક મહિનાઓથી ચાલી રહી છે. ગોવિંદાનું નામ કોમલ રાની સ્વર્ણકાર સાથે જોડાયા બાદ તેમના અંગત જીવનને લઈને પણ અનેક દાવા સામે આવ્યા છે. સુનીતા પણ અનેક પ્રસંગોએ પોતાના બેબાક નિવેદનોને કારણે ચર્ચામાં રહી છે. જોકે, આ તમામ ચર્ચાઓ વચ્ચે તેમનો નવો અંદાજ અને આત્મવિશ્વાસ ફરી એકવાર ચર્ચાનો વિષય બન્યો છે.






