ICICI બેંકના પૂર્વ CEO ચંદા કોચરને બોમ્બે હાઈકોર્ટમાંથી મોટી રાહત

બોમ્બે હાઈકોર્ટે ICICI બેંકનાં પૂર્વ મુખ્ય કાર્યકારી અધિકારી (CEO) ચંદા કોચરને મોટી કાનૂની રાહત આપી છે. કોર્ટે તેમની સામે લોન છેતરપિંડીના કેસમાં ખટલો ચલાવવાની મંજૂરી રદ કરી દીધી છે. આ નિર્ણયથી કેસની આગળની કાનૂની પ્રક્રિયા પર અસર પડી શકે છે.

શું છે સમગ્ર મામલો?

આ કેસ ICICI બેંકમાં કથિત લોન છેતરપિંડી સાથે જોડાયેલો છે. ચંદા કોચર પર પોતાના પદનો દુરુપયોગ કરીને કેટલીક કંપનીઓને નિયમોની વિરુદ્ધ લોન આપવાનો આરોપ હતો. આ આરોપોને પગલે તેમની સામે કાનૂની કાર્યવાહી શરૂ કરવામાં આવી હતી.

જોકે, હવે બોમ્બે હાઈકોર્ટના નિર્ણયથી ચંદા કોચરને રાહત મળી છે. આ નિર્ણય બાદ તપાસ એજન્સીએ કેસમાં આગળની કાર્યવાહી કરવા માટે નવી મંજૂરી લેવી પડશે. કોર્ટે આપેલા આ આદેશથી કેસની આગળની દિશા બદલાઈ શકે છે.