થાઈલેન્ડ: રાજધાની બેંગકોકમાં વીકએન્ડ દરમિયાન પડેલા મુશળધાર વરસાદને કારણે પૂરની ગંભીર સ્થિતિ સર્જાઈ છે. શહેરમાં માત્ર ૨થી ૩ દિવસમાં ૩૨૦ મિમી જેટલો ભારે વરસાદ ખાબક્યો છે, જે આખા સપ્ટેમ્બર મહિનાના સરેરાશ વરસાદ જેટલો છે. આના કારણે અનેક વિસ્તારો પાણીમાં ગરકાવ થઈ ગયા છે અને સામાન્ય જનજીવન અસ્તવ્યસ્ત થઈ ગયું છે.
JUST IN: Bangkok, Thailand declares state of disaster in all 50 of the city’s districts amid severe flooding. pic.twitter.com/Q2r46FKcVH
— AZ Intel (@AZ_Intel_) September 26, 2026
-
૮૦,૦૦૦ લોકો ફસાયા: પૂરના પાણી ઘરોમાં ઘૂસી જતાં અને રસ્તાઓ જળમગ્ન થઈ જતાં પૂરગ્રસ્ત વિસ્તારોમાં આશરે ૮૦,૦૦૦થી વધુ સ્થાનિક રહેવાસીઓ પોતાના ઘરોમાં ફસાયેલા છે.
-
રાહત અને બચાવ કામગીરી: વહીવટીતંત્ર દ્વારા બોટ અને મોબાઇલ કચરા/કિચન વહાન મારફતે લોકો સુધી ખોરાક અને પીવાનું પાણી પહોંચાડવામાં આવી રહ્યું છે. બેંગકોકના અંદાજે ૫,૯૦૦થી વધુ લોકોને ૨૩૪ જેટલા રાહત શિબિરોમાં ખસેડવામાં આવ્યા છે.
🇹🇭 Thailand: All 50 districts of Bangkok have been designated disaster zones as torrential rains trigger widespread flooding, severe waterlogging and major traffic disruptions across the capital.
The Thai Meteorological Department forecasts more heavy to very heavy rainfall,…
— Megh Updates 🚨™ (@MeghUpdates) September 26, 2026
-
સમગ્ર દેશમાં પાયમાલી: ૧૬ સપ્ટેમ્બરથી અત્યાર સુધીમાં થાઈલેન્ડના ૪૧ પ્રાંતો પૂરથી પ્રભાવિત થયા છે, જેમાં અત્યાર સુધીમાં ઓછામાં ઓછા ૮ લોકોના મોત થયા છે અને ૫,૮૦,૦૦૦થી વધુ ઘરોને અસર પહોંચી છે.
-
આર્થિક નુકસાનની ભીતિ: પૂરના કારણે થાઈલેન્ડના અર્થતંત્રને ઓછામાં ઓછું ૧૧ અબજ બાહ્ટ ($૩૨૭ મિલિયન)નું આર્થિક નુકસાન થવાનો અંદાજ લગાવવામાં આવ્યો છે, જેનાથી દેશના જીડીપી (GDP) ગ્રોથ રેટ પર પણ નકારાત્મક અસર પડશે.
