સત્તા પરિવર્તન થયું નથી, અને થશે પણ નહીં: મોહન ભાગવત

નાગપુરઃ રાષ્ટ્રીય સ્વયંસેવક સંઘ (RSS)ના વડા મોહન ભાગવતે સંઘના શતાબ્દી વર્ષ નિમિત્તે નાગપુરમાં વિજયાદશમીના અવસરે સંબોધન કર્યું હતું. આ દરમિયાન તેમણે સંઘની ઉપલબ્ધિઓ વિશે વાત કરી અને જણાવ્યું હતું કે આરએસએસ માત્ર દેશમાં જ નહીં, પરંતુ વિદેશોમાં પણ કાર્ય કરી રહ્યો છે.

તેમણે કહ્યું હતું કે  વિશ્વમાં ભૂરાજકીય તણાવ વધી રહ્યો છે. આર્થિક અનિશ્ચિતતા અને વર્ચસ્વની લડાઈને કારણે વિનાશ થઈ રહ્યો છે. દુનિયા જાણે છે કે ભારત પાસે આ સમસ્યાઓનો જવાબ છે.

સત્તા પરિવર્તન થયું નથી, અને આગળ પણ નહીં થાય

આ કાર્યક્રમમાં મોહન ભાગવતે ફ્રાન્સમાં ચાલી રહેલા વિરોધ પ્રદર્શનનો પણ ઉલ્લેખ કર્યો હતો. તેમણે કહ્યું હતું કે પશ્ચિમ તરફથી એક એવું વાવાઝોડું આવ્યું છે, જે દરેક પ્રકારની સભ્યતા, વ્યવસ્થા અને સંસ્કારોનો વિરોધ કરે છે અને તેનો નાશ કરવા માગે છે. જુઓ, ફ્રાન્સમાં શું થઈ રહ્યું છે, અલ્બેનિયામાં શું થઈ રહ્યું છે અને નેપાળ તથા બાંગ્લાદેશમાં શું થયું.

તેઓ કહે છે કે સત્તા પરિવર્તન કરવાથી પરિસ્થિતિ બદલાઈ જશે, પરંતુ આવું ક્યારેય થયું નથી. પહેલાં પણ આવું થયું નથી અને આજે પણ આવું નહીં થાય.

મોહન ભાગવતે શું-શું કહ્યું?

  • વિવિધતાનું સન્માન અને સહિયારા સભ્યતાગત મૂલ્યો ભારતની એકતાનો આધાર છે.
  • મૂલ્યોને ભૂલી જવાને કારણે સમાજ વિભાજિત અને નબળો બન્યો, જેને પરિણામે દેશે સદીઓ સુધી ગુલામી સહન કરવી પડી.
  • ભારત વિવિધતાઓ ધરાવતો દેશ છે. અહીં કુદરતી વિવિધતા ઉપરાંત પંથ, પ્રાંત, જાતિ, ભાષા, ખાનપાન અને રીતરિવાજોમાં પણ વિવિધતા જોવા મળે છે.
  • ભારતની પ્રાચીન પરંપરા એવું દર્શન આપે છે, જે માત્ર લેખિત ગ્રંથો કે બૌદ્ધિક વિચારો પૂરતું મર્યાદિત નથી, પરંતુ મહાપુરુષોના અનુભવો પર આધારિત છે.
  • સૃષ્ટિમાં વિવિધતા સ્વાભાવિક છે, જોકે તેમાં પરિવર્તન પણ થતું રહે છે

‘કેપ્ટન મચ્છારે જે કર્યું તે સ્વાભાવિક હતું, આ હિન્દુ સ્વભાવ છે’

નાગપુરમાં દશેરા રેલી દરમિયાન આરએસએસના વડા મોહન ભાગવતે ફ્લાયદુબઈના પાઇલટ કેપ્ટન સ્મિત મચ્છારની પ્રશંસા કરી હતી. તેમણે કહ્યું કે કેપ્ટન મચ્છારે જે કર્યું તે હિન્દુ જીવનમાં સ્વાભાવિક છે. આવી પરિસ્થિતિમાં શું કરવું જોઈએ, તે તેમની અંદરથી આપમેળે પ્રગટ થયું હતું.

RELATED ARTICLESMORE FROM AUTHOR