FIH મહિલા હોકી વર્લ્ડ કપ 2026 માં ભારતીય મહિલા હોકી ટીમે પોતાનું ઉત્કૃષ્ટ પ્રદર્શન ચાલુ રાખતા સાઉથ આફ્રિકાને 6-1 ના વિશાળ માર્જિનથી કરારી માત આપી છે. Tuesday ના રોજ વાગનર સ્ટેડિયમ ખાતે રમાયેલી પૂલ-D ની આ મેચમાં ભારતે શરૂઆતથી જ વિરોધી ટીમ પર દબાણ બનાવી રાખ્યું હતું અને પ્રથમ ત્રણ ક્વાર્ટરમાં સતત ગોલ કરીને મેચને એકતરફી બનાવી દીધી હતી. ભારતે પ્રથમ ક્વાર્ટરમાં 1 ગોલ, બીજા ક્વાર્ટરમાં 2 ગોલ અને ત્રીજા ક્વાર્ટરમાં 3 ગોલ ફટકાર્યા હતા. આ રીતે ત્રીજા ક્વાર્ટરના અંત સુધીમાં ભારતીય ટીમે 6-0 ની વિશાળ લીડ મેળવી લીધી હતી. સાઉથ આફ્રિકાની ટીમને છેલ્લા 15 મિનિટમાં 1 ગોલ મળ્યો હતો, પરંતુ ત્યાં સુધીમાં ભારતે મેચ સંપૂર્ણપણે પોતાના નામે કરી લીધી હતી.
𝗔 𝗡𝗜𝗚𝗛𝗧 𝗧𝗢 𝗥𝗘𝗠𝗘𝗠𝗕𝗘𝗥! 🔥🇮🇳
Six goals, one commanding performance and three points in the bag! 💪🏑
Relive the best moments as the Indian Women’s Team stormed past South Africa 6-1 to move to the top of Pool D at the FIH Hockey World Cup Belgium & Netherlands… pic.twitter.com/AL5aJ3whv4
— Hockey India (@TheHockeyIndia) August 18, 2026
પ્રથમ હાફમાં 3-0 ની લીડ
મેચની પહેલી જ મિનિટથી ભારતીય ફોરવર્ડ લાઈને આક્રમક રમત દાખવી હતી. પ્રથમ ક્વાર્ટરમાં સાક્ષી રાણાના પ્રયાસ બાદ ફાર-પોસ્ટ પર હાજર સુનેલિતા ટોપ્પોએ સરળ ટેપ-ઈન કરીને ભારતનું ખાતું ખોલ્યું હતું. ત્યારબાદ બીજા ક્વાર્ટરમાં પેનલ્ટી કોર્નર પર સ્ટાર સ્ટ્રાઈકર નવનીત કૌરે મજબૂત સ્લેપ શોટ વડે ટૂર્નામેન્ટનો પોતાનો બીજો ગોલ નોંધાવ્યો હતો. થોડી જ વારમાં સુશીલા ચાનુએ રીબાઉન્ડ પર બોલને નેટમાં પહોંચાડીને સ્કોર 3-0 કરી દીધો હતો.
ત્રીજા ક્વાર્ટરમાં ગોલનો વરસાદ
હાફ-ટાઇમ પછી પણ ભારતીય સ્ટ્રાઇકરોએ રમત પર પકડ જાળવી રાખી હતી. દીપિકા સેહરાવત, લાલરેમસિયામી અને સાક્ષી રાણા ત્રણેય એક પછી એક શાનદાર ગોલ કરીને સ્કોર 6-0 પર પહોંચાડી દીધો હતો. મેચના અંતિમ સમયમાં સાઉથ આફ્રિકા તરફથી કાયલા ડી વાલે પેનલ્ટી કોર્નર ડિફ્લેક્શન પર એકમાત્ર ગોલ કર્યો હતો.
પૂલ-D માં ટોપ પર પહોંચ્યું ભારત
દિવસની અન્ય એક મેચમાં ચીને ઈંગ્લેન્ડને 4-2 થી હરાવ્યું હતું. આ પરિણામો બાદ ભારત અને ચીન બંનેના 2 મેચમાં 4-4 પોઈન્ટ્સ થઈ ગયા છે, પરંતુ શ્રેષ્ઠ ગોલ તફાવત (Goal Difference) ના આધારે ભારતીય ટીમ પૂલ-D ની પોઈન્ટ્સ ટેબલમાં પ્રથમ સ્થાને પહોંચી ગઈ છે. હવે ભારતીય ટીમને બીજા રાઉન્ડમાં સીધા ક્વોલિફાય કરવા માટે ઈંગ્લેન્ડ સામેની અંતિમ પૂલ મેચમાં માત્ર એક ડ્રોની જરૂર પડશે.
