આજે 14 સપ્ટેમ્બરના રોજ દેશભરમાં ગણેશ ઉત્સવ ઉજવવામાં આવી રહ્યો છે. ફિલ્મ ઉદ્યોગ પણ આ તહેવાર ખૂબ જ ઉત્સાહથી ઉજવી રહ્યો છે. ઘણી હસ્તીઓએ તેમના ચાહકોને શુભકામનાઓ પાઠવી છે.
આજે ગણેશ ચતુર્થી ખૂબ જ ધામધૂમથી ઉજવવામાં આવી રહી છે. આ દિવસે ભક્તો ભગવાન ગણેશજીનું સ્થાપન કરે છે. આ ઉત્સવ દસ દિવસ સુધી ચાલે છે, અને ભગવાન ગણેશની પૂજા કરવામાં આવે છે. ત્યાર બાદ ભગવાન ગણેશને વિસર્જન સાથે વિદાય આપવામાં આવે છે. બૉલિવૂડમાં પણ આ તહેવારની ધામધૂમથી ઉજવણી કરવામાં આવે છે. કેટલાક ફિલ્મ સ્ટાર્સે સોશિયલ મીડિયા પોસ્ટ દ્વારા તેમના ચાહકોને ગણેશ ચતુર્થીની શુભેચ્છાઓ પાઠવી છે.
કરીના કપૂરના દીકરાએ ઘરે બાપ્પાની મૂર્તિ બનાવી. દર વર્ષે કરીના કપૂર ખાનના ઘરે ગણપતિની સ્થાપના કરવામાં આવે છે. સૈફ અને કરીના તેમના બાળકો સાથે ગણેશ ઉત્સવ ઉજવે છે. આજે ગણેશ ચતુર્થીના દિવસે કરીના કપૂરના નાના દીકરા જેહે ઘરે બાપ્પાની મૂર્તિ બનાવી. સૈફ અલી ખાને પણ તેને મદદ કરી. કરીનાએ તેની ઇન્સ્ટાગ્રામ સ્ટોરી પર કેટલીક ઝલક શેર કરી અને લખ્યું,”જેહ બાબાએ આ મૂર્તિ બનાવી છે. આપ સૌને ગણેશ ચતુર્થીની શુભકામનાઓ.”
અક્ષય કુમારે શુભેચ્છાઓ પાઠવી
બોલીવુડના ખિલાડી અક્ષય કુમારે પોતાની ઇન્સ્ટાગ્રામ સ્ટોરી પર એક પોસ્ટ શેર કરી, જેમાં તેમના ચાહકોને ગણેશ ચતુર્થીની શુભકામનાઓ પાઠવી. અક્ષય કુમાર હાલમાં તેની ફિલ્મ “હૈવાન” માટે સમાચારમાં છે. 11 સપ્ટેમ્બરના રોજ રિલીઝ થયેલી આ ફિલ્મ બોક્સ ઓફિસ પર સારો દેખાવ કરી શકી નથી.
કૈલાશ ખેરે એક પોસ્ટ શેર કરી
ગાયક કૈલાશ ખેરે પોતાના ઇન્સ્ટાગ્રામ એકાઉન્ટ પર એક પોસ્ટ શેર કરી. તેમણે ભગવાન ગણેશની મૂર્તિ સામે હાથ જોડીને ઉભા રહેલા પોતાના કેટલાક ફોટા શેર કર્યા. તેમણે કેપ્શન આપ્યું,”ઓમ ગણ ગણપતયે નમઃ.”
અલ્લુ અર્જુને શુભેચ્છાઓ પાઠવી
દક્ષિણના સુપરસ્ટાર અલ્લુ અર્જુને પણ પોતાના ચાહકોને શુભેચ્છાઓ પાઠવી અને જીવનમાં ખુશીઓ માટે પ્રાર્થના કરી. માધુરી દીક્ષિતે પણ ચાહકોને અભિનંદન પાઠવ્યા.
અભિનેતા અનુપમ ખેરે પોસ્ટ શેર કરી અને લખ્યું,”ગણેશ ચતુર્થીની તમને અને તમારા પરિવારને હાર્દિક શુભેચ્છાઓ અને અભિનંદન! ગણપતિ બાપ્પા મોર્યા.”
અભિનેત્રી અને સાંસદ કંગના રનૌતે પણ પોતાની ઇન્સ્ટાગ્રામ સ્ટોરી પર એક વીડિયો શેર કરીને શુભેચ્છાઓ પાઠવી છે.