શૈક્ષણિક વર્ષ 2023-24 માટે ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા શાળાકીય પ્રવૃત્તિનું કેલેન્ડર જાહેર કરી દેવામા આવ્યું છે. જેમાં જણાવ્યા મુજબ આ વખતે વિદ્યાર્થીઓને દિવાળી વેકેશન સહિત કુલ 80 દિવસની રજાઓ મળશે. તેમજ આ કેલેન્ડમાં જણાવેલ તારીખોમાં સરકાર દ્વાર કોઈ ફેરફાર કરવામા આવે તો તે મુજબ ફેરફાર કરવાનો રહેશે તેમ પણ જણાવવામા આવ્યું છે.
શાળાકીય પ્રવૃત્તિનું કેલેન્ડર જાહેર
શૈક્ષણિક વર્ષ 2023-24 માટે શિક્ષણ બોર્ડ દ્વારા શાળાકીય પ્રવૃત્તિનું કેલેન્ડર જાહેર કરી દેવામા આવ્યું છે. જેમાં શૈક્ષણિક સત્રના દિવસો, શાળાકીય પરીક્ષાની તારીખની વિગતો, પરીક્ષાઓ અંગેની સૂચનાઓ, વેકેશનના દિવસો, જાહેર રજાઓની વિગતો તેમજ ધોરણ-10અને 12ની બોર્ડની પરીક્ષાઓની તારીખની વિગતો સામેલ છે. આ તારીખોમાં સરકાર ધ્વારા કોઈ ફેરફાર કરવામાં આવે તો તે મુજબ ફેરફાર કરવાનો રહેશે તેમ પણ જણાવવામા આવ્યું છે.
નવું શિક્ષણ સત્ર 5 જૂનથી થશે શરૂ
નવું શિક્ષણ સત્ર 5 જૂનથી શરૂ થશે અને 8 નવેમ્બર સુધી પ્રશમ સત્ર રહેશે. એટલે કે પ્રથમ સત્રમાં 124 દિવસનો અભ્યાસ કરવાનો રહેશે. અને દિવાળી વેકેશન બાદ 30 નવેમ્બરથી બીજા સત્રનો પ્રારંભ થશે
દિવાળી વેકેશન ક્યાં સુધી રહેશે ?
નવા શૈક્ષણિક કેલેન્ડર પ્રમાણે પાંચ જૂનથી શાળાઓનું પ્રથમ સત્ર શરૂ થશે. અને 21 દિવસનું દિવાળી વેકેશન રહેશે. 9 સપ્ટેમ્બરથી 29 સપ્ટેમ્બર દિવાળી વેકેશન હશે. આમ વર્ષ દરમિયાન વિદ્યાર્થીઓને 21 દિવસનું દિવાળી તો 35 દિવસનું ઉનાળું વેકેશન મળશે. અને આમ કુલ મળીને 80 દિવસની રજાઓ મળશે.
બોર્ડની પરીક્ષા ક્યારે શરુ થશે
શિક્ષણ બોર્ડ દ્વારા આપવામાં આવેલી માહિતી મુજબ ધોરણ 10 અને 12ની બોર્ડની પરીક્ષા 11 માર્ચથી શરૂ થશે. અને 28 માર્ચે પૂર્ણ થશે.જ્યારે ધોરણ 12 સાયન્સની પ્રાયોગિક પરીક્ષા 19 ફેબ્રુઆરીથી શરૂ થશે. તેમજ પ્રથમ સત્રની પરીક્ષા 3 ઓક્ટોબરથી લેવાશે.
