ગાંધીનગર: રાજ્ય પોલીસ વિભાગમાં વહીવટી પ્રક્રિયાના ભાગરૂપે એક મોટો નિર્ણય લેવામાં આવ્યો છે. રાજ્યના ગૃહ વિભાગે 254 બિન-હથિયારી પોલીસ સબ ઇન્સ્પેક્ટર (PSI)ને પોલીસ ઇન્સ્પેક્ટર (PI) વર્ગ-2 ના સંવર્ગમાં બઢતી આપીને તેમના નવા નિમણૂક સ્થળોએ બદલીના હુકમો કરવામાં આવ્યા છે.
સ્થાનિક સ્વરાજયની ચૂંટણી પહેલા રાજય પોલીસ વડાએ બદલીના આદેશ કર્યા છે. ઘણા સમયથી પોલીસ ખાતામાં બદલી માટે પ્રમોશન મેળવેલ અધિકારીઓ રાહ જોઈ રહ્યાં હતા તેમને જે તે જિલ્લામાં બદલી કરવામાં આવી છે.. જોકે આ તમામ પોલીસ ઇન્સ્પેક્ટર પી.એસ.આઇ.માંથી પીઆઇ તરીકે પ્રમોશન મેળવી ચૂક્યા છે અને તેમને જે તે જગ્યા પર જ પ્રમોશન આપીને રાખવામાં આવ્યા હતા. ત્યારબાદ હવે પોસ્ટિંગ આપી દેવામાં આવી છે.
