મોહાલીઃ ભૂતપૂર્વ CM અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે જણાવ્યું છે કે તેમને સુશાસન માટે નોબેલ પુરસ્કાર મળવો જોઈએ. કેજરીવાલે કહ્યું હતું કે LGના રોકવામાં આવ્યા છતાં પણ તેમણે એટલું કામ કર્યું છે કે હવે તેમને શાસન અને વહીવટ માટે નોબેલ પુરસ્તાર મળવું જ જોઈએ.
અરવિંદ કેજરીવાલ પંજાબના મોહાલીમાં એક પુસ્તક વિમોચન કાર્યક્રમમાં હાજર હતા, જ્યાં પંજાબના CM ભગવંત માને તથા પાર્ટીના અનેક નેતાઓની હાજરી હતી. આ કાર્યક્રમમાં કેજરીવાલે કહ્યું હતું કે દિલ્હીમાં રાજ્યપાલ દ્વારા વહીવટમાં કરવામાં આવેલા અવરોધો હોવા છતાં પણ તેમની સરકારે જે કામ કર્યું છે, તે તેમને નોબેલ પુરસ્કારનો હકદાર બનાવે છે. તેમનું આ નિવેદન દિલ્હી સરકાર અને કેન્દ્ર સરકાર વચ્ચે ચાલી રહેલા વિવાદો દરમિયાન આવ્યું છે.
जब से बीजेपी सरकार आई है इन्होंने 4 महीने में ही दिल्ली बर्बाद कर दी है —
👉मुफ्त इलाज बंद कर दिया है
👉मोहल्ला क्लिनिक बंद कर दिए हैं
👉प्राइवेट स्कूल फीस बढ़ा रहे हैं
👉लंबे-लंबे Power Cut लग रहे हैं
👉पानी नहीं आ रहा है
👉सड़कें टूटी हुई हैं
👉गंदगी फैली हुई है… pic.twitter.com/BuGQLu7NB8— AAP (@AamAadmiParty) July 8, 2025
તેમણે કહ્યું હતું કે અમારી સરકાર ગઈ, લોકો દિલ્હીમાં આપ સરકારને યાદ કરી રહ્યા છે. તેમણે (ભાજપે) મોહલ્લા ક્લિનિકો બંધ કરી દીધી છે. તેમણે હોસ્પિટલોમાં મફત દવાઓ અને ટેસ્ટ્સ બંધ કરી દીધા છે. રોડ બધાં ખંડેર બની ગયા છે. દરેક જગ્યાએ કચરો ભરેલો છે. ગયા વર્ષે જૂનમાં જયારે તાપમાન 50 ડિગ્રી સુધી પહોંચી ગયું હતું, ત્યારે એક મિનિટ માટે પણ લાઈટ ગઈ નહોતી. પણ હવે સતત લાઈટ જાય છે. તેમણે દિલ્હીનો નાશ કર્યો છે. તેઓ માત્ર રાજકારણ કરે છે અને પૈસા કમાવાની પદ્ધતિ ચલાવે છે.
તેમણે વધુમાં કહ્યું હતું કે મને સુશાસન અને વહીવટ માટે નોબેલ પુરસ્કાર મળવો જોઈએ, કારણ કે મારી આપ સરકારે લેફ્ટેનન્ટ ગવર્નરની અવરોધો હોવા છતા પણ ઘણી બધી કામગીરી કરી છે.
