ભારત અને ઇંગ્લેન્ડ વચ્ચે ટેસ્ટ શ્રેણીની છેલ્લી મેચ લંડનના ઓવલ મેદાન પર રમાઈ હતી, જેમાં ભારતીય ટીમે 6 રનથી જીત મેળવી હતી. આ મેચમાં ક્રિસ વોક્સે જે જુસ્સો બતાવ્યો તેણે ચાહકોના દિલ જીતી લીધા. ઇજાગ્રસ્ત વોક્સ આ મેચમાં ઇંગ્લેન્ડની બીજી ઇનિંગમાં બેટિંગ કરવા ઉતર્યો હતો. વોક્સના ડાબા ખભામાં ફ્રેક્ચર થયું હતું, પરંતુ તે બેટ લઈને મેદાનમાં ઉતર્યો હતો.
Arm in a sling, Chris Woakes has arrived to the crease 😱 pic.twitter.com/D4QDscnfXE
— Sky Sports Cricket (@SkyCricket) August 4, 2025
ઇંગ્લેન્ડની બીજી ઇનિંગમાં 9 વિકેટ પડ્યા બાદ વોક્સ બેટિંગ કરવા ઉતર્યો હતો. જ્યારે વોક્સ બેટિંગ કરવા ઉતર્યો ત્યારે દર્શકોએ ઉભા થઈને તેમનું સ્વાગત કર્યું. મેચ પછી, ભારતીય ખેલાડીઓએ પણ ક્રિસ વોક્સની પ્રશંસા કરી. ગૌતમ ગંભીર આ ફાસ્ટ બોલરને પ્રોત્સાહન આપતા જોવા મળ્યા હતા.
ઓવલ ટેસ્ટ મેચના પહેલા દિવસે, ક્રિસ વોક્સને લોંગ ઓફ બાઉન્ડ્રી પર ફિલ્ડિંગ કરતી વખતે ડાબા ખભામાં ઈજા થઈ હતી, જેના કારણે વોક્સને મેદાન છોડવું પડ્યું હતું. તે સમયે વોક્સનો ખભા વિચિત્ર રીતે વળી ગયો હતો. મેદાન છોડતા પહેલા આ ફાસ્ટ બોલર ખૂબ જ પીડામાં દેખાતો હતો.
