નવી દિલ્હીઃ અમેરિકા અને કેનેડા વચ્ચેનું ટ્રેડ વોર ફરી એક વાર તેજ બની ગયું છે. કેનેડાએ અમેરિકન માલસામાન પર નવા જવાબી ટેરિફ લાદવાની જાહેરાત કરી છે. એ સાથે જ કેનેડા સરકારે અસરગ્રસ્ત કર્મચારીઓ અને વેપારીઓ માટે 5.4 અબજ ડોલરના રાહત પેકેજની પણ જાહેરાત કરી છે. કેનેડા સરકાર અમેરિકન સામાન પર 15 ટકાથી 50 ટકા સુધીના જવાબી ટેરિફ લાદવાની તૈયારી કરી રહી છે. આ ટેરિફ 8 સપ્ટેમ્બરથી લાગુ થશે. સરકારનું કહેવું છે કે અમેરિકન ટેરિફથી પ્રભાવિત કંપનીઓ અને કર્મચારીઓને રાહત આપવામાં આ પગલું મદદરૂપ થશે.
અમેરિકાએ કેનેડિયન સામાન પર 50 ટકા સુધી ટેરિફ લગાવ્યો
અમેરિકાએ શનિવારથી કેનેડાના અનેક માલસામાન પર 50 ટકા સુધીના નવા ટેરિફ લાગુ કરી દીધા છે. તેનાથી અંદાજે 20 અબજ ડોલરના કેનેડિયન નિકાસ પર અસર થવાની સંભાવના છે. આ અમેરિકા માટે કેનેડાની કુલ નિકાસના લગભગ 5.5 ટકા જેટલી છે.
અમેરિકાના આ પગલા બાદ કેનેડાએ પણ જવાબી કાર્યવાહી કરવાનો નિર્ણય લીધો છે. અહેવાલ અનુસાર નવા અમેરિકન ટેરિફને કારણે કેનેડાની અમેરિકામાં થતી નિકાસ પર અસરકારક ટેરિફ દર 5.1 ટકાથી વધીને 6.9 ટકા થઈ શકે છે.
કયા સેક્ટર પર વધુ અસર થશે?
આ ટ્રેડ વિવાદની અસર અનેક ઉદ્યોગો પર પડી શકે છે. પ્લાસ્ટિક, ઇલેક્ટ્રિકલ મશીનરી, લાકડું અને પેપર પ્રોડક્ટ્સ પર મોટી અસર થવાની આશા છે. Quebec, New Brunswick અને Ontarioના મેન્યુફેક્ચરિંગ સેક્ટર પર પણ દબાણ વધી શકે છે. કંપનીઓ માટે ખર્ચ અને સપ્લાય ચેનને લઈને અનિશ્ચિતતા વધી રહી છે.
Canada imposes counter-tariffs of up to 50% on US goods worth 27.6 billion dollars after suspending trade negotiations with Washington.
Canada says the United States has demanded too much while offering too little, leading to the suspension of trade talks.#Canada #USTrade… pic.twitter.com/VXmRmxl9tQ
— All India Radio News (@airnewsalerts) August 26, 2026
ઓટો સેક્ટર પણ નિશાના પર
ટ્રેડ વિવાદ હવે ઓટો સેક્ટર સુધી પણ પહોંચી ગયો છે. રાષ્ટ્રપતિ ડોનાલ્ડ ટ્રમ્પે કહ્યું છે કે આગામી વર્ષે કેનેડાથી આવતી કાર પર ટેરિફ વધારીને 50 ટકા કરવામાં આવી શકે છે. હાલમાં બિન-અમેરિકન કન્ટેન્ટ પર 25 ટકા ટેરિફ છે.
આ પ્રસ્તાવ બાદ કેનેડાના ઓટો ઉદ્યોગ પર દબાણ વધુ વધી શકે છે.
અમેરિકા પર કેનેડાની મોટી નિર્ભરતા
કેનેડા માટે આ ટ્રેડ વોર એટલા માટે મહત્વપૂર્ણ છે કારણ કે તેનું અર્થતંત્ર અમેરિકાની સાથેના વેપાર પર ઘણી હદ સુધી નિર્ભર છે.
