કરણ જોહરના શો ‘કોફી વિથ કરણ’માં રશ્મિકા મંદાનાને તેની બોલી માટે ઓનલાઈન ટીકાનો સામનો કરવો પડ્યો હતો. તે શોમાં તેના પતિ વિજય દેવરકોંડા સાથે જોવા મળી હતી. લોકો રશ્મિકાને તેના એકસેન્ટ માટે ટ્રોલ કરી રહ્યાં છે ત્યારે જાવેદ અખ્તરે તેના બચાવમાં એકસ પોસ્ટ કરી.
‘કોફી વિથ કરણ’ના તાજેતરના એપિસોડમાં દક્ષિણ ભારતીય ભાષાના લહેકા વિશેની ટિપ્પણીઓ બાદ રશ્મિકા મંદાન્ના ટીકાઓનો સામનો કરી રહી છે. પ્રખ્યાત ગીતકાર અને પટકથા લેખક જાવેદ અખ્તર રશ્મિકા મંદાન્નાના સમર્થનમાં બહાર આવ્યા છે. જાવેદ અખ્તરે રશ્મિકાની ટીકા કરનારાઓની ટીકા કરી હતી અને તેમને બીજા કોઈની ભાષાનો નિર્ણય લેતા પહેલા તમિલમાં થોડીક પંક્તિઓ બોલવાનો પડકાર ફેંક્યો હતો. અભિનેત્રી મધુએ પણ રશ્મિકાના સમર્થનમાં અવાજ ઉઠાવ્યો હતો.
હકીકતમાં, ‘કોફી વિથ કરણ’ માં અભિનેત્રી રશ્મિકાએ તેની બોલી, ભાષા અને અભિનય માટે ટ્રોલ થવા અંગે ખુલાસો કર્યો હતો. અભિનેત્રીએ કહ્યું હતું કે તે દક્ષિણ ભારતીય છે, તેથી જ તેનો બોલી સૌથી વધુ લોકપ્રિય છે.
‘કોફી વિથ કરણ સીઝન 9’ પર તેની બોલી વિશે ટીકાઓનો જવાબ
રશ્મિકા મંદાન્ના એ તાજેતરમાં ‘કોફી વિથ કરણ સીઝન 9’ ના તાજેતરના એપિસોડમાં તેના દક્ષિણ ભારતીય બોલી વિશે ટીકાઓનો જવાબ આપ્યો. રશ્મિકાએ કહ્યું કે તેણીએ તેની કારકિર્દીની શરૂઆતથી જ તેની બોલી વિશે ટ્રોલિંગનો સામનો કરવો પડ્યો છે. તેણીને સમજાતું નથી કે તેની સાથે આવું કેમ થાય છે. અભિનેત્રીએ કહ્યું કે તે દક્ષિણની છે એટલે સ્વાભાવિક તેણીનો બોલવાનો લહેકો પણ એવો જ હોય. આ ટિપ્પણી બાદ લોકોએ ફરી તેણીને ટ્રોલ કરવાનું શરૂ કર્યુ.
Those who have any problem with the pronounciation of Tamil actor Rashmika should be given a few lines of Tamil which is the oldest spoken language in the world and let’s see how well they pronounce Tamil . This fake and baseless linguistic superiority is not acceptable.
— Javed Akhtar (@Javedakhtarjadu) October 25, 2026
જાવેદ અખ્તર રશ્મિકાના સમર્થનમાં
જાવેદ અખ્તરે ટ્વિટર પર લખ્યું, “જેમને તમિલ અભિનેત્રી રશ્મિકાના બોલીથી સમસ્યા છે, તેમણે વિશ્વની સૌથી જૂની બોલાતી ભાષા તમિલમાં થોડી પંક્તિઓ વાંચવી જોઈએ, અને જોવું જોઈએ કે તે કેટલી સારી રીતે બોલે છે. ભાષા વિશેની આ ખોટી અને પાયાવિહોણી શ્રેષ્ઠતા સ્વીકારી શકાતી નથી.”
ટ્રોલ્સે અખ્તર પર હુમલો કર્યો
ઘણા યુઝર્સે અખ્તર દ્વારા અભિનેત્રી માટે સમર્થનની પ્રશંસા કરી. આ ટ્વિટ દ્વારા જાવેદ અખ્તર દક્ષિણ ભારતીય અભિનેત્રીને ટેકો આપવાનો પ્રયાસ કરી રહ્યા હતા, પરંતુ તેમને ટ્રોલ્સ દ્વારા નિશાન બનાવવામાં આવ્યા હતા. કેટલાક લોકોએ કહ્યું કે રશ્મિકા તમિલ અભિનેતા નથી, પરંતુ કર્ણાટકના કોડાગુની કન્નડ અભિનેત્રી છે. એક યુઝર્સે તેમની પોસ્ટ પર ટિપ્પણી કરી, “તે કોડાગુ અને તેલંગાણા તેલુગુ કોડલુ છે, સાહેબ. પરંતુ હું આ દેશમાં આપણા ભાષાકીય લઘુમતીઓ માટે તમારા સમર્થનની પ્રશંસા કરું છું.”
કરણ જોહરના શોમાં જ્યારે પૂછવામાં આવ્યું કે શું તેની બોલી વિશેની ટીકા તેને પરેશાન કરે છે, ત્યારે રશ્મિકાએ કહ્યું, “તે મને બિલકુલ પરેશાન કરતું નથી કારણ કે લોકો કહે છે કે મારી પાસે દક્ષિણ ભારતીય બોલી છે. પરંતુ હું દક્ષિણથી છું, તેથી મારો બોલી મારો બોલવાનો લહેકો આવો જ હોઈને. બીજું કંઈ વિચારવું વાહિયાત હશે.”
