પ્રિયંકા ચોપરા આજે પોતાનો 43મો જન્મદિવસ ઉજવી રહી છે. આ પ્રસંગે પ્રિયંકા ચોપરાએ સોશિયલ મીડિયા પ્લેટફોર્મ ઇન્સ્ટાગ્રામ પર પોતાનો એક વીડિયો શેર કર્યો છે. આ વીડિયોમાં તે બીચ પર પોતાના પરિવાર સાથે સારો સમય વિતાવી રહી છે. વીડિયોમાં તેના પતિ નિક જોનાસ અને પુત્રી માલતી તેની સાથે છે. આ વીડિયો પર ઘણા સેલેબ્સે કોમેન્ટ કરી છે.
પ્રિયંકા ચોપરા દ્વારા શેર કરાયેલા વીડિયોમાં, એક તસવીરમાં પ્રિયંકા ચોપરા તેના પતિ નિક જોનાસના ખોળામાં બેઠી છે. બીજા શોટમાં, તે તેના પતિને ગળે લગાવતી જોવા મળે છે. તેમજપ્રિયંકા ચોપરાએ તેની પુત્રી માલતી સાથે પણ ટાઈમ સ્પેન્ડ કરતી જોવા મળે છે.
વિડિઓ શેર કરતી વખતે પ્રિયંકા ચોપરાએ કેપ્શનમાં લખ્યું,’હું સૂર્યની આસપાસ ફરી નવા વર્ષમાં પ્રવેશ કરવા જઈ રહી છું. મારા જન્મદિવસ પહેલાની સાંજ… હું ફક્ત આભારી છું. હું દુનિયામાં સુરક્ષિત અનુભવું છું. તમે લોકોએ મને આપેલી ભેટો માટે હું આભારી છું. મારા માટે મારા પરિવાર અને દુનિયાભરમાં મને પ્રેમ કરતા લોકો, જે મારા વિશે સારું વિચારે છે, તે મારા માટે સૌથી મોટી ભેટ છે. આભાર મિત્રો. આ કૃતજ્ઞતા સાથે, હું 43મા વર્ષમાં પ્રવેશ કરવા જઈ રહી છું, બેબી!’
View this post on Instagram
પ્રિયંકા ચોપરાના વીડિયો પર ઘણા સેલેબ્સે કોમેન્ટ કરી છે. સોફી ચૌધરીએ પ્રિયંકાની પોસ્ટ પર કોમેન્ટ કરી અને લખ્યું, ‘તમને ખૂબ ખૂબ પ્રેમ. હંમેશા સુરક્ષિત રહો. જન્મદિવસની શુભકામનાઓ.’ સોહા અલી ખાને પ્રિયંકા ચોપરાને અભિનંદન આપતા કહ્યું, ‘જન્મદિવસની શુભકામનાઓ.’ અભિનેત્રી કુબ્રા સૈતે લખ્યું, ‘જન્મદિવસની શુભકામનાઓ.’ અભિનેત્રી નેહા મલિકે લખ્યું, ‘તમે મારા પ્રિય છો. જન્મદિવસની શુભકામનાઓ.’
પ્રિયંકા ચોપરા તાજેતરમાં જ તેની ફિલ્મ ‘હેડ્સ ઓફ સ્ટેટ’ ની રિલીઝને કારણે સમાચારમાં છે. આ માટે તેના ખૂબ વખાણ થયા છે. એવું કહેવાય છે કે પ્રિયંકા ટૂંક સમયમાં એસએસ રાજામૌલીની ફિલ્મ ‘એસએસએમબી 29’ માં જોવા મળશે. આ ફિલ્મમાં તે મહેશ બાબુ અને પૃથ્વીરાજ સુકુમારન સાથે જોવા મળશે.
