અમદાવાદઃરાજેશ પાવર સર્વિસિસ લિમિટેડને દક્ષિણ ગુજરાત વીજ કંપની લિમિટેડ (DGVCL) પાસેથી રૂ. 1628.74 કરોડનો (કરવેરા સહિત) મોટો ટર્નકી ઓર્ડર મળ્યો છે. આ ઓર્ડરથી કંપનીની વિકાસયાત્રાને નોંધપાત્ર વેગ મળશે. આ મેગા ઓર્ડર મળ્યા બાદ કંપનીની કુલ ઓર્ડર બુક વધીને આશરે રૂ. 5400 કરોડ થઈ ગઈ છે. આ ઓર્ડર મળ્યા પહેલાં ઓર્ડર બુક રૂ. 4000 કરોડની હતી, જેની સરખામણીએ તેમાં આશરે 35 ટકાનો નોંધપાત્ર વધારો થયો છે.
આ 24 મહિનામાં પૂર્ણ થનારા ટર્નકી પ્રોજેક્ટ હેઠળ રાજેશ પાવર, DGVCLની SI સ્કીમ અંતર્ગત વિવિધ સ્થળોએ હાલના 11/22kVના એચટી અને એલટી ઓવરહેડ ઇલેક્ટ્રિસિટી ડિસ્ટ્રીબ્યુશન નેટવર્કને આધુનિક અંડરગ્રાઉન્ડ કેબલ સિસ્ટમમાં ફેરવશે. આ સિસ્ટમમાં SCADA સાથે સુસંગત ઇક્વિપમેન્ટ પણ લગાવવામાં આવશે.
કંપનીના મજબૂત વ્યવસાયિક દેખાવને પગલે આ નવો ઓર્ડર મળ્યો છે. કંપનીએ નાણાકીય વર્ષ 2027ના પ્રથમ અર્ધવાર્ષિક ગાળામાં વાર્ષિક ધોરણે આવકમાં 46 ટકાની વૃદ્ધિ નોંધાવી છે. આ સાથે કંપનીએ સારી નફાકારકતા જાળવી રાખી છે અને રોકડ પ્રવાહમાં પણ સુધારો નોંધાવ્યો છે. ઓર્ડર બુકમાં નોંધપાત્ર વધારો, સતત બીજો મોટો ઓર્ડર મળવો અને વીજ વિતરણ વ્યવસ્થાના આધુનિકીકરણ ક્ષેત્રમાં રહેલી મજબૂત તકોને કારણે રાજેશ પાવર હવે વ્યવસાયના વિસ્તરણના મહત્વપૂર્ણ તબક્કામાં પ્રવેશી રહી છે.
રાજેશ પાવર: કામગીરીના નવા સ્તરે પહોંચવાની દિશામાં
પાંચ દાયકાથી વધુનો અનુભવ ધરાવતી કંપની ભારતમાં પાવર ટ્રાન્સમિશન અને ડિસ્ટ્રિબ્યુશન ક્ષેત્રમાં વિશેષતા ધરાવતી એન્જિનિયરિંગ, પ્રોક્યોરમેન્ટ અને કન્સ્ટ્રક્શન (EPC) કંપની તરીકે કામ કરે છે.
કંપનીની કામગીરી અને નિપુણતામાં નીચેની સેવાઓનો સમાવેશ થાય છે:
- GIS અને એઆઈએસ સબસ્ટેશન્સ
- એક્સ્ટ્રા હાઈ વોલ્ટેજ પાવર કેબલ
- પાવર ટ્રાન્સમિશન લાઇન્સ
- ડિસ્ટ્રિબ્યુશન નેટવર્ક ઇન્ફ્રાસ્ટ્રક્ચર
- અંડરગ્રાઉન્ડ કેબલિંગ પ્રોજેક્ટ્સ
- ઓપરેશન એન્ડ મેઇનટેનન્સ સર્વિસિસ
કંપની ગુજરાત, રાજસ્થાન, ઉત્તરાખંડ, મહારાષ્ટ્ર, મધ્ય પ્રદેશ અને ઓડિશામાં કાર્યરત છે.
કંપની પાસે ISO 9001, 14001, 45001, 50001 અને 55001 સહિતના વિવિધ ISO પ્રમાણપત્રો છે. આ પ્રમાણપત્રો ગુણવત્તા, એન્વાયર્મેન્ટ મેનેજમેન્ટ, કર્મચારીઓના આરોગ્ય અને સુરક્ષા, એનર્જી મેનેજમેન્ટ તેમ જ એસેટ મેનેજમેન્ટ પ્રત્યે કંપનીની પ્રતિબદ્ધતા દર્શાવે છે. હવે કંપનીનું મુખ્ય ધ્યાન સુઆયોજિત રીતે પ્રોજેક્ટ્સ પૂર્ણ કરવા, નફાકારક વિકાસ હાંસલ કરવા અને શેરધારકો માટે લાંબા ગાળે ટકાઉ મૂલ્યનું સર્જન કરવા પર છે.
