હાલમાં ગોવિંદાનું નામ તેમની આગામી ફિલ્મ ‘રૂપા’ની અભિનેત્રી કોમલ રાની સાથે જોડવામાં આવી રહ્યું છે. તેમનો એક વીડિયો વાયરલ થઈ રહ્યો છે, જેના પર સુનિતા આહુજાની પ્રતિક્રિયા પણ આવી છે.
અભિનેતા ગોવિંદા હાલમાં તેની આગામી ફિલ્મ ‘રૂપા’ માટે સમાચારમાં છે. જેમાં તેમની સાથે નવી અભિનેત્રી કોમલ રાની સ્વર્ણકર મુખ્ય અભિનેત્રી તરીકે કામ કરશે. તે આ ફિલ્મથી પોતાનું ડેબ્યૂ કરી રહી છે. આ દરમિયાન ગોવિંદા અને કોમલનો એક વીડિયો વાયરલ થઈ રહ્યો છે, જેના પર ગોવિંદાની પત્ની સુનિતા આહુજાએ જોરદાર પ્રતિક્રિયા આપી છે.
ગોવિંદા કથિત ગર્લફ્રેન્ડ સાથે જોવા મળ્યા
ગોવિંદા લાંબા સમય પછી ફિલ્મ ‘રૂપા’સાથે વાપસી કરવા માટે તૈયાર છે. તાજેતરમાં, એક પ્રેસ કોન્ફરન્સમાં અભિનેતાએ ફિલ્મ વિશે વિગતો શેર કરી. ફિલ્મમાં તેમની સાથે કોમલ રાની સ્વર્ણકર જોવા મળશે. તેમના કથિત અફેરની અફવાઓ પણ બી-ટાઉનમાં ફેલાઈ રહી છે. ડેટિંગની અફવાઓ વચ્ચે, ગોવિંદા અને કોમલ એકસાથે જોવા મળ્યા હતા, અને આ વીડિયો વાયરલ થઈ રહ્યો છે.
જ્યારે ગોવિંદાની પત્ની સુનિતા આહુજાને આ વાયરલ વીડિયો વિશે પૂછવામાં આવ્યું તો તેણીએ ખૂબ જ કઠોર ટિપ્પણી કરી. ગોવિંદા કોમલ રાની સાથે એક ફિલ્મનું પ્રમોશન કરી રહ્યા છે, પાપારાજીના આ સવાલ પર સુનિતા આહુજાએ પ્રતિક્રિયા આપી કે,’પ્રમોશન માટે ફિલ્મ તો બનવી જોઈએ ને. ફિલ્મ બન્યા પછી પ્રમોશન થાય. અહીં તો ફિલ્મ વગર જ પ્રમોશન થઈ રહ્યું છે. શું કહેવું હવે? તે તેની પુત્રીની ઉંમરની છોકરી સાથે ફરે છે. શરમ આવવી જોઈએ. કંઈ ક્લાસ હોવો જોઈએ.’
સુનિતાએ કોઈનું નામ લીધા વિના કોમલ વિશે પણ આડકતરી ટિપ્પણી કરી. તેણીએ કહ્યું,’તારા શુગર ડેડી ખૂબ જ ધનવાન છે, તારે સારા કપડા પહેરવા જોઈએ. અમને જુઓ, અમે કેટલા સ્ટાઇલિશ ફરીએ છીએ. ખરાબ વાત છે. તેનું મગજ ખરાબ થઈ ગયું છે.’
ગોવિંદા છેલ્લે 2019 માં આવેલી ફિલ્મ “રંગીલા રાજા” માં જોવા મળ્યા હતા, જેમાં તેમણે ડબલ રોલ ભજવ્યો હતો. તેઓ 2022 માં દસ્તાવેજી ફિલ્મ “નામ થા કન્હૈયાલાલ” માં પણ દેખાયા હતા.
