વલસાડઃ વલસાડ અને દક્ષિણ ગુજરાતની આસપાસનાં વિસ્તારના માછીમારોએ રવિવારે વિરોધી પ્રદર્શન કર્યું હતું, જેમાં તેમણે સોરાષ્ટ્રના જાફરાબાદના માછીમારો સામે માછલી પકડવાના વિસ્તારોમાં અતિક્રમણ કરવા, સમજૂતીનું ઉલ્લંઘન કરવા અને આક્રમક વ્યવહાર કરવાના આરોપ લગાવ્યા હતા. તેમનો આરોપ હતો કે તેમના આ અતિક્રમણ અને આક્રમક ધમકીભર્યા વલણથી અને સ્થાનિક માછલી પકડવાની આજીવિકા પર જોખમ ઝળૂંબી રહ્યું છે અને એને પ્રતિકૂળ અસર થઈ છે.
તેમણે આરોપ લગાવ્યો હતો કે ઇમરગામ, નારગોલ અને અન્ય દક્ષિણ ગુજરાતના માછલી પકડવવળા વિસ્તારોમાં રહેતા લોકોની આજીવિકા પર બહારના વિસ્તારમાંથી માછીમારોના પ્રભુત્વે કારણે ખતરામાં પડી ગઈ છે. જેથી સૌરાષ્ટ્ર અને જાફરાબાદના માછીમારોની દરિયામાં દાદાગીરીને કારણે વલસાડ જિલ્લાના માછીમારો આજે હડતાળ પર ઊતર્યા હતા અને .જિલ્લાના માછીમારોએ આજે વિરોધ વ્યક્ત કરવા પોતાની બોટોને કિનારે લંગારી દીધી હતી તેમણે નારગોલમાં માછીમારોની એક વિશાળ સભા મળી હતી, જેમાં સૌરાષ્ટ્ર અને જાફરાબાદના માછીમારોની દાદાગીરીનો ઉગ્ર વિરોધ કરવામાં આવ્યો હતો.
જાફરાબાદના માછીમારો અને વલસાડ જિલ્લાના નારગોલ ઉમરગામ અને ખતલવાડ સહિત સમગ્ર જિલ્લાના માછીમારો વચ્ચે ચાલતો વિવાદ વધુ ઉગ્ર બન્યો છે. ઉમરગામના માસીમારોના આક્ષેપ મુજબ જાફરાબાદના માછીમારો ગેરકાયદેસર રીતે પોતાનો વિસ્તાર છોડી અને હદને લઈ થયેલી તમામ સમજૂતીઓનો ભંગ કરી અને વલસાડ જિલ્લાના દરિયા કિનારા વિસ્તારમાં ગેરકાયદેસર રીતે માછીમારી કરવા આવે છે.
સરકારી નીતિ નિયમો અને માછીમાર સંગઠનો વચ્ચે થયેલી અગાઉની સમજૂતીઓને ભંગ કરી અને દાદાગીરીથી તેઓ વલસાડ જિલ્લાની દરિયાઈ હદમાં આવીને માછીમારી કરતા હોવાથી અહીંના માંથી મારોને મોટું નુકસાન થતા અનેક માછીમાર પરિવારોની રોજી રોટી પણ સામે પણ સવાલ ઊભા થઈ રહ્યા છે.
સરકારી એજન્સીઓ હવાની ગુણવત્તાનો ડેટા તો આપે છે. પરંતુ તેમાં દર્શાવેલા આંકડાઓ અને માહિતી સામાન્ય લોકોની સમજણની બહાર હોય છે. ત્યારે પ્રશ્ન એ ઉપસ્થિત થાય છે કે આ લોક ઉપયોગી માહિતીને સામાન્ય લોકો માટે કાર્યક્ષમ દૃષ્ટિમાં કેવી રીતે રૂપાતંરિત કરી શકાય?
IIT ગાંધીનગરના સંશોધકો અને સહયોગીઓ દ્વારા એક પ્રગતિશીલ ચેટબોટ VayuBuddy વિકસાવવામાં આવ્યું છે. જે હવાની ગુણવત્તાના ડેટાને દરેક માટે સુલભ બનાવી શકે તે પ્રકારે તૈયાર કરવામાં આવ્યું છે. આ લાર્જ લેંગ્વેજ મોડલ (LLM) સંચાલિત ટૂલ જટિલ ડેટાસેટ્સને પણ સમજી શકાય તેવી ભાષામાં સરળ બનાવે છે.
પ્રોજેકટના મુખ્ય સંશોધક પ્રોફેસર નિપુન બત્રાએ જણાવ્યું, “અમારો ઉદ્દેશ્ય બેઝિક ડેટા અને સામાન્ય લોકો વચ્ચેના અંતરને ઘટાડવાનો છે. વાયુબડી લોકોને વાયુ ગુણવત્તા ડેટા સાથે તેમના બધાં જ પ્રશ્નોના સરળ ભાષામાં જવાબ આપવાની ક્રિયા કરે છે.”
હવા ગુણવત્તા નિષ્ણાત અને સહયોગી ડૉ. સરથ ગુટ્ટીકુંડાનું કહેવું છે, “વાયુ પ્રદૂષણ એ એક સહિયારો પડકાર છે, અને વાયુબડી જેવા સાધનો સામૂહિક જાગૃતિ અને ક્રિયાને પ્રોત્સાહન આપી શકે છે. જ્યારે લોકો સ્પષ્ટ, સ્થાનિક ડેટા જુએ છે, ત્યારે તેઓ વધુ સ્વચ્છ નીતિઓની હિમાયત કરે તેવી શક્યતા છે.”
વાયુબડીના સંશોધકોમાંના એક ઝીલ પટેલનું કહેવું છે, “એઆઈ-સંચાલિત આ ચેટબોક્ષ સાથે ડેટા વિશ્લેષણને જોડીને, તે હવાની ગુણવત્તાના ડેટા સાથે જોડાવા માટે નવી શક્યતાઓ ખોલે છે. તે માત્ર નિષ્ણાતો માટે જ નહીં પરંતુ દરેક વ્યક્તિ ઉપયોગ કરવા માટે રચાયેલ છે.”
VayuBuddyને તૈયાર કરનારી ટીમ પહેલેથી જ તેના આગલા પગલાઓનું આયોજન કરી રહી છે. NO2 અને ઓઝોન જેવા વધુ પ્રદૂષકોને આવરી લેવા માટે આ ચેટબોક્ષની ક્ષમતાઓનો વિસ્તાર કરવો, બહુભાષી સુવિધાઓને એકીકૃત કરવી અને અન્ય દેશોના ડેટાસેટ્સનો પણ સમાવેશ કરવો એ બધું જ પાઈપલાઈનમાં છે. આ બધી જ માહિતી સંશોધકો આપવા માગે છે તેમ છતાં તેઓ મુખ્ય મિશન પર વધુ ધ્યાન કેન્દ્રિત કરે છે અને તે છે હવાની ગુણવત્તાની આંતરદૃષ્ટિને વધુ સરળ, સુલભ, કાર્યક્ષમ અને પ્રભાવશાળી બનાવવી.
ત્યાં કેટલાક યુવાનોએ મને કહ્યું હતું કે આજે અમે લોકો આંખોથી જોઈ શકીએ છીએ તો પણ અમને ગ્રાઉન્ડ ક્લિયર કરવું અઘરૂં લાગે છે. પરંતુ તમારા માટે તો આ રમત જેવું લાગે છે. તમે ખરેખર અમને ખૂબ જ પ્રેરણા આપો છો. ત્યારબાદ હું તેમને પ્રેક્ટિસ કરવાતો હતો. જેમાંથી ત્રણેક યુવાનોનું ફોરેસ્ટ ખાતામાં સિલેક્શન થઈ પણ ગયું છે. જેની ખુશી મને મારી સફળતા કરતા પણ વધારે લાગે છે….
જગદીશ પરમારનો ટૂંકો પરિચય મેળવીએ તો, તેઓ ખેડા જિલ્લાના કઠલાલ તાલુકાના રહેવાસી છે. એક ખેડૂત પરિવારમાંથી આવે છે. અમદાવાદ સ્થિત અંધજન મંડળ ખાતે રહીને જ તેમણે ધોરણ 1થી 12નો અભ્યાસ કર્યો. ત્યારબાદ શહેરની સીટી કોલેજમાંથી હિન્દી વિષય સાથે તેમણે સ્નાતકની ડીગ્રી પ્રાપ્ત કરી છે. અંધજન મંડળ દ્વારા તેમના દરેક વિદ્યાર્થીમાં રહેલ ટેલેન્ટને ઓળખી તેને બહાર લાવવા માટે પૂરતા પ્રયત્નો કરવામાં આવે છે. દૃષ્ટિહીન બાળકો માટે રમત-ગમત ઉત્સવ, સંગીતના કાર્યક્રમો, ગાયનના કાર્યક્રમો એ સિવાય પણ વિવિધ પ્રકારના આર્ટના કાર્યક્રમોનું આયોજન કરવામાં આવે છે. જગદીશભાઈએ પણ અંધજન મંડળમાં હતા, ત્યારથી જ વિવિધ પ્રકારની સ્પોર્ટ્સને લગતી કોમ્પિટિશનમાં ભાગ લીધો હતો. ત્યારબાદ ખેલ મહાકુંભમાં પણ ભાગ લીધો હતો. જગદીશભાઈની મહેનત જોઈને બ્લાઈન્ડ પીપલ તરફથી તેમને પ્રોફેશનલ ટ્રેનિંગ આપવામાં આવી હતી. શરૂઆત બ્લાઈન્ડ ક્રિકેટથી કરી હતી. પરંતુ કોચના કહેવાથી જગદીશભાઈએ એથ્લેટિક્સમાં ધ્યાન કેન્દ્રિત કર્યું.
જગદીશ પરમાર ચિત્રલેખા.કોમને કહે છે, “જન્મથી જ મારી દૃષ્ટિ નથી. માતા અને પિતા સિવાય પરિવારમાં એક નાનો ભાઈ અને એક બહેન છે. પરિવારમાં આર્થિક સંકળામળ ખરી. પરંતુ દૃઢ નિશ્ચયી જગદીશ ક્યારેય પોતાની વિકલાંગતાને કે તેમના પરિવારની આર્થિક પરિસ્થિતિને સપનાની આડે આવવા દીધી ન હતી.”
25 વર્ષીય પરમારે જણાવ્યું હતું કે, “દૃષ્ટિ ક્યારેય મારા માર્ગમાં આવી ન હતી. મેં રમત-ગમતને જ મારો એકમાત્ર સહારો બનાવ્યો છે.” જગદીશ પરમારે લાંબી કૂદમાં સાત વખત નેશનલ ચેમ્પિયન બનવાના પ્રયાસોમાં મક્કમ રહ્યા છે. તેમણે 2016થી 2023 સુધી આ ખિતાબ પોતાના નામે કર્યો છે. દિલ્હીના જવાહરલાલ નહેરુ સ્ટેડિયમમાં તેમણે પ્રથમ જ ખેલો ઇન્ડિયા પેરા ગેમ્સ 2023માં T 11 કેટેગરીમાં ભાગ લીધો અને ગોલ્ડ મેડલ જીત્યા હતા. ખેડા જિલ્લામાં ગુજરાત સરકાર દ્વારા સંચાલિત સ્પોર્ટસ હોસ્ટેલમાં કોચ મનસુખ તેવટિયાની દેખરેખ હેઠળ પ્રેક્ટિસ કરતા પરમારે 2018 અને 2022માં દિલ્હીમાં દૃષ્ટિહીન લોકો માટે સ્પેશિયલ નેશનલમાં પણ ગોલ્ડ જીત્યો છે.
જગદીશભાઈ પરમારે પરિવારના સપોર્ટ વિશે વાત કરતા જણાવ્યું, “જ્યારે મને જીવનમાં મોટી ઈન્જર્રી આવી ત્યારે માતા-પિતાનો ખૂબ સપોર્ટ હતો. તેઓ મને કહે કે એક ખેલાડી રમે અથવા પ્રેક્ટિસ કરે ત્યારે ઈન્જરી તો આવ્યા જ કરે. એમાં હતાશ નહીં થવાનું, પ્રેક્ટિસ નહીં છોડવાની. આ વર્ષે રમતમાં ભાગ ન લઈ શકે તો દિલ નાનું નહીં કરવાનું. આવતા વર્ષે ફરી સ્પર્ધામાં ભાગ લેવાનો. આવી વાતો પરિવાર તરફથી કહેવામાં આવે ત્યારે પ્રોત્સાહન મળે છે.
જસપ્રીત બુમરાહ વિશે વિવાદાસ્પદ ટિપ્પણી માટે ઈશા ગુહાએ માફી માગી
ભારત અને ઓસ્ટ્રેલિયા વચ્ચે 5 મેચોની ટેસ્ટ સીરિઝમાં ત્રીજી મેચ 14 ડિસેમ્બરના રોજ રમાય હતી. ત્યારે આ મેચ દરમિયાન પૂર્વ ક્રિકેટર અને કોમેન્ટેટર ઈશા ગુહાના બફાટ વિવાદ સર્જાયો હતો. ખરેખર વાત એમ છે કે કોમેન્ટેટર ઈશા ગુહાએ ભારતીય ફાસ્ટ બોલર જસપ્રિત બુમરાહ વિશે જાતિવાદી ટિપ્પણી કરી હતી. ઈશાએ બુમરાહ માટે ‘પ્રાઈમેટ’ શબ્દનો ઉપયોગ કર્યો હતો. પ્રાઈમેટનો અર્થ નર વાનર થાય છે. સસ્તન પ્રાણીઓના ઉત્ક્રાંતિમાં અક તબક્કો પ્રાઈમેટનો રહ્યો છે.
મેચના બીજા દિવસના પહેલા સેશનમાં જસપ્રીત બુમરાહે ભારતીય ટીમને સારી શરૂઆત અપાવી હતી. તેણે ઓસ્ટ્રેલિયાના બંને ઓપનરોને ઓછા રનો સાથે આઉટ કરી દીધા હતા. પૂર્વ ઓસ્ટ્રેલિયન ફાસ્ટ બોલર બ્રેટ લી બુમરાહની આ શાનદાર બોલિંગથી પ્રભાવિત થઈ કોમેન્ટ્રી દરમિયાન કહ્યું હતું કે, ‘તમે પૂર્વ કેપ્ટન જસપ્રિત બુમરાહ પાસેથી અવા જ પ્રદર્શનની ઈચ્છો રાખો છો.’ આ દરમિયાન ઈંગ્લેન્ડના પૂર્વ ક્રિકેટર ઈસા ગુહા પણ બ્રેટ લી સાથે કોમેન્ટ્રી કરી રહ્યા હતા. બ્રેટ લીને જવાબ આપતા તેણે કહ્યું, ‘તે MVP છે, સૌથી મોંઘો પ્રાઈમેટ, જસપ્રિત બુમરાહ.’ ઈશા ગુહા દ્વારા કરાયેલી કોમેન્ટ બાદ સોશિય મીડિયા પર લોકો ભડક્યા હતા. આ ટિપ્પણી માટે ઈશા ગુહાને માફી માગવા માટે મજબૂર કરી હતી.
જે બાદ ગુહાએ માફી માગતા કહ્યું કે “ગઈકાલે કોમેન્ટ્રી દરમિયાન મેં એક શબ્દનો પ્રયોગ કર્યો હતો જેના અલગ-અલગ મતલબ નીકળી શકે છે. મારાથી થયેલી કોઈપણ ભૂલ માટે હું માફી માગવા માગુ છું. હું તેમની સિદ્ધિની મહાનતા બતાવવાનો પ્રયાસ કરી રહી હતી, પરંતુ મેં ખોટા શબ્દનો પ્રયોગ કર્યો. તેના માટે મને ખેદ છે. જો તમે મારી આખી વાત સાંભળો તો મારો હેતુ ભારતના મહાન ખેલાડીઓમાંથી એકની પ્રશંસા કરવાનો હતો. હું તેની ખૂબ પ્રશંસા કરું છું.” આ દરમિયાન કોમેન્ટ્રી કરી રહેલા રવિ શાસ્ત્રીએ ઈશા ગુહાને બહાદૂર મહિલા ગણાવી. તેમણે કહ્યું કે, લાઈવ ટીવી પર માફી માગવા માટે હિમ્મતની જરૂર પડે છે. લોકોને ભૂલ કરવાનો અધિકાર છે, કારણ કે, આપણે બધા માણસ છીએ. જ્યારે તમારા હાથમાં માઈક હોય ત્યારે ક્યારેક-ક્યારેક આવું થાય છે.