અમદાવાદમાં MICAના વિદ્યાર્થી પ્રિયાંશુની હત્યા બાદ વધુ એક હત્યાનો ચોંકાવનારો મામલો સામે આવ્યો છે. જેમાં દીપક દશરથભાઈ પટેલ નામના વ્યક્તિને બોથડ પદાર્થના ઘા મારી મોતને ઘાટ ઉતારી દેવાના સમાચાર સામે આવી રહ્યા છે. નોંધનિય છે કે MICAના વિદ્યાર્થીની જેમાં આ બનાવ પણ અમદાવાનો પોષ વિસ્તારમાંનો એક બોપલ જ છે. આજે સવારે બોપલ નજીક ગરોડિયા ગામની સીમ પાસે 65 વર્ષના દીપક દશરથભાઈ પટેલની માથું છૂંદાયેલી હાલતમાં લાશ મળી હતી. સમગ્ર મામલાની જાણ થતાં બોપલ પોલીસ ત્યાં પહોંચી હતી. આ દરમિયાન એફએસએલની ટીમને પણ પુરાવા એકઠા કરવા બોલાવી લેવામાં આવી હતી. દીપકભાઈ નિવૃત્તિના સમયમાં જમીનદલાલીનું કામ કરતા હતાં અને તેઓ અવારનવાર વિદેશ જતા હતા. તેઓ તાજેતરમાં તહેવાર હોવાથી ભારત આવ્યા હતા.
અમદાવાદના બોપલમાં MICAના વિદ્યાર્થી પ્રિયાંશુ જૈનની હત્યાના પાંચ દિવસ બાદ જ વધુ એક હત્યાનો ચોંકાવનારો મામલો સામે આવ્યો છે. આ વખતે સિનિયર સિટિઝનની માથું છૂંદાયેલી હાલતમાં લાશ બોપલ નજીકના ગરોડિયા ગામની સીમ પાસેથી મળી છે. 65 વર્ષના જમીનદલાલ રાતે ઘરેથી હમણાં આવું છું, કહીને નીકળ્યા હતા અને તેમનો સંપર્ક ન હતા તેમનાં પત્નીએ અમેરિકા રહેતાં સંતાનોને આ અંગે જાણ કરી હતી, જેથી અમેરિકાથી તેમણે સંતાનોએ પિતાના આઇફોન મોબાઈલને ટ્રેક કરીને તેમનું લોકેશન શોધ્યું હતું. પરિવારજનો સવારે 9:00 વાગે એ લોકેશન પર પહોંચ્યાં તો ત્યાં દીપક પટેલની લાશ પડી હતી. આ સમગ્ર મામલે બોપલ પોલીસે હાલ હત્યાનો ગુનો નોંધીને તપાસ શરૂ કરી છે. મૃતકને બોથડ પદાર્થ દ્વારા એક પછી એક ઘા કરી મારી નાખવામાં આવતા ચકચાર મચી ગઇ હતી. ઘટનાની જાણ થતાં જ પોલીસ ઘટનાસ્થળે પહોંચી હતી. આ દરમિયાન એફએસએલની ટીમને પણ પુરાવા એકઠા કરવા બોલાવી લેવામાં આવી હતી.
જોકે ઓક્ટબર 2024માં સોનાનાં સાદાં ઘરેણાંઓમાં મામૂલી ઘટાડો નોંધાયો હતો, જેની નિકાસ ઓક્ટોબર, 2023ના રૂ. 3748.52 કરોડની સરખામણીએ વધીને રૂ.3759.92 કરોડ થઈ હતી. જોકે ઓક્ટોબર, 2024માં જડેલાં સોનાનાં ઘરેણાની કુલ નિકાસ ઓક્ટોબર, 2023ના રૂ. 4854.81 કરોડની તુલનાએ 17.19 ટકા વધીને રૂ. 5689.45 કરોડ થઈ હતી. જ્યારે ઓક્ટોબર, 2024માં પોલિશ લેબ-ગ્રો હીરાની કુલ નિકાસ ઓક્ટોબર, 2023ના રૂ. 1135.16 કરોડથી 2-25 ટકા વધીને રૂ. 1160.70 કરોડ થઈ હતી.
ભારતીય સંસ્થાઓ સાથેના સહયોગને વધુ ગાઢ બનાવવાના ભાગરૂપે યુ.ઓ.ડબલ્યુ. ઇન્ડિયાએ ઉદ્ઘાટન સમયે ઓડૂ સાથે વ્યૂહાત્મક ભાગીદારીની જાહેરાત કરી. ઓડૂ એક પ્રખ્યાત ઓપન-સોર્સ બિઝનેસ સોફ્ટવેર સ્યુટ, સી.આર.એમ., ઇ.કોમર્સ, એકાઉન્ટિંગ અને અનેક કામગીરીઓ માટે ટૂલ્સ પૂરા પાડે છે. તેનાથી વિદ્યાર્થીઓ વ્યવહારુ અને ઉદ્યોગ-સંબંધિત કૌશલ્યો મેળવે તે સુનિશ્ચિત કરી શકાય છે.
સગીર પત્નીની સાથે સહમતીથી સેક્સ પણ બળાત્કારઃ હાઇકોર્ટ
મુંબઈઃ સગીર પત્ની સાથે જો સહમતીથી પણ સેક્સ કરવામાં આવ્યું હશે તો એને પણ બળાત્કાર માનવામાં આવશે, એમ બોમ્બે હાઈકોર્ટે એક મહત્વના ચુકાદામાં જણાવ્યું હતું. સહમતીને આધારે તેને યોગ્ય ઠેરવવાની દલીલ કાયદેસર રીતે સ્વીકારી શકાય નહીં. હાઈકોર્ટની નાગપુર બેંચે પોતાના પતિ વિરુદ્ધ બળાત્કારની મહિલાએ ફરિયાદ કરી હતી. એની સુનાવણી કરતી વખતે કોર્ટે પતિને 10 વર્ષની સજાને યોગ્ય ઠેરવતાં આ ટિપ્પણી કરી હતી.
જસ્ટિસ GA સનપની સિંગલ બેન્ચે કહ્યું હતું કે સહમતીથી સેક્સ માટે કાયદાકીય ઉંમર 18 વર્ષ છે. ન્યાયાધીશે કહ્યું હતું કે અહીં કહેવાની જરૂર છે કે 18 વર્ષથી ઓછી ઉંમરની છોકરી સાથે શારીરિક સંબંધ બાંધવો એ બળાત્કાર દુષ્કર્મ છે. તે પરિણીત છે કે નહીં તેનાથી કોઈ ફરક પડતો નથી. કોર્ટે કહ્યું, ’18 વર્ષથી ઓછી ઉંમરની પત્ની સાથે શારીરિક સંબંધ દુષ્કર્મ છે. સુપ્રીમ કોર્ટના નિર્ણયને ધ્યાનમાં રાખીને હાલના કેસમાં પત્ની સાથે સહમતીથી શારીરિક સંબંધોનો બચાવ સ્વીકારી શકાય નહીં.
નીચલી અદાલતનો નિર્ણય યથાવત
પત્નીએ દુષ્કર્મની ફરિયાદ કરતાં નીચલી અદાલતે પતિને 10 વર્ષની સખત કેદની સજા ફટકારી હતી, હવે નીચલી અદાલતના આ નિર્ણયને હાઈકોર્ટની બેન્ચે યથાવત રાખ્યો છે. અહેવાલો અનુસાર આરોપી વ્યક્તિએ ફરિયાદી મહિલા સાથે બળજબરીથી શારીરિક સંબંધો બાંધ્યા હતા. જ્યારે મહિલા ગર્ભવતી થઈ, તો તેણે પાછળથી લગ્ન કરી લીધાં. લગ્ન પછી પણ તેમના સંબંધો સામાન્ય ન રહ્યા. આ સંબંધ દિવસે-દિવસે બગડતો ગયા. જેનાથી કંટાળીને મહિલાએ તેના પતિ વિરુદ્ધ ફરિયાદ કરી હતી.