Home Blog Page 1367

ધનતેરસે રૂ. 50,000 કરોડના સોના-ચાંદીના વેચાણનો અંદાજ

નવી દિલ્હીઃ દેશમાં ધનતેરસ હર્ષોઉલ્લાસથી ઊજવવામાં આવી રહી છે. ધનતેરસે દેશમાં આશરે રૂ. 50,000 કરોડના રિટેલ વેપારનો અંદાજ છે, એમ કોન્ફેડરેશન ઓફ ઓલ ઇન્ડિયા ટ્રેડર્સ (CAIT)ના રાષ્ટ્રીય મહામંત્રી અને ચાંદની ચોકથી સાંસદ પ્રવીણ ખંડેલવાલે કહ્યું હતું.

ધનતેરસે સિદ્ધિ વિનાયક, શ્રી ગણેશ, દેવી લક્ષ્મી અને કુબેરની પૂજાનું વિશેષ મહત્ત્વ છે અને આ દિવસે નવી વસ્તુ ખરીદવી શુભ માનવામાં આવે છે. ખાસ કરીને સોના-ચાંદીના આભૂષણ, વાસણો, રસોઈના માલસામાન, કપડાં, ઇલેક્ટ્રોનિક્સ અને અન્ય ચીજવસ્તુઓ ખરીદવાની પરંપરા છે. આ દિવસે ઝાડુ ખરીદવું પણ શુભ માનવામાં આવે છે.

આ ધનતેરસે સોના અને ચાંદીનું વેચાણ જોવા મળ્યું હતું. આશરે 25 સોના ટન સોના અને 250 ટન ચાંદીનું વેચાણ થયું છે, જેનું મૂલ્ય રૂ. 20,000 કરોડ અને રૂ. 2500 કરોડ છે. સોના અને ચાંદીની કિંમતો ગયા વર્ષની તુલનાએ આ વર્ષે નોંધપાત્ર વધી છે. જેનાથી વજનમાં ઘટાડો થયા છતાં વેચાણ વધ્યું છે. જૂના ચાંદીના સિક્કાની ભારે માગ રહી છે, એમ ઓલ ઇન્ડિયા જ્વેલર્સ એન્ડ ગોલ્ડસ્મિથ ફેડરેશન (AIJGF)ના રાષ્ટ્રીય અધ્યક્ષ પંકજ અરોરાએ કહ્યું હતું.

ધનતેરસના દિવસે સોનું ઓલટાઈમ હાઇ પર પહોંચી ગયું છે. ઈન્ડિયા બુલિયન એન્ડ જ્વેલર્સ એસોસિયેશન (IBJA)ના ડેટા મુજબ 24 કેરેટ સોનાનો 10 ગ્રામનો ભાવ રૂપિયા 601 વધીને રૂપિયા 78,846 થયો છે. અગાઉ સોનું 78,245 રૂપિયા પ્રતિ 10 ગ્રામ હતું ​​​​​​​તેમ જ ચાંદીની કિંમત પણ 1152 રૂપિયા વધીને 97,238 રૂપિયા પ્રતિ કિલો પર પહોંચી ગઈ છે.

‘જેને મારવા હોય આવીને મારી દે’,બિશ્નોઈ ગેંગની ધમકી પર પપ્પુ યાદવનું નિવેદન

મુંબઈમાં NCP નેતા બાબા સિદ્દીકીની હત્યા બાદ બિહારના પૂર્ણિયાથી લોકસભા સાંસદ પપ્પુ યાદવે લોરેન્સ બિશ્નોઈ ગેંગ પર શાબ્દિક પ્રહારો કર્યા હતા. પપ્પુ યાદવે તો છૂટ મળ્યા બાદ 24 કલાકની અંદર બિશ્નોઈ ગેંગને ખતમ કરવાનો દાવો પણ કર્યો હતો. જોકે, પપ્પુ યાદવે તાજેતરમાં દાવો કર્યો છે કે તેને બિશ્નોઈ ગેંગ તરફથી ધમકીભર્યો ફોન આવ્યો છે. પપ્પુ યાદવે હવે તેને મળી રહેલી સતત જાનથી મારી નાખવાની ધમકીઓ પર પોતાનું મૌન તોડ્યું છે.

આ સ્વાભિમાનની લડાઈ છે: પપ્પુ યાદવ

જ્યારે પૂર્ણિયાના અપક્ષ સાંસદ પપ્પુ યાદવને જાનથી મારી નાખવાની ધમકી મળી ત્યારે તેમણે કહ્યું કે તેઓ જાહેર કામો,ઝારખંડ ચૂંટણી વગેરેની જવાબદારીમાં વ્યસ્ત છે. આ સ્વ-સન્માન માટેની લડાઈ છે, બહારની દાદાગીરી અને આંતરિક હીરો વચ્ચેની લડાઈ છે. જેમ બહારના લોકોએ છત્તીસગઢ અને ઓડિશા પર કબજો કર્યો તેમ તેઓ અહીં (ઝારખંડ) પર પણ કબજો કરવા માંગે છે. હું ફક્ત મારા કામમાં જ વ્યસ્ત છું.

તારે જેને મારવો હોય આવીને મારી દે: પપ્પુ યાદવ

સાંસદ પપ્પુ યાદવે આરોપ લગાવ્યો કે બિહારના સીએમ નીતિશ કુમાર તેમને મળવા માંગે છે પરંતુ કોઈ તેમને મળવા દેતું નથી. પપ્પુ યાદવે વધુમાં કહ્યું કે તેમનું કામ ધમકાવવાનું છે પરંતુ મારું કામ મારા કામમાં વ્યસ્ત રહેવાનું છે. મેં તમને તમારી સુરક્ષા પરત કરવા માટે એક પત્ર પણ લખ્યો છે. મારી પાસે કોઈ સુરક્ષા નથી. જેને મારવો હોય તેને આવો અને મારી નાખો. આ દેશના લોકો મારા માટે ભગવાન છે અને હું મરતા સુધી તેમની મદદ કરીશ. મારે કોઈની સાથે કોઈ અંગત અણબનાવ નથી, જો કે દેશના કોઈપણ નાગરિકને કોઈપણ સંકટનો સામનો કરવો પડે છે તો અમે તેમની સાથે ઉભા છીએ.

લોરેન્સ બિશ્નોઈના ભાઈએ ધમકી આપી

સાંસદ પપ્પુ યાદવને તાજેતરમાં જાનથી મારી નાખવાની ધમકી મળી છે. આ ધમકી લોરેન્સ બિશ્નોઈના ભાઈએ વોટ્સએપ ઓડિયો કોલ દ્વારા આપી છે. પપ્પુ યાદવે એક વરિષ્ઠ પોલીસ અધિકારીને પત્ર લખીને સમગ્ર મામલાની માહિતી આપી છે. લોરેન્સ બિશ્નોઈ ગેંગ તરફથી ધમકીઓ મળતા પહેલા જ પપ્પુ યાદવે 21 ઓક્ટોબર 2024ના રોજ ગૃહ મંત્રાલયને તેની સુરક્ષા વધારવા માટે કહ્યું હતું. આ અંગે પપ્પુ યાદવે ગૃહ મંત્રાલયને પત્ર પણ લખ્યો હતો.

પ્રધાનમંત્રી 30-31 ઓક્ટોબરે ગુજરાતની મુલાકાતે આવશે

અમદાવાદ: પ્રધાનમંત્રી નરેન્દ્ર મોદી 30-31 ઓક્ટોબરના રોજ ગુજરાતની મુલાકાતે આવવાના છે. 30મી ઑક્ટોબરે, તેઓ એકતા નગર, કેવડિયા જશે અને સાંજે 5:30 વાગ્યે 280 કરોડથી વધુના મૂલ્યના વિવિધ માળખાકીય અને વિકાસ પ્રોજેક્ટોનું ઉદ્ઘાટન અને શિલાન્યાસ કરશે. ત્યારબાદ આરંભ 6.0માં 99મા કોમન ફાઉન્ડેશન કોર્સના અધિકારી તાલીમાર્થીઓને સંબોધિત કરશે. 31મી ઑક્ટોબરે, સવારે લગભગ 7:15 વાગ્યે, પ્રધાનમંત્રી સ્ટેચ્યુ ઑફ યુનિટી પર પુષ્પાંજલિ અર્પણ કરશે, જે પછી રાષ્ટ્રીય એકતા દિવસની ઉજવણી કરવામાં આવશે.પ્રધાનમંત્રી એકતા નગરમાં વિવિધ માળખાકીય અને વિકાસ યોજનાઓનું ઉદ્ઘાટન અને શિલાન્યાસ કરશે. આ પ્રોજેક્ટ્સનો ઉદ્દેશ્ય પ્રવાસી અનુભવને વધારવા, સુલભતામાં સુધારો કરવાનો અને આ વિસ્તારમાં ટકાઉપણાની પહેલને સમર્થન આપવાનો છે.

દિવાળીને લઈ મહાનગરોની બજારમાં ખરીદીની ધૂમ

દિવાળીનો તહેવાર શરૂ થઈ ચૂક્યો છે. આજે લોકો ધનતેરસની ઉજવણી કરી રહ્યા છે. ત્યારે રાજ્યોના મહાનગરોની બજારોમાં દિવાળીની ખરીદી માટે લોકો ઉમટ્યાં છે. અમદાવાદ, સુરત, વડોદરા શહેરમાં રહેતા સ્થાનિક લોકો દિવાળીની ખરીદી માટે માનવ મહેરામણ ઉમટ્યું છે. શહેરોની બજારમાં ગ્રામ્ય વિસ્તારના રહેતા લોકોની ભીડ જોવા મળતા વેપારીઓમાં ખુશીનો માહોલ જોવા મળ્યો.

દિવાળી ગુજરાતભરના લોકો માટે સૌથી મોટો તહેવાર ગણાય છે. આ તહેવાર પર લોકો પોતાના ઘરને સજાવવા અવ નવા પેતર વાપરતા હોય છે. દિવાળીનો તહેવાર નજીક આવતાં જ બજારોમાં ભારે ભીડ જોવા મળી રહી છે. સ્ટોલ અને દુકાનદારોએ દિવાળીની ખરીદી માટે વિવિધ પ્રકારની આકર્ષક વસ્તુઓ મૂકી છે. ઘરને સજાવટ કરવા માટેના રંગબેરંગી તોરણ, ડિઝાઇનર તોરણ, વિવિધ પ્રકારના દીવડા, રંગોળી બનાવવા માટેના સ્ટીકરો, ડેકોરેશનની રંગબેરંગી વસ્તુઓ, એલઈડી લાઈટો, રોશની, કંકુ પગલા, સાથિયા સહિતની અનેક વસ્તુઓ બજારમાં છવાયેલી જોવા મળી રહી છે. આ ઉપરાંત દરેક વ્યક્તિ પોતાના ઘરને રોશનીથી શણગારીને દિવાળીની ઉજવણી કરવા માટે તત્પર છે. બજારોમાં વિવિધ પ્રકારની ડિઝાઇન અને કદના દીવડાઓ ઉપલબ્ધ છે. લોકો પોતાના ઘરની શોભા વધારવા માટે વિવિધ પ્રકારના દીવડા ખરીદી રહ્યા છે. રંગોળી બનાવવા માટેના સ્ટીકરો અને ડેકોરેશનની વસ્તુઓ પણ લોકોમાં ખૂબ જ લોકપ્રિય બની છે. લોકો પોતાના ઘરના દરવાજા અને દિવાલો પર રંગોળી બનાવીને તેને સુંદર બનાવી રહ્યા છે.

નોંધનિય છે કે દિવાળીને લઈને રાજ્યમાં ખરીદીનો માહોલ જામ્યો છે. દિવાળીના તહેવારને લઈ બજારોમાં ભારે ભીડ જોવા મળી રહી છે. અમદાવાદ, સુરત, વડોદરામાં બજારોમાં ભીડ જોવા મળી રહી છે.  વિવિધ ચીજવસ્તુઓની ખરીદી માટે ગ્રાહકો ઉમટ્યા છે. દિવાળીના તહેવારને લઈને બજારોમાં ગીચ માહોલ જોવા મળી રહ્યો છે. દુકાનદારો પણ દિવાળીની ખરીદીને લઈને ખૂબ જ ખુશ છે.

સુરતમાં ધનતેરસ પર ધેનુની પૂજા

સુરત: ધનતેરસ પર ધનની પૂજાનું મહત્વ છે પણ સુરતમાં એક પરિવાર એવો છે જે ધનતેરસના દિવસે ગાયની પૂજા કરે છે. આ અંગે નીતિન ભજીયાવાલા ચિત્રલેખા.કોમને કહે છે, “ખરેખર આ ધેનુતેરસ છે. અપભ્રંશ થતા એ ધનતેરસ થઇ ગઇ. ભારત ખેતીપ્રધાન દેશ છે અને આ દેશનું સાચું ધન ગૌમાતા છે. ગૌમાતા જ મહાલક્ષ્મીની સ્વરૂપ છે. ગૌમાતાની પૂજા કરવાથી દેશમાં સુખ શાંતિ રહે છે.”

સુરતનો ભજીયાવાલા પરિવાર છેલ્લા ઘણા વર્ષોથી આ રીતે જ ધનતેરસના દિવસની ઉજવણી કરે છે.

(અરવિંદ ગોંડલિયા – સુરત)

ધનતેરસે સિકરમાં બસ અકસ્માતઃ 11નાં મોત, 30થી વધુ ઇજાગ્રસ્ત

જયપુરઃ સિકર જિલ્લાના લક્ષ્મણગઢ વિસ્તારમાં એક ગમખ્વાર અકસ્માત થયો છે. રાજ્યના સિકર જિલ્લાના લક્ષ્મણગઢ પોલીસ સ્ટેશન વિસ્તારમાં ખાનગી બસ પૂલ સાથે ટકરાઈ હતી, જેમાં 11 લોકોનાં મોત થયાં છે અને 30થી વધુ લોકો ઘાયલ થયા છે.

હાલ પાંચ એમ્બ્યુલન્સ ઘટનાસ્થળે પહોંચી ગઈ હતી. આ અકસ્માતમાં પાંચ મહિલા પણ સામેલ છે. પ્રાપ્ત અહેવાલ અનુસાર રાજ્યમાં એક બસ પુલ સાથે અથડાયા બાદ પલટી ગઈ હતી અને તેમાં સવાર 11 લોકોના મોત થયાં હતાં. આ ઘટનાની જાણ થતાં પોલીસની ટીમ અને એમ્બ્યુલન્સની ટીમ ઘટનાસ્થળે પહોંચી ગઈ છે અને ઈજાગ્રસ્તોને સારવારાર્થે નજીકની હોસ્પિટલમાં ખસેડવામાં આવ્યા છે.

આ અકસ્માતની જાણ થતાં જ CM ભજનલાલ શર્માએ શોક વ્યક્ત કર્યો છે. તેમણે કહ્યું હતું કે જીવ ગુમાવવો અત્યંત દુઃખદ અને હૃદયદ્રાવક છે. મૃતકોના શોકગ્રસ્ત પરિવારો સાથે મારી ઊંડી સંવેદના છે. અધિકારીઓ ઘાયલોની યોગ્ય સારવાર સુનિશ્ચિત કરે.

આ બસ સુજાનગઢથી સાલાસર-લક્ષ્મણગઢ-નવલગઢ થઈને જઈ રહી હતી. પ્રત્યક્ષદર્શીઓના જણાવ્યા મુજબ, બસની સ્પીડ વધુ હોવાને કારણે યોગ્ય વળાંક ન લઈ શકાયો હતો, જેના કારણે આ અકસ્માત થયો હતો. હાલ ઘાયલોને જિલ્લા હોસ્પિટલ લક્ષ્મણગઢ લઈ જવામાં આવ્યા છે. પીસીસી ચીફ ગોવિંદ સિંહ દોતાસરાએ X પર પોસ્ટ કર્યું છે. લક્ષ્મણગઢમાં એક ભયાનક માર્ગ અકસ્માતમાં 11 લોકોના મોતના હૃદયદ્રાવક સમાચાર સાંભળીને મને દુઃખ થયું છે.

 

અમિતાભ બચ્ચને ચિરંજીવીની માતાના ચરણ સ્પર્શ કર્યા

મુંબઈ: બોલિવૂડના શહેનશાહ અમિતાભ બચ્ચને સોમવારે હૈદરાબાદમાં એક ભવ્ય સમારોહમાં તેલુગુ મેગાસ્ટાર ચિરંજીવીને ANR નેશનલ એવોર્ડ એનાયત કર્યો હતો. આ પ્રસંગે બિગ બીએ કહ્યું કે તે હવે પોતાને ‘તેલુગુ ફિલ્મ ઈન્ડસ્ટ્રીનો સભ્ય’ કહી શકે છે. તેમણે પીઢ તેલુગુ અભિનેતા-નિર્માતા અક્કીનેની નાગેશ્વર રાવ (1923-2014)ને પણ શ્રદ્ધાંજલિ આપી, જેમના માનમાં અક્કીનેની ઈન્ટરનેશનલ ફાઉન્ડેશન દ્વારા ANR નેશનલ એવોર્ડની સ્થાપના કરવામાં આવી હતી. આ દરમિયાન અમિતાભ બચ્ચનનો ચિરંજીવીની માતાના ચરણ સ્પર્શનો એક વીડિયો સામે આવ્યો છે જે ચર્ચામાં છે.

અમિતાભ બચ્ચને ચિરંજીવીની માતાના ચરણ સ્પર્શ કર્યા

પીઢ અભિનેતા અમિતાભ બચ્ચને સ્ટાર-સ્ટડેડ ANR એવોર્ડ સમારોહમાં ચિરંજીવીની માતા પાસેથી આશીર્વાદ લીધા હતા. સુપરસ્ટાર સોમવારે સાંજે હૈદરાબાદ પહોંચ્યા હતા અને ભવ્ય કાર્યક્રમમાં જોડાયા હતાં. સામે આવેલા વિડીયોમાં ચિરંજીવી અને નાગાર્જુન અમિતાભને ઈવેન્ટમાં લઈ જતા જોવા મળે છે જયાં તેઓ અભિનેતાને સીટ પર બેસાડતા પહેલા ચિરંજીવીની માતા સાથે પરિચય કરાવે છે. ત્યાર બાદ બિગ બી નમ્રતાપૂર્વક હાથ જોડીને તેમનું સ્વાગત કરે છે અને તેમના પગ પણ સ્પર્શ કરે છે. આ હૃદયસ્પર્શી ક્ષણને કેમેરામાં કેદ કરવામાં આવી હતી, ચિરંજીવીની માતા અમિતાભ સાથે વાત કરતા જોઈને હસતા હતા.

બિગ બીએ ચિરંજીવીનું સન્માન કર્યું

અમિતાભ અન્ય ઘણા તેલુગુ સ્ટાર્સને પણ મળ્યા હતા. કાર્યક્રમમાં પ્રવેશતાની સાથે જ નાગાર્જુન તેમના ચરણ સ્પર્શ કરીને તેમના આશીર્વાદ લેતા જોવા મળ્યા હતા. સ્ટેજ પર નાગા ચૈતન્યએ પણ બિગ બીને પગ સ્પર્શ કરીને શુભેચ્છા પાઠવી હતી. તેની સાથે તેની ભાવિ પત્ની શોભિતા ધુલીપાલા પણ હતી. પીઢ અભિનેતાએ આ કાર્યક્રમનો ભાગ બનવા પર પોતાની ખુશી વ્યક્ત કરી હતી. અમિતાભ બચ્ચને ચિરંજીવીને ANR એવોર્ડ આપ્યો હતો.

બિગ બીએ નાગાર્જુનના વખાણ કર્યા

અમિતાભ બચ્ચને તેમના પિતા હરિવંશ રાય બચ્ચનની એક કવિતાની પંક્તિઓ પણ શેર કરી હતી.કહ્યું,’મારા દીકરા, તું મારો દીકરો છે એનો અર્થ એ નથી કે તું મારો વારસદાર બનીશ. જેઓ મારા અનુગામી છે તેઓ મારા પુત્રો હશે.’ પીઢ અભિનેતાએ કહ્યું, ‘નાગ, તમે અને તમારા પરિવારે સાબિત કર્યું છે કે તમે આ મહાન વ્યક્તિત્વના સાચા વારસદાર છો.’

તહેવારના ટાળે પાલીતાણાના સફાયકર્મીઓ કેમ ઉતર્યા હડતાલ પર ?

પાલીતાણા: દિવાળીનો તહેવાર ગુજરાતી માટે 12 મહિનામાં સૌથી મોટા તહેવાર છે. અને દિવાળીનો તહેવાર આવી પણ ગયો છે. પરંતુ પાલીતાણામાં નગરપાલિકામાં ફરજ બજાવતા સફાઈ કર્મીઓ રોજમદારો સહિતનાઓનો પગાર કરવામાં ના આવતા પાલીતાણા નગરપાલિકા કચેરી ખાતે સફાઈ કર્મીઓ સહિત અન્ય લોકો દ્વારા સૂત્રોચ્ચાર કરવામાં આવ્યો હતો અને હોબાળો કરવામાં આવ્યો હતો. ઉલ્લેખનીય છે કે સરકાર દ્વારા પણ જાહેરાત કરવામાં આવી હતી દિવાળીનો તહેવાર હોવાના કારણે વહેલા પગાર કરવો, પરંતુ પાલીતાણા નગરપાલિકા દ્વારા પગાર ન કરતા કર્મચારીઓએ હોબાળો મચાવ્યો હતો.

સૂત્રો પ્રમાણે મળતી માહિતી અનુસાર સફાય કર્મચારી દ્વારા આ અંગે ચીફ ઓફિસરને પણ રજૂઆત કરવામાં આવી છે અને બે દિવસમાં પગાર કરવામાં આવે તેવી માગ કર્મચારીઓ દ્વારા કરવામાં આવી છે. ઉલ્લેખનીય છે કે 150 જેટલા કર્મચારીઓનો પગાર પાલિકા દ્વારા કરવામાં આવ્યો નથી અને છેલ્લા એક મહિનાનો પગાર બાકી હોવાથી કર્મચારીઓમાં ભારે રોષ જોવા મળી રહ્યો છે. બીજી તરફ બે દિવસ પહેલાથી જ અમરેલીના બગસરામાં પાલિકાના સફાઈકર્મીઓ હડતાળ પર છે. બગસરામાં સફાઈ કર્મચારીઓની હડતાળ છે અને સફાઈ કામ બંધ કરવામાં આવ્યું છે. બગસરામાં સફાઈ કર્મચારીઓના 2 મહિનાનો પગાર બાકી છે, જેમાં તારીખ 24 ઓક્ટોબરે આવેદનપત્ર આપી અને અલ્ટીમેટમ આપવામાં આવ્યું, ત્યારે બે દિવસ પહેલા જ અલ્ટીમેટમ પૂર્ણ થતાં જ્યાં સુધી આ 2 મહિનાનો પગાર અને બોનસ આપવામાં નહીં આવે ત્યાં સુધી દરરોજ આવા કાર્યક્રમ ચાલુ રહેશે અને કામ બંધ રહેશે. ત્યારે સફાઈ કર્મચારીઓ હડતાળ ઉપર ઉતરતા વેપારીઓ સફાઈ કરવા મજબુર બન્યા છે અને કચરા સળગાવવા પડ્યા છે.

LAC પર બે જગ્યાએથી ભારત-ચીનની સેનાની પીછેહઠ

પૂર્વી લદ્દાખ સેક્ટરના ડેપસાંગ અને ડેમચોક વિસ્તારમાંથી સૈનિકોને પાછા ખેંચવાની પ્રક્રિયા લગભગ પૂર્ણ થઈ ગઈ છે. ભારત અને ચીનની સેના એકબીજા પાસેથી ઈન્ફ્રાસ્ટ્રક્ચરની મંજૂરી અને હટાવવાની ચકાસણી કરી રહી છે. સંરક્ષણ સૂત્રે આ માહિતી આપી છે. જણાવી દઈએ કે ડેપસાંગ અને ડેમચોકમાં ભારતીય અને ચીની સૈનિકોની હટાવવાની પ્રક્રિયા મંગળવારે પૂર્ણ થવાની આશા છે. સૈન્યના સૂત્રોએ કહ્યું છે કે, બંને સેના હવે એવા વિસ્તારોમાં પેટ્રોલિંગ શરૂ કરશે જ્યાં તેઓ એપ્રિલ 2020માં સ્ટેન્ડઓફ શરૂ થયા બાદ પહોંચી શક્યા ન હતા.

ગ્રાઉન્ડ કમાન્ડરોની મીટિંગ દરરોજ થશે

ભારત અને ચીન બંને દેશો વચ્ચેના રાજદ્વારી સંબંધો સુધારવા માટે 29 ઓક્ટોબર સુધીમાં વાસ્તવિક નિયંત્રણ રેખા પારથી છૂટાછેડાની પ્રક્રિયા પૂર્ણ કરશે. સૂત્રોએ જણાવ્યું હતું કે, નિયમિત ગ્રાઉન્ડ કમાન્ડરોની બેઠકો યોજવાનું ચાલુ રહેશે પેટ્રોલિંગમાં સામેલ સૈનિકોની સંખ્યાને ઓળખવામાં આવી છે અને જ્યારે અમે પેટ્રોલિંગ શેડ અથવા તમામ કામચલાઉ ઈન્ફ્રાસ્ટ્રક્ચર જેવા કે તંબુઓ, સૈનિકોને કોઈ પણ પ્રકારની ગેરસમજને ટાળવા માટે અમે એકબીજાને જાણ કરીશું. દૂર કરવામાં આવે.” બંને પક્ષો આ વિસ્તાર પર નજર રાખશે. ડેપસાંગ અને ડેમચોક ખાતેના પેટ્રોલિંગ પોઈન્ટ એ પોઈન્ટ હશે જ્યાં અમે એપ્રિલ 2020 પહેલા પરંપરાગત રીતે પેટ્રોલિંગ કરતા હતા.

દિવાળી વેકેશનના લેશનમાં બાળકો શીખશે ગીતાના પાઠ

સુરત: સનાતન સંસ્કૃતિનું રક્ષણ તેમજ બાળકોમાં નાનપણથી જ ભગવત ગીતાનું જ્ઞાન આવે એવા શુભ હેતુથી સુરતના પુણાગામ વિસ્તારમાં આવેલી નાલંદા વિદ્યાલય દ્વારા શાળામાં ભણતા વિદ્યાર્થીઓને અનોખું દિવાળી હોમવર્ક આપવામાં આવ્યું છે. આ હોમવર્કમાં ભગવત ગીતાના શ્લોકોનું પઠન કરવા માટે જણાવવામાં આવ્યું છે.

નાલંદા શાળાના સંચાલક દિવ્યેશ ચાવડા ચિત્રલેખા.કોમને કહે છે, “વિદ્યાર્થીઓમાં વેકેશન દરમિયાન ધર્મ અને સંસ્કારોનું સિંચન થાય એવું ગૃહકાર્ય આપવા શાળા પરિવારે વિચાર્યું હતુ. જેના ભાગરૂપે દિવાળી કાર્ડમાં ભગવત ગીતાના શ્લોક છાપીને વિદ્યાર્થીઓને આ કાર્ડ આપવામાં આવ્યા છે. જેથી વિદ્યાર્થી પ્રતિદિન આ શ્લોક બોલીને ભગવત ગીતાના શ્લોકો કંઠસ્થ કરી શકે. શ્લોકો કંઠસ્થ થયા બાદ તેનો એક વિડીયો સ્કૂલના Whatsapp નંબર પર મોકલીને પોતાનું ગૃહ કાર્ય પૂર્ણ કરશે.”

એકતરફ સરકાર પાર્થમિક શાળામાં ગીતાને અભ્યાસક્રમ તરીકે લાવી રહી છે ત્યારે સુરતની આ શાળાનું પગલું સરકારના આ કદમ સાથે જાણે કદમ મેળવી રહ્યુ છે. શાળાનું આ હોમવર્ક સુરત શિક્ષણ જગતમાં ચર્ચાનો વિષય છે.

(અરવિંદ ગોંડલિયા – સુરત)

1...1,3661,3671,368...5,122Page 1,367 of 5,122