બાબા સિદ્દીકીના મોત માટે જવાબદાર અને સલમાન ખાનને સતત ધમકી આપનાર ગેંગસ્ટર લોરેન્સ બિશ્નોઈ પર વેબ સિરીઝ બનાવવાની તૈયારીઓ ચાલી રહી છે. 12 ઓક્ટોબરે બાબા સિદ્દીકીની હત્યા બાદ સલમાન ખાનને ફરીથી ધમકીઓ મળવા લાગી છે. આ સાથે જ લોરેન્સ પર વેબ સિરીઝ બનાવવાની ચર્ચા પણ શરૂ થઈ ગઈ હતી. રિપોર્ટમાં કહેવામાં આવી રહ્યું છે કે આ વેબ સિરીઝને ઈન્ડિયન મોશન પિક્ચર્સ એસોસિએશન તરફથી મંજૂરી મળી ગઈ છે.
કહેવામાં આવી રહ્યું છે કે વેબ સિરીઝ પર કામ પણ શરૂ થઈ ગયું છે. જાની ફાયરફોક્સ ફિલ્મ પ્રોડક્શન લોરેન્સ પર વેબ સિરીઝ બનાવી રહ્યું છે, જેનું નામ ‘લોરેન્સ-એ ગેંગસ્ટર’ છે. આ વેબ સિરીઝમાં લોરેન્સના જીવન વિશે જણાવવામાં આવશે, જેમાં તેનું ગેંગસ્ટરમાં રૂપાંતર અને તેનું નેટવર્ક બતાવવામાં આવશે. જો કે આ ફિલ્મમાં લોરેન્સના રોલમાં કોણ જોવા મળશે તે જાહેર કરવામાં આવ્યું નથી. પરંતુ એવું કહેવામાં આવી રહ્યું છે કે આ સીરીઝનું પોસ્ટર દિવાળીની આસપાસ રિલીઝ કરવામાં આવશે. પોસ્ટરમાં જ અભિનેતાનો ખુલાસો થશે.
‘લોરેન્સ – એ ગેંગસ્ટર’ના પ્રોડક્શન હાઉસ જાની ફાયરફોક્સ ફિલ્મ પ્રોડક્શનના વડા અમિત જાનીએ આ સિરીઝ વિશે વાત કરી હતી, જેમાં તેણે કહ્યું હતું કે તેનો ઉદ્દેશ્ય દર્શકોને સીરિઝ દ્વારા વાસ્તવિક વાર્તા સાથે જોડવાનો છે. આ પહેલા પણ જાની આવી સિરીઝ બનાવી ચૂક્યા છે, જે એક સત્ય ઘટના પર આધારિત છે. તેણે ‘એ ટેલર મર્ડર સ્ટોરી’ બનાવી, જે ઉદયપુરના દરજી કન્હૈયા લાલ પર આધારિત છે, જેની 2022માં તેની દુકાનમાં હત્યા કરવામાં આવી હતી. આ સિવાય પાકિસ્તાની મહિલા સીમા હૈદર પર ‘કરાચી ટુ નોઈડા’ પણ બનાવવામાં આવી છે.
આ કાર્યક્રમ સંદર્ભે પ્રદેશ ઉપાઘ્યક્ષ ગોરઘનભાઇ ઝડફીયાએ માહિતી આપતા જણાવ્યું કે, આજ રોજ કેન્દ્રીય જળશક્તિ મંત્રી અને પ્રદેશ અધ્યક્ષ સી.આર.પાટીલ સક્રિય સભ્ય બનાવા અંગેનું ફોર્મ ભર્યુ. રાજયના મુખ્યમંત્રી ભુપેન્દ્રભાઇ પટેલને પણ સક્રિય સભ્ય તરીકે ફોર્મ ટુંક દિવસમા ભરાવવામા આવશે. સમગ્ર ગુજરાતમાં સંગઠનના પદાધીકારીઓ તેમજ ચૂંટાયેલા પદાધિકારીઓ સહિતના જે કાર્યકર્તાઓએ તેમની લીંક માંથી 100 પ્રાથમિક સભ્ય બનાવ્યા હશે. તેમને સક્રિય સભ્ય બનાવવાનો પ્રારંભ આજથી થયો છે. તારીખ 31 ઓક્ટોમ્બર સુધી પ્રાથમિક સભ્ય બનાવવાનુ અભિયાન સાથે સક્રિય સભ્ય બનાવવામાં આવશે.
