Home Blog Page 1414

મહેસાણામાં દિવાલ ધરાશાયી, 9ના મોત, PM મોદીએ દુઃખ વ્યક્ત કર્યું

ગુજરાતના મહેસાણા જિલ્લામાં એક મોટો અકસ્માત થયો છે. કડી તાલુકાના જેસલપુર ગામ પાસે કંપનીની દિવાલ ધરાશાયી થતા મૃત્યુઆંક 9 પર પહોંચ્યો છે જ્યારે એક ઘાયલ થયો છે. મળતી માહિતી મુજબ, અહીં એક કંપની માટે અંડરગ્રાઉન્ડ ટાંકી લગાવવાનું કામ ચાલી રહ્યું હતું. આ દરમિયાન અચાનક દિવાલ ધરાશાયી થતાં સ્થળ પર કામ કરી રહેલા કામદારો ફસાઈ ગયા હતા. ઘટનાની માહિતી મળતાની સાથે જ રેસ્ક્યુ ટીમ પણ ઘટનાસ્થળે પહોંચી ગઈ હતી અને બચાવ કામગીરી શરૂ કરી હતી. આ પ્રસંગે એમ્બ્યુલન્સ અને પોલીસની ટીમો પણ હાજર રહી હતી.

મળતી માહિતી મુજબ આ અકસ્માત બપોરે 1.45 વાગ્યાની આસપાસ થયો હતો. અહીં 9-10 લોકો દટાયા હતા, જેમાંથી પહેલા 6ના મૃતદેહ મળી આવ્યા છે. અહીં એક 19 વર્ષનો છોકરો પણ ફસાયેલો હતો જેને સુરક્ષિત રીતે બચાવી લેવામાં આવ્યો છે. તેણે જણાવ્યું કે અહીં 8-9 લોકો કામ કરતા હતા. 2-3 લોકો હજુ પણ ફસાયેલા છે.

પીએમ મોદીએ પણ આ ઘટના પર દુખ વ્યક્ત કર્યું છે. સોશિયલ મીડિયા પ્લેટફોર્મ X પર, તેમણે કહ્યું કે, ગુજરાતના મહેસાણામાં દિવાલ ધરાશાયી થવાથી થયેલ અકસ્માત અત્યંત દુઃખદ છે. જેમણે પોતાના પ્રિયજનોને ગુમાવ્યા છે તેમના પ્રત્યે મારી ઊંડી સંવેદના. ભગવાન તેમને આ દુઃખ સહન કરવાની શક્તિ આપે. આ સાથે હું ઘાયલોના ઝડપથી સાજા થવાની કામના કરું છું. રાજ્ય સરકારની દેખરેખ હેઠળ, સ્થાનિક વહીવટીતંત્ર પીડિતોને શક્ય તમામ સહાય પૂરી પાડવામાં વ્યસ્ત છે. આ સાથે જ અકસ્માતમાં માર્યા ગયેલા લોકોના પરિવારજનોને PMNRF તરફથી 2 લાખ રૂપિયા અને ઘાયલોને 50 હજાર રૂપિયા આપવાની જાહેરાત કરવામાં આવી છે.

એલર્ટઃ આગામી 5 દિવસ સુધી ભારે વરસાદની આગાહી

પૂર્વ-મધ્ય અરબી સમુદ્ર પરનું લો પ્રેશર એરિયા પશ્ચિમ-ઉત્તરપશ્ચિમ તરફ આગળ વધીને 13 ઓક્ટોબરની સવાર સુધીમાં મધ્ય અરબી સમુદ્રમાં ડિપ્રેશનમાં ફેરવાય તેવી શક્યતા છે. જેના કારણે ઘણા રાજ્યોમાં હવામાનમાં ફેરફાર થશે અને ભારે વરસાદ પડશે. દક્ષિણી આંતરિક કર્ણાટક, કેરળ, માહે, તમિલનાડુમાં આગામી પાંચથી છ દિવસ સુધી ભારે વરસાદ થવાનો છે. આ સિવાય કોસ્ટલ આંધ્રપ્રદેશ, યાનમ અને રાયલસીમામાં 14-16 ઓક્ટોબર વચ્ચે ભારે વરસાદની શક્યતા છે.

છેલ્લા 24 કલાકના હવામાન વિશે વાત કરીએ તો, કેરળ, માહે, તમિલનાડુ, પુડુચેરી, ઉત્તરીય આંતરિક કર્ણાટક, નાગાલેન્ડ, મણિપુર, મિઝોરમ, ત્રિપુરા, પૂર્વ મધ્ય પ્રદેશ, આસામ, મેઘાલય, પશ્ચિમ મધ્ય પ્રદેશ, મધ્ય મહારાષ્ટ્ર, મરાઠવાડા, અરુણાચલ પ્રદેશ , આંતરિક કર્ણાટકમાં દક્ષિણમાં ભારે વરસાદ નોંધાયો હતો. હવામાન વિભાગના જણાવ્યા અનુસાર ગુજરાત, મધ્યપ્રદેશ, ઝારખંડ, બિહાર, મહારાષ્ટ્ર, છત્તીસગઢ, ઓડિશા, પશ્ચિમ બંગાળ, સિક્કિમમાં આગામી બે દિવસ દરમિયાન ચોમાસું પાછું ખેંચવાની શક્યતા છે.

હવામાન વિભાગે આગાહી કરી છે કે તામિલનાડુ, પુડુચેરી, કરાઈકલમાં 14-16 ઓક્ટોબર વચ્ચે ભારે વરસાદ પડશે. આ સિવાય કેરળ, માહે, તમિલનાડુ, પુડુચેરી, કરાઈકલમાં 12, 13 અને 17 ઓક્ટોબર વચ્ચે, તટીય આંધ્રપ્રદેશ, યાનમ, રાયલસીમામાં 14-17 ઓક્ટોબર વચ્ચે, દક્ષિણ આંતરિક કર્ણાટકમાં 12 ઓક્ટોબર વચ્ચે ભારે વરસાદની શક્યતા છે. 16. આ સિવાય 12 ઓક્ટોબરે પૂર્વ અને ઉત્તરપૂર્વ ભારતમાં અરુણાચલ પ્રદેશ, આસામ, આંદામાન અને નિકોબાર ટાપુઓ પર ભારે વરસાદની સંભાવના છે.

પશ્ચિમ અને મધ્ય ભારતના રાજ્યોની વાત કરીએ તો કોંકણ, ગોવા, મધ્ય મહારાષ્ટ્ર, પૂર્વ મધ્ય પ્રદેશ, વિદર્ભ, છત્તીસગઢમાં વરસાદનું એલર્ટ છે. તેમાંથી મધ્ય મહારાષ્ટ્રમાં 12 ઓક્ટોબરે, ગુજરાતમાં 12, 13 ઓક્ટોબરે, પશ્ચિમ મધ્યપ્રદેશ અને 12 ઓક્ટોબરે વિદર્ભમાં ભારે વરસાદ થવાની છે. તે જ સમયે, ઉત્તર-પશ્ચિમ ભારતમાં આ અઠવાડિયા સુધી વરસાદ ન થવાની સંભાવના છે.

પશ્ચિમ અને મધ્ય ભારતના રાજ્યોની વાત કરીએ તો કોંકણ, ગોવા, મધ્ય મહારાષ્ટ્ર, પૂર્વ મધ્ય પ્રદેશ, વિદર્ભ, છત્તીસગઢમાં વરસાદનું એલર્ટ છે. તેમાંથી મધ્ય મહારાષ્ટ્રમાં 12 ઓક્ટોબરે, ગુજરાતમાં 12, 13 ઓક્ટોબરે, પશ્ચિમ મધ્યપ્રદેશ અને 12 ઓક્ટોબરે વિદર્ભમાં ભારે વરસાદ થવાની છે. તે જ સમયે, પશ્ચિમ અને મધ્ય ભારતના રાજ્યોની વાત કરીએ તો, આ અઠવાડિયા સુધી ઉત્તર-પશ્ચિમ ભારતમાં વરસાદ નહીં થવાની સંભાવના છે, કોંકણ, ગોવા, મધ્ય મહારાષ્ટ્ર, પૂર્વ મધ્ય પ્રદેશ, વિદર્ભમાં વરસાદનું એલર્ટ છે. છત્તીસગઢ. જેમાં 12મી ઓક્ટોબરે મધ્ય મહારાષ્ટ્ર, 12મી ઓક્ટોબરે ગુજરાતમાં અને 12મી ઓક્ટોબરે પશ્ચિમ મધ્યપ્રદેશ, વિદર્ભમાં ભારે વરસાદ થવાનો છે. તે જ સમયે, ઉત્તર-પશ્ચિમ ભારતમાં આ અઠવાડિયા સુધી વરસાદ ન થવાની સંભાવના છે.

હરિયાણામાં નવી સરકારના શપથગ્રહણની તારીખ આવી ગઈ

હરિયાણામાં નવી સરકારના શપથગ્રહણની તારીખ જાહેર થઈ ગઈ છે. નાયબ સિંહ સૈની 17 ઓક્ટોબરે મુખ્યમંત્રી પદના શપથ લેશે. આ સમારોહમાં વડાપ્રધાન નરેન્દ્ર મોદી પણ હાજર રહેશે. ભાજપ શાસિત રાજ્યોના મુખ્યમંત્રીઓ પણ સૈનીના શપથ ગ્રહણમાં હાજરી આપશે. જેનું આયોજન પંચકુલાના સેક્ટર 5 સ્થિત દશેરા ગ્રાઉન્ડમાં કરવામાં આવશે. શપથ ગ્રહણનો સમય 10 વાગ્યાનો રાખવામાં આવ્યો છે.

આ માહિતી આપતાં કેન્દ્રીય મંત્રી અને હરિયાણાના પૂર્વ મુખ્યમંત્રી મનોહર લાલ ખટ્ટરે કહ્યું કે, “અમને વડાપ્રધાનની મંજૂરી મળી ગઈ છે. મુખ્યમંત્રી અને મંત્રી પરિષદ 17 ઓક્ટોબરે શપથ લેશે.” તમને જણાવી દઈએ કે 90 સભ્યોની વિધાનસભામાં ભાજપ પાસે 48 ધારાસભ્યો છે. આ સિવાય તેમને 3 અપક્ષ ધારાસભ્યોનું પણ સમર્થન છે.

આ પહેલા ગઈકાલે હરિયાણા ભારતીય જનતા પાર્ટી (BJP)ના પ્રદેશ અધ્યક્ષ પંડિત મોહન લાલ બરૌલીએ અપક્ષ ધારાસભ્યોએ ભાજપને ટેકો આપ્યા બાદ કહ્યું હતું કે તે રાજ્યમાં ત્રીજી વખત મુખ્યમંત્રી નયબ સિંહના નેતૃત્વમાં 51 ધારાસભ્યો સાથે સરકાર બનાવવા જઈ રહી છે. સૈની.

મહેસાણામાં બાંધકામ સાઈટ પર માટી ધસી, 5ના મોત

ગુજરાતના મહેસાણા જિલ્લાના જસલપુર ગામમાં એક બાંધકામ સાઇટ પર માટીનું ભારે માળખું ધરાશાયી થયું હતું, જેના પરિણામે પાંચ મજૂરોના કરુણ મોત થયા હતા. આ અકસ્માત બપોરના સમયે થયો હતો જ્યારે કામદારો ફેક્ટરીની ભૂગર્ભ ટાંકી માટે ઊંડો ખાડો ખોદી રહ્યા હતા.

પોલીસ ઈન્સ્પેક્ટર પ્રહલાદ સિંહ વાઘેલાએ ઘટનાની પુષ્ટિ કરતા કહ્યું કે કામ દરમિયાન અચાનક માટી અંદર ખાબકી ગઈ, જેના કારણે મજૂરો તેની નીચે દટાઈ ગયા. “અત્યાર સુધીમાં પાંચ મૃતદેહો મળી આવ્યા છે, અને અમને શંકા છે કે હજુ ત્રણથી ચાર વધુ મજૂરો દફનાવવામાં આવ્યા હશે,” વાઘેલાએ જણાવ્યું હતું.

ઘટનાની માહિતી મળતાની સાથે જ સ્થાનિક પોલીસ અને બચાવ ટીમ ઘટનાસ્થળે પહોંચી ગઈ હતી અને તાત્કાલિક રાહત કાર્ય શરૂ કરી દેવામાં આવ્યું હતું. બચાવ કાર્ય અત્યંત પડકારજનક હતું કારણ કે માટી હેઠળ હજુ કેટલાક કામદારો ફસાયા હોવાની આશંકા છે.

આ અકસ્માત બાદ સ્થાનિક લોકોમાં ભયનો માહોલ જોવા મળ્યો હતો. ઉપરના વિડીયોમાં જોઈ શકાય છે કે મજૂરોના પરિવારના સભ્યો કેવી ખરાબ હાલતમાં છે, રડી રહ્યા છે. બાંધકામ સ્થળ પર જોઈ શકાય છે કે જેસીબીની મદદથી માટી કાઢવાની કામગીરી કરવામાં આવી રહી છે. આ ઘટનાએ સલામતીના ધોરણોની અવગણના અને કાર્યસ્થળો પર કામદારોની સલામતી અંગે ગંભીર પ્રશ્નો ઉભા કર્યા છે.

ગુજરાતમાં શિક્ષણ સહાયકની ભરતી અંગે મોટી જાહેરાત આવી

ગુજરાતમાં શિક્ષણ સહાયકની ભરતી અંગે મોટી જાહેરાત આવી છે. જેમાં 1200 જગ્યા માટે નોટિફિકેશન જાહેર કરવામાં આવ્યું છે. સરકારી અને ગ્રાન્ટેડ માધ્યમિક-ઉચ્ચતર માધ્યમિક સ્કૂલોમાં વિદ્યાસહાયકો ન મળતા હજારો જગ્યાઓ ખાલી પડી છે ત્યારે સરકાર દ્વારા અગાઉ કરાયેલી જાહેરાત મુજબ માધ્યમિકમાં 1200 શિક્ષણ સહાયકની ભરતી માટેની પ્રક્રિયા જાહેર કરી દેવાઈ છે.

આ જાહેરાતમાં 24 ઓક્ટોબરથી 15 નવેમ્બર સુધી ઓનલાઈન અરજી કરી શકાશે. તેમાં રાજ્યની સરકારી માધ્યમિક સ્કૂલોમાં ધો.9 અને 10માં કુલ 1200 શિક્ષણ સહાયકોની ભરતી કરાશે. જેમાં ગુજરાતી માધ્યમની સ્કૂલોમાં 1196 અને અંગ્રેજી માધ્યમની સ્કૂલોમાં ચાર જગ્યા ભરાશે. નિયત લાયકાત ધરાવતા ઉમેદવારો 24 ઓક્ટોબરથી ઓનલાઈન અરજી કરી શકશે અને 15 નવેમ્બર સુધી અરજી થઈ શકશે. સરકારની ગુજરાત રાજ્ય માધ્યમિક અને ઉચ્ચતર માધ્યમિક શૈક્ષણિક સ્ટાફ ભરતી પસંદગી સમિતિ દ્વારા આ ભરતી પ્રક્રિયા થઈ રહી છે અને નવા નિયમો મુજબ ભરતી પ્રક્રિયા થશે.

ટાટ સેકન્ડરીમાં 60 ટકા કે તેથી વધુ ગુણ મેળવનાર ઉમેદવારો અરજી કરી શકશે. મહત્વનું છે કે હાલ રાજ્યની સરકારી અને ગ્રાન્ટેડ સ્કૂલોમાં હજારોની સંખ્યામાં ધો. 9 થી12માં શિક્ષકોની જગ્યા ખાલી છે. સ્કૂલોને 9 થી 12માં જ્ઞાન સહાયકો મળ્યા જ નથી અને મળ્યા છે તો હાજર થયા નથી. 50 ટકા જગ્યાઓ ખાલી રહી છે.

કાળકોટડીમાં બંધ તર્ક ને બુદ્ધિ…

આજથી દોઢેક દાયકા પહેલાં ‘નેક્સ્ટ થ્રી ડેઝ’ નામની એક અમેરિકન ફિલમ આવેલી, જેમાં હીરો (રસેલ ક્રોવ) ખોટી રીતે ખૂનકેસમાં ફસાઈ ગયેલી પત્ની (એલિઝાબેથ બેન્ક્સ)ને બચાવવા કમર કસે છે. આજે રિલીઝ થયેલી ‘જિગરા’ની વાર્તા સેમ-ટુ-સેમ ‘નેક્સ્ટ થ્રી ડેઝ’ તો નથી, પણ કહી શકાય કે મૂળ આધાર એ જ છે. એમ તો ‘જિગરા’એ હોલિવૂડ ઉપરાંત 1993માં આવેલી બોલિવૂડની શ્રીદેવી-સંજય દત્તવાળી ‘ગુમરાહ’ની વાત પણ લીધી છે.

અહીં પત્નીને બદલે મોટી બહેન (આલિયા ભટ્ટ) છે, જે પારકા મલકમાં ડ્રગકેસમાં ફસાઈ ગયેલા વહાલા નાના ભાઈ અંકુર (વેદાંગ રૈના)ને છોડાવવા બાવડાં, કમર, પેટ કસે છે. નો જોકિંગ. એક સીનમાં પ્લેનની પારિચારિકા એને મેનૂમાંથી વાનગીની પસંદગી કરવા કહે છે તો દીદી કહે છેઃ “મેનૂમાં જેટલી વાનગી છે એ બધી લઈ આવ.” અને ખરેખર, એ બધી વાનગી ખાઈ (પી) લે છે.

આ પહેલાં આલિયાના કાકા મુકેશ ભટ્ટે દિવ્યા ખોસલા કુમારને લઈને ‘સાવિ’ નામની ફિલ્મ બનાવી, જે હજુ પાંચેક મહિના પહેલાં જ રિલીઝ થઈ. ‘સાવિ’માં, જો કે, ‘નેક્સ્ટ થ્રી ડેઝ’નું અવળું છે. ખોટા કેસમાં ફસાઈ ગયેલા પતિને બચાવવા કમર કસતી પત્ની.

‘જિગરા’ના નિર્માતા કરણ જૌહર, ડિરેક્ટર વાસન્ બાલાએ “અમારી ફિલ્મ એકદમ ઓરિજિનલ છે” એવું રસિક પ્રેક્ષકોનાં મગજમાં ઠસાવવા એમણે જે ઉધામા કર્યા એ દયનીય અને અમુક ઠેકાણે હાસ્યાસ્પદ છે. જેમ કે 1970ના દાયકાની ‘જંજિર’ ફિલ્મના રેફરન્સ. શું સર્જક એમ કહેવા માગે છે કે આલિયા એ અમિતાભ છે? જાઓ જાઓ હવે. અરે એક ઠેકાણે તો આલિયા કહે પણ છેઃ “અબ તો બચ્ચન હી બનના હૈ.” (હેંહેંહેં).

વાસન્ બાલા જાણીતા છેઃ ‘મર્દ કો કભી દર્દ નહીં હોતા’ તથા નેટફ્લિક્સ માટે બનાવેલી ‘મોનિકા ઓ માય ડાર્લિંગ’ માટે. એમણે લેખક દેબાશિષ ઈરેંગબમ સાથે મળીને “ફૂલોં કા તારોં કા સબકા કેહના હૈ” સોંગને આધાર બનાવીને ‘જિગરા’ની વાર્તા લખી છે. સત્યા (આલિયા) ઈવેન્ટ મેનેજમેન્ટ કંપનીમાં જૉબ કરે છે. જૉબ કરે છે એમ કહેવું પ્રોપર ન ગણાય, કારણ કે જંગી કંપનીના માલિકે અથવા સત્યાના તાઉજીએ એને ને એના ભાઈ અંકુર (વેદાંગ રૈના)ને ન માત્ર આશરો દીધો, બલકે પરિવાર જેવા ગણ્યાં છે. મોબાઈલ ઍપ્સ બનાવતો અંકુર અને તાઉજીનો બેટો કબિર બન્ને હંસી દાઓ નામના કોઈ સાઉથ ઈસ્ટ એશિયન કન્ટ્રીમાં જાય છે. બિઝનેસ ડીલ ડન કર્યા બાદ બન્ને ઉજવણી કરવા ક્લબમાં જાય છે, પણ, કમનસીબે ડ્રગ-કેસમાં ફસાઈ જાય છે. હંસી દાઓના ડ્રગ્સ વિશેના કાયદા કડક છે. તાઉજી અને એમના લૉયર એવી વ્યવસ્થા કરે છે કે કબિર હેમખેમ ભારત આવી જાય. પાછળ રહી ગયેલા અંકુરને મોતની સજા સુણાવવામાં આવે છે. તે પછી હજારોમાં એક એવી બહેના સત્યા જડબેસલાક સુરક્ષાવ્યવસ્થા ધરાવતી પારકા દેશની જેલમાંથી છોટા ભાઈને બહાર કાઢવાના મિશન પર નીકળી પડે છે. આમાં એને સાથ મળે છે એ દેશમાં રહેતા મુથુ (રાહુલ રવીન્દ્રન્) અને ભાટિયા અંકલ (મનોજ પાહવા). એ બન્નેના ડીઅરવન્સ પણ જેલમાં બંધ છે…

એ ખરું કે બન્ને રાઈટર મૂળ વાત પર આવવા ઝાઝો સમય વેડફતા નથી. ભાઈબહેને બાળપણમાં માતા ગુમાવી અને હજી તો સ્કૂલમાં ભણી રહ્યાં હોય છે ત્યાં એમની આંખ સામે પિતાએ આત્મહત્યા કરી. શું કામ, એ લેખકો આપણને કહેતા નથી. એ પછી ધડાધડ બન્ને મોટાં થઈ જાય છે, ભાઈ ડ્રગ્ઝમાં ફસાય છે અને… ‘એનિમલ’ના રણવિજયની જેમ, વિદેશમાં ખૂનખરાબા, મારધાડ, તોડફોડ કરવા માંડે છે.

મને નવાઈની એ વાતની લાગી કે આલિયા શું જોઈને આ ફિલ્મની સહનિર્માત્રી થઈ હશે? એનો ધણી ઓલમોસ્ટ આ જ પ્રકારની ફિલ્મ, હજી હમણાં જ કરી ચૂક્યો છે. યાદ કરો, બાપ (અનિલ કપૂર)નું રક્ષણ કરવા ગમે તે હદે જઈ શકતો ‘એનિમલ’નો રણવિજયસિંહ (રણબીર કપૂર). એમાં પિતા-પુત્રના સંબંધની વાત છે તો અહીં ભાઈ-બહેનના સ્નેહની. હા, સહનિર્માત્રી પોતે હોય તો વાર્તા પર, એના પાત્ર પર પોતે સવાર થઈ શકાય, પણ આમાં ખાલી ફોગટની (પ્રેક્ષકો, સમીક્ષકો દ્વારા) કૂટાઈ વાસન્ બાલાની થઈ જાયને. -અને એક્શન હીરોઈન તરીકે આલિયા જામતી નથી એ જસ્ટ.

ટૂંકમાં બે કલાક ને પાંત્રીસ મિનિટની લંબાઈ ધરાવતી, લોજિક-સેન્સથી કરોડો માઈલ દૂર જિગરા જોઈને હું બહાર નીકળ્યો ત્યારે જેલમાંથી છૂટ્યાની લાગણી થઈ. તારલા આપવા હોય તો પાંચમાંથી બે આપું

‘છોટા બચ્ચા’ એ આનંદ રાજ આનંદને મોટી ઓળખ અપાવી   

સંગીતકાર આનંદ રાજ આનંદ ‘છોટા બચ્ચા જાન કે’ ગીતથી જાણીતા થયા હતા. એ ગીતને કારણે જ એમને ફિલ્મ ‘માસૂમ’ (1996) મળી હતી. આનંદ ગાયક બનવા માટે મુંબઈ આવ્યા હતા. 1995 માં એમની મુલાકાત નિર્દેશક ટીનુ આનંદ સાથે થઈ હતી. એમણે આનંદના ગીતો સાંભળી ફિલ્મ ‘મેજર સાબ’ (1998) માં તક આપી હતી. ફિલ્મના સાતમાંથી છ ગીતો આનંદના હતા. એમાં ‘પ્યાર કિયા તો નિભાના’ અને ‘અકેલી ના બાઝાર જાયા કરો’ બહુ લોકપ્રિય રહ્યા હતા. પરંતુ ‘મેજર સાબ’ ની રજૂઆત મોડી થઈ હતી અને ટીનુ આનંદે જ ‘માસૂમ’ અપાવી હતી.

ટીનૂ એના કામથી પ્રભાવિત થયા હતા અને ‘ટાઈમ’ કંપનીના પ્રવીણ શાહને ફોન કરીને કહ્યું હતું કે હું તારી પાસે એક છોકરો મોકલી રહ્યો છું. એને રાખી લેજો. આનંદને ગાયક બનવું હતું. એમને મળવા જતાં પહેલાં આનંદે ‘યે જો તેરે પાયલોં કી’, કાલે લિબાસમેં, વગેરે કેટલાક ગીતો તૈયાર કર્યા અને પોતાના અવાજમાં ગાઈને એની એક ડેમો કેસેટ બનાવી. એ સાંભળીને પ્રવીણ શાહે આનંદ રાજ આનંદને પૂછ્યું કે તું શું બનવા માગે છે?

આનંદે પોતાની વાત કરી કે હું દિલ્હીથી આવ્યો છું અને મુંબઈમાં ગીતકારોને જાણતો ન હોવાથી જાતે જ ગીતો લખીને ગાઉં છું. અને આ જે ગીત બનાવ્યા છે એના શબ્દો ડમી છે. એમણે પૂછ્યું કે આ બધી ધૂન કોણે બનાવી છે? આનંદે કહ્યું કે મને ગાવાનો શોખ હોવાથી ગીત ગાતી વખતે ધૂન બની જાય છે. એમણે પૂછ્યું કે આ ગીતો કોણે ગાયા છે? આનંદે કહ્યું કે એણે જ ગાયા છે. ત્યારે પ્રવીણે કહ્યું કે તું તારી કેસેટ પાછી લઈ લે અને એ વિચારીને આવ કે ગીતકાર ગાયક અને સંગીતકાર એ ત્રણમાંથી તારે શું બનવું છે.

આનંદે કહ્યું કે મને ગાવાનો શોખ છે અને હું ગાયક બનવા આવ્યો છું. એમણે કહ્યું કે અત્યારે ઉદીત નારાયણ, કુમાર સાનૂ, અભિજીત, સુખવિંદર વગેરે છે ત્યારે તું ગાવા આવ્યો છે? હું તને ગાયક તરીકે લઈ શકું નહીં. પણ તારે જો સંગીતકાર બનવું હોય તો હું તારું સંગીત ખરીદી શકું છું. તેં સંભળાવ્યા એમાંથી આઠ ગીત લઈ લઉં છું. આનંદ રાજ આનંદે કહ્યું કે તે ટીનૂ આનંદ સાથે વાત કરીને જવાબ આપશે.

આનંદે ટીનુને ફોન કરીને કહ્યું કે પ્રવીણભાઈ તો મને સંગીતકાર બનાવવાની વાત કરી રહ્યા છે. ટીનૂએ આનંદને સલાહ આપી કે બની જા. સંગીતકાર જ ગાયકને તક આપે છે. તારી જાતને જ્યારે પણ ગાયક તરીકે તક આપવી હોય ત્યારે આપજે. ટીનૂની સલાહ માનીને આનંદે સંગીતકાર બનવાની હા પાડી દીધી. પ્રવીણ શાહે ફિલ્મ ‘માસૂમ’ માટે આનંદને પસંદ કર્યો હતો.

આનંદની મુલાકાત નિર્દેશક મહેશ કોઠારે સાથે કરાવવામાં આવી ત્યારે એમણે કહ્યું કે અમારી એક શરત છે. તારે બાળક માટેનું એક ગીત બનાવી આપવું પડશે. તારા બાકીના આ ગીત અમે ફિલ્મમાં કોઈપણ રીતે લઈ લઈશું. પણ બાળક માટેનું ગીત આપવું પડશે. આનંદે પૂછ્યું કે ફિલ્મમાં બાળક કેવો છે? તોફાની છે, સંવેદનશીલ છે? મહેશે કહ્યું કે એમ સમજી લે કે એ બાળક નથી ‘બાપ’ છે. એમની વાતનો સાર એ હતો કે એને ‘છોટા બચ્ચા’ સમજવાનો નહીં.

આનંદે થોડા કલાક મહેનત કરી મહેશને ફોન કરી કહ્યું કે એક પંક્તિ ‘છોટા બચ્ચા જાન કે ના કોઈ આંખ દીખાના રે’ લખી છે. એ એમને પસંદ આવી ગઈ અને આગળ મહેનત કરવા કહ્યું. આનંદે એક સપ્તાહમાં ગીત તૈયાર કરી દીધું. એને ઉદીત નારાયણના પુત્ર આદિત્યના સ્વરમાં રેકોર્ડ કરવામાં આવ્યું. એ બજારમાં આવ્યા પછી તરત જ લોકોના મોંઢે ચઢી ગયું અને આનંદ રાજ આનંદને એક સંગીતકાર તરીકે મોટી ઓળખ અપાવી ગયું.

ધો.10 – 12ના વિદ્યાર્થીઓની પરીક્ષાને લઈને મોટા સમાચાર

માર્ચ-2024ની પરીક્ષામાં ધોરણ 12 સાયન્સમાં બેસ્ટ ઓફ ટુનો અમલ કરવામાં આવ્યા બાદ હવે આગામી પરીક્ષામાં ધોરણ 10 અને ધો.12 સામાન્ય પ્રવાહની પરીક્ષામાં પણ તેનો અમલ કરવાનું નક્કી કરાયું છે.  ગુજરાત માધ્યમિક અને ઉચ્ચતર માધ્યમિક શિક્ષણ બોર્ડમાં હવે ધોરણ-12 સાયન્સની જેમ ધોરણ 10 અને ધો.12 સામાન્ય પ્રવાહમાં પણ બેસ્ટ ઓફ ટુ મુજબ પરિણામ સુધારવાની તક આપવાનો નિર્ણય લેવાયો છે. જે અનુસાર મુખ્ય પરીક્ષા બાદ પૂરક પરીક્ષામાં પણ તમામ વિષયની પરીક્ષા લેવાશે અને બંને પરીક્ષા પૈકી જેમાં વધુ ગુણ હશે તે માન્ય રખાશે.

આમ, હવે બોર્ડ દ્વારા વર્ષમાં બે વખત તમામ વિષયોની પરીક્ષાનું આયોજન કરવામાં આવશે. માધ્યમિક અને ઉચ્ચતર ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા અત્યાર સુધી ધોરણ-12 સાયન્સમાં વિષયમાં નાપાસ થયેલા વિદ્યાર્થીઓની પૂરક પરીક્ષા લેવામાં આવતી હતી.

જ્યારે ધોરણ-10માં બે વિષય અને ધોરણ12 સામાન્ય પ્રવાહમાં એક વિષયમાં નાપાસ થયેલા વિદ્યાર્થીઓની પૂરક પરીક્ષા લેવાતી હતી. પરંતુ ગત પરીક્ષા એટલે કે માર્ચ-2024ની પરીક્ષાથી બોર્ડ દ્વારા તેમાં ફેરફાર કરાયો હતો. જે અનુસાર ધોરણ-12 સાયન્સમાં બેસ્ટ ઓફ ટુ મુજબ પરિણામ સુધારવાની તક આપવામાં આવી હતી. જેમાં ધોરણ-12 સાયન્સના વિદ્યાર્થીઓ માટે મુખ્ય પરીક્ષા બાદ પૂરક પરીક્ષામાં પણ તમામ વિષયની પરીક્ષા લેવામાં આવી હતી.

ગૌતમ ગંભીરે સટ્ટાબાજીની એપને પ્રમોટ કરી, લોકો થયા ગુસ્સે

ભારત અને બાંગ્લાદેશ વચ્ચે ત્રીજી અને છેલ્લી મેચ હૈદરાબાદમાં રમાવાની છે. 12 ઓક્ટોબરે યોજાનારી આ મેચ પહેલા ટીમ ઈન્ડિયાના મુખ્ય કોચ ગૌતમ ગંભીરે એક સટ્ટાબાજીની એપને પ્રમોટ કરી છે. તેણે સોશિયલ મીડિયા પર લોકોને તેને ડાઉનલોડ કરવા કહ્યું. ગંભીરના આ પ્રમોશન પછી ચાહકો ગુસ્સે થઈ ગયા અને તેમની ટીકા કરવા લાગ્યા. પ્રશંસકોને સૌથી વધુ ગુસ્સો એ વાતનો હતો કે ગઈકાલ સુધી જે બાબતો માટે ગંભીર અન્ય ખેલાડીઓની ટીકા કરતો હતો, આજે તે પોતે પણ તે જ કરી રહ્યો છે. ઘણા ચાહકોએ તેના જૂના વીડિયો અને નિવેદનો પોસ્ટ કરીને તેને અરીસો બતાવવાનો પ્રયાસ કર્યો હતો.

ચાહકોએ ગંભીરનો ક્લાસ લીધો

ગૌતમ ગંભીર હંમેશાથી તમાકુ અને સટ્ટાબાજીની એપ જેવી કંપનીઓના પ્રચારની વિરુદ્ધ રહ્યો છે. ટીમ ઈન્ડિયાના મુખ્ય કોચ બનતા પહેલા તેણે ઘણા ઈન્ટરવ્યુ દરમિયાન આ પ્રકારના બ્રાન્ડ પ્રમોશન માટે ખેલાડીઓની ટીકા કરી હતી. પરંતુ બાંગ્લાદેશ સામેની ત્રીજી મેચ પહેલા તેણે પોતે આવી જ એક એપનો પ્રચાર કર્યો અને ચાહકોને તેને ડાઉનલોડ કરવા કહ્યું. જેના કારણે ફેન્સ ગુસ્સે થઈ ગયા હતા. તેણે તરત જ તેના ક્લાસ લેવાનું શરૂ કર્યું.

ગાંગુલી-સેહવાગની ટીકા કરી હતી

ગૌતમ ગંભીરે વર્ષ 2022માં ઈન્ડિયન એક્સપ્રેસ સાથે વાત કરતા તત્કાલિન BCCI અધ્યક્ષ સૌરવ ગાંગુલી પર નિશાન સાધ્યું હતું. નામ લીધા વિના, તેણે કહ્યું હતું કે ‘જ્યારે BCCI અધ્યક્ષ પણ સટ્ટાબાજીની એપને પ્રમોટ કરવાનું ચાલુ રાખે છે, તો પછી ટીમના અન્ય ખેલાડીઓ પણ આવું નહીં કરે તેવી અપેક્ષા રાખી શકાય નહીં. તેણે કહ્યું હતું કે ખેલાડીઓએ આલ્કોહોલ, તમાકુ, ઓનલાઈન સટ્ટાબાજીની એપને પણ પ્રમોટ ન કરવી જોઈએ. ન્યૂઝ18 સાથેની મુલાકાતમાં, અનુભવી ખેલાડીઓ દ્વારા પાન મસાલા કંપનીઓના પ્રમોશનને ઘૃણાસ્પદ અને નિરાશાજનક ગણાવ્યું હતું. તમને જણાવી દઈએ કે વીરેન્દ્ર સેહવાગ, કપિલ દેવ અને સુનીલ ગાવસ્કર જેવા ઘણા ખેલાડીઓ આવી બ્રાન્ડ્સના પ્રમોશનમાં સામેલ હતા.

ન્યુઝીલેન્ડ સામે ટેસ્ટ સિરીઝ માટે ટીમ ઈન્ડિયાની જાહેરાત

ભારતે આવતા અઠવાડિયે ન્યુઝીલેન્ડ સામેની હોમ સિરીઝ માટે ટીમ ઈન્ડિયાની જાહેરાત કરી છે. રોહિત શર્મા ટીમનો કેપ્ટન રહેશે. જસપ્રીત બુમરાહ વાઇસ-કેપ્ટનની ભૂમિકા ભજવશે. ન્યુઝીલેન્ડ સામેની શ્રેણી લગભગ એ જ ટીમ છે જે તાજેતરમાં બાંગ્લાદેશ સામે રમી હતી. પરંતુ યશ દયાલને તક મળી નથી. હર્ષિત રાણા, નીતિશ કુમાર રેડ્ડી, મયંક યાદવ અને પ્રસિદ્ધ કૃષ્ણાને પણ આ ટીમમાં પ્રવાસી અનામત તરીકે તક મળી છે.

અહીં એક વધુ નોંધનીય બાબત એ છે કે બાંગ્લાદેશ સામેની શ્રેણીમાં ભારતીય ટીમનો કોઈ ઉપ-કેપ્ટન નહોતો, આવી સ્થિતિમાં બુમરાહને જવાબદારી સોંપવાનો અર્થ એ છે કે તે ટીમના રેડ બોલ ફોર્મેટનો કેપ્ટન રહેશે. રોહિત બોર્ડર ગાવસ્કર ટ્રોફીની શરૂઆતની મેચોમાં રમે તેવી શક્યતા નથી. આવી સ્થિતિમાં એ નક્કી થઈ ગયું છે કે હવે બુમરાહ ઓસ્ટ્રેલિયા સામેની શરૂઆતની મેચોમાં ભારતનું નેતૃત્વ કરશે.

એવી આશા હતી કે આ સિરીઝમાં મોહમ્મદ શમીને તક મળશે, પરંતુ BCCIએ હજુ સુધી તેના નામ પર વિચાર કર્યો નથી. બાંગ્લાદેશ શ્રેણીમાં એક પણ ટેસ્ટ ન રમી શકનાર સરફરાઝ ખાન, વિકેટકીપર ધ્રુવ જુરેલ, ઓલરાઉન્ડર અક્ષર પટેલ અને સ્પિનર ​​કુલદીપ યાદવે ટીમમાં પોતાનું સ્થાન જાળવી રાખ્યું છે. ઓસ્ટ્રેલિયા સામેની શ્રેણીમાં શમી સંભવતઃ વાપસી કરી શકે છે.

ન્યુઝીલેન્ડ સામેની ત્રણ ટેસ્ટ મેચો માટેની ભારતની ટીમ

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, શુબમન ગિલ, વિરાટ કોહલી, કેએલ રાહુલ, સરફરાઝ ખાન, ઋષભ પંત (વિકેટ-કીપર), ધ્રુવ જુરેલ (વિકેટ-કીપર) કીપર), રવિચંદ્રન અશ્વિન, રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ, આકાશ દીપ

રિઝર્વ: હર્ષિત રાણા, નીતિશ કુમાર રેડ્ડી, મયંક યાદવ અને પ્રસિદ્ધ કૃષ્ણા

ભારત સામેની ટેસ્ટ શ્રેણી માટે ન્યુઝીલેન્ડની ટીમ

ટોમ લાથમ (કેપ્ટન), ટોમ બ્લંડેલ (વિકેટ-કીપર), માઈકલ બ્રેસવેલ (માત્ર પ્રથમ ટેસ્ટ), માર્ક ચેપમેન, ડેવોન કોનવે, મેટ હેનરી, ડેરીલ મિશેલ, વિલ ઓ’રર્કે, ઈજાજ પટેલ, ગ્લેન ફિલિપ્સ, રચિન રવિન્દ્ર, મિશેલ સેન્ટનર, બેન સીયર્સ, ઈશ સોઢી (માત્ર બીજી અને ત્રીજી ટેસ્ટ), ટિમ સાઉથી, કેન વિલિયમસન, વિલ યંગ

ભારતનો ન્યુઝીલેન્ડ પ્રવાસ

  • 16 ઓક્ટોબર: પ્રથમ ટેસ્ટ, બેંગલુરુ
  • 24 ઓક્ટોબર: બીજી ટેસ્ટ, પુણે
  • 1 નવેમ્બર: ત્રીજી ટેસ્ટ, મુંબઈ

 

1...1,4131,4141,415...5,118Page 1,414 of 5,118