Home Blog Page 1482

અમદાવાદ સરસપુરમાંથી મળ્યું ચરસ, ક્રાઈમ બ્રાન્ચને મળી મોટી સફળતા

ગુજરાત ધીમે ધીમે ઉડતા ગુજરાત બનતું જઈ રહ્યું છે. પાછલા કેટલાક સમયથી ગુજરાતમાંથી નસીલા પદાર્થ મળવાનો સીલસીલો યથાવત્ જોવા મળી રહ્યો છે. પહેલા અમદાવાદ શહેરમાંથી ગાંજા અને મેફેડ્રોન બાદ હવે ચરસ ઝડપાયું છે. શહેરમાં સરસપુર વિસ્તારમાંથી ક્રાઈમ બ્રાન્ચને 1.70 લાખનું 1.138 ગ્રામ ચરસ મળી આવ્યું છે. આ સાથે ક્રાઈમ બ્રાન્ચે રઈશ કુરેશી અને વસીમ કીદવઈ નામના બે આરોપીઓને ઝડપ્યા છે.

અમદાવાદના સરસપુરમાંથી ક્રાઈમ બ્રાન્ચે ચરસ સાથે બે આરોપીઓને ઝડપી પાડયા છે. આરોપીઓ પાસેથી મુદ્દામાલ પણ જપ્ત કરવામાં આવ્યો છે. આ ઉપરાંત ચરસ આપવા આવનાર સલમાન નામનો આરોપી ફરાર થયો છે. જેની શોધ ખોળ પોલીસ હાથધરી છે. આ ચરસને લઈ ક્રાઈમ બ્રાચે મુદ્દા માલ જપ્ત કરવા સાથે ક્યાંતી આવ્યું અને કોઈ આપવાનું હતું, તે દિશામાં તપાસ હાથ ધરી છે.

આ અગાઉ 12 સપ્ટેમ્બરના રોજ અમદાવાદ ક્રાઈમ બ્રાન્ચે ડ્રગ્સ સાથે બે આરોપીઓની ધરપકડ કરી છે. આરોપીઓ ભંગાર ભરેલી ગાડીમાં ડ્રગ્સ સપ્યાલ કરતા હતા. આ ડ્રગ્સ જયપુર-રતલામ રૂટ પરથી અમદાવાદ ઘુસાડવામાં આવ્યું હતુ. પરંતુ ડ્રગ્સ કોઈના સુધી પહોંચે તે પહેલા જ આરોપીઓને ઝડપી લેવામાં આવ્યા છે. જ્યારે 9 સપ્ટેમ્બરના રોજ 200 કિલો ડ્રગ્સ સાથે જીઆઈડીસી વિસ્તારમાંથી 3 આરોપીઓની ધરપકડ કરવામાં આવી હતી. આ જથ્થો ટ્રકમાં આવી રહ્યો હતો અને પોલીસને બાતમી મળતા ટીમ કામે લાગી ગઈ હતી. પોલીસે તમામ આરોપીઓની અટકાયત કરીને વધુ પૂછપરછ હાથધરી હતી. જ્યારે 10 ઓગસ્ટના રોજ એલિસબ્રિજની એમજે લાયબ્રેરી પાસેથી એમડી ડ્રગ્સ સાથે 3 આરોપીઓની ધરપકડ કરી હતી. આરોપીઓ પાસેથી 143.330 ગ્રામ એમડી ડ્રગ્સ મળી આવ્યું હતુ જેની બજાર કિંમત અંદાજે 14 લાખ રૂપિયા થાય છે. તો 11 ઓગસ્ટના રોજ અમદાવાદના શાહીબાગમાં આવેલી ફોરેન પોસ્ટ ઓફિસમાંથી સાયબરક્રાઈમે હાઈબ્રીડ ગાંજાના 37 પાર્સલ જપ્ત કર્યા હતા. અલગ-અલગ દેશમાંથી પાર્સલ મંગાવાયા હતા જે દેશના અલગ-અલગ જિલ્લામાં જવાના હતા પરંતુ તે પહેલા જ અમદાવાદની સાયબર ક્રાઈમે તેને ઝડપી પાડયા હતા.

‘સરકાર ગણેશજીને જેલના સળિયા પાછળ ધકેલી રહી છે’: PM મોદી

હરિયાણામાં ચૂંટણીની તૈયારીઓ વચ્ચે વડા પ્રધાન નરેન્દ્ર મોદીએ આજે ​​કુરુક્ષેત્રમાં એક જાહેર સભાને સંબોધિત કરી. PMએ ધર્મભૂમિના થીમ પાર્ક પરથી કોંગ્રેસ પર જોરદાર નિશાન સાધ્યું. નરેન્દ્ર મોદીએ કોંગ્રેસ શાસિત રાજ્યોની સરકારો પર જોરદાર નિશાન સાધ્યું. કોંગ્રેસ પર આકરા પ્રહારો કરતા વડાપ્રધાન નરેન્દ્ર મોદીએ કહ્યું કે જેમણે પોતાના રાજ્યોમાં કોંગ્રેસને તક આપી તેઓ હવે પસ્તાવો કરી રહ્યા છે. ચૂંટણી રેલીને સંબોધતા પીએમ મોદીએ પડોશી હિમાચલ પ્રદેશ સિવાય કર્ણાટક અને તેલંગાણામાં કોંગ્રેસની સરકારોનો ઉલ્લેખ કર્યો અને આરોપ લગાવ્યો કે ત્યાંના લોકો મોંઘવારી, ભ્રષ્ટાચાર અને વચનો પૂરા ન કરવાના કારણે પરેશાન છે.

ગણેશને પણ જેલના સળિયા પાછળ ધકેલે છે : પીએમ મોદી

કર્ણાટકની સિદ્ધારમૈયા સરકાર પર નિશાન સાધતા વડાપ્રધાને કહ્યું કે કોંગ્રેસ તુષ્ટિકરણની રાજનીતિ કરે છે. PMએ કહ્યું કે આજે કર્ણાટકમાં કોંગ્રેસ ગણેશને પણ જેલના સળિયા પાછળ મૂકી રહી છે. કોંગ્રેસ તુષ્ટિકરણ માટે કંઈ પણ કરી શકે છે. આજની કોંગ્રેસ શહેરી નક્સલનું નવું સ્વરૂપ બની ગઈ છે. કોંગ્રેસને હવે જૂઠું બોલવામાં શરમ નથી આવતી. કોંગ્રેસ રોજ નવું જુઠ્ઠું બોલી રહી છે અને નક્સલવાદી વિચારો લાદી રહી છે. તે ભાજપને બદનામ કરવા દેશને બદનામ કરી રહી છે.

કોંગ્રેસ શાસિત રાજ્યો પર નિશાન સાધ્યું

પીએમ મોદીએ કહ્યું કે લોકોએ તેમના રાજ્યોમાં કોંગ્રેસને તક આપી. પરંતુ તેઓ હવે પસ્તાવો કરી રહ્યા છે. કોંગ્રેસના જુઠ્ઠાણાએ કર્ણાટક અને તેલંગાણાને પણ છોડ્યું ન હતું. કર્ણાટકમાં ભારે અરાજકતા છે. ત્યાં મોંઘવારી અને ભ્રષ્ટાચાર ચરમસીમાએ છે. વિકાસના કામો ઠપ્પ થઈ ગયા છે. કોંગ્રેસની સરકાર આવ્યા બાદ રોકાણ અને નોકરી બંનેમાં ઘટાડો થયો છે. કોંગ્રેસ બતાવી રહી છે કે સારા રાજ્યોને પણ કેવી રીતે બરબાદ કરી શકાય છે.

 

ગણેશ વિસર્જન માટે કેટલાક રૂટ કર્યા બંધ, જાણી લો વૈકલ્પિક રૂટની વ્યવસ્થા

દેશમાં હાલ ગણેશોત્સવની ધૂમધામ ચાલી રહી છે. ત્યારે અમદાવાદના અનેક વિસ્તારમાં ગણેશ મહોત્સવની ઉજવણી કરવામાં આવી રહી છે. જેનું વિસર્જન 11 દિવસ એટલે કે આગામી 17 તારીખ મંગળવાર થનાર છે. ગણેશ વિસર્જન લઈ અમદાવાદના રિવરફ્રન્ટ ખાતે ધામધૂમ રહેવાની શક્યતા છે.

અમદાવાદમાં ગણપતિ વિસર્જન માટે તંત્ર દ્વારા અલગથી વ્યવસ્થા કરવામાં આવે છે. આ દરમિયાન ગણેશ ભક્તો તેમજ સામાન્ય લોકોને તકલીફ ન પડે અને ટ્રાફિકની સમસ્યા ન સર્જાય તે માટે અમદાવાદ ટ્રાફિક પોલીસે 17 સપ્ટેમ્બરે બપોરના 1 વાગ્યાથી અમુક રસ્તા બંધ કરવાની જાહેરાત કરી છે. આ સાથે જ વૈકલ્પિક રસ્તાની પણ માહિતી આપી છે.

અમદાવાદમાં સાબરમતી નદીએ કૃત્રિમ કુંડ બનાવીને વિસર્જનની વ્યવસ્થા કરવામાં આવી છે. જેના કારણે સાબરમતી નદી સાથે જોડાયેલા ઘણાં મુખ્ય રસ્તા અને બ્રિજને બંધ કરવાની જાહેરાત કરવામાં આવી છે. અમદાવાદ ટ્રાફિક પોલીસે જાહેરનામું બહાર પાડીને લોકોને આ વિશે માહિતી આપી છે. જેનાથી ગણેશે વિસર્જનના દિવસે લોકોને કલાકો સુધી ટ્રાફિકમાં હેરાન થવાનો વારો ન આવે. જાહેરનમામાં ટ્રાફિક પોલીસે જણાવ્યું છે કે, પ્રતિબંધિત કરેલા તથા ટ્રાફિક માટે ડાયવર્ટ કરેલાં તમામ માર્ગો ઉપર કોઈપણ પ્રકારનું વાહન પાર્કિંગ કરી શકાશે નહીં. આ તમામ રસ્તાને નો-પાર્કિંગ ઝોન જાહેર કરાયો છે.

યોગી આદિત્યનાથે જ્ઞાનવાપીને લઈને આપ્યું મોટું નિવેદન

ઉત્તર પ્રદેશના મુખ્યમંત્રી યોગી આદિત્યનાથે વારાણસી સ્થિત જ્ઞાનવાપી સંકુલને લઈને મોટું નિવેદન આપ્યું છે. સીએમ યોગીએ કહ્યું કે આજે લોકો જ્ઞાનવાપીને બીજા શબ્દોમાં મસ્જિદ કહે છે, પરંતુ વાસ્તવમાં જ્ઞાનવાપી વાસ્તવમાં ‘વિશ્વનાથ’ છે.

 

એક કાર્યક્રમમાં સીએમ યોગીએ કહ્યું, જ્યારે આચાર્ય આદિ શંકર તેમના અદ્વૈત જ્ઞાનથી ભરપૂર, વધુ આધ્યાત્મિક અભ્યાસ માટે કાશી આવ્યા ત્યારે અહીં ભગવાન વિશ્વનાથ રૂબરૂમાં તેમની પરીક્ષા કરવા માંગતા હતા. બાબા વિશ્વનાથ એક દિવસ સવારે જ્યારે આદિ શંકર બ્રહ્મ મુહૂર્તમાં સ્નાન કરવા માટે ગંગા નદી પર જઈ રહ્યા હતા, ત્યારે તેઓ તેમની સામે એક સામાન્ય વ્યક્તિના રૂપમાં ઊભા હતા, જેને સૌથી અધૂત કહેવામાં આવે છે.

 

જુનિયર ડોક્ટર્સને મનાવવા પહોંચ્યાં CM મમતા બેનરજી

કોલકાતાઃ પશ્ચિમ બંગાળનાં CM મમતા બેનરજી કોલકાતામાં વિરોધ પ્રદર્શન કરી રહેલા જુનિયર ડોક્ટરો સાથે મુલાકાત કરી હતી. તેમણે ડોક્ટરોને જલદી કામ પર પરત ફરવાની અપીલ કરી હતી. એ સાથે તેમણે એ પણ આશ્વાસન આપ્યું હતું કે સરકાર પ્રદર્શનમાં સામેલ ડોક્ટરો પર કોઈ કાર્યવાહી નહીં કરે. જોકે રાજ્યમાં આરોગ્યની સેવાઓ કથળી છે, જેથી 29 લોકોનાં મોત થયાં છે.

તેમણે કહ્યું હતું કે  હું તમારી પીડા સમજું છું, તેથી જ હું તમારી સાથે છું. મને મારા પદની ચિંતા નથી. મેં મારા વિદ્યાર્થી જીવનમાં પણ ઘણાં આંદોલન કર્યા છે. અમે તમારી સુરક્ષા વિશે ચિંતિત છીએ.

CM મમતા સાથે DGP રાજીવ કુમાર પણ હાજર હતા. તેમણે જુનિયર ડોકટરોને તેમના વિચારો વ્યક્ત કરવાની તક આપવા વિનંતી કરી હતી.

આ દરમિયાન તેમણે કહ્યું હતું કે જો તમે લોકો કામ પર પાછા ફરો છો, તો હું વચન આપું છું કે તમારી બધી માગ પર હું સહાનુભૂતિપૂર્વક વિચાર કરીશ. દરેક સાથે વાતચીત થશે અને ગુનેગારોને સજા આપવામાં આવશે. CMએ કહ્યું કે હું CBIને ગુનેગારોને ફાંસીની સજા આપવાની માગ કરું છું.

બીજી બાજુ, વિરોધ કરી રહેલા ડોકટરોમાંના એક અનિકેત મહતોએ સમાચાર એજન્સી PTIને કહ્યું હતું કે જ્યાં સુધી મૃતકને ન્યાય નહીં મળે અને અમારી અન્ય માગ પૂરી ન થાય, ત્યાં સુધી વરસાદ, ગરમી, ભૂકંપ પણ અમારો વિરોધ રોકી શકશે નહીં. અમે અહીં એક ઉમદા હેતુ માટે આવ્યા છીએ અને તેને હાંસલ કરવાથી કોઈ શક્તિ રોકી શકશે નહીં.

સૌમ્યા ચક્રવર્તી નામના અન્ય એક ડોક્ટરે કહ્યું હતું કે જો કોઈ એવું વિચારે છે કે અમે અડિયલ અને જિદ્દી છીએ તો તે બિલકુલ ખોટું છે, તેમના મગજમાં ચોક્કસ કંઈક ચાલી રહ્યું છે. અમે ડોક્ટર છીએ, રાજકારણીઓ નથી. અહીં કોઈ રાજકારણ નથી. આ માત્ર આરોગ્ય તંત્રમાં સફાઈ કરવાની માગ છે.

 

 

PM મોદીના નિવાસસ્થાને નવા સદસ્યનું આગમન, નામ ‘દીપજ્યોતિ’

વડાપ્રધાન નરેન્દ્ર મોદીનો પ્રાણીઓ પ્રત્યેનો પ્રેમ ઘણી વખત સામે આવે છે. હાલમાં જ ફરી એકવાર પીએમ મોદીનો પ્રાણીઓ પ્રત્યેનો પ્રેમ જોવા મળ્યો. પીએમ મોદીએ તેમના સોશિયલ મીડિયા હેન્ડલ પર પોસ્ટ કર્યું આ સભ્ય બીજું કોઈ નહીં પણ એક નાનું વાછરડું છે. પીએમ મોદીએ સોશિયલ મીડિયા હેન્ડલ પર પોસ્ટ કર્યું વડાપ્રધાન આવાસમાં પ્રિય માતા ગાયે એક વાછરડાને જન્મ આપ્યો છે, જેના કપાળ પર પ્રકાશનું નિશાન છે. તેથી મેં તેનું નામ ‘દીપજ્યોતિ’ રાખ્યું છે.

પીએમએ એક વીડિયો પણ શેર કર્યો, જેમાં ગાય પીએમ સાથે તેમના નિવાસસ્થાને રમતી જોવા મળી રહી છે. મંદિરમાં પૂજા સમયે પણ ગાય પીએમ સાથે હાજર રહે છે. પૂરી ભક્તિ સાથે પીએમએ ગાયના ગળામાં ફૂલોની માળા પહેરાવી અને પછી તેને શાલ ઓઢાડી અને પછી તેને પ્રેમથી પોતાના ખોળામાં બેસાડી. જે બાદ પીએમ પણ ગાયને બાળકની જેમ પ્રેમ કરતા હતા.

આ અવસર પર પીએમ મોદીએ પોતાના નવા સભ્ય સાથે ઘણી તસવીરો પણ શેર કરી હતી, જેમાં પીએમ દીપજ્યોતિ સાથે રમતા અને તેને પ્રેમ કરતા જોવા મળે છે. આ પહેલા પણ પીએમનો ગાય પ્રત્યેનો પ્રેમ જોવા મળ્યો હતો, જ્યારે જાન્યુઆરી મહિનામાં પીએમ મોદી પુંગનુર ગાય સાથે જોવા મળ્યા હતા. પીએમે આ ગાયોને તેમના નિવાસસ્થાને ખવડાવી હતી અને તે સમયે પણ તેઓ ગાયને સારસંભાળ કરતા જોવા મળ્યા હતા.

કોલકાતા: SN બેનર્જી રોડ પર વિસ્ફોટ, એલર્ટ જાહેર

કોલકાતાના એસએન બેનર્જી રોડ પર બ્લાસ્ટ થયો હતો. વિસ્ફોટમાં એક વ્યક્તિ ઘાયલ થયો છે. બ્લાસ્ટ બાદ કોલકાતા પોલીસે તપાસ શરૂ કરી છે. જણાવવામાં આવી રહ્યું છે કે આ ઘટના આજે બપોરે લગભગ 1.45 વાગ્યે બની હતી, તાલતાલા પોલીસ સ્ટેશનને બ્લોચમેન સેન્ટ અને એસએન બેનર્જી રોડ પાસે વિસ્ફોટની માહિતી મળી હતી. પોલીસને કહેવામાં આવ્યું કે વિસ્ફોટમાં એક વ્યક્તિ ઘાયલ થયો છે, જે કિચન લિફ્ટર હોવાનું કહેવાય છે.

પોલીસની ટીમ તાત્કાલિક ઘટનાસ્થળે પહોંચી હતી અને ઘાયલને NRS હોસ્પિટલમાં લઈ જવામાં આવ્યો હતો. વ્યક્તિના જમણા કાંડામાં ઈજા થઈ છે. પ્રાથમિક તપાસમાં સામે આવ્યું છે કે પ્લાસ્ટિકની થેલી રાખવામાં આવી હતી જેમાં વિસ્ફોટ થયો હતો.

પાકિસ્તાન સરકારે ઈમરાન ખાન વિરુદ્ધ નવો કેસ દાખલ કર્યો

પાકિસ્તાનના પૂર્વ વડાપ્રધાન ઈમરાન ખાન હવે એક નવી મુશ્કેલીમાં ફસાઈ ગયા છે. સરકારે હવે તેમની સામે નવો કેસ દાખલ કર્યો છે. પાકિસ્તાનની ટોચની તપાસ એજન્સીએ સોશિયલ મીડિયા પોસ્ટ દ્વારા સરકારી અધિકારીઓને બળવા માટે ઉશ્કેરવા બદલ જેલમાં બંધ પૂર્વ વડાપ્રધાન ઈમરાન ખાન વિરુદ્ધ આ કેસ નોંધ્યો છે. મીડિયા અહેવાલો અનુસાર તપાસ અને તકનીકી અધિકારીઓની બનેલી એક ફેડરલ તપાસ એજન્સી (એફઆઈએ) પાકિસ્તાન તહરીક-એ-ઈન્સાફ પાર્ટીના સ્થાપક ખાનને તેમના સત્તાવાર ‘X’ એકાઉન્ટ પર વિવાદિત પોસ્ટના સંબંધમાં પૂછપરછ કરવા માટે અદિયાલા જેલમાં પહોંચી છે.

ડૉન અખબારે સૂત્રોના હવાલાથી કહ્યું કે, FIAએ ખાન વિરુદ્ધ સરકારી અધિકારીઓને બળવા માટે ઉશ્કેરવાનો કેસ નોંધ્યો છે. ખાને ભારપૂર્વક કહ્યું હતું કે તેઓ તેમના વકીલોની હાજરી વિના પૂછપરછની મંજૂરી આપશે નહીં, જેના પગલે FIA કર્મચારી પાછા ફર્યા. ગયા વર્ષથી અદિયાલા જેલમાં બંધ ખાન અવારનવાર ‘X’ પર સેનાની ટીકા કરતો રહ્યો છે.

ઈમરાને પાક આર્મી ચીફ પર આરોપ લગાવ્યો છે
ઈમરાન ખાને તેના પર લખ્યું હતું કે દેશ દાવ પર લગાવી દેવામાં આવ્યો છે. (સામાન્ય) યાહ્યા ખાને સત્તામાં રહેવા માટે અવામી લીગ અને શેખ મુજીબુર રહેમાનને પણ દગો આપ્યો. તેમણે પાકિસ્તાનના આર્મી ચીફ અસીમ મુનીરનું નામ લીધા વિના તેમને કકળાટમાં ઊભા કર્યા.

DRDO અને નેવીને મળી મોટી સફળતા

ડીઆરડીઓ અને ભારતીય નૌકાદળે શુક્રવારે સપાટીથી હવામાં પ્રહાર કરતી મિસાઈલ (વર્ટિકલ શોર્ટ રેન્જ મિસાઈલ)નું સફળતાપૂર્વક પરીક્ષણ કર્યું હતું. આ ટૂંકા અંતરની મિસાઈલનું પરીક્ષણ ઓડિશાના ચાંદીપુર સ્થિત ઈન્ટિગ્રેટેડ ટેસ્ટ રેન્જથી કરવામાં આવ્યું હતું. પરીક્ષણ દરમિયાન આ મિસાઈલે ઓછી ઉંચાઈ પર ઉડતા હાઈ-સ્પીડ એર ટાર્ગેટને નિશાન બનાવ્યું હતું.

અત્યાધુનિક ટેક્નોલોજીનું પ્રદર્શન કરીને મિસાઈલ પ્રણાલીએ લક્ષ્યને સચોટ રીતે શોધી કાઢ્યું અને સફળતાપૂર્વક તેને રોકી લીધું. એવું માનવામાં આવે છે કે આધુનિક ટેક્નોલોજીથી સજ્જ આ મિસાઈલ સશસ્ત્ર દળોમાં વધુ ટેક્નોલોજીને પ્રોત્સાહન આપશે. આ માધ્યમ દ્વારા, નિકટતા ફ્યુઝ અને ઘણા અદ્યતન હથિયાર સિસ્ટમ તત્વોનું પરીક્ષણ કરવામાં આવશે.

રક્ષા મંત્રી રાજનાથ સિંહે વર્ટિકલ લોન્ચ શોર્ટ રેન્જ (VLSRSAM) સરફેસ-ટુ-એર મિસાઈલના સફળ ફ્લાઇટ ટ્રાયલ માટે DRDO અને ભારતીય નૌકાદળ અને તમામ હિતધારકોની પ્રશંસા કરી હતી. તેમણે કહ્યું કે આધુનિક ટેક્નોલોજીથી સજ્જ આ મિસાઈલ સશસ્ત્ર દળોમાં વધુ ટેક્નોલોજીને પ્રોત્સાહન આપશે.

અફઘાનિસ્તાનમાં બંદૂકધારીઓએ 14 શિયા મુસલમાનોની કરી હત્યા

કાબુલઃ અફઘાનિસ્તાનના મધ્ય ક્ષેત્રમાં વર્ષનો સૌથી મોટો હુમલો થયો છે. બંદૂકધારીઓએ મધ્ય અફઘાનિસ્તાનના શિયા બહુમતી વિસ્તારમાં 14 લોકોની હત્યા કરી છે, એમ તાલિબાને જણાવ્યું હતું. આ ઘટના દેશમાં આ વર્ષના સૌથી ઘાટક હુમલામાંની એક છે. આ હુમલામાં છ લોકો ઘાયલ થયા છે.

ઇસ્લામિક સ્ટેટ ગ્રુપના આતંકવાદીઓએ આ હુમલામાં 14 લોકોની હત્યા કરી હોવાની જવાબદારી લીધી છે. બીજી તરફ, તાલિબાને પણ હુમલો થયો હોવાનો સ્વીકાર કર્યો છે. આ ઘટના ગુરુવારે બની હતી. આ હુમલામાં ઘોર અને દાઇકુંડી પ્રાંતોની વચ્ચે યાત્રા કરી રહેલા હજારો શિયા સમુદાયના લોકોને ટાર્ગેટ બનાવવામાં આવ્યા હતા. આ હુમલામાં મશીનગનનો ઉપયોગ કરવામાં આવ્યો હતો. તાલિબાન સરકારના મુખ્ય પ્રવક્તાએ હુમલાને બર્બર ગણાવીને આકરા શબ્દોમાં વખોડી કાઢ્યો છે. અહીં એ નોંધવું રહ્યું કે ઇસ્લામિક સ્ટેટ ગ્રુપ દ્વારા નિરંતર થઈ રહેલા હુમલા ચિંતાજનક બાબત છે.

અફઘાનિસ્તાનના હઝારા શિયા મુસ્લિમોને નિશાન બનાવીને આ હુમલો કરવામાં આવ્યો હતો. અગાઉ ઇસ્લામિક સ્ટેટે તમામ શિયા મુસ્લિમોના ખાતમા માટેનું એલાન કર્યું હતું. જે બાદ હુમલામાં સતત વધારો થવા લાગ્યો છે. અફઘાનિસ્તાન પર કબજો કરનારુ તાલિબાન પણ ISને સમર્થન આપી રહ્યું છે. આ હુમલાની જાણકારી આપતા તાલિબાનના વિદેશ મંત્રાલયના પ્રવક્તા નસીર કનાનીએ કહ્યું હતું કે ઇરાકમાં પોતાના ધાર્મિક સ્થળની મુલાકાત બાદ પરત ફરી રહેલા અફઘાનિસ્તાની શિયા મુસ્લિમોને ટાર્ગેટ કરીને આ હુમલો કરવામાં આવ્યો હતો.

તાલિબાનના મુખ્ય પ્રવક્તા ઝબિહુલ્લાહ મુજાહિદે હુમલાની આકરા શબ્દોમાં એની ટીકા કરી હતી. આ હુમલા પાછળ જે પણ લોકો જવાબદાર હશે તેને આકરી સજા આપવામાં આવશે. અફઘાનિસ્તાનમાં સ્થિત સંયુક્ત રાષ્ટ્ર મિશને જણાવ્યું હતું કે આ હુમલામાં માર્યા ગયેલા તમામ લોકો શિયા મુસ્લિમો છે. અમે આ હુમલાની નિંદા કરીએ છીએ અને જે પણ લોકો તેની પાછળ જવાબદાર છે તેને આકરી સજા આપવાની માગ કરીએ છીએ. અફઘાનિસ્તાનમાં અધિકારોના નિષ્ણાત સંયુક્ત રાષ્ટ્રના પ્રતિનિધિ રિચર્ડ બ્રેનેટે કહ્યું હતું કે અમે ISના હુમલા અંગે તાલિબાનને અનેક વખત સતર્ક કર્યું છે. જોકે કોઇ જ પગલાં લેવામાં નથી આવી રહ્યા. આ હુમલા માટે IS દ્વારા એક મશીનગનનો ઉપયોગ કરવામાં આવ્યો હતો.

1...1,4811,4821,483...5,103Page 1,482 of 5,103