કહેવાય છે કે શ્રદ્ધાના કદી પુરાવા નથી હોતા. પરંતુ ગુજરાતના જાણીતા યાત્રાધામ અંબાજીમાં ભક્તની શ્રદ્ધાના પુરાવા મળ્યા છે. એટલે કે અંબાજી મંદિરની દાન પેટીમાંથી લાખો રૂપિયાની સોનાની લગડી મળી આવી છે.
ગુજરાતનું અંબાજી મંદિર સમગ્ર વિશ્વમાં પ્રસિદ્ધ છે. બારે મહિના અહીં ભક્તોનો ભારે ધસારો જોવા મળે છે. ભક્તોના ઘોડાપૂર સાથે અહીં દાનની પણ સરવાણી થતી રહે છે. ભૂતકાળમાં પણ અંબાજી મંદિરમાં લાખો રુપિયાના સોનાનું દાન ભક્તો દ્વારા કરવામાં આવ્યું છે. પરંતુ મહત્વની વાત એછે કે પહેલી વારર અજાણ્યા દાતા દ્વારા લાખો રુપિયાનું સોનું દાન પેટીમાં મુકવામાં આવ્યુ છે.
ઉલ્લેખનીય છે કે બનાસકાંઠા જિલ્લામાં આવેલા અંબાજી ધામમાં શ્રદ્ધાળુએ ‘સુવર્ણ’ ભેટ અર્પણ કરી છે. મંદિરનો ભંડાર ખુલતા અંદરથી સોનાની 10 લગડી મળી આવી છે. એક ભક્તે 100 ગ્રામ વજનની 10 લગડી મંદિરમાં ભેટ ચઢાવી છે. સોનાની 10 લગડી ચુંદડીમાં બાંધેલી હતી. કુલ એક કિલો વજનની લગડીની કિંમત રૂપિયા70 થી 75 લાખ હોવાનો અંદાજો છે.
નોંધનીય છે કે અંબાજી મંદિરને સુવર્ણમય બનાવવાની કામગીરી હાલમાં ચાલુ જ છે. મંદિરને સોને મઢવા શ્રદ્ધાળુઓ દ્વારા સતત સોનાનું દાન કરવામાં આવે છે, ત્યારે ફરી એકવાર અજાણ્યા ભક્ત દ્ધારા સોનાની લગડીઓ દાન કરવામાં આવી છે.
આ પ્રસંગે વિનયભાઈએ કહ્યું, “મેં ગ્રામીણ વિસ્તારની શાળા એટલા માટે પસંદ કરી કારણ કે મને અહીં છેવાડાના બાળકોની સેવા કરવાની તક મળે. આચાર્ય તરીકે મને કામ કરવાની વધુ સ્વતંત્રતા મળે તેથી આ જવાબદારી મેં સ્વીકારી. આજે મારી હાઈસ્કૂલમાં આયુર્વેદિક ઔષધીય બાગ છે, ડિજીટલ લાઇબ્રેરી અને સ્માર્ટ ક્લાસરૂમ પણ છે. હાઇસ્કૂલમાં થતા કોઈપણ કાર્યક્રમમાં સિંગલ યુઝ પ્લાસ્ટિકનો ઉપયોગ કરવામાં આવતો નથી.”
હાઇસ્કૂલમાં અભ્યાસ કરતા બાળકોના સર્વાંગી વિકાસ માટે તત્પર વિનયભાઈએ શાળાની માળખાકીય સુવિધાઓને વિકસિત કરવા માટે ઘણા પ્રયાસ કર્યા છે. તેમની શાળાની સુવિધાઓ વિશે જણાવતા વિનયભાઇએ કહ્યું, “અમારી હાઇસ્કૂલમાં અત્યારે ખૂબ જ સુંદર લાયબ્રેરી છે, જે સારામાં સારા પુસ્તકો અને ડિજીટલ ઇન્ફ્રાસ્ટ્રક્ચરથી સજ્જ છે. ઇન્ટરનેટ કનેક્શન પણ છે જેથી બાળકો પૂરતો અભ્યાસ કરી શકે. અહીં બાળકોની સાથે ગામના વાંચનપ્રેમી લોકો પણ આવે છે. અમે એવી વ્યવસ્થા કરી છે કે બાળકોએ અઠવાડિયામાં ઓછામાં ઓછા એકવાર તો લાઇબ્રેરીમાં જવાનું જ.”
બાળકોમાં શિક્ષણની સાથો-સાથ પ્રકૃતિ પ્રત્યે સમન્વય અને સેવા ભાવનાનું ઘડતર થાય તે હેતુથી વિવિધ પ્રવૃત્તિઓ કરવામાં આવે છે. આયુર્વેદની ઔષધિઓમાં ઉપયોગી બને તેવા વૃક્ષોનું શાળામાં વાવેતર કરવામાં આવ્યું છે. આ કામમાં બાળકો પણ હોંશેહોંશે જોડાય છે. સાથોસાથ વિનયભાઇ કરૂણા અભિયાન અંતર્ગત ઉત્તરાયણના સમયે ગામડાની શેરીઓમાં બાળકોને સાથે લઇ જઇને પતંગના દોરા એકત્ર કરાવી લે છે, જેથી પક્ષીઓને નુકસાન ન થાય. પર્યાવરણની કામગીરી સાથે 1996થી સંકળાયેલા વિનયભાઇ જણાવે છે, “જે વૃક્ષો ઉગાડ્યા છે, ત્યાં તેની માહિતીના ચાર્ટ પણ રાખ્યા છે, જેથી બાળકોને તેના વિશે માહિતી મળે. મારો જન્મદિવસ હોય ત્યારે તમામ બાળકોને ઔષધીય ગુણોવાળા અલગ-અલગ વૃક્ષ ભેટમાં આપું છું. આ રીતે બાળકોનો પ્રકૃતિ સાથે સંવાદ ગહન બને છે.”
ગુજરાત સરકારે શિક્ષણ ક્ષેત્રે ઇન્ફ્રાસ્ટ્રક્ચરના વિકાસ અને વિવિધ કાર્યક્રમો થકી બાળકોને શાળા સુધી લાવવાના પ્રયાસો કર્યા છે. સરકારની કામગીરી અંગે વિનયભાઇ કહે છે કે, “સરકારે સ્માર્ટ ક્લાસરૂમની જે ભેટ આપી છે, તે ગામડાના વિદ્યાર્થીઓ માટે આશીર્વાદરૂપ છે. તેનાથી બાળકોને ખૂબ જ સારી રીતે શિક્ષણ આપી શકાય છે. લેટેસ્ટ ટેક્નોલોજી સાથે બાળકો ભણે તે ખૂબ જ જરૂરી છે. સરકારે શરૂ કરેલો શાળા પ્રવેશોત્સવ પણ બાળકોના શિક્ષણ માટે ઘણો સફળ સાબિત થયો છે.”
વડદલા ગામની પરિસ્થિતિ અંગે જણાવતા વિનયભાઇએ કહ્યું, “અહીં આવતા મોટાભાગના બાળકો ગરીબ પરિવારમાંથી આવે છે. શરૂઆતમાં અહીં 8થી 10 ધોરણ સુધી અભ્યાસની સુવિધા હતી. દસમા ધોરણ બાદ આગળના અભ્યાસ માટે દીકરીઓને દૂર મોકલવામાં પરિવારજનોને અનુકૂળતા નહોતી રહેતી. આ પરિસ્થિતિ જોઇને અમે સરકાર સમક્ષ રજૂઆત કરી અને અમને અહીં ખાસ મંજૂરી આપ્યા બાદ વર્ષ 2013થી 11 અને 12 ધોરણ શરૂ કરવામાં આવ્યા હતા. હવે ગામની દીકરીઓ હાઇસ્કૂલનો અભ્યાસ પૂર્ણ કરીને કૉલેજ સુધી પહોંચી છે. એક દિવ્યાંગ બાળકીને અહીં રમત-ગમતમાં પૂરતી તાલીમ મળવાથી ખેલ મહાકુંભમાં આણંદ જિલ્લામાં તે પ્રથમ ક્રમાંક લાવી છે. આવનારા દિવસોમાં તે રાજ્યકક્ષાએ પણ મોખરે રહેશે તેવો અમને વિશ્વાસ છે.”
આ વર્ષે દેશભરમાંથી કુલ 50 શિક્ષકોને એવોર્ડ આપવામાં આવશે, જેમાં ગુજરાતમાંથી ચંદ્રેશકુમાર બોરીસાગર અને વિનય શશીકાન્ત પટેલની પસંદગી કરવામાં આવી છે.
રાહુલ દ્રવિડે તાજેતરમાં જ રાજસ્થાન રોયલ્સની ફ્રેન્ચાઈઝી સાથે કોચ તરીકેની ડીલ સાઈન કરી છે. ઈ.એસ.પી.એન. ક્રિકઈન્ફોના અહેવાલ મુજબ, તેમણે ફ્રેન્ચાઈઝી સાથે જોડાતાની સાથે જ પોતાનું કામ શરૂ કરી દીધું છે. મેગા ઓક્શન પહેલા ટીમના નવા કોચે ખેલાડીઓને જાળવી રાખવા અંગે ચર્ચા કરી હતી.
