મુંબઈ: પ્રિયંકા ચોપરાએ હંમેશા તેના લુક અને આત્મવિશ્વાસથી તેના ચાહકોને પ્રભાવિત કર્યા છે. નિક જોનાસ સાથેના લગ્ન પછી પ્રિયંકા ચોપરા વિદેશમાં સ્થાયી થઈ ગઈ છે, પરંતુ તેના કામ અને પરિવારના કારણે ઘણી વાર ભારત આવે છે. છેલ્લે પ્રિયંકા અનંત અંબાણી અને રાધિકા મર્ચન્ટના લગ્નમાં હાજરી આપવા પતિ નિક જોનાસ સાથે ભારત પહોંચી હતી. હવે અભિનેત્રી ફરી મુંબઈ પહોંચી છે. 23 ઓગસ્ટના રોજ એટલે કે ગત રોજ ગ્લોબલ સ્ટારને પાપારાઝી દ્વારા તેના કેમેરામાં કેદ કરવામાં આવ્યા હતા. આ પછી પ્રિયંકા ચોપરા વેડિંગ ઈવેન્ટની બહાર જોવા મળી હતી. અભિનેત્રી પોતાના ભાઈ સિદ્ધાર્થ ચોપરાના લગ્નમાં હાજરી આપવા મુંબઈ પહોંચી છે અને આ દરમિયાન તેનો લુક આકર્ષણનું કેન્દ્ર બન્યો છે.
પ્રિયંકા ભાઈના લગ્નમાં હાજરી આપવા મુંબઈ પહોંચી
પ્રિયંકા ચોપરા શુક્રવારે સવારે ભારત પહોંચી હતી. આ દરમિયાન પતિ નિક જોનાસ કે પુત્રી માલતી મેરી તેની સાથે જોવા મળ્યા ન હતા. અભિનેત્રી તેના ભાઈ સિદ્ધાર્થના લગ્નની વિધિમાં હાજરી આપવા મુંબઈ પહોંચી હતી. શુક્રવારે રાત્રે પેપ્સે તેમને લગ્ન સ્થળની બહાર પકડી લીધા હતાં. આ દરમિયાન અભિનેત્રી ટ્રેડિશનલ લુકમાં જોવા મળી હતી.ફેમિલી ફંક્શન માટે પ્રિયંકાએ સુંદર મજેન્ટા રંગની સાડી પસંદ કરી હતી, જેમાં તે ખૂબ જ સુંદર લાગી રહી હતી.
View this post on Instagram
પ્રિયંકા ચોપરા મેજેન્ટા સાડીમાં છવાઈ ગઈ
દેશી ગર્લએ સુંદર કિરમજી સાડીની સાથે લેયર્ડ પર્લ ચોકર નેકલેસ પહેર્યો હતો અને સાથે મેચિંગ પર્લ ઇયરિંગ્સ પણ પહેરી હતી. આ રીતે તેણીએ પોતાના લુકને રોયલ ટચ આપ્યો હતો.
પ્રિયંકાને આવ્યો ગુસ્સો?
પ્રિયંકા તેની નજીકની મિત્ર તમન્ના દત્ત સાથે સ્થળ પર પહોંચી, જ્યાં પેપ્સે તેના ફોટા લેવાનું શરૂ કર્યું. આ દરમિયાન કંઈક એવું થયું કે અભિનેત્રી ગુસ્સે થઈ ગઈ. વાસ્તવમાં, પાપારાઝીઓએ પ્રિયંકાને જોતાની સાથે જ તેના ફોટા લેવાનું શરૂ કર્યું અને તેનું નામ બોલાવવાનું શરૂ કર્યું. આ દરમિયાન સુરક્ષાએ પરિસ્થિતિને કાબૂમાં લેવા માટે પાપારાઝીને પાછળ ધકેલવાનો પ્રયાસ કર્યો હતો. પ્રિયંકાએ આ જોયું કે તરત જ તે ગુસ્સે થઈ ગઈ અને સિક્યોરિટીને આવું ન કરવા કહ્યું. આ પછી અભિનેત્રી ફરી પોઝ આપીને અંદર ગઈ.
પ્રિયંકા ચોપરા મોડી રાત્રે વિદેશ પરત ફરી હતી
આ ઈવેન્ટનો ભાગ બન્યા બાદ અભિનેત્રી તરત જ વિદેશ જવા રવાના થઈ ગઈ હતી. તે બહાર આવતાની સાથે જ પેપ્સ ફરીથી તેના ફોટા લેવા લાગ્યા. જેના પર પ્રિયંકાએ કહ્યું- ‘તમારે જલ્દી ફોટો પાડવો પડશે, મારે જવું પડશે.’ વૈશ્વિક સ્ટાર તેના એકમાત્ર ભાઈ સિદ્ધાર્થના લગ્નની વિધિમાં હાજરી આપ્યાના થોડા કલાકો પછી જ તેના પતિ અને પુત્રી પાસે પરત ફરી હતી.
આ વૃક્ષ કાવડ યાત્રા અંગે ચિત્રલેખા.કોમ એ GPYG ના સદસ્ય ભાર્ગવભાઈ પ્રજાપતિ સાથે વાત કરી. તેમણે જણાવ્યું, અખિલ વિશ્વ ગાયત્રી પરિવારના પ્રણેતા શ્રીરામ શર્મા દ્વારા આપવામાં આવેલાં 7 રચનાત્મક સૂત્રોમાંથી એક પર્યાવરણની રક્ષા કરવાનું સૂત્ર પણ છે. આથી મોડાસા ગાયત્રી પરિવાર યુથ ગ્રુપ દ્વારા પર્યાવરણના રક્ષણ અને વૃક્ષારોપણનું બીડું ઝડપવામાં આવ્યું. જેના ભાગરૂપે છેલ્લાં 164 રવિવારથી અમે 15 યુવાનોની ટીમ મોડાસા અને તેની આસપાસા ક્ષેત્રોમાં વૃક્ષારોપણ કરીએ છીએ. અત્યાર સુધીમાં અમે લોકોએ લગભગ 1700 જેટલાં વૃક્ષો વાવયા છે. અમારા આ કાર્યમાં માત્ર વૃક્ષારોપણ કરી દેવાથી કામ પૂરું થતું નથી. અમે લોકો તરૂ પુત્ર કે તરૂ મિત્રની જેમ આ વૃક્ષોનું રોપણ કર્યા બાદ તે જ્યાં સુધી મોટું ના થાય ત્યાં સુધી તેનું એક બાળક અથવા તો મિત્ર તરીકે જતન કરીએ છીએ.”
આગામી 25મી ઓગષ્ટના રોજ મોડાસા ખાતે કાવડ વૃક્ષ યાત્રાનો આ ખાસ કાર્યક્રમ યોજાવાનો છે. જેમાં મોડાસા ગાયત્રી મંદિરથી આ કાવડ યાત્રા શરૂ થશે. જે મોડાસાના રામ પાર્ક વિસ્તારમાં આવેલા સોમનાથ મહાદેવ મંદિર સુધી યોજાશે. આ વૃક્ષ કાવડ યાત્રા દરમિયાન રસ્તામાં અનેક જગ્યાએ વૃક્ષારોપાણ પણ કરવામાં આવશે. આ પર્યાવરણ સંરક્ષણ કાર્યક્રમમાં GPYG, મોડાસા ગ્રુપના ભાર્ગવ પ્રજાપતિ, પ્રજ્ઞેશ કંસારા, દેવાશિષ કંસારા, જનક ઉપાધ્યાય, વીરેન્દ્રભાઈ સોની, નીતિનભાઈ સોની, કરિણભાઈ પટેલ, જીલ પટેલ, શિવ ઉપાધ્યાય, પ્રકાશ સુથાર, નીલ જોશી, પરેશ ભટ્ટ, યશ ભટ્ટ, હર્ષ ભટ્ટ, ડૉ. ઉચિત પ્રજાપતિ સહિત કુલ 15 સદસ્યો જોડાયેલા છે. આ સમગ્ર ટીમને શાંતિકુંજ હરિદ્વાર દ્વારા સતત માર્ગદર્શન મળતું રહ્યું છે
