Home Blog Page 1677

રાહુલ ગાંધીએ PM મોદી પર નિશાન સાધ્યું

કોંગ્રેસના નેતા અને લોકસભામાં વિપક્ષના નેતા શનિવારે ગુજરાત પહોંચ્યા હતા, જ્યાં પાર્ટી કાર્યકર્તાઓને સંબોધતા તેમણે વડાપ્રધાન અને કેન્દ્ર સરકાર પર નિશાન સાધ્યું હતું. કાર્યકર્તાઓને સંબોધતા તેમણે કહ્યું કે તમે રથયાત્રામાં ભાજપના નેતા લાલકૃષ્ણ અડવાણીને રથ પર જોયા હતા, મોદીએ મદદ કરી હોવાનું કહેવાય છે. હું સંસદમાં વિચારતો હતો કે રામમંદિર કાર્યક્રમમાં અદાણી-અંબાણી જોવા જોઈએ, પરંતુ ગરીબો જોવા ન મળ્યા.


કાર્યકર્તાઓને સંબોધતા રાહુલ ગાંધીએ કહ્યું કે તમે રથયાત્રામાં અડવાણીને રથ પર જોયા હતા, એવું કહેવાય છે કે મોદીએ મદદ કરી હતી. હું સંસદમાં વિચારતો હતો કે રામમંદિર કાર્યક્રમમાં અદાણી-અંબાણી જોવા જોઈએ, પરંતુ ગરીબો જોવા ન મળ્યા. ભાજપનું રાજકારણ અયોધ્યા પર કેન્દ્રિત હતું, તેઓએ ભગવાન રામને રાજકીય મુદ્દો બનાવ્યો. મેં અયોધ્યાના સાંસદને પૂછ્યું કે શું થયું? રામ મંદિર હોવા છતાં અયોધ્યામાં ભારત ગઠબંધનની જીત થઈ.

રાહુલે વધુમાં કહ્યું કે તેમણે (અયોધ્યા સાંસદ) મને કહ્યું કે હું જાણતો હતો કે હું અયોધ્યાથી લડીશ અને જીતીશ. ભાજપે પોતાની રાજનીતિ રામ મંદિરથી શરૂ કરી હતી, પરંતુ અયોધ્યામાં હાર થઈ હતી. ચૂંટણી પહેલા ભગવાન રામ સાથે રાજનીતિ કરવાનો પ્રયાસ કર્યો અને અયોધ્યામાં ઈન્ડિયા બ્લોકની જીત થઈ. મને કહેવામાં આવ્યું કે અયોધ્યામાં મંદિર બનાવવા માટે ઘણા લોકો પાસેથી જમીન લેવામાં આવી, લોકોની દુકાનો તોડી પાડવામાં આવી અને તેમને વળતર મળ્યું નહીં. અયોધ્યામાં ઈન્ટરનેશનલ એરપોર્ટ બન્યું, ખેડૂતોએ તેમની જમીન ગુમાવી, યોગ્ય વળતર ન મળ્યું. અયોધ્યાના લોકો રોષે ભરાયા હતા કે રામ મંદિરના ઉદ્ઘાટન સમયે અયોધ્યામાંથી કોઈ હાજર નહોતું. ભારતના ગઠબંધને તેમને તેમના ગઢમાં હરાવ્યું. સપાના નેતાઓને પૂછો, અમારા કાર્યકર્તાઓ ત્યાં સિંહની જેમ ઉભા હતા. અમે તેમને અયોધ્યામાં હરાવ્યા છે.

હાથરસ, ગુજરાત પછી રાહુલ ગાંધી હવે મણિપુર જશે

કોંગ્રેસ નેતા રાહુલ ગાંધી 8મી જુલાઈએ મણિપુરની મુલાકાત લેશે. વિપક્ષના નેતા બન્યા બાદ રાહુલ ગાંધી સતત રાજ્યોનો પ્રવાસ કરી રહ્યા છે. મણિપુર જતા પહેલા તેઓ હાથરસ અને અમદાવાદ પણ ગયા હતા. આ પહેલા કોંગ્રેસના સાંસદ રાહુલ ગાંધીએ મણિપુરના થોબલથી ભારત જોડો ન્યાય યાત્રા શરૂ કરી હતી.કોંગ્રેસ મણિપુરની સ્થિતિને લઈને કેન્દ્ર સરકાર પર સતત પ્રહારો કરી રહી છે. રાહુલ ગાંધીએ ગૃહમાં મણિપુરનો મુદ્દો પણ ઉઠાવ્યો હતો. છેલ્લા એક વર્ષથી હિંસાથી પ્રભાવિત મણિપુરમાં કોંગ્રેસે લોકસભાની બંને બેઠકો જીતી છે.

રાહુલ ગાંધી સતત પ્રવાસ કરી રહ્યા છે

રાહુલ ગાંધી શુક્રવારે હાથરસ ગયા હતા. અહીં તેઓ પીલખાના ગામ પહોંચ્યા અને હાથરસ નાસભાગમાં માર્યા ગયેલા લોકોના પરિવારજનોને મળ્યા. આ દરમિયાન તેમણે નાસભાગમાં માર્યા ગયેલા લોકોના પરિવારજનો સાથે વાત કરી. આ પછી તેઓ હાથરસ ગયા, જ્યાં તેમણે પીડિત પરિવારોને રાહત આપવાનો પ્રયાસ કર્યો. કોંગ્રેસ નેતા રાહુલ ગાંધી આજે અમદાવાદની મુલાકાતે છે. આ દરમિયાન તેમણે 12 વાગે કોંગ્રેસના કાર્યકરો સાથે બેઠક કરી હતી. તમને જણાવી દઈએ કે રાહુલ ગાંધી રાજકોટ ગેમિંગ ઝોન, મોરબી બ્રિજ ઘટના, સુરતમાં આગ અને વડોદરા હરણી બોટ અકસ્માતમાં માર્યા ગયેલા લોકોના પરિવારજનોને મળવા જઈ રહ્યા છે.

પીએમ મોદીએ મણિપુરની સ્થિતિને લઈને આ વાત કહી હતી

રાજ્યસભામાં મણિપુરને લઈને પીએમ મોદીએ કહ્યું હતું કે, ‘સરકાર મણિપુરમાં સ્થિતિને સામાન્ય બનાવવા માટે સતત પ્રયાસ કરી રહી છે. મણિપુરમાં અત્યાર સુધીમાં 11 હજારથી વધુ FIR નોંધાઈ છે. આ સિવાય 500 થી વધુ લોકોની ધરપકડ કરવામાં આવી છે. ત્યાં હિંસા ઘટી છે. મણિપુરના મોટાભાગના વિસ્તારોમાં શાળાઓ, કોલેજો, ઓફિસો અને વેપારી સંસ્થાઓ ખુલ્લી છે.

અમદાવાદમાં આ એક બીજી રથયાત્રા પણ નીકળે છે…

અમદાવાદમાં ભગવાન જગન્નાથની રથયાત્રાની તૈયારીઓને આખરી ઓપ આપવામાં આવી રહ્યો છે. 7મી જુલાઈ એટલે કે રવિવારે શહેરમાં જગન્નાથજીની 147મી રથયાત્રા નીકળશે. ત્યારે વાત કરીએ અમદાવાદના પશ્ચિમ વિસ્તારમાં નીકળતી સ્વામિનારાયણ ગુરુકુળ-મેમનગરની રથયાત્રાની.

પશ્ચિમ અમદાવાદના મેમનગર ગુરુકુળ દ્વારા છેલ્લા 17 વર્ષથી યોજાતી રથયાત્રા આ વર્ષે પણ દબદબાપૂર્વક નીકળશે. પશ્ચિમ વિસ્તારના શહેરીજનો ભક્તિભાવપૂર્વક યાત્રામાં ભાગ લે છે. યાત્રા દરમિયાન આશરે ચારથી પાંચ હજાર કિલો મગ, જાંબુ, કાકડી અને વિવિધ ફળોનો પ્રસાદ પણ વહેંચવામાં આવે છે.

રથયાત્રામાં જોડાશે 22 રથ

2008થી શરૂ થયેલી આ રથયાત્રા સંભવત અમદાવાદની જગન્નાથજીની રથયાત્રા પછી પશ્ચિમ વિસ્તારની મોટી રથયાત્રા છે. એક રથથી રથયાત્રાની શરૂઆત કરવામાં આવી હતી. જે ગુરુકુળ વિસ્તાર, ડ્રાઇવિંગ સિનેમા રોડ અને એની આસપાસના વિસ્તારમાં ફરતી. હવે 22 રથ આ યાત્રામાં જોડાયા છે. લગભગ 15 કિલો મીટર સુધી નીકળતી આ રથયાત્રામાં શહેરની જુદી-જુદી સંસ્થાઓ પણ જોડાય છે.

રથયાત્રાનો રુટ

આવતીકાલે બપોરે 2 વાગે રથયાત્રા મેમનગર ગુરુકુળથી નીકળી સુભાષ ચોક, શાંતિ નિકેતન એપાર્ટમેન્ટની ડાબી બાજુથી એચ.બી કાપડિયા સ્કૂલ,ન્યુ નિકિતા પાર્ક, નેશનલ હાઉસ, સુદર્શન ટાવર, તપન ટેનામેન્ટ, મણીભદ્ર એપાર્ટમેન્ટથી જમણી બાજુ, ગુલાબ ટાવરથી જમણી સાઈડ, સતાધાર સ્વામિનારાયણ મંદિર, સતાધાર ચાર રસ્તાથી સીધા, સોલા રોડ ઉપર, ભુયંગદેવ ચાર રસ્તા, સ્વામિનારાયણ બાગ રોડ, વિવેકાનંદ ચોક, મેમનગર ગામ, માનવ મંદિર થઈ નિજ મંદિર ગુરુકુળ પરત ફરશે.

ગુરુકુળના શાસ્ત્રી બાલકૃષ્ણદાસજી, માધવપ્રિયદાસજી સ્વામીની પ્રેરણાથી આ રથયાત્રામાં સ્વયંમ સેવકોની બીજી એક ટીમ રથયાત્રાની પાછળ પાછળ ચાલે છે જે રથયાત્રા દરમિયાન રસ્તા પર પડતો કચરો સાફ કરે છે જેથી રથયાત્રા પસાર થયા પછી રોડ પર કચરો ન રહે.

અનેક ભક્તોએ ભાવિક ભક્તો માટે ઠેર ઠેર પાણીની પરબ અને શરબત સહિતની વ્યવસ્થા પણ કરવામાં આવે છે. ધજા-પતાકા સાથે શણગારેલા વિવિધ માર્ગો પરથી પસાર થતી યાત્રાનું દરેક સોસાયટીના રહેવાસીઓ-મહિલાઓ દ્વારા સ્વાગત-પૂજન કરવામાં આવે છે. આ  રથયાત્રા ધીરે ધીરે પશ્ચિમના રહીશોમાં આકર્ષણ જમાવી રહી છે.

NEET-UG મુદ્દે PM અને શિક્ષણપ્રધાન અસંવેદનશીલઃ જયરામ રમેશ

નવી દિલ્હીઃ નેશનલ એલિજિબિલિટી કમ એન્ટ્રન્સ ટેસ્ટ અંડરગ્રેજ્યુએટ એટલે કે NEET UGની કાઉન્સેલિંગ આગામી આદેશ સુધી સ્થગિત કરવામાં આવી છે. આમ છઠ્ઠી જુલાઈએ ઓલ ઇન્ડિયા ક્વોટા (AIQ) સીટ માટે NEET UGની કાઉન્સેલિંગ શરૂ થવાની હતી. જોકે સુપ્રીમ કોર્ટ દ્વારા NEET UG કાઉન્સેલિંગને સ્થગિત કરવાના ઇનકાર પછી આ અપડેટ આવ્યું છે, જે આજથી શરૂ થવાનું હતું. શિક્ષણ મંત્રાલય ટૂંક સમયમાં નવી તારીખોનું એલાન કરશે.

સુપ્રીમ કોર્ટમાં CJI ચંદ્રચૂડની અધ્યક્ષતાવાળી ખંડપીઠ NEET-UGથી જોડાયેલા મુદ્દાઓની સુનાવણી કરશે. કોર્ટના આદેશ પછી 1563 ઉમેદવારોને મળેલા ગ્રેસ માર્કસ દૂર કરવામાં આવ્યા હતા અને તેમને ફરીથી પરીક્ષા દેવાનો વિકલ્પ આપવામાં આવ્યો હતો.કોંગ્રેસ નેતા જયરામ રમેશે NEET UG કાઉન્સેલિંગ સ્થગિત થવા પર કેન્દ્ર સરકાર પર નિશાન સાધ્યું છે. તેમણે સોશિયલ મિડિયા પર લખ્યું છે કે NEET-UG મામલો પ્રતિ દિન બદતર થઈ રહ્યો છે. વડા પ્રધાન અને શિક્ષણપ્રધાન આ મામલામાં કેટલા અક્ષમ અને અસંવેદનશીલ છે. દેશના લાખ્ખો યુવાઓનું ભવિષ્ય તેમના હાથોમાં બિલકુલ સુરક્ષિત નથી, એમ તેમણે કહ્યું હતું.

વિવાદોમાં NEET-UG

પરીક્ષા NEET-UG પરીક્ષા સતત વિવાદોમાં બનેલી છે. આ મામલો સુપ્રીમ કોર્ટમાં પહોંચી ચૂક્યો છે. સુપ્રીમ કોર્ટે NTAને 1563 ઉમેદવારો માટે પરીક્ષા પુનઃ આયોજિત કરવાનો નિર્દેશ આપ્યો હતો. એ દરમ્યાન કોર્ટે કહ્યું હતું કે NEET-UG કાઉન્સેલિંગ પર કોઈ સ્ટે નહી લગાવવામાં આવશે.

 

 

 

 

 

 

VHP દ્વારા રાહુલ ગાંધીનો ઉગ્ર વિરોધ..

લોકસભામાં વિપક્ષ નેતા તરીકે પહેલી વખત રાહુલ ગાંધીએ નિવેદન આપ્યું હતું.  જે બાદ અમદાવાદમાં કોંગ્રેસ કાર્યલય ખાતે ભાજપ અને કોંગ્રેસમાં ઘર્ષણ થયું હતું. જ્યારે ભાજપ અને કોંગ્રેસ સામે સામે અમદાવાદના એલિસબ્રિજ ખાતે ફરિયાદો નોંધાય હતી. જે બાદ આજે રાહુલ ગાંધી પહેલી વખત ગુજરાત પ્રવાસે આવ્યા છે.

આજે રાહુલ ગાંધી અમદાવાદ આવતા જ VHP અને બજરંગદળ તેમજ સનાતન ધર્મના સંતો દ્વારા રાહુલ ગાંધીનો વિરોધ કરવામાં આવી રહ્યો છે. આ દરમિયાન VHP કાર્યાલય ખાતે મોટી સંખ્યામાં કાર્યકર્તાઓ ઉમટી પડ્યા હતા અને રાહુલના પૂતળા દહન કર્યું હતું. જે બાદ પોલીસ દ્વારા કાર્યકર્તાઓની અટકાયત કરવામાં આવી છે. આ વિરોધ પ્રદર્શન અંગે અમદાવાદના જોઈન્ટ પોલીસ કમિશનર નીરજ બડગુજરે જણાવ્યું કે, ઉગ્ર વિરોધની બાતમી મળતાની સાથે પોલીસ બંદોબસ્ત ગોઠવવામાં આવ્ય હતો. જ્યારે કાર્યકર્તાઓ સૂત્રોચ્ચાર કરતા બહાર આવ્યા હતા ત્યારે તેમની પોલીસ દ્વારા અટકાયત કરવામાં આવી છે. અત્યારે અહીં પોલીસ બંદોબસ્ત ગોઠવી દેવામાં આવ્યો છે અને હાલ માહોલ શાંત છે. VHP કાર્યાલય મોટી સંખ્યમાં કાર્યકતાનું ટોળ જમા થયું હતું.

યુવક સાપને કરડતાં સાપનું મોત, જાણો…

પટનાઃ બિહારમાં નવાદામાં એક આશ્ચર્યજનક કેસ સામે આવ્યો છે. અહીં સાપના કરડવાથી ગુસ્સે ભરાયેલા એક યુવકે પણ પણ સાપને બચકું ભરી લીધું હતું. જેથી સાપનું મોત થયું છે. ઘટનાસ્થળે હાજર લોકોએ તેને રજૌલી હોસ્પિટલમાં દાખલ કરવામાં આવ્યો છે.

નવાદાનો રહેવાસી સંતોષ લોહાર રેલવેલાઇન બિછાવવાનું કામ કર્યા પછી પોતાના કેમ્પમાં ઊંઘી રહ્યો હતો. એ દરમ્યાન તેને સાપે તેને દંશ માર્યો હતો. સંતોષનું કહેવું છે કે મારા ગામનો એક તુક્કો છે કે જો સાપ એક વાર કરડે તો તમે એને બે વાર કરડો (બચકાં) ભરો. એનાથી સાપ કરડવાની એના ઝેરની અસર ઊંધી થાય છે અથવા ઓછી થઈ જાય છે.

આવા અંધવિશ્વાસને કારણે સર્પ દંશથી પીડિત 35 વર્ષના સંતોષ લોહારે સાપને હાથથી પકડી લીધો હતો અને એને બે વાર દાંતથી જોરથી બચકું ભર્યું. એનાથી સાપનું મોત થયું અને સંતોષ લોહારને હોસ્પિટલમાં દાખલ થવું પડ્યું હતું. સંતોષ ટૂંક સમયમાં ઠીક થઈ જશે અને તેને હોસ્પિટલમાંથી બે દિવસમાં રજા આપી દેવામાં આવી હતી.

 સ્થાનિક લોકોની માન્યતા

આ વિસ્તારમાં સ્થાનિક લોકોનું માનવુ છે કે ઝેરનું મારણ ઝેર છે. સાપના દંશથી ઝેર મનુષ્યના શરીરમાં ઝેર ફેલાય છે, પણ મનુષ્ય જો સાપને કરડે (બચકું ભરે) તો ઝેર (શરીરમાં ફેલાયેલું ઝેર) સાપની પાસે ચાલી જાય છે. આવામાં મનુષ્યનો જીવ બચી જાય છે.

સંતોષની સારવાર કરી રહેલા ડોક્ટર સતીષચંદ્ર સિંહાએ જણાવ્યું હતું કે સંતોષ લોહારને સાપ દંશ માર્યો હતો. તેની સારવાર કરવામાં આવી હતી. યુવક સંપૂર્ણ રીતે સાજો થઈ ગયો છે. તેને હોસ્પિટલમાંથી રજા આપવામાં આવી છે.

અંબાણી પરિવારનો આવો ડાન્સ તમે ક્યારેય નહીં જોયો હોય, જુઓ વીડિયો

મુંબઈ: શુક્રવારે સાંજે પુત્ર અનંત અંબાણી અને તેની મંગેતર રાધિકા મર્ચન્ટના સંગીત સમારોહમાં રિલાયન્સ ઈન્ડસ્ટ્રીઝના ચેરમેન મુકેશ અંબાણી અને તેમની પત્ની નીતા અંબાણીએ તેમના પરિવાર સાથે મન મૂકીને ડાન્સ કર્યો હતો. શાહરૂખ ખાનની ફિલ્મ ‘ઓમ શાંતિ ઓમ’ના લોકપ્રિય ગીત ‘દીવાનગી દીવાનગી’ સમગ્ર પરિવાર ઝૂમ્યો હતો. આનો વીડિયો હાલ સોશિયલ મીડિયા પર વાયરલ થઈ રહ્યો છે. નીતા અંબાણીએ પર્ફોર્મન્સ દરમિયાન ભરતનાટ્યમની ઝલક પણ બતાવી અને અંબાણી પરિવાર સાથે દિલથી ડાન્સ કર્યો. ગુલાબી લહેંગામાં તે ખૂબ જ સુંદર લાગી રહ્યા છે. જ્યારે મુકેશ અંબાણી નેવી બ્લુ કુર્તા પાયજામા અને મેચિંગ જેકેટમાં એકદમ શાનદાર લાગતા હતા. અનંત-રાધિકા પણ આ લોકપ્રિય બોલિવૂડ ટ્રેક પર ધૂમ મચાવતા જોવા મળ્યા હતા.

અંબાણી પરિવારે અનંત-રાધિકાના સંગીત પર ડાન્સ કર્યો

વાયરલ થઈ રહેલા આ વીડિયોમાં મુકેશ અંબાણી અને તેમની પત્ની નીતા અંબાણી સાથે ઈશા અંબાણી, આનંદ પીરામલ, આકાશ અંબાણી અને શ્લોકા મહેતા સ્ટેજ પર ‘દીવાનગી દીવાનગી’માં ફિલ્મી સ્ટાઈલમાં ડાન્સ કરતા જોવા મળ્યા હતા. આ વીડિયોને સોશિયલ મીડિયા પર ખૂબ પસંદ કરવામાં આવી રહ્યો છે. અનંત અને રાધિકાના સંગીત સમારોહમાં સલમાન ખાન, વિકી કૌશલ, દીપિકા પાદુકોણ, કિયારા અડવાણી, સિદ્ધાર્થ મલ્હોત્રા, એમએસ ધોની, હાર્દિક પંડ્યા, આલિયા ભટ્ટ અને રણબીર કપૂર જેવા ઘણા સ્ટાર્સે હાજરી આપી હતી.

અનંત-રાધિકાની લગ્ન પહેલાની ઉજવણી

રિલાયન્સ ઇન્ડસ્ટ્રીઝના ચેરમેન મુકેશ અંબાણી અને તેમની પત્ની નીતા અંબાણીના પુત્ર અનંત અંબાણી અને તેમની મંગેતર રાધિકા મર્ચન્ટના લગ્નની ઉજવણી બુધવારે મુંબઈમાં અંબાણીના ઘર એન્ટિલિયા ખાતે મામેરુ સમારોહ સાથે શરૂ થઈ હતી. અનંત અંબાણી અને રાધિકા મર્ચન્ટ 12 જુલાઈએ મુંબઈમાં લગ્નના બંધનમાં બંધાશે. થોડા દિવસો પહેલા મુકેશ અંબાણી મહારાષ્ટ્રના મુખ્યમંત્રી એકનાથ શિંદેને મળ્યા હતા અને તેમને તેમના પુત્રના લગ્ન માટે આમંત્રણ આપ્યું હતું. અગાઉ અનંતે બોલિવૂડ સુપરસ્ટાર અક્ષય કુમાર અને અજય દેવગનને પોતાના લગ્નમાં અંગત રીતે આમંત્રણ આપ્યું હતું.

 

View this post on Instagram

 

A post shared by Ambani Family (@ambani_update)

આ દિવસે અનંત-રાધિકા સાત ફેરા લેશે

રિલાયન્સ ફાઉન્ડેશનના ચેરપર્સન અને સ્થાપક નીતા અંબાણી પહેલા કાશી વિશ્વનાથ મંદિર ગયા અને ભગવાનને અનંત અંબાણી અને રાધિકા મર્ચન્ટના લગ્નનું આમંત્રણ કાર્ડ અર્પણ કર્યું અને તેમના આશીર્વાદ માંગ્યા હતા. તમને જણાવી દઈએ કે આ ઉજવણી શુક્રવાર, 12 જુલાઈથી શરૂ થશે અને 14 જુલાઈ સુધી ચાલશે.

રાજ્યમાં 22.62% થઈ મેઘ મહેર, જાણો ક્યાં કેટલો વરસાદ થયો..

રાજ્યમાં મેઘારાજા જમાવટ લીધી છે. ત્યારે આગામી ચાર દિવસ માટે હવામાન વિભાગે સામાન્યથી ભારે વરસાદ થવાની આગાહી વ્યક્ત કરી છે. આગાહી પ્રમાણે ગુજરાત દરિયાકાંઠાના વિસ્તારમાં ભારે પવન ફૂંકાય શકે છે. તો બીજી બાજું માછીમારોને દરિયો ન ખેડવા પણ અપિલ કરવામાં આવી છે. બીજી તરફ ગઈકાલે રાજ્યના દક્ષિણભાગના જિલ્લાઓમાં ધોધમાર વરસાદ વરસ્યો હતો. સુરત, નવસારી, વલસાડ સહિતમાં વરસાદ ખાબક્યો હતો. ત્યારે આજે પણ નવસારીમાં હાલ ધીમીધારે વરસાદ વરસી રહ્યો છે. તેમજ

આજે સવારે જાફરાબાદના દરિયા કાંઠે ભારે કરંટ જોવા મળ્યો હતો. રાજ્યમાં આજે સવારે પૂરા થતાં છેલ્લા 24 કલાકમાં 131 તાલુકામાં વરસાદ નોંધાયો છે. જેમાં સોથી વધુ ઉમરપાડામાં 5 ઈંચ વરસાદ ખાબક્યો છે. દક્ષિણ ગુજરાતમાં વરસી રહેલા ધોધમાર વરસાદના કારણે ડાંગ, સાપુતારા વિસ્તારમાં ઝરણા અને ધોધ વહેતા થતા પ્રકૃતિ સોળે કળાએ ખીલી ઉઠેલી જોવા મળી રહી છે.દક્ષિણ ગુજરાતમાં સતત બે દિવસથી હવામાન વિભાગની આગાહી પ્રમાણે સામાન્યથી ભારે વરસાદ જોવા મળી રહ્યો છે. ભારે વરસાદના પગલે નવસારીના રસ્તા પર ખાડા પડેલા જોવા મળ્યા. ઉલ્લેખનીય છે ચોમાસાની શરૂઆતમાં જ રસ્તાની દયનિય હાલતથી તંત્રની પ્રિમોન્સુન કામગીર પર સવાલ ઊભા થઈ રહ્યા છે. આજે સવારે નવસારી ઉપરાંત ધરમપુર શહેરમાં પણ વરસાદ વરસ્યો હતો. સવારે 2 કલાકમાં એક ઈંચ જેટલો વરસાદ નોંધાયો હતો.

આજે સવારે 6 વાગ્યાથી 8 વાગ્યા સુધીમાં રાજ્યના 16 તાલુકામાં હળવાથી મધ્યમ વરસાદ નોંધાયો છે. જેમાં સૌથી વધુ ધરમપુરમાં 25 MM, ગણદેવીમાં 18 MM, પારડીમાં 16 MM અને વાઘઈમાં 11 MM સહિત અન્ય તાલુકામાં પણ હળવો વરસાદ વરસ્યો છે. નવસારીમાં 2.58 ઈંચ, જલાલપોરમાં 2.16 ઈંચ, ગણદેવીમાં 1.87 ઈંચ, ચીખલીમાં 2.95 ઈંચ, ખેરગામમાં 4.62 ઈંચ, વાંસદામાં 4.75 ઈંચ વરસાદ નોંધાયો છે. રાજ્યમાં સિઝનનો એવરેજ 22.62 ટકા વરસાદ વરસ્યો છે. જેમાં સૌથી વધુ સૌરાષ્ટ્ર ઝોનમાં 30.21 ટકા વરસાદ નોંધાયો છે. જ્યારે મધ્ય ગુજરાતમાં સૌથી ઓછો 14.98 ટકા વરસાદ નોંધાયો છે.

ઊલટફેરઃ ઇરાનમાં રાષ્ટ્રપતિ ચૂંટણી જીત્યા મસૂદ પેજેશકિયાન

તહેરાન: ઇરાનમાં રાષ્ટ્રપતિની ચૂંટણીનાં પરિણામો આવી ગયાં છે. સુધારાવાદી ઉમેદવાર મસૂદ પેઝેશકિયાને રાષ્ટ્રપતિની ચૂંટણી જીતી લીધી છે. તેમણે કટ્ટરપંથી સઈદ જલીલીને મોટા અંતરથી હરાવ્યા છે. પેજેશકિયાને જલીલીને 28 લાખ મતોના અંતરથી હરાવ્યા હતા. તેઓ વ્યવસાયે હાર્ટ સર્જન પણ છે. આ ચૂંટણીમાં તેમણે ઇરાનને પશ્ચિમી દેશોથી જોડવાનું વચન આપ્યું હતું, જે દાયકાઓથી અમેરિકી નેતૃત્વની સાથે સંઘર્ષમાં છે.

આ ચૂંટણીમાં સુધારાવાદી નેતા પેજેશકિયાનને 16.3 મિલિયન મત પડ્યા હતા, જ્યારે હાઇલાઇનર એટલે કે કટ્ટરપંથી એટલે કે કટ્ટરપંથી ઉમેદવાર સઇદ જલીલીને 13.5 મિલિયન મતો મળ્યા હતા. મત ગણતરી દરમ્યાન તેમના ટેકેદારો રસ્તા પર ઉજવણી કરવા માટે ઉતરી આવ્યા હતા.

તેમના દ્વારા દેશમાં ફરજિયાત હિજાબ પહેરવાનો કાયદો હળવો કરવામાં આવશે. હિજાબ અને હેડસ્કાર્ફ બાબતે ઇરાનમાં તાજેતરમાં ઘણાં પ્રદર્શનો થયાં છે. પેઝેશકિયાને તેમના ચૂંટણીપ્રચાર દરમિયાન શિયા ધર્મશાહીમાં કોઈ ફેરફારનું વચન આપ્યું ન હતું. તેમનું માનવું છે કે દેશની તમામ બાબતોમાં ઇરાનના સર્વોચ્ચ નેતા આયાતુલ્લા અલી ખોમિનીને અંતિમ મધ્યસ્થી નિર્ણય લેવામાં આવશે.

ભલે મસૂદ પેઝેશકિયાનને સુધારાવાદી નેતા તરીકે ઓળખવામાં આવે, પરંતુ રાષ્ટ્રપતિ તરીકે સત્તા સાંભળ્યા બાદ તેમની સામે મોટા પડકારો છે. તેમનો સૌથી મોટો પડકાર પશ્ચિમી દેશો સાથેના સંબંધો સુધારવાનો હશે. જ્યારથી ઇરાને પરમાણુ હથિયારો મેળવવાનો ઇરાદો વ્યક્ત કર્યો હતો, ત્યારથી તેના પશ્ચિમી દેશો સાથેના સંબંધો બગડ્યા છે. ઇરાન પર ઘણા પ્રકારના પ્રતિબંધો પણ લગાવવામાં આવ્યા છે, જેને કારણે દેશના અર્થતંત્રને મોટો ફટકો પડ્યો છે.

 

 

અનંત-રાધિકાના સંગીતમાં જસ્ટિનના 14 વર્ષ જૂનાં આ ગીત પર ઝૂમ્યા મહેમાનો

મુંબઈ: અનંત અંબાણી અને રાધિકા મર્ચન્ટ 12 જુલાઈના રોજ લગ્ન કરી રહ્યા છે અને તેમના લગ્નના ફંક્શન શરૂ થઈ ગયા છે. 3જી જુલાઈના રોજ મામેરુ વિધિ બાદ 4થી જુલાઈના રોજ ગરબાનું આયોજન કરવામાં આવ્યું હતું. આ પછી શુક્રવારે એટલે કે 5મી જુલાઈના રોજ રાધિકા-અનંતનો ભવ્ય સંગીત સમારોહ યોજવામાં આવ્યો હતો. જેનો વીડિયો સોશિયલ મીડિયા પર ટ્રેન્ડ કરી રહ્યો છે. મુંબઈના બીકેસીમાં નીતા મુકેશ અંબાણી કલ્ચરલ સેન્ટરમાં અનંત-રાધિકાનો ભવ્ય સંગીત સમારોહ યોજાયો હતો, જેમાં બી-ટાઉનના તમામ સ્ટાર્સે હાજરી આપી હતી. આ સંગીત સેરેમનીના વીડિયો એક પછી એક સામે આવી રહ્યા છે. પોપ સ્ટાર જસ્ટિન બીબરે અનંત-રાધિકાના સંગીત સેરેમનીમાં પરફોર્મ કરી સંગતી સાંજમાં ચાર ચાંદ લગાવી દીધા હતાં.

જસ્ટિન સ્ટેજ પર આવતાની સાથે જ અંબાણી પરિવારના મહેમાનોએ ડાન્સ કર્યો

પોપ સ્ટાર જસ્ટિન બીબરે શુક્રવારે રાત્રે મુંબઈમાં રિલાયન્સ ઈન્ડસ્ટ્રીઝના ચેરમેન મુકેશ અંબાણી અને પત્ની નીતા અંબાણીના પુત્ર અનંત અંબાણીના વેડિંગ કોન્સર્ટમાં તેનું 14 વર્ષ જૂનું ગીત ‘બેબી’ ગાઈને સ્ટેજ પર ધૂમ મચાવી હતી. જસ્ટિને અંબાણી ફેમિલી ફંક્શનમાં પોતાના પાવર-પેક્ડ પરફોર્મન્સથી બધાને ડાન્સ કરવા પર મજબુર કરી દીધા હતા.

 

View this post on Instagram

 

A post shared by Viral Bhayani (@viralbhayani)

જસ્ટિને આ ગીતો રાધિકા-અનંતના સંગીતમાં ગાયા

ઈવેન્ટ દરમિયાન બેબી સિવાય જસ્ટિને ‘નેવર લેટ યુ ગો’, ‘લવ યોરસેલ્ફ’, ‘પીચીસ’, ‘બોયફ્રેન્ડ’, ‘સોરી’ અને ‘વ્હેર આર યુ નાઉ’ જેવા ફેમસ ગીતો ગાઈને દર્શકોને મંત્રમુગ્ધ કર્યા હતા. સેલિબ્રિટી પાપારાઝી વિરલ ભાયાની દ્વારા શેર કરવામાં આવેલ વિડિયોમાં, જસ્ટિન સંગીત સેરેમનીમાં વ્હેર આર યુ નાઉ ગાતો પણ જોવા મળ્યો હતો, જેમાં અંબાણી પરિવારના કાર્યક્રમમાં મહેમાનો પોતાને ડાન્સ કરવાથી રોકી શક્યા ન હતા. આ દરમિયાન જસ્ટિન સ્ટેજ પર એક છોકરીને ગળે લગાવે છે, જેના પર ઘણા યુઝર્સે પ્રતિક્રિયા આપી છે.

જસ્ટિન રેર ન્યુરોલોજીકલ ડિસઓર્ડરથી પીડિત

અહીં ઉલ્લેખનીય છે કે કેટલાક ખાનગી સમારંભો સિવાય જસ્ટિને લગભગ એક વર્ષથી જાહેરમાં વધુ પ્રદર્શન કર્યું નથી. લગભગ એક વર્ષ પહેલા જસ્ટિનને ‘રામસે હન્ટ સિન્ડ્રોમ’ નામની એક દુર્લભ ન્યુરોલોજિકલ ડિસઓર્ડરથી અસર થઈ હતી, જેના કારણે તેના ચહેરા પર પણ અસર થઈ હતી. આ રોગથી પ્રભાવિત થયા પછી તેણે પોતાનો વિશ્વ પ્રવાસ રદ કર્યો હતો. આવી સ્થિતિમાં બીબરના તે ચાહકો માટે આ એક મોટું આશ્ચર્ય છે, જેઓ લગભગ એક વર્ષથી સ્ટેજ પર તેના આવવાની આતુરતાથી રાહ જોઈ રહ્યા હતા.

આ સ્ટાર્સ અનંત-રાધિકાના સંગીતમાં પહોંચ્યા હતા

અનંત અને રાધિકાના સંગીત સમારોહ વિશે વાત કરીએ તો તે એક સ્ટાર સ્ટડેડ ઇવેન્ટ હતી જેમાં બોલિવૂડના સુપરસ્ટાર સલમાન ખાન, વિકી કૌશલ, દીપિકા પાદુકોણ, કિયારા અડવાણી-સિદ્ધાર્થ મલ્હોત્રા, એમએસ ધોની-સાક્ષી ધોની, હાર્દિક પંડ્યા, આલિયા ભટ્ટ અને ઘણા સ્ટાર્સ સામેલ હતા. રણબીર કપૂર, માનુષી છિલ્લર, દિશા પટણી, રકુલ પ્રીત સિંહ, શાહિદ કપૂર-મીરા રાજપૂત, એટલી કુમારે હાજરી આપી હતી.

1...1,6761,6771,678...5,081Page 1,677 of 5,081