Home Blog Page 1733

કુવૈતમાં 40 ભારતીયોના મોત, ભારત સરકારે હેલ્પલાઇન નંબર જાહેર કર્યો

કુવૈતના દક્ષિણ મંગાફ જિલ્લામાં બુધવારે વહેલી સવારે એક બિલ્ડિંગ (શ્રમ શિબિર)માં ભીષણ આગ ફાટી નીકળી હતી. આ ઘટનામાં અત્યાર સુધીમાં 40 ભારતીયોના મોત થયા હોવાના અહેવાલ છે. 30 ભારતીયો દાઝી ગયા છે અને તેમની સારવાર ચાલી રહી છે. લગભગ 90 ભારતીયોને બચાવી લેવાયા છે. કુવૈતના ગૃહમંત્રી શેખ ફહાદ અલ-યુસુફ અલ-સબાહે બિલ્ડિંગના માલિકની ધરપકડ કરવાનો આદેશ આપ્યો છે. આ ઘટના બાદ ભારતીય દૂતાવાસે હેલ્પલાઈન નંબર અને મેઈલ આઈડી પણ જારી કર્યા છે. તેના દ્વારા પીડિત પરિવાર કુવૈતમાં ભારતીય દૂતાવાસનો સંપર્ક કરી શકે છે.

વિદેશ મંત્રી એસ જયશંકરે સોશિયલ મીડિયા પ્લેટફોર્મ X પર અકસ્માતને લઈને એક પોસ્ટ કરી છે. જેમાં તેણે લખ્યું છે કે આગની ઘટનાના સમાચારથી તે ખૂબ જ આઘાતમાં છે. 40 થી વધુ લોકોના મોત થયા છે. 50 થી વધુ લોકોને હોસ્પિટલમાં દાખલ કરવામાં આવ્યા છે. અમારા રાજદૂતો પીડિતોને મળ્યા છે. દુ:ખદ રીતે જીવ ગુમાવનારા લોકોના પરિવારજનો પ્રત્યે ઊંડી સંવેદના.

ભારતીય દૂતાવાસે હેલ્પલાઈન નંબર અને આ મેઈલ આઈડી જાહેર કર્યા છે. છ માળની ઇમારતમાં લગભગ 160 લોકો રહેતા હતા. જણાવવામાં આવી રહ્યું છે કે જે ઈમારતમાં આગ લાગી તે છ માળની છે. તેના રસોડામાં આગ લાગી હતી. જેણે થોડી જ વારમાં વિકરાળ સ્વરૂપ ધારણ કરી લીધું હતું. આ બિલ્ડિંગમાં એક જ કંપનીમાં કામ કરતા 160 જેટલા લોકો રહેતા હતા. તેના ઘણા કર્મચારીઓ ભારતીય હતા. કુવૈતની કુલ વસ્તીના 21 ટકા ભારતીયો છે. તેમની સંખ્યા લગભગ 10 લાખ છે.

મંગફના માલિક અને ચોકીદારની પણ ધરપકડ થવી જોઈએ

કુવૈત ટાઈમ્સ અનુસાર, કુવૈતના આંતરિક મંત્રી શેખ ફહદ અલ-યુસેફ અલ-સબાહે પોલીસને મંગાફ બિલ્ડિંગના માલિકની વહેલી તકે ધરપકડ કરવા સૂચના આપી છે. આ સાથે બિલ્ડિંગના ચોકીદાર અને કામદારો માટે જવાબદાર કંપનીના માલિકની પણ ધરપકડ થવી જોઈએ.

રાજ્ય મંત્રી મંડળે પીએમ મોદીને પાઠવ્યા અભિનંદન

ગાંધીનગર ખાતે મુખ્યમંત્રી ભૂપેન્દ્ર પટેલના અધ્યક્ષ સ્થાને લોકસભા સામાન્ય ચૂંટણી-૨૦૨૪ બાદ આજે પ્રથમ રાજ્ય મંત્રી મંડળની બેઠક મળી હતી. આ બેઠકમાં ચર્ચાયેલા વિષયો અંગે મીડિયાને માહિતી આપતા પ્રવક્તા મંત્રી ઋષિકેશ પટેલે જણાવ્યું હતું કે, લોકસભા સામાન્ય ચૂંટણી-૨૦૨૪માં કેન્દ્રમાં N.D.A. ગઠબંધનની સરકાર બનતા અને ગુજરાતના પનોતા પુત્ર અને દેશના વડાપ્રધાન નરેન્દ્ર મોદી સતત ત્રીજી વખત વડાપ્રધાન બનતા સમગ્ર ગુજરાત વતી તેમને અભિનંદન પાઠવવામાં આવ્યા છે.

મંત્રીએ ઉમેર્યું હતું કે, ભારતને વિશ્વ ગુરૂ અને વર્ષ ૨૦૪૭ સુધીમાં વિકસીત રાષ્ટ્ર બનાવવાના સંકલ્પપૂર્તિ માટે કટિબદ્ધ વડાપ્રધાન  નરેન્દ્ર મોદી દેશના વિકાસ માટે અવિરતપણે સેવારત રહે તે માટે તેમને અભિનંદન પાઠવવામાં આવ્યા છે. નરેન્દ્ર મોદીના નેતૃત્વ હેઠળ રચાયેલા ભારત સરકારના નવા મંત્રી મંડળમાં ગુજરાતના બે રાજ્યસભાના સાંસદ અને ૪ લોકસભાના સાંસદને સ્થાન મળ્યું છે, તે ગુજરાત માટે ખૂબ જ ગર્વની વાત છે.

લોકસભા સામાન્ય ચૂંટણી-૨૦૨૪માં દેશના નાગરિકોએ ફરી એકવાર પોતાના મતાધિકારનો ઉપયોગ કરી દેશભરમાં ૨૯૨ લોકસભા બેઠકો પર NDA ગઠબંધનને જંગી વિજય અપાવી છે. ગુજરાતની જનતાએ પણ પોતાના અમૂલ્ય વોટ આપીને ફરી એકવાર વડાપ્રધાન નરેન્દ્ર મોદીના નેતૃત્વ હેઠળની ભારત સરકાર પ્રત્યે પોતાનો વિશ્વાસ દર્શાવ્યો છે, જેથી ગુજરાતની જનતાનો પણ આભાર વ્યક્ત કરવામાં આવ્યો છે.

વિદ્યાર્થીનીઓ માટે નમો લક્ષ્મી યોજના મુકાઈ અમલમાં..

મુખ્યમંત્રી ભૂપેન્દ્ર પટેલના અધ્યક્ષસ્થાને મળેલી રાજ્ય મંત્રી મંડળની બેઠકમાં ચર્ચાયેલા વિષયની માહિતી આપતા પ્રવક્તા મંત્રી ૠષિકેશ પટેલે જણાવ્યું હતું કે, રાજ્યમાં માધ્યમિક અને ઉચ્ચતર માધ્યમિકમાં અભ્યાસ કરતી વિદ્યાર્થિનીઓના અભ્યાસ ખર્ચમાં સહાયરૂપ થવા તેમજ તેમના પરિવારને આર્થિક સહાય પૂરી પાડવા રાજ્ય સરકારે વર્ષ 2024-25ના બજેટમાં “નમો લક્ષ્મી” યોજના જાહેર કરી હતી. વર્ષ 2024-25ના પ્રથમ શૈક્ષણિક સત્રથી નમો લક્ષ્મી યોજના અમલમાં મૂકવામાં આવી છે.

મંત્રીએ ઉમેર્યું હતું કે, ધોરણ-9 થી ધોરણ-12માં અભ્યાસ કરતી વધુમાં વધુ વિદ્યાર્થિનીઓ આ યોજનાનો લાભ મેળવી શકે તે હેતુસર રાજ્ય સરકારે નવા શૈક્ષણિક સત્રથી જ નમો લક્ષ્મી યોજના અમલમાં મૂકી છે. આ યોજના અંતર્ગત સહાય મેળવવા માટે અત્યાર સુધીમાં રાજ્યની આશરે 5.31 લાખથી વધુ વિદ્યાર્થીનીઓએ રજીસ્ટ્રેશન કરાવ્યું છે, જેમાં મોટાભાગે ધોરણ 10 અને ધોરણ 12ની વિદ્યાર્થિનીઓનો સમાવેશ થાય છે.

નવા શૈક્ષણિક સત્રમાં ધોરણ-9 અને ધોરણ-11ની વિદ્યાર્થીનીઓની પ્રવેશ પ્રક્રિયા પૂર્ણ થયા બાદ ધોરણ-9 અને ધોરણ-11ની વિદ્યાર્થીનીઓનું પણ રજીસ્ટ્રેશન વધશે અને રજીસ્ટ્રેશનની સંખ્યામાં લગભગ બમણો વધારો થશે, તેમ તેમણે ઉમેર્યું હતું. તેમણે વધુમાં ઉમેર્યુ કે, રાજ્યના વિદ્યાર્થીઓમાં વિજ્ઞાન પ્રવાહના શિક્ષણ માટેની રુચીમાં વધારો થાય તે હેતુસર ધોરણ-11 અને ધોરણ-12 વિજ્ઞાન પ્રવાહના વિદ્યાર્થીઓ માટે નમો સરસ્વતી યોજના અમલી કરાઇ છે. જેમાં રાજ્ય સરકાર દ્વારા રૂ. 25000 ની નાણાકીય સહાય અભ્યાસ અર્થે આપવામાં આવે છે.

પેમા ખાંડુ ફરી એકવાર અરુણાચલના CM બનશે

પેમા ખાંડુ ફરી એકવાર અરુણાચલ પ્રદેશના સીએમ બનશે. ભાજપ ધારાસભ્ય દળની બેઠકમાં તેમના નામને મંજૂરી આપવામાં આવી છે. આ વિધાનસભા ચૂંટણીમાં ભાજપે રાજ્યની 60માંથી 46 બેઠકો જીતી છે. પેમા ખાંડુ બિનહરીફ ધારાસભ્ય તરીકે ચૂંટાયા છે. ભાજપ 60 સભ્યોની રાજ્ય વિધાનસભામાં 46 બેઠકો જીતીને સતત ત્રીજી વખત સત્તામાં પરત ફર્યું છે.

ભારતીય જનતા પાર્ટીએ 10 વિધાનસભા બેઠકો બિનહરીફ જીતી હતી. જેમાં આઉટગોઇંગ મુખ્યમંત્રી પેમા ખાંડુ પણ બિનહરીફ જીત્યા હતા. ગત વિધાનસભા ચૂંટણીમાં ભાજપે 41 બેઠકો જીતી હતી. અરુણાચલ પ્રદેશમાં વિધાયક દળના નેતાની ચૂંટણી માટે ભાજપે પૂર્વ કેન્દ્રીય મંત્રી રવિશંકર પ્રસાદ અને પાર્ટીના મહાસચિવ તરુણ ચુગને કેન્દ્રીય નિરીક્ષકો તરીકે નિયુક્ત કર્યા હતા.

કોંગ્રેસ એક ફિનિશ્ડ ફોર્સ છેઃ પેમા ખાંડુ

2 જૂને પરિણામો બાદ પેમા ખાંડુએ કહ્યું હતું કે વિધાનસભા ચૂંટણીમાં ભાજપની જીત વડાપ્રધાન નરેન્દ્ર મોદી તરફના લોકોનું સમર્થન દર્શાવે છે. કહેવાય છે કે કોંગ્રેસ એક ફિનિશ્ડ ફોર્સ છે. રાજ્યમાં લાંબા સમયથી કોંગ્રેસની સરકાર હતી. તેણે એક ભ્રષ્ટ વ્યવસ્થા ઊભી કરી હતી.

G7માં PM મોદી લેશે ભાગ, આવતી કાલેથી ઈટલી પ્રવાસે

દેશમાં રાજકિય હલચલો હવે થોડી ઓછી થઈ છે. જ્યારે દેશમાં ફરી NDA સરકારે સત્તા બનાવી છે. અને તમામ વિધાનસભા ચૂંટણી પૂરી થઈ છે. આ ઉપરાંત શપથ ગ્રહણ સમારોહ પણ પૂર્ણ થયા છે. ત્યારે કેન્દ્રની સરકાર ફરી મોટા મુદ્દા પર પોતાનું ધ્યાન કેન્દ્રીત કરી રહી છે. આ સંદર્ભમાં વડાપ્રધાન નરેન્દ્ર મોદી આવતીકાલે ઈટાલીના પ્રવાસે જઈ રહ્યા છે.

G-7 સમિટનું PM મોદીને આમંત્રણ 

ઈટલીના વડાપ્રધાન જ્યોર્જિયા મેલોનીએ PM મોદીને G-7 કોન્ફરન્સમાં ભાગ લેવા આમંત્રણ આપ્યું છે. PM મોદીએ પણ મેલોનીનું આમંત્રણ સ્વીકારી લીધું છે. 9 જૂને ત્રીજી વખત શપથ લીધા બાદ PM મોદીનો આ પહેલો વિદેશ પ્રવાસ હશે. વિદેશ સચિવ વિનય મોહને PM મોદીની ઈટલી મુલાકાતની પુષ્ટિ કરતા જણાવ્યું કે, પ્રધાનમંત્રી મોદી ઈટલીના વડાપ્રધાનના આમંત્રણ પર અપુલિયા જઈ રહ્યા છે. PM મોદી G-7ની 50મી કોન્ફરન્સમાં ભાગ લેશે. આ સમિટ 14 જૂને ઈટાલીમાં યોજાશે. ઉલ્લેખનીય છે કે ભારત G-7 જૂથનો ભાગ નથી. પરંતુ ઈટાલીએ ભારતને મહેમાન તરીકે આમંત્રણ મોકલ્યું છે. વિનય મોહને માહિતી શેર કરતા કહ્યું કે પીએમ મોદીનો તેમના ત્રીજા કાર્યકાળમાં આ પ્રથમ વિદેશ પ્રવાસ છે. G-7 દેશો વચ્ચે ભારત અને ગ્લોબલ સાઉથના મુદ્દા ઉઠાવવાની આ સારી તક છે.

G-7 દેશોની યાદીમાં અમેરિકા, કેનેડા, જાપાન, ફ્રાન્સ, બ્રિટન, જર્મની અને ઈટાલીના નામ સામેલ છે. જોકે પહેલા આ જૂથને G-8 કહેવામાં આવતું હતું. રશિયા પણ આ જૂથનો ભાગ હતો. પરંતુ 2014માં રશિયાએ ક્રિમિયા પર કબજો કરી લીધો હતો. આવી સ્થિતિમાં રશિયા વિરૂદ્ધ કાર્યવાહી કરીને તેને ગ્રૂપમાંથી બહાર કરી દેવામાં આવ્યો હતો. ત્યારથી તેને G-7 કહેવામાં આવે છે.

ગોંડલ ગણેશની મુશ્કેલી વધી, તપાસમાં થયા મોટા ખુલાસા

ગોંડલના ધારાસભ્ય ગીતાબા તથા પૂર્વ ધારાસભ્ય જયરાજસિંહ જાહેજાના પુત્ર ગણેશ જાડેજાના હાલ ખુબ ચર્ચામાં છે. ગત 30મી મેના રોજ ગણેશ જાડેજા ઉર્ફે ગોંડલ ગણેશ અને તેમના માણસો દ્વારા જૂનાગઢ જિલ્લાના અનુસુચિત સમાજના પ્રમુખના પુત્ર અને શહેર NSUI પ્રમુખ સંજય સોલંકીનું અપહરણ કર્યું હતુ. જેને લઈ આજે પોલીસ દ્રારા આરોપીઓનું રી-કન્ટ્રકશન કરાયું હતુ, જેમાં આરોપીએ પોલીસને ઘણી ફરિયાદો કરી હતી.

આજે સવારે આ મામલે અનુસુચિત સમાજના લોકો દ્વારા રેલીનું આયોજન કરવામાં આવ્યું હતું. પોલીસ દ્વારા સઘન પુછપરછ અને ઘટનાનું રી-કન્ટ્રક્શન દરમિયાન ખુલાસા થયા કે ગણેશ જાડેજાએ આરોપીના ટેટુની લઈ ટિપ્પણી કરી હતી. સમસ્ત અનુસુચિત સમાજ ગુજરાત દ્વારા આજે જૂનાગઢથી ગોંડલ સુધીનું રેલીનું આયોજન કરવામાં આવ્યું છે. જૂનાગઢથી નિકળેલી અનુસુચિત સમાજની રેલી ગોંડલ ખાતે પૂર્ણ થઈ છે. ત્યારબાદ દલિત સમાજ દ્વારા ડો.આંબેડકર ચોક ખાતે મહાસંમેલનનુ આયોજન કરાયું હતું. આ મહાસંમેલનમાં અનુસુચિત સમાજના યુવાનો, મહિલાઓ, અને વડીલો મોટી સંખ્યામાં ઊમટ્યા છે.

જૂનાગઢથી નીકળેલી અનુસુચિત જાતિ સમાજની બાઈક રેલી જેતપુર, ધોરાજી થઈ ગોંડલ ખાતે પહોંચી છે. ગોંડલ શહેરના ડુંગર હિર દ્વાર પાસે રાજુ સોલંકીને હાર પહેરાવીને સન્માન કરવામાં આવ્યું હતું. રાજકોટ કોર્પોરેટર અને પૂર્વ વિપક્ષી નેતા વશરામ સાંગઠીયા ગોંડલ શહેરમાં રેલીમાં જોડાયા હતા. રેલી સવારે 10 કલાકે જૂનાગઢથી નીકળી નવાગઢ ડો.આંબેડકર ચોક પહોંચી હતી. ત્યાંથી ભેંસાણ, જેતપુર, ધોરાજી, ઉપલેટાના કાર્યકર્તાઓ રેલીમાં જોડાયા હતા. વિરપુર હાઇવેથી વિરપુર તથા આસપાસના ગામોના કાર્યકર્તાઓ જોડાયા હતા.

શું છે આખો અપહરણ મામલો

જુનાગઢ જિલ્લા અનુસૂચિત જાતિ સમાજના પ્રમુખ રાજુભાઈના પુત્ર અને જુનાગઢ શહેર NSUI ના પ્રમુખ સંજય સોલંકીનું અપહરણ કરી હત્યાનો પ્રયત્ન કરવામાં આવ્યો હતો. ફરિયાદ અને આરોપી વચ્ચે રસ્તા પર કાર વ્યવસ્થિત ચલાવવા મુદ્દે બોલાચાલી થઈ હતી. તારીખ 30 મેની રાત્રે ગોંડલ ધારાસભ્યના પુત્ર ગણેશ જાડેજા અને તેના સાગરીત મિત્રો દ્વારા જુનાગઢ જીલ્લા અનુસૂચિત જાતિ સમાજના પ્રમુખના પુત્ર અને શહેર NSUI પ્રમુખ સંજય સોલંકીનું અપહરણ કરવાનું સામે આવ્યુ હતું. ગણેશ અને અન્ય આરોપીઓ કારની નંબર પ્લેટ કાઢી ફરી જુનાગઢ આવ્યા અને ફરિયાદી સંજય સોલંકીને મારી નાંખવાના ઇરાદે કારથી મોટરસાયકલને પાછળથી ટક્કર મારી હતી. જે બાદ આ લોકોએ લોખંડના પાઈપ જેવા હથિયારોથી સંજય સોલંકીને માર પણ માર્યો હતો. જે બાદ સંજય સોલંકીનું અપહરણ કરી દીધું હતું.

કુવૈતની બિલ્ડિંગમાં લાગી આગ, 40 ભારતીય સહિત 50થી વધુના મોત

ખાડી દેશ કુવૈતના દક્ષિણ શહેર મંગફમાં એક બિલ્ડિંગમાં આગ લાગી હતી.આ ઘટનામાં 5 ભારતીય સહિત 40 લોકોના મોત થયા છે જ્યારે 50 લોકો ઘાયલ થતા હોસ્પિટલમાં સારવાર હેઠળ છે. આ દૂર્ઘટનામાં  5 ભારતીય મૃતક કેરળના રહેવાસી છે. કુવૈત ઓથોરિટીનું કહેવું છે કે, આ ઘટનાની તપાસ કરવામાં આવી રહી છે અને આગનું કારણ શોધવામાં આવી રહ્યું છે.

અધિકારીઓએ જણાવ્યું કે કુવૈતના દક્ષિણ અહમદી ગવર્નરેટના મંગાફ વિસ્તારમાં સ્થિત છ માળની ઇમારતના રસોડામાં બુધવારે વહેલી સવારે આગ લાગી હતી. કહેવામાં આવી રહ્યું છે કે બિલ્ડિંગમાં લગભગ 160 લોકો રહેતા હતા, જે એક જ કંપનીના કર્મચારી છે.

કુવૈતમાં ભારતીય દૂતાવાસે ‘X’ પર એક પોસ્ટમાં જણાવ્યું હતું કે, “આજે ભારતીય કામદારોને સંડોવતા દુ:ખદ આગ અકસ્માતના સંદર્ભમાં, દૂતાવાસે ઇમરજન્સી હેલ્પલાઇન નંબર જારી કર્યો છે. તમામ સંબંધિતોને અપડેટ માહિતી માટે આ હેલ્પલાઈન સાથે જોડાવા વિનંતી છે. એમ્બેસી તમામ શક્ય સહાય પૂરી પાડવા માટે પ્રતિબદ્ધ છે.”

વિદેશ મંત્રી એસ જયશંકરે શોક વ્યક્ત કર્યો

કુવૈતની કુલ વસ્તીના 21 ટકા (10 લાખ) અને કર્મચારીઓના 30 ટકા (આશરે 9 લાખ) ભારતીયો છે. વિદેશ મંત્રી એસ જયશંકરે ‘X’ પર એક પોસ્ટમાં કહ્યું, “કુવૈત શહેરમાં આગની ઘટનાના સમાચાર સાંભળીને ખૂબ જ દુઃખ થયું. અહેવાલ છે કે 40 થી વધુ લોકોના મોત થયા છે અને 50 થી વધુ લોકો હોસ્પિટલમાં દાખલ છે. અમારા રાજદૂત સ્થળ પર ગયા છે. અમે વધુ માહિતીની રાહ જોઈ રહ્યા છીએ.”

તેમણે કહ્યું, “આ દુ:ખદ ઘટનામાં જીવ ગુમાવનારા લોકોના પરિવારો પ્રત્યે મારી ઊંડી સંવેદના છે. હું ઘાયલોની ઝડપથી અને સંપૂર્ણ સ્વસ્થતાની કામના કરું છું. અમારું દૂતાવાસ આ સંબંધમાં તમામ સંબંધિતોને સંપૂર્ણ મદદ કરશે.

કંપની માલિકની ધરપકડ

કુવૈતના આંતરિક પ્રધાન શેખ ફહદ અલ-યુસેફ અલ-સબાહે પોલીસને ઘટનાસ્થળે ગુનાહિત પુરાવા કર્મચારીઓની તપાસ પૂર્ણ ન થાય ત્યાં સુધી બિલ્ડિંગના માલિક, બિલ્ડિંગના ચોકીદાર અને કામદારો માટે જવાબદાર કંપનીના માલિકની ધરપકડ કરવા જણાવ્યું હતું.

મોહન માઝી ઓડિશાના સીએમ બન્યા

ઓડિશાના નવા મુખ્યમંત્રી મોહન ચરણ માઝીએ બુધવારના રોજ નવા મુખ્યમંત્રી તરીકે શપથ લીધા. ઓડિશા સરકારના શપથ ગ્રહણ સમારોહમાં, 8 ભાજપના ધારાસભ્યોએ પણ સીએમ મોહન ચરણ માઝી અને બે નાયબ મુખ્ય પ્રધાનો, કનક વર્ધન સિંહ દેવ અને પ્રવતી પરિદા તરીકે શપથ લીધા. ઓડિશાના સીએમ-નિયુક્ત મોહન ચરણ માઝીએ ભુવનેશ્વરના જનતા મેદાનમાં મુખ્યમંત્રી તરીકે શપથ લીધા. આ પછી ભાજપના નેતા કનક વર્ધન સિંહ દેવે ભુવનેશ્વરના જનતા મેદાનમાં નાયબ મુખ્યમંત્રી તરીકે શપથ લીધા. આ શ્રેણીમાં ઓડિશાના નામાંકિત નાયબ મુખ્ય પ્રધાન પ્રવતી પરિદાએ ભુવનેશ્વરના જનતા મેદાનમાં નાયબ મુખ્ય પ્રધાન તરીકે શપથ લીધા. આ સિવાય સુરેશ પૂજારી, રવિનારાયણ નાઈક, નિત્યાનંદ ગોંડ, કૃષ્ણ ચંદ્ર પાત્રાએ ઓડિશાના સીએમ મોહન માઝીની કેબિનેટમાં મંત્રી તરીકે શપથ લીધા.

આ નેતાઓએ રાજ્યકક્ષાના મંત્રી તરીકે શપથ લીધા

આ દરમિયાન પૃથ્વીરાજ હરિચંદન, વિભૂતિ ભૂષણ જેણા અને મુકેશ મહાલિંગે રાજ્યમંત્રી પદના શપથ લીધા. જ્યારે ગણેશ રામ સિંહ ખુંટિયા, સૂર્યવંશી સૂરજ, ગોકુલા નંદ મલ્લિક અને પ્રદીપ બાલાસામંતાએ રાજ્યમંત્રી (સ્વતંત્ર હવાલો) પદના શપથ લીધા છે.

પીએમ મોદી સહિત ભાજપના દિગ્ગજ નેતાઓ પણ પહોંચ્યા હતા

ઓડિશાના મુખ્યમંત્રી તરીકે મોહન ચરણ માઝીના શપથ ગ્રહણ સમારોહમાં હાજરી આપવા વડાપ્રધાન નરેન્દ્ર મોદી પણ ભુવનેશ્વર પહોંચ્યા છે. પીએમ મોદી ઉપરાંત ગૃહમંત્રી અમિત શાહ, જેપી નડ્ડા, રાજનાથ સિંહ અને હરિયાણાના સીએમ નાયબ સૈની, ઉત્તરાખંડના સીએમ પુષ્કર ધામી, ગુજરાતના સીએમ ભૂપેન્દ્ર પટેલ, આસામના સીએમ હિમંતા વિશ્વ શર્મા પણ ભુવનેશ્વર પહોંચ્યા છે. આ દરમિયાન વડા પ્રધાન નરેન્દ્ર મોદીએ ઓડિશાના મુખ્ય પ્રધાન મોહન ચરણ માઝીના શપથ ગ્રહણ સમારોહના સમાપન પછી પૂર્વ મુખ્ય પ્રધાન અને બીજેડીના વડા નવીન પટનાયક સાથે વાત કરી હતી.

PM મોદીની મુલાકાત પહેલા ખાલિસ્તાન સમર્થકોએ ઈટાલીમાં તોડી મહાત્મા ગાંધીની પ્રતિમા

વડાપ્રધાન નરેન્દ્ર મોદી આવતીકાલે એટલે કે 13 જૂને G7 સમિટમાં ભાગ લેવા માટે ઈટાલી જવા રવાના થશે. પીએમ મોદીની મુલાકાત પહેલા ખાલિસ્તાન સમર્થકોએ ઈટાલીમાં મહાત્મા ગાંધીની પ્રતિમાને નુકસાન પહોંચાડ્યું હતું. ખાલિસ્તાન સમર્થકોએ હરદીપ સિંહ નિજ્જરનો પણ ઉલ્લેખ કર્યો છે.

13 થી 15 જૂન દરમિયાન ઇટાલીમાં G7 સમિટ યોજાશે. આ પહેલા ઈટાલીમાં ખાલિસ્તાની સમર્થકોએ આ ઘૃણાસ્પદ કૃત્ય કર્યું હતું. આ ઘટનાની તસવીરો સામે આવી છે, જેમાં જોવા મળી રહ્યું છે કે મહાત્મા ગાંધીની પ્રતિમા તોડ્યા બાદ ખાલિસ્તાની સમર્થકોએ ત્યાં વિરોધમાં સૂત્રોચ્ચાર પણ લખ્યા છે.

આ ઘટના પર વિદેશ મંત્રાલયની પ્રતિક્રિયા સામે આવી છે. વિદેશ સચિવે કહ્યું કે ભારતે ઈટાલીમાં મહાત્મા ગાંધીની પ્રતિમાને નુકસાનનો મુદ્દો ઉઠાવ્યો છે, પ્રતિમાનું સમારકામ કરવામાં આવ્યું છે. તેમણે કહ્યું કે મહાત્મા ગાંધીની પ્રતિમાને નુકસાન અંગે તેમણે ઈટાલીના અધિકારીઓ સાથે વાત કરી છે અને આ મામલે જરૂરી કાર્યવાહી કરવામાં આવી છે.

નોંધનીય છે કે વડાપ્રધાન મોદી 13 થી 15 જૂન દરમિયાન યોજાનારી G7 સમિટમાં ભાગ લેવા માટે આવતીકાલે ઇટાલી જશે. આ વર્ષે G7 સમિટ ઇટાલીના અપુલિયા વિસ્તારમાં બોર્ગો એગ્નાઝિયાના લક્ઝરી રિસોર્ટમાં યોજાશે. વડાપ્રધાન નરેન્દ્ર મોદી ઉપરાંત G7 સમિટમાં અમેરિકી રાષ્ટ્રપતિ જો બિડેન, ફ્રાન્સના રાષ્ટ્રપતિ ઈમેન્યુઅલ મેક્રોન, જાપાનના વડાપ્રધાન ફ્યુમિયો કિશિદા, કેનેડાના વડાપ્રધાન જસ્ટિન ટ્રુડો સામેલ થશે.

સુત્રોના જણાવ્યા પ્રમાણે પીએમ મોદી 13 જૂને ઈટાલી જવા રવાના થશે અને 14 જૂનની મોડી સાંજ સુધીમાં પરત ફરશે. વડાપ્રધાનની સાથે એક ઉચ્ચ સ્તરીય પ્રતિનિધિમંડળ પણ હશે, જેમાં વિદેશ મંત્રી એસ જયશંકર, વિદેશ સચિવ વિનય ક્વાત્રા અને NSA અજીત ડોભાલનો સમાવેશ થઈ શકે છે. PM મોદી G-7 શિખર સંમેલન દરમિયાન ઘણી દ્વિપક્ષીય બેઠકો કરશે, જેમાં ઇટાલીના વડા પ્રધાન જ્યોર્જિયા મેલોની સાથેની મુલાકાતનો પણ સમાવેશ થાય છે.

રાજ્યમાં બે ગમખ્વાર અકસ્માત, 6ના મોત 2 ઘાયલ

રાજ્યમાં અકસ્માત સીલસીલો યથાવત્ જોવા મળી રહ્યો છે. ત્યારે આજે ફરી એક વખત બનાસકાંઠા વિસ્તારમાં બે જગ્યા પર અકસ્માતથી કુલ 6 લોકોએ પોતાના જીવ ગુમાવ્યા છે. જ્યાં એક બાજુ ઇડર હિંમતનગર હાઇવે પર ઇકો કાર બેકાબુ બનતા માતા અને દીકરી હવામાં ફંગોળાયા હતા. જે બાદ બંન્ને માતા-દિકરીને સારવાર માટે હિંમતનગર હોસ્પિટલમાં ખેડાયા હતા. તો બીજી બાજું પાલનપુર-અમદાવાદ હાઇવે ઉપર ભરકાવાડાના પાટિયા પાસે ત્રિપલ અકસ્માત સર્જાયો હતો. ટ્રેલર, ટ્રક અને ગાડી વચ્ચે ગમખ્વાર અકસ્માત સર્જાતા એક બાળકી અને મહિલા સહિત 4 લોકોના મોત થયા હતા. જ્યારે અન્ય 2 લોકોને ઈજા પહોંચી હતી.

બનાસકાંઠા જિલ્લામાં અકસ્માતોનો સિલસિલો યથાવત જોવા મળી રહ્યો છે. ત્યારે આજે પાલનપુર-અમદાવાદ હાઈવે ઉપર ભડકાવાડા પાટીયા પાસે ટેલર, ટ્રક અને ગાડી વચ્ચે અકસ્માત સર્જાયો હતો. આ ત્રિપલ અકસ્માતમાં બાળકી અને મહિલા સહિત 4 લોકોના મોત તેમજ 2 લોકો ગંભીર રીતે ઘાયલ થયા છે. ભરકાવાડા પાટીયા પાસે ટેલર, ટ્રક અને ગાડી વચ્ચે જોરદાર ટક્કર થઈ હતી. જેમાં ગાડીમાં સવાર લોકો ગંભીર રીતે ઘાયલ થયા હતા. જે પૈકી 4 લોકોના મોત થયા હતા. જ્યારે અન્ય 2 લોકો ગંભીર રીતે ઘાયલ થતાં સ્થાનિક લોકોની મદદથી સારવાર માટે નજીકની હોસ્પિટલ ખાતે ખસેડવામાં આવ્યા છે.

ટ્રેલર, ટ્રક અને કાર વચ્ચે જોરદાર ટક્કર થઈ હતી. જેમાં એક 5 વર્ષની માસૂમનું માથું છુંદાયું હતું. જેથી તેનું તેમજ એક મહિલા અને એક વ્યક્તિ સહિત 4 લોકોના મોત થયા છે. ત્રણ લોકોના તો ઘટના સ્થળે જ મોત થઈ ગયા હતા. જ્યારે એકનું હોસ્પિટલમાં મોત થયું છે. આ અકસ્માત એટલો ભયંકર હતો કે, કારના આગળના ભાગનો ફૂરચો બોલી ગયો હતો.

જ્યારે બીજી બાજુ સાબરાકાંછા જિલ્લાના ઇડર-હિંમતનગર હાઇવે પર સીએનજી પંપ પર ઇકો કાર બેકાબુ બની હતી. સીએનજી પુરાવા આવેલ પરિવાર રાહ જોઈ રહ્યો હતો તેવામાં ઇકોએ જોરદાર ટક્કર મારી હતી. અચાનક ધસી આવેલી ઇકોએ સામેની સાઈડ પર ઉભેલા મહિલા અને દીકરીને ટક્કર મારી હતી. ટક્કર મારી કાર દીવાલ સાથે અથડાઇ હતી. ઇકો કારની ટક્કરે માતા અને દીકરી હવામાં ઉછળીને નીચે પટકાયા હતા. જે ઘટનાનો વીડિયો CCTVમાં કેદ થયા હતા. બંન્ને માતા-દીકરીને વધુ સારવાર અર્થે હિંમતનગર હોસ્પિટલમાં ખસેડાયા હતા.

 

1...1,7321,7331,734...5,068Page 1,733 of 5,068