આપણે જ્યાં રહીએ છીએ ત્યાં આપણી બરાબર બાજુમાં એટલે કે સાથે રહેનાર વ્યક્તિ પાડોશી કહેવાય છે. કોઇ પણ આકસ્મિક પરિસ્થિતી આવી પડે ત્યારે સૌથી પહેલી નજર પાડોશી પર જ પડે. સગાંવહાલાં ગામમાં રહેતાં હોય તો ઠીક, બીજે હોય તો ત્યાંથી આવે ત્યાં સુધીમાં તો ઘણું બધુ થઈ ચૂક્યું હોય.
આમ, પાડોશીને અગત્યતા તેમજ એની મહત્તા સમજાવવા માટે આ કહેવત વપરાય છે કે પહેલો સગો પાડોશી. પાડોશીને સગા કરતાં વધારે નજીકનો ગણવો.
(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)
શપથગ્રહણ બાદ તરત જ વડાપ્રધાન નરેન્દ્ર મોદીએ તેમના કેબિનેટ સાથીદારો સાથે બેઠક યોજી હતી. આ દરમિયાન ઘણા મહત્વપૂર્ણ નિર્ણયો લેવામાં આવ્યા છે. ગરીબો માટે સૌથી મોટો નિર્ણય લેવામાં આવ્યો છે. કેબિનેટે ગામડાઓ અને શહેરોમાં રહેતા ગરીબો માટે 3 કરોડ ઘર બનાવવાના નિર્ણયને મંજૂરી આપી છે.
સરકાર પ્રધાનમંત્રી આવાસ યોજના (PMAY) હેઠળ 3 કરોડ ગ્રામીણ અને શહેરી મકાનોના નિર્માણ માટે સહાય પૂરી પાડશે. આ ઘરોમાં ટોયલેટ, એલપીજી કનેક્શન, વીજળી કનેક્શન અને નળ કનેક્શન પણ ઉપલબ્ધ હશે. પીએમ મોદીના નેતૃત્વમાં સરકારે છેલ્લા 10 વર્ષમાં ગરીબો માટે 4.21 કરોડ ઘર બનાવ્યા છે.
વડા પ્રધાન નરેન્દ્ર મોદીએ નવી NDA ગઠબંધન સરકારના 71 પ્રધાનો સાથે રવિવારે (9 જૂન) શપથ લીધા. તેમાંથી 30 કેબિનેટ મંત્રીઓ છે, પાંચ પાસે સ્વતંત્ર હવાલો છે અને 36 રાજ્ય મંત્રી છે. રવિવારે (9 જૂન) મોદી કેબિનેટની પ્રથમ બેઠક બાદ ભાજપે ગૃહ મંત્રાલય, સંરક્ષણ મંત્રાલય અને વિદેશ મંત્રાલય પોતાની પાસે રાખ્યું છે.
મોદી કેબિનેટમાં અમિત શાહને ફરીથી ગૃહ મંત્રાલય અને રાજનાથ સિંહને ફરીથી સંરક્ષણ મંત્રાલયની જવાબદારી સોંપવામાં આવી છે. વિદેશ મંત્રાલય માત્ર એસ જયશંકર પાસે છે. નીતિન ગડકરીને ફરીથી રોડ ટ્રાન્સપોર્ટ મંત્રાલય આપવામાં આવ્યું છે. અજય તમટા, હર્ષ મલ્હોત્રાને રોડ ટ્રાન્સપોર્ટ રાજ્ય મંત્રી બનાવવામાં આવ્યા છે. નિર્મલા સીતારમણને ફરી નાણાં મંત્રાલયની જવાબદારી સોંપવામાં આવી છે. અશ્વિની વૈષ્ણવને માહિતી અને પ્રસારણ મંત્રી બનાવવામાં આવ્યા છે.
હરિયાણાના પૂર્વ મુખ્યમંત્રી મનોહર લાલ ખટ્ટરને બે મંત્રાલયો આપવામાં આવ્યા છે. તેમને ઉર્જા અને શહેરી વિકાસ મંત્રી બનાવવામાં આવ્યા. જીતનરામ માંઝીને MSME મંત્રાલય આપવામાં આવ્યું છે. શોભા કરંદલાજે MSME રાજ્ય મંત્રી હશે. મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણને કૃષિ મંત્રી બનાવવામાં આવ્યા છે.
કેબિનેટમાં સમાવિષ્ટ નવા મંત્રીઓ સાંજે લગભગ 5 વાગ્યે વડાપ્રધાનના નિવાસ 7, લોક કલ્યાણ માર્ગ પર મોદી 3.0 કેબિનેટની પ્રથમ બેઠકમાં પહોંચ્યા હતા. પીએમ નરેન્દ્ર મોદીની અધ્યક્ષતામાં યોજાયેલી આ બેઠકમાં જેપી નડ્ડા, પીયૂષ ગોયલ, નીતિન ગડકરી, નિર્મલા સીતારમણ, એસ જયશંકર, લલન સિંહ, જીતન રામ માંઝી, શિવરાજ સિંહ ચૌહાણ, ચિરાગ પાસવાન, ગિરિરાજ સિંહ સહિત ઘણા નેતાઓએ ભાગ લીધો હતો.
મોદી કેબિનેટની બેઠકમાં પીએમ આવાસ યોજના હેઠળ શહેરી અને ગ્રામીણ વિસ્તારોમાં 3 કરોડ ઘર બનાવવાનો નિર્ણય લેવામાં આવ્યો હતો. આ ઉપરાંત તમામ ઘરોમાં એલપીજી અને વીજળી કનેક્શન આપવાનો નિર્ણય બેઠકમાં લેવામાં આવ્યો હતો.
અમદાવાદ બુલેટ ટ્રેન પ્રોજેક્ટના બાંધકામ સ્થળોએ કર્મચારીઓની સલામતી સુનિશ્ચિત કરવા જાગૃતિ અભિયાનના ભાગરૂપે સમગ્ર કોરિડોરમાં 100 જુદા જુદા કામના સ્થળોએ ‘પ્રયાસ’ નામનું શેરી નાટક (શેરી નાટક) યોજવાનું આયોજન કરવામાં આવ્યું છે. પ્રથમ નાટક આજે મુંબઇ બુલેટ ટ્રેન સ્ટેશન સ્થળ પર યોજવામાં આવ્યું છે.
આ પહેલનો હેતુ કામદારોને આકર્ષક રીતે બાંધકામ સ્થળ પર સલામતીના મહત્વ વિશે જાગૃતિ લાવવા અને તેમને શિક્ષિત કરવાનો છે. આ પ્રદર્શનને ચાવીરૂપ સલામતીના વિષયો જેવા કે સાધનોનો યોગ્ય ઉપયોગ, સલામતીની માર્ગદર્શિકાઓનું પાલન, કટોકટીની પ્રતિભાવ પ્રક્રિયાઓ અને કામના સુરક્ષિત વાતાવરણને જાળવવાનું મહત્વ જેવા મુખ્ય સલામતીના વિષયોને આવરી લેવા માટે ડિઝાઇન કરવામાં આવ્યું છે.
યુ.પી., બિહાર, પશ્ચિમ બંગાળ, મહારાષ્ટ્ર અને ગુજરાત જેવા દેશના વિવિધ ભાગોમાંથી તૈનાત કામદારો માટે અને વિવિધ ભાષાકીય પૃષ્ઠભૂમિ ધરાવતા કામદારો માટે પ્રદર્શન સુલભ બને તે સુનિશ્ચિત કરતા, શેરી નાટકોની ભાષા સરળ અને સહજ રાખવામાં આવી છે.
નાટક, રમૂજ અને સંબંધિત દૃશ્યોને શેરી નાટકોમાં સમાવિષ્ટ કરવામાં આવ્યા છે, જેથી કામદારોનું ધ્યાન આકર્ષિત કરી શકાય અને સલામતી સંદેશાઓનો અસરકારક રીતે સંચાર કરી શકાય.
આ ઝુંબેશ આગામી છ (06) મહિના સુધી ચાલુ રહેશે, જે બુલેટ ટ્રેન કોરિડોર પર કાસ્ટિંગ યાર્ડ્સ, ટનલ શાફ્ટ, નિર્માણાધીન સ્ટેશનો, ડેપો, પુલો અને વાયડક્ટ્સને આવરી લે છે.
આ વિશે એનએચએસઆરસીએલના વહીવટી સંચાલક વિવેકકુમાર ગુપ્તાએ જણાવ્યું હતું “દરરોજ, 30,000 થી 40,000 થી વધુ કુશળ અને અકુશળ કામદારો અમારા બાંધકામ સ્થળ પર તેમનો ફાળો આપે છે. અમારી ટોચની પ્રાથમિકતા બુલેટ ટ્રેન પ્રોજેક્ટ સાથે સંકળાયેલા આ કામદારોની સુખાકારી અને સુરક્ષામાં વધારો કરવાની છે. આ ઝુંબેશ દ્વારા, અમે કાર્યબળમાં સલામતીના મહત્વને સ્થાપિત કરવાનું લક્ષ્ય રાખીએ છીએ.”
સોનાના ભાવ છેલ્લા એક મહિનાથી ભારે વોલેટાઈલ રહ્યા છે. સ્થાનિક અને આંતરરાષ્ટ્રીય સ્તરે ભાવ ઓલટાઈમ હાઈ બાદ કિંમતોમાં થોડી નરમાશ આવતી જોવા મળી રહી છે.ભૈતિક તણાવ અને સેન્ટ્રલ બેન્કોથી ખરીદીથી સોનાની કિંમતોને મળ્યો હતો સપોર્ટ. જ્યારે સોનાની કિંમતોમાં તેજી આવતા ગોલ્ડ ઈટીએફમાં પણ રોકાણ વધ્યું છે.
દેશમાં ગોલ્ડ ઈટીએફ રૂપિયા 827.43 કરોડનું રોકાણ નોંધાયુ છે. જ્યારે ગતવર્ષે ગોલ્ડ ઈટીએફમાં 103.12 કરોડનું રોકાણ થયુ હતું. 2024ના પ્રથમ પાંચ માસમાં ગોલ્ડ ઈટીએફમાં કુલ રૂ. 2459.78 કરોડનું ચોખ્ખુ રોકાણ નોંધાયુ છે.
વર્લ્ડ ગોલ્ડ કાઉન્સિલના રિપોર્ટ પ્રમાણે, વૈશ્વિક સ્તરે સતત 12 મહિને ગોલ્ડ ઈટીએફમાં વેચવાલી નોંધાયા બાદ મેમાં રોકાણ વધ્યું છે. મે-2024 દરમિયાન વૈશ્વિક સ્તરે ગોલ્ડ ઈટીએફમાં રોકાણ 0.5 અબજ ડોલરની વૃદ્ધિ થઈ છે.
ગોલ્ડ ETF શું છે?
ગોલ્ડ ઈટીએફ એ ભૌતિક સોનાની જેટલુ જ કિંમતી પરંતુ તેનું ઈલેક્ટ્રોનિક સ્વરૂપ છે. ગોલ્ડ ઈટીએફ (એક્સચેન્જ-ટ્રેડેડ ફંડ)નો ઉદ્દેશ ભૌતિક સોનાની કિંમતોને અનુસરતાં રોકાણકારોને તેની સમકક્ષ રિટર્ન આપવાનો છે. જેમાં સોનાની ગણતરી યુનિટમાં થાય છે. 1 યુનિટ=1 ગ્રામ. અર્થાત તમે લઘુત્તમ 1 ગ્રામ સોનાની ખરીદી ગોલ્ડ ઈટીએફ પેટે કરી શકો છો.
મુંબઈ: તાજેતરમાં એન્ટરટેઈનમેન્ટ ઈન્ડસ્ટ્રીમાંથી એક ખૂબ જ દુ:ખદ સમાચાર સામે આવ્યા છે. સમાચાર છે કે એક પ્રખ્યાત અભિનેત્રીએ પંખાથી લટકીને આત્મહત્યા કરી લીધી છે. તે અભિનેત્રી છે નૂર માલબીકા દાસ, જેણે વર્ષ 2023માં રિલીઝ થયેલી કાજોલની વેબ સિરીઝ ‘ધ ટ્રાયલ’માં કામ કર્યું હતું. પોલીસને નૂરનો મૃતદેહ તેના ફ્લેટમાં પંખા સાથે લટકતો મળી આવ્યો હતો. માનવામાં આવે છે કે નૂરે બેડરૂમના પંખા સાથે લટકીને આત્મહત્યા કરી લીધી છે. અભિનેત્રીના મૃત્યુના સમાચારથી સમગ્ર ઈન્ડસ્ટ્રીને આઘાત લાગ્યો છે.
પોલીસને કોણે જાણ કરી?
આ ઘટના વિશે વાત કરતા મુંબઈ પોલીસે જણાવ્યું કે ઓશિવરા પોલીસને અભિનેત્રીના પડોશીઓએ ફ્લેટમાંથી આવતી દુર્ગંધ અંગે જાણ કરી હતી. આ પછી માહિતી મળતાની સાથે જ પોલીસ અભિનેત્રીના ઘરે પહોંચી અને દરવાજો તોડીને નૂરના ફ્લેટમાં પ્રવેશ્યા તો પોલીસને અભિનેત્રીનો મૃતદેહ પંખાથી લટકેલી હાલતમાં જોવા મળ્યો. હાલ પોલીસે અભિનેત્રીના મૃતદેહને પોસ્ટમોર્ટમ માટે મોકલી આપ્યો છે. રિપોર્ટ આવ્યા બાદ જ વધુ માહિતી મળશે.
કોણ હતી નૂર મલબિકા?
તમને જણાવી દઈએ કે 32 વર્ષની નૂર મલબીકા આસામની રહેવાસી હતી. તેણે ઘણી હિન્દી ફિલ્મો અને વેબ સિરીઝમાં લીડ એક્ટ્રેસ તરીકે કામ કર્યું છે. જેમાં ‘સિકિયાં’, ‘વોકમેન’, ‘ટીખી ચટની’, ‘જગણ્યા ઉપાયા’, ‘ચાર્મસુખ’, ‘દેખી અનદેખી’, ‘બેકરોડ હસ્ટલ’ જેવી ફિલ્મોનો સમાવેશ થાય છે. આ સિવાય, તે છેલ્લે ડિઝની પ્લસ હોટસ્ટાર પર સ્ટ્રીમ થયેલી ‘ધ ટ્રાયલ’માં જોવા મળી હતી. આ શોમાં કાજોલ અને જીશુ સેનગુપ્તા પણ જોવા મળ્યા હતા. નૂર સોશિયલ મીડિયા પર પણ ઘણી એક્ટિવ હતી. તેણે પાંચ દિવસ પહેલા તેનો હસતો વીડિયો શેર કર્યો હતો, જેમાં તે એકદમ ગ્લેમરસ લાગી રહી હતી.
ભારતીય શેરબજારની સળંગ ત્રણ દિવસની તેજીને આજે વિરામ લાગ્યો છે. સેન્સેક્સ અને નિફ્ટી 50એ આજે સર્વોચ્ચ ટોચ નોંધાવ્યા બાદ પ્રોફિટ બુકિંગ વધતાં ઘટાડે બંધ રહ્યા હતા. રોકાણકારોની મૂડી આજે 1.67 લાખ કરોડ વધી છે.
સોના-ચાંદીની ચમકમાં ઘટાડો આવતો જોવા મળી રહ્યો છે. વૈશ્વિક બજારમાં ભાવ 23161 ડૉલરની આસપાસ કારોબાર કરી રહ્યા છે. તો સ્થાનિક બજારમાં શરૂઆતી કારોબારમાં ફ્લેટ કામકાજ જોવા મળ્યું. જ્યારે ચાંદી પણ મામૂલી તેજી સાથેનો કારોબાર જોવા મળી રહ્યો છે. નોંધનીય છે કે USના મજબૂત રોજગાર આંકડાઓના કારણે સોનાની કિંમતો પર દબાણ બન્યું. તો ક્રૂડ ઓઈલમાં ત્રણ સપ્તાહની નરમાશ બાદ સ્થિર કારોબાર રહ્યો, જ્યાં બ્રેન્ટના ભાવ 80 ડૉલરની પાસે પહોંચ્યા તો, તો nymex ક્રૂડમાં 75 ડૉલરની આસપાસ કારોબાર જોવા મળ્યો. ઉલ્લેખનીય છે કે ક્રૂડની કિંમતોને USમાં વ્યાજ દર ઘટવાની આશાએ સપોર્ટ મળતો દેખાયો.
મેટલ્સનીમાં પણ વેચવાલી સાથેનો કારોબાર જોવા મળ્યો. જ્યાં શરૂઆતી કારોબારમાં સ્થાનિક બજારમાં મોટાભાગની મેટલ્સમાં નરમાશ રહી. ઝિકમાં સૌથી વધુ વેચવાલી રહી. આ સાથે જ વૈશ્વિક બજારમાં કોપરના ભાવ ઘટીને 1 મહિનાના નીચલા સ્તરની પાસે પહોંચ્યા, માગ ઘટવાના કારણે અને ડૉલર ઇન્ડેક્સમાં નરમાશથી મેટલ્સની કિંમતો પર અસર જોવા મળી.
દેશના અનેક રાજ્યોમાં ચોમાસાનું આગમન થઈ ચૂક્યુ છે ત્યારે હવે ગુજરાતમાં પણ ધીરે ધીરે વરસાદી માહોલ જામી રહ્યો છે. ગુજરાતનાં કુલ 35 તાલુકાઓમાં વરસાદી માહોલ છવાયો છે. જેમાં એકથી ત્રણ ઈંચ સુધી મેઘ ખાબક્યો છે. તેમજ અમરેલીના બાબરામાં બે કલાકમાં 3 ઈંચ, છોટા ઉદેપુરના કવાંટમાં પોણા બે ઈંચ વરસાદ ખાબક્યો છે. અમદાવાદના એસજી હાઈવે, ઘાટલોડિયા, વસ્ત્રાપુર, પાલડી સહિતના વિસ્તારોમાં ભારે પવન સાથે વરસાદ આવ્યો હતો. તથા તિલકવાડા, ડોલવણ અને નાંદોદમાં સવા ઈંચથી વધુ જ્યારે જાંબુઘોડામાં એક ઈંચ વરસાદ પડયો છે.
રવિવારે સાંજના 4થી 6 વાગ્યા સુધીના 2 કલાકમાં રાજ્યનાં કુલ 35 તાલુકાઓમાં વરસાદી માહોલ છવાયો હતો, જેમાં સૌથી વધુ અમરેલીના બાબરા તાલુકામાં બે કલાકમાં ત્રણ ઈંચ વરસાદ ખાબક્યો હતો. આ ઉપરાંત છોટા ઉદેપુરના ક્વાંટમાં પોણા બે ઈંચ, નર્મદા જિલ્લાના તીલકવાડા અને નાંદોદમાં સવા ઈંચ અને તાપી જિલ્લાના ડોલવણ વ્યારા અને સોનગઢમાં પણ સવા ઈંચ જેટલો વરસાદ નોંધાયો હતો. તાપીના વ્યારા, જાંબુઘોડા સહિતના વિસ્તારોમાં પણ એક ઈંચ જ્યારે અમરેલીના ખંભાળિયા અને ભરૂચનાં નેત્રંગ તાલુકામાં અડધા ઈંચથી વધુ વરસાદ ખાબક્યો હતો. અમદાવાદમાં પણ રાતના આઠ વાગ્યા પછી વાતાવરણમાં પલટો આવ્યો હતો. ભારે પવન સાથે એસજી હાઈવે, પ્રહલાદનગર, મકરબા, ન્યૂ રાણિપ, જગતપુર, ઘોડાસર, ઈસનપુર, રખિયાલ મણિનગર, કાંકરિયા, પાલડી, વસ્ત્રાપુર, ઘાટલોડિયા સહિતના વિસ્તારોમાં ધોધમાર વરસાદ પડયો હતો.
વરસાદી માહોલ છવાતા વાતાવરણમાં ઠંડક પ્રસરી હતી. ભરૂચના શુક્લતીર્થ ગામમાં ભારે પવન ફુંકાતા વડનું વૃક્ષ ઘરાશાયી થતાં કાર અને રીક્ષા દબાઈ ગઈ હતી, જેમાં મહિલા સહિત ત્રણનાં મોત નીપજ્યા છે. આ ઉપરાંત વડોદરાના અકોટા ખાતે વીજળી પડતાં એક યુવકનું મોત નીપજ્યું હતું. સો વર્ષ જૂનું વૃક્ષ ધરાશાયી થતાં વૃક્ષ નીચે કાર અને રીક્ષા દબાઈ ગઈ હતી. રીક્ષામાં બેઠેલ એક મહિલાનું ઘટના સ્થળ પર જ જ્યારે કારમાં સવાર બે યુવકના સારવાર દરમિયાન મોત નીપજ્યાં હતાં. આ ઉપરાંત વડોદરાના અકોટામાં વીજળી પડતા એક આધેડનું મોત નીપજ્યું હતું.
ઉનાળા વેકેશનને પૂર્ણ થવાના આડે હવે ગણતરિના દિવસો બાકી છે. ત્યારે વિદ્યાર્થીઓ અને વાલીઓ અસમંજસમાં છે કે શાળાઓ ક્યારે શરૂ થઈ રહી છે. કારણ કે આજકાલ અફવાઓ ચાલી રહી છે કે ઉનાળું વેકેશન લંબાવવામાં આવ્યું છે. જોકે ગુજરાત બોર્ડ દ્ધારા આ બાબતે સ્પષ્ટાતા કરવામાં આવી છે કે શાળોઓમાં નવું શૈક્ષણિક સત્ર 13મી જૂનથી શરૂ થશે.
ગુજરાતમાં આ વખતે ગરમીના પ્રકોપાના કારણે રાજ્ય શાળા સંચાલક મંડળ અને વાલી અધિકાર ગ્રૂપ દ્વારા માંગ કરવામાં આવી હતી કે શાળાઓ 13મી જૂનના બદલે 20મી જૂનથી શરૂ કરવામાં આવે. જોકે આ અંગે હવે ગુજરાત શિક્ષણ બોર્ડ, પ્રાથમિક શિક્ષણ નિયામક અને અમદાવાદના DEO કચેરીના પદાધિકારીઓએ સ્પષ્ટતા કરી છે કે વેકેશનની તારીખ લંબાવવામાં નહીં આવે.
અમદાવાદ જિલ્લા શિક્ષણ અધિકારીએ આ મામલે જણાવ્યું હતું કે, ‘વાલીઓએ આવી ખોટી માહિતીથી દોરવાઈ જવું નહીં. વેકેશનની મુદત એક સપ્તાહ વધારવા માટેની એક અરજી શાળા સંચાલક મંડળ દ્વારા કરવામાં આવી હતી પરંતુ શાળાઓ રાબેતા મુજબ જ શરૂ થઈ રહી છે.
નોંધનીય છે કે ગુજરાત રાજ્ય શાળા સંચાલક મંડળે મુખ્યમંત્રીને આકરી ગરમીને કારણે વેકેશન લંબાવવા પત્ર લખ્યો હતો. જેમાં હીટવેવના કારણે શાળાના વેકેશનનો સમય એક અઠવાડિયા લંબાવવા રજૂઆત કરી હતી. સાથે જ લોકસભાની ચૂંટણી કારણે નવી માધ્યમિક અને ઉચ્ચતર માધ્યમિક શાળાઓની અરજીઓનો નિર્ણય પડતર હોવાની રજૂઆત કરી હતી. શાળાઓ 13 જૂનના બદલે 20 જૂને શરુ કરવા ભલામણ કરી હતી.
જોકે હવે શાળાઓમાંથી પણ વાલીઓના વોટ્સએપ ગ્રુપ પર નવું શૈક્ષણિક સત્ર 13 જૂનથી શરૂ થઈ રહ્યું છે એવા મેસેજ આવવાના શરૂ થઈ ગયા છે. માટે અફવાઓનો અંત આવતા વિદ્યાર્થીઓ પણ 13 જૂન અને ગુરુવારે શાળાએ જવાની તૈયારી કરવામાં લાગી ગયા છે.
નવી દિલ્હી: ગઈકાલેએટલે કે9મી જૂનના સતત ત્રીજી વખત નરેન્દ્ર મોદીએ પ્રધાનમંત્રી તરીકે શપથ ગ્રહણ કર્યા હતા. જેમાં લગભગ7000થી વધુ લોકો આમંત્રણ મોકલવામાં આવ્યું હતું. આ સાથે જ7 દેશના વડાઓ પણ શપથ ગ્રહણ મહોત્સવમાં હાજરી આપી હતી.
નરેન્દ્ર મોદી દેશના ત્રીજી વખત વડાપ્રધાન બની ગયા છે. પ્રધાનમંત્રી સાથે72 મંત્રીઓએ પણ શપથ લીધા હતા. આ સમારોહમાં દેશ-વિદેશના દિગ્ગજ નેતાઓ, બોલિવૂડ કલાકારો, વેપાર-જગતની હસ્તીઓ સહિત સાત હજારથી વધુ મહેમાનો ઉપસ્થિત રહ્યા હતા. ત્યારે શપથ ગ્રહણ મહોત્સવ દરમિયાન રાષ્ટ્રપતિ ભવનમાં એક અનોખી હલચલ જોવા મળી હતી. હાલ એ અજાણી અનોખી હલચલનો વિડિયો સોશિયલ મીડિયા પર ધૂમ મચાવી રહ્યો છે. સૂત્રોનું માનીએ તો આ પડછાયો કોઈ દીપડાનો હોય તેવી અટકળો લગાવવામાં આવી રહી છે. વિડિયો વાયરલ થવાની સાથે જ અનેક પ્રશ્ન પણ ઉભા થઈ રહ્યા છે. આ દીપડો રાષ્ટ્રપતિ ભવનમાં શું કરી રહ્યો છે? સાથે સુરક્ષાને લઈ પણ કેટલાક પ્રશ્નો ઉભા થઈ રહ્યા છે.
Is that a wild animal in the background, strolling in the Rashtrapati Bhawan? pic.twitter.com/OPIHm40RhV
— We, the people of India (@India_Policy) June 10, 2024
(સૌજન્ય: we, the people of india)
દીપડાનો વાયરલ થયેલો વીડિયો 12 સેકન્ડનો છે, જેમાં શપથ લીધા બાદ મંત્રી દુર્ગાદાસ હસ્તાક્ષર કરતા જોવા મળી રહ્યા છે. આ દરમિયાન તેમની પાછળ રાષ્ટ્રપતિ ભવનની સીડીઓ પર એક જંગલી પ્રાણી પસાર થતો જોવા મળી રહ્યો છે. જોકે આ કયું જંગલી પ્રાણી છે, તે હજુ સુધી સ્પષ્ટ થઈ શક્યું નથી. પરંતુ એવો અંદાજ લગાવી રહ્યો છે કે, આ દીપડો હતો.
વીડિયોમાં દેખાતા પ્રાણીના ચિત્ર પરથી એવો અંદાજ લગાવી રહ્યો છે કે, આ લગભગ દીપડો જ હતો. કેટલાક લોકોનું કહેવું છે કે, ત્યાં કદાચ કોઈ પાલતુ પ્રાણી છે. જોકે હજુ સુધી આ વિડિયોને કોઈ પુષ્ટિ સામે આવી નથી. બીજી તરફ સોશિયલ મીડિયા યુઝર્સે આ વીડિયોની ખરાઈ પર પણ શંકા વ્યક્ત કરી રહ્યા છે.
