દેશમાં લોકસભા ચૂંટણીના છ તબક્કા પૂર્ણ થઈ ગયા છે. સાતમા તબક્કાની ચૂંટણી હજુ 1 જૂને થવાની છે. દરમિયાન પીએમ મોદી તેમના ચૂંટણી પ્રચારના સમાપન પર 30 મેથી 1 જૂન સુધી કન્યાકુમારીની મુલાકાત લેશે. પીએમ મોદી કન્યાકુમારીમાં રોક મેમોરિયલની મુલાકાત લેશે અને 30 મેની સાંજથી 1 જૂનની સાંજ સુધી ધ્યાન મંડપમમાં તે જ સ્થળે દિવસ-રાત ધ્યાન કરશે જ્યાં સ્વામી વિવેકાનંદે ધ્યાન કર્યું હતું.
PM છેલ્લી વખત કેદારનાથ ગયા હતા
એ વાત જાણીતી છે કે 2019ની લોકસભા ચૂંટણી દરમિયાન પણ છેલ્લા તબક્કાના મતદાન દરમિયાન પીએમ મોદીએ કેદારનાથની મુલાકાત લીધી હતી અને ત્યાંની રુદ્ર ગુફામાં ધ્યાન પણ કર્યું હતું. તે સમયે તેમની મુલાકાતની ખૂબ ચર્ચા થઈ હતી અને આજે પણ તેમની તસવીરો સોશિયલ મીડિયા પર વાયરલ થાય છે. બીજેપી અધિકારીઓએ જણાવ્યું હતું કે તેમના આધ્યાત્મિક રોકાણના સ્થળ તરીકે કન્યાકુમારીને પસંદ કરવાનો મોદીનો નિર્ણય દેશ માટે વિવેકાનંદના વિઝનને સાકાર કરવાની તેમની પ્રતિબદ્ધતાને દર્શાવે છે. 4 જૂને મતગણતરી બાદ તેઓ ત્રીજી વખત સત્તામાં પાછા ફરવાનો વિશ્વાસ ધરાવે છે. 1 જૂને છેલ્લા તબક્કાનું મતદાન થવાનું છે. ચૂંટણીના બે દિવસ પહેલા ચૂંટણીનો પ્રચાર પૂર્ણ થાય છે.
રાજકોટ શહેર કોંગ્રેસ સમિતિ પ્રમુખ અતુલ રાજાણીનો નંબર 99799 00100 જાહેર કરવામાં આવ્યો છે. આ નંબર પર લોકોને થતી મુશ્કેલીઓ, પરેશાનીઓ કે હાડમારીઓ અંગેની વિગતો મોકલી આપવા અપીલ કરવામાં આવી છે. કોંગ્રેસ સમિતિ મદદકર્તા બનશે.વધુમાં પરેશ ધાનાણીએ કહ્યું, “બનાવના દિવસે કોંગ્રેસના આગેવાનો સવારના પાંચ સુધી સતત હોસ્પિટલો ઉપર પીડિત પરિવારોને શક્ય એટલી મદદરૂપ બનેલ હતા. હૃદય થીજી જાય એવા દ્રશ્યોના તાજનો સાક્ષી હું પણ છું. 26 તારીખે બનાવના બીજા દિવસે પણ કેટલીક વ્યક્તિઓના માનવ અવશેષો પ્રાપ્ત થયા હતા બપોરે બીજી શિફ્ટમાં પણ મૃતદેહો અવશેષો પ્રાપ્ત થયા અંદાજે 44 જેટલા સબ હોવાનું જાણવા મળેલ છે. ગુમ થયેલા આંકડામાં વિસંગતતા છે. સિવિલ હોસ્પિટલમાં કેટલાયના પીએમ કર્યા આજે પ્રસિદ્ધ થયા નથી. સર્જન, કલેકટર, કલેક્ટર પોલીસ કમિશનર તરફ ખો આપે છે અને દરેકના આંકડાઓ જુદા જુદા હોય અને દરેકના આંકડામાં વિસંગતતા જોવા મળે છે. પોસ્ટમોર્ટમ પછી પણ સાચો આંકડો સિવિલ સર્જન છુપાવતા હોય તેવું સ્પષ્ટ જણાય છે. સીટના વડાના ગઈકાલના નિવેદનમાં જણાવ્યું છે કે 3000 સેન્ટિગ્રેડ જેટલું તાપમાન હતું ત્યારે હાલ આપણે 45 ડિગ્રીમાં પણ તોબા લઈ જાય છે ત્યારે 3000 જેટલા ડિગ્રી તાપમાનમાં એક સળી પણ ટકી શકે નહીં ગુંગળામણને કારણે પણ ભૂલકાઓ મૃત્યુ પામ્યા છે. ઊંચા તાપમાનને કારણે આગમાં ખાખ થયા છે. રાખ થવાની સંભાવના છે કેટલીય માતાઓએ પોતાના વ્હાલસોયા ભૂલકાઓ ગુમાવ્યા છે. SIT જવાબદાર એવા તમામ ગુનેગારો સાથે એ FIR કરે તેવી અપેક્ષા છે આ ઘટનાના ભોગ બનેલા મૃત્યોને અવશેષો નહીં મળે ત્યારે ગુમ થયેલા માટે અને સાચો આંકડો મળે તે માટે આજુબાજુના CCTV કેમેરા કબજે કરવા તેમજ બિનવારસી વાહનોની પણ તપાસ કરી સત્ય સુધી પહોંચવાનું પ્રયત્ન થવો જોઈએ.”
લલિત કગથરાએ કહ્યું, “સરકાર જે પ્રકારે વડોદરા ખાતેની સુરતની અને મોરબી ખાતેની ઘટનામાં જે રૂટિન પ્રક્રિયા મુજબ સરકાર પગલાં ભરી રહી છે. જે પ્રકારે તપાસ થઈ રહી છે નાના માછલાંઓ પકડી સંતોષ માની રહી છે સરકારનો બદઈરાદો હોય એવું સ્પષ્ટ જણાય છે હાલ ચાર-ચાર વર્ષથી ગેમ ઝોન ચાલતું હોય બહારનો ગેટ ન હોય વેન્ટિલેશન ન હોય ચાર વર્ષથી કેવી રીતે ચાલતું હોય? દુર્ઘટના બાદ કમિશનર અને પદાધિકારીઓ માત્ર નાના કર્મચારીઓને સસ્પેન્ડ કરે અને મોટાં માથાઓ બચી જાય આવું ન ચાલે. આવા ઉચ્ચ અધિકારીઓને પણ ઘર ભેગા કરવા જોઈએ.”
દિલ્હી ભાજપના નેતા પ્રવીણ શંકર કપૂરે અરવિંદ કેજરીવાલ અને શિક્ષણ મંત્રી આતિશી વિરુદ્ધ કોર્ટમાં ફોજદારી માનહાનિની ફરિયાદ દાખલ કરી હતી. AAP નેતા આતિશીએ આરોપ લગાવ્યો હતો કે ભાજપ આમ આદમી પાર્ટીના ધારાસભ્યોને ખરીદવાનો પ્રયાસ કરી રહી છે. ભાજપના નેતાએ આ નિવેદન સામે માનહાનિનો કેસ દાખલ કર્યો હતો. રાઉઝ એવન્યુ કોર્ટે ભાજપ મીડિયા ચીફ પ્રવીણ શંકર કપૂરના માનહાનિનો કેસ સ્વીકાર્યો. દિલ્હી લિકર પોલિસી કેસમાં આમ આદમી પાર્ટીના ટોચના નેતાઓ પહેલાથી જ જેલમાં છે. તે જ સમયે, લેફ્ટનન્ટ ગવર્નર વી. કે. સક્સેનાએ દિલ્હી સરકાર સામેના ઘણા કેસોની તપાસના આદેશ આપ્યા છે.