નવી દિલ્હીઃ દિલ્હી-NCR સહિત ઉત્તર ભારતમાં હાલના દિવસોમાં કાળઝાળ ગરમી પડી રહી છે. વધતા તાપમાન અને હીટવેવથી લોકો હેરાન-પરેશાન છે. હવે વીજકાપે દિવસનું સુખચેન અને રાતની ઊંઘ ખરાબ કરી નાખી છે. ગરમીથી બચવા એસી-કુલર અને પંખા દિવસ-રાત ચાલી રહ્યા છે. એને કારણે દિલ્હીમાં વીજમાગ વધી ગઈ છે.
દિલ્હીમાં સૌપ્રથમ વાર વીજની માગ 8000 MW થઈ હતી. રેકોર્ડ સ્તરે વીજ માગ હોવાને કારણે વીજ કાપનું સંકટ વધી ગયું છે. દિલ્હીના કેટલાક વિસ્તારો સહિત NCRના નોએડા, ગુરુગ્રામ અને ગાઝિયાબાદના કેટલાક ભાગોમાં હાલના દિવસોમાં વીજકાપથી લોકો હેરાન-પરેશાન છે.
દિલ્હીમાં મંગળવારે બપોરે ત્રણ કલાક સુધી પીક વીજ માગ 7717 મેગાવોટ સુધી પહોંચી હતી. એ દિલ્હીના ઇતિહાસમાં સૌપ્રથમ વાર થયું હતું. આ પહેલાં 29 જૂન, 2022એ વીજ માગ 7695 MW હતી.
દિલ્હી સરકારમાં મંત્રી આતિશીએ બુધવારે પત્રકારોને જણાવ્યું હતું કે મેમાં વીજ માગ પિક પર પહોંચી હતી, જેથી અંદાજ લગાવી શકાય છે કે જુલાઈ અને ઓગસ્ટમાં એ ઓર વધવાની શક્યતા છે. મે મહિનાની અપેક્ષાએ જુલાઈ, ઓગસ્ટમાં વીજ માગ 20 ટકા વધવાની શક્યતા છે.
દિલ્હીના કેટલાક વિસ્તારો સહિત નોએડાના 15 સેક્ટર સહિત ગામોમાં પણ સ્થિતિ બહુ ખરાબ છે. ગ્રેટર નોએડા અત્યાર સુધી નો પાવર કટ ઝોનના નામથી ઓળખાય છે. કેટલાક કલાકોના વીજકાપને પગલે લોકો હવે રસ્તાઓ પર ઊતરી રહ્યા છે.
પાટનગર ગાંધીનગરના રાજ માર્ગ પર આવેલ કોબા જૈન તીર્થ ખૂબ જ રમણીય છે. એ તીર્થના પ્રેરણાદાતા પૂજ્ય આચાર્ય શ્રી પદ્મસાગરસૂરિશ્વરજી મહારાજ સાહેબ છે. બે માળનું ભવ્ય જિનાલય છે. ઉપરના ભાગમાં મૂળનાયક શ્રી મહાવીર સ્વામી છે. નીચે ભૂમિગૃહમાં શ્રી આદિનાથ ભગવાનની રમણીય પ્રતિમા છે. કોબા જૈન આરાધના કેન્દ્ર જ્યાં જૈન ધર્મનું એક વિશાળ સંગ્રહાલય છે. મહાવીરાલય અને ગુરુમંદિર પણ કોબાના આ જૈન તીર્થમાં આવેલા છે.
દર વર્ષે મે મહિનાની 22 તારીખે 2-07 મિનિટે મહાવીર સ્વામીના કપાળે સૂર્યતિલકની ઘટનાથી આ જૈન તીર્થ વધુ પ્રચલિત બને છે. ભગવતીભાઇ સોમપુરાએ જ્યારે આ તીર્થ બનાવ્યું ત્યારે કોઠાસુઝ વાપરી સૂર્યતિલક મહાવીર સ્વામીના ભાલે થાય એવી રીતે નિર્માણ કર્યું હતું. એમણે આંતરસુઝથી શિખર-છત પર એક છીદ્ર રાખ્યું હતું. જેના કારણે મહાવીર સ્વામીના લલાટે આ અવિસ્મરણિય ઘટના દર વર્ષે જોઇ શકાય છે.