આમિર ખાનના દીકરા જુનૈદ ખાનની ફિલ્મ ‘એક દિન’નું ટ્રેલર રિલીઝ થઈ ગયું છે. ટ્રેલરમાં જુનૈદ ખાન અને સાઈ પલ્લવીની રોમેન્ટિક કેમેસ્ટ્રી સ્પષ્ટ દેખાય છે.
જુનૈદ ખાન અને સાઈ પલ્લવીની ફિલ્મ ‘એક દિન’નું રોમેન્ટિક ટ્રેલર તાજેતરમાં રિલીઝ થયું હતું. આમિર ખાન પ્રોડક્શનની આ ફિલ્મનું ટાઇટલ ટ્રેક તાજેતરમાં રિલીઝ થયું હતું. નિર્માતાઓએ આજે ”એક દિન” નું ટ્રેલર રિલીઝ કરીને ચાહકોને ખુશ કર્યા છે.
નિર્માતાઓની પોસ્ટ
આમિર ખાન દ્વારા નિર્મિત “એક દિન” નું ટ્રેલર આજે રિલીઝ થયું. આમિર ખાન પ્રોડક્શન્સે ઇન્સ્ટાગ્રામ પર ટ્રેલર શેર કર્યું. નિર્માતાઓએ પોસ્ટમાં લખ્યું, “ક્યારેક એક દિવસ પણ પૂરતો હોય છે.” આ ફિલ્મ 1 મે, 2026 ના રોજ સિનેમાઘરોમાં રિલીઝ થશે.
“એક દિન” ફિલ્મનું ટ્રેલર નસીબના ઘંટના દ્રશ્યથી શરૂ થાય છે, જેને બધા પ્રેમીઓ તેમના સાચા પ્રેમને શોધવા માટે પોતાનું નસીબ અજમાવવા માટે વગાડે છે. આ દ્રશ્યમાં જુનૈદ એક ઇચ્છા પણ કરે છે, “કાશ મીરા (સાઈ પલ્લવી) તેની બને, ભલે તે ફક્ત એક દિવસ માટે હોય.” આ ફિલ્મમાં સાઈ અને જુનૈદની પ્રેમકથા શરૂ થાય છે.
“એક દિન” ક્યારે રિલીઝ થશે?
“એક દિન” સુનીલ પાંડે દ્વારા દિગ્દર્શિત છે. તે એક રોમેન્ટિક ડ્રામા ફિલ્મ છે. તે 1 મે, 2026 ના રોજ સિનેમાઘરોમાં રિલીઝ થશે. આમિર ખાન પ્રોડક્શન્સના બેનર હેઠળ નિર્મિત આ ફિલ્મમાં જુનૈદ ખાન અને સાઈ પલ્લવી મુખ્ય ભૂમિકામાં છે. તે 2016 ની થાઈ ફિલ્મ “વન ડે” ની રિમેક છે.
અમદાવાદ: ભારત સરકારે 28 ફેબ્રુઆરી, 2026 સુધીમાં સોલાર પાર્ક અને અલ્ટ્રા-મેગા સોલાર પાવર પ્રોજેક્ટ્સ વિકાસ યોજના હેઠળ 54 સોલાર પાર્કને મંજૂરી આપી છે. આમાંથી સાત સોલાર પાર્ક ગુજરાતમાં છે. આ યોજના હેઠળ 12,150 મેગાવોટ (MW) મંજૂર વીજઉત્પાદન ક્ષમતા સાથે ગુજરાત રાજ્ય પ્રથમ ક્રમે છે. કેન્દ્રીય નવી અને નવીનીકરણીય ઊર્જા અને ઊર્જા રાજ્યમંત્રી શ્રીપાલ યેસો નાઈકે 10 માર્ચ, 2026એ રાજ્યસભામાં સાંસદ પરિમલ નથવાણી દ્વારા પૂછવામાં આવેલા સવાલનો લેખિત જવાબ આપતાં આ માહિતી ઉપબલ્ધ બનાવી હતી.
ગુજરાત પછી, રાજસ્થાન 10,726 મેગાવોટની મંજૂર વીજઉત્પાદન ક્ષમતા ધરાવતા કુલ 11 સોલાર પાર્ક સાથે બીજા ક્રમે છે. દેશમાં 54 સોલાર પાર્કની કુલ મંજૂર વીજ ઉત્પાદન ક્ષમતા 39,188 મેગાવોટ છે. આ પ્રોજેક્ટ્સના અમલીકરણમાં આવતી મુશ્કેલીઓ વિશે વાત કરતાં તેમણે જણાવ્યું હતું કે સોલાર પાર્ક યોજના સહિત સૌર ઊર્જા પ્રોજેક્ટના અમલીકરણમાં આવતા મુખ્ય પડકારોમાં મુખ્યત્વે જમીન સંપાદન, ટ્રાન્સમિશન ઇન્ફ્રાસ્ટ્રક્ચર બનાવવા અને રિન્યુએબલ એનર્જી પ્રોજેક્ટ્સના વિકાસ માટેની સમયરેખા સાથે તાલમેલ સાધવો અને ટેરિફ અપનાવવામાં વિલંબ વગેરેનો સમાવેશ થાય છે. તેમણે જણાવ્યું હતું કે મંત્રાલય સંબંધિત રાજ્યો/કેન્દ્ર શાસિત પ્રદેશો અને અન્ય હિતધારકો સાથે નિયમિત બેઠકો અને વાતચીત દ્વારા આ પડકારોને હળવા કરવા માટેના તમામ જરૂરી પ્રયાસો કરી રહ્યું છે.
નથવાણી અલ્ટ્રા મેગા સોલાર પાવર પ્રોજેક્ટ્સ યોજના હેઠળ વિકસિત અથવા વિકસાવવામાં આવી રહેલા સોલાર પાર્કની સંખ્યા, દેશમાં આ સોલાર પ્રોજેક્ટ્સની મદદથી ઉર્જા ઉત્પાદનના લક્ષ્યાંકોની વિગતો અને આ યોજનાના અમલીકરણમાં આવતા મુખ્ય પડકારોને દૂર કરવા માટે સરકાર દ્વારા લેવામાં આવેલા પગલાં વિશે જાણવા માગતા હતા.
નવી દિલ્હીઃ ઈરાન યુદ્ધ બાદ દેશમાં LPGની અછત દેખાવા લાગી છે. યુદ્ધની અસર હવે ભારત સુધી પહોંચી ગઈ છે. ગેસ સિલિન્ડર માટે અનેક જગ્યાએ મારામારી જેવી સ્થિતિ છે. ક્યાંક સિલિન્ડર ચોરી થઈ રહ્યા છે તો ક્યાંક ગેસ ભરાવવા લોકો લાંબી લાઈનમાં ઊભા છે. વિરોધ પક્ષ પણ આ મુદ્દે સરકારને ઘેરવા સંસદ પરિસરમાં વિરોધ પ્રદર્શન કરી રહ્યો છે. ગેસની અછતને લઈને દેશમાં શું સ્થિતિ છે, આવો જાણીએ.
ઝાંસીમાં ગેસ ડિપો બહારથી સિલિન્ડર ચોરી
ઝાંસીમાં ગેસ ડિપોના બહારથી ચોરી થયેલા 524 ભરેલાં LPG સિલિન્ડર મળી આવ્યાં છે. ચોરો ડિપો બહાર ઊભેલા સિલિન્ડર ભરેલા ટ્રકને ચોરી કરી લઈ ગયા હતા. પોલીસે ખાલી ટ્રક તો પહેલેથી જ કબજે લીધો હતો. તપાસમાં ખૂલ્યું હતું કે ઝાંસીની એક ગેસ એજન્સીને આ સિલિન્ડર 13 લાખ રૂપિયામાં વેચવામાં આવ્યા હતા. આ મામલે પોલીસે ગેસ એજન્સીના માલિક સહિત સાત આરોપીઓને ધરપકડ કરી છે.
લખનૌમાં ગેસ ગોડાઉન બહાર લાંબી લાઈન
લખનૌમાં ગેસ એજન્સી અને ગોડાઉન બહાર આજે પણ લાંબી કતારો જોવા મળી રહી છે. શું ખરેખર LPG સિલિન્ડર મળી રહ્યા નથી કે લોકો ડરને કારણે પહેલેથી જ સિલિન્ડર લઈને ઘરે રાખવા માગે છે? લખનૌના એક ગોડાઉન બહાર લોકોની મોટી ભીડ જોવા મળી. લોકોનું કહેવું છે કે ગેસ ખતમ થયા પછી પણ સિલિન્ડર ઘરે પહોંચતો નથી, તેથી તેઓ જાતે લેવા આવ્યા છે. ઓનલાઈન બુકિંગ કર્યા છતાં હોમ ડિલિવરી નથી મળી રહી. ભોપાલમાં પણ ગેસ એજન્સી બહાર આવાં જ દૃશ્ય જોવા મળ્યાં, જ્યાં લોકો લાંબી લાઈનમાં ઊભા રહ્યા હતા.
કોલકાતામાં LPGની અછત
કોલકાતાના વિવિધ વિસ્તારોમાં LPGની અછત સામે આવી રહી છે. ખાસ કરીને શહેરના મોટા ભાગના ઓટો રૂટ અસરગ્રસ્ત બન્યા છે, કારણ કે તેમને LPG (ઓટો ગેસ) મળી રહ્યો નથી. દક્ષિણ કોલકાતાના તારાતલા વિસ્તારમાં ઓટોની લાઈન લગભગ 1.5 કિમી લાંબી જોવા મળી. કેટલાક લોકો ગઈ કાલ રાતથી તો કેટલાક આજે સવારથી લાઈનમાં ઊભા રહ્યા હતા. દરેક વ્યક્તિ LPG રિફિલિંગ માટે કલાકો સુધી રાહ જોઈ રહી હતી.
ન્યુ યોર્કઃ ઈરાન અને અમેરિકા-ઇઝરાયેલ વચ્ચે ચાલી રહેલા યુદ્ધ વચ્ચે એક મોટો ખુલાસો થયો છે. અહેવાલો મુજબ માર્યા ગયેલા ઈરાનના સર્વોચ્ચ નેતા આયાતોલ્લા અલી ખોમિની પોતાના પુત્ર મોજતબા ખોમિનીને પોતાના ઉત્તરાધિકારી તરીકે બનાવવાના પક્ષમાં નહોતા. એક રિપોર્ટ અનુસાર ખોમિનીએ પોતાની વસિયતમાં સ્પષ્ટ રીતે મોજતબાને આ પદથી દૂર રાખવાની વાત લખી હતી.
ખોમિનીની વસિયત અને મોજતબાનો વિરોધ
ઈરાનના વિરોધી જૂથ ‘નેશનલ યુનિયન ફોર ડેમોક્રસી’ના રિસર્ચ ડિરેક્ટર ખુસરો ઇસ્ફહાનીએ ઈરાની ગુપ્તચર નેટવર્કના હવાલાથી મોટા દાવા કર્યા છે. ખોમિનીએ પોતાની વસિયતમાં સ્પષ્ટ લખ્યું હતું કે મોજતબાને ઉત્તરાધિકારી ન બનાવવામાં આવે. તેમનું માનવું હતું કે તેમના પુત્ર પાસે ઈરાન જેવા દેશને ચલાવવા માટે જરૂરી અનુભવ અને ક્ષમતા નથી. નિષ્ણાતોનું કહેવું છે કે મોજતબા એક “મહત્ત્વાકાંક્ષી પરંતુ અનુભવહીન” વ્યક્તિ છે, જેમણે પોતાના પિતાના નામ સિવાય રાજકારણમાં કોઈ મોટી સિદ્ધિ હાંસલ કરી નથી.
IRGCના દબાણથી થઈ ‘ગેરકાયદે’ નિમણૂક
ઈરાનમાં સર્વોચ્ચ નેતાની પસંદગી ‘એસેમ્બલી ઓફ એક્સપર્ટ્સ’ દ્વારા થાય છે, પરંતુ મોજતબાની નિમણૂક સામાન્ય પ્રક્રિયા મુજબ થઈ નહોતી. દાવો કરવામાં આવ્યો છે કે એસેમ્બલીમાં થયેલા મતદાન દરમિયાન મોજતબાને બહુમતી મળી નહોતી અને ઘણા મૌલવીઓએ તેમના નામનો આકરો વિરોધ કર્યો હતો. જ્યારે એસેમ્બલી કોઈ નિર્ણય પર પહોંચી શકી નહોતી, ત્યારે શક્તિશાળી IRGCએ હસ્તક્ષેપ કર્યો હતો. કહેવાય છે કે IRGCના ભારે દબાણ અને ધમકીઓ સામે ઝૂકી એસેમ્બલીને મોજતબાના નામ પર મંજૂરી આપવી પડી. વિરોધ સ્વરૂપે ઘણા મૌલવીઓએ એ બેઠકનો બહિષ્કાર પણ કર્યો હતો.
ડોનાલ્ડ ટ્રંપની નારાજગી — આ સ્વીકાર્ય નથી
રાષ્ટ્રપતિ ડોનાલ્ડ ટ્રંપે મોજતબાની નિમણૂકને સંપૂર્ણપણે નકારી કાઢી છે. ટ્રંપે કહ્યું હતું કે મોજતબા શાંતિથી રહી શકશે નહીં. તેમના મુજબ, જો ઈરાન ખોમિનીની નીતિઓ પર ચાલનાર નેતા પસંદ કરશે તો અમેરિકા પાંચ વર્ષ પછી ફરી યુદ્ધના મેદાનમાં ઊતરવું પડી શકે છે. તેમણે આકરા શબ્દોમાં કહ્યું હતું કે તહેરાને તેમની સહમતી વિના કોઈ નેતાની નિમણૂક કરવી નહોતી જોઈએ. ટ્રંપે મોજતબાને “લાઇટવેઇટ” નેતા ગણાવ્યા હતા.
દર વર્ષે,માર્ચ મહિનાના બીજા બુધવારે નો સ્મોકિંગ ડે (No Smoking Day)તરીકે ઉજવવામાં આવે છે. આ દિવસ ધૂમ્રપાનના ખરાબ પ્રભાવોને ઉજાગર કરવા અને લોકોને ધૂમ્રપાન છોડવા માટે પ્રોત્સાહિત કરવા માટે ઉજવવામાં આવે છે.
1984માં આયર્લેન્ડમાં સૌપ્રથમ વખત નો સ્મોકિંગ ડે ઉજવવામાં આવ્યો હતો. ત્યારબાદ, 1920 ના દાયકામાં ડોકટરોના અહેવાલોમાં ધૂમ્રપાનને કેન્સર અને અન્ય રોગો સાથે જોડવામાં આવ્યું હતું. સંશોધકો માને છે કે આ દિવસ ઉજવવો અસરકારક સાબિત થયો છે, 10 માંથી એક કરતા ઓછા લોકો ધૂમ્રપાન છોડી દે છે. પરંતુ જો સિગારેટ આટલી ખતરનાક અને જીવલેણ હોય, તો શા માટે અને તેની શોધ કોણે કરી? આજે તે વિષય પર વાત કરીએ.
તમારી આસપાસ એવા ઘણા લોકો હશે જે દિવસમાં બે કે ત્રણ પેકેટ સિગારેટ પીવે છે અથવા તેના વ્યસની છે. છેલ્લા કેટલાક વર્ષોમાં ધૂમ્રપાનનું પ્રમાણ ઝડપથી વધ્યું છે.
પણ શું તમે જાણો છો કે સિગારેટની ઉત્પત્તિ કેવી રીતે થઈ? ટોબેકો ઇન હિસ્ટ્રી પુસ્તકના લેખક જોર્ડન ગુડમેન માને છે કે તેઓ કોઈ ચોક્કસ વ્યક્તિનું નામ લેવાનું ટાળશે, પરંતુ અમેરિકાના ડ્યુક જેમ્સ બુકાનનને સિગારેટના ઉદ્ભવકર્તા માનવામાં આવે છે.
જેમ્સ બુકાનન ડ્યુક માત્ર સિગારેટના વર્તમાન સ્વરૂપ માટે જવાબદાર નહોતા, પરંતુ તેમણે તેમના માર્કેટિંગમાં પણ મહત્વપૂર્ણ ભૂમિકા ભજવી હતી.
તેમણે સિગારેટના વિતરણમાં પણ મુખ્ય ભૂમિકા ભજવી હતી, જેના કારણે તે વિશ્વભરમાં ખૂબ લોકપ્રિય બની હતી.
1880માં, ડ્યુક માત્ર 24 વર્ષના હતા જ્યારે તેમણે હાથથી ફેરવાતી સિગારેટના વ્યવસાયમાં પ્રવેશ કર્યો, જોકે તે સમયે તે ખૂબ લોકપ્રિય નહોતું.
ડ્યુકે પાછળથી મશીન દ્વારા સિગારેટ બનાવવાનું શરૂ કર્યું, એવું માનીને કે લોકો હાથથી વળેલી સિગારેટ કરતાં એકસમાન કદની સિગારેટ પસંદ કરશે.
નવી દિલ્હીઃ ઇઝરાયેલ, અમેરિકા અને ઇરાન વચ્ચે ચાલી રહેલા ભયંકર યુદ્ધને કારણે મધ્ય-પૂર્વમાં સંકટની સ્થિતિ ઊભી થઈ છે. ગલ્ફ દેશોમાં વધેલા તણાવની અસર હવે ભારત પર પણ જોવા મળી રહી છે. તેને કારણે અનેક વ્યવસાયો મુશ્કેલીમાં મુકાયા છે. જોકે ભારતે અમેરિકાથી એક મેટ્રિક ટન ગેસની આયાત કરવાનો નિર્ણય કર્યો છે. જોકે એલપીજી પર નિર્ભર રેસ્ટોરાં, સ્ટ્રીટ ફૂડ વેચાણકારો, ઓટો રિક્ષાચાલકો અને કપડાં ધોવાની સેવાઓ આપતા લોકોનું કહેવું છે કે ગેસની અછતને કારણે તેમનું દૈનિક કામકાજ પ્રભાવિત થઈ રહ્યું છે.
LPGની સપ્લાય કેમ પ્રભાવિત થઈ રહી છે?
LPG સપ્લાય પ્રભાવિત થવાનું મુખ્ય કારણ અમેરિકા-ઇઝરાયેલ અને ઇરાન વચ્ચે ચાલી રહેલો સંઘર્ષ છે. આ યુદ્ધના કારણે હોર્મુઝ જળમાર્ગમાંથી પસાર થતી જહાજોની અવરજવર પર અસર પડી છે, જે વૈશ્વિક ઊર્જા પુરવઠા માટે અત્યંત મહત્વનો સમુદ્રી માર્ગ છે. ભારતના LPG આયાતનો મોટો હિસ્સો ઇરાન અને ઓમાન વચ્ચે આવેલા આ સંકુચિત માર્ગથી પસાર થાય છે, જે ખાડીને ઓમાનની ખાડી અને અરબી સમુદ્ર સાથે જોડે છે. જહાજોની અવરજવર પ્રભાવિત થતાં ભારત સુધી LPG પહોંચવામાં વિલંબ થઈ રહ્યો છે.
સરકારે ઉત્પાદન વધારવા આપ્યા નિર્દેશ
LPG સપ્લાયમાં વિક્ષેપની શક્યતાઓ વચ્ચે ભારત સરકારે ઓઇલ રિફાઇનરીઓને LPG ઉત્પાદન વધારવા સૂચના આપી છે. તેનો હેતુ એ છે કે ઉપલબ્ધ ગેસનો મોટા ભાગનો હિસ્સો ઘરેલુ LPG સિલિન્ડર પર નિર્ભર પરિવારોને મળી રહે.
શિપમેન્ટમાં વિલંબ ચિંતાનો વિષય
શિપિંગ ઉદ્યોગના અંદાજ મુજબ અમેરિકાથી અથવા નોર્વેમાંથી ગેસ કાર્ગો લઈને ભારત આવનારા જહાજોને આવવા-જવામાં લગભગ બે મહિના લાગી શકે છે. અધિકારીઓના જણાવ્યાનુસાર નવા ઓર્ડર આપ્યા બાદ શિપમેન્ટ મળવામાં સ્વાભાવિક રીતે થોડો સમય લાગે છે. ટૂંકા ગાળામાં સપ્લાય તંગ રહી શકે છે, પરંતુ સમય જતા ગેસની ઉપલબ્ધતા સ્થિર થવાની શક્યતા છે, જોકે તાત્કાલિક મુશ્કેલીઓ રહી શકે છે.
આ ક્ષેત્રોને મળશે પ્રથમ પ્રાથમિકતા
પશ્ચિમ એશિયામાં સંઘર્ષને કારણે આયાતી ગેસ સપ્લાય પ્રભાવિત થતા કેન્દ્ર સરકારે દેશી પ્રાકૃતિક ગેસના વહેંચણી માટે નવી પ્રાથમિકતા યાદી જાહેર કરી છે. નવી વ્યવસ્થામાં LPG ઉત્પાદનને CNG અને પાઇપ મારફતે મળતી રસોઈ ગેસ (PNG) સાથે સર્વોચ્ચ પ્રાથમિકતા આપવામાં આવી છે.
નવી દિલ્હીઃ ઈરાન-ઇઝરાઇલ વચ્ચેનું યુદ્ધ હવે નિર્ણાયક તબક્કા તરફ આગળ વધતું જોવા મળી રહ્યું છે. એ દરમ્યાન અમેરિકાના રાષ્ટ્રપતિ ડોનાલ્ડ ટ્રમ્પે એક મોટું એલાન કર્યું છે. તેમણે જણાવ્યું હતું કે અમેરિકામાં રિલાયન્સ છેલ્લાં 50 વર્ષમાં પ્રથમ વખત નવો ઓઇલ રિફાઇનરી પ્લાન્ટ બનાવવાની છે.
ડીલ વિશે ટ્રમ્પે શું કહ્યું?
સૌથી મહત્વની વાત એ છે કે આ પ્રોજેક્ટમાં ભારતના અબજોપતિ મુકેશ અંબાણીની કંપની રિલાયન્સ ઇન્ડસ્ટ્રીઝ મૂડીરોકાણ કરશે. રાષ્ટ્રપતિ ડોનાલ્ડ ટ્રમ્પે પોતે સોશિયલ મિડિયા પ્લેટફોર્મ પર આ જાહેરાત કરી હતી. પોસ્ટમાં ટ્રમ્પે લખ્યું હતું કે એનર્જી સેક્ટરમાં ફરી એક વાર અમેરિકાનો દબદબો જોવા મળશે. તેમણે જણાવ્યું હતું કે તેમને ગર્વ છે કે અમેરિકા 50 વર્ષમાં પહેલી વખત નવી ઓઇલ રિફાઇનરી બનાવી રહ્યું છે. આ લગભગ 300 બિલિયન ડોલરની મોટી ડીલ તરીકે જણાવવામાં આવી રહી છે. તેમણે કહ્યું હતું કે ટેક્સાસના બ્રાઉનવિલેમાં એક નવી ઓઇલ રિફાઇનરી સ્થાપવામાં આવશે.
ડીલથી અમેરિકાને શો ફાયદો?
ટ્રમ્પે ભારતનો આભાર વ્યક્ત કરતાં જણાવ્યું હતું કે આ સમજૂતી દુનિયાની સૌથી મોટી ખાનગી ઊર્જા કંપનીઓમાંથી એક રિલાયન્સ ઇન્ડસ્ટ્રીઝ સાથે થઈ છે. તેમણે આગળ કહ્યું હતું કે આ રિફાઇનરીથી અમેરિકન બજાર અને રાષ્ટ્રીય સુરક્ષા બંનેને મોટો લાભ મળશે. ટ્રમ્પના દાવા મુજબ આ અમેરિકાની સૌથી સ્વચ્છ રિફાઇનરીઓમાંથી એક હશે. આ પ્રોજેક્ટથી દેશમાં રોજગાર વધશે અને આર્થિક વિકાસને નવી ગતિ મળશે.
(@realDonaldTrump– Truth Social Post )
( Donald J. Trump – Mar 10 2026, 5:40 PM ET )
America is returning to REAL ENERGY DOMINANCE! Today I am proud to announce that America First Refining is opening the
FIRST new U.S. Oil Refinery in 50 YEARS in Brownsville, Texas.
THIS IS A… pic.twitter.com/OE9zmJ0Dfb
— Donald J Trump Posts TruthSocial (@TruthTrumpPost) March 10, 2026
આ જાહેરાત એવા સમયે કરવામાં આવી છે જ્યારે વિશ્વભરમાં તેલને લઈને અનિશ્ચિતતા અને સંકટ વધતું જોવા મળી રહ્યું છે. અમેરિકામાં પણ પેટ્રોલ અને ગેસના વધતા ભાવને લઈને ચિંતા છે. એ દરમિયાન મંગળવારે વ્હાઇટ હાઉસમાં યોજાયેલી પ્રેસ બ્રીફિંગ દરમિયાન પ્રેસ સેક્રેટરી કેરોલાઇન લેવિટે જણાવ્યું કે અમેરિકન લોકો જાણે છે કે હાલ ઓઇલ અને ગેસના ભાવ ઊંચા છે. જોકે તેમણે વિશ્વાસ વ્યક્ત કર્યો હતો કે જેમ જ ઓપરેશન “એપિક ફ્યુરી”નાં લક્ષ્યો પૂર્ણ થશે, તેમ ભાવોમાં ઘટાડો જોવા મળવાની શક્યતા છે.
તો વાત એમ છે કે, એકવીસમી સદીની પહેલી પચીસીમાં સોશિયલ મિડીયા અને ડિજિટલ ઉપકરણો પાછળ ગાંડી થઇ ચૂકેલી દુનિયાને સદીની બીજી પચીસીના પ્રારંભે જ્ઞાન લાધ્યું છે કે, વધતો જતો સ્ક્રીન ટાઇમ તો નવી પેઢીને ભવિષ્યમાં ભારે પડશે.
વાસ્તવમાં કોઇપણ ટેકનોલોજીનો આવિષ્કાર થાય ત્યારે શરૂઆતમાં એના ફાયદાઓ જ સામે આવે. ધીમે ધીમે એનો ઉપયોગ વધે એટલે નકારાત્મક આડઅસરો બહાર આવતી જાય. સોશિયલ મિડીયા અને ડિજિટલ ઉપકરણોમાં પણ ડીટ્ટો આવું જ થયું. ધીમે ધીમે બાળકો-ટીનએજર્સની મેન્ટલ હેલ્થ પર પડનારી ગંભીર અસરો સામે આવવા લાગી એટલે બધા દેશો ઘાંઘા થઇને નિયંત્રિત ઉપયોગના રસ્તાઓ શોધવા લાગ્યા છે.
મનોવિજ્ઞાનીઓ, સમાજશાસ્ત્રીઓ, શિક્ષણશાસ્ત્રીઓ કહેવા લાગ્યા છે કે, કોઇક આ ડિજિટલનું ભૂત ઉતારો, નહીં તો ભવિષ્યમાં મનોચિકિત્સકોના ક્લિનિકો દર્દીઓથી ઊભરાતા હશે.
ગયા વખતે આપણે વાત કરી એમ, ઓસ્ટ્રેલિયાએ 16 વર્ષથી નીચેની વયના બાળકો માટે સોશિયલ મિડીયાનો ઉપયોગ પર પ્રતિબંધ મૂક્યો તો ફ્રાન્સ અને યુકે સહિત આખું યુરોપ પણ આ મુદ્દે ગંભીરતાથી વિચારે છે. અમેરિકા હોય કે જાપાન, દુનિયાનો એકપણ દેશ એની અસરમાંથી બચ્યો નથી એટલે બધા દેશો પોતપોતાની રીતે પ્રતિબંધોની, પોલિસીની ચર્ચા કરી રહ્યા છે.
ભારત પણ એમાંથી બાકાત નથી, કેમ કે અહીં તો રીલ બનાવીને સોશિયલ મિડીયા પર અપલોડ કરવી એ ‘ગૃહઉદ્યોગ’ છે.
સવાલ એ છે કે ટીનએજર્સને આ ખતરાથી બચાવવા કરવું શું તો કરવું શું? વધતા જતા સ્ક્રીન ટાઇમથી સર્જાનાર સમસ્યાઓનો સૌથી મોટો ભોગ તો આ પેઢી બની રહી છે કે બનશે.
ઇન્ટરનેટ-સોશિયલ મિડીયાનો વધારે પડતો ઉપયોગ આ ટીન્સને કઇ દિશામાં લઇ જઇ રહ્યો છે કે લઇ જશે એ સમજવા આ આંકડાઓ કાફી છેઃ
વિશ્વભરમાં સોશિયલ મિડીયા યુઝર્સની સંખ્યા 4.76 બિલિયન કરતાં વધારે છે.
એક વ્યક્તિ રોજના એવરેજ અઢી કલાક સોશિયલ મિડીયા પાછળ ખર્ચે છે.
દર આઠમાંથી એક વ્યક્તિને રિલનું વળગણ છે અને એ દિવસમાં ચાર કલાક ઓનલાઇન રહે છે.
ભારતમાં 5 થી 11 વર્ષની ઉંમરના, ઇન્ટરનેટ યુઝ કરતાં બાળકોના સંખ્યા 66 મિલિયન છે.
13 થી 17 વર્ષની વયના બાળકો (કે ટીનએજર્સ) દિવસમાં ત્રણ કલાક સોશિયલ મિડીયા પર વીતાવે છે.
એક અંદાજ પ્રમાણે, ટીનએજર્સ દિવસમાં 150 વાર સ્માર્ટફોન ચેક કરે છે.
દર ચારમાંથી એક ટીનએજરને સેક્સ્યુઅલ મેસેજ કે ઇ-મેઇલ મળે છે.
(Courtesy: Safe Teen Steps by Ragini Bharadwaj & Dr. Manjula Pooja Shroff, PM Publishers Pvt. Ltd, 2024)
ઇનશોર્ટ, સોશિયલ મિડીયાનું વધી રહેલું વળગણ, ઓનલાઇન ગેમિંગ, સેક્સટિંગ, સેલ્ફી-મેનિયા, લાઇક-કમેન્ટ ફીવર, ઓનલાઇન સ્કેમ, જુવેનાઇલ ક્રાઇમ, ફેક પ્રોફાઇલ્સ… આ બધાના કારણે ટીનએજર્સમાં માનસિક તણાવનું પ્રમાણ જે હદે વધી રહ્યું છે એ ખતરાની ઘટંડી છે.
પણ એનાથી આગળ વધીને મહત્વનો મુદ્દો એ છે કે આપણે ઇન્ટરનેટ કે સોશિયલ મિડીયાનો વપરાશ સંપૂર્ણ બંધ તો નથી જ કરી શકવાના. કે પછી નથી આપણે ટીનએજર્સને એનો ઉપયોગ કરતા સંપૂર્ણપણે અટકાવી શકવાના. ઇન્ટરનેટ, સોશિયલ મિડીયા અને એઆઇ એ આંધી છે-તમે એમાંથી બચી શકો એવા કોઇ ચાન્સ જ નથી કે નથી એમાં હવે પાછળ જઇ શકાય એમ. દુનિયા આખી ‘પોઇન્ટ ઓફ નો રીટર્ન’ પર આવીને ઊભી છે.
તો શું કરવું?
આફ્રિકાના પૂર્વ રાષ્ટ્રપતિ નેલ્સન મંડેલાનું એક જાણીતું વિધાન છેઃ બદલાવ લાવવા માટેનું સૌથી શ્રેષ્ઠ હથિયાર એ શિક્ષણ છે.
બસ, આ જ મંત્ર અપનાવીને અમદાવાદના જાણીતા એજ્યુપ્રેન્યોર ડો. મંજુલા પૂજા શ્રોફ અને પ્રતિષ્ઠિત અંગ્રેજી અખબાર ધ ટાઇમ્સ ઓફ ઇન્ડિયા સાથે જોડાયેલા પત્રકાર રાગિણી ભારદ્વાજે એક પુસ્તક લખ્યું છેઃ સેફ ટીન સ્ટેપ્સ. ફક્ત પેરેન્ટ્સ જ નહીં, ટીન્સને પણ મજા પડે એવા કલરફૂલ કાગળ, ડીઝાઇન અને ઇલેસ્ટ્રેશન્સથી ભરેલા આ પુસ્તકમાં મુખ્ય જે વાત પર ભાર મૂકવામાં આવ્યો છે એ આ જ છેઃ ટીન્સને બળજબરીથી ઇન્ટરનેટ કે સ્માર્ટફોનથી દૂર રાખવાના બદલે એનો વિવેકપૂર્વક ઉપયોગ કરતાં શીખવાડો. એમની સાથે વાત કરો, સંવાદ કરો, સારા-નરસાનો ભેદ પારખતાં શીખવાડો અને એમને ડિજિટલી શિક્ષિત કરો.
સોશિયલ મિડીયામાં કઇ રીતે દોસ્તીનું મહોરું પહેરીને ચોર તમારા પર નજર રાખી શકે છે, કઇ રીતે તમે મેનીપ્યુલેટ થઇ શકો છો, કઇ રીતે સેક્સટીંગની જાળમાં ટીનએજ છોકરા-છોકરીઓ ફસાય છે… એવી બધી બાબતોની, વાસ્તવિક કિસ્સાઓ સાથે એમાં ચર્ચા કરવામાં આવી છે. તમિલના જાણીતા હાઇબ્રીડ કેરેક્ટર યાલીને ટીન્સના દોસ્ત તરીકે પ્રેઝન્ટ કરીને બન્ને લેખિકાઓએ ટીનએજ સાથે સંવાદ કરતાં હોય એ શૈલીમાં પુસ્તક લખ્યું છે એટલે એમાં ઉપદેશ કે સલાહ ઓછી, પણ સમજણ વધારે છે.
(ડો. મંજુલા પૂજા શ્રોફ)
ડો. મંજુલા પૂજા શ્રોફ કહે છે, ‘સોશિયલ મિડીયાનું આપણી લાઇફમાં આગમન બેધારી તલવાર જેવું છે. એ અનેક રીતે ઉપયોગી છે તો એની સાથે જોખમી પણ એટલું જ છે. એના પર ઠલવાતું કન્ટેન્ટ સારું ય છે અને ખરાબ પણ છે એટલે ટીનએજર્સ સારા-નરસાને પરખતા શીખે એને સ્માર્ટફોનનો વિવેકપૂર્વક ઉપયોગ કરે એ જરૂરી છે. આવું થશે તો ટીન્સ સેક્યુઅલ અને અન્ય સ્કેમનો ભોગ બનતા અટકશે.’
ડો. શ્રોફ પોતે એજ્યુકેશનિસ્ટ છે અને પુસ્તકના સહ-લેખિકા રાગિણીએ પણ વર્ષો સુધી સ્કૂલ એજ્યુકેશનનું રિપોર્ટીંગ કર્યું છે એટલે બન્ને ટીનએજર્સની માનસિકતા, એમની ઉંમરમાં સર્જાતા પ્રશ્નો અને એમના વૈચારિક સ્તરથી સારી રીતે વાકેફ છે એટલે એ સ્પષ્ટપણે માને છે કે ફક્ત ઉપયોગ પર પ્રતિબંધ લાદવાથી કાંઇ નહીં વળે. એમની સાથે નિખાલસ ચર્ચા કરીને, સંવાદ કરીને એમના સાચી સમજણ આપીને જ એનો ઉકેલ લાવી શકાશે.
હમ્મમ. ઉપાય અજમાવવા જેવો ખરો. જો પાણીના ધસમસતા પ્રવાહને આવતો અટકાવી ન શકીએ તો કમસેકમ પાણી પહેલાં પાળ તો બાંધી જ શકીએ ને? તમને શું લાગે છે?
રીતઃ દૂધીને છોલીને ધોઈને સમારી લો. દૂધીનો બીયાંવાળો વચ્ચેનો ભાગ કાઢી લેવો અને દૂધીના ટુકડા કરી લઈ, મિક્સીમાં 1 કપ પાણી સાથે તેની બારીક પેસ્ટ કરી લેવી.
એક મોટા વાસણમાં દૂધીની પેસ્ટ, ચોખાનો લોટ, રવો ચમચા વડે મિક્સ કરો. તેમાં 3 કપ જેટલું પાણી થોડું થોડું ઉમેરતાં જઈ પાતળું ખીરું બનાવી લો.
હવે તેમાં લીલા મરચાં તેમજ કાંદો ઝીણાં સમારીને ઉમેરો. ત્યારબાદ સ્વાદ મુજબ મીઠું, ચિલી ફ્લેક્સ, ખમણેલું આદુ, કાળા મરી પાઉડર, સમારેલી કોથમીર મેળવી દો.
ચટણી માટે એક પેનમાં એક ચમચી જેટલું તેલ ગરમ કરી તેમાં આદુ, લસણ સાંતળી લીધા બાદ ટામેટાંના ટુકડા ઉમેરીને સાંતળો. હવે સૂકા લાલ મરચાંના ટુકડા ઉમેરીને થોડું સાંતળી લીધા બાદ આ મિશ્રણ ઠંડું થાય એટલે સ્વાદ મુજબ મીઠું મેળવીને મિક્સીમાં ચટણી પીસી લો.
ઢોસા માટે નોન-સ્ટીક તવો ગરમ કરી એક કળછીમાં ખીરું લઈ તવા ઉપર ફરતે રેડી દો. ત્યારબાદ તેની ઉપર એક ચમચી જેટલું તેલ અથવા ઘી ઢોસાની ઉપર તેમજ ચારે બાજુ રેડીને ઢોસો ક્રિસ્પી થવા દો. ઉપરથી ઢોસો લાલ થવા લાગે એટલે તવેથા વડે ધીરે ધીરે ઉથલાવીને એક પ્લેટમાં કાઢી લો. આ ઢોસાનું ખીરું પાતળું હોવાને કારણે ઢોસો જલ્દી બની જાય છે.
ગરમાગરમ ઢોસા તૈયાર કરેલી ટામેટાંની ચટણી સાથે પીરસો.
તો વાત એમ છે કે, એકવીસમી સદીની પહેલી પચીસીમાં સોશિયલ મિડીયા અને ડિજિટલ ઉપકરણો પાછળ ગાંડી થઇ ચૂકેલી દુનિયાને સદીની બીજી પચીસીના પ્રારંભે જ્ઞાન લાધ્યું છે કે, વધતો જતો સ્ક્રીન ટાઇમ તો નવી પેઢીને ભવિષ્યમાં ભારે પડશે.
