સોશિયલ મીડિયા પ્લેટફોર્મ ફેસબુક અને ઇન્સ્ટાગ્રામ મંગળવારે રાત્રે અચાનક ડાઉન થઈ ગયા. યુઝર્સના સોશિયલ મીડિયા એકાઉન્ટ્સ અચાનક લોગ આઉટ થઈ રહ્યા છે. મેટાની ઘણી સેવાઓ ડાઉન છે. ઘણા લોકોના ફેસબુક એકાઉન્ટ્સ જાતે જ લોગ આઉટ થઈ રહ્યા છે. જ્યારે ઈન્સ્ટાગ્રામના ઘણા ફીચર્સ કામ નથી કરી રહ્યા.
Meta’s Facebook & Instagram are down in India and many other parts of the world. More details awaited.
— ANI (@ANI) March 5, 2024
ઉત્તર પ્રદેશમાં યોગી સરકારના બીજા કાર્યકાળના પ્રથમ કેબિનેટ વિસ્તરણ માટે ધારાસભ્યોની શપથવિધિ યોજાઈ હતી. રાજ્યપાલ આનંદી બેન પટેલે સુહેલદેવ ભારતીય સમાજ પાર્ટીના અધ્યક્ષ ઓપી રાજભરને શપથ લેવડાવ્યા હતા. આ સિવાય બીજેપી એમએલસી દારા સિંહ ચૌહાણે પણ મંત્રી પદના શપથ લીધા છે.
उत्तर प्रदेश मंत्रिमंडल विस्तार के अवसर पर राज भवन, लखनऊ में आयोजित शपथ ग्रहण समारोह में… https://t.co/0guSFpx9ZP
— Yogi Adityanath (मोदी का परिवार) (@myogiadityanath) March 5, 2024
યોગી કેબિનેટમાં શપથ લેનારા ત્રીજા ધારાસભ્યનું નામ અનિલ કુમાર છે, જેઓ રાષ્ટ્રીય લોકદળ તરફથી પુરકાજી બેઠક પરથી ચૂંટાયા હતા. તેઓ ત્રણ વખત ધારાસભ્ય છે અને જયંત ચૌધરીના નજીકના માનવામાં આવે છે. આ સિવાય સાહિબાબાદના ધારાસભ્ય સુનીલ શર્માએ પણ મંત્રી પદના શપથ લીધા છે. સુનીલ શર્માની ગણતરી યુપીના મોટા બ્રાહ્મણ ચહેરાઓમાં થાય છે. 2022માં તેમને સૌથી વધુ મતોથી જીતનારા ધારાસભ્યોની યાદીમાં સામેલ કરવામાં આવ્યા હતા. તેઓ સાહિબાબાદથી ત્રણ વખત ધારાસભ્ય ચૂંટાયા છે.
કોલકાતા હાઈકોર્ટે પશ્ચિમ બંગાળના સંદેશખાલીમાં એન્ફોર્સમેન્ટ ડિરેક્ટોરેટ (ED) અધિકારીઓ પરના હુમલાની તપાસ CBIને સોંપી. કોર્ટે આ કેસના મુખ્ય આરોપી શાહજહાં શેખને આજે સાંજે 4.30 વાગ્યા સુધીમાં સીબીઆઈને સોંપવાનો આદેશ આપ્યો છે. હાઈકોર્ટના આ નિર્ણય સામે પશ્ચિમ બંગાળની મમતા સરકારે સુપ્રીમ કોર્ટમાં અરજી કરી છે. કોલકાતા હાઈકોર્ટના મુખ્ય ન્યાયાધીશ ટી.એસ. શિવજ્ઞાનમની અધ્યક્ષતાવાળી ડિવિઝન બેન્ચે આદેશ આપ્યો કે મંગળવારે સાંજે 4.30 વાગ્યા સુધીમાં આ આદેશનો અમલ કરવામાં આવે.
ED અને બંગાળ સરકારે કયા આદેશને પડકાર્યો?
ED અને પશ્ચિમ બંગાળ સરકાર બંનેએ ED અધિકારીઓ પર ટોળાના હુમલાની તપાસ માટે CBI અને રાજ્ય પોલીસની સંયુક્ત વિશેષ તપાસ ટીમ (SIT) ની રચના કરવાના 17 જાન્યુઆરીના આદેશને પડકારતી અલગ-અલગ અપીલ દાખલ કરી હતી. આદેશ આપવામાં આવ્યો હતો. EDએ કહ્યું કે આ કેસની તપાસ માત્ર CBIએ કરવી જોઈએ. પશ્ચિમ બંગાળ સરકારે કોર્ટને અપીલ કરી હતી કે અધિકારીઓ પર હુમલાની તપાસ રાજ્ય પોલીસને સોંપવામાં આવે.
શું છે મામલો?
ED PDS કૌભાંડ કેસમાં શાહજહાં શેખના પરિસરમાં સર્ચ કરી રહી હતી. આ દરમિયાન ટોળાએ EDની ટીમ પર હુમલો કર્યો હતો. આ અંગે સેન્ટ્રલ ઇન્વેસ્ટિગેશન એજન્સીએ નિવેદન જારી કરીને કહ્યું હતું કે 800થી 1000 લોકોએ જીવ લેવાના ઇરાદે હુમલો કર્યો હતો. આ કેસનો મુખ્ય આરોપી શાહજહાં શેખ હાલમાં મહિલાઓની જાતિય સતામણી અને જમીન પચાવી પાડવાના ગુનામાં સંદેશખાલીની જેલમાં છે.
બેંગલુરુઃ કર્ણાટના હાઇટેક શહેર બેંગલુરુ જળસંકટથી ઝઝૂમી રહ્યું છે. ક્યારેક ગાર્ડન સિટીને નામે ઓળખાતું શહે ટીપેટીપાં માટે તરસી રહ્યું છે. આ માત્ર બેંગલુરુ માટે ચિંતાનો વિષય નથી, પણ દેશઆખા માટે એક મોટો સબક છે. શહરનો એક મોટો હિસ્સો ટેન્કરો પર નિર્ભર છે.
અહીં લાખો લોકો પાણી માટે વલખાં મારી રહ્યા છે. સોસાયટીઓ અને કોલોનીઓમાં પાણીની બહુ ખેંચ છે, જેથી ટેન્કરોથી પાણી મગાવવામાં આવી રહ્યું છે, તેમ છતાં પાણીની જરૂરિયાત પૂરી નથી થતી.
મુખ્ય મંત્રી નિવાસસ્થાને પણ પાણીની ખેંચ વર્તાવા માંડી છે. તેમના નિવાસસ્થાને પણ ટેન્ક આવ-જા કરી રહ્યાં છે. સરકાર લોકોની સમસ્યાને ઉકેલવા પ્રયાસ કરી રહી છે.
શહેરની એક હાઉસિંગ સોસાયટીમાં ગંભીર જળસંકટને પગલે પાણીના દુરુપયોગ પર રૂ. 5000નો દંડ લગાવવાની નોટિસ જારી કરવામાં આવી છે. આવી નોટિસ અનેક સોસાયટીઓમાં જારી કરવામાં આવી રહી છે. આ સ્થિતિ પર નજર રાખવા એક વિશેષ સુરક્ષા કર્મચારીને તહેનાત કરવાનો નિર્ણય કરવામાં આવ્યો છે. અનેક હાઉસિંગ સોસાયટીઓમાં રહેવાસીઓને દૈનિક પાણીના ઉપયોગમાં સાવધાની વર્તવાની સલાહ આપવામાં આવી છે. શહેરના પ્રભાવિત વિસ્તારોમાં વ્હાઇટફીલ્ડ, યેલહંકા અને કનકપુરા સામેલ છે.
શહેરવાસીઓને દિવસદીઠ 3000 મિલિયન લિટર પાણીની જરૂર છે, પરંતુ તેમને કાવેરી નદીથી 1450 મિલિયન લિટર પાણી જ મળી રહ્યું છે. આવામાં શહેરવાસીઓને પ્રતિ દિન 1680 મિલિયન લિટર પાણીની ખેંચનો સામનો કરવો પડે છે.
રાજ્યના ઉપ મુખ્ય મંત્રી ડી. શિવકુમારે રાજ્યમાં જળ ટેન્કરોના માલિકોને સાત માર્ચ સુધી ટેન્કરોના રજિસ્ટ્રેશનનો આદેશ આપ્યો છે, અન્યથા તેમના ટેન્કર જપ્ત કરવામાં આવશે. મહાનગરપાલિકાના મુજબ બેંગલુરુમાં કુલ 3500 પાણીનાં ટેન્કરોમાંથી માત્ર 10 ટકા (219 ટેન્કરો)એ જ રજિસ્ટ્રેશન કરાવ્યાં છે.
પૂર્વ સાંસદ ધનંજય સિંહ અને સહયોગી સંતોષ વિક્રમને એડિશનલ સેશન જજ શરદ ત્રિપાઠીએ અપહરણ અને ખંડણીના કેસમાં દોષિત ઠેરવ્યા હતા. બુધવારે સજાની સુનાવણી હાથ ધરવામાં આવશે. મુઝફ્ફરનગરના રહેવાસી નમામી ગંગેના પ્રોજેક્ટ મેનેજર અભિનવ સિંઘલે 10 મે 2020ના રોજ લાઈન બજાર પોલીસ સ્ટેશનમાં ધનંજય અને તેના ભાગીદાર વિક્રમ વિરુદ્ધ અપહરણ, ખંડણી અને અન્ય કલમો હેઠળ FIR નોંધાવી હતી.
ફરિયાદીનું અપહરણ
સંતોષ વિક્રમ તેના બે સહયોગીઓ સાથે મળીને ફરિયાદીનું અપહરણ કરીને તેને પૂર્વ સાંસદના ઘરે લઈ ગયો હતો, જ્યાં ધનંજય સિંહ પિસ્તોલ લઈને આવ્યો હતો અને તેની સાથે દુર્વ્યવહાર કર્યો હતો અને ફરિયાદી પર હલકી ગુણવત્તાની સામગ્રી સપ્લાય કરવા દબાણ કર્યું હતું. ઇનકાર કરવા પર, તેણે ધમકી આપી અને ખંડણી માંગી. આ મામલે FIR નોંધવામાં આવી હતી. આ પછી પૂર્વ સાંસદની ધરપકડ કરવામાં આવી હતી અને બાદમાં તેમને જામીન મળી ગયા હતા. કોર્ટે આજે ધનંજય સિંહને દોષી ઠેરવ્યો હતો અને તેને જેલમાં મોકલી આપ્યો હતો.
લોકસભા ચૂંટણી પહેલા ધનંજય સિંહને મોટો આંચકો
લોકસભા ચૂંટણી પહેલા પૂર્વ સાંસદ ધનંજય સિંહને મોટો ઝટકો લાગ્યો છે. ધનંજય સિંહ 2024માં જૌનપુર લોકસભા સીટ પરથી પોતાનું નસીબ અજમાવવાની તૈયારી કરી રહ્યા છે. 2 માર્ચે, તેણે સોશિયલ મીડિયા પ્લેટફોર્મ X પર પોસ્ટ કર્યું ‘મિત્રો! તૈયાર રહો…લક્ષ્ય માત્ર એક લોકસભા 73, જૌનપુર છે. ‘જીતેગા જૌનપુર, જીતેંગે હમ’ મેસેજ સાથેની એક પોસ્ટ શેર કરવામાં આવી હતી. તેણે પોતાની પોસ્ટ દ્વારા પોતાનો ઈરાદો સ્પષ્ટ કર્યો. હવે તમામની નજર આવતીકાલે સજાની સુનાવણી પર છે.લધનંજય સિંહે 27 વર્ષની વયે 2002માં જૌનપુરથી અપક્ષ ઉમેદવાર તરીકે વિધાનસભા ચૂંટણી લડી હતી અને જીતીને વિધાનસભામાં પહોંચ્યા હતા. 2007માં તેઓ ફરી એકવાર JDUની ટિકિટ પર ચૂંટણી લડ્યા અને ધારાસભ્ય બન્યા. 2009માં તેમણે BSPની ટિકિટ પર જૌનપુર લોકસભા સીટથી પોતાનું નસીબ અજમાવ્યું અને જીતીને સંસદમાં પહોંચ્યા.
ટોક્યોઃ Paytm હાલના સમયે નિયામકીય મુશ્કેલીઓ સામે ઝઝૂમી રહી છે. જોકે Paytmના સ્થાપક વિજય શેખર શર્માનું માનવું છે કે ટૂંક સમયમાં આ મુશ્કેલીઓ દૂર થશે અને એક મજબૂત મંચનું કામ કરશે. જાપાનના ટોક્યોમાં આયોજિત એક ફાઇનાન્શિયલ ટેક કોન્ફરન્સમાં કહી હતી. RBIએ જ્યારથી Paytmની વિરુદ્ધ કાર્યવાહી કરી છે, ત્યારથી અત્યાર સુધી સૌપ્રથમ વાર Paytmના CEO વિજય શેખર શર્માએ જાહેરમાં ઉપસ્થિત થયા હતા.
કેટલીક વાર તમારી ટીમના લોકો અને સલાહકાર એને યોગ્ય રીતે સમજાવવામાં નિષ્ફળ જાય છે. આવામાં તમે એ બાબતને કેવી રીતે જુઓ છો, એ મહત્ત્વનું છે. દેશમાં સ્ટાર્ટઅપ માટે હેલ્થી માહોલ બનાવવામાં નિયામકની મોટી ભૂમિકા છે. આ એક મોટો દિવસ છે, જ્યારે તેમની પાસે શીખવા માટે અનેક બાબત છે અને ઝઝૂમવા માટે નવી તકો છે. એશિયાની પાસે આગામી પેઢી માટે એક નાણાકીય સિસ્ટમ બનાવવાની તક છે અને તેઓ Paytmને એશિયાના લીડર બનતા જોવા માગે છે.
RBIએ Paytm પેમેન્ટ્સ બેન્ક પર 29 ફેબ્રુઆરી પછી નવી ડિપોઝિટ્સ લેવા અને ક્રેડિટ ટ્રાન્ઝેક્શન્સ પર પ્રતિબંધ મૂકી દીધો હતો. અને પછી Paytmના શેરો 42 ટકા તૂટ્યા હતા. વિજય શેખર શર્માની એમાં 51 ટકા હિસ્સો છે અને બાકીનો હિસ્સો Paytmનો છે. હાલમાં એનું બોર્ડ ફરી બનાવવાની પહેલ હેઠળ વિજય શર્માએ રાજીનામું આપી દીધું છે. જોકે તેઓ કંપનીને ટ્રેક કર લાવવાના પ્રયાસ કરી રહ્યા છે. કંપનીએ એક્સિસ બેન્કની સાથે સોદો કરી લીધો છે અને હવે અન્ય બેન્ક સાથે ભાગીદારી માટે વાતચીત જારી છે.
નવી દિલ્હીઃ હિમાચલ પ્રદેશના કોંગ્રેસના છ બળવાખોર વિધાનસભ્યોએ સુપ્રીમ કોર્ટમાં ધા નાખી છે. આ વિધાનસભ્યોએ સ્પીકરના અયોગ્ય ઠેરવવાના નિર્ણયને કોર્ટમાં પડકાર આપ્યો છે. સ્પીકરે વિધાનસભામાં બજેટ દરમ્યાન ગેરહાજર રહેવાને આધારે આ વિધાનસભ્યોને ગેરલાયક ઠેરવ્યા હતા. વિધાનસભ્યોએ સ્પીકરના આ નિર્ણયને ખોટો ઠેરવતાં રદ કરવાની માગ કરી છે.
હાલમાં રાજ્યસભાની ચૂંટણીમાં કોંગ્રેસના આ છ વિધાનસભ્યોએ ક્રોસ વોટિગ કર્યું હતું, જેને પગલે ભાજપના હર્ષ મહાજનને વિજયી જાહેર કરવામાં આવ્યા હતા અને કોંગ્રેસી ઉમેદવાર અભિષેક મનુ સિંધવીએ હારનો સામનો કરવો પડ્યો હતો.
ત્યાર બાદ આ વિધાનસભ્યો ભાજપના સમર્થનમાં નિવેદનો કરતા જોવા મળ્યા હતા. આ વિધાનસભ્યોની ક્રોસ વોટિંગ પછી રાજ્યના સુખવિંદર સુખુની સરકાર પર સંકટના વાદળો ઘેરાવા લાગ્યાં છે, જ્યારે કોંગ્રેસના બળવાખોર વિધાનસભ્યો સામે આકરાં પગલાં લેવાની માગ થઈ હતી.
બીજી બાજુ, ભાજપે એ વિધાનસભ્યોની વિરુદ્ધ કાર્યવાહી શરૂ કરી દીધી છે,મ જેના પર 28 ફેબ્રુઆરીએ વિધાનસભામાં બજેટ પસાર કરતાં પહેલાં હંગામો કરવાનો આરોપ લાગેલો છે. એ કેસ વિશેષાધિકાર સમિતિને મોકલવામાં આવ્યો છે.
જોકે વિધાનસભા અધ્ય કુલદીપ સિંહ પઠાનિયાએ મિડિયાને કહ્યું હતું કે હંગામા મામલે કેટલાક સભ્યોને નોટિસ મળી છે અને મેં પણ એની નોંધ લીધી છે. સંસદની અંદર ભાજપના વિધાનસભ્યો દ્વારા આચરવામાં આવેલી ગેરશિસ્ત નિયમો અને બંધારણીય જોગવાઈઓના ઉલ્લંઘન હેઠળ કાર્યવાહી યોગ્ય છે અને આ સંબંધે નોટિસ જારી કરવામાં આવી રહી છે. તેમણે કહ્યું હતું કે વિધાનસભ્યોએ ગરિમાપૂર્ણ રીતે વિરોધ દર્શાવી શક્યા હોત, પરંતુ તેમણે કાગળ ફેંકીને વિરોધ દર્શાવ્યો હતો, જે સ્વીકાર્ય નથી.
માલદીવના રાષ્ટ્રપતિ મોહમ્મદ મુઈઝુએ કહ્યું કે 10 મે પછી એક પણ ભારતીય સૈન્ય કર્મચારી દેશમાં હાજર રહેશે નહીં, સાદા કપડામાં પણ નહીં. મંગળવારે એક મીડિયા રિપોર્ટમાં આ માહિતી આપવામાં આવી છે. મુઈઝુનું આ નિવેદન એવા સમયે આવ્યું છે જ્યારે લગભગ એક સપ્તાહ પહેલા ભારતની ટેકનિકલ ટીમ માલદીવ પહોંચી હતી. આ ટીમ હેલિકોપ્ટર ચલાવતા લશ્કરી જવાનોને બદલવા માટે પહોંચી હતી. મુઈઝુએ માલદીવથી ભારતીય સૈન્ય કર્મચારીઓના પ્રથમ જૂથને પરત કરવા માટે 10 માર્ચની સમયમર્યાદા નક્કી કરી હતી.
મુઈઝુએ બા ટાપુ પર ઇધાફુશી રહેણાંક સમુદાયને સંબોધિત કરતી વખતે જણાવ્યું હતું કે ખોટી અફવા ફેલાવનારા લોકો દેશમાંથી ભારતીય સૈનિકોને હાંકી કાઢવામાં તેમની સરકારની સફળતાને કારણે પરિસ્થિતિને વિકૃત કરી રહ્યા છે. પોર્ટલે ચીનના સમર્થક ગણાતા મુઈઝુના હવાલાથી કહ્યું કે, આ લોકો દેશ છોડીને જતા નથી, તેઓ સાદા કપડા પહેરીને યુનિફોર્મ બદલીને પરત ફરી રહ્યા છે. આપણે એવા વિચારો ન લાવવા જોઈએ જે આપણા હૃદયમાં શંકા પેદા કરે અને જૂઠાણું ફેલાવે.
માલદીવે ચીન સાથે કરાર કર્યો
મોહમ્મદ મુઈઝુએ કહ્યું, ’10 મે પછી દેશમાં કોઈ ભારતીય સૈનિક હાજર રહેશે નહીં. ન તો યુનિફોર્મમાં કે ન તો સાદા કપડામાં. ભારતીય સેના આ દેશમાં કોઈપણ પ્રકારના કપડામાં રહેશે નહીં. હું આ વિશ્વાસ સાથે કહું છું. તેમણે આ નિવેદન એવા દિવસે આપ્યું છે જ્યારે માલદીવે ચીન સાથે કરાર કર્યો છે. આ અંતર્ગત ચીન માલદીવને મફત સૈન્ય સહાય આપશે. આ પહેલા ગયા મહિને 2 ફેબ્રુઆરીએ દિલ્હીમાં ભારત અને માલદીવના અધિકારીઓ વચ્ચે બેઠક યોજાઈ હતી. બેઠકમાં માલદીવના વિદેશ મંત્રાલયે કહ્યું હતું કે ભારત માલદીવમાં તેના ત્રણ ઉડ્ડયન પ્લેટફોર્મ પર તૈનાત સૈન્ય કર્મચારીઓને પાછા ખેંચી લેશે અને તેમની જગ્યાએ એક ટેકનિકલ ટીમ મોકલવામાં આવશે. આ પ્રક્રિયાનો પ્રથમ તબક્કો 10 માર્ચ સુધીમાં પૂર્ણ થશે.
ભારતીય સૈનિકો 10 મે પહેલા પરત ફરી શકે છે
મોહમ્મદ મુઈઝુએ 5 ફેબ્રુઆરીના રોજ સંસદમાં પોતાના પ્રથમ સંબોધનમાં આવી જ ટિપ્પણી કરી હતી. હાલમાં 88 ભારતીય સૈન્ય કર્મચારીઓ માલદીવમાં છે, જેઓ મુખ્યત્વે બે હેલિકોપ્ટર અને એક વિમાનનું સંચાલન કરે છે. આના દ્વારા સેંકડો તબીબી બચાવ અને માનવતાવાદી સહાય મિશન પૂર્ણ થયા છે. અહેવાલ આપ્યો છે કે દેશ છોડનાર પ્રથમ સૈન્ય કર્મચારીઓ અદ્દુ શહેરમાં બે હેલિકોપ્ટર ચલાવતા ભારતીય લશ્કરી કર્મચારીઓ છે. હા ધાલુ આઇલેન્ડ હનીમાધુ અને લામુ આઇલેન્ડ કહાધુમાં હાજર સૈન્ય કર્મચારીઓ પણ 10 મે પહેલા માલદીવ છોડી દે તેવી શક્યતા છે.
નવી દિલ્હીઃ વર્ષ 2024માં ડિજિટલ મિડિયા આવકને મામલે ટેલિવિઝનને પાછળ છોડી દેશે. ડિજિટલ મિડિયાની આવક વધીને રૂ. 751 અબજ થવાની શક્યતા છે, જ્યારે ટેલિવિઝનની આવક રૂ. 718 અબજ રહેવાનો અંદાજ છે, એમ બિઝનેસ ચેમ્બર ફિક્કીના રિપોર્ટમાં ખુલાસો થયો છે.
વર્ષ 2023માં દેશમાં મિડિયા અને એન્ટરટેઇનમેન્ટ સેક્ટરે જોરદાર ગ્રોથ દર્શાવ્યો છે અને એ 8.1 ટકાના ગ્રોથ (રૂ. 173 અબજ)ની સાથે રૂ. 2.32 લાખ કરોડે પહોંચ્યો છે. અહેવાલમાં અંદાજ દર્શાવવામાં આવ્યો છે કે વર્ષ 2024માં એ પાર કરે એવી શક્યતા છે. આ વર્ષે 10 ટકાના ગ્રોથ રેટની સાથે કુલ રેવેન્યુ રૂ. 2.55 લાખ કરોડ રહેવાનો અંદાજ રિપોર્ટમાં દર્શાવવામાં આવ્યો છે.
વર્ષ 2023થી 2026 દરમ્યાન ટેલિવિઝનની આવક 3.2 ટકાથી દરથી વધશે, જ્યારે ડિજિટલ મિડિયાની રેવેન્યુ ડબલ ડિજિટ ગ્રોથ દેખાડશે અને એમાં 13.5 ટકાના દરે વધવાનો અંદાજ છે. વર્ષ 2026 સુધી મિડિયા અને એન્ટરટેઇનમેન્ટ ક્ષેત્રની આવક રૂ. 3.08 લાખ કરોડને પાર કરી જશે. કોરોના રોગચાળા સમયે આ સેક્ટર 21 ટકા ગ્રોથ રહ્યો હતો, પરંતુ ટેલિવિઝન, પ્રિન્ટ ને રેડિયો 2019ના સ્તરથી પાછળ ચાલી રહ્યાં છે.
ટેલિવિઝન સિવાય 2023માં મિડિયા અને એન્ટરટેઇનમેન્ટની આવક રૂ. 172 કરોડ વધી છે, જોકે 2022ના રૂ. 371 અબજ ડોલરથી અડધી રહી છે. જાહેરાતમાં ઘટાડાને પગલે આવકમાં ઘટાડો થયો હતો, જ્યારે ડિજિટલ અને ઓનલાઇન ગેમિંગ ક્ષેત્રે 2023માં રૂ. 122 અબજની આવક રહી છે.
બધાં સેગમેન્ટમાં ટેલિવિઝનના ગ્રોથ રેટમાં 2022ની તુલનાએ 2023માં બે ટકા નેગેટિવ ગ્રોથ જોવા મળ્યો હતો. ટેલિવિઝન જાહેરાતમાં 6.5 ટકાનો ઘટાડો થયો છે, કેમ કે ગેમિંગ અને D2C બ્રાંડે જાહેરાત ખર્ચ ઓછો કરી દીધો છે, જ્યાકે ડિજિટલ જાહેરાતમાં 15 ટકાનો ગ્રોથ જોવા મળ્યો છે. ડિજિટલ સબસ્ક્રિપ્શનની રેવન્યુમાં નવ ટકાનો ઉછાળો આવ્યો છે અને એ રૂ. 78 અબજએ પહોંચ્યો છે, એમ અહેવાલ કહે છે.
મુંબઈ : રામની લીલા દર્શાવતા ચરિત્ર માટે અનેક પ્રસિધ્ધ પ્રસંગો વાલ્મિકી રામાયણમાં નથી કહેવાયા. વાલ્મિકી લિખિત રામાયણમાં રામને ભગવાન કે અવતાર નહિ, પરંતુ વ્યક્તિ તરીકે દર્શાવાયા છે. એમ ગુજરાત વિશ્વ વિદ્યાલયના સ્કૂલ ઓફ લેન્ગવેજીસના ભૂતપૂર્વ પ્રોફેસર અને રાષ્ટ્રપતિ અવોર્ડ પ્રાપ્ત કરનાર ડૉ. વિજયભાઈ પંડ્યાએ મુંબઈ યુનિવર્સિટીના સંસ્કૃત વિભાગના હીરક મહોત્સવમાં રામાયણ અને તેની પરંપરા વિષય પર યોજાયેલા બે દિવસીય સેમિનારના પ્રથમ દિવસે તેમના ચાવીરૂપ પ્રવચનમાં આમ જણાવ્યું હતું. વિજય ભાઈએ કહ્યું હતું કે રામને માનવ તરીકે દર્શાવવા પાછળનો ઉદ્દેશ એ હતો કે રાવણ તો જ મરી શકે, જો રામ એક મનુષ્ય તરીકે તેને મારે.
પોતાના 14 વરસના વનવાસની રામને જાણ થઈ એ પછીના એક પ્રસંગમાં રામે કૌશલ્યા અને સુમિત્રા માતાનું ધ્યાન રાખવા ભલામણ કરી હતી, જેમાં રામની માતૃ ભક્તિ છલકાય છે. દશરથ કૈકયીના કહ્યામાં આવી ગયા હોવાથી રામે બંને માતાઓ માટે ચિંતા વ્યકત કરી હતી. ડૉ. વિજયભાઈ પંડ્યાએ કહ્યું હતું કે રામાયણને સાહિત્ય અને કળાના દૃષ્ટિકોણથી મૂલવવા માટે બહુ અવકાશ છે. જેનાથી રામાયણ સાહિત્યની દૃષ્ટિએ ઉત્કૃષ્ટ કૃતિ નજરે પડશે.
તેમણે મૈથિલાના લોકો રામને જમાઈ તરીકે ગણે છે અને ઘણા મૈથિલાવાસીઓ અયોધ્યા દીકરીનું સાસરું છે એમ ગણીને ત્યાં અન્ન નથી લેતા એવી પરંપરા વિશે માહિતી પણ આપી હતી. બે દિવસ ચાલેલા હીરક મહોત્સવમાં પહેલે દિવસે રામાયણ અને રામાયણ પરંપરા પર સેમિનાર યોજવામાં આવ્યો હતો અને બીજે દિવસે મહારાષ્ટ્રમાં સંસ્કૃતનો અભ્યાસ: ભૂતકાળ, વર્તમાન અને ભવિષ્ય વિષય પર સેમિનારનું આયોજન કરાયું હતું. જેને કેન્દ્રિય સંસ્કૃત મહાવિદ્યાલય, નવી દિલ્હી, કાંદિવલી સ્થિત મીટ ઇન્ડિયા ફાઉન્ડેશન અને ભક્તિ વેદાંત રિસર્ચ કેન્દ્રએ સ્પોન્સર કર્યા હતા.
અનેક સંશોધનપત્ર રજૂ થયા
આ સેમિનારમાં અનેક સંશોધન પત્ર પણ રજૂ થયા હતા. જેમાં અમદાવાદ સ્થિત સેન્ટ ઝેવિયર્સ કોલેજના અસોસીએટ પ્રોફેસર ડૉ. ઊર્મિ શાહ એ ગુજરાતી લોક સાહિત્યના રામ-સીતાના પ્રેમ પ્રસંગો પર સંશોધન પત્ર રજૂ કર્યું હતું, જ્યારે મુંબઈ સ્થિત હેરાસ ઇન્સ્ટિટ્યૂટના ક્યુરેટર અને જૈન તત્વજ્ઞાનના નિષ્ણાંત શિલ્પા છેડાએ જૈન રામાયણ પર સંશોધન પત્ર રજૂ કર્યું હતું. અન્ય પાત્રો અને બૌદ્ધ રામાયણ અને દક્ષિણ એશિયામાં પ્રસિદ્ધ રામાયણ પર પણ રજૂઆતો થઈ હતી.
સંસ્કૃત વિભાગની સ્થાપનાના 60 વર્ષના પ્રસંગની ઉજવણી આખા વર્ષ દરમિયાન ચાલતી રહી છે, જેમાં વાર્તાલાપ યોજાયા, નવા પોસ્ટ ગ્રેજ્યુએટ અભ્યાસક્રમો અને પાર્ટ ટાઈમ અભ્યાસો દાખલા કરાયા. વિભાગના ચાર પુસ્તકોનું લોકાર્પણ પણ થયું અને ભારતીય જ્ઞાન પરંપરાના વિવિધ વિષયો પર જે – તે વિષયના નિષ્ણાંતો દ્વારા 60 પ્રવચનોની શૃંખલા વિગતો વિભાગની યુટ્યુબ ચેનલ ઉપર પ્રસારિત કરવામાં આવી હતી. સંસ્કૃત વિભાગના હેડ ડૉ. શકુન્તલા ગાવડેએ સ્વાગત પ્રવચનમાં વર્ષ દરમ્યાન ચાલેલા કાર્યક્રમોની ઝલક આપતા કહ્યું હતું કે નવા દાખલ કરાયેલા અભ્યાસક્રમોને બહુ સારો પ્રતિસાદ મળ્યો છે અને હાલમાં પાર્ટ ટાઈમ અભ્યાસક્રમો સાથે ૫૦૦ થી વધુ વિદ્યાર્થીઓ વિભાગમાં અભ્યાસ કરી રહ્યા છે.
સંસ્કૃત શીખવા વધી રહેલી ઉત્સુકતા
વધુને વધુ લોકો સંસ્કૃત શીખવા તરફ વળી રહ્યા છે કારણ કે હવે ભાષા શીખવાનું સહેલું બની રહ્યું છે. નવી શિક્ષણ નીતિની જોગવાઈઓ અને ટેકનોલોજીના ફેરફારો આ કાર્ય સરળ બનાવી રહ્યા છે. તેમણે કહ્યું હતું કે સંસ્કૃત કોઈ ભાષા સાથે હરીફાઈ નથી કરતી અને સંસ્કૃતની વધી રહેલી લોકપ્રિયતાનો લાભ ભાષાના જાણકારોને મળશે. તેમણે મુંબઈ યુનિવર્સિટીના વાઇસ ચાન્સેલર ડૉ. રવિન્દ્ર કુલકર્ણી સાથેની વાતચતીના આધારે કહ્યું હતું કે મુંબઈ યુનિવર્સિટી, સંસ્કૃત વિભાગ અને કેન્દ્રીય સંસ્કૃત વિશ્વવિદ્યાલય ભારતીય જ્ઞાન પરંપરાના વિષયને પ્રસિદ્ધ કરવા માટે સાથે મળીને કાર્ય કરી શકે એવા સમજૂતી કરાર કરશે. સેમિનારમાં વિભાગના અસોસિયેટ પ્રોફેસર ડૉ. માધવી નરસાળેએ બંને મુખ્ય મહેમાનોનો પરિચય આપ્યો હતો. અને અન્ય અસોસિયેટ પ્રોફેસર સુચિત્રા તાજણેએ કાવ્યાત્મક રીતે આભાર વિધિ કરી હતી.
