Home Blog Page 2200

૨૬ ડિસેમ્બર, ૨૦૨૩

૨૬ ડિસેમ્બર, ૨૦૨૩

કાંકરીયા કાર્નિવલનો CM ભૂપેન્દ્ર પટેલે પ્રારંભ કરાવ્યો

અમદાવાદમાં કાંકરીયા કાર્નિવલનો મુખ્યમંત્રી ભૂપેન્દ્ર પટેલે પ્રારંભ કરાવ્યો હતો. તેમજ સીએમનાં હસ્તે 216 કરોડનાં કાર્યોનાં ઈ લોકાર્પણ અના ખાતમૂર્હત કર્યા હતા. 14 કરોડનાં ખર્ચે રી ડેવલપમેન્ટ કરેલ 114 આવાસ તથા દુકાનનો ડ્રો કરવામાં આવ્યો હતો. લાભાર્થીઓને ઘરની ચાવી આપવામાં આવી હતી. એઈડ્સની માહિતી માટેની ડિઝીટલ બુકનું વિમોચન કરાયું હતું.

શહેરમાં સ્વચ્છતા રાખવા અંગે શપથ લેવડાવવામાં આવી હતી. સ્વચ્છતા માસ્કોટનું ઉદ્ઘાટન કરવામાં આવ્યું હતું. મુખ્યમંત્રી ભૂપેન્દ્ર પટેલ દ્વારા નિવેદન આપ્યું હતું કે, એએમસી દ્વારા આયોજીત કાંકરિયા કાર્નિવલ સાથે 155 કરોડનાં વિકાસલક્ષી કામોનાં લોકાર્પણ સાથે હું સૌને શુભેચ્છા પાઠવું છું. તમામ પદાધિકારીઓ સાથે ત્રણ પૂર્વ મેયર પણ હાજર રહ્યા હતા. આજે પૂર્વ પ્રધાનમંત્રી અટલ બિહારી વાજપેયીનાં જન્મ દિવસને આપણે સુશાસન તરીકે ઉજવીએ છીએ. પ્રધાનમંત્રીએ પોતાનાં વિઝનથી રાજ્ય અને શહેરોનાં વિકાસ કરવામાં આવ્યા છે.

અમદાવાદ ખાતે દર વર્ષની જેમ આ વર્ષે પણ તા. 25 થી 31 દરમ્યાન કાંકરિયા કાર્નિવલની ઉજવણી કરવામાં આવી રહી છે. કાંકરિયા કાર્નિવલને લઈ 7 એન્ટ્રી ગેટ અને 3 મુખ્ય સ્ટેજ બનાવવામાં આવ્યા છે. સવારે 10 થી લઈ રાત્રે 10 વાગ્યા સુધી કાંકરિયા કાર્નિવલ યોજાશે. ગયા અઠવાડીયામાં 22 લાખ લોકોએ મુલાતાક લીધી હતી.

કાંકરિયા કાર્નિવલ તેમજ નવા વર્ષની ઉજવણીને લઈ પોલીસ દ્વારા ચુસ્ત બંદોબસ્ત ગોઠવવામાં આવ્યો છે. કાંકરિયા કાર્નિવલ દરમ્યાન 3 શિફ્ટમાં પોલીસ બંદોબસ્ત ગોઠવવામાં આવ્યો હતો. 7 ગેટ પરનાં દરેક ગેટ પર SHE ટીમ, 2 બોમ્બ સ્કોડ તૈનાત કરાશે. તેમજ 2 ડીસીપી, એસીપી, 19 પીઆઈ, 76 પીએસઆઈ સહિત 760 પોલીસ જવાનો બંદોબસ્તમાં તૈનાત રહેશે. તેમજ એક એસઆરપી કંપની તેમજ 150 જેટલા હોમગાર્ડ પણ બંદોબસ્તમાં રહેશે. બોડીવોર્ન કેમેરા, વોકીટોકી સેટ, વોચ ટાવરનો પણ ઉપયોગ કરવામાં આવશે. જ્યારે ટ્રાફિક માટે 1 જેસીપી, 2 ડીસીપી અને 1 એસીપી, જ્યારે 2 પીઆઈ, 2 પીએસઆઈ, 350 ટ્રાફિક પોલીસ બંદોબસ્તમાં રહેશે.

રાષ્ટ્રપતિ મુર્મુએ ત્રણ નવા બિલને મંજૂરી આપી

રાષ્ટ્રપતિ દ્રૌપદી મુર્મુએ સોમવારે ભારતીય ન્યાય સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમને મંજૂરી આપી હતી. આ ત્રણ નવા બિલ ગયા અઠવાડિયે જ સંસદના બંને ગૃહો (પહેલી લોકસભા અને પછી રાજ્યસભા) દ્વારા પસાર કરવામાં આવ્યા હતા. સંસદે ગુરુવારે આ બિલોને મંજૂરી આપી હતી, જેમાં વસાહતી યુગના ફોજદારી કાયદાઓમાં ઘણા મહત્વપૂર્ણ ફેરફારો કરીને, આતંકવાદ, લિંચિંગ અને રાષ્ટ્રીય સુરક્ષાને જોખમમાં મૂકતા ગુનાઓ માટે સખત સજાની જોગવાઈઓ કરવામાં આવી છે.

રાષ્ટ્રપતિ મુર્મુએ સંસદ દ્વારા પસાર કરાયેલા ત્રણ નવા ક્રિમિનલ જસ્ટિસ બિલને મંજૂરી આપ્યા બાદ હવે આ કાયદાઓ જૂના કાયદાનું સ્થાન લેશે. કેન્દ્ર સરકાર દ્વારા સંસદમાં લાવવામાં આવેલા ત્રણ કાયદાઓ (ભારતીય ન્યાયિક સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમ) હવે બ્રિટિશ શાસન દરમિયાન બનેલા ત્રણ કાયદા, ભારતીય દંડ સંહિતા (IPC) 1860, કોડ ઓફ ક્રિમિનલનું પાલન કરે છે. કાર્યવાહી (CPRC) 1898 અને ભારતીય દંડ સંહિતા (IPC) 1898. એવિડન્સ એક્ટ 1872નું સ્થાન લેશે.

ધ્યેય ન્યાય આપવાનો છે, સજા નહીં: અમિત શાહ

ત્રણ નવા ન્યાય બિલ પર સંસદમાં ચર્ચાનો જવાબ આપતા, કેન્દ્રીય ગૃહ પ્રધાન અમિત શાહે ગયા અઠવાડિયે રાજ્યસભામાં કહ્યું હતું કે આ બિલોનો હેતુ જૂના કાયદાની જેમ સજા આપવાનો નથી પરંતુ ન્યાય આપવાનો છે. આ કાયદાઓનો હેતુ વિવિધ પ્રકારના ગુનાઓ અને તેમની સજાને વ્યાખ્યાયિત કરીને દેશમાં ફોજદારી ન્યાય પ્રણાલીમાં મોટા ફેરફારો લાવવાનો હતો. નવા કાયદાઓ આતંકવાદની સ્પષ્ટ વ્યાખ્યા પૂરી પાડે છે, રાજદ્રોહને અપરાધ તરીકે દૂર કરે છે અને ‘રાજ્ય વિરુદ્ધ અપરાધ’ નામની નવી કલમનો સમાવેશ કરે છે. જો કે, વિપક્ષે ચર્ચા દરમિયાન ભાગ લીધો ન હતો કારણ કે ઘણા વિપક્ષી સભ્યોને સસ્પેન્ડ કરવામાં આવ્યા હતા જ્યારે અન્ય વિપક્ષી સાંસદોએ વિરોધમાં કાર્યવાહીમાં ભાગ લીધો ન હતો. લોકસભા તેને પહેલા જ પાસ કરી ચૂકી છે.

આ સંપૂર્ણ ભારતીય છેઃ અમિત શાહ

ગૃહમંત્રી શાહે સંસદમાં કહ્યું હતું કે સંસદ દ્વારા 3 ફોજદારી કાયદાની જગ્યાએ લાવવામાં આવેલા આ નવા બિલો પસાર થયા બાદ દેશની ફોજદારી ન્યાય પ્રક્રિયામાં નવો ફેરફાર થશે અને સંપૂર્ણ રીતે નવી શરૂઆત થશે. ભારતીયતા. તેમણે કહ્યું હતું કે આ નવા કાયદાઓ વાંચ્યા પછી ખબર પડશે કે તેમાં ભારતીય ન્યાયની ફિલોસોફીનો સમાવેશ કરવામાં આવ્યો છે. આ કાયદાઓની ભાવના ભારતીય છે, વિચાર પણ ભારતીય છે અને તે સંપૂર્ણપણે ભારતીય છે.

2023માં ઝોમેટો, સ્વિગી પર સૌથી વધુ ઓર્ડર અપાયા બિરયાનીનાં

મુંબઈઃ સમાપ્ત થવા આવેલા વર્ષ 2023માં ઝોમેટો યૂઝર્સ દ્વારા સૌથી વધારે બિરયાનીના ઓર્ડર આપવામાં આવ્યા હતા, એમ આ ઓનલાઈન ફૂડ ડિલિવરી પ્લેટફોર્મ દ્વારા તેના વાર્ષિક અહેવાલમાં જણાવવામાં આવ્યું છે. ઝોમેટોનું કહેવું છે, 2023માં તેના પ્લેટફોર્મ મારફત બિરયાનીના 10.09 કરોડ ઓર્ડર આપવામાં આવ્યા હતા. ઝોમેટોની હરીફ સ્વિગી કંપનીને પણ આ જ અનુભવ થયો છે. સતત આઠમા વર્ષે સૌથી વધારે ઓર્ડર પ્રાપ્ત કરવામાં બિરયાની ડિશ પહેલા નંબરે રહી છે. એક અંદાજ મુજબ, વર્ષ 2023માં, ભારતમાં પ્રત્યેક સેકંડે બિરયાનીના અઢી જેટલા ઓર્ડર આપવામાં આવ્યા હતા.

આ દર્શાવે છે કે ભારતનાં લોકોનો બિરયાની પ્રત્યેનો પ્રેમ અપાર છે. ઝોમેટો પર બિરયાની પછીનો નંબર પિઝ્ઝાનો આવે છે, જેના 7.45 કરોડ ઓર્ડર મળ્યા હતા. ફૂડ ડિલિવરી સેવામાં ઝોમેટોની સાથે સ્વિગી જોડાતાં બિરયાનીનાં ઓર્ડરની સંખ્યા ખૂબ વધી ગઈ છે.

મધ્યપ્રદેશમાં આજે કેબિનેટનું વિસ્તરણ કરવામાં આવ્યું

મધ્યપ્રદેશમાં ભાજપની બમ્પર જીતના 22 દિવસ બાદ આજે કેબિનેટનું વિસ્તરણ કરવામાં આવ્યું છે. મોહન યાદવ સરકારના 28 ધારાસભ્યોએ આજે ​​મંત્રી તરીકે શપથ લીધા. જેમાં 18 કેબિનેટ મંત્રી, 6 સ્વતંત્ર હવાલો ધરાવતા રાજ્ય મંત્રી અને 4 રાજ્ય મંત્રી બનાવવામાં આવ્યા છે. આ મંત્રીઓમાં કૈલાશ વિજયવર્ગીય, પ્રહલાદ પટેલ, કૈલાશ સારંગ, તુલસી સિલાવત સહિત ઘણા મોટા નામો પણ સામેલ છે.

આ ધારાસભ્યોએ શપથ લીધા

કેબિનેટ મંત્રી

1-પ્રદ્યુમ્ન સિંહ તોમર
2-તુલસી સિલાવત
3-એદલસિંહ કસાણા
4-નારાયણ સિંહ કુશવાહા
5-વિજય શાહ
6-રાકેશ સિંહ
7-પ્રહલાદ પટેલ
8-કૈલાશ વિજયવર્ગીય
9-કરણ સિંહ વર્મા
10-સંપતિયા ઉઈકે
11-ઉદય પ્રતાપ સિંહ
12-નિર્મલા ભુરીયા
13-વિશ્વાસ સારંગ
14-ગોવિંદસિંહ રાજપૂત
15-ઇન્દરસિંહ પરમાર
16-નગરસિંહ ચૌહાણ
17-ચૈતન્ય કશ્યપ
18-રાકેશ શુક્લ

રાજ્ય મંત્રી (સ્વતંત્ર હવાલો)

19-કૃષ્ણ ગૌર
20-ધર્મેન્દ્ર લોધી
21-દિલીપ જયસ્વાલ
22-ગૌતમ ટેટવાલ
23- લેખન પટેલ
24- નારાયણ પવાર

રાજ્ય મંત્રી

25–રાધા સિંહ
26-પ્રતિમા બાગરી
27-દિલીપ અહિરવાર
28-નરેન્દ્ર શિવાજી પટેલ

આ મંત્રીઓ ઓબીસીમાંથી આવે છે

આ ઉપરાંત પ્રહલાદ પટેલ, કૃષ્ણ ગૌર, ઈન્દરસિંહ પરમાર, નરેન્દ્ર શિવજી પટેલ, લખન પટેલ, આંધલ સિંહ કંસાના, નારાયણ સિંહ કુશવાહા, ધર્મેન્દ્ર લોધી, નારાયણ પવાર, રાવ ઉદય પ્રતાપ, ધર્મેન્દ્ર લોધી ઓબીસી સમુદાયમાંથી આવે છે.

આ મંત્રીઓ સામાન્ય રીતે આવે છે

વિશ્વાસ સારંગ, રાકેશ સિંહ, ગોવિંદ સિંહ રાજપૂત, પ્રદ્યુમન સિંહ તોમર, કૈલાશ વિજયવર્ગીય, ચેતન્ય કશ્યપ, રાકેશ શુક્લા, હેમંત ખંડેલવાલ, દિલીપ જયસ્વાલ,

અનુસૂચિત જનજાતિના ઘણા મંત્રીઓ છે

રાધાસિંહ, સંપતીયા ઉઇકે, વિજય શાહ, નિર્મલા ભુરીયા

આ મંત્રીઓ અનુસૂચિત જાતિમાંથી આવે છે

તુલસી સિલાવત, પ્રતિમા બાગરી, ગૌતમ ટેન્ટવાલ, દિલીપ અહિરવાર.

મુખ્યમંત્રી મોહન યાદવની ટીમે પૂર્વ સીએમ શિવરાજ સિંહ ચૌહાણ સરકારની કેબિનેટના છ સભ્યોને સ્થાન આપ્યું છે, જેમાં તુલસી સિલાવત, વિજય શાહ, ગોવિંદ સિંહ રાજપૂત, વિશ્વાસ સારંગ, ઈન્દર સિંહ પરમાર અને પ્રધુમ્ન સિંહ તોમર, જ્યારે ગોપાલ ભાર્ગવ, મીના સિંહનો સમાવેશ થાય છે. , ઉષા ઠાકુર, હરદીપ સિંહ ડુંગ, બ્રિજેન્દ્ર પ્રતાપ સિંહ, ભૂપેન્દ્ર સિંહ, પ્રભુરામ ચૌધરી, ઓમપ્રકાશ સાખલેચા, બ્રિજેન્દ્ર સિંહ યાદવ, બિસાહુલાલ કેબિનેટમાં સ્થાન મેળવી શક્યા નથી.

 

અદાણી ગ્રીને સોલર એનર્જી કોર્પો.સાથે એગ્રીમેન્ટના અમલીકરણની જાહેરાત કરી

અમદાવાદ: ભારતની વિરાટ અને વિશ્વના અગ્રણી રિન્યુએબલ એનર્જીના ક્ષેત્રમાં ગજું કાઢનાર અદાણી ગ્રીન એનર્જી લિ.એ 1,799 મેગાવોટ સોલાર પાવર સપ્લાય કરવા માટે સોલાર એનર્જી કોર્પોરેશન ઓફ ઈન્ડિયા (SECI) સાથે પાવર પરચેઝ એગ્રીમેન્ટ (PPA) ના અમલીકરણની જાહેરાત કરી છે. જૂન 2020 માં SECI દ્વારા તેને આપવામાં આવેલ સમગ્ર 8,000 MWના ઉત્પાદનને સાંકળતા સોલાર ટેન્ડર માટે પાવર ઑફ ટેક ટાઈ-અપ આ બાકી PPA પર હસ્તાક્ષર કરવા સાથે અદાણી ગ્રીન એનર્જીએ પૂર્ણ કર્યું છે. જે વિશ્વનું સૌથી મોટું સોલાર ટેન્ડર હોવાનો રેકોર્ડ નોંધાવ્યો છે.

મેન્યુફેક્ચરિંગ પ્લાન્ટ કાર્યરત કરી દીધો

બે ગિગાવોટના PV સેલ અને મોડ્યુલ ઉત્પાદન સુવિધાઓની સ્થાપનાના સમાવેશ સાથે અદાણી ગ્રીન એનર્જી લિ.એ સોલાર એનર્જી કોર્પોરેશન ઓફ ઇંડીઆ સાથેના ઉત્પાદન-સંકલિત સોલાર પીવી ટેન્ડરની કંપનીની પ્રતિબદ્ધતાઓ પરત્વે પ્રગતિ કરી છે. અદાણી એનર્જીએ તેની સહયોગી કંપની મુન્દ્રા સોલર એનર્જી લિ. (MSEL) દ્વારા વાર્ષિક ૨ ગિગાવોટની ક્ષમતા સાથે સોલાર પીવી સેલ અને મોડ્યુલ મેન્યુફેક્ચરિંગ પ્લાન્ટ કાર્યરત કરી દીધો છે. ગુજરાતના મુન્દ્રા ખાતે આવેલ આ પ્લાન્ટ માં AGEL તેની સંપૂર્ણ માલિકીની પેટાકંપની અદાણી રિન્યુએબલ એનર્જી હોલ્ડિંગ ફોર લિ. દ્વારા MSEL ના 26% શેર ધરાવે છે.

 

 

આત્મનિર્ભર ભારતના સપનાને સાકાર કરશે

અદાણી ગ્રીન એનર્જી લિ.ના મુખ્ય કારોબારી અધિકારી અમિત સિંઘે જણાવ્યું હતું કે, અદાણી ગ્રીન માત્ર ભારતના ડીકાર્બોનાઇઝેશન લક્ષ્યોને પામવા માટે જ નહીં પરંતુ આત્મનિર્ભર ભારતના સપનાને સાકાર કરવામાં પણ યોગદાન આપવા માટે પ્રતિબદ્ધ છે. અમે સૌથી મોટા ગ્રીન પીપીએને આખરી કરવા સાથે ટકાઉ ઊર્જા લેન્ડસ્કેપને સક્ષમ કરતા આનંદ અનુભવીએ છીએ. અદાણી ગ્રીને હવે આ સાથે 19.8 GW ના PPA સાથે જોડાણ કર્યું છે અને તેના 20.6 GW લૉક-ઇન પોર્ટફોલિયોમાં બાકીની મર્ચન્ટ ક્ષમતા છે. ભારતના સંસાધન સમૃદ્ધ વિસ્તારોમાં બે લાખ એકરથી વધુ જમીન પહેલેથી જ આવરી લેવાયેલી હોવાથી 2030 સુધીમાં 45 ગીગાવોટ ક્ષમતાના અમલ માટે પોર્ટફોલિયો સંપૂર્ણપણે જોખમમુક્ત છે.

કમાલ રાશિદ ખાન ‘KRK’ની મુંબઈ એરપોર્ટ પર ધરપકડ

મુંબઈઃ અભિનેતા, નિર્માતા અને હિન્દી-ભોજપુરી સિનેમા લેખક કમાલ રાશિદ ખાનની મુંબઈ એરપોર્ટ પર ધરપકડ કરવામાં આવી છે. આ જાણકારી એક્ટરે પોતે જ X (ટ્વિટર)ના માધ્યમથી આપી છે. કમાલ આર. ખાનનું મૂળ નામ છે મોહમ્મદ રાશિદ મોહમ્મદ ઈકબાલ કમાલ. એણે ટ્વિટર પર જણાવ્યું છે કે, ‘જો હું જેલમાં મરી જાઉં તો તમારે એને હત્યા ગણવી.’

કમાલની ધરપકડ 2016ની સાલના એક કેસના સંબંધમાં ધરપકડ કરવામાં આવી હોવાનું મનાય છે. એણે ટ્વીટમાં લખ્યું છે: ‘હું છેલ્લા એક વર્ષથી મુંબઈમાં છું. કોર્ટ કેસને લગતી તારીખો વખતે હું કોર્ટમાં નિયમિત હાજરી આપતો રહ્યો છું. આજે હું નવા વર્ષની ઉજવણી માટે દુબઈ જતો હતો. પણ મુંબઈ પોલીસે એરપોર્ટ પર જ મારી ધરપકડ કરી છે. પોલીસના જણાવ્યા મુજબ, 2016ના એક કેસમાં હું વોન્ટેડ છું. સલમાન ખાન કહે છે કે એની ફિલ્મ ટાઈગર 3 મારે કારણે ફ્લોપ ગઈ છે. જો હું પોલીસ સ્ટેશનમાં કે જેલમાં કોઈ સંજોગોમાં મરી જાઉં તો તમે બધા એને હત્યા માનજો. અને તમે સહુ જાણો જ છો કે જવાબદાર કોણ છે!’

સોશિયલ મીડિયા પર કમાલ ખાનની ઘણા યૂઝરે હાંસી પણ ઉડાવી છે. એક જણે લખ્યું છે: ‘હું તને કહેતો જ હતો કે બકવાસ બંધ કર… કર્મ… મજા કર.’ બીજા એક જણે લખ્યું છે: ‘અમે તારી સાથે જ છીએ કમાલ આર. ખાન. અમે તને એમ શાંતિથી મરવા નહીં દઈએ.’

પાકિસ્તાનની ચૂંટણીમાં આતંકવાદની એન્ટ્રી

આતંકવાદ હવે પાકિસ્તાનની ચૂંટણીમાં પ્રવેશી ચૂક્યો છે કારણ કે 26/11 મુંબઈ હુમલાના માસ્ટરમાઈન્ડ હાફિઝ સઈદનો પુત્ર તલ્હા સઈદ લાહોરની NA-127 બેઠક પરથી ચૂંટણી લડી રહ્યો છે. હકીકતમાં, હાફિઝ સઈદના નવા રાજકીય સંગઠને પાકિસ્તાનમાં 8 ફેબ્રુઆરીએ યોજાનારી સામાન્ય ચૂંટણી માટે મોટાભાગની રાષ્ટ્રીય અને પ્રાંતીય વિધાનસભા મતવિસ્તારો માટે તેના ઉમેદવારો ઉભા કર્યા છે.

આતંકવાદી સંગઠન લશ્કર-એ-તૈયબા (LeT) ના સ્થાપક સઈદ, પ્રતિબંધિત જમાત-ઉદ-દાવા (JuD) સાથે સંકળાયેલા આતંકવાદી ધિરાણના કેસમાં દોષિત ઠેરવ્યા પછી કેટલાક અન્ય નેતાઓ સાથે 2019 થી જેલમાં છે. સઈદે પાકિસ્તાન મરકઝી મુસ્લિમ લીગ (PMML) નામનો એક અલગ રાજકીય પક્ષ બનાવ્યો છે. PMMLનું ચૂંટણી ચિન્હ ‘ખુરશી’ છે.

PMML પ્રમુખ ખાલિદ મસૂદ સિંધુએ એક વીડિયો સંદેશમાં કહ્યું કે તેમની પાર્ટી મોટાભાગની રાષ્ટ્રીય અને પ્રાંતીય વિધાનસભા બેઠકો પર ચૂંટણી લડી રહી છે. ખાલિદ મસૂદ સિંધુએ કહ્યું, “અમે ભ્રષ્ટાચાર માટે નહીં પરંતુ લોકોની સેવા કરવા અને પાકિસ્તાનને ઇસ્લામિક કલ્યાણકારી રાજ્ય બનાવવા માટે સત્તામાં આવવા માંગીએ છીએ.” સિંધુ NA-130 લાહોરથી ઉમેદવાર છે, જ્યાંથી પાકિસ્તાન મુસ્લિમ લીગ-નવાઝના સુપ્રીમો અને પૂર્વ વડાપ્રધાન નવાઝ શરીફ પણ ચૂંટણી લડી રહ્યા છે.

‘ભારતના બોલિંગ આક્રમણ સામે અમારો ઘરઆંગણાનો લાભ નિરર્થક’: કેપ્ટન બવૂમા

સેન્ચુરિયનઃ રોહિત શર્માના નેતૃત્ત્વ હેઠળની ભારતીય ટીમ આવતીકાલથી અહીંના સુપરસ્પોર્ટ પાર્ક મેદાન પર સાઉથ આફ્રિકા સામે બે-મેચની શ્રેણીની પહેલી ટેસ્ટ મેચ રમશે. મેચ ભારતીય સમય મુજબ, બપોરે 1.30 વાગ્યાથી શરૂ થશે. મેચની પૂર્વસંધ્યાએ સાઉથ આફ્રિકાના કેપ્ટન ટેમ્બા બવૂમાએ ભારતના બોલિંગ આક્રમણની તાકાતનો સ્વીકાર કર્યો છે અને કહ્યું છે કે ભારતના બોલિંગ આક્રમણમાં એટલી બધી શક્તિ અને સામર્થ્ય છે કે તેને કારણે યજમાનોને ઘરઆંગણે રમવાના મળેલો લાભ નિરર્થક બની જાય છે.

મોહમ્મદ શામી ઈજાગ્રસ્ત છે તે છતાં, ભારતને જસપ્રિત બુમરાહ, મોહમ્મદ સિરાજ, પ્રસિદ્ધ કૃષ્ણા અને મુકેશ કુમાર જેવા ફાસ્ટ બોલરોની સેવા મળશે. જ્યારે સ્પિન વિભાગમાં, વર્લ્ડ-ક્લાસ સ્પિનરો – રવિચંદ્રન અશ્વિન અને રવિન્દ્ર જાડેજાનો ટેકો મળશે. ‘એમની બોલિંગ તાકાત ઘણી જોરદાર છે એનાથી અમે વાકેફ છીએ. એમના બોલિંગ એટેકને કારણે અમને ઘરઆંગણે રમવાનો મળેલો લાભ નિરર્થક બની જાય છે. અમારા બેટર્સ એમના બોલરો સામે કેવો પડકાર ઝીલે છે એની પર અમારો મદાર રહેલો છે,’ એમ બવુમાએ કહ્યું.

આમ છતાં, રેકોર્ડ કહે છે કે ભારતીય ટીમ સાઉથ આફ્રિકામાં હજી સુધી એકેય ટેસ્ટ શ્રેણી જીતી શકી નથી. માત્ર ઈંગ્લેન્ડ, ઓસ્ટ્રેલિયા અને શ્રીલંકા ટીમો જ જીતી શકી છે. સાઉથ આફ્રિકાની ધરતી પર ભારતીય ટીમ આઠ ટેસ્ટ શ્રેણી રમી છે, પણ એમાંની સાતમાં એનો પરાજય થયો છે. આ દેશની ધરતી પર ભારત અત્યાર સુધીમાં 23 ટેસ્ટ મેચ રમ્યું છે જેમાંથી માત્ર ચારમાં જીતી શક્યું છે.

CM ભૂપેન્દ્ર પટેલે સ્વાગત પોર્ટલની નવી અદ્યતન વેબસાઈટ લોન્ચ કરી

મુખ્યમંત્રી ભૂપેન્દ્ર પટેલે મુખ્યમંત્રી નિવાસ સ્થાન ખાતે પૂર્વ વડાપ્રધાન અટલ બિહારી વાજપેયીજીની જન્મજયંતિ નિમિત્તે ગુડ ગવર્નન્સ ડે–2023 આયોજિત કાર્યક્રમમાં જણાવ્યું હતું કે, રાજ્યના છેવાડાના માનવી સુધી સેવાની સરળ અને ઝડપી ડિલીવરીથી ગુડ ગવર્નન્સ સાકાર કર્યું છે. બોટમ ટુ ટોપ એપ્રોચ સાથે કામગીરી કરીને રાજ્ય સરકારે સુશાસનનું ઉત્તમ ઉદાહરણ પૂરું પાડ્યું છે. લોકો માટે લોકો સુધી પહોંચવા માટેના કર્તવ્ય ભાવથી રાજ્ય સરકાર કાર્યરત છે.આ કાર્યક્રમ અંતર્ગત મુખ્યમંત્રીએ નવા ઇનિશિએટિવ્ઝ અંતર્ગત પહેલ સીએમ કાર્યાલયની અપડેટ વેબસાઈટ, સ્વાગત ઓનલાઈનની અદ્યતન વેબસાઈટ અને સીએમ ડેશબોર્ડના નવા શરૂ કરાયેલા બે પેરામીટર્સનું લૉન્ચિંગ કર્યું હતું.

સીએમ કાર્યાલયની આ નવી વેબસાઈટ સરળ નેવિગેશન, સહજ એક્સેસ, મોબાઈલ રિસ્પોન્સિવ પેજીસ, સમાચાર તથા પ્રેસ રિલીઝનું સરળ શેરિંગ, ફોટો-વીડિયો માટે સરળ વોલ સહિતની ઘણી સુવિધાઓથી સભર છે. તેના પરથી હવે સીએમઓ દ્વારા સોશિયલ મીડિયા પર મૂકવામાં આવેલી પ્રત્યેક પોસ્ટ જોવા મળી શકશે. તેમજ રાજ્ય સરકારના અગત્યના નિર્ણયોની માહિતી નવી વેબસાઈટના હોમ પેજ પરથી જ મળી રહેશે.સ્વાગત કાર્યક્રમની અદ્યતન વેબસાઈટમાં નવા ફીચર્સ ઉમેરવામાં આવ્યા છે. નિયત સમય મર્યાદામાં નાગરિકોના પ્રશ્નોનું નિરાકરણ ન આવે તો આપોઆપ અરજી ઉપરી અધિકારીને તબદીલ થાય છે. અરજીના ઝડપી નિકાલ તથા મોનીટરીંગ માટે ઓટો એસ્કલેશન મેટ્રિક્સ સિસ્ટમ શરૂ કરવામાં આવી છે.

આ ઉપરાંત સીએમ ડેશબોર્ડને વધુ અસરકારક બનાવવા રિઅલ ટાઈમ પર્ફોર્મન્સ મેઝરમેન્ટ સિસ્ટમ ૨.૦ તથા ડિપાર્ટમેન્ટ પર્ફોર્મન્સ એલર્ટ મોનિટરીંગ સિસ્ટમ દાખલ કરાયાં છે. રિઅલ ટાઈમ પર્ફોર્મન્સ મેઝરમેન્ટ સિસ્ટમ ૨.૦ જિલ્લા અધિકારીઓનું પાંચ મુખ્ય સેક્ટર્સમાં ધ્યાન કેન્દ્રિત કરશે. તેમજ પર્ફોર્મન્સ એલર્ટ મોનિટરીંગ સિસ્ટમથી વિભાગના મંત્રીઓ અને સચિવોને વિભાગની પ્રજાલક્ષી યોજનાઓની લક્ષ્ય સિદ્ધિઓ, ક્યાં કચાસ રહી ગઈ, ક્યાં વિશેષ કાર્યને અવકાશ છે વગેરે માહિતીનું સતત અપડેટ આપશે.ગુડ ગવર્નન્સ નિમિત્તે આયોજિત આ કાર્યક્રમમાં ત્રણ એમઓયુ થયાં હતા. જેમાં એનએફએસયુ અને મુખ્યમંત્રીના જનસંપર્ક એકમ, એમનએફ એસયુના અને સીએમ. ડેશબોર્ડ તથા વાધવાની ફાઉન્ડેશન અને મુખ્યમંત્રી કાર્યાલયના એડમિન એકમ વચ્ચે વિવિધ વહીવટી પ્રક્રિયા સરળ કરવા અંગે એમઓયુ થયા હતા.

1...2,1992,2002,201...5,142Page 2,200 of 5,142