અમદાવાદઃ અનંત યુનિવર્સિટીના વિદ્યાર્થીઓએ લેહમાં આવેલા હેમયા ગામમાંથી રોંગ (Rong) જનજાતિ પાસેથી હેન્ડ સ્પિનિંગ, બેકસ્ટ્રેપ અને લૂમ વીવિંગ પરની પાંચ દિવસની વર્કશોપમાં સમૃદ્ધ અને પરંપરાગત ક્રાફ્ટમેનશિપની શોધી કાઢી હતી.
આ વર્કશોપમાં ભાગ લેનારા વિદ્યાર્થીઓએ મહિલા કલાકારો પાસેથી કલાત્મક કારીગરીને વિકસિત કરી હતી અને તેમની પાસેથી યુનિક ટેક્નિક શીખી હતી અને સુંદર ગાલીચો બનાવવાની કલા શીખી હતી. તેમણે ફ્લોર અને તકિયાના રૂપે કવરના રૂપે ઉપયોગ કરવામાં આવતા કવર પરની કારીગરી પણ શીખી હતી.
આ વર્કશોપમાં વિદ્યાર્થીઓ રોંગ જનજાતિની પરંપરાગત હાથથી થતા વણાટકામનો અનુભવ મેળવ્યો હતો. આ વિદ્યાર્થીઓએ આ વર્કશોપમાં કારીગરો પાસેથી હાથથી બારીક વણાટકામ શીખ્યું હતું. અનુભવી તાલીમ શિક્ષકો પાસેથી ભાગ લેતા વિદ્યાર્થીઓએ બે સેલ્ફ મહિલા ગ્રુપો પાસેથી માર્ગદર્શન મેળવ્યું હતું. આ વર્કશોપના માધ્યમથી વિદ્યાર્થીઓએ ત્યાંના સ્ટોરી ટેલિંગ (લોકગીત, વાર્તા અને સંવાદ) તેમ જ અવનવી કૂકિંગ રેસિપી પણ શીખી હતી. આ વિદ્યાર્થીઓએ આ મહિલાઓ પાસેથી આ ક્રાફ્ટની તાલીમનું ડોક્યુમેન્ટેશન પણ કર્યું હતું.
આ વર્ષે 22 ડિસેમ્બરે, 2023એ માગશરના શુક્લ પક્ષે મોક્ષદા અગિયારસે ગીતા જયંતી ઊજવવામાં આવે છે, એ પ્રસંગે રાજ્ય સરકારે ધોરણ 6થી 8ના અભ્યાસક્રમમાં ગીતાને સમાવવાનો નિર્ણય લેવામાં આવ્યો છે. ગીતા જંયતીના અવસરે આજે શિક્ષણ મંત્રી કુબેર ડિંડોર અને પ્રફુલ પાનસેરિયાએ આ મુદે સ્પષ્ટતા કરતાં જણાવ્યું હતું કે શ્રીમદભગવદ્ ગીતાના સિદ્ધાંતો અને મૂલ્યોને બાળકોના જીવનમાં ઉતારવા માટે ભગવદ્ ગીતાને અભ્યાસ ક્રમમાં સામેલ કરવાનો નિર્ણય લેવામાં આવ્યો છે. હવેથી તમામ સરકારી શાળાઓમાં ધોરણ 6થી 8માં આ પુસ્તક અભ્યાસક્રમમાં સામેલ કરવામાં આવશે. જેની કાયદેસર પરીક્ષા પણ લેવાશે.
