Home Blog Page 2501

ભારત-કેનેડા તણાવ: વિદેશ મંત્રાલયે રાજદ્વારીને મળેલી ધમકી પર આપી પ્રતિક્રિયા

ખાલિસ્તાન સમર્થક હરદીપ સિંહ નિજ્જરની હત્યાને લઈને ભારત અને કેનેડા વચ્ચે ચાલી રહેલા વિવાદ વચ્ચે રાજદ્વારીઓની સુરક્ષાને લઈને સવાલો ઉભા થઈ રહ્યા છે. સરકારે ગુરુવારે આનો જવાબ આપ્યો. ભારતમાં કેનેડિયન રાજદ્વારીને મળેલી ધમકીઓના અહેવાલ પર વિદેશ મંત્રાલયના પ્રવક્તા અરિંદમ બાગચીએ કહ્યું કે અમે વિદેશી દેશોના દરેક રાજદ્વારીની સુરક્ષા કરીએ છીએ. આપણે આપણી જવાબદારીઓથી શરમાતા નથી. બાગચીએ કહ્યું, અમે અમારી જવાબદારીઓને ખૂબ ગંભીરતાથી લઈએ છીએ. અમે ભારતમાં વિદેશી રાજદ્વારીઓને તમામ પ્રકારની સુરક્ષા ચોક્કસપણે પૂરી પાડીશું. અમે અપેક્ષા રાખીએ છીએ કે કેનેડા પણ અમારા રાજદ્વારીઓ પ્રત્યે આવી જ સંવેદનશીલતા દાખવે.તેમણે આ દરમિયાન કહ્યું કે કેનેડિયનોને હાલમાં વિઝા મળશે નહીં.

ભારતે શું કહ્યું?

બાગચીએ કહ્યું કે કેનેડામાં જેટલા ભારતીય રાજદ્વારીઓ છે તેના કરતાં હિન્દુસ્તાનમાં કેનેડિયન રાજદ્વારીઓની સંખ્યા વધુ છે. આવી સ્થિતિમાં બંને દેશો વચ્ચે સંખ્યા સમાન હોવી જોઈએ. તેમણે વધુમાં કહ્યું કે, “અમે આશા રાખીએ છીએ કે કેનેડા આપણા દેશમાં આતંકવાદ અને ભારત વિરોધી ગતિવિધિઓ અંગેની અમારી ચિંતાઓને દૂર કરશે.”

હરદીપ સિંહ નિજ્જર હત્યા કેસમાં શું કહ્યું?

બાગચીએ કહ્યું કે અમે કેનેડાની ધરતી પરથી ભારત વિરોધી ગતિવિધિઓ હાથ ધરવા અંગે કેનેડાને ચોક્કસ માહિતી આપી હતી. તેમણે વધુમાં કહ્યું કે કેનેડાએ હરદીપ સિંહ નિજ્જરની હત્યા કેસમાં ભારત સાથે વિગતવાર માહિતી શેર કરી નથી. તમામ આરોપો રાજકીય પ્રેરિત છે. તાજેતરમાં કેનેડાના પીએમ જસ્ટિન ટ્રુડોએ દાવો કર્યો હતો કે હરદીપ સિંહ નિજ્જર હત્યા કેસમાં ભારતીય એજન્ટોનો હાથ હોઈ શકે છે.

૧૦૮ એમ્બ્યુલન્સ સેવાઃ ૧.૫૨ કરોડથી વધુ કોલ એટેન્ડ કરાયા

ગાંધીનગરઃ રાજ્યના તત્કાલીન મુખ્ય મંત્રી અને વડા પ્રધાન નરેન્દ્રભાઇ મોદી દ્વારા વર્ષ ૨૦૦૭માં શરૂ કરાયેલી આરોગ્યલક્ષી ૧૦૮ એમ્બ્યુલન્સ ઇમર્જન્સી સેવાનું માળખું આજે અન્ય રાજ્યો માટે એક આદર્શ મોડલ તરીકે પ્રસ્થાપિત થયું છે. મુખ્ય મંત્રી ભૂપેન્દ્રભાઈ પટેલના નેતૃત્વમાં રાજ્યના તમામ જિલ્લાના શહેરો, તાલુકા અને છેવાડાના ગામ સુધી આજે ૧૦૮ એમ્બ્યુલન્સ ઇમરજન્સી સેવા ૨૪x૭ વિનામૂલ્યે ઉપલબ્ધ થઇ રહી છે, જે ગુજરાતના નાગરિકો માટે આશીર્વાદ સમાન છે.

રાજ્યમાં આરોગ્ય સેવા ક્ષેત્રે ૧૦૮ એમ્બ્યુલન્સ ઇમર્જન્સી સેવા શરૂ થઈ ત્યારથી ઓગસ્ટ-૨૦૨૩ સુધીમાં રેકોર્ડ બ્રેક કુલ ૧.૫૨ કરોડથી વધુ ઇમર્જન્સી કોલ સફળતાપૂર્વક એટેન્ડ કરવામાં આવ્યા છે. આ ઉપરાંત ૫૧.૩૭ લાખથી વધુ પ્રસૂતિ સંબંધિત ઇમર્જન્સી અને માર્ગ અકસ્માતના કિસ્સામાં ૧૮.૭૨ લાખથી વધુ ઇમર્જન્સી સેવાઓ આપવામાં આવી છે. જીવન-મરણનો સવાલ હોય તેવી ઇમર્જન્સી સ્થિતિમાં અત્યાર સુધીમાં કુલ ૧૪ લાખથી વધુ લોકોના જીવ બચાવવામાં આવ્યા છે  અને એમ્બ્યુલન્સમાં અને જેતે સ્થળ ઉપર કુલ ૧.૩૨ લાખથી વધુ સફળ પ્રસૂતિ કરાવવામાં આવી છે.રાજ્યના અમરેલી, બનાસકાંઠા, દેવભૂમિ દ્વારકા, જામનગર, વલસાડ અને અમદાવાદના ૧૦૮ના ઇમર્જન્સી મેડિકલ ટેકનિશિયન્સ-EMTs અને પાયલોટે ઇજાગ્રસ્તો પાસેથી મળેલી અંદાજે રૂ. ૧૯.૩૩ લાખની કિંમતની વસ્તુઓ-રોકડ પરત કરી પ્રામાણિકતાનું ઉત્તમ ઉદાહરણ પૂરું પાડ્યું છે.આ સાથે વર્ષ ૨૦૧૭માં શરૂ કરાયેલી ૧૦૪ હેલ્થ હેલ્પલાઇન દ્વારા કુલ ૪૮.૬૮ લાખથી વધુ કોલ એટેન્ડ કરીને યોગ્ય માર્ગદર્શન આપવામાં આવ્યું છે. આ ઉપરાંત વર્ષ ૨૦૧૮માં શરૂ કરાયેલી ૧૦૮ બોટ એમ્બ્યુલન્સ દ્વારા ૬૫૪ જેટલા નાગરિકોનો જીવ બચાવવામાં આવ્યો છે. હાલમાં ગુજરાતમાં બે ૧૦૮ બોટ એમ્બ્યુલન્સ સેવા કાર્યરત છે. રાજ્યના આઠ જિલ્લાઓમાં વર્ષ ૨૦૧૯થી કાર્યરત ૧૧૨ ઇમરજન્સી સેવા અંતર્ગત ૧.૪૩ કરોડથી વધુ ઇમરજન્સી કોલ, પોલીસ ઇમરજન્સી, ફાયર ઇમરજન્સી, મેડિકલ ઇમરજન્સી અને ડિઝાસ્ટર ઇમરજન્સી સંબંધિત કોલ એટેન્ડ કરવામાં આવ્યા છે.

રાજ્યમાં નવતર પહેલના ભાગરૂપે વર્ષ ૨૦૨૦માં ૧૧૦૦ ટેલિ મેડિસિન એટલે કે ઘરે બેઠા ટેલિફોન પર ડૉક્ટરનું માર્ગદર્શન અંતર્ગત તબીબી સલાહ, કાઉન્સેલિંગ, કોવિડ-૧૯ અને વિવિધ આરોગ્ય સંબંધિત સેવાઓ માટે કુલ ૨.૩૪ લાખથી વધુ કોલ તબીબી ટીમ દ્વારા સફળતાપૂર્વક એટેન્ડ કરીને જરૂરી માર્ગદર્શન આપવામાં આવ્યું છે.

 

 

 

આઇસી15 ઇન્ડેક્સ 407 પોઇન્ટ ઘટ્યો

મુંબઈઃ અમેરિકન ફેડરલ રિઝર્વે વ્યાજદર યથાવત્ રાખ્યા અને ભવિષ્યમાં એમાં વધારો થઈ શકે છે એવો સંકેત આપ્યો એને પગલે વૈશ્વિક ક્રીપ્ટોકરન્સી માર્કેટમાં ઘટાડો નોંધાયો હતો. 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 ગુરુવારે બપોરે ચાર વાગ્યે પૂરા થયેલા ચોવીસ કલાકમાં 1.17 ટકા (407 પોઇન્ટ) ઘટીને 34,428 પોઇન્ટ બંધ રહ્યો હતો. ઇન્ડેક્સ 34,835 ખૂલ્યા બાદ 35,176ની ઉપલી અને 34,325ની નીચલી સપાટીએ પહોંચ્યો હતો. ઇન્ડેક્સના તમામ કોઇન ઘટ્યા હતા. ટોચના ઘટેલા કોઇન લાઇટકોઇન, બીએનબી, અવાલાંશ અને યુનિસ્વોપ હતા.

દરમિયાન, અમેરિકામાં પ્રમુખપદની ચૂંટણી માટેના ઉમેદવાર વિવેક રામાસ્વામીએ ક્રીપ્ટોકરન્સી સંબંધિત સર્વાંગી નીતિ જાહેર કરવાનું આયોજન જાહેર કર્યું છે. બીજી બાજુ, દક્ષિણ કોરિયાના બીજા ક્રમાંકના શહેર બુસાને પબ્લિક બ્લોકચેઇન નેટવર્ક વિકસાવવા માટે આશરે 75 મિલ્યન ડોલરની ફાળવણી કરી છે. સમગ્ર શહેર બ્લોકચેઇન પર આધારિત બનાવવાનું મહત્ત્વાકાંક્ષી આયોજન અહીં કરવામાં આવ્યું છે. અન્ય એક અહેવાલ મુજબ ક્રીપ્ટોકરન્સી પેમેન્ટ કંપની – અલકેમી પે અમેરિકામાં મની ટ્રાન્સમિટર લાઇસન્સ પ્રાપ્ત કરનારી કંપની બની છે.

ક્રિપ્ટોકરન્સીઝ અને બ્લોકચેઇન:  આજની સ્થિતિએ – ૨૧ સપ્ટેમ્બર, ૨૦૨૩

ક્રિપ્ટોકરન્સીઝ અને બ્લોકચેઇન:  આજની સ્થિતિએ – ૨૧ સપ્ટેમ્બર, ૨૦૨૩

વાઇબ્રન્ટ ગુજરાતઃ CMને હસ્તે વેબસાઇટ એપ, બ્રોશર લોન્ચ

ગાંધીનગર: આવતા વર્ષે વાઇબ્રન્ટ ગુજરાત ગ્લોબલ સમિટ યોજાવાની છે. જેના ભાગરૂપે અત્યારથી જ તૈયારીઓ પુરજોશમાં શરૂ કરી દેવામાં આવી છે. જાન્યુઆરી-2024માં 10મી વાઇબ્રન્ટ ગુજરાત ગ્લોબલ સમિટ યોજાવાની છે. જોકે આ વખતે સૌપ્રથમ વાર વાઇબ્રન્ટ ગુજરાત માટે મુખ્ય પ્રધાન ભૂપેન્દ્ર પટેલ દ્વારા મોબાઇલ એપ્લિકેશન લોન્ચ કરવામાં આવી છે. વાઇબ્રન્ટ સમિટના વેબસાઇટ અને બ્રોસર પણ લોન્ચ કરવામાં આવ્યાં છે. 10મી વાઈબ્રન્ટ ગ્લોબલ ગુજરાત સમિટ 10થી 12 જાન્યુઆરીએ યોજાશે. 

તેમણે કહ્યું હતું કે વડા પ્રધાન દ્વારા ઉદઘાટન કરવામાં આવેલા વાઇબ્રન્ટ ગુજરાત વૈશ્વિક શિખર સંમેલન જ્ઞાન વહેંચવાનો અને વ્યૂહાત્મક ભાગીદારી કરવા માટેનું સૌથી પ્રતિષ્ઠિત મંચ રૂપે ઊભરી આવ્યું છે.

મુખ્ય પ્રધાન દ્વારા લોન્ચ કરવામાં આવેલી વેબસાઇટ ને મોબાઇલ એપને વન સ્ટોપ સોલ્યુશન્સ બનાવવા માટે યુઝર્સને માટે સરળ બનાવવામાં આવી છે. મુખ્ય પ્રધાન ભૂપેન્દ્ર પટેલના પ્રધાનમંડળના વરિષ્ઠ મંત્રીઓ, ઉદ્યોગ મંત્રી બળવંતસિંહ રાજપૂત, ગૃહ રાજ્ય મંત્રી હર્ષ સંઘવીની હાજરીમાં આ વેબસાઇટ અને મોબાઇલ એપનો શુભારંભ કરવામાં આવ્યો હતો.

આ સમિટ દરમ્યાન થયેલા કાર્યક્રમમાં મુખ્ય મંત્રીએ કહ્યું હતું કે VG-2024 વેબસાઇટ રાજ્ય સરકારની નીતિઓ, વિવિધ માપદંડોમાં રાજ્યના પ્રદર્શન પર ડેટા અને સંભવિત મૂડીરોકાણો અને પ્રોજેક્ટોની યાદીનું એક વ્યાપક સંકલન હશે. જે ઓનલાઇન રજિસ્ટ્રેશનની સાથે-સાથે ભાગ લેનારા અને રસ ધરાવનાર વ્યક્તિઓ, પ્રતિનિધિમંડળો અને રોકાણકારોની સુવિધા પ્રદાન કરશે.

 

 

 

 

 

 

 

 

 

 

 

 

 

ફિલ્મ અભિનેત્રીઓએ લીધી નવા સંસદભવનની મુલાકાત

તમન્ના ભાટિયા, દિવ્યા દત્તા, ખુશ્બૂ સુંદર, રિશીતા ભટ્ટ સહિત કેટલીક હિન્દી તેમજ દક્ષિણ ભારતીય ફિલ્મોની અભિનેત્રીઓએ 21 સપ્ટેમ્બર, ગુરુવારે નવી દિલ્હીમાં નવા બંધાયેલા સંસદભવનની મુલાકાત લીધી હતી. તેમણે મુલાકાતીઓની ગેલરીમાં બેસીને વિશેષ સત્રની કાર્યવાહી પણ નિહાળી હતી. તમન્ના અને દિવ્યાએ બાદમાં કહ્યું કે સંસદની કાર્યવાહી જોવાનો એક અનોખો અનુભવ અમને આજે મળ્યો છે. અભિનેત્રીઓએ લોકસભામાં પાસ કરાયેલા મહિલા આરક્ષણ ખરડા અંગે પોતાનાં વિચારો પણ પ્રદર્શિત કર્યાં હતાં અને કહ્યું કે આ એક મોટી પહેલ છે. આ ખરડો આમજનતાને આકર્ષિત કરશે અને પ્રેરણા આપશે.

રિશીતા ભટ્ટ

દિવ્યા દત્તા

એશિયન ગેમ્સ 2023: ભારતે બાંગ્લાદેશને 1-0થી હરાવ્યું

ભારતીય ફૂટબોલ ટીમે એશિયન ગેમ્સમાં બાંગ્લાદેશને હરાવ્યું. આ રીતે સુનીલ છેત્રીની આગેવાની હેઠળની ભારતીય ફૂટબોલ ટીમે એશિયન ગેમ્સમાં પ્રથમ વિજય મેળવ્યો છે. આ પહેલા ભારતને ચીન સામેની મેચમાં હારનો સામનો કરવો પડ્યો હતો. પરંતુ ભારતીય ટીમે બાંગ્લાદેશ સામે શાનદાર વાપસી કરી હતી. આ મેચમાં ભારતે બાંગ્લાદેશને 1-0થી હરાવ્યું હતું. ભારત માટે છેલ્લી ક્ષણોમાં કેપ્ટન સુનીલ છેત્રીએ ગોલ કર્યો હતો. આ ગોલની મદદથી ભારતીય ટીમ બાંગ્લાદેશને હરાવવામાં સફળ રહી હતી. આ મેચનો એકમાત્ર ગોલ ભારતીય કેપ્ટન સુનીલ છેત્રીએ 85મી મિનિટે કર્યો હતો. ભારતીય ટીમને ચીન સામે હારનો સામનો કરવો પડ્યો હતો. બાંગ્લાદેશ મ્યાનમાર સામે હારી ગયું હતું.

 

પ્રથમ હાફમાં મેચ ટાઈમાં સમાપ્ત થઈ હતી

બંને ટીમના ખેલાડીઓ શરૂઆતથી જ ગોલ કરવાનો શ્રેષ્ઠ પ્રયાસ કરતા રહ્યા, પરંતુ સફળતા મળી ન હતી. મેચના પહેલા હાફ સુધી ભારત-બાંગ્લાદેશના ખેલાડીઓ એક પણ ગોલ કરી શક્યા ન હતા. પરંતુ ભારતીય ટીમે બીજા હાફમાં શાનદાર પ્રદર્શન રજૂ કર્યું હતું. જોકે, બંને ટીમના ખેલાડીઓને ગોલ કરવાની ઘણી તકો મળી હતી, પરંતુ તેનો ફાયદો ઉઠાવવામાં નિષ્ફળ રહ્યા હતા. આ મેચની પ્રથમ 20 ઓવરમાં બાંગ્લાદેશના ખેલાડીઓનો દબદબો જોવા મળ્યો હતો, પરંતુ તે પછી ભારતીય ખેલાડીઓએ ધમાકેદાર વાપસી કરી હતી.

સુનિલ છેત્રીએ પેનલ્ટી કોર્નર પર ગોલ કર્યો હતો

ઉલ્લેખનીય છે કે એશિયન ગેમ્સની પ્રથમ મેચમાં ભારતીય ફૂટબોલ ટીમને યજમાન ચીનના પડકારનો સામનો કરવો પડ્યો હતો. પરંતુ આ મેચમાં ભારતીય ટીમને હારનો સામનો કરવો પડ્યો હતો. તે જ સમયે, બાંગ્લાદેશી ટીમ તેની પ્રથમ મેચમાં મ્યાનમાર સામે મેદાનમાં ઉતરી હતી, પરંતુ હારનો સામનો કરવો પડ્યો હતો. આ રીતે, આ મેચ બંને ટીમો માટે ખૂબ જ મહત્વપૂર્ણ હતી. જોકે ભારતીય ટીમે બાંગ્લાદેશને હરાવ્યું છે. એક સમયે એવું લાગી રહ્યું હતું કે મેચ ગોલ વિના ડ્રો તરફ આગળ વધી રહી છે. પરંતુ મેચની 85મી મિનિટે સુનિલ છેત્રીએ ગોલ કરીને ભારતીય ટીમને આગળ કરી દીધી હતી. સુનિલ છેત્રીએ પેનલ્ટી કોર્નરથી ગોલ કર્યો હતો.

નેશનલ સિનેમા ડેઃ 13 ઓક્ટોબરે મુવીની ટિકિટ માત્ર રૂ. 99માં મળશે

નવી દિલ્હીઃ ફિલ્મરસિયાઓ ફરી એક વાર ફિલ્મ અને સિનેમા જોવા તૈયાર થઈ જાઓ. 13 ઓક્ટોબરે ‘નેશનલ સિનેમા ડે’ ઊજવવામાં આવશે. ગયા વર્ષની જેમ આ વખતે પણ ‘રાષ્ટ્રીય સિનેમા ડે’ ઊજવાશે. એ સાથે બધી ફિલ્મોની ટિકિટ પર ભારે છૂટ મળશે. પછી એ ‘જવાન’ હોય કે ‘ગદર 2’. નેશનલ સિનેમા ડેએ બધી મુવીની ટિકિટ દર્શકોને માત્ર રૂ. 99માં મળશે.

મલ્ટિપ્લેક્સ એસોસિયેશન ઓફ ઇન્ડિયા (MAI)એ ‘નેશનલ સિનેમા ડે’ની ઘોષણા કરી છે. ગયા વર્ષે રાષ્ટ્રીય સિનેમા દિવસે ફિલ્મપ્રેમીઓની વચ્ચે જબરદસ્ત ક્રેઝ હતો. થિયેટરોની બહાર ભારે ભીડ હતી. એક દિવસ માટે બધી ફિલ્મોની ટિકિટની કિંમત ઘટાડીને માત્ર રૂ.75 કરવામાં આવી હતી. આ ઓફરમાં PVR અને સિનેપોલિસ જેવી મલ્ટિપ્લેક્સ ચેઇન પણ સામેલ હતી.

આ વર્ષે મલ્ટિપ્લેક્સ એસોસિયેશન ઓફ ઇન્ડિયા ફરી એક વાર એ ઓફર લઈને આવી છે. 13 ઓક્ટોબર, 2023એ ‘નેશનલ સિનેમા ડે’ તરીકે ઊજવાશે. એક દિવસ માટે દેશભરમાં બધી ફિલ્મોની ટિકિટની કિંમત ઘટીને માત્ર રૂ. 99 થઈ જશે. એ દિવસે નવી રિલીઝ થયેલી ફિલ્મ પણ દર્શકો હવે રૂ. 100થી ઓછી કિંમતે જોઈ શકશે. ફિલ્મના આ ફેસ્ટિવલમાં 4000 સ્ક્રીન્સ સામેલ થશે, જેમાં PVR, આઇનોક્સ, સિનેપોલિસ, મિરાજ, સિટી પ્રાઇડ, એશિયન, મુક્તા A2, મુવી ટાઇમ, વેવ, M3કે અને ડિલાઇટ સહિત અનેક મલ્ટિપ્લેક્સ અને થિયેટર સામેલ થશે.

 

 

 

 

સંસદનું વિશેષ સત્ર આજે જ થઈ શકે છે સમાપ્ત

સંસદના બંને ગૃહોની કાર્યવાહી ગુરુવારે અનિશ્ચિત સમય માટે સ્થગિત કરવામાં આવી શકે છે. સૂત્રોના જણાવ્યા અનુસાર મહિલા આરક્ષણ બિલ આજે જ રાજ્યસભામાં પાસ થઈ જશે. સાંજે વ્યાપાર સલાહકાર સમિતિની બેઠક છે, જેમાં સંસદના વિશેષ સત્ર અંગે અંતિમ નિર્ણય લેવામાં આવશે. સંસદ સ્થિત વડાપ્રધાન કાર્યાલયમાં એક મોટી બેઠક ચાલી રહી છે. પીએમ મોદી સાથે ગૃહમંત્રી અમિત શાહ અને પ્રહલાદ જોશી હાજર છે. તમને જણાવી દઈએ કે સંસદીય કાર્ય મંત્રી પ્રહલાદ જોશીએ 31 ઓગસ્ટે સંસદનું વિશેષ સત્ર બોલાવવાની માહિતી આપી હતી. તેમણે X પર પોસ્ટ કર્યું હતું કે વિશેષ સત્ર 18 થી 22 સપ્ટેમ્બર સુધી ચાલશે.

મહિલા અનામત બિલ લોકસભામાં પસાર થયું

મંગળવારે વિશેષ સત્ર દરમિયાન કાયદા મંત્રી અર્જુન રામ મેઘવાલે મહિલા આરક્ષણ સંબંધિત બિલ રજૂ કર્યું હતું. બુધવારે લોકસભામાં લાંબી ચર્ચા બાદ આ બિલ પસાર કરવામાં આવ્યું હતું. મતદાન પ્રક્રિયા સ્લિપ દ્વારા કરવામાં આવી હતી જેમાં બિલની તરફેણમાં 454 અને વિરુદ્ધમાં 2 મત પડ્યા હતા. વોટિંગ દરમિયાન પીએમ મોદી પણ ગૃહમાં હાજર હતા. આ બિલ ગુરુવારે રાજ્યસભામાં રજૂ કરવામાં આવ્યું હતું.

બિલમાં આ જોગવાઈ છે

આ બિલમાં મહિલાઓને લોકસભા અને વિધાનસભાઓમાં 33 ટકા અનામત આપવાની જોગવાઈ છે. નારીશક્તિ વંદન બિલ કાયદો બન્યા બાદ 543 સભ્યોની લોકસભામાં મહિલા સભ્યોની સંખ્યા વર્તમાન 82 થી વધીને 181 થઈ જશે અને મહિલાઓને વિધાનસભાઓમાં પણ 33 ટકા અનામત મળશે.

પીએમ મોદીએ સોનેરી ક્ષણ વિશે જણાવ્યું

પીએમ મોદીએ લોકસભામાં મહિલા અનામત બિલ પાસ થવાને ભારતની સંસદીય યાત્રાની સુવર્ણ ક્ષણ ગણાવી. તેમણે લોકસભામાં આ બિલ પસાર કરાવવામાં સહકાર આપવા બદલ સત્તાધારી પક્ષ અને વિપક્ષના તમામ સભ્યોનો આભાર વ્યક્ત કર્યો હતો. તેમણે ગુરુવારે કહ્યું કે જ્યારે રાજ્યસભામાં મહિલા આરક્ષણ બિલ પૂર્ણ થશે ત્યારે દેશની માતૃશક્તિનો વિશ્વાસ દેશને નવી દિશા આપશે.

ઓસ્ટ્રેલિયા સામેની પહેલી ODIમાં સિરાજ નહીં રમે

મોહાલીઃ આવતી પાંચ ઓક્ટોબરથી ભારતની ધરતી પર આઈસીસી મેન્સ ODI વર્લ્ડ કપ સ્પર્ધા રમાવાની છે. પણ એ પૂર્વે ભારતીય ટીમ અને ઓસ્ટ્રેલિયા વચ્ચે 3 મેચોની વન-ડે ઈન્ટરનેશનલ સીરિઝ રમાશે. આવતીકાલે અહીંના પીસીએ બિન્દ્રા સ્ટેડિયમ ખાતે પહેલી મેચ રમાવાની છે. બીજી મેચ 24મીએ ઈન્દોરમાં અને ત્રીજી મેચ 27મીએ રાજકોટમાં રમાશે. ત્રણેય મેચ બપોરે 1.30 વાગ્યાથી શરૂ થશે.

કેપ્ટન રોહિત શર્મા અને સ્ટાર બેટર વિરાટ કોહલીને આ સીરિઝની પહેલી બે મેચ માટે આરામ આપવામાં આવ્યો છે. ઓપનિંગમાં ઋતુરાજ ગાયકવાડ અને શુભમન ગિલ રમશે. તે પછીના ક્રમે વિકેટકીપર ઈશાન કિશન, કેપ્ટન અને વિકેટકીપર કે.એલ. રાહુલ, શ્રેયસ ઐયર, સૂર્યકુમાર યાદવ, રવિન્દ્ર જાડેજા રમશે. ભારતની પ્લેઈંગ ઈલેવનમાં રવિચંદ્રન અશ્વિનને પણ સ્થાન મળવાની ધારણા છે. એવી જ રીતે, ફાસ્ટ બોલરો જસપ્રિત બુમરાહ અને મોહમ્મદ શામી પણ ઈલેવનનો હિસ્સો બની શકે છે.

પહેલી મેચમાં ફાસ્ટ બોલર મોહમ્મદ સિરાજ નહીં રમે એવું મનાય છે. સિરાજે હાલમાં જ કોલંબોમાં રમાઈ ગયેલી એશિયા કપ ફાઈનલ મેચમાં 21 રનમાં 6 વિકેટ લઈને શ્રીલંકાની ટીમનો ઘડોલાડવો કરી નાખ્યો હતો. ભારત મેચ અને વિજેતાપદ જીત્યું હતું અને સિરાજે ‘પ્લેયર ઓફ ધ મેચ’ એવોર્ડ જીત્યો હતો. ટીમ મેનેજમેન્ટ અને ચાહકોની નજર ઐયર અને અશ્વિનના દેખાવ પર રહેશે. ઐયરે હાલમાં જ રમાઈ ગયેલી એશિયા કપ સ્પર્ધામાં પુનરાગમન કર્યું હતું, પરંતુ તે માત્ર એક જ મેચ રમી શક્યો હતો. તે પછી ઈજાને કારણે એ ટીમની બહાર થયો હતો. એવી જ રીતે, અશ્વિન 18 મહિના પછી દેશની વન-ડે ટીમમાં કમબેક કરશે. ઓલરાઉન્ડર અક્ષર પટેલની જગ્યાએ અશ્વિનને ટીમમાં સામેલ કરવામાં આવ્યો છે. અશ્વિન માટે ઓસ્ટ્રેલિયા સામેની શ્રેણી મહત્ત્વની બનશે, કારણ કે એમાં તે સારો દેખાવ કરશે તો જ એને વર્લ્ડ કપમાં રમવાનો ચાન્સ મળશે.

1...2,5002,5012,502...5,179Page 2,501 of 5,179