Home Blog Page 257

તસવીરોમાં જુઓ પ્રિયંકા-નિકનો ગાઢ પ્રેમ

દેશી ગર્લ પ્રિયંકા ચોપરાના પતિ, પ્રખ્યાત અમેરિકન ગાયક નિક જોનાસે એક નવું આલ્બમ રિલીઝ કર્યું છે. પ્રિયંકા ચોપરાએ તેના પતિની પ્રશંસા કરતી એક ખાસ પોસ્ટ શેર કરી છે.

અમેરિકન ગાયક નિક જોનાસ સાથે લગ્ન કર્યા પછી પ્રિયંકા ચોપરા અનેક વખત પતિ માટે સોશિયલ મીડિયા પર પ્રેમ વ્યક્ત કરતી રહેતી હોય છે. ઉંમરમાં તફાવત હોવા છતાં, નિક અને પ્રિયંકા ચાહકોના ખૂબ જ પ્રિય છે. તેમની વચ્ચે અદ્ભુત કેમિસ્ટ્રી અને સમજણ છે. ગત રોજ એટલે કે 6 ફેબ્રુઆરીના રોજ નિક જોનાસનું નવું આલ્બમ, “સન્ડે બેસ્ટ” રિલીઝ થયું. દેશી ગર્લએ તેના પતિને અભિનંદન આપ્યા અને ઘણા જૂના ફોટા શેર કર્યા.

નિક જોનાસના નવા આલ્બમને લઈ પ્રિયંકાએ પતિ પર પ્રેમનો વરસાદ વરસાવ્યો છે. પ્રિયંકા ચોપરાએ પોતાનો જૂનો ફોટો આલ્બમ ખોલ્યો છે. તેણે નિક જોનાસ સાથેના તેના સંબંધોના શરૂઆતના દિવસોના સુંદર ફોટા શેર કર્યા છે. તેની સાથે તેણે એક પ્રેમ પત્ર પણ લખ્યો.

પ્રિયંકાએ લખ્યું, “મારી પાસે શબ્દો નથી, પણ હું તેમને વ્યક્ત કરવાનો પ્રયાસ કરીશ. તમે જ તે છો જેનાથી સપના બને છે. એવી વ્યક્તિને શોધો જે ફક્ત તમને પ્રેમ અને આદર જ નહીં, પણ તમને મૂલ્યવાન પણ માને અને તે બતાવવાથી ડરતો ન હોય.”

સોમવારથી સંસદમાં ગુંજશે ભારત-અમેરિકા ટ્રેડ ડિલનો મુદ્દો

સંસદનું બજેટ સત્ર શરૂ થયા ત્યારથી જ રાજકીય તણાવ અને હોબાળાની છાયામાં ચાલી રહ્યું છે. લોકસભામાં પક્ષ અને વિપક્ષ વચ્ચે થયેલી તીવ્ર નોકઝોકને કારણે કાર્યવાહી વારંવાર ખોરવાઈ છે. ખાસ કરીને રાહુલ ગાંધીના ભાષણને લઈને ઊભા થયેલા વિવાદ બાદ સ્થિતિ એવી બની ગઈ કે ગૃહ યોગ્ય રીતે ચાલી શક્યું નહીં. જોકે હવે એવી શક્યતા વ્યક્ત કરવામાં આવી રહી છે કે સોમવારથી સંસદની કામગીરી વધુ વ્યવસ્થિત રીતે આગળ વધી શકે છે.

આ વચ્ચે ભારત-અમેરિકા વેપાર કરાર સંસદના રાજકીય માહોલને વધુ ગરમાવાનો છે. બજેટ સત્ર ફરી શરૂ થતાની સાથે જ ભારત અને અમેરિકા વચ્ચે થયેલા વેપાર સંબંધિત સંયુક્ત નિવેદનની અસર લોકસભા અને રાજ્યસભા બંનેમાં જોવા મળશે. કોંગ્રેસ અને અન્ય વિપક્ષી પક્ષો આ મુદ્દે સરકાર પાસેથી સ્પષ્ટતા માંગવાની તૈયારીમાં છે. વિપક્ષનો આરોપ છે કે મોદી સરકારે વેપાર કરારના મુદ્દે અમેરિકા સામે ઝુકાવ દાખવ્યો છે.

સરકાર તરફથી વાણિજ્ય મંત્રી પિયુષ ગોયલે અગાઉ એક નિવેદન આપ્યું હતું, પરંતુ સંસદમાં આ મુદ્દે વિસ્તૃત ચર્ચા થઈ શકી નહોતી. હવે વિપક્ષ આ બાબતને ફરી ઉછાળવા માંગે છે. કોંગ્રેસના સાંસદ મનીષ તિવારી અને માનિકમ ટાગોર સહિતના નેતાઓએ અગાઉ કાર્યસ્થગન પ્રસ્તાવ હેઠળ તાત્કાલિક ચર્ચાની માંગ કરી હતી, જેને સ્વીકારવામાં આવી નહોતી. તેમ છતાં, સોમવારથી શરૂ થતી કાર્યવાહી દરમિયાન આ મુદ્દે હોબાળો થવો નક્કી માનવામાં આવી રહ્યો છે.

ખાસ કરીને કૃષિ અને ખેડૂતોને લઈને વિપક્ષ સરકારને ઘેરવાની રણનીતિ પર કામ કરી રહ્યો છે. સંયુક્ત નિવેદનમાં ઉલ્લેખિત કૃષિ સંબંધિત મુદ્દાઓ અંગે કોંગ્રેસે ગંભીર પ્રશ્નો ઉઠાવ્યા છે. મનીષ તિવારીએ જાહેરમાં કહ્યું છે કે તાજેતરમાં રજૂ કરાયેલા નાણાકીય વિધેયકમાં જ અમેરિકા પરથી આયાત થતી અનેક વસ્તુઓ પર છૂટછાટ જાહેર કરવામાં આવી છે. તેમના મતે, નવા વેપાર કરારના પ્રાવધાનોનો સીધો અસર દેશના ખેડૂતો અને સ્થાનિક બજાર પર પડી શકે છે.

રીલમાં ફાંસીનો સીન શૂટ કરતી વખતે યુવતીનું મોત

બાંદાઃ સોશિયલ મિડિયાની લત અને રીલ બનાવવાના જુસ્સાનો એક અત્યંત દુઃખદ બનાવ ઉત્તર પ્રદેશના બાંદા જિલ્લામાં સામે આવ્યો છે. અહીં વિડિયો બનાવવાના પ્રયાસ દરમિયાન એક યુવતીએ ફાંસી લગાવી લીધી. આ ઘટનાના બાદ પરિવાર આઘાતમાં છે.

પ્રાપ્ત માહિતી મુજબ આ ઘટના ત્યારે બની જ્યારે 27 વર્ષની મોહિની પોતાના ઘરમાં વિડિયો બનાવવાનો પ્રયાસ કરી રહી હતી. પરિવારજનોના કહેવા પ્રમાણે આ વિડિયો ફાંસીના સીનને દર્શાવવા માટે બનાવવામાં આવી રહ્યો હતો. તેણે ગળામાં ફાંસો બાંધીને મોબાઇલ ફોનથી વિડિયો રેકોર્ડ કરવા માટે સ્ટુલ પર ઊભી રહી, પરંતુ થોડી જ પળોમાં પરિસ્થિતિ ભયાનક બની ગઈ. તે પગ લપસવાથી કે સંતુલન ગુમાવવાથી નીચે સરકી ગઈ — એ સ્પષ્ટ નથી,પરંતુ ફાંસો ગળામાં કસાતાં ઘટના જીવલેણ સાબિત થઈ અને થોડી જ સેકન્ડોમાં તેનું મોત થયું હતું.

આ ઘટનાની જાણ ત્યારે થઈ જ્યારે મોહિનીની ચાર વર્ષની દીકરી રૂમમાં પ્રવેશી. માતાને ફાંસી પર લટકતી જોઈ બાળકી બૂમો પાડી મદદ માટે રડવા લાગી. તેની ચીસો સાંભળીને પડોશીઓ દોડી આવ્યા અને દ્રશ્ય જોઈ હેરાન રહી ગયા હતા.

પોલીસ માહિતી મળતાં જ તાત્કાલિક સ્થળ પર પહોંચી, મૃતદેહને ફાંસીથી નીચે ઉતારી કબજામાં લીધો અને પોસ્ટમોર્ટમ માટે મોકલી આપ્યો. અધિકારીઓએ જણાવ્યું કે મામલાની તમામ દિશામાં તપાસ ચાલી રહી છે, પરંતુ પ્રાથમિક તપાસ મુજબ રીલ શૂટિંગ દરમિયાન બનેલી આ એક દુર્ઘટના હોવાનું માનવામાં આવે છે.

કોણ છે રીતુ તાવડે? જે બનશે બીએમસીના આગામી મેયર, ભાજપે કરી જાહેરાત

મુંબઈની રાજનીતિમાં એક મહત્વપૂર્ણ ફેરફાર સામે આવ્યો છે. ભારતીય જનતા પાર્ટીએ બૃહન્મુંબઈ મ્યુનિસિપલ કોર્પોરેશન (BMC) માટે પોતાના નવા મેયર તરીકે રિતુ તાવડેના નામની સત્તાવાર જાહેરાત કરી છે. આ નિર્ણય સાથે જ મુંબઈના નગરપાલિકા રાજકારણમાં એક નવો અધ્યાય શરૂ થયો છે, કારણ કે આ પહેલી વાર છે જ્યારે ભાજપનો કોઈ નેતા મુંબઈના મેયર પદ પર બિરાજશે.

રિતુ તાવડે ભાજપની અનુભવી અને સિનિયર કોર્પોરેટર તરીકે ઓળખાય છે. તાજેતરમાં યોજાયેલા BMC ચૂંટણીમાં તેમણે વોર્ડ નંબર 132માંથી જીત મેળવી હતી. તેમની જીત માત્ર ચૂંટણી આંકડાઓ પૂરતી મર્યાદિત નથી, પરંતુ તે ભાજપની શહેરમાં વધતી પકડ અને સંગઠનાત્મક મજબૂતીનું પ્રતિબિંબ પણ માનવામાં આવે છે.

રિતુ તાવડેએ પોતાનો રાજકીય સફર વર્ષ 2012માં શરૂ કર્યો હતો, જ્યારે તેમણે પ્રથમ વખત વોર્ડ નંબર 127માંથી ચૂંટણી જીતી હતી. ત્યારબાદ 2017માં તેઓ ઘાટકોપરના વોર્ડ નંબર 121માંથી વિજેતા બન્યા. 2025ની ચૂંટણીમાં વોર્ડ નંબર 132માંથી મળેલી જીત સાથે તેઓ સતત ત્રીજી વખત પાર्षદ તરીકે ચૂંટાયા છે, જે તેમની લોકપ્રિયતા અને મજબૂત જનસંપર્કને દર્શાવે છે.

મ્યુનિસિપલ રાજકારણમાં રિતુ તાવડેને શિક્ષણ ક્ષેત્રે તેમના કામ માટે ખાસ ઓળખ મળે છે. અગાઉ તેઓ મુંબઈ મ્યુનિસિપલ કોર્પોરેશનની એજ્યુકેશન કમિટીની ચેરમેન તરીકે જવાબદારી સંભાળી ચૂક્યા છે. આ ભૂમિકામાં તેમણે શાળાઓના માળખાકીય વિકાસ, શિક્ષણની ગુણવત્તા અને વિદ્યાર્થીઓના હિતોને લગતા મુદ્દાઓ પર સક્રિય કામગીરી કરી હતી.

બિગ બીએ ટીમ ઈન્ડિયાને અંડર-19 વર્લ્ડ કપ જીતવા બદલ અભિનંદન આપ્યા

ભારતના પુત્રોએ ફરી એકવાર અંડર-19 વર્લ્ડ કપની ટ્રોફી જીતી છે. આ છઠ્ઠી વખત છે જ્યારે ભારતના યુવાઓએ આ ટ્રોફી પોતાને નામ કરી હોય. અમિતાભ બચ્ચને ભારતની જીત પર ખુશી વ્યક્ત કરી છે. તેમણે ખાસ અંદાજમાં અભિનંદન પાઠવ્યા છે.

(Photo: IANS)

ભારતની અંડર-19 પુરુષ ક્રિકેટ ટીમે ગયા ગુરુવારે ઇંગ્લેન્ડને હરાવીને અંડર-19 વર્લ્ડ કપ ટ્રોફી જીતી હતી. ટીમ ઇન્ડિયાએ છઠ્ઠી વખત અંડર-૧૯ વર્લ્ડ કપ જીત્યો હતો. આયુષ મ્હાત્રેની કેપ્ટનશીપ હેઠળ ભારતે ફાઇનલમાં ઇંગ્લેન્ડને 100 રનથી હરાવીને ટાઇટલ જીત્યું હતું. મેગાસ્ટાર અમિતાભ બચ્ચને આ જીત પર ખુશી વ્યક્ત કરી છે અને ભારતને અભિનંદન આપ્યા છે.

પોતાના એક્સ-મેન એકાઉન્ટ પર બિગ બીએ ભારતીય અંડર-19 ટીમને વર્લ્ડ ચેમ્પિયન બનવા બદલ અભિનંદન આપ્યા. ખુશી વ્યક્ત કરતા બિગ બીએ લખ્યું, “અંડર-19 ક્રિકેટ ભારત વર્લ્ડ ચેમ્પિયન છે. દુશ્મનને હરાવ્યો. અંધ, મહિલા, પુરુષ ક્રિકેટ, બધા વર્લ્ડ ચેમ્પિયન. આપણે નંબર 1, ટોચ પર, દુનિયામાં પહેલા છીએ. આપણે ત્રીજા દરજ્જાના નથી, આપણે દુનિયામાં પહેલા છીએ. ભારત માતા કી જય.”

અનિલ કપૂર અને આયુષ્માનને પણ અભિનંદન પાઠવ્યા. બિગ બી ઉપરાંત, આયુષ્માન ખુરાના અને અનિલ કપૂર જેવા સ્ટાર્સે પણ ભારતીય છોકરાઓને અંડર-19 વર્લ્ડ કપ જીતવા બદલ અભિનંદન આપ્યા. આયુષ્માનને તેની સ્ટોરીમાં વિજયી ક્ષણનો એક વીડિયો શેર કર્યો, જેમાં કેપ્શન આપ્યું “વર્લ્ડ ચેમ્પિયન”. અનિલ કપૂરે ટીમ ઈન્ડિયાને ટ્રોફી ઉપાડતી વખતે એક ફોટો શેર કર્યો, જેમાં તેમને જીત બદલ અભિનંદન આપ્યા.

ટીમ ઈન્ડિયાએ છઠ્ઠી વખત ખિતાબ જીત્યો
શુક્રવારે ઝિમ્બાબ્વેના હરારેમાં રમાયેલી ફાઇનલમાં ટીમ ઈન્ડિયાએ ઇંગ્લેન્ડને 100 રનથી હરાવ્યું. આ ટીમ ઈન્ડિયાનો રેકોર્ડ છઠ્ઠો ખિતાબ છે. આ પહેલા ભારતે 2000, 2008, 2012, 2018 અને 2022માં અંડર-19 વર્લ્ડ કપ જીત્યો હતો. ભારતે ઇંગ્લેન્ડને 412 રનનો લક્ષ્યાંક આપ્યો હતો. જવાબમાં, ઇંગ્લેન્ડની ટીમ 40.2 ઓવરમાં 311 રનમાં ઓલઆઉટ થઈ ગઈ હતી. ટીમ ઈન્ડિયા માટે ફાઇનલનો સ્ટાર વૈભવ સૂર્યવંશી હતો. તેણે 80 બોલમાં 175 રનની ધમાકેદાર ઇનિંગ રમી. આ દરમિયાન, ઇંગ્લેન્ડ માટે કેલેબ ફોકનરે સદી ફટકારી, પરંતુ ટીમને જીત અપાવી શક્યો નહીં. ફોકનરે 67 બોલમાં 115 રનની ઇનિંગ રમી.

ઈરાનને સમર્થન આપતા દેશો પર ટ્રમ્પ આકરાપાણીએ

અમેરિકા અને ઈરાન વચ્ચે લાંબા સમયથી ચાલતી રાજકીય અને કૂટનીતિક ખેંચતાણ હવે વૈશ્વિક વેપાર પર વધુ અસર પાડતી જોવા મળી રહી છે. આ તણાવની કડીમાં અમેરિકાના રાષ્ટ્રપતિ ડોનાલ્ડ ટ્રંપે એક નવો અને કડક કાર્યકારી આદેશ બહાર પાડ્યો છે, જેના અંતર્ગત ઈરાન સાથે વેપાર કરનારા દેશો સામે વધારાના ટેરિફ લગાવવાની જાહેરાત કરવામાં આવી છે. આ નિર્ણયને ટ્રંપ પ્રશાસનની ઈરાન પર દબાણ વધારવાની વ્યાપક વ્યૂહરચનાનો ભાગ માનવામાં આવી રહ્યો છે.

નવા આદેશ મુજબ જો કોઈ દેશ ઈરાન પાસેથી તેલ, ગેસ અથવા અન્ય કોઈ પણ પ્રકારનો માલ અને સેવાઓ ખરીદે છે, તો તે દેશમાંથી અમેરિકા આયાત થતા ઉત્પાદનો પર 25 ટકા સુધીનો ટેરિફ લાદી શકે છે. વ્હાઇટ હાઉસના જણાવ્યા અનુસાર આ પગલું અમેરિકાની રાષ્ટ્રીય સુરક્ષા અને વિદેશ નીતિના હિતોને ધ્યાનમાં રાખીને લેવામાં આવ્યું છે. ટ્રંપ સરકારનું માનવું છે કે ઈરાન પોતાની નીતિઓ અને પ્રવૃત્તિઓ દ્વારા મધ્ય પૂર્વમાં અસ્થિરતા ફેલાવી રહ્યું છે.

અમેરિકન પ્રશાસન સતત આરોપ લગાવતું રહ્યું છે કે ઈરાન આતંકવાદી સંગઠનોને સમર્થન આપે છે, બેલિસ્ટિક મિસાઇલ કાર્યક્રમને આગળ ધપાવે છે અને પરમાણુ ક્ષમતા મેળવવાની દિશામાં પ્રયત્નશીલ છે. ટ્રંપ સરકારનું માનવું છે કે આર્થિક દબાણ વધારવાથી ઈરાનને પોતાની નીતિઓ બદલવા માટે મજબૂર કરી શકાય. આ કારણે અગાઉ પણ અમેરિકા ઈરાન પર અનેક પ્રકારના આર્થિક પ્રતિબંધો અને વેપારી નિયંત્રણો લાદી ચૂક્યું છે.

ભારત સામેના બહિષ્કારના વલણ પર પાકિસ્તાનનો ‘U-ટર્ન લેશે?

નવી દિલ્હીઃ પાકિસ્તાન ક્રિકેટ બોર્ડ (PCB) 15 ફેબ્રુઆરીએ કોલંબોમાં થનારા T20 વર્લ્ડ કપમાં ભારત સામેના મેચના બહિષ્કારના નિર્ણય પર ફરી વિચાર કરવા અંગે શ્રીલંકાના અનુરોધને ધ્યાનમાં રાખીને પોતાની સરકાર સાથે ફરી સલાહ-મસલત કરે તેવી શક્યતા છે. પાકિસ્તાન સરકારે PCBને નેશનલ ટીમને T20 વર્લ્ડ કપમાં મોકલવાની મંજૂરી આપી છે, પરંતુ ભારત સામે રમવા પર પ્રતિબંધ લગાવ્યો છે. ભારત-પાકિસ્તાન મેચ ICC અને તેના બ્રોડકાસ્ટર્સ માટે વ્યાપારી રીતે સૌથી મોટો મુકાબલો માનવામાં આવે છે.

આ કારણે શ્રીલંકા ક્રિકેટ બોર્ડે PCBને એક ઈમેલ મોકલી છે, જેમાં જણાવવામાં આવ્યું છે કે 15 ફેબ્રુઆરીએ આ કટ્ટર પ્રતિસ્પર્ધીઓ વચ્ચેનો મોટો મુકાબલો ન થવાથી SLCને આર્થિક નુકસાન થશે અને સાથે-સાથે આ ટાપુ દેશની ટુર્નામેન્ટ આયોજન ક્ષમતા અને છબી પર પણ નકારાત્મક અસર પડશે. શ્રીલંકા ભારત સાથે મળીને આ મોટી ઇવેન્ટનું સહ-આયોજન કરી રહ્યો છે. પાકિસ્તાન પોતાની બધા મેચ કોલંબો અને પલ્લેકેલેમાં રમી રહ્યું છે, જેની શરૂઆત શનિવારે નેધરલેન્ડ્સ સામેના મેચથી થઈ છે.

ઘટનાક્રમની જાણકારી ધરાવતા એક સૂત્રએ જણાવ્યું હતું કે સ્પષ્ટ છે કે પાકિસ્તાનના શ્રીલંકા સાથે સરકાર-સ્તર અને ક્રિકેટ-સ્તરે હંમેશાં ખૂબ નજીક અને મિત્રતાપૂર્ણ સંબંધ રહ્યા છે. તેથી તેમના બોર્ડનો ઈમેલ અવગણવો સરળ નથી.

શ્રીલંકા બોર્ડના પ્રમુખ શમી સિલ્વાએ સીધો મોહસિન નકવી સાથે સંપર્ક કર્યો છે અને યાદ અપાવ્યું છે કે આ સમયે શ્રીલંકાને પાકિસ્તાનની મદદની જરૂર છે, કારણ કે ભારત-પાકિસ્તાન મેચ વગર શ્રીલંકા બોર્ડને ગેટ મની, હોસ્પિટાલિટી સેલ્સ વગેરેમાંથી મળતા વધારાની આવકમાં નુકસાન થશે. નકવીએ પોતાના સમકક્ષ શમી સિલ્વાને ખાતરી આપી છે કે તેઓ સરકાર સાથે ચર્ચા કરશે અને પછી જવાબ આપશે. મિડિયા રિપોર્ટ્સમાં જે દાવો કરવામાં આવ્યો છે કે પાકિસ્તાને શ્રીલંકાની વિનંતીને પણ નકારી દીધી છે, તે સાચી નથી.

PCB ચેરમેન મોહસિન નકવી ગઈકાલથી દેશમાં નથી અને આજે પરત ફરવાના છે. તેઓ ભારત સામેના મેચના બહિષ્કારને સમાપ્ત કરવાને મુદ્દે વડા પ્રધાનને ઈમેલ બતાવશે અને સોમવાર સુધીમાં આ મામલે નિર્ણય લેવામાં આવશે, એમ સૂત્રએ વધુમાં જણાવ્યું છે.

“અસીમ મુનીરે ગઝવા-એ-હિંદનો નારા આપ્યો હતો,” જૈશ કમાન્ડરની કબૂલાત

પાકિસ્તાનના કબજાવાળા કાશ્મીર (PoK)માં ફરી એકવાર આતંકી સંગઠનોને ખુલ્લી છૂટ મળતી હોવાની ચર્ચા તેજ બની છે. રાવલાકોટના સપ્લાય બજાર ચોક ખાતે યોજાયેલા એક ખુલ્લા આતંકી મજમાએ પાકિસ્તાનના દાવાઓને ફરી શંકાના ઘેરામાં મૂક્યા છે. ભારે હથિયારો સાથે એકત્ર થયેલા જૈશ-એ-મોહમ્મદના આતંકીઓ વચ્ચે સંગઠનના ટોપ કમાન્ડર મસૂદ ઇલ્યાસ કાશ્મીરી ઉર્ફે અબૂ મોહમ્મદે ભડકાઉ ભાષણ આપીને ભારત અને સમગ્ર વિસ્તારમાં અસ્થિરતા ફેલાવવાના ઇરાદા ફરી સ્પષ્ટ કર્યા.

આ જાહેર મંચ પરથી બોલતાં અબૂ મોહમ્મદે દાવો કર્યો કે જૈશ-એ-મોહમ્મદની ઓળખ જ જિહાદ અને હિંસા સાથે જોડાયેલી છે અને તે ઓળખ કોઈપણ પરિસ્થિતિમાં બદલાશે નહીં. તેણે કહ્યું કે પાકિસ્તાનની સરકાર મદદ કરે કે ન કરે, જૈશ પોતાનો માર્ગ ચાલુ રાખશે. આ નિવેદનને વિશ્લેષકો પાકિસ્તાનમાં આતંકી નેટવર્ક્સને મળતી પરોક્ષ સુરક્ષા અને સહાનુભૂતિનો ખુલ્લો પુરાવો ગણાવી રહ્યા છે.

આ મજમામાં સૌથી ચોંકાવનારો મુદ્દો ત્યારે સામે આવ્યો જ્યારે જૈશના આ ટોચના કમાન્ડરે પાકિસ્તાનના ચીફ ઓફ ડિફેન્સ સ્ટાફ ફીલ્ડ માર્શલ આસિમ મુનીરના નામનો ઉલ્લેખ કર્યો. અબૂ મોહમ્મદના કહેવા પ્રમાણે, ભારત દ્વારા કરવામાં આવેલા ઓપરેશન સિંદૂર બાદ બંને દેશો વચ્ચે થયેલી તણાવપૂર્ણ સ્થિતિને આસિમ મુનીરે ‘ગઝવા-એ-હિંદ’ તરીકે રજૂ કરી હતી. આ નિવેદનથી પાકિસ્તાની સૈન્ય નેતૃત્વ અને કટ્ટરપંથી વિચારધારાની નજીકતા અંગે ગંભીર પ્રશ્નો ઊભા થયા છે.

જૈશ કમાન્ડરે વધુમાં જણાવ્યું કે ભારત દ્વારા જૈશના ઠેકાણાઓ પર હુમલા થયા બાદ આસિમ મુનીરે ભારત સામે ગઝવા-એ-હિંદની વાત કરીને આતંકીઓને પ્રોત્સાહન આપ્યું હતું. આ પ્રકારની ભાષા માત્ર ધાર્મિક ઉશ્કેરણી જ નહીં, પરંતુ સરહદ પાર આતંકવાદને વૈચારિક આધાર પૂરો પાડે છે, એવું નિષ્ણાતો માને છે.

આ જ અબૂ મોહમ્મદ અગાઉ પણ ચર્ચામાં રહ્યો હતો, જ્યારે તેણે ઓપરેશન સિંદૂર દરમિયાન થયેલી ભારે નુકસાનની વિગતો જાહેર કરી હતી. તેણે સૌપ્રથમ ખુલાસો કર્યો હતો કે 6-7 મેની રાત્રે ભારતની કાર્યવાહી દરમિયાન બહાવલપુરમાં જૈશ પ્રમુખ મૌલાના મસૂદ અઝહરના પરિવારના સભ્યો માર્યા ગયા હતા. તે ખુલાસાએ ત્યારે પાકિસ્તાનના સત્તાવાર દાવાઓને ખોટા સાબિત કર્યા હતા અને આતંકી સંગઠનના આંતરિક નુકસાનની હકીકત બહાર લાવી હતી.

યુક્રેન પર રશિયાનો 400 ડ્રોન અને 40 મિસાઇલોથી સૌથી ઘાતક હુમલો

રશિયાએ આ વર્ષે યુક્રેન પર અત્યાર સુધીનો સૌથી ઘાતક હુમલો કર્યો છે. યુક્રેનના રાષ્ટ્રપતિ વોલોડીમીર ઝેલેન્સકીએ રશિયન હુમલાઓ અંગે ગંભીર ચિંતા વ્યક્ત કરી. તેમણે જણાવ્યું કે રશિયાએ ગઈકાલે રાત્રે યુક્રેન પર 400 થી વધુ ડ્રોન અને આશરે 40 મિસાઇલો છોડ્યા, જેમાં મુખ્યત્વે દેશના ઉર્જા માળખાને લક્ષ્ય બનાવવામાં આવ્યું હતું. વીજ ઉત્પાદન સુવિધાઓ, ઉર્જા ગ્રીડ અને વિતરણ સબસ્ટેશનને ખાસ કરીને ભારે નુકસાન થયું હતું.

ઝેલેન્સકીએ કહ્યું કે વોલિન, ઇવાનો-ફ્રેન્કિવસ્ક, લ્વિવ અને રિવને પ્રદેશોમાં પણ નુકસાન થયું છે, જેમાં રિવનેમાં એક એપાર્ટમેન્ટ બિલ્ડિંગને નુકસાન થયું છે. વિનિટ્સિયા પ્રદેશના લાડિઝિન શહેરમાં ડ્રોન હુમલામાં એક ખાનગી કોલેજની વહીવટી ઇમારતને નિશાન બનાવવામાં આવી હતી. કિવ અને ખાર્કિવ પ્રદેશોમાં પણ હુમલાઓ ચાલુ છે, અને ઘણી જગ્યાએ હવાઈ સંરક્ષણ કામગીરી હજુ સુધી પૂર્ણ થઈ નથી, જેના કારણે પરિસ્થિતિ સંપૂર્ણપણે સામાન્ય થતી નથી.

રાષ્ટ્રપતિ ઝેલેન્સકીએ રશિયાની વધતી લશ્કરી પ્રવૃત્તિઓ પર ચિંતા વ્યક્ત કરતા કહ્યું કે મોસ્કો દરરોજ વાસ્તવિક રાજદ્વારી પસંદગી કરી શકે છે, પરંતુ તે સતત હુમલાઓનો આશરો લે છે. તેમણે ત્રિપક્ષીય સંવાદને ટેકો આપતા દેશોને રશિયાની યુક્તિઓનો સખત જવાબ આપવા વિનંતી કરી.

તેમણે રશિયાને શિયાળાના દબાણને શસ્ત્ર બનાવતા અટકાવવાની જરૂરિયાત પર પણ ભાર મૂક્યો. આ હાંસલ કરવા માટે, યુક્રેનને પેટ્રિઓટ, NASAMS અને અન્ય હવાઈ સંરક્ષણ પ્રણાલીઓ માટે વધુ મિસાઇલોની જરૂર છે.

ઝેલેન્સકીએ યુક્રેનની પરિસ્થિતિને સમજતા અને સહાય પૂરી પાડતા તમામ આંતરરાષ્ટ્રીય ભાગીદારોનો આભાર માન્યો. તેમણે કહ્યું કે દરેક શિપમેન્ટ યુક્રેનને આ મુશ્કેલ શિયાળાનો સામનો કરવામાં મદદ કરે છે.

ઓ રોમિયોની ઈવેન્ટમાં શાહિદ કપૂરે અચાનક છોડ્યું સ્ટેજ, જાણો કારણ

શાહિદ કપૂર અને તૃપ્તિ ડિમરી તેમની આગામી ફિલ્મ ‘ઓ રોમિયો’ના પ્રમોશનમાં વ્યસ્ત છે. શુક્રવારે તેઓએ એક પ્રમોશનલ ઇવેન્ટમાં હાજરી આપી હતી. આ પ્રસંગે એવી ઘટના બની કે શાહિદ કપૂરને સ્ટેજ છોડી દેવાની ફરજ પડી હતી.

શાહિદ કપૂર અને તૃપ્તિ ડિમરીની ફિલ્મ ‘ઓ રોમિયો’ ટૂંક સમયમાં સિનેમાઘરોમાં રિલીઝ થવાની છે. બંને કલાકારો ફિલ્મના પ્રમોશનમાં વ્યસ્ત છે. શુક્રવારે શાહિદ કપૂર અને તૃપ્તિ ડિમરી બંને મુંબઈમાં ‘ઓ રોમિયો’ના નવા ગીત “પાન કી દુકાન” ના લોન્ચ ઇવેન્ટમાં પહોંચ્યા હતાં. આ ઇવેન્ટને કારણે હોબાળો પણ થયો હતો. ચાહકોના કારણે શાહિદ કપૂરને સ્ટેજ છોડવું પડ્યું. જાણો શું છે આખો મામલો.

ઈવેન્ટ દરમિયાન શાહિદ ચાહકોની ભારે ભીડથી ઘેરાઈ ગયો હતો. મ્યુઝિક લોન્ચ ઇવેન્ટમાં શાહિદ અને તૃપ્તિ મીડિયા પ્રતિનિધિઓ અને અસંખ્ય ચાહકો સાથે હાજર હતા. ભીડ સાથે વાતચીત કરતી વખતે શાહિદે કેટલાક ચાહકોને તેના નવા ગીત પર નૃત્ય કરવા માટે સ્ટેજ પર આમંત્રણ આપ્યું. જોકે, પરિસ્થિતિ વધુ ખરાબ થઈ ગઈ જ્યારે આમંત્રિત ચાહકો ઉપરાંત વધુ લોકો સ્ટેજ પર આવ્યા. જેના પરિણામે સ્ટેજ પર મોટી ભીડ એકઠી થઈ ગઈ. આ ભીડે શાહિદને ઘેરી લીધો હતો.

 

View this post on Instagram

 

A post shared by Sanjay Tiwari (@bollywoodhelpline)


ભીડને કાબુમાં લેવા માટે સિક્યુરેટીએ સ્ટેજ પર આવવું પડ્યું. શાહિદ કપૂરને સ્ટેજ છોડવું પડ્યું. પરિસ્થિતિ શાંત થયા પછી શાહિદ કપૂર સ્ટેજ પર પાછો ફર્યો. આ હોબાળાના ઘણા વીડિયો સોશિયલ મીડિયા પર વાયરલ થઈ રહ્યા છે. પરિસ્થિતિ શાંત થયા પછી કાર્યક્રમ ફરી શરૂ થયો. શાહિદ કપૂર સ્ટેજ પર પાછો ફર્યો અને તેના ગીત પર ડાન્સ કર્યો. કાર્યક્રમના અંતે તેણે ચાહકોનો આભાર માન્યો. તેણે કહ્યું, “આભાર મિત્રો, તમે અદ્ભુત છો.”

‘ઓ રોમિયો’ ક્યારે રિલીઝ થશે?

‘ઓ રોમિયો’ એક એક્શન થ્રિલર ફિલ્મ છે, જે 13 ફેબ્રુઆરી, 2026 ના રોજ સિનેમાઘરોમાં રિલીઝ થવાની છે. શાહિદ કપૂર સાથે તૃપ્તિ ડિમરી મુખ્ય ભૂમિકામાં જોવા મળશે. નાના પાટેકર, અવિનાશ તિવારી, તમન્ના ભાટિયા, દિશા પટણી, વિક્રાંત મેસી અને ફરીદા જલાલ પણ મહત્વપૂર્ણ ભૂમિકાઓમાં જોવા મળશે.

1...256257258...5,100Page 257 of 5,100