અમદાવાદ : ‘એક કદમ ચંદ્રમાં કી ઔર’ અને ‘ મેરી માટી મેરા દેશ..’ ની થીમ સાથે અમદાવાદ શહેરની અંજુમને ઇસ્લામ હાઇસ્કૂલના વિદ્યાર્થીઓએ ઈમારત પર વિશાળ કૃતિ તૈયાર કરી હતી. 15 ઓગષ્ટ નિમિત્તે યોજાયેલા આ કાર્યક્રમમાં શાળાને ઈમારત પર તિરંગાથી સજાવવામાં આવી હતી. તિરંગાની વચ્ચે ઈસરોની ઉપલબ્ધિ ચંદ્રયાન -3 ની 30 ×8 ની વિશાળ પ્રતિકૃતિ તૈયાર કરવામાં આવી હતી.
દેશભક્તિના કાર્યક્રમનું આયોજન કરવામાં આવ્યું
આ સાથે જ ભારત દેશના વૈજ્ઞાનિકોની સિધ્ધિઓ લોકો સુધી પહોંચે વિદ્યાર્થીઓ રચનાત્મક પ્રવૃત્તિઓમાં ભાગ લઈને આગળ વધે એ હેતુથી દેશભક્તિના આ કાર્યક્રમનું આયોજન કરવામાં આવ્યું હતું. શહેરના મધ્યમાં આવેલી અંજુમને ઇસ્લામ હાઇસ્કૂલના વિદ્યાર્થીઓ અને શિક્ષકો સાથે મળી દર વર્ષે શિક્ષણ સાથે રચનાત્મક કાર્યો કરે છે. જેના અંતર્ગત આ વર્ષે પણ ખાસ આયોજન કર્યુ હતું.
પ્રજ્ઞેશ વ્યાસ
સરકારી પ્રાથમિક શાળા સેક્ટર-૦૨માં ચિત્ર સ્પર્ધામાં અને સેક્ટર-૦૮માં રંગોળી સ્પર્ધાનું આયોજન કરવામાં આવ્યું હતું. બંને શાળામાં બાળકોએ ઉત્સાહભેર ભાગ લીધો હતો. આ ચિત્ર સ્પર્ધામાં વિવિધ સ્વાતંત્ર્યસેનાનીઓની મુખાકૃતિની અને આઝાદીના અમૃત મહોત્સવને ધ્યાનમાં રાખીને બાળકોએ ખૂબ સુંદર ચિત્રો બનાવ્યાં હતાં. ચિત્ર સ્પર્ધામાં જજ તરીકે મનોજભાઈ જોષી તથા દીક્ષિતાબહેન જોષીએ સાત બાળકોનાં ખૂબ જ સુંદર ચિત્રોને ઇનામને પાત્ર ઠેરવતા ગાંધીનગર મનપા વોર્ડ -૧૦ના કોર્પોરેટર મહેન્દ્રભાઈ પટેલને હસ્તે ઇનામો આપવામાં આવ્યાં હતા. આ ચિત્ર સ્પર્ધામાં નિશા, યુવરાજ, જય, કાવ્યા, રોશની, શ્વેતા અને ધનરાજને ઇનામો આપવામાં આવ્યાં હતાં.
