Home Blog Page 2875

અદાણી વિદ્યામંદિરના તારલાઓ બોર્ડનાં પરિણામોમાં ઝળક્યા

અમદાવાદઃ અમદાવાદસ્થિત અદાણી વિદ્યામંદિર (AVMA) અંગ્રેજી માધ્યમની CBSE સંલગ્ન શાળા છે. તે વિદ્યાર્થીઓમાં શારીરિક, માનસિક, સામાજિક અને સંસ્કારોનું સિંચન કરે છે. ગુણવત્તાયુક્ત શિક્ષણ પ્રણાલીની પહેલ કરતાં 2008માં પ્રથમ અદાણી વિદ્યામંદિરની સ્થાપના કરવામાં હતી.

શૈક્ષણિક વર્ષ 2022-23ના ધોરણ 12 (CBSE)નાં પરિણામોમાં અદાણી વિદ્યામંદિરના સિતારાઓ ઝળક્યા છે. વાણિજ્ય પ્રવાહની વિદ્યાર્થિની રિદ્ધિ બાલમુકુંદે 97 ટકા જ્યારે અવધિ શાહે 96.2 ટકા મેળવી શહેરના ટોપ-10 તેજસ્વી વિદ્યાર્થીઓમાં સ્થાન મેળવ્યું છે. તો વિજ્ઞાન પ્રવાહમાં ક્રિશ પટેલે 95.20 ટકા માર્કસ મેળવી શાળાનું નામ રોશન કર્યું છે. દર વર્ષની જેમ આ વર્ષે પણ અદાણી વિદ્યામંદિરના વિદ્યાર્થીઓએ સફળતાનો ડંકો વગાડતાં શાળાના સ્ટાફ સહિત વિદ્યાર્થીઓ અને તેમના પરિવારજનો રાજીના રેડ થઈ ગયા હતા.

અદાણી વિદ્યા મંદિર (AVM)ની શાળાઓ ગુજરાતના અમદાવાદ, ભદ્રેશ્વર, સુરગુજા (છત્તીસગઢ) અને કૃષ્ણપટનમ (આંધ્ર પ્રદેશ)માં કાર્યરત છે. સમાજના આર્થિક નબળા વર્ગોના 3000થી વધુ વિદ્યાર્થીઓને મફત ગુણવત્તાયુક્ત શિક્ષણ પ્રદાન કરે છે. શાળામાં વિદ્યાર્થીઓને ગણવેશ, પુસ્તકો, સ્ટેશનરી અને વાહનવ્યવહારની સાથે શ્રેષ્ઠ-વર્ગંમાં ઇન્ફ્રાસ્ટ્રક્ચર અને નવીનતમ સુવિધાઓ પ્રદાન કરે છે.

AVM વિદ્યાર્થીઓને શૈક્ષણિક ક્ષમતાઓ અને રચનાત્મકતાને પ્રાધાન્ય આપે છે. AVMAના પૂર્વ વિદ્યાર્થીઓએ લાંબા ગાળાના વિઝનને સાકાર કરવા કરેલા પ્રયત્નો તેનો પુરાવો છે. રિપોર્ટિંગ FYમાં 954 વિદ્યાર્થીઓ શાળામાં અભ્યાસ કરે છે. માર્ચ 2019માં શાળાને ક્વોલિટી કાઉન્સિલ ઓફ ઈન્ડિયા હેઠળ NABET દ્વારા માન્યતા પ્રાપ્ત થઈ હતી. આ સિદ્ધિ હાંસલ કરનાર તે અમદાવાદની પ્રથમ ખાનગી શાળા બની.

 

 

 

 

 

 

ઇમરાન ખાનને જાહેરમાં ફાંસી આપવી જોઈએઃ પાક સંસદમાં માગ

નવી દિલ્હીઃ પાકિસ્તાનમાં આરપારની લડાઈ શરૂ થઈ ગઈ છે.  પાકિસ્તાન સ્થિતિ સુધરવાનું નામ નથી લઈ રહી. એક બાજુ ઇમરાન ખાન સમર્થકો છે તો બીજી તરફ ઇમરાન ખાન વિરોધી. ભૂતપૂર્વ વડા પ્રધાન ઇમરાન ખાનને સુપ્રીમ કોર્ટથી જામીન મળી ગયા છે, ત્યારે હવે ઇમરાન વિરોધી રાજકીય પક્ષો એક મંચ પર આવી ગયા છે. ઇમરાનને છોડવામાં આવતા PDMએ સુપ્રીમ કોર્ટની સામે દેખાવો શરૂ કરી દીધા છે. આટલું જ નહીં, ગુસ્સે ભરાયેલી ભીડે ત્યાં કેમ્પ લગાવ્યો હતો.

પાકિસ્તાન ડેમોક્રેટિક મુવમેન્ટ (PDM) કેટલીય પાર્ટીઓનું સંગઠન છે, એમાં સત્તાધારી પાકિસ્તાન મુસ્લિમ લીગ નવાઝ જમિયત ઉલેમા-એ-ઇસ્લામ-ફઝલ (JUIF) અને પાકિસ્તાન પીપલ્સ પાર્ટી (PPP) સહિત કેટલીય પાર્ટીઓ સામેલ છે. પાકિસ્તાનની સંસદમાં ઇમરાન ખાનને ફાંસ આપવાની માગ ઊઠવા લાગી છે. નેશનલ એસેમ્બલીમાં વિપક્ષના નેતા રાજા રિયાઝ અમદ ખાને કહ્યું હતું કે ઇમરાન ખાનને જાહેરમાં ફાંસી આપવી જોઈએ, પણ કોર્ટો તેમનું સ્વાગત કરી રહી છે- જેમ કે એના જમાઈ હોય.

પાકિસ્તાનની સરકાર અને ચીફ જસ્ટિસની વચ્ચે ઇમરાન ખાનને જામીનને લઈને કશ્મકશ વધી ગઈ છે. સરકાર પાકિસ્તાનના ચીફ જસ્ટિસની વિરુદ્ધ નિંદા પ્રસ્તાવ લાવવાનો નિર્ણય કર્યો છે. બીજી બાજુ ઇમરાન ખાનનાં પત્ની બુશરા બીબીને લાહોર હાઇકોર્ટમાંથી 23 મે સુધી જામીન મળ્યા છે. આ સાથે ઇમરાન ખાનની પાર્ટી PTI તરફથી ટ્વીટ કરીને કહેવામાં આવ્યું હતું કે આશરે 7000 PTI કાર્યકર્તાઓ, નેતાઓ અને મહિલાઓને જેલમાં નાખી દીધા છે. સુરક્ષા એજન્સીઓ સુપ્રીમ કોર્ટ પર કબજો કરા અને બંધારણને ખતમ કરવામાં ગુંડાઓની મદદ કરી રહી છે.

 

 

 

 

 

 

આર્યન ખાન ડ્રગ્સ કેસમાં NCBના ભૂતપૂર્વ અધિકારી સમીર વાનખેડેને સમન્સ

મુંબઈઃ બોલીવુડ અભિનેતા શાહરૂખ ખાનના પુત્ર આર્યન ખાન પાસેથી ગેરકાયદેસર ડ્રગ્સ જપ્ત કરવાના કેસમાં નાર્કોટિક્સ કન્ટ્રોલ બ્યૂરો (એનસીબી)ના ભૂતપૂર્વ અધિકારી સમીર વાનખેડે સામે સેન્ટ્રલ બ્યૂરો ઓફ ઈન્વેસ્ટિગેશન (સીબીઆઈ) એજન્સીએ સમન્સ ઈશ્યૂ કર્યું છે. સીબીઆઈએ એનસીબીના મુંબઈ ઝોનના ભૂતપૂર્વ વડા વાનખેડેને કહ્યું છે કે તેમણે 18 મેએ એજન્સી સમક્ષ હાજર થવું અને પોતાનું નિવેદન રેકોર્ડ કરાવવું.

ઉલ્લેખનીય છે કે સીબીઆઈએ ગયા સોમવારે વાનખેડે સામે એફઆઈઆર નોંધી હતી અને એમની સામે કેટલાક ગંભીર આરોપ મૂક્યા છે. એજન્સીના અમલદારોએ વાનખેડેનો અંગત મોબાઈલ ફોન જપ્ત કર્યો છે અને એમાંની માહિતી મેળવવા માટે તેને ફોરેન્સિક લેબમાં મોકલી આપ્યો છે. આ કામગીરી માટે નિષ્ણાતોની એક ટૂકડીની રચના કરવામાં આવી છે.

માર્કેટમાં હરિયાળી, સેન્સેક્સ 300 પોઈન્ટથી વધુ વધીને 62300ની ઉપર, નિફ્ટી 18400ની નજીક બંધ

આજે સ્થાનિક શેરબજારમાં ટ્રેડિંગ ખૂબ જ ઝડપ સાથે બંધ થયું છે અને તેના બંને મુખ્ય સૂચકાંકો જબરદસ્ત ફાયદા સાથે બંધ થવામાં સફળ થયા છે. આજે શેરબજારની શરૂઆત બહુ સ્પીડ સાથે થઈ નથી, પરંતુ દિવસના ટ્રેડિંગમાં સેન્સેક્સ અને નિફ્ટી ગ્રીન છે અને ક્લોઝિંગ પણ ગ્રીન ઝોનમાં છે.

કેવું રહ્યું બજાર બંધ

આજે BSE સેન્સેક્સમાં કારોબાર 317.81 પોઈન્ટ એટલે કે 0.51 ટકાના વધારા સાથે 62,345 ના સ્તર પર બંધ થયો હતો. આ સિવાય NSEના નિફ્ટીમાં 84.05 પોઈન્ટ એટલે કે 0.46 ટકાના વધારા સાથે ટ્રેડિંગ 18,398 પર બંધ થયું છે.

બેન્ક નિફ્ટીએ બજારને પાછળ રાખી દીધું હતું અને આજે ફરી એકવાર તેની સર્વકાલીન ઉચ્ચ સપાટીને સ્પર્શી હતી અને ત્યાંથી પરત ફર્યા હતા. 14 ડિસેમ્બર, 2022 ના રોજ, બેંક નિફ્ટી તેની સર્વકાલીન ઉચ્ચતમ સપાટીને સ્પર્શી હતી અને આજે ફરી એકવાર આ ઇન્ડેક્સ આ સ્તરે ગયો છે. આજે બેન્ક નિફ્ટીએ 44,000ની સપાટીને સ્પર્શીને ઊંચી સપાટી દર્શાવી હતી. જોકે ફાર્મા સેક્ટરે આજે સારું પ્રદર્શન કર્યું ન હતું અને તેના શેરમાં આજે ડાઉનટ્રેન્ડ જોવા મળ્યો છે.

સેન્સેક્સ અને નિફ્ટીની સ્થિતિ

બીએસઈના સેન્સેક્સના 30 શેરોમાંથી 23 શેરોમાં તેજી જોવા મળી હતી અને માત્ર 7 શેરો ઘટાડા સાથે બંધ થયા હતા. આ સિવાય NSEના નિફ્ટીના 50 માંથી 33 શેરોમાં ઉછાળો જોવા મળ્યો હતો અને 17 શેરોમાં ઘટાડા સાથે બંધ થયો હતો.

આર્યન ખાન કેસની ડીલ 18 કરોડમાં થઈ હતી, 50 લાખની એડવાન્સ પેમેન્ટ, વાનખેડે વિરુદ્ધ FIRમાં ખુલાસો

આર્યન ખાન કેસમાં પૂર્વ NCB ઓફિસર સમીર વાનખેડે મુશ્કેલીમાં ફસાયેલા જોવા મળી રહ્યા છે. CBIએ નાર્કોટિક્સ કંટ્રોલ બ્યુરો (NCB)ના મુંબઈ ઝોનના ભૂતપૂર્વ ડિરેક્ટર વિરુદ્ધ FIR નોંધી છે. જેમાં સમીર વાનખેડે પર અભિનેતા શાહરૂખ ખાનના પુત્ર આર્યન ખાનને ફસાવવાના બદલામાં 25 કરોડની લાંચ માંગવાનો આરોપ છે. FIRની કોપી અનુસાર, સમીર વાનખેડેના કહેવા પર ગોસાવીએ આર્યન ખાન કેસમાં 25 કરોડની માંગણી કરી હતી. આ રકમના બદલામાં આર્યન ખાનને ડ્રગ્સના કેસમાં ફસાવવામાં નહીં આવે તેવી ખાતરી આપવામાં આવી હતી.

ગોસાવી વાનખેડે માટે ડીલ કરતો હતો

એફઆઈઆરની કોપી અનુસાર, સમીર વાનખેડેએ ગોસાવીને સોદા માટે પૈસાના મામલે સંપૂર્ણ છૂટ આપી હતી. ગોસાવીએ 18 કરોડમાં ડીલની પુષ્ટિ કરી હતી. એટલું જ નહીં ગોસાવીએ એડવાન્સ તરીકે 50 લાખ રૂપિયા પણ લીધા હતા. એફઆઈઆર મુજબ તપાસમાં સમીર વાનખેડેએ પણ પોતાની વિદેશ યાત્રા વિશે સાચી માહિતી આપી ન હતી. તેણે તેની મોંઘી ઘડિયાળ અને કપડાં વિશે પણ સત્ય જણાવ્યું ન હતું. FIRમાં સમીર વાનખેડેની અપ્રમાણસર સંપત્તિનો પણ ઉલ્લેખ કરવામાં આવ્યો છે.

સીબીઆઈએ વાનખેડેના ઘરે દરોડા પાડ્યા હતા

12 મેના રોજ, સમીર વાનખેડે વિરુદ્ધ એક મોટી કાર્યવાહીમાં, સીબીઆઈએ તેના પરિસરમાં દરોડા પાડ્યા હતા. સીબીઆઈની ટીમે વાનખેડેની તેમના મુંબઈના ઘરે 13 કલાકથી વધુ સમય સુધી પૂછપરછ કરી હતી. સીબીઆઈના અધિકારીઓ વાનખેડેના પિતા, સસરા અને બહેનના ઘરે પણ પહોંચ્યા હતા.

IPL 2023: ધોનીના ચાહકો માટે મોટા સમાચાર, માહી નહીં કહે IPLને અલવિદા

IPL 2023 સમાપ્ત થવાના આરે છે. ટુર્નામેન્ટમાં માત્ર 9 લીગ મેચો બાકી છે. આ પછી ચાર ટીમો ફાઈનલ માટે લડશે. આ દરમિયાન ચેન્નાઈ સુપર કિંગ્સના ચાહકો માટે સારા સમાચાર આવ્યા છે. ટીમના કેપ્ટન મહેન્દ્ર સિંહ ધોની IPLને અલવિદા નહીં કહે. ચેન્નાઈના સીઈઓ કાસી વિશ્વનાથનને આશા છે કે તે ધોનીની આગામી IPA રમશે.

ચેન્નાઈએ 14 મેના રોજ ચેપોક સ્ટેડિયમ ખાતે KKR સામે IPL 2023 ની છેલ્લી હોમ મેચ રમી હતી. આ મેચ બાદ મહેન્દ્ર સિંહ ધોનીએ આખા મેદાનની આસપાસ ફર્યો અને પ્રશંસકોને સાઈન કરેલા બોલ આપ્યા. આ પછી, ચાહકો અનુમાન કરવા લાગ્યા કે આ ધોનીની છેલ્લી સિઝન છે. દરમિયાન, ટીમના સીઈઓએ કહ્યું, “અમે આશા રાખીએ છીએ કે મહેન્દ્ર સિંહ ધોની આગામી આઈપીએલ પણ રમશે.

ધોનીએ એ પણ સ્પષ્ટ કર્યું છે કે આ સિઝન છેલ્લી સિઝન નથી

આ સિઝનની શરૂઆતથી જ એમએસ ધોનીના નિવૃત્તિને લઈને અટકળો લગાવવામાં આવી રહી હતી. પરંતુ તેઓએ સીઝનની મધ્યમાં તેના વિશે વાત કરી. એક મેચમાં ટોસ દરમિયાન, ટીવી પ્રસ્તુતકર્તા ડેની મોરિસને તેને પૂછ્યું કે તમે તમારી છેલ્લી IPL સિઝન રમીને કેવું અનુભવો છો? જેના જવાબમાં ધોનીએ કહ્યું હતું કે તમે નક્કી કર્યું છે કે આ મારી છેલ્લી સિઝન છે, હું નહીં.

IPL 2023માં ધોનીએ શાનદાર ફોર્મ બતાવ્યું હતું

IPLની આ સિઝનમાં મહેન્દ્ર સિંહ ધોની ચેન્નાઈ માટે શાનદાર ફિનિશર સાબિત થયો હતો. તે અંતમાં આવ્યો અને ઘણી ટૂંકી અને પ્રભાવશાળી ઇનિંગ્સ રમી. તેણે 13 મેચની 9 ઇનિંગ્સમાં 49ની એવરેજથી 98 રન બનાવ્યા છે. આ દરમિયાન તેણે 196ના ધમાકેદાર સ્ટ્રાઈક રેટથી બેટિંગ કરી છે. આ ઇનિંગ્સમાં તેનો ઉચ્ચ સ્કોર અણનમ 32 રન હતો. તે જ સમયે, ધોનીએ અત્યાર સુધી બેટથી 10 છગ્ગા અને 3 ચોગ્ગા ફટકાર્યા છે.

કર્ણાટકમાં ગુરુવારે થઈ શકે છે સીએમ પદના શપથ, ડીકે શિવકુમાર કે સિદ્ધારમૈયામાં કોનું પલડું ભારે ?

કર્ણાટકના આગામી મુખ્યમંત્રી કોણ બનશે તેના પર સસ્પેન્સ યથાવત છે. કર્ણાટકમાં સીએમ પદની શપથ ગ્રહણ ગુરુવારે થઈ શકે છે. પૂર્વ મુખ્યમંત્રી સિદ્ધારમૈયા અને કોંગ્રેસના પ્રદેશ અધ્યક્ષ ડીકે શિવકુમાર મુખ્યમંત્રી પદની રેસમાં આગળ છે. કોંગ્રેસના સૂત્રોએ જણાવ્યું કે સિદ્ધારમૈયાનો હાથ ઉપર છે. એવું માનવામાં આવે છે કે સિદ્ધારમૈયાને મોટાભાગના ધારાસભ્યોનું સમર્થન મળ્યું હશે, પરંતુ જો ડીકે શિવકુમારને વધુ સમર્થન મળ્યું હોત, તો નિર્ણય તેમના પક્ષમાં જઈ શકે છે. કોંગ્રેસના સૂત્રોના જણાવ્યા અનુસાર, પાર્ટી નેતૃત્વ વિચારી રહ્યું છે કે આજે અથવા આવતીકાલ સુધીમાં મુખ્યમંત્રીના નામની જાહેરાત કરવામાં આવે અને ગુરુવારે શપથ લેવડાવે. અત્યાર સુધીની વિચારસરણી મુજબ એક મુખ્યમંત્રી અને માત્ર એક નાયબ મુખ્યમંત્રીની સાથે 24-25 મંત્રીઓએ પણ એકસાથે શપથ લેવા જોઈએ.

જો સિદ્ધારમૈયાને સીએમ નહીં બનાવવામાં આવે તો વિભાજન થઈ શકે છે

સૂત્રોના જણાવ્યા અનુસાર ડીકે શિવકુમાર સાથે અન્ય ઘણા મુદ્દાઓ છે જેને ધ્યાનમાં રાખવાની જરૂર છે. મુખ્યમંત્રી કોઈપણ પ્રકારના આરોપોથી સ્વચ્છ હોવા જોઈએ. સૂત્રોનું કહેવું છે કે જો ડીકે શિવકુમારને મુખ્યમંત્રી ન બનાવવામાં આવે તો પણ પાર્ટીમાં ભાગલા પડવાનો અવકાશ નથી, પરંતુ સિદ્ધારમૈયાને નહીં બનાવવાને કારણે પાર્ટીમાં ભારે નારાજગી જોવા મળી શકે છે.


સિદ્ધારમૈયા દિલ્હી જવા રવાના થયા

કોંગ્રેસ દ્વારા નિયુક્ત કરાયેલા ત્રણ નિરીક્ષકો સોમવારે નવા ચૂંટાયેલા ધારાસભ્યો સાથે અલગ-અલગ વાત કરીને દિલ્હી પરત ફર્યા હતા. તેઓ પાર્ટી અધ્યક્ષ મલ્લિકાર્જુન ખડગેને રિપોર્ટ સોંપશે. સિદ્ધારમૈયા દિલ્હી જવા રવાના થઈ ગયા છે, જ્યારે બીજી તરફ શિવકુમારનું કહેવું છે કે તેમને દિલ્હી આવવા માટે કોઈ ફોન આવ્યો નથી. નવા ચૂંટાયેલા ધારાસભ્યોએ રવિવારે સીએલપીની બેઠક દરમિયાન આગામી મુખ્ય પ્રધાનની પસંદગી કરવાનું મલ્લિકાર્જુન ખડગે પર છોડી દીધું હતું.

દિલ્હી પહોંચતા જ કર્ણાટકના કોંગ્રેસના પ્રભારી રણદીપ સિંહ સુરજેવાલાએ કહ્યું કે ગઈકાલની બેઠકમાં બે ઠરાવ પસાર કરવામાં આવ્યા હતા. કોંગ્રેસ અધ્યક્ષ મલ્લિકાર્જુન ખડગેને આગામી કોંગ્રેસ વિધાનમંડળ પક્ષના આગામી નેતાની પસંદગી કરવા માટે અધિકૃત કરવા માટે આભાર પ્રસ્તાવ અને બીજો પ્રસ્તાવ હતો. સુપરવાઈઝરોએ દરેક સાથે ચર્ચા કરી અને આજે રાત સુધીમાં તેમનો રિપોર્ટ મલ્લિકાર્જુન ખડગેને આપશે.

એપ્રિલમાં જથ્થાબંધ મોંઘવારી દર 34 મહિનાના નીચલા સ્તરે

નવી દિલ્હીઃ જથ્થાબંધ મોંઘવારી દર એપ્રિલમાં નકારાત્મક ગ્રોથ જોવા મળ્યો છે. એપ્રિલમાં જથ્થાબંધ મોંઘવારી દર (-) 0.92 ટકા રહ્યો હતો. માર્ચમાં મોંઘવારી દર (WPI) 1.34 ટકા રહ્યો હતો. આ પ્રકારે એપ્રિલમાં સતત 11મા મહિને જથ્થાબંધ મોંઘવારી દરમાં ઘટાડો જોવા મળ્યો હતો. ક્રૂડ ઓઇલની કિંમતોમાં ઘટાડો, વીજની કિંમતોમાં ઘટાડો અને નોન ફૂડ અને ફૂડ આર્ટિકલની કિંમતોમાં ઘટાડાને કારણે મોંઘવારી દરમાં ઘટાડો જોવા મળ્યો હતો.

માસિક ધોરણે એપ્રિલમાં પ્રાઇમરી આર્ટિકલ WPI 2.40 ટકાથી ઘટીને 1.60 ટકા પર આવ્યો હતો. ફ્યુઅલ એન્ડ પાવર WPI માર્ચના 8.96 ટકાથી ઘટીને 0.93 ટકા પર રહ્યો છે. એપ્રિલમાં ઉત્પાદિત ઉત્પાદનોનો મોંઘવારી દર (-)0.77 ટકાથી ઘટીને (-) 2.4 ટકા રહ્યો હતો.

34 મહિનાના નીચલા સ્તરે

એપ્રિલમાં જથ્થાબંધ મોંઘવારી દર 34 મહિનાના નીચલા સ્તરે પહોંચ્યો છે. માસિક ધોરણે એપ્રિલમાં બટાટાનો જ્થ્થાબંધ બજારમાં ભાવ (-) 23.67 ટકાથી વધીને (-) 18.66 ટકા રહ્યો હતો. એ જ રીતે ડુંગળીની જથ્થાબંધ કિંમતોનો મોંઘવારી દર માર્ચના (-)36.83 ટકાથી વધીને (-) 18.41 ટકા રહ્યો હતો. જ્યારે ઇંડાં, માંચનો જથ્થાબંધ મોંધવારી માર્ચના 1.36 ટકાથી ઘટી 0.77 ટકા થયો હતો.

દેશમાં રિટેલ મોંઘવારી ઘટીને 4.7 ટકા પર આવી ગયો છે. એ 18 મહિનાના નીચલા સ્તરે છે. જે ગયા મહિને વધીને 5.7 ટકાએ હતો.  મોંઘવારી દરમાં ઘટાડાની અસર RBIની આગામી બેઠકમાં ધિરાણ નીતિની સમીક્ષા કરતી વખતે વ્યાજદરો અંગે નિર્ણય લેતી વખતે પડશે.

 

 

 

 

 

સચિન પાયલોટની પદયાત્રા, અશોક ગેહલોત સરકારને આપી ચેતવણી

કોંગ્રેસ નેતા સચિન પાયલટે રાજસ્થાનમાં જન સંઘર્ષ યાત્રા કાઢી છે. સોમવારે (15 મે) યાત્રાનો પાંચમો અને છેલ્લો દિવસ હતો. આ દરમિયાન તેણે કહ્યું કે મારા પ્રખર વિરોધીઓ પણ મારી કામ કરવાની રીત અને મારી વફાદારી પર આંગળી ચીંધી શકતા નથી. હું કોઈ પણ હોદ્દો સંભાળું કે ન રાખું, હું મારા છેલ્લા શ્વાસ સુધી રાજસ્થાનની જનતાની સેવા કરતો રહીશ. હું ડરતો નથી.

તેમણે કહ્યું કે આ મહિનાના અંતમાં જો ત્રણેય માંગણીઓ સ્વીકારવામાં નહીં આવે તો યુવાનો માટે હું સમગ્ર રાજ્યમાં ભ્રષ્ટાચાર સામે આંદોલન કરીશ. અમે ગામમાં દરેક જગ્યાએ જનતા સાથે ચાલીશું. મેં ક્યારેય કોઈ પર આરોપ લગાવ્યો નથી, ક્યારેય કોઈની વિરુદ્ધ ખરાબ શબ્દ નથી ઉચ્ચાર્યો. તમે મારી સાથે દુર્વ્યવહાર કરો છો, મારા પર આરોપ લગાવો છો, મને ચિંતા નથી. લોકો જનાર્દન છે. જે બાળકોના પેપર રિજેક્ટ થયા છે તેઓ નિરાશ છે, પરંતુ તેની કોઈ જરૂર નથી.


મારે જે પણ બલિદાન આપવા પડશે તે હું આપીશ

પાયલોટે કહ્યું કે મારા કારણને લોકોનું સમર્થન મળ્યું છે. હું એક વચન આપવા માંગુ છું કે હું લાંબા સમયથી રાજકારણ કરી રહ્યો છું. આ યાત્રામાં મારી સાથે ઘણા સાથીઓ હતા અને હું કહેવા માંગુ છું કે હું મારા છેલ્લા શ્વાસ સુધી રાજ્યની જનતાની સેવા કરતો રહીશ. રાજનીતિ માત્ર પદ માટે નથી, મારે જે પણ બલિદાન આપવું પડશે તે આપીશ. તેમણે કહ્યું કે અમારી માંગ છે કે પેપર લીક પીડિતોને વળતર મળવું જોઈએ, આરપીએસને વિસર્જન કરવું જોઈએ, પસંદગી પ્રક્રિયા નવેસરથી નક્કી કરવામાં આવે. વસુંધરા સરકાર પર લાગેલા આરોપોની તપાસ થવી જોઈએ.

અમારો સંઘર્ષ કોઈ નેતા સામે નથી

પૂર્વ ડેપ્યુટી સીએમએ કહ્યું કે અમારો સંઘર્ષ કોઈ નેતા સામે નથી. તે ભ્રષ્ટાચાર વિરુદ્ધ છે. જ્યારે રાજસ્થાનમાં અમારી સરકાર હટાવવામાં આવી ત્યારે કોંગ્રેસ પાસે બહુ ઓછી બેઠકો હતી. ત્યારે મને કહેવામાં આવ્યું કે તમારે કોંગ્રેસના અધ્યક્ષ બનવું છે. અમે પાંચ વર્ષ સાથે કામ કર્યું. વસુંધરા રાજેના શાસનમાં થયેલા ભ્રષ્ટાચારને અમે જવાબદાર ઠેરવ્યા હતા. જ્યારે અમારી સરકાર બની ત્યારે અમે જે કહ્યું હતું તે કર્યું, પરંતુ અમારા દ્વારા કરાયેલા આક્ષેપને આજે સાડા ચાર વર્ષ થઈ ગયા છે, પરંતુ કોઈ કાર્યવાહી કરવામાં આવી નથી.

રાજસ્થાનના લોકો સમજદાર છે

તેમણે કહ્યું કે હું તેમને સતત પત્ર લખતો રહ્યો, ગૃહમંત્રીને પણ પત્ર લખ્યો. હું ઉપવાસ પર પણ ઊતર્યો હતો, પરંતુ કોઈ પગલાં લેવાયા નહોતા. પછી મેં વિચાર્યું કે ભ્રષ્ટાચારનો આ મુદ્દો જાહેરમાં જવો પડશે. આ પેપર કેવી રીતે લીક થાય છે, આખી સિસ્ટમ બદલવી પડશે. આપણા યુવાનોનું જીવન અંધકારમાં જઈ રહ્યું છે. દર વર્ષે 20 થી 25 લાખ બાળકો ગામડામાંથી શહેરમાં આવે છે, કોચિંગ કરે છે. તેમના માતા-પિતા પેટ કાપીને ફી ભરે છે. તેમના પેપર કેન્સલ થાય છે, પેપર લીક થાય છે, ઉંમર પસાર થાય છે. જો યુવાનોનું ભવિષ્ય સુરક્ષિત નથી તો દેશ પણ સુરક્ષિત નથી. રાજસ્થાનના લોકો સમજદાર છે, તેઓ સાચું-ખોટું બધું જ સમજે છે.

સુપ્રીમ કોર્ટના ન્યાયમૂર્તિ એમ.આર. શાહ વિદાય સમારંભમાં રડી પડ્યા

નવી દિલ્હીઃ દેશની સુપ્રીમ કોર્ટમાં વરિષ્ઠતાની દ્રષ્ટિએ ચોથા નંબરે આવતા ન્યાયમૂર્તિ એમ.આર. શાહ આજે નિવૃત્ત થયા. આજે કોર્ટમાં એમના માનમાં વિદાય સમારંભ યોજવામાં આવ્યો હતો. કારકિર્દીના આજે આખરી દિવસે જસ્ટિસ શાહ કોર્ટરૂમમાં ભાવૂક થઈ ગયા હતા. આંખોમાં આંસુ સાથે એમણે કહ્યું હતું, ‘હું નિવૃત્ત થાઉં એમાંનો નથી. હું જીવનમાં નવી ઈનિંગ્ઝ શરૂ કરીશ.’

જસ્ટિસ એમ.આર. શાહને આજે પરંપરાગત રીતે વિદાયમાન કરવામાં આવ્યા હતા. તે બેન્ચનું પ્રમુખપદ દેશના વડા ન્યાયમૂર્તિ ડી.વાઈ. ચંદ્રચુડે સંભાળ્યું હતું. જસ્ટિસ શાહે વિદાયવેળાનું સંબોધન કર્યું હતું અને તેના અંતભાગમાં તેઓ રડી પડ્યા હતા. એમની આંખોમાં આંસુ આવી ગયા હતા. એમણે કહ્યું, હું ઈશ્વરને પ્રાર્થના કરું છું કે મને જીવનની નવી ઈનિંગ્ઝ રમવા માટે શક્તિ, હિંમત અને તંદુરસ્તી આપે. જતી વખતે હું રાજ કપૂરની ફિલ્મ ‘મેરા નામ જોકર’ના એ લોકપ્રિય ગીતની કડીઓને યાદ કરીશ: ‘કલ ખેલ મેં હમ હો ન હો, ગર્દિશ મેં તારે રહેંગે સદા… જીના યહાં, મરના યહાં.’ એમ બોલતાં તેઓ રડી પડ્યા હતા.

જસ્ટિસ એમ.આર. શાહને 2018ની બીજી નવેમ્બરે સુપ્રીમ કોર્ટના જજ તરીકે નિયુક્ત કરવામાં આવ્યા હતા. એમની નિવૃત્તિ સાથે, સુપ્રીમ કોર્ટમાં જજોની સંખ્યા ઘટીને 32 થઈ ગઈ છે, જેમાં વડા ન્યાયમૂર્તિનો પણ સમાવેશ થાય છે.

જસ્ટિસ મુકેશ રસીકભાઈ શાહનો જન્મ 1958ની 16 મેએ થયો હતો. તેઓ 1982ની 19 જુલાઈએ એડવોકે તરીકે પ્રવેશ પામ્યા હતા. એમણે ગુજરાત હાઈકોર્ટમાં પ્રેક્ટિસ કરી હતી. તેઓ જમીન, બંધારણીય તેમજ શિક્ષણની બાબતોમાં વિશેષજ્ઞ હતા. 2004ની 7 માર્ચે એમને ગુજરાત હાઈકોર્ટના એડિશનલ જજ તરીકે નિયુક્ત કરવામાં આવ્યા હતા અને 2005ની 22 જૂને કાયમી જજ તરીકે નિયુક્ત કરાયા હતા. 2018ની 12 ઓગસ્ટે તેઓ પટના હાઈકોર્ટના ચીફ જસ્ટિસ તરીકે નિયુક્ત કરાયા હતા. ત્યારબાદ 2018ની 2 નવેમ્બરે એમની સુપ્રીમ કોર્ટના જજ તરીકે બઢતી કરવામાં આવી હતી. તેઓ આજે 15 મેએ નિવૃત્ત થયા છે.

1...2,8742,8752,876...5,212Page 2,875 of 5,212